WeLD_Shyo05 Posted يناير 27, 2005 Report Share Posted يناير 27, 2005 السلام عليكم.. اخواني وخواتي الاعضاء حبيت اطرح لكم موضوع..يمكن مايكون حيوي وايد ومهم لكن مايمنع ان كل واحد يبدي رايه فيه..قط جفتو غلاف مجلة عليه صورة ريال؟ ! مافيه! كل المجلات عليهم صور بنات واذا كلش كلش..مجلات الرياييل يحطون لك صور سيايير ! ليش مايحطون صور رياييل مثلا؟ هل عشان يستغلون صورة البنت في ان الريال ينجذب حق المجلة ويشتريها مثلا؟ ...ان وبالنسبة حق البنت بعد بتجذبها صورة البنت اللي من نفس جنسها على اساس الميك اب مثلا او اللبس او لان صورة فنانة مثلا؟ مادري ! لاتبخلون بارائكم ياجماعة وانه بانتظارها وتسلمون تحياتي B) Quote Link to comment Share on other sites More sharing options...
miss chocolate Posted يناير 27, 2005 Report Share Posted يناير 27, 2005 والله اخوي اوافقك الراي،، نجوف صور البنات على اغلفة المجلات اكثر من الرياييل!! يمكن السبب يعود الى ان البنات في حالة متغيرة ومتجددة (ميكاب - تساريح - أزياء ----الخ) لكن الرياييل هاذا هم ماتتغير اشكالهم،، فلو حطو صورة ريال على غلاف المجلة كل اسبوع بتبين المجلة متكررة، لكن لما يحطون صورة بنية بتكون كل مرة متجددة... Quote Link to comment Share on other sites More sharing options...
2lm Posted يناير 28, 2005 Report Share Posted يناير 28, 2005 .. WeLD_Shyo05 .. والله موضوعك حلووو .. واحب اقولك شئ الناشر يلجأ دائما لاكثر الوسائل رواجاً .. خصوصا بعالم المجلات كلنا نلاحظ اكثر الاغلفه لصور فنانات مشهورات .. وطبعااا .. من ما عنده فنانه مشهورة يحب يشوف لها اعمال ؟؟ !! وحتى لو ما كانت فنانه .. كفايه انها بنت ودائما لها لوك جديد تجذب الناظرين غير الشباب يكونون لوك واحد .. اما عن سالفة اذا كانت المجله للرجال .. انت كرجل .. اي مجله راح تجذبك من الغلاف مجله عليها صورة رجل .. او .. مجله عليها صورة سياره خبري لرجال يحبون السيارات يعني الجواب واضح قدامي يعني اللي ابي اوصل له .. الناس اللي تشوفونهم ناجحين هم اللي يختارون الشئ الرائج عشان جذب الزبون وللاسف الشديد في هالحاله صارت صور البنات اهي السلعه اللي دخلت المزاد ومن يربح اكثر عليها Quote Link to comment Share on other sites More sharing options...
البنــــــــــدري Posted يناير 28, 2005 Report Share Posted يناير 28, 2005 للاسف المرأة صارت سلعه في ايادي التجار ،، مثل اللعبة ايبونها شمال ويرجعونها يمين حتى الاعلانات لازم المرأم موجودة ،، اعلان موبايل ،، حتى الساعه ،، انزين حطو الساعه وصورها ،، لازم المرأة لابستها ويحطون لج الكيمرة على جسمها كامل ،، الناس بيشترونها ولابيشترون الساعه لان المرأة مثل العامل الي يساعد على ترويج بضاعتهم ،، تسوي الاغراء ،، فالكل ينغري من رجال ونساء ،، الكل يبي يحطم صورة المرأة ،، المرأة لها كرامتها ومكانها ،،لازم محد يلعب فيها ويستغلها ،، والمرأة نفسها لازم ماترضة على نفسها وهذي كل الي عندي ،، اتمنى ماطولت عليكم عايشة العوضـــــــي Quote Link to comment Share on other sites More sharing options...
زهور بيضاء Posted يناير 28, 2005 Report Share Posted يناير 28, 2005 استغلال الناس في جذب الزبائن Quote Link to comment Share on other sites More sharing options...
ابن الجزيرة Posted يناير 28, 2005 Report Share Posted يناير 28, 2005 يسلمو السالفه يا خوي اذا حطو صور الرجل ما راح يستفيدون شي بس المراء غير وما ابي ادكر الاسباب Quote Link to comment Share on other sites More sharing options...
a7la dala3 Posted يناير 28, 2005 Report Share Posted يناير 28, 2005 صح .. ما قط جفت صورة ريال في غلاف مجلة عربية .. بس جفت في بعض المجلات الأجنبية .. و أعتقد إن السبب في ذلك .. عشان جذب نظر المشتري .. يعني البنت بيكون لوكها حلو .. و جذي .. و لو إنه اجوف لو إنهم يحطون صورة ريال بعد اوكي .. يعني مثلاً يحطون صورة " محمود بو شهري " .. و انا وحدة معجبة به .. بجوف صورته على غلاف المجلة .. مليون بالمية بشتريها .. ف .. للحين ما لقيت سبب .. و شكراً لك اخوي على طرح الموضوع .. Quote Link to comment Share on other sites More sharing options...
وجدان Posted يناير 28, 2005 Report Share Posted يناير 28, 2005 السلام......... الصراحة يعني مانشوف صور الرجال الا نادرا وأني مرتين بس اللي شفت فيهم صور رجال على خلاف مجلة والإسبوع اللي طاف كانو خالين صورة عاصي الحلاني على غلاف مجله زهرة الخليج تحياتي.....وجدان Quote Link to comment Share on other sites More sharing options...
شمس الضحى Posted يناير 28, 2005 Report Share Posted يناير 28, 2005 طبعا لتجار في الخليج والوطن العربي يسعون إلى الكسب السريع فيحطون صور فنانات مشهورات وحتى كلمة فنانات كبير ةعليهن لأنهن لايمتن للفن بصلة بل هن دخيلات على الفن . إذ أن الفن راقي يطور المجتمعات ويسعى إلى تنمية أذواق الجماهير لا يحط منه. لكن البعض من التجار وهم قليلون يضعون صور رجال (فنانين) لأنهم لا يسعون إلى الربح بل إلى إظهار الفن الحقيقي وإبرازه . وليس عيبا أن توضع صورة لمرأة ولكن العيب أن نضع صورة لمرأة يقال أنها فنانة وهي ليست إلا شكل ووجه ومكياج بلا مضمون . فالكثير من الفنانات والاتي يستحقن أن توضع صورهن على أغلفة المجلات لا توضع صورهن . Quote Link to comment Share on other sites More sharing options...
WeLD_Shyo05 Posted يناير 28, 2005 Author Report Share Posted يناير 28, 2005 صراحة احب اشكركم جميعا على تفاعلكم مع الموضوع وردودكم المميزة ...مشكورين مرة ثانية تحياتي B) Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.