بلبول Posted يونيو 27, 2003 Report Share Posted يونيو 27, 2003 ياجماعة الخير ... بغيت رايكم في شغلة فنية شوي... أكيد معظمكم سمع مجموعة من الأغاني باللون الاماراتي المنتشرة هالأيام خصوصا على إمارات أف أم...ويؤديها كبار نجوم الخليج بدون إستثناء... شنو رايكم في هالنوع من الأغاني سريعة الظهور والاختفاء (إن صحت التسمية) ؟؟ لاحظ انك تسمع مجموعة كبيرة من الأغاني...متشابهة الألحان...تنفيذ موسيقي متواضع من الناحية الفنية...حشد كبير من الكورال الرجالي و النسائي و الأطفال(على فكرة نفس الحشد يتكرر في كل الأغاني) اللي ماتفهم شقاعدين يقولون في معظم الأحيان ... واللي لاحظته بعد انه كتاب هالأغاني وملحنيها هم مجموعة ثابتة تتكرر في جميع الأعمال..وهذا هو سبب التشابه على ما اعتقد... والأهم من هذا كله..اني سمعت...والعهدة على الراوي...ان هذي الأغاني مادية بحتة...خله أشرح لكم شلون: الوضع الطبيعي في الفن ان المطرب ياخذ نص شعري من شاعر مقابل مردود معين... لكن اللي قاعد يصير في هالأغاني...ان فئة من الشعراء الموسرين(الراهيين يعني) يدفع مبالغ خيالية مقابل ان يغني كلماته النجم الفلاني !!!!! و الله العالم ان كانت فعلا كلماته...عشان جذي صرنا نسمع نجوم كبار...أغانيهم الخاصة من أروع مايمكن...صاروا يغنون هالنوع من الأغاني التجارية في سبيل المادة بس !! على فكرة أنا مب ضد الفن الاماراتي...فيه الكثير من الاغاني الاماراتيه الجميلة لحنا و كلمات و توزيع موسيقي متكامل...انا انتقد نوع معين بس..هو اللي ذكرته لكم ! أنتظر مشاركات الجميع في الموضوع...وسوري إذا ثقلت عليكم...وهذا راي الشخصي Quote Link to comment Share on other sites More sharing options...
mooseqaar Posted يونيو 29, 2003 Report Share Posted يونيو 29, 2003 شي طبيعي إن الأغنيه الإماراتيه تلاقي الإنتشار والنجاح مع إن الفن الإماراتي مايسمى فن! لأن الفن والموسيقى عمره ماصار واستوى بثلاث آلآت وهي العود والكمنجه والوتريات والإيقاعات وهذا هو الفن الإماراتي لكن الفن الإماراتي وجد الإنتشار وبكل صراحه لأن الشيوخ الإماراتيين مثل الشيخ زايد آل نهيان رئيس الإمارات والشيخ محمد بن راشد آل مكتوم قاعدين يساندون الفن الإماراتي ويدفعون فلوس لكبار مطربين الخليج والوطن العربي من أمثال راشد الماجد وعبدالمجيد ونبيل شعيل والبلوشي ونوال الزغبي وأصاله ووائل كفوري وغيرهم وايد علشان إنهم يغنون اللهجه الإماراتيه وغير هذا إعلامهم مهتم بمطربينهم وإمارات إف إم 75 % من أغانيها كلها إماراتيه وطبعاً لو كل دوله في الخليج إتبعت هالأسلوب أكيد راح ينتشر فنها واحنا في البحرين عندنا فنون ماشاء الله منها العرضه وفن الصوت والبحري والبسته وغيرها وايد لكن لاعندنا إعلام يهتم فينا ولاعندنا فنانين يهتمون بهالفنون فنانينا طايحين في التقليد فلان غنى لحن تركي على طول Copy وعلان غنى هندي على طول تيس تبع وراه ;D وفنانينا الكبار مثل أحمد الجميري وإبراهيم حبيب ماينزلون أشرطه وخالد الشيخ وعلي بحر ألبوماتهم توزيعها غربي والشيخ دخل في أوبريت " تحيه لبوسلمان " اللي لحنه ايقاع فن الصوت في كذا اغنيه يعني تصورو لو عندنا إعلام يدعم هالفنون وناس تشتغل عدل جان هالفنون إللي عندنا راحت فوق فوق وجان تخسي الإماراتيين يقربون صوبنا ;D Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.