Ba7RiNi-CooL28 Posted يوليو 1, 2003 Report Share Posted يوليو 1, 2003 عفا الله عن خطا غدر الخناجر والضلوع ابطال باسامح واتركك تحت الظلام الحالك لحالك دخيلك وفر دموعك ترى هدر الدموع اذلال وترى مافيه احد يصبر مثل صبري بغربالك انا عيب علي انقض كلامي والرجال أفعال واذا قلت اقطع حبالك تراني بقطع حبالك عشان اكسب هدب عيني تجرعت العذاب أشكال وليتك تراف بحالي علشان اراف بحالك مسوي في حياتي شي مايذكر ولا ينقال حتى العدو واهو العدو ما يعمل أعمالك تمسيني على الهم وتصبحني على الغربال تقلطني فناجيلك وتقصر عني دلالك تحملت التعب لاجلك وانا حملي يهد جبال رحلت من العذاب وما وقفت الا على جالك علامك كلما اجيك متواضع جيتني تختال معاك اليا متى باصبر وصبري معك يحلى لك مثل ما اقبلت لعيونك لزوم تلدلي باقبال ومثل ما قد حشمتك حس واحشم قلبي اشوالك انا محد بجابرني اساير معك هالمنوال ترى ماني تبيع لك ولاني اصغر عيالك انا حبيت اعشقك نبض ومشاعر ما اعشقك تمثال انا جيت اسكنك واحياك وابقى فيك وابقى لك انا جيت اب ظمى عاشق تعب يطرد سراب اللال انا جيت استفز رضاك من فرقاك والجا لك انا ما همت بك عاقل انا كنت اعشقك بخبال انا ما كنت احبك حي انا كنت اعشقك هالك تخيل من كثر ما خفت تلقى للزعل مدخال اخاف اخطي على طيفك وادوس برجلي ظلالك تبعتك والعرب تتبع رعود البارق الهمال وانا شفت المطر يتبعك في حلك وترحالك كأن الي خلق حسنك خلقني مع جسدك ظلال وصرت اقرب جسد يمشي معك باقفاك واقبالك ابي قلبك يحس انه فقد بمحبته رجال ملكته من هدب عين وخسرت ارضاه باهمالك صحيح ان الفراق اقسى ولكن الوصال محال وانا صعب على ارضي غرورك واضعف قبالك بعد ما حققت عيني فبعدك للرقاد امال اعود للسهر! ياخوي فال الله ولا فالك ببدل نظرتك فيني واجي لك كل يوم بحال باكون اقرب من ثيابك عليك ولا اتهيالك بالمك وانثرك واجمعك وارجع انثرك باهمال باخونك وازعلك وارضيك وازعل منك وارضى لك ابرسم بالثرى وجهك وابدفن صورتك iiبرمال ابشكي للعرب فرقاك واضحك عند عذالك ابهديك الوصال فراق واهديك الفراق وصال باسوي مثل ما اشوفك تسوي وافعل افعالك عشان تعرف من فينا الزعول ومن وسيع البال ابيك تذوق فنجالي وانا باذوق فنجالك نصيحه واحتفظ فيها قصر معك الزمن او طال ابي تسمع كلامي زين وتحطه على بالك اذا حبك هبال اطفال لك عندي هبال أطفال ولا وابشر بعد بهبال حب ماهو بهبالك واذا قصدك تهين اسمي عشان تشمت العذال ترى لا انت ولا غيرك ولا عشره من اشكالك!! بوزيد Quote Link to comment Share on other sites More sharing options...
Bent1979 Posted يوليو 1, 2003 Report Share Posted يوليو 1, 2003 مشاء الله عليك بحريني الصراحه وايد قوي وشكلك متأثر من الشعر بعد وعجبني ولو اني ما عرف بالوزن وايد بس افهم الشعر تحياتي Quote Link to comment Share on other sites More sharing options...
Ba7RiNi-CooL28 Posted يوليو 1, 2003 Author Report Share Posted يوليو 1, 2003 من ذوقج يا بنت ,, وحلت دنياج انشالله. تسلمين ابوي على المداخله تحياتي Quote Link to comment Share on other sites More sharing options...
Ba7RiNi-CooL28 Posted يوليو 1, 2003 Author Report Share Posted يوليو 1, 2003 Quote Link to comment Share on other sites More sharing options...
نواف Posted يوليو 1, 2003 Report Share Posted يوليو 1, 2003 صح لسانك على هالقصيده الحلوه تسلم Quote Link to comment Share on other sites More sharing options...
Ba7RiNi-CooL28 Posted يوليو 7, 2003 Author Report Share Posted يوليو 7, 2003 صح بدنك يا الشيخ Quote Link to comment Share on other sites More sharing options...
ЭŁģόммąŗ Posted يوليو 7, 2003 Report Share Posted يوليو 7, 2003 السلام هذه اجمل قصائد الشاعر الكويتي حامد زيد ....وهي بعنوان التمثال http://www.qassimy.com/qsay11.htm اقتناء وذوق رائع تحيـــــــــاتي Quote Link to comment Share on other sites More sharing options...
albdra Posted يوليو 9, 2003 Report Share Posted يوليو 9, 2003 عشان اكسب هدب عيني تجرعت العذاب أشكال وليتك تراف بحالي علشان اراف بحالك :'( مثل ما اقبلت لعيونك لزوم تلدلي باقبال ومثل ما قد حشمتك حس واحشم قلبي اشوالك :- علامك كلما اجيك متواضع جيتني تختال معاك اليا متى باصبر وصبري معك يحلى لك شكرا بحريني Quote Link to comment Share on other sites More sharing options...
Ba7RiNi-CooL28 Posted يوليو 11, 2003 Author Report Share Posted يوليو 11, 2003 شكرا على الطله يا البدره Quote Link to comment Share on other sites More sharing options...
الازرق Posted سبتمبر 13, 2003 Report Share Posted سبتمبر 13, 2003 [glow=red,2,300]سلام مشكوووووووور اخوووووووي صح السانك تحياتي:[/glow] [glow=red,2,300]اخوكم الازرق [/glow] [shadow=red,left][glow=red,2,300] [/glow] [/shadow] Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.