قطوطه Posted ديسمبر 9, 2004 Report Share Posted ديسمبر 9, 2004 من فتره طويله كانت توصلني ارقام غريبه وكانوا يقولون بالغلط مع الوقت زادت الارقام وصارت توصلني بالهبل. الغريبه ان بعضهم كان يقول انه ماخذه من الشات في الفتره اللي ماكنت ادخل فيها النت من اساسه!!! وماعتقد في بنت عاقله بتروح توزع رقمها وكنت اقول في بالي هذي حركه عشان يكلموني، يعني نقول من الشات ونبدي معاها موضوع طبعا انه اقولهم اني مادخل النت واسد الخط مع ازدياد السالفه شكيت في الموضوع وقلت اكيد في شخص قاعد يوزع رقمي ومن فتره مب طويله اكتشفت بالصدفه ان في اشخاص قاعده فعلا توزع رقمي وتقول عني حجي ماله اول من اخر مع العلم انهم حتى شكلي ماجافوه يعني لا اعرفهم ولا يعرفوني مجرد يعرفون الرقم كرهت التلفون وكرهت اليوم اللي خذت فيه تلفون وقررت اغير الرقم اللي ابي اسأله للشباب بالتحديد ليش جذي؟؟؟ شنو تستفيدون من السالفه؟؟ شنو تستفيدون من تشويه عرض انسانه من عمركم كله ماجفتوها ولا عرفتوها؟؟؟ ليش ماتخافون ربكم وتفكرون ان انتوا بعد عندكم عرض واحتمال يصيده اللي قاعدين تسونه؟؟ طبعا انه ماقول ان كل الشباب جذي بس ابي اعرف ليش؟ وبحكم انكم شباب اكيد تعرفون شلون يفكرون الشباب اللي يسوون مثل هالحركات عن جد ابي اعرف ليش؟؟؟ واسفه على الاطاله تحياتي Quote Link to comment Share on other sites More sharing options...
mad girl Posted ديسمبر 9, 2004 Report Share Posted ديسمبر 9, 2004 قطوطه موضوعج حلوو وايد وانه تقريبا غيرته ثلاث مرات وللحين اشوف ارقام غريبه واخر واحد الحين عندي ماعطيته الا حق ربعي اللي اوكي وياي لان شكلهم البنات هما اللي يوزعون رقمي للأسف اما الشباب الله يستر منهم شنو الفايده من اللي يسووونه يستانسون ؟ فرضا صار لهم نفس الشي ويا خواتهم شبيسوون ؟؟ بس انتي حاولي لاتعطين حق احد رقمج الا اللي تعرفينهم واللي كلوز وياج وشوفي شنو النتيجه ومسامحه .. Quote Link to comment Share on other sites More sharing options...
قتــ(الحسرات)ــيلة Posted ديسمبر 9, 2004 Report Share Posted ديسمبر 9, 2004 اسالووووووووووني عن الحاااااااااااااال صايدتني نفس السااااااااااااااااااااالفه وضايق خلقي منها من قلب وربي :( :( :( :( لاااا وياريت الي يتصلون بس من البحرين لايفوتكم رقمي وصل السعوديه بعد بااااااااااااااااابدله والله يتسر والله يسامحد يسوي الي فيني جذي بس ياربي اشوف فيه يوم عفس حياتي Quote Link to comment Share on other sites More sharing options...
أحمد البنعلي Posted ديسمبر 9, 2004 Report Share Posted ديسمبر 9, 2004 السلام عليكم .. سؤال اختي قطوطة,, شلون ارقامج وصلت حق هالشباب؟؟ يعني تم يخربط مثلا لين ما وصل لج ؟؟ وشكرا ...... Quote Link to comment Share on other sites More sharing options...
! شيخة الحلوين ! Posted ديسمبر 9, 2004 Report Share Posted ديسمبر 9, 2004 مشكووورة اختي عالموضوع .. وانه مثلج .. يتصلون لي صبيان اشكثر والله لاعت جبدي .. يقولون من الشات .. اقولهم انه موغبية عشان انشر رقمي بالشات .. ويسندروني .. لين اعطي ابوي او ولد خالتي الرقم يكلمونهم ويالله يالله تقل الأرقام الغريبه .. لانه حته ارقام من خارج البحرين اتييني .. وبعدين غيرت رقمي وعطيت ربعي الي كلش اوكي وياهم رقمي .. واحين احس خفت الأرقام .. بس ساعات الصبيان يتلعبون ويخربطون ارقام واذا سمعوا صوت بنية يمللونها .. طبعاً مو كل الصبيان .. بس حته لو ليشششش يسون جذي .. بالعكس اهمه لازم يخافون على بنات ديرتهم .. ويدافعون عنهم .. ويعتبرونهم مثل خواتهم .. مثل مااهمه مايبون احد يسوي في خواتهم هذي الحركات ... ووووو سوووري على الأطالة ... ويعطيج العافية اختي .. Quote Link to comment Share on other sites More sharing options...
AnGeLo 3ABADI Posted ديسمبر 9, 2004 Report Share Posted ديسمبر 9, 2004 فكره اكثر من حلوه بل هي رائعه ، وانشاء الله تكون محض تفاعل من قبل جميع الاعضاء في منتدانا الجميل ،فلكل مشكله حل حتى لو كان حلها صعب و لكن لها حل قد لا نجده اليوم او غداً و لكن سوف نجد في يوماً ما . تحياتي Quote Link to comment Share on other sites More sharing options...
ЭŁģόммąŗ Posted ديسمبر 9, 2004 Report Share Posted ديسمبر 9, 2004 السلام عليكم موضوع حلو بصراحه ويمكن يعاني منه البعض ؟؟ نمسك المشكله خطوة بخطوة ؟!! اولا اشلون راح يوصل الرقم الى كذا شخص ونتعرض للمضايقات ؟؟ الواحد منا لين يظهر رقم مايروح يوزع رقمه للي يسوى ومايسوة ...بالعكس المفروض يحافظ عليه ومايعطيه الا للمقربين له والي يوثق به ...حزتها ماراح يتوزع الرقم ولا راح تتعرضون للمضايقات... اختي ...مثل ماقلتي في مشكلتج الي موزع رقمج يعرفج الظاهر((ونفس كلام بوحمد يعني تم يخربط مثلا لين ما وصل لج ؟؟)) وهذي معناته ان انتي عطيتي ارقام حق ناس مايستاهلون وماينوثق فيهم ....فالومي نفسج في البدايه ! شيخة الحلوين !....اختي العزيزه مب معقوله ان الكل بيتصلون على ارقام غلط !! وحتى ولو واحد اتصل باغلط فرضا وسمع صوت ناعم وحب ياذيها ....انزين ماعندكم ريال في البيت اتخلينه ايرد عليه انزين مايطلع الرقم عندج عطيه واحد من اهلج وبيتصرف معاه ...انتهت السالفه ليش تاخذون وتعطون معاهم ! يمكن صج اكثركم ياعني من هذي السالفه بس انه عمري ماصار لي هالسوالف يعني حتى رقم بالغلط ماخبر ياني الا نادرا يمكن ....ليش ماعاني من الي يصيدكم ؟؟ اتعرفون ليش لان رقمي مب سبيل حق الي يسوه ومايسوه ...انه قبل لا افكر اعطي رقم حق وحده لازم اعرفه عدل قد ثقه عى اني اعطيها رقمي ... خواتي ...وانتوا بنات واكيد بنات ناس وماتحبون ان ارقامكم تتوزع للي يسوى ولي مايسوى ....وسيرتكم تنقال حق الي يسوه والي مايسوه ...على العموم تعلموا من هالدرس وان شاء الله ماراح تتعرضون حق اي نوع من المضايقات.. الحين بافتر على الجانب الثاني ....الشاب في هذي الايام ومن الفراغه انقهر على فلانه ولا غيرها قام وزع رقمها على شله ...ليش ماتفكرون ماعندكم اهل خوات اعيال عمام اي شي ...فكروا فيها عدل كما تدين تدااااااااااان ...اذا مب اليوم مرد بيك اعيال وبنات وبيصدهم مثل ماسويت في خلق الله .... وين قبل ولد الفريج يخاف على بنت الفريج اااايه زمن راح <_< Quote Link to comment Share on other sites More sharing options...
لاتغـرك الدنيـا ولا تغـرك احوالي Posted ديسمبر 9, 2004 Report Share Posted ديسمبر 9, 2004 تسلمين عمري على هالموضوع وانا بعد قبل فتره بسيطه انحطيت في موقف جريب من اللي انتي فيه وحده من فريجنا سابقا وكانت معاي بالمدرسه ايام اعدادي يعني من زماااااااااااااان وياتها ايام قبل جم اسبوع طايحه عندي طيحه واخرتها البنت تبي تعرفني على اخوها رفضت وقلت لها لااااااااااااااااااء <_< عقب فترة رتبنا طلعة انا واهي وجم وحده الا اخوها في نفس المكان اللي كنا رايحينه. وقالت صدفه.. عقبها ردت على نفس الموضوع وهم قلت لها لاااء الا ذاك لسبوع اخوها متصل ومن قال انه اخوها سالته عنها عبالي فيها شي طلع ماخذ رقمي منها عشان يكلمني B) طلبت منه يسكر الخط بهدؤ وكلمت اخته وزفيتها وقلت لها لو انحطت بنفس الموقف شنو بيكون ردها او راي اخوها وظليت اصيح على الوضع الغلط اللي أنحطيت فيه وعلى اللي صارلي من ناس ماعطتهم ثقه ماهم كفو يشيلونها .. اسفه على الاطاله بس من حرتي ..... الحين مو بس لصبيان مالهم امان ، البنات صارو اخس وادمر الله يستر علينا ويكفينا شرهم Quote Link to comment Share on other sites More sharing options...
احلى قمر Posted ديسمبر 9, 2004 Author Report Share Posted ديسمبر 9, 2004 نورتي الموضوع يا ليش لوفر واكيد بنسفتيد من دراستج منورة منورة قلبي واتمنى انج تنظمين معانا..لان محتاجين لاراء حلووة وقيمه.. تحياتي Quote Link to comment Share on other sites More sharing options...
قطوطه Posted ديسمبر 9, 2004 Report Share Posted ديسمبر 9, 2004 mad girl انتي الاحلى حبيبتي وبسوي اللي قلتيه وبجوف النتيجه وتسلمين قتيلة الحسرات انه بعد توصلني من السعوديه ومن الامارات مب بس من البحرين الله يعينج وانصحج تسوين مثلي وتبدلين الرقم وشكرا على مرورج بوحمد هلا اخوي والله شلون وصل رقمي مادري بس اللي اعرفه ومتأكده منه ان اللي يعرفون رقمي كلهم ثقه لان اصلا محد يعرف رقمي غير اهلي وربعي اللي كلش علاقتي قويه معاهم بس اتوقع ان مثل ماقلت احد قعد يخربط وطق رقمي ويمكن لمن زفيته انقهر ووزع الرقم والشباب مايقصرون بارزين لهالسوالف كل واحد عطاه الثاني لين ما انتشر غير انه يمكن فعلا وزعه بالشات فصار الانتشار اسرع وشكرا على المرور شيخة الحلوين كلامج عين الصواب بس ياريت الشباب اللي من هالنوع ينتبهون لهالشي ويعدلون من نفسهم وتسلمين عيني LAISH_LOVER يا عمري انه محد يعرف رقمي غير اهلي وربعي اللي واثقه فيهم عدل مارحت وزعته على الي يسوى واللي مايسوى بس للاسف في بعض الشباب هوايتهم التحجج فيطق اي رقم واهو وحظه اذا طلعت بنت ياويلها يا سواد ليلها وللعلم انه ماخذ ولا عطي مع اللي يتصلون واعتقد ان اللي وزع الرقم انقهر لاني ماعطيته ويه وحب ينتقم تسلمين وشكرا على رايج لا تغرك الدنيا الله يساعدج على ما بلاج والله هالاوادم غلط وتسلمين عزيزتي على المرور تحياتي للجميع Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.