شذى الروح Posted يناير 31, 2005 Report Share Posted يناير 31, 2005 تسلمي على الاجزاء و ننتظر البقية وبفارغ الصبر Quote Link to comment Share on other sites More sharing options...
shouq22 Posted فبراير 27, 2005 Author Report Share Posted فبراير 27, 2005 السموحة حبايبي على التأخير الجزء 14 في الطريق في سياره خليفه ... مريوم : امييييه ... شفتي خلود ؟؟؟؟؟؟ ام زايد : هيه ... مريوم : شفتي محلاها ... تعق الطير من السما ... حصه : والله ما ينلام محمد يوم بغى يموت عشانها ... فاطوم : قووووولن ما شاء الله ... بتاكلن البنيه ... مريوم وحصوه : ماااااااا شااااء الله ... ام خليفه : الله يخليها لاهلها ... والله يسعدها مع محمد ... وان شاء الله تكون من نصيبه ... مريوم : اميييييييييين ... تدرون ... والله لو ما محمد يباها كنت خذتها حق زيود ... خليفه : لا والله .... حرام عليج تظلمينها مع زيود ... بيطلع قرونه الها .... وبيعقدبها .. ( وفاطوم خطر عليها تفر مريوم من السياره ) ام زايد : وااااا بويه ... شو فيه زيود ... شيخ الريايل .... يكفي انه متغرب حق دراسته ... خليفه : هههههههه ... والله انكم مغترين بزيود هذا .... مريوم : خلوووف .. لا تنس انه مش موجود معانا ... فلا تحش فيه ... مب زين ... خليفه : اوكي اوكي ... السموحه ... حصه : اقول ... انتبهتن للي انتبهت له ... فاطوم : شو ؟؟؟؟؟؟؟؟؟ حصه : كيف كان ويها احمر يوم كانت طالعه من غرفه محمد ... وكانت متشققه ... ظنكن ليش !!!!!!!!!! مريوم : هييييييييه ... انت انتبهتي ... مثل ما نتبهت .. ام خليفه : بسم الله ... حتى لهذا انتبهتن ... ما شاء الله عليكن ... خليفه : هيييييييييي ... شعندكن ... ما بتلمن ثمكن .... قاعدات تحشن في البنيه ... وسكتن ......وكل وحده خطر عليها تفلع خليفه ... لانها هزبهن ... وخليفه طول الطريق يفكر ... شو بو محمد يبغي منه ؟؟؟؟؟؟!! وبعد ما نزل خليفه هله ... رد المستشفى .... وراح حق ابو محمد .... خليفه : خير عمي .. والله شغلت بالي .... بومحمد : ابويه خليفه .. ( مسك ايد خليفه وحط تذاكرتين سفر ) ... هذي تذاكر سفر ... لجنيف ... اباك تروح مع محمد .... خليفه : والله يا عمي ما عرف شو اقولك ... بس ليش هالسفره المفاجئه .... بو محمد : شوف خليفه ... انت اكيد تدري ان محمد رايد بنت عمه ... صح !!! خليفه : هيه ... واللي اعرفه بعد انك قلتله انها ما بتكون الا له ... بو محمد : صح .. انا قلت له ... بس ....... ( وسكت ) خليفه : عمي دخيلك لا تمنعها عنه .... بو محمد : والله انه مش بيدي .....................( وخبره عن اليوم اللي كان بيكلم فيه اخوه .. ويحير خلود لمحمد ... بس تاخر .. وكان اخوه خلاص عطى العرب كلمه ..) خليفه : و محمد ..... بو محمد : عشان جي اريدك .... تسافر معاه .... لاني ما ريده ... يحس بشي ... وورى باجر السفر ... خليفه : انزين ... بنقول .. سافرنا ... نحنا ما بنسافر العمر كله ... ويوم بيرد بيعرف كل شي ... يعني ولا كانا سوينا شي .... بو محمد : اعرف .... بس الله العالم يمكن يصير شي ...يمنع هالعرس ... او انا اقدر اسوي شي .... بس اريد محمد يبعد شوي ... خليفه : خلاص عمي ... اللي تبيه بيصير ... وان شاء الله بسافر مع محمد .... بس محمد يدري بهذي السفره ؟؟!!! بو محمد : انا بغيت اول شي اعرف رايك ... والحين باقوله ... وراحوا صوب محمد .... بو محمد : هااااه بو الشباب .... شو الحال عليك ... محمد : انا مليت ... متى باطلع ....؟؟؟؟؟؟؟ بو محمد : ولا يهمك ... الدكتور قالي ... باجر بيرخصك ... ولا بعد توني معطي خليفه تذاكر سفر ... بتسافر مع خليفه جنيف .... محمد : اوووووووووه .. منو قدي ... بيسفروني جنيف ... خليفه : عيل انا شو اقول .... سفره مجانيه .... بو محمد : ههههههههههههههههههه ... انا منو عندي غيركم ... المهم ... محمد قول حق خليفه ... شو محتاي عشان ياخذه لك .... محمد : ان شاء الله .... بس ابوي ....... بو محمد : هلا الغالي ... محمد : شو بتسوي في سالفه بنت عمي .... بو محمد لف على خليفه .. مش عارف شو يقول ... : امممممممممممممممم .... لانت لا تشغل بالك بها السالفه ... واللي كاتبنه الله بيصير .. وانا الحين باروح واخلي امك وخواتك يرتبن اغراضك ... محمد : ان شاء الله ... وطلعوا بو محمد وخليفه عن محمد ... وكل واحد راح البيت ... في بيت بو محمد ................................ بو محمد : ام محمد ... اووووو ... ام محمد ... ام محمد : يا عيون ام محمد ... بو محمد : اووووووووه .. من متى ؟؟؟؟؟ ام محمد : من اول ما طاحت عيوني عليك .... بو محمد : منو قدري ..... ام محمد تتغزل فيه ... ام محمد : هييه والله من قدك ..... بو محمد : هههههههههه ... شو شفتي عمرج ....!!!!! ام محمد : هههههههه .. لازم اشوف عمري ...جانك انت ريلي .. وتاج راسي .. بو محمد : الله لا يحرمني من شوفج يالغاليه ... وضحى داخله عرض ............. وضحى :اوووووووب اوووووووووب ... من ورانا .... ام محمد : يااااااااالله ... يت الرزه ... وضحى : ما جني انسبيت ....( وتخز امها ) بو محمد : ههههههههههه ... هيه انسبيتي ... الا اقول ... نسيتوني .. وضحى : من حقك تنسى .. ان جانك مجابيل .. المريه ... ام محمد : خير .. شو اللي نسيته ..!!! بو محمد : جهزن اغراض محمد ... بيسافر ورى باجر .. ام محمد : وليش .... شي صاير له ؟؟؟؟؟ ( كانت خايفه ..) بو محمد : لا ما في شي صاير ... بس بيروح نقاهه .. وضحى : اللللللللللللللله اريد ارووووووح معاه .. بو محمد : وين تروحين .. قري هنيه ... خليفه بيروح معاه ام محمد : خلااااااص ... باروح الحين ازهب سمانه ... وضحى : انزين ... وين بيسافر .. بو محمد : بيسافر جنيف ... وضحى : طاالعووووووا ... حراااااااام ... اريد ارووووووح ... والله ظلم .. بو محمد : وليش ان شاء الله ظلم ... وضحى : الله يخليك ... اريد اركب طياره ... والله لو تسفروني بندر عباس وتردوني انا ما عندي مانع بس اركب طياره .. ام محمد : ههههههههههه ... يوم بتعرسين .. ريلج بيسفرج ... وضحى : لااااااااااااااحول ... انزين هو وين !!! ... خلوه أي اول ... بو محمد : والله صدق ما تستحين .. هذا وانا واقف .... يله فارجي ... ما تنعطين ويه .... وضحى : شوووووو !! ... انتوا ما ينمزح معاكم .... بو محمد : عن بو ... هذا مزح ... هذا اسمه قلت حيى .... وضحى : خلاص السموحه ....( وتحبه على راسه ) بو محمد : ههههههههههه ... فديت الادب ... ( ولوى عليها ) قامت ام محمد تنادي مزنه .. تساعدها في ترتيب شنطه محمد ..... ام محمد : مزوووووووون ...اوووووه ... مزووون .. مزنه : لبييييييييييه .. ام محمد : لبيتي حايه .. بس بغيتج تساعديني في ترتيب شنطه اخوج ... ويوم سمعتهم خلود ... طلعت تربع .... ( ملاحظه : وندى وامها كانوا رايحين المينا .. عشان يشترون مواعين ) ووقفت عدال مزنه .. مزنه : خييييييييير .. محمد وين بيسير !!!!!!!!!!!! ام محمد : بيسافر مع خويه خليفه ... بيروحون جنيف .. مزنه : اهااااااااااا ... خلاص اميه ... انت روحي رتاحي وانا وخلود بنرتب الشنطه ... ام محمد : انا باروح حجره الخدامات ...بشوف اذا في له اغراض وله لا ... وبا شوف الدوبي بعد ... ايب كناديره .. وراحت ام محمد ... وراحن مزنه وخلود حجره محمد ... واول ما دخلت خلود ....حست بشي في قلبها .... كان هذي الحجره مالتها هي مش مالت محمد .... خلود : فديييييييييييييييت راعي هالحجره ... مزنه : يا ويل حالج ... يله يله ساعديني ... وعن المصاخه ... خلود : اووووووه مزون ... حرام عليج .... خليني شوي ... اعيش احلامي الورديه ... مزنه : هههههههههههه ... انزين بسرعه ... قبل ما تي وضوح .. وتجلب احلامج الورديه ... لكابوس ... ويخنقج الياثوم .. خلود : هههههههههههههههه ... هيه والله .... ويلسن يرتبن ... وكل شوي يلست خلود تتفدى ... وتشم عطور محمد ... ومزنه تضحك عليها .... ............................ وفي بيت خليفه ...... خليفه : امييييييييييييييييييييه ... امييييييييييييييييييييه .... حصه : حوووووووووووووووو ... شعندك تزاعق ... خليفه : جب انتي جب ... انت اميه ... حصه : لا تاج راسك .... خليفه : تخسسسسسسسسسسسسين .. ما بقى الا انت .... حصه : بدينا طوله اللسان ... خليني اروح بكرامتي احسن .. خليفه : انزين وين اميه ... حصه : في الصاله فوق مع خالوه .... خليفه : اهااااااااااااااااااا ... مشكوره ... تعبناج معانا .... حصه : تعبك راحه حبيبي ... خليفه : جب .. حصه : طالعواااااا هذا ... توك يا زينك ... وراح عنها خليفه ..... صوب امه ... وهي تتهندق .. وراحت صوب فاطوم ومريوم ... وكانن يالسات على النت .. فاطوم : شعندج تتحرطمين .... حصه : انا اريد اعرف ... اخوج هذا متى بيتأدب ... فاطوم : ههههههههههههه ... شو مسوبج بعد ... حصه : بعد شو مسوي مثل كل مره ... يسب .. ويروح .. مريوم : ههههههههههه ... الله يعينكن عليه ... فاطوم : انزين مريوم منو هذي اللي توها داخله !! مريوم : هذي عنود ... فاطوم : اللي هذاك اليوم كنتي تكلمينها ... مريوم : هيه ... وسوتلها انفايت مع باقي الشله .. وكانت موزوه .. وريموه .. من قبل مسويات ان فايت .. موزوه : هلا والله بعنووووود ... العنود : يا مرحبا الساع .. ريموه : هلا والله بالقاطعه مريوم : فديييييييييتج عنود ... حياتي والله شتقت لج .. العنود : والله بعد انا ..ز اشتقت لكن ... والله امل اجازه مرت علي ... ريموه : هيه والله ملللللللللللللللللل ... مريوم : اقول .. بسوي حق شموه ان فايت ... وسوت حق شموه ... بس ما رضى يضيفها .. مريوم : حد يسوي حق شموه ان فايت ما طاع يسويلها عندي .. ريموه : لحظه انا با سويلها ... وبعد يوم سوتلها ريموه ما طاع يضيفها ... وكل شوي شموه تطلع وترجع ... ريموه : ما طاع يسويلها .. موزوه : مب منها ... من نحاستها ... مريوم : ههههههههههه ... مش معترف بها .... العنود : ما عليه ان ما خبرتها ... ريموه : هههههههههههههههه ... مريوم : اقوووووووووووول ريموه : قولي ... يا كثر قولج .. مريوم : يعلج تفديني ... والله محد لامنكن غيري ... وجامع شملكن .. العنود : هيه والله فديت روحج ... مريوم : .. مبروووووووووووووك ... اكيد نجحتن .. صح العنود : الله يبارك في حياتج ... وانت نجحتي .. مريوم : اكييييييييييد .. تدرين والله بالغلط .. من شفت اني ناجحه .. وانا اطلع وادخل على السايت اتاكد .. موزوه : هههههههههههههه .. وانا نجحت .. مبروك : انزين .. عرفتي جدولج ... موزوه : هيييييه ..انا وشموه في كلاس واحد .. 122 مريوم : وانا في كلاس 120 موزوه : يارتنا ... مريوم : ههههههههه ... شلن عليه عيل ... موزوه : ههههههههههههههههه ولا يهمج موزوه : اسمعن ... اوكي .... 1..2..3..4..5..6..7..8..9..10.. قووووووو ... ( اااااااااااااااااااااااااااااااااااااااححححححححححح حححححححححبببببببببببببببببببببببببببببببببببببكككك كككككككككككككككككككككنننننننننننننننننننن ) مريوم : وانا ... امووووووووووووووووووووووووت فييييييييييييييييييييييييييييكن .. ريموه : والله تواااااااااااااااااااااااااااالهت علييييييييييييييييييييييييكن ... العنود : شو هالحنان اللي نزل عليكن .... مريوم : وحياتج ... هذا البعد حرك مشاعرهن ... وانه داخله عليهن شموه ... وسوت لها ريموه ان فايت .. وهذي المره طاع يدخلها .. موزوه : صاااااااااااااااااادوووووووه ... شموه .. مريوم : واخيرا ... شموه : الله يخسه من خط ... رفع ضغطي ... موزوه : تدرن اني .. مشغله النت باليزر .. مريوم : هههههههههههه ... وصلج عدوت الليزر .. خذتيها من شمووه ... موزوه : والله جد ...انا في ليوا ... وحاطه التلفون .. وموصله الخط من تلفوني للاب توب .. العنود : هههههههههههههههه ... والله انج هب هينه ... شموه : باااااااااااااااااارد ... والله اني ما خليت شي الا وحطيته علي ... وبعدني بردانه ... موزوه : اوكي انا رقبتي انكسرت ... يله باي ... ريموه : لااااااااااااااااا .... والله ملل ... موزوه : والله رقبتي تعورني ... بااااااااااي ... وبعد ما طلعت موزوه ... الباقيات طلعن بعد ... وسكرت مريوم النت ... فاطوم : والله ربيعاتج ..كشخه .... مريوم : هيه والله فديتهن ... وقامن صوب ام خليفه وام زايد .. وخليفه توه مخبر امه انه بيسافر ... ان خليفه : ومتى ان شاء الله السفر ... فاطوم : أي سفر !!!!!!!!!! خليفه : با سافر مع محمد ... حصه : متى !!!!!!!!! خليفه : ورى باجر .. مريوم : بها السرعه .. خليفه : هيييه .. بو محمد يبانا نروح بسرعه ... ام خليفه : ليش ؟؟؟ خليفه : بس جي ... انا الحين باروح ارتب شنطتيه ... مريوم : can I help you !! خليفه : ثاااااااااانكس .. وام خليفه وام زايد ... ( متشققات ) مريوم : لا والله قول لا تستحي ... خليفه : ههههههههه ... انا بستحي منج ... مريوم : وليش يعني ما تستحي ... !!!!! خليفه : ما برد عليج .... وراح خليفه عنهم يرنب شنطته .... لحقته مريوم ..... مريوم : خليفه ....... لين متى بتمون ؟؟ خليفه : ما ادري ... يمكن اسبوعين ... مريوم : اهههااااااا ....انزين تباني اقول شي حق .............. خليفه : حق منو ؟؟؟؟؟ مريوم : حق منو بعد ... اكيد العنود ..... خليفه : ( وكان قاعد يصنف البدل ....( ابتسم ) ... ) ... اممممم ... سلميلي عليها ... وققوليها ... اني بشتاقلها ... مريوم : ان شاء الله .... يوصل ... والحين بعد بكلمها ... لو تبى .... خليفه : هيييييييه ... الحين كلميها ... ودقت مريوم حق العنود .... مريوم : الوووووووووووه ...... مصر .... العنود : ااااااااااااااااااه ... عالي صوتك ... مش سمعه صوتك .. مريوم : ههههههههههههه ... شحالج حبيبتي ... العنود : هههههههه ... بخير غناتي ... شحالج انت .. مريوم : يسرج الحال ... اقوووووول .... ترى ناس يسلمون عليج ... ويقولولج ... بيشتاقولج .. العنود : ليييييييييش ؟؟؟ .... وين بيروح ؟؟؟؟!!!! ( كانت نبره صوتها حزينه ) مريوم : شعنده صوتج .. جنج بتصيحين !!! خليفه واقف جدام مريوم ... في خاطره يقولها ...عطيني اريد اسمع صوتها ... بس مب قادر .. العنود : لا ماشي ..... ليش بيسافر ؟؟؟ مريوم : ببيروح نقاهى مع خويه ... العنود : اهاااااااااا .... زين زين ... يروح وي بالسلامه .. مريوم : الله يسلمج ... العنود : مريوووووووم ... هو بيطول ؟؟ مريوم : لا ... بس اسبوعين .. العنود : اسبوووووووووعين ... مريوم : هاااااااااي ... شعندج فلختي ... اسبوعين بس .. مش سنتين .. حس خليفه .. ان العنود بدت تهتم فيه ... ( وتم مبتسم ... وهو يرتب الشنطه .. خليفه : مريوم ... اسئليها ... تبغى شي ايبه الها !! مريوم : عنود .... يسألونج ... تبين شي ايبونه لج ... العنود : لا مشكورين ... نبى سلامتهم .... ويخلون بالهم من عمارهم .. مريوم : اهااااااااا ... خلوف ... يقولون .. يريدون سلامتك ... وتخلي بالك من عمرك ... خليفه : غالين والطلب ارخيص ... مريوم : القوووووووووم .... العنود : مريووووووم ... بخليج الحين ... شي في خاطرج ؟؟؟ مريوم : سلامتج .... وسكرت مريوم عن العنود ....... مريوم : هااااااااااه بو الشباب ... انا باروح .. حق خواتك ... تبى شي ... خليفه : سلامتج ... مريوم .... مشكوره ... مريوم : على شو ؟؟؟!! خليفه : لانج ريحتيني قبل ما سافر .... مريوم : كيف ريحتك ..!! خليفه : ما ادري ... بس ارتحت ... يوم كلمتي العنود جدامي .... مع انه كان في خاطري ... اسمع صوتها .. مريوم : هههههههه ... ما خبرتني ... كنت خليتك تسمع صوتها .. خليفه : واللللللللللللله .. مريوم : هههههههههههه ... صدقت ... والله انك مقصه خليفه : حرااااام عليج تلعبين فيه جي .... تدرين .... والله انه قلبي بدى يميل للها .. مريوم : صدق ... خليفه : هيييه والله .... مريوم ... اوصفيلي شكلها !!!!!! مريوم : هههههههههه ... يوم بتخطبها ... بوصف لك شكلها ... خليفه : شوووووو .. شو اخطبها ... مريوم : اذا تحبها ... ليش ما تخطبها وتاخذها !! خليفه : مش الهذي الدرجه ...!!! ... انا اميل للها ... ما حبيتها ... مريوم : شوف خليفه ... ايلس كابر ... اوكي ... ويوم بتضيع من يديك ... بتعرف كيف تكابر ... على فكره ... ترى الي يبونها وااااااااايد .. اوكي ... خليفه : اممممممممممم .. ما ادري ... بس انا ما فكرت اعرس اصلا .. مريوم : وان شاء الله متى بتفكر ... يوم بتشوب ... خلوف ... اقولك من الحين ... ترى عنود محد في حلاتها .. وحلات شخصيتها ... واذا انا ولد والله ما ضيعها من ايدي ... خليفه : اوكي اوكي .... بعدين با فكر في هاي السالفه ... مريوم : والله انا قلت لك ... وانت اللي تباه سوه ... خليفه : مشكوووووووره ... على النصيحه ... مريوم : العفو .... وهذا من واجبنا .. انوجه اليهال .. خليفه : هههههههههه ... ما عليه مريوم .. وطلعت مريوم تضحك من عند خليفه ... ولاقتها فاطوم ... متسانده على الدري ... تخزها ... فاطوم : مريوووووووووم ... تعالي هنيه .... جدامي ... وعلى هذا المربع ... مريوم : ههههههههه .. ليش ؟؟ فاطوم : والله انها في سالفه بينج وبين خلوف .... والله يا مريوم ان ما قلتي الحين بكفخج ... مريوم : هههههههههههههههههههههههه ... بس خلاص ... ذبحتوني انت وخوج ... وتمسك فاطوم مريوم ... وتوديها الحجره .... فاطوم : مريوم .... والله تقولين ... مريوم : ههههههههه ... ما بقول ... شو بتسوين !!! فاطوم : والله صدق بتضايق ... مريوم : امممممممممم ... اوكي ... كلها ولا زعلج ... .....................................( وخبرتها السالفه من اولها لاخرها ) فاطوم : يالخاااااااااااااااااااايسه ... كيف طاوعج قلبج تسوين جي في اخويه ... مريوم : شوووووووووووو ... اخوج واااااااااااايد خقاق ورافع علينا خشمه .... اريد وحده تنزل خشمه ... ومحد غير عنود بتقدر له ... فاطوم : حرااااااااام عليج ... هو صح خقاق ... بس والله ما يستاهل ... انزين ... تخايلي حبها .. وتعلق بها ... شو بتسون !!!!!!!! مريوم : باقوله عنوان هلها ... ويروح يخطبها .... شو بيصير يعني ؟؟؟ فاطوم : انت من تو تقولين انها الكل يباها ... مريوم : هييييه صح ... بس اللي تباه هي ... بتاخذه ... هلها ما بيغصبونها ... على واحد ما تبها .. فاطوم : انزين .... يمكن ... هي ما تباه .. مريوم : لا ما عليج ... ربيعتي واعرفها ... تدرين ... حسيت انها هي بعد تعلقت فيه ... وااايد تسالني عنه ...!! فاطوم : ترين .... والله ..... لو حبها ... وما وافقت عليه ... باذبحج ... تفهمين ........... مريوم : ان شاء الله .... بس خلاص حشرتيني ... فاطوم : ما عليه يالسباله ... مريوم : فديييييييييييت روحج .. وطلعن من الحجره ... وراحن صوب امهاتهن .... .................................................. ......... وثاني يوم .... طلع محمد من المستشفى ..... والكل كان يالس في الميلس ... محمد ... بو محمد ... ام محمد ... وضحى ... مزنه ... ام سلطان ... ابو سلطان ... خلود ... ندى ... حتى سلطان كان موجود .... بو محمد : والله ونور البيت .... محمد : بوجودك .. ام محمد : فديييييييت روحك .... الحمد الله على سلامتك ..... محمد : الله يسلمج ... سلطان : هااااااه بو الشباب ... شو الحين ان شاء الله ما تشكي باس ..؟؟ محمد : الحمد الله ... اترخص ... بروح حجرتي .... بجيك على الشنطه .... مزون قومي معاي .. مزنه : ان شاء الله ... وقام محمد مع مزنه .... والله ستر انه قام قبل ما يتكلم ابو سلطان .. بو سلطان : اقول بو محمد .... ترى العرب يابولي فلوس الزهبه ... وان شاء الله العرس بعد شهر ... بو محمد : وليش جي مستعيلين ... بو سلطان : لان المعرس ... يايتنه بعثه .. وبيسافر ... ويريد يسافر مع حرمته ... بو محمد : اهااااااا ...( ضاربتنها قصه ) خلود ما قدرت تستحمل اللي سمعته ... وقامت على طول ... ولحقنها البنات ... ام سلطان : ياااااااللله على بنتي ... تستحي ... ام محمد : لازم تستحي .... ...................................... وفي غرفه مزنه ... خلود كانت تصيح ... وندى ووضحى يهدنها ... خلود : خلااااااااااااااااص .... باموووووووووووت ... مااريد اعرس ... لا وبسافر بعد ... آآآآآآآآآآآآآآآآه والله حرام ندى : خلوووووود ... فديت روووووووحج ... تهدين عمرج ... وضحى : انا باقوم اكلم عمي ... والله ما يهمني .... خلود : اذا تقدرين قومي كلميه ... ندى : هيييييييي ... وين تقوم .... شو تبون تفضحونه .... خلود : حرااااااااااام ... اريد أي حد يكلمه ... ماريد حمدان ..ما ريده ... اكرهه ... شوفوا .... والله لذبح عمري ان يوزوني اياه ... ............................................ وفي حجره محمد ...................... محمد : مزوووووون ... اخبار حبيبتي .... مزنه : بخير .... انت لا تهتم ... وروح وستانس ... محمد : والله انه على شان خاطر ابويه بس بسافر ... مزنه : وليش ان شاء الله ما تبى تسافر !!!! محمد : مزون ... كيف اسافر ورحي اهنيه ... خلاص ما اقدر افارقها زياده ... مزنه : ( خنقتها العبره ) .... ( في خاطره ... يا ويلي يا خويه ... ليتك تدري بس .. انها ما بتصير لك ) محمد : آآآآآآآآآآآآآآآآآآه يا مزنه .... يالله كم احبها ... انا ما احبها بس ... انا اعشقها ... انا اتنفس هواها ... والله امووووووووووووووت فيها ... في خاطري .. امسكها ... وحطها على صدري ... وانسى العالم .. مزنه : فدييييييييييت روحك ... ان شاء الله ... واللي الله كاتبنه ربي بيصير ... محمد : ان شاء الله ... واول ماي من السفر بكلم عمي ... مزنه : ان شاء الله .. وطلعت عنه .... وهي خانقتنها العبره ... وراحت الميلس ... يوم ما لقت البنات ... سالت عنهن وقالوها انهن راحن صوب خلود ... ( ملاحظه : سلطان كان يتبع مزنه بعيونه ...... كانه اول مره يتم جي يطالعها ... ما كد مره دقق فيها جي .. ومزنه انتبهت له ) ... وطلعت عنهم ... وراحت صوب البنات ... واول ما دخلت عليهم شافت خلود تصيح .. مزنه : خييييييييييير ... شو فيج خلود ... وضحى : .................................( خبرتها السالفه ) مزنه : يا ويلييييييييييي ... ( وما قدرت تمسك عمرها زياده وصاحت ) وضحى : وانت بعد شوووووو فيج ... با نهدي منو وله منو الحين ... مزنه : انا من ساعه ما كنت مع محمد وانا خانقتني العبره .... خلود : ليييييييييش ؟؟؟ ... محمد شو فيه !!!!!!!!!!! مزنه : ما فيه شي .... بس كان يقولي ... انه ..... يحبج ... ومش بس يحبج .... يعشقج ... ويموووووووت فيج .. ومتى بي اليوم ... اللي بيضمج فيه على صدره ... وبينسى العالم ... وانه اول ما يرجع من السفر بيكلم عمي وندى ووضحى من سمعن رمسه مزنه ... يلسن بعد يتصايحن .. ..................... وهذا اليوم الكل ما نام . ... محمد يفكر في خلود ... والبنات يفكرن شو يسون ... وكيف يمنعن عرس خلود حتى خليفه ... ما بات يفكر في العنود .. في كلام مريوم .. .. والعنود بعد ما نامت ... تفكر في خليفه ..معقوله اكون تعلقت فيه .... ليش حزنت يوم دريت انه بيسافر ... وليش شفت مده سفره طويله ... .................................................. .................................................. ..................................... cut هاااااااااااااه ... ربه هالجزء طويل ؟؟؟ شو ضنكم بيصير في الاجزاء اليايه .. والقصه قربت تخلص وله لا ... وله بعد بيطلع حد يديد وبيعاني ... Quote Link to comment Share on other sites More sharing options...
شيرينو Posted فبراير 27, 2005 Report Share Posted فبراير 27, 2005 يلا نبي التكمله بسسرعه بليييييييييييز Quote Link to comment Share on other sites More sharing options...
alhaira Posted مارس 3, 2005 Report Share Posted مارس 3, 2005 مشكووووووووووووووووووورة اختي ع الجزء وننتظر التكملة Quote Link to comment Share on other sites More sharing options...
shouq22 Posted مارس 6, 2005 Author Report Share Posted مارس 6, 2005 الجزء 15 على الساعه 12 الظهر ... بو محمد : محمممممممممممممممممد ... محممممممممممممممممد .... محمد : لبيييييييييييييييييه ... بو محمد : لبيت حايه .... يله يا بوووووووووك تاخرنا ... ورانا خليفه بنخطف عليه .... محمد : ان شاء الله فديتك .... بخلي كوني بس تودي الشنطه السياره ... بو محمد : يله عيل اترياك في السياره ...( وراح بو محمد ... يشغل السياره ..... وراح محمد صوب صاله الحريم يسلم على امه وخواته ... وروحه ( خلود ) وحرمه عمه وندى ... ام محمد : خلاص فديتك ... رايح .. ويحبها محمد على راسها ويلوي عليها : هيه الغاليه ... ام محمد : فديتك ....( ويلست تصيح ) .... في وداعه الرحمن يالغالي ... خل بالك من نفسك .. محمد : يالله ... انا فديتج مب رايح حرب ... وله رايح لعمليه ... رايح كشته ورااد .. وضحى : ما تعرف يعني قلب الام ... لو انت رايح الدكان وراد ... بتخاف عليك .... محمد : ههههههههههه ... انزين ...ما بتين تسلمين علي ... وله شو .... وراحت وضحى ولوت عليه ....: ما وصيك ... اريد شنطه بروحي ممزوره هدايا ... محمد : ههههههههههههه خيييييييييييبه شنطه يالمفتريه ... وبعدها سلمت عليه مزنه ... وطولت لاويه عليه ... كانت حاسه بخوف في قلبها مش عارفه ليش .... وقبل ليروح ... خلود : مع السلامه ... تروح وترجع بالسلامه ... محمد : مع السلامه .. وسلم بعد على ندى وامها ... وراح صوب ابوه .. بو محمد : سااااااااااعه ... ما صارت سفره .. محمد : ما تعرف بعد الحريم ... يسلمن عليك جنك رايح حرب .. ويمكن ما ترجع .. بومحمد : ههههههههههههه ... قلوبهن رهيفه ... وفي بيت خليفه ...... حصه : خلوووووووووووف خلوووووووووف ... الحق على امك .. خليفه ( نازل من الدري ) : شعندج تباغمين .... واميه شفيها ... وضحى : في حد بيسافر ... ويتكلم مع اللي بيسافر عنهم هذا الاسلوب ... خليفه : الحين بتقولين ... وله الخبط لج ويهج ... حصه : اوكييييييييك خلوف ... هذي المره باسكت لانك مسافر بس .. خليفه : لااااااااا حووووووووووول ... انت مب رامسه ...( معصب ) حصه : مااااااااا شي ... بس امك فاتحتنها مناحه .... خليفه : يالعنزل ..تحريت شي صاير لها .... وبعدين شو قله الادب هذي ..امك امك .. ( يعايب عليها ) ... ويروح عنها ... صوب امه ... لقاها قاعده تصيح ... يلس عدالها .. خليفه : ليش تصيحين يا ام خليفه ... ام خليفه : ما فيه شي .. خليفه : حبيبتي ..( يلوي عليها ) ... فديت قلبج ما تصيحين ... انا مب رايح امووووت .. باروح كشته وراجع .. ام خليفه : لا تقول جي ... ان شاء الله ترجعنا بخير ... خليفه : ان شاء الله فديت روحج ... انا باروح الحين .. محمد وبوه ياين ياخذوني ... وحبها على راسها وقام .. وسلم على خالته ولوى على حصه .. خليفه : فديتج حصوه بتوله على امباغمج .. انت ما خذه على خاطرج منيه ؟؟؟ حصه : لا فديتك … وانا والله بتوله على غلاستك وثقل دمك .. بس هاه ما وصيك .. بالجسوه … خليفه : ان شاااااء الله … وطلع عنهم ... وعند الباب لاقى مربوم وفاطوم .... سلمت فاطوم عليه … خليفه : خالفتنا العافيه … شي في خاطرج .؟؟ فاطوم : خل بالك من عمرك … خليفه : لا توصين حريص .. مريوم .. مع السلامه .. مريوم : مع السلامه … تروح وترجعلنا بالسلامه … وكان توهم محمد وبو محمد واصلين بيت خليفه … وطلع خليفه معاهم … في المطار …. بو محمد : ما وصيكم على عماركم .. محمد وخليفه : ان شاء الله … تامرنا بشي … بو محمد : سلامتكم …. محمد : ابويه .. دخيلك لا تنسى موضوعي .. بو محمد ..: ان شاء الله … يله روحوا قبل ما طير عنكم الطياره … وسلموا عليه وراحوا …. وتم يترياهم لين ما طارت الطياره … وهو راد كان هموم الدنيا على راسه … واللي ذبحه كلام محمد … شو يسوي الحين ؟؟ … كيف يوفي بوعده لو لده ؟؟ .. يالله ساعدني … ما ريده يضيع من يديه …. ………………………………………………………………………………………….. هذي المره مب cut .. خلونا الحين نروح صوب هل العنود ..... العنود ... هي الوسطى بين اختين ... اختها العوده .. اليازي ..( من سنتين معرسه .. عندها ولد .. عمره سنه وكم شهر اسمه سعود .. وبينها وبين العنود سنه ... واليازي ... الناس كانت بتموت من حلاتها .. وعلى حلاه العنود .. بس ما تي عدال اليازي .. ) وختها الصغيره ( شيخه .. اصغر من العنود 7 سنين .. وهي توها في الاعداديه .. وهي والعنود ما يطيقن بعض .. شيخه غلسه وحنانه .. ولسانها طويل ..) .. وام العنود ( عفره ) .. عايشه عند اهلها ... يدة العنود ( شيخه ) .. شيخه خت العنود مسمايه عليها ...بس طبعا ما خذت شي من شخصيه يدتها .. لان يدتها الناس تحلف براسها .. من كرمها .. وطيبتها ... والكل يحبها ...وام العنود خذت هذي الصفات من امها ( اليده ) ... والعنود عندها .. ثلاث خوال هم اللي مربينها ... عبيد ( ما خذ بنت عمه .. وعنده منها ولد وبنتين ..( خالد ... و شوق ومي ) .. وصقر بعد ما خذ بنت عمه ..وعنده ولدين ( غيث ونهيان ) .. واخر خال اللي هو اخر العنقود ..( سيف ) ... ..... وخالتين ..( حمده .. معرسه .. وعندها بنتين وولدين) . (. وبخيته اكبر من حمده بس عرست متاخر .. وعندها ولد )..........( هذي نبذه عن شجره العايله الكريمه ) .. كانت العنود يالسه في حجرتها ... تفكر ... في خليفه ..اذا كان سافر وله بعده ... محتاره ... ما تعرف شو اللي فيها ....!!!!!! وشوي ان شيخوه ختها توها داخله ... شيخوه : عنوووووووووووود عنوووووووووووود .... العنود : بسم الله ... من وين طلعتي ...؟؟؟؟ شيخوه : من بطن اميه ... العنود : ها ها ها .. سخيفه ... شتبين ...؟؟؟ شيخوه : متى بتحطيلي اغاني في الكمبيوتر .. العنود : الله يلوع بجبد العدو ... زن زن ... شيخوه : من متى وانت وعادتينيه ... ما صار وعد هذا ؟؟؟ العنود : انا حماره .. انا هبله ... يوم وعدتج ... وله انت ما تنعطين ويه ؟؟؟؟ شيخوه : الحين شو ؟؟؟ بتنزين اليه وله لا ؟؟؟؟ العنود : يله يله ... رويني عرض كتافج ... برى برى ... شيخوه :: يالله ... وطلعت تتهندق ... العنود : ( تزاعق ).. عن التنهديقات .... وشوي ان اليازي داخله على العنود الحجره .. اليازي : باااااااااااااااااااااااو ( تزعق ) .. العنود : ( اقفزت من مكانها ) ... يزووووووووووووي ... اليازيه : ههههههههههههه ... باموووووووت والله لو تشوفين شكلج ... يفطس من الضحك ... العنود : ضحكتي بليا ضروس .... المهم ... وين الافه اللي تمشي ...( قصدها سعود ولد اليازي .. العنود تموت فيه .. دايما تقول حق اليازي ... انت محد وصل غلاج وقدرج عندي ... بس هذا الخايس ... تعداها بمليون مره .. وشوي ان سعود داخل عليهن .. مجحلين عيونه .. وعيونه ما شاء الله كبيره ... ودايما يتزقرون اليازي يوم تجحله ... لانه دايما محسود .. وويهه ما يسلم من الطيحات ... ولابس عربيه شتويه سوده وصديري ووزار .. ومكور السفره .. العنود : سعووووووووووووودي .. فديييييييتك ...(وتلوي عليه ).. يزووووووي .. انا كم مره اقولج ما تجحلينه ...؟؟؟؟ اليازي : شووووووووه ما تبونا نكشخ ... العنود : حرام عليج والله بياكلونه ... اليازي : لا ان شاء ... تعالي ... وين الشعب ....؟؟؟ العنود : ليش هم مش في الصاله ؟؟؟ اليازي : شو دراني ..؟؟؟ انا توني يايه ... ودخلت عليج على طول ؟؟؟؟؟ العنود : احلفي انت بس ؟؟!! ... وشعنه عيل تساليني عنهم ... ؟؟ اليازي : بسم الله ... كلتيني ... خلاص ... باروح صوبهم ... العنود : يله بروح معاج .... وهذا الافه ما يمشي جدامي ... تفهمين .. اليازي : ليش ان شاء الله ... نحنا ريايل ما نمشي ورى البنات .... العنود : خليه يمشي جدامي ...عشان ادوسه ... اليازي : ههههههههههه اوكي امشي .. ويمشي حدامهم سعود ... والعنود ... تمشي ... وخطر عليها ادوسه ... وتسوي عمرها تضرب راسها على الساس ... العنود : والله مسبلبي هذا الولد ... اليازي : ههههههههههه .. تضحك على رمسه العنود ... واول ما دخلوا الصاله كان يالس ... يدة العنود ... وامها .. وخاتها حمده ... وحرمه خالها صقر .. اول شي دخلت سعود عليهم ... يدة العنود : واااااااااااااااااااااااااااااااايه فديييييييييييييييييييت هالطول يا ربي ... فديييييييييتك يالريال ... ام العنود : سعووووووووووووووووووود ... فدييييييييت عيونك ... يزوي ... كم مره اقولج ما تجحلينه .. وتسلم عليهم اليازي ... العنود : هييييييييييه اميه ... عندج اياها ... توني مواقعتنها ... اليازي : شوووووووووه .. ما تبونه نكشخ .. ام العنود : يا بنتيه ... والله الناس ما تقول خير ... بياكلونه ... اليازي : بنخلي داداه تقرى علينها ... يدة العنود : فدتكم داداه ... يالله مغلاه هالولد ... وتيلس اليازي ... عدال يدتها ... وكال عاده تدلع عليها .. لانها دلوعتها ... العنود : خلاااااااااااااص ..كم هو ... خلي لنا شوي ... ريل يدلعج ... واميه دلعج انت وولدج وريلج بعد ... ويدتيه بعد ... اليازي : وانت شو ليش معصبه ... تغارين ... !!! العنود : لا ما اغار ... خليج ... ادلعي ادلعي ... يدة العنود : هههههههه ... كلكن نفس الغلا ... العنود : صح صح ... باااااااااين ... ام العنود : ادلعي انزين .. حد قالج لا تدلعين ... العنود : من يوم انا صغيره ما دلعت .. الحين بدلع .. حمده : انت اللي معقده عمرج ... العنود : انا مب معقده عمري ... بس الزمن ما كان مساعدني ... حرمه خال العنود : هههههههههههه ... ما دام يزوي كانت معاج .. والله ما تنلامين ... كانت مكفره سيأتج .. العنود : ههههههههههههه هيه والله ... والكل يشهد ... ام العنود : في هذي اشهد .... احيد والله يوم كان ينقفل عليج وتنضربين لين ما تهيسين العثره ... يوم تينى اتصيحين ... نقولج منو اللي ضربج تقولين ... محد ... خايفه منها .. اليازي : ههههههههههههههههههههههههههههههههههه .. كنت قبل ما فجها اقولها ان خبرتي اميه يا ويلج ... العنود : هههههههههههههه ... يا حليلني ... والله اني مسكينه ... ام العنود : اللي ذابحني .. واموت اريد اعرفه ... ليش ما كنتي تقولي ليه ؟؟!!! العنود : لان بنتج ... المصون ... كانت رئيسه العصابه .. من تعصب على وحده منا .. هددتها .. وان جا وبت وحده منه .. راحت .. تنفي .. وتنحرم من العب ... وتخليها ملتهه بروحه محد معاها ... حمده : ههههههههههههههه .. والله انها كانت غاسلته تنكن ... وسعود يسوي حركات .. يوقف ويطالعهم بطرف عيونه ... وله يدلع عليهم ... ما خذ طبع امه ... وينان وطياشه ابوه .... ذابحنهم ... وهم الا يسمون ويزغون عليه ... وشوي ان تلفون البيت يرن ... يدة العنود : الو .. يا مرحبا الساع ... ....... : مرحبا ... شحالج خالوه ... يدة العنود : بخير الله يسلمج ... وشحال امج ... ...... : بخير ... يسرج حالها ... عندج عنود ..؟؟؟ يدة العنود : هييييييه نعم ... عنود ... مطلوبه ... العنود : الوووووووو مرحبا ملايييييييين ... ........: وخرده ... شحالج .. العنود : هههههههه .. خليهن حق راعي الداكان اللي مخيم حدام بيتكم ... يسرج حالي ........: هههههههههه وانت شو دراج !! العنود : كل ما خطفت لقيته مرتز جدام بيتكم ... ........: ههههههههههه الله يغربلهم فضحونه ... ام العنود : منو تكلمين ؟؟؟ العنود : اكلم علويه ( عليا ... ربيعه العنود من يوم ما كانت اعمارهن سنه .. ام عليا وام العنود ربع ... وما قد تفارقن ) ام العنود : ههههههههههيه فديتها ... شحال امها ... العنود : تسالج اميه شحال امج ... ويتفدونج بعد ... عليا : احم احم ... الله يسلمج اميه .... تحوط في هالمزارع ... رايحه راده ... وما تشكي باس ... العنود : هههههههههههه .. والله انج ما تستحين .... وترد العنود تكلم امها ,,, تقولج ما تشكي باس .. ام العنود : سلميلي عليها ... العنود : سلامن يوصل .... علويه ... تدرين من تو شو قاعدين نرمس عنه .. عليا : شوو ؟؟!! العنود : قاعدين نرمس عن سوايه يزوي فينا ... يوم هيه لاعبتبنا .. عليا : هههههههههههههه ... الله يخليج لا تذكريني ... والله انها ايام ... بس احلا ايام .. ما تنسى .. العنود : هييييييييييه والله ... المهم ... بتين صوبنا ..؟؟؟ عليا : وين أي ؟؟؟؟ امنه بتيني اليوم ... العنود : خلااااااااص عيل انا بيكم .. عليا : شوه رزه الفيس هذي ... حد عزم عليج ... العنود : يالحقيره ... يالنذله ... ياللي ما تستحين على ويهج .. انا الغلطانه ... مضيعه وقتي معاج .. عليا : هههههههههههه .. امزح معاج ... افا عليج انت تدخلين ونحنا نطلع .... العنود : اكيييييييييييد ... غصبن عنج ... عليا : اوكي ... بس لا تصدقين عمرج ... العنود : يالخايسه ... ما عليه ... بس خليني اوصلج .. والله ما قولج شي .. عليا : هههههه تعالي ... وبعدين يصير خير .. وبنشوف اذا بتقولين او لا وسكرت العنود عن عليا ... العنود : اميه اميه .. باروح صوب علويه ... ام العنود : ما عليه ... بس ما تبطين .. العنود : ان شاء الله ... وقامت العنود تتلبس ... وراحت صوب علويه .... ......................نرجع حق محمد وخليفه............................................ ........... في الطياره ... محمد : خلوف ... خلوف ( خليفه كان راقد ....) : هااااااااه ... محمد : ليش ..راقد ... اريد حد يسليني ... خليفه ...ويعتدل في يلسته ...: لا كون ياي وياك مطيرزي وله ارقوز .. محمد : محشوووووووم .. يا بو محمد .. خليفه : منو بو محمد ؟؟؟؟ محمد : انت ؟؟؟ خليفه : انا ابو محمد ؟؟؟ من قال !! محمد : انا اقول ... يوم بتعرس ... وبيك ولد بتسميه عليه .. خليفه : على كيفك انته ... يوزتنيه .. وسميت ولديه .. محمد : اولا .. لين متى بتم عزوبي ... ؟؟ ... ثانيا ... غصبن عنك بتسميه عليه ... تسمع وله لا ... خليفه : انا ما بتم عزوبي ... بس لين الحين ما يت اللي تستاهلني .. وبعدين اذا اذا هذا اذا عرست وياني ولد ... ما بلاقي حد احسن منك اسميه عليه ... وهي ذيج الساعه يوم بيكون ولديه سميه محمد الهاملي ... محمد : انا ما بيفقع مرارتيه الا خقتك هذي ... وبعدين غصبن عنك تسميه عليه .. ويحص لك الشرف ... خليفه : يحق لي ... محمد : يا رب متى بي اليوم اللي بشوفك فيه ذليل للي تباها ... خليفه : تخسسسسسسسسسسسي .... لا تحلم وااااااااااايد .. ما بي هذا اليوم .. محمد : ما عليه بنشووووووووووف .. المهم ... انا ان شاء الله اسبوعين ... وخلاص ... خلود بتكون خطيبتي ... تم خليفه ساكت ... عوره قلبه ... حس انه قاعد يخون محمد ... وانه يخدعه .. بس ما قدر يرمس ... يتمنى ان ابو محمد يلاقي حل قريب ... خليفه : ان شاء الله .. والحين لم ثمك ... بنام ... رقد خليفه ... ومحمد قعد يفكر في خلود ... وفي هذاك اليوم ... اللي اول مره تنطق كلمه احبك فيها ... يالله ما حلاه الكلمه من ثمها ... وفي هذا اليوم الكل رجع بيته ... هل خلود ... وهل مريوم .... ................................................ون رجع لبيت العنود ... كانت العنود توها طالعه من حجرتها لابسه عباتها ... دخلت الصاله .. عشان تقول حق امها انها خلاص بتروح .. كان يالس هناك خالها سيف ... سيف : هااااااااااااه رامسييييييين ... وين مهاجره .؟؟؟ العنود : خلاص طفرت من هذا البيت بهج .. ام العنود : سود الله ويه اللي ما يعرفج ..؟؟؟ ... العنود : نسحبها .. اطنز ... سيف : صدق .. وين رايحه ؟؟؟ العنود : رايحه صوب علويه .. سيف : هييييييييييييييه .. بعدها عايشه ... العنود : لا والله ماتت وتوها راده من موتتها .. سيف : والله انج مب هينه ... علموج الطنازه بعد .. العنود : هههههههههه يعطونا كلاسات .. سيف : انزين تبيني اوديج .. العنود : ياليت ... تفكنيه من التراب ... سيف : القووووووووووم .. ما جنج كنت تسوين لقوم من التراب وتصرطينه .. اليازي : هههههههههههههه لا وكانت تسويه بنكهات ... وتحط بعد مكسرات ( بعر البوش ) العنود : وييييييييييييييييع ... الله يلوع بجبد العدو ... هذي انت مب انا ... الحين بتوديني وله لا .. سيف : هيه .. ويله .. بسرعه باروح المطار .. يدة العنود : وشحقه المطار ؟؟؟ سيف : واحد من ربعي ياي من السفر ... يدة العنود : اعرفه ؟؟ سيف : هيه ... زايد الرميثي ... يدة العنود : هييييييييييييه .فدييييييييييته. ووين كان مسافر ؟؟ سيف : مسافر دراسه .. والحين ما خذ اجازه ... شهر .. وبيرجع .. يدة العنود : ما شاء الله عليه .. العنود : لا حووووووووول .. تحيست ريوليه .. واانا واقفه يله عااااااااااااد .. ويقوم سيف يوصل العنود ويروح المطار يستقبل زايد ( اخو مريوم ربيعه العنود ) اول ما وصل .. كان زايد كده واصل بعد .. سيف يوايه زايد ... سيف : الحمد الله على السلامه ... توها ما نورت الامارات ... زايد : الله يسلمك ... بوجودك يا الغالي .. سيف : هاااه خذت شنطك ... زايد : هبه .. سيف : عيل يله نروح ... زايد : يله ... وطول الطريق زايد يكلم سيف عن الدراسه ... ويكلمه عن اللي يسويه بالبنات .. سيف : هههههههههه .. غادي زير بنات .. زايد : ههههههههههههه .. شو ما خذين من هالدنيا ... خلنا نعيشها ... سيف : هيه .. بس مب جي عاده .. انحراف 180 درجه ... زايد : انت بس طاوعني وسافر معاي ... وبتعرف كيف الحياه .. .................................................. .................................................. ................................... ان شاء الله يعجبكم ... Quote Link to comment Share on other sites More sharing options...
shouq22 Posted مارس 6, 2005 Author Report Share Posted مارس 6, 2005 القسم الثاني من الجزء 15 .... سيف : لا الله يخليك .. خلني جي احسلي ... انا خواني ما راح يرضون ... واميه ما بتقدر على فرقاي .... زايد : خلاص على راحتك .... ونزل زايد بيتهم ودخل على امه كانت يالسه في الصاله .. و كانوا توهم واصلين من ابوظبي ... زايد : السلام عليكم ... ام زايد : زيوووووووووووووووووووووود ... وتقوم بسرعه تلوي عليه وهو يعق الشنطه اللي كانت في يديه ويلوي عليها ..... ( فلم هندي ) وتنفتح المناحه والصياح ... زايد : فديتج يالغاليه ليش تصيحين ... هذوه انا جدامج بلحمي وعظامي ... ام زايد : فديييييييت شوفتك ... والله اني مب مصدقه انك جدامي ... ونزلت مريوم تربع من على الدري يوم سمعت امها تزعق ... ويوم شافت زايد .. مريوم : زيوووووووووووووود .... زايد : مريووووووووووووووووووم .. مريوم : فديت روحك ... ووتنقز في حلجه .... ام زايد : بس خنقتيه ... قومي عنه ... خليه ييلس عداليه .. مريوم : والله متولها عليه ... زايد : وانا بعد والله ... متوله عليكم موووووووووت ... وييلس عدال امه واخته ... مريوم : ليييييييييييييييييييش .. ما خبرتنا ... كنا استقبلناك في المطار .. زايد : كنت اريد اسويها الكم مفاجئه .. مريوم : هذي مب مفاجئه ... هذي مفاجعه ... زايد : هههههههه ... ام زايد : صح .. من لاقاك في المطار ويابك ..؟؟؟!!! زايد : سيف الفلاحي ... ام زايد : هييييييييييه .. فيه الخير والله .. مريوم : اهااااااا .. هذا خال ربيعتيه ,,, زايد : هيه هو .. .................... وفي بيت عليا ربيعه العنود ... دخلت العنود عليها .. وكانت ربيعتهن امنه توها واصله .... وسلمن على بعض .... امنه : وييييييييييين .؟؟؟ محد يشوفج ... العنود : والله الجامعه ما خذه كل وقتي ... امنه : اها ... الله يعطيج القوه ... عليا : تدرن .. ان رمستن عن النت .. والكمبيوتر ... بذبحكن ... امنه : هههههههههه .. اوكي ... عليا : عنود ... شو اللي عندج بتقولينه اليه ..؟؟؟؟ العنود : لا ما شي خلاص ... عليا : لا والله ... بتخلينها اتقرقع في قلبي ... العنود : ههههههههههه ... خليها تتقرقع ... امنه : يمكن ما تبا تقولج وانا موجوده ..... العنود : وليش يعني ...؟؟؟ انت مب غريبه ....!!!!!!!! عادي بقول ... بس اريد اذلها شوي .. عليا : طالعوا هذي .... ياخي لا تقولين ... مب لازم .... العنود : اوووووووووووه ... زمبخت العوده .... امنه : لا علويه هذي ... قلبها عود ما تزعل .... وشوي ان ام عليا داخل .. ام عليا : يااااااااااا مرحبا الساع .... ( وتسلم على امنه والعنود ) ... امنه والعنود : مرحبتين ... .. ام عليا : شحالكن بنات ؟؟؟ امنه والعنود : بخير الله يسلمج ... ام عليا : ( حق العنود ) ... وشحال امج ؟؟؟ العنود : بخير الله يسلمج ... تسلم عليج ... ام عليا : الله يسلمها ... وانت وين عنا غاطه .. ما لج حس ؟؟؟؟!!! عليا : مب منها ... من جامعه زايد ..... العنود : هههههههههه ... لا والله انكم دايما على بالي ... بس والله ان الدراسه هادتنا .. ام عليا : الله يوفقج ان شاء الله ... ( حق امنه ) ... وشحال هلج ... وعربانج ؟؟ امنه : يسرج حالهم ... يسلمون عليج ... ام عليا : الله يسلمهم من كل شر .... وطلعت عنهم ام عليا ..... عليا : الحين بتقولين ولا لا ... العنود : با قوووووول .... عليا : يله قولي ....... العنود : .................................................. ........ خبرتهن سالفه خليفه من اول ما كلمته على النت ... لين اخر شي ... يوم كلمتها مريوم .. عليا : هذا اخر يلساتكن على النت ... ما خليتن ريال الا وكلمتنه ... العنود : حوووووو ... شعندج ... انا ما قلتج اني قوحبت ... عليا : انزين ... انا ما قلت جي ... بس اللي تيلس على النت لازم بطيح على ريايل ... امنه : والله مب كل بنت .... اللي مربايه وخايفه على سمعه هلها ما بتجرأ تكلم حد ... وبعدين .. عنود يوم درت انه مب ربيعتها ... هزأته وسوتله بلوك وديليت ... وهي ما سوت شي غلط .. العنود : علويه انا ما قلت لج السالفه عشان اطيحين فيه لوم ووقعه ... والله اني كنت ادري انه هذا بيكون ردج ... بس قلت مالي غيرج اقوله واخذ برايه .... عليا : عنود والله اني اخاف عليج ... واخاف ان مريوم هذي ما تبه تذل ولد خالها ... واللي تسويه هذا عشان تكلمينه ... لان ما في وحده بتذل ولد خالها لانه خقاق ... فكري فيها شوي ... العنود : ما ادري ... شككتيني .... بس صح اني توني اعرف مريوم .. بس الكل مدحها اليه .. ومب راعيه هالسوالف ... امنه : مب لازم والله تكون راعيه هالسوالف ... يمكن ولد خالتها ضغط عليها .... عليا : بعد هذا ممكن ... العنود : والله خوفتوني ... ما فكرت في السالفه من هذي الناحيه .. امنه : حطي كل الاحتمالات في راسج .... عليا : ابتعدي عن المشاكل ... والله لو يدرون خوالج .. ليقصبونج قصاب ... العنود : ادري ... امنه : الحين شو بتسوين ؟؟!!! العنود : ما ادري ... بس خايفه تصير لي مشكله ... والله اني من دريت انه ريال سويت له بلوك و ديليت ... والسالفه من الاول قلت حق مريوم مالي خص ... ولا دخليني فيها ... وربيعاتي شاهدات ... امنه : خلاص عيل من شو انت خايفه ... ؟؟؟ ...... العنود : والله اني محتاره ... عليا : لا تحتارين ولا شي ... انت خلاص سكري الموضوع ... ولا ترمسيبها عند حد ... وبروحها السالفه بتنسى .. العنود : خلاص رايج وهدايه الله .... ( بس العنود ما حست بالراحه من بعد ما خبرت امنه وعليا بالسالفه ... بالعكس زاد همها وخوفها ... ) عليا : ومن أي عله هذا ...؟؟ العنود : كيف يعني من أي عله ؟؟!! عليا : من أي القبايل ..؟؟؟ العنود : كتبي .. امنه : آآآآآآآآآآآآآآآآآه .... كتبي ... عليا : حوووووو ... شعندج ... مره طحتي ... من سمعتي الكتبي ... امنه .:.اه .. شو ... لا ما شي ... عليا : شو اللي شو ... مب منج من الكتبيه اللي متعرفه عليها ... العنود : شوووووووووه امووووووون من وراي ؟؟ !! .. امنه : ههههههههه ... شوووووه ... عادي .. عليا : عادي بعد .. من تشوفينها تتلخبطين ...ويحمر ويهج ..... امنه : خلااااااااااص ..( وكان ويهاه صاير مثل الطماطه ... ولانها هي بعد بيضه ) العنود : شي شوي على عمرج ... قبل ما ينفجر ويهج ... غادي طماطه ... شو مسوتبج الكتبيه ؟؟؟ امنه : آآآآآآآآآآآه ... مدوختني ... عليها حراكات تذبح ... عليا : هههههههههههههههه ... امون خلاص بس عن حركات اليهال ... اعقلي ... امنه : اوكي اوكي ... العنود : هههههههههههههههههههه امأدبتنج الفلاسيه ... امنه : هيه والله ... ما اقدر اسوي شي ... عليا : وشو فيها الفلاسيه ...... العنود : ما فيها شي ... تاج راسي الفلاسيه ... عليا : ( فارشه عمرها على الكرسي ) اتحرى ... العنود : لا لاتتحرين ... ويلسن يسولفن .... .................................................. ................... نرجع ل محمد وخليفه ...... وصلوا جنيف ... اول شي راحوا الفندق ورتبوا شنطهم ..... وبعدها طلعوا يتمشون ... ... محمد : تدري جنيف جنه ربي على الارض ... من اجمل البلاد في العالم .... انا ان شاء الله اذا الله عطانه عمر ... بيكون شهر العسل هنيه ... خليفه : ... ( كانت ضاربتنه قصه ... قلبه ينحرق كل ما يسمع محمد يقول هالرمسه ... بس ما يقدر يقوله ... ان خلود في احتمال كبير انها ما تكون له .)... ان شاء الله .... حمود شوف هالمنظر ...( يريد يغير السالفه ) .... محمد : هيه ... وتموا يتمشون ..... لقوا كافيه مال نت ... قريب من الفندق ... يلسوا فيه يشربون شي ... ودخلوا النت .... ............................................ مريوم كانت في هذا الوقت داخله النت .... والعنود ردت من عند عليا ... ودخلت النت بعد ... اول ما دخل المسنجر لقى مريوم اون لاين ..... خليفه : مرحبا الساع .. مريوم : مرحبتين .... ما شاء الله ... انت في جنيف ... وله قاص علينا اونك مسافر ولا سافرت .... خليفه : ههههههههههههههه ... هيه في جنيف ... مريوم : وما شاء الله .... وكيف داخل النت .؟؟!!! خليفه : انا رايح صحرى .. اكيد في مقاهي نيت .... وبعدين انا داخل بس جي اطمن عليكم ... وبطلع الحين ... مريوم : اطمنت عليك العافيه ... هييييييييه صح ... زيود رجع من السفر .... خليفه : والله ... هذا ما عرف يرجع الا يوم انا سافرت ... صدق مخالف ... مريوم : المهم انه رجع ... وبعدين انت بعد اسبوعين بترجع ... وهو بتخلص ايجازته بعد شهر .. خليفه : اههاااااااا ... اوكي ... مريوم ... مريوم : هلا .. خليفه : كلمتي العنود ..؟؟؟ مريوم : لا ... بس هيه الحين اون لاين ... تباني اقولها شي ؟؟؟؟ خليفه : لا ... ما في داعي ..... وسكر عنها ....... ودخل واحد من مواقع الاغاني ... وطرش حق العنود ايميل ... شله.. http://www.dubaimoon.com/songs/Sala...3amre/lokam.ram واول ما طرشها طلع من النت .... وردوا هو ومحمد الفندق عشان يرتاحون .... ... واول ما وصلت العنود الرساله ... فتحتها ... وسمعت الاغنيه ... دخلت على مريوم وكلمتها .. العنود : مريوم ... شحالج .. مريوم : بخير الحمد الله ... انت شحالج ... العنود : تمام ... مريوم ... انت مش قلتيلي ولد خالج مسافر ....( بدت تشك ...) مريوم : هيه مسافر ... ليش ؟؟؟ العنود : مطرش لي ايميل شله ... مريوم : والله ... طالعوا السبال ما خبرني .... العنود : ليش يخبرج ... عشان تيبين الجذبه عدل .. مريوم : أي خذبه ... العنود : انه مسافر ... وكيف طرش الايميل ...!!!!!!!!!!!!!!!!!! مريوم : انت شعندج ... شو اللي ياينج ؟؟؟؟ العنود : انا ما عندي شي ... بس اكتشفت جذبج ... تريدين تعقيني في مشاكل ... مريوم : أي مشاكل ... لايكون انت مب مصدقه انه مسافر .. لانه مطرش لج ايميل ... العنود : هيه .. مب مصدقتنج ... مريوم : افا يا عنود ... هذا اخرتها ... تظنين فيه .... ويكون في علمج ... انا مثلج تحريته يجذب علينا .. وانه مب مسافر ... بس هو قالي انه في كافيه نيت ...ودخل من هناك .... وعلى العموم مشكوره ... وجزاج الله الف خير .. وسمحيلي اذا كنت اتسببت لج بمشاكل ... ومع السلامه ... ( وعلى طول طلعت مريوم من النت ) ............ وبعد ما قرت العنود الكلام ... حست بتأنيب الضمير .. وأنها ظلمت مريوم ... وما قدرت ادق على مريوم لان الوقت اتاخر ........ وثاني يوم ... تمت العنود تتصل بمريوم بس مريوم ما ترد عليها ... كان حاز في خاطرها كلام العنود ... وبعد يومين .................... في بيت خلود ...... سلطان : خلود ... تعالي بغيتج خلود : ان شاء الله ... وقامت خلود ... ودخلت حجره سلطان ... خلود: خير ... شو بغيت ؟؟!!!! سلطان : خلود ... بغيت رايج ... خلود : عيوني لك ... سلطان : تسلم عيونج ... انا اريد اعرس .. خلود : والله ... ( مستغربه .. لان سلطان صايع .. ضايع .. راعي بنات .. ومش راعي عرس ) ... سلطان : والله ... وشفيج مستغربه .. خلود : لا ما شي ... بس هذي الساعه المباركه ... بس انا شو بيدي .. خبر اميه وهي بتخطب لك .. سلطان : انا ما ريد أي وحده .. انا في وحده رايدنها ... واباج تاخذين رايها قبل ما اروح اخطبها ... ... خلود : انا اعرفها ...!!!!! سلطان : هيه تعرفينها ... خلود : منو .... !!!!!!! سلطان : مزنه بنت عمي .... خلود : مزوووووووووووون ... سلطان : هيه مزون ... وليش منصدمه ؟؟؟ خلود : لا مش منصدمه ... بس ما توقعت انك تبا مزون ... عمرك ما بينت انك تباها .. سلطان : ادري ... وانا عمري ما فكرت فيها ... ولاخذت بالي منها ... بس يوم كنا في ابوظبي .. بيت عميه انتبهت ... وعجبتني واااااااااااااااااااايد ... خلود : انت الحين تباني اكلمها .. واخذ رايها صح .. سلطان : هيه ... واليوم بعد .. خلود : القوم ... مستعيل .. سلطان : تدرين يمكن اخلي عرسي وعرسج بيوم واحد .... ومن قال سلطان عرسج ... اختلف ويها ..وتذكرت عرسها ... وانتبه الها سلطان ... سلطان : خلود شو فيج .. من يبت لج سالفه العرس .. وانت ويهج اختلف ... رب ما شر ؟؟؟ خلود : لا ما شي ... انا با قوم الحين اكلم مزون ... وبيب لك رايها .. سلطان : هييييه .. دخيلج .. وقامت خلود .. وراحت دقت على مزنه .... خلود : الووووووو .... مرحبا .. مزنه : مرحبااااااااا ملاين ... خلود : شحالج حبيبتي ..؟؟؟ مزنه : بخير الله يسلمج ... انت اخبارج ؟؟ خلود : دامج بخير انا بخير ... مزون .... بغيتج في موضوع ... مزنه : خير الغاليه ... خلود : خير ان شاء الله ... بس سلطان كلمني .. يبا يعرس .. مزنه : سلطاااااااااااان يعرس ... مستحيل ... خلود : ليش مستحيل ..... مزنه : لا ما شي ... بس صايع ... ومش راعي عرس ومسؤليه .. خلود : بس هو يوم كلمني كان جاد في الموضوع ... ومستعيل بعد ... مزنه : زين زين ... يا رب يكون عقل وصطلب .. خلود : امممممممممم ... مزون ... تدرين هو من يبا ؟؟؟ مزنه : وانا شو دراني ...!!!!!!! خلود : يباج انتي .... مزنه : شوووووووووووووه انا ... يله خلود عن المزح ... خلود : والله ما امزح ... انا كانت رده فعلي مثل رده فعلج .. مزنه : انزين ... خلود : شو بعد انزين ... تبينه ولا لا ..؟؟؟ مزنه : خلود مب بهذي السرعه ... بستخير .. واريد وقت افكر ... عطيني مهله ... هذا عرس مب لعبه ... خلود : خذي وقتج ... وانا با قوله ... وسكرت خلود عن مزنه ... وسلطان كان يتحرقص يبه بسرعه خلود ترد عليه ... واول ما دخلت عليه خلود .. سلطان : هااااااااااه بشري ... خلود : هههههههههه شو فيك .. توني داخله ..خلني اخذ نفس ... سلطان : لا والله ... ليش انت راده مشاي من ابوظبي ... الا انت داقه تلفون ... خلود : ههههههههههه اوكي ... انا قلت الها ... وطبعا انصدمت .. وقالت عطيني وقت افكر واستخير ... وانا قلت الها خذي وقتج ... سلطان : اها يعني .. انت شو حسيتي من كلامها ... خلود : ابصراحه .. ما ادري ... بس البنت تعرف سواياك ولعبك ... ما ضمن انها توافق ... سلطان : فال الله ولا فالج ... ان شاء الله بتوافق ..... وتمت خلود اطالع سلطان ... تريد تقول له انها ما تريد حمدان بس مب قادره ....... بس ما قدرت وطلعت .... .............................................. في بيت العنود ...... الكل راح البر ... صوب العزبه .... صقر : تعالن شوفن هذي ....( وكان رايح صوب شبج في ناقه) العنود : الله محلاة شعرها ... حرمه صقر : هذي القايد ... احلى وحده في بوشنا ... بنحطها في المزاينه ... صقر : هذي تستخدم شامبو اغلا من الشامبوا اللي تستخدمينه .. العنود : لا لا عن الغلط ... تقارننيه بناقه .. اليازي : تدري والله انها صدق حلوه ... والله اني ما عرف كيف افرق بين البوش .. بس هذي صدق لفتت انتباهي صقر : تشوفن هذيج ... ويأشر على وحده في الشبج اللي عدال شبج القايد ... العنود : هيه ... شبلاها .. صقر : روحي قربي صوبها ... اخت القايد هذي ... اليازي : الله ... بس تدري مب مثل القايد .. العنود : شو اسمها ؟؟؟ صقر : سميج ... العنود : يالله صدق .. قاعده ارمس معاك .. صقر : والله .. ان اسمها العنود .. اليازي : هههههههههههههههه سميج ناقه ... العنود : ( وتشوفهم بطرف عينها ) .... انزين وشو يعني .. عطوني اياها ... صقر : هههههههه ... اطلبيها من عبيد ... انا مالي خص ... وتموا يالسين في العزبه لين المغرب وردوا .... .................................................. .................................................. ...................................... cut السموحه .. شو ضنكم .. بيكون في تطورات بين العنود وخليفه ...؟؟؟؟؟ خليفه بيقول حق محمد عن سالفه خلود وابوه ؟؟؟؟ خلود بتخبر سلطان .... واذا خبرته شو بيكون رده فعله بيساعدها وله لا ؟؟؟؟ و مزنه بتوافق على سلطان وله لا ..... ومريوم ... شو يتسوي ؟؟؟؟؟ Quote Link to comment Share on other sites More sharing options...
alhaira Posted مارس 17, 2005 Report Share Posted مارس 17, 2005 مشكووووووووووووووووووووورة اختي ولا تتاخرين اكشر من جدي Quote Link to comment Share on other sites More sharing options...
ريم المحرق Posted مارس 19, 2005 Report Share Posted مارس 19, 2005 يلا كملي البقية لا تخلينا جيه ننتظر Quote Link to comment Share on other sites More sharing options...
مهره Posted مارس 19, 2005 Report Share Posted مارس 19, 2005 مشكورة أختي على الموضوع نترية البقية عما قريب Quote Link to comment Share on other sites More sharing options...
هبلة Posted مارس 20, 2005 Report Share Posted مارس 20, 2005 ويييييييييييييييين الباقي ..... ننتظرررررررررررر Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.