شذى سبت Posted يناير 2, 2005 Report Share Posted يناير 2, 2005 (edited) السلام عليكم طبعا اكيد الكل يتسأل عن سسبب عدم مشاركتي في برنامج استار اكاديمي وراح اخبركم بالتفاصيل نفس ما وعدتكم بس قبل كل شي حبيت اقدم شكر خاص 1- اشكر الفنان يوسف الشتي .. 2 - اشكر فاموا 3 - اشكر المذيع فايز السادة - 4 - اشكر الأستاذ علي شرفي .. 5 - اشكر المزيون.. 6 - اشكر كل المشرفين واعضاء bahrain2day واخيرا كل من وقف معاي وشجعني وما تخلى عني من ناحية دعمي للمشاركة في البرنامج استار اكاديمي واعرف ومتاكدة لو اني شاركت ان راح يصوتون لي.. وطبعا اشكر كل من قدم لي النصيحة سواء كان مؤيد مشاركتي او معارض وعذروني لو نسيت احد .. في البداية ومثل ما الكل عارف ان كانوا طالبيني في البرنامج استار اكاديمي وطبعا في البداية واجهت صعوبة في المشاركة من ناحية معارضة والدتي والوالد وخواتي والأهل وطبعا بعض الأعضاء بحرين تودي المهم ما طول عليكم حاولت ان اقنع اهلي حيث كان المفروض ان اسافر لبنان للمشاركة لكن رفضوا وحتى لمة راحوا الأمارات كان المفروض ان اقدم هناك بس كانت معارضة اهلي هي السبب في تأخري للمشاركة وبعد محاولات كثيرة مني ومن وحدة من قناة LBC من غير ذكر اسماء وافقت والدتي بصعوبة وقالت لي لمة بتشاركين في البرنامج تحملي اللي بيج من الناس ولا تشتكين لي بعدين اذا تعرضتي الى اي مضايقات فأنتي راح تكونين مسؤولة عن قرارج هذي وانت كبيرة وتعرفين مصلحتج وين .. بعدها اتصلت في ال LBC وخبروني ان مارح يجون البحرين راح يروحون الكويت بعدها راح يردون مرة ثانية دبي فنصدمت لأن كنت حاطة امل ان اقدم في البحرين وخبرت الوالدة وكانت رافضة ان اسافر الكويت للتقديم هناك فزعلت واضربت عن الأكل وعاندت عن الطلعة من غرفتي وحالتي النفسية تعبت وتميت احن عليها الى ما لوعت جبدها وكنت احاول ان شيماء تتوسط لي بس ما في فايدة حيث شيماء قالت لي مالي شغل لأني انا نفسي مو مقتنعة من ذي كله واحنا موناقصين مشاكل خصوصا عقب ماصار لنا في البرنامج بيق برذر .. المهم تميت احن عليهم واتصلت بصديقتي في الكويت وخليتها تقنع امي ان راح اكون معها وان تطمئن خصوصا ان امي تعرفها وتوثق فيها وخليت بعد جم شخص يقنع امي المهم بعد معاناه وافقت والدتي ان اروح واتم مع صديقتي وسافرت الكويت وسكنت عند صديقتي واللي هي اعتبرها وحدة من خواتي ورحت اقدم في البرنامج وانصدمت ان راح يجون البحرين بعد الأمارات وقلت لهم بس انا يوم اتصلت قالولي ان ما بيجون البحرين وردو علي ان غيروا رايهم وراح يردون البحرين المهم قدمت الأختبار وبصراحة اللي نجحني تمثيلي حيث من اول مادخلت عليهم بينت لهم اني تعبانة وطلبت ماي وجابولي ماي وبعدها غنيت وتظاهرت بالتعب بس اللي اربكني ان احد الأشخاص من لجنة التحكيم شك في الموضوع المهم قال لي مثلي قلت له لا اول شي باقدم اختبار الرقص المهم قدمت اختبار الرقص علشان ابين لهم اني تعبت من امتحان الرقص وصادتني ضيقة لكن في واحد كان واقف لي بالمرصاد وشاك فيني المهم جى الوقت اللي امثل فيه حيث خبرتهم اني تعبانة وابي استريح اشوي وحاسة بالدوار المهم استرحت وبعدها قال لي يلا مثلي قلت له لحظة شوي بعدها قال لي خلاص انتهى الوقت وتفضلي ارتبكت وقلت له لا لحظة بامثل قال يلا في ناس ناطرة برع قلت له اوكي وقدمت مقطع ارتجال وكان كلش يضحك وضحكت على نفسي من الغباء الي سويت حيث الكلام ماكان راكب على بعض شاسوي ماكنت محضرة نفسي كنت مخططة اني اسوي روحي مريضة ويغمى علي المهم مثلت المشهد وقعدت اصيح ومادري اش هببت عليهم وخلص الوقت وقالوا لي خلاص راح نخبرج بالنتيجة بعد شهر بعدها شكرتهم علشان اطلع جان مرة وحدة اطيح عليهم واغمى علي وخافوا وارتبكوا وراحوا ينادون صديقتي وجان افتح عيني الا اشوف والمصور واقف جدامي وجان اسوي روحي ان فيني تشنج علشان يصدق ولا جان راح انكشف ويبين ان تمثيل وتشنجت عليهم وسويت روحي مختنقة وجات صديقتي وهي ميتة من الخوف وبغت تتصل في اهلي وتخبرهم وتوهم كانوا بيتصلون بالأسعاف جان اقوم لهم واخبرهم ان هذي مقطع من مشهد وجان يضحكون وخبرنبي واحد من لجنة التحكيم يخرب عقلك خوفتينا وضحكت وبعدها طلعت طبعا نسيت اخبركم ان صديقتي صحفية بجريدة القبس وطبعا ما كثرت خبر ونزلت الخبر في الجريدة حيث تضايقت انها صرحت مشاركتي كنت ابيها مفاجأة وبعدين ماكنت ابي اصرح ابأي جريدة الا بعد الموافقة المهم رجعت البحرين ودخلت المنتدى وجان اشوف الموضوع بالمنتدى على طول اتصلت بفاموا علشان يمسح الموضوع وكلمت وحدة من المشرفين وفعلا مسحوا الموضوع وجان انصدم ان اختي شيماء فضحتني وقالت في منتدها اني رحت الكويت علشان اقدم في برنامج استار اكاديمي وصار الموضوع مكشوف كله صدمات .. المهم بعد شهر اتصلوا لي LBC وقالوا لي انج انقبلتي وباقي عليج المرحلة الثانية وراح تقدمينها في لبنان على شهر 11وطلبوا مني صورة من الجواز ورسالة اخبرهم عدم التزامي بأي عمل في شهر 11 وفعلا رحت المسرح الصواري واللي كتب لي الرسالة الفنان خالد الرويعي وطرشت الفاكس لهم وبعد العيد اتصلوا لي وخبروني اني اروح يوم السبت لبنان مع 6 اشخاص 3 شباب 2 بحرينين وواحد سعودي يدرس بجامعة البحرين ومقيم اهني مع بنتين وانا الثالثة المهم رحت اخذت تذكرتي وحضرت نفسي للسفرة وجان امرض وصادتني فلونزا حادة وماكان فيني صوت وماقدرت اسافر واتصلت فيهم وخبرتهم اني مريضة وماقدر اجي وقالوا مو مشكلة في دفعة ثانية راح اتجي وراح نخبرج متى راح توصل علشان تجين المهم الشابين البحرينيين تربطني بهم علاقة صداقة قوية فتصلوا لي من لبنان وسألوني عن سبب عدم ذهاب معاهم حيث يوم راحوا يستلمون التذكرة شافوا اسمي موجود معاهم فشرحت لهم ضروفي وكانت هذي الدفعة الرابعة المهم بعدها ضليت على الأتصال مع LBC وخبروني ان اهمه راح يقومون بالتصفيات على الدفعات ال4 السابقة ويختارون منها علشان في هم 4 دفعات راح تجي بعدها وهي الأخيرة المهم طولت السالفة ومحد اتصلي من هناك فتصلت بالمنظمة اللي كانت اتنظم معانه وخبرتني ان احتمال مايكون هناك دفعات اخرى تجي وان مكتفين بالدفعات السابقة حيث في كل دفعة كان فيها 50 مشارك المهم تضايقت واتصلت بالفتاة اللي طالبتني في البرنامج وخبرتها وجان تقول لي انا اللحين ما ادري اشلون صار الترتيب لكن بخبرج بكل شي لمة اتأكد وبعد اسبوع اتصلت لي وقالت لي فعلا مافي دفعة اخرى بتجي وان اختاروا واعتذرت لي وخبرتني لكن في مجال تشاركين لأن في منافسة بينج وبين بنت كويتية ( حيث راحت لبنان في المرحلة الثانية ) واحتمال كبير ان ياخذون البنت الكويتية على الرغم مافي اي مجال للمقارنة حيث انتي الأفضل بس سياسة البرنامج هالمرة ان تبي فتاة كويتية وشاب بحريني وانا ماقدر اسوي لج شي بس باحاول قد ماقدر واحتمال حتى مايكون في بحريني وانما كويتي لأن بالتصويت الكويت تصوت اكثر من البحرين كانت سياسة البرنامج ان يطلعون فتاة كويتية هالمرة المهم مرت فترة طويلة ماخبروني بأي شي وجالي عمل بجنوب افريقيا وسافرت على ان خلاص مافي امل ان اشارك في البرنامج وبعد اسبوع اتصلوا لي LBC وخبروني ان البنت الكويت صادتها ظروف واهلها غير موافقين انها تشارك فتم اختيارج فتعالي لبنان يوم الخميس علشان توقعين العقد وتدربين للحفلة وكان ذي يوم الثلاثاء فخبرتها اني بجنوب افريقيا وما قدر اجي حيث كنت في كبتون وعلشان ارجع لازم اخذ 4 طيارات من كبتون الى جهنسبرغ 3 ساعات ومن جهنسبرغ الى دبي 10 ساعات تقريبا لأن مافي رحلات للبحرين دايركت ومن دبي الى البحرين 45 دقيقة ومن البحرين الى لبنان تقريبا 3 ساعات فما باقدر اجي خصوصا ان والدتي كانت معاي وما قدر اخليها بروحها وراح ارجع البحرين يوم السبت بعدها راح اجي فقالت لي اوكي اول ماتوصلين البحرين خبيرينا وعلى ذي الأساس رفضت العمل اللي بجنوب افريقيا لأن في احتكار لمدة سنة ونص وما اطلع بأي وسيلة في الأعلام لا من التيلفزيون ولا من الصحف ولا في المنتدى ولا شي وهم كان في شركة كبيرة كانت عارضة علي ان اشتغل معاهم لمدة 4 سنوات احتكار في مجال الغناء فقط حيث كان من ضمن الأتفاق ان في السنة راح تتكفل بأنزال شيريطين غناء لي ومن الشريطين راح يقمون بتكاليف التصوير فيديو كليب للأغنيتين من كل شريط وان ينظمون لي حفالات والى اخره فرفضت على اساس قبولي في البرنامج استار اكاديمي وكذلك عرض علي مسلسلين بالكويت ومسلسل بالسعودية ومسرحية بقطر ومسرحية بالكويت والبحرين للعيد الأضحى هم رفضتهم المهم لمة وصلت البحرين واتصلت بال LBC وخبرتهم بوصولي جان يقولون لي انتي وايد تأخرتي وخذينا بدالج وحدة ثانية حيث وصلت بتاريخ 20 او 18/12/2004 والبرنامج راح يبلش في 1/1/2005 والحفلة 31/12/2004 فما كان في وقت واعتذروا لي وهذي كل السالفة .. في النهاية ماستفدت ولا شي وخسرت كل الأعمال علشان البرنامج والكل لامني واولهم شيماء وامي وابوي حيث قالوا لي انتي ما ضمنين انج راح تطليعين من الأوائل يمكن تطلعين من اول اسبوع خصوصا ان السالفة فيها تصويت والناس ماراح تذكرج كان المفروض ماتخسرين وترفضين هذي الأعمال .. فعلا تضايقت ان خسرت كل الأعمال بس ارجع واقول ( وعسى ان تكرهوا شيئا فهو خيرا لكم ، وعسى ان تحبوا شيئا فهو شرا لكم ) وفي النهاية مو من نصيبي والواحد ماياخذ الا نصيبه وخصوصا ان الله مو كاتب لي ان اشارك في البرنامج ولا اشارك بتلك الأعمال ومايصير شي الا في صلاح الأنسان ممكن ان الله راح يعوضني بالي الأحسن والحمد الله على كل شي .. واسفة على الأطالة .. تحياتي Edited يناير 2, 2005 by شذى سبت Quote Link to comment Share on other sites More sharing options...
بنت بحرينية Posted يناير 2, 2005 Report Share Posted يناير 2, 2005 ثــــــــــــــــــانكس على شرحج لعدم اشتراكج في ستار اكاديمي وآنة اقولج صحتج اولى من كل شي وايــــد عجبتيني على التمثيل اللي مثلتيه عليهم وأقوولج خيرها بغيرها انشالله اتيي لج فرصة أحلى من هالفرصة وانتي ماشالله عليج قدها وقدود تحــــــــــــياتي Quote Link to comment Share on other sites More sharing options...
شذى سبت Posted يناير 2, 2005 Author Report Share Posted يناير 2, 2005 بنت بحرينية مشكورة حبيبتي تحياتي Quote Link to comment Share on other sites More sharing options...
devil man Posted يناير 2, 2005 Report Share Posted يناير 2, 2005 شذووي احنا مستعدين نعوضج في اي شي تبينه و خيرها بغيرها تحياتي بشار Quote Link to comment Share on other sites More sharing options...
عيـــ المها ـــــون Posted يناير 2, 2005 Report Share Posted يناير 2, 2005 ان شاء الله خيرها بغيرها ... والله يعوضج بالاحسن ياااااااا رب!! بس التمثيل الي مثلتيه بصراحة ((انتيكا))!! بعده الطريج طووويل و بتحصلين فرص احلى و احلى ... تحياتي لج ... Quote Link to comment Share on other sites More sharing options...
A5er_El3n8ood Posted يناير 3, 2005 Report Share Posted يناير 3, 2005 ( وعسى ان تكرهوا شيئا فهو خيرا لكم ، وعسى ان تحبوا شيئا فهو شرا لكم ) حبيبتي شذوي صج انج خسرتي وايد اعمال بسبب البرنامج بس ماخسرتي محبتنا لج ومحبة جمهورج واهلج وذي اهم شي وبالنسبة للبرنامج اكيد في نسخة 3 وان شاء الله تكونين من ضمن المشتركين كنت اتمنى انج تكونين من المشتركين وخصوصا بعد ابداعج في اغنية ياعمة وصج تمثيلج عليهم شي والله يوفقج ويخليج حق هلج Quote Link to comment Share on other sites More sharing options...
)(Miss 2Day)( Posted يناير 3, 2005 Report Share Posted يناير 3, 2005 ( وعسى ان تكرهوا شيئا فهو خيرا لكم ، وعسى ان تحبوا شيئا فهو شرا لكم ) حبيبتي شذوي صج انج خسرتي وايد اعمال بسبب البرنامج بس ماخسرتي محبتنا لج ومحبة جمهورج واهلج وذي اهم شي وبالنسبة للبرنامج اكيد في نسخة 3 وان شاء الله تكونين من ضمن المشتركين كنت اتمنى انج تكونين من المشتركين وخصوصا بعد ابداعج في اغنية ياعمة وصج تمثيلج عليهم شي والله يوفقج ويخليج حق هلج بالتوفيق يالحلوة في المرة الثانيه Quote Link to comment Share on other sites More sharing options...
nazkoo Posted يناير 3, 2005 Report Share Posted يناير 3, 2005 فعلا احسن لج انج ماشتركتي فيه Quote Link to comment Share on other sites More sharing options...
محرقية بكيفي Posted يناير 3, 2005 Report Share Posted يناير 3, 2005 يا شذى هذي كله يمكن صار لمصلحتج واذا ما صار الحظ ان تشتركين الحين يمكن اذا سوو ستار اكاديمي 3 تكونين اول المشتركين فيهم والله يوفقج. والحين please اطلب منج تغنين لنا اي اغنية. (مو معناتعا اذا غنيتي اغنية وحدة مع الشتي انج توقفين بالعكس يا شذى غني وواصلي احنا معاج) GO GO GO GO GO GO GO GO GO GO GO GO GO GO GO GO GO GO GO GO GO GO GO GO GO Quote Link to comment Share on other sites More sharing options...
jass Posted يناير 3, 2005 Report Share Posted يناير 3, 2005 المهم انتي معاناالحين.. ولا تزعلين ولا شي .. يمكن هذي كان احسن لج من الغربه Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.