فـ قلبي ـي Posted فبراير 4, 2008 Report Share Posted فبراير 4, 2008 مــرحبا ,, شخبارك إحتار قلبي من يحب ؟! قصة بحرانيه .. حبيت أحط لكم أول قصة من تأليفي وأتمنى تعجبكم وتكونون متابعين ومشجعين لي . . الشخصيات : عائلة ريم ريم : عمرها 18 سنه في ثالث ثانوي (( علمي )) مخطوبه وخطيبها أسمه علي (( كان بينهم قصة حب )) رشيقة حلووه شعرها طويل أسود مقطع .. حنطاويه .. عيونها حلوه ونظرتها أحلى .. إبتسامتها حلوه وجذابه طيبه إجتماعية مع الكل وتحب تسولف مع الناس .. ريم الوحيده من بين أخوان ثنين يعني شوي (( دلوعه )) أخوانها محمد الأكبر ومتزوج وعنده بنت أسمها (( فطوم )) عمرها سنتين , ويوسف أصغر من ريم عمره 10 سنوات .. وأبو محمد رجال طيب ماعليه كلام وريم بنته الي مايرد لها أي طلب ويدللها ويسوي كل شي تبيه .. وأم محمد إنسانه طيبه وتحب ولدها الأكبر محمد . عائلة علي علي : عمره 21 سنه شاب حنون ويحب ريم (( خطيبته )) حب يملئ الكون من حجمه ويخاف عليها من كل شي طيب بس احيانا يكون عصبي في بعض الأشياء وسيم لدرجة .. شعره حلو حرير طويل شوي وجسمه رياضي وهو الوحيد بين ثلاث خوات أم علي : إنسانه طيبه ماتحب المشاكل وتخاف على أولادها وايد وعلى علي أكثر ووطبعا تميزه عن خواته أم علي تحب شي اسمه ريم تحبها حب لأنه ولدها علي يحبها ولأنه ريم حبوبه وتنحب أبو علي : رجل أعمال الله ناعم عليه بالشركات والمحلات يعني الحالة المادية ممتازة كريم ومايقصر على ولده ولا على بناته بشي ويحب أم علي ويحترمها . إيمان : أخت علي الأصغر منه عمرها 18 سنه حلووة وناعمه وجمالها هادئ وهي وريم ربع من قبل ما تكون خطيبة أخوها ,, إيمان مخطوبة ماخذه ولد عمها وبكون عرسهم في الصيف بعد ما تكمل مدرسة (( آخر سنة توجيهي )) فاطمة : أخت علي الكبيرة متزوجه وعندها ولدين واحد 7 سنوات والثاني 10 سنوات وبنت صغيره عمرها 6 أشهر طيبه وتحب أولادها زيـنب : أكبر من علي وأصغر من فاطمة متزوجه وعندها ولد عمره سنتين (( عبدالله )) مزاجيه وشوي مغروره بس طيبه ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ الحزء الأول الساعه 3 ونص الصبح كانت ريم قاعدة تدرس أجا آخر ماده عليها يعني آخر يوم إمتحانات وتعبانه مانامت أخذت تلفونها وكتبت مسج إلى علي : حبــيبي علاوي لا تنسى باجر تمرني الساعة 9 ونص المدرسة باجر آخر يوم إمتحانات ادري وحشتك باجر بتشوفني !! كان متملل ومافيه نوومه وقاعد يشووف التلفزيون وصل المسج قرأ الكلام وأتصل بس هي ماردت عليه حاول يتصل مره ثانيه يمكن ترد ماردت .. عصب وكتب لها مسج : ليش ماتردين والله مشتاق أبي أسمع صوتج ردت عليه : انزين اللحين انت صابر 10 أيام مابتصبر إلى باجر .. وصله المسج ومرة ثانيه حاول يتصل بس بعد ماترد كتب لها ماتردين هااا شوفي باجر الي يجي لج ردت عليه بمسج اكيد علاوي بجي لي بعد من غيره طرش لها مسج مره ثانيه دام انتين اللحين قاعده تكتبين مسجات ردي علي أحسن تمللت وأنا أكتب ردت بمسج اووكي بس خلاص باجر حبيبي انتظرك الساعة 9 ونص . الساعة 4 ونص أذن الأذان قامت تصلي وبعد الصلاة قعدت تقرأ قرآن بصوت حزين وخشوع إلى الساعة 5 ونص بعدها قامت تجهزت عشان تروح المدرسة .. كانت خايفة شوي من المادة إجتماعيات يعني حفظ وكلام وايد نزلت تحت وكانت أمها في المطبخ : السلام عليكم أم ريم : وعليكم السلام ريم : شخبارج أماه (( خايفه من لمتحاان صعب وكله حفظ )) أم ريم : لا تخافين ان شاء الله سهل انتين راجعتين عدل وسهرانه طول الليل يعني اكيد حفظتين وتوكلي على الله ــ وهي تعطيها الحليب ريم : لا ما ابي شي بروح تأخرت يلا أدعي لي أماه واليوم اني مابرجع البيت بروح ويه علي بيتهم مع السلامة أم ريم : الله يوفقج ان شاء الله وتحملي بروحج وسوي زين . بعد هالدعاء ارتاحت ريم شوي وراحت . وصلت المدرسة الساعه 7 وربع وراحت يم الكفتيريا هناك التجمع هي وربعها السلام عليكم : وعليكم السلام وينج شخبارج الحمدلله خايفة .. شخبارج أمون وشخبار عمي وعمتي إيمان : الحمدلله زينين يسألون عنج أسبوعين ماشافوج واني الحمدلله تماام ريم : أكيد تمام دام آخر يوم وآخر إمتحان وبس خلاص بتتخرجين ولا بعد بتعرسين إيمان : أي وش نسوي بعد وتبتسم ..(( إيمان ماخذه أدبي ومابتكمل دراسة جامعة بس بتكمل الثانوي )) بعدها قاموا البنات وكل وحده راحت قاعتها في القاعة وقبل لا تدخل المراقبة البنات يغيرون الأرقام والطاولات ويعدلون مواقعهم دخلت المراقبة وعندها الأوراق سلمت وردوا السلام وكل وحده مستانسه المراقبه هبلة وبيقدرون يغشون وابتدأ توزيع الأوراق .. كان لمتحان سهل وريم تجاوب على كل سؤال ومافي سؤال مر عليها صعب كل سؤال كانت تحله و تكتب كل إلي عندها والبنات إلي قدامها وربعها الغش والحل الجماعي والمراقبة ولا تدري عن شي !! وكانت ريم تغششهم وتخاف تشوفها المراقبة الساعة 9 وربع سلمت ريم الورقة خلصت قبل الوقت وراحت تقعد على الكراسي الي موجودين في وسط ساحة المدرسة وشافت إيمان هناك إيمان : وش شخبار الإمتحان ؟؟ ريم : حده سهل ماتوقعته جذي وانتي ؟ إيمان : أي سهل والبنات ماقصروا ساعدوني شوي ريم : هههههههههههه اليوم البنات حلو لإمتحان حل جماعي مو قاعة إمتحان , انزين بقولج بتجين ويانا اللحين بمر عليي علي بروح البيت بتجين ؟؟ إيمان : لالا بروح في الباص ريم : ليش عاد تعالي ويانا احنا جذي جذي بروح البيت إيمان وهي تغمز : لا بعد أخاف اضايقكم شي .. لالا ما باجي ريم : ويش ويش مافهمت إيمان : هاا ولا شي هههههههه بس ريم : اوهوو لا تدلعين تعالي عاد ويانا إيمان : قلت لج ماباجي بروح ويه البنات في الباص ريم : اوكي براحتج يلا مع السلامه علاوي سوه لي رنه وصل إيمان : أي صح نسيـت بقولج اليوم بتنامين في البيت له عندي فلم جديد إلى شاروخان تعالي ليي بنشووفه ريم : الااااااااااي صدق بس عاد اذا أخوج سمح ليي .. يلا مع السلامة طلعت ريم من المدرسة وشافت سيارة علي من بعيد (( كورفت سي فايف سوده )) راحت ماشافت أحد في السيارة .. أتصلت له وقال لها اللحين بجي ركبت السيارة ودقايق ووصل علي (( كان متكشخ حده ولابس قميص أسود وبنطلون أسود (( لونها المفضل )) وشعره على وره وطويل شوي )) ريم : وين رحت علي : كنت في البرادة أشتري لي بيبسي .. وش هالبنات مايستحون جت وحده صوبي وعطتني ورقة بس ما أخذتها (( ماكان في البراده بنات )) ريم وهي تطالع من بره : زين له وجان أخذت الورقة علي في باله (( بل ولا تغارين ولا تقولين شي لكن أراويش )) : اممممم تصدقين لكن حليووه لبنيه وطالع نص شعرها أشقر بعد ريم : اقول علي : قولي حبيبتي ريم : وقف خلني أنزل وأنت روح البرادة إلى لبنيه اووكي علي :هههههههههه ووووويلي فديتهم الي يغارون ريم : طالعته بنظره علي : عيوني انتي قلبي روحي حياتي حبي مافي وحده مثلج ومستحيييل اشوف وحده غيرج مجنون أنا اشوف غيرج أحبـــــــــــــج وحشتيــــــني وحشتيني ريم : هـــــــــي أنتبه ولا تقعد تصرخ بقولون الناس مجنون علي : خلهم يقولون مايهمووني اقول ريمي ريم : هلا قول علي : وأنا ماوحشتج ريم سكتت شوي : اممممم ما ادري يقولون علي : وش يقولون ؟؟ ريم وهي تبتسم : انك وحشتني .. علي وريم راحوا مجمع البحرين وتمشوا شوي وأكلوا .. وبعدها رجعوا البيت دخلوا البيت الساعه 12 الظهر كان هدوء ومافي أحد راحوا فوق غرفتهم .. راحت ريم تبدل ثياب المدرسة في غرفة التبديل (( جزء من غرفة علي الكبيرة )) بعدها طلعت شافت باقة ورد حمره كبيره فيها ورقة مكتوب عليها صدق وحشتـيني أحبج .. أستانست وقعدت أتطالع في الورد .. دخل علي ساكت قامت ريم وراح يمه ريم : مشكووووووور عـ الباقة عمري الله يخليك لي وأنت بعد وحشتني واااااااااااااااااااايد علي : ويخليج لي ومايحرمني منج بعدها راحت ريم تصلي .. وهو راح المسجد كملت ريم صلاتها ونامت .. رجع علي من المسجد وكانت أمه في الصالة علي : هلا أماااه وينج ؟؟ أم علي : هلا كنت رايحه بيت خالتك علي : اها انزين اكي ريوم هني ماشفتينها أم علي : لا وينهي روح نادها من زماااااان ماشفتها أفادي فيها دخل علي الغرفة كانت ريم نايمه على السرير نزل إلى أمه وقال لها نايمه ريم الساعة 2 الظهر وقت الغده أم علي قالت إلى علي يشوف ريم اذا تقعد تتغده ؟؟ راح علي ومات وهو يقعد فيها وهي نايمه (( تعبانه )) فتحت عيونها وقالت : ما أبي شي أبي أناااااااام قال لها اووكي ونزل وخبر أمه وأبوه أم علي : خساره جان تتغده ويانا من زمان ماشفناها وهذي الطبخه تحبها بعد بخلي ليها علي : أي بس هي تعبانه ما نامت من أمس اذا قعدت بتاكل أبو علي : اي خلوها تنام ومحد يسوي أزعاج لبنيه تعبانه من المدرسة الساعه 3 العصر كان علي قاعد يشوف مسلسل وكاتم الصوت (( خايف يزعجها )) مايسمع الا صوت جهال وصراخ وركيض قال : أكيد شرفوا الخوات وأولادهم المزعجين نزل تحت وشاف الجهال يلعبون صرخ عليهم وسكتهم وراح إلى خواته : شوفوا كل وحده تاخذ ولادها وتقعدهم وتسكتهم لا أذبحهم وأنتين سكتي بتج أزعجتنا لا أفلتها بره وهو رايح فوق : الناس مايمديها تنام مو بيت هذا وراح فوق يشوف اذا قعدت ريم او لا بس هي ناايمه في عالم ثاني ولا تدري بأي شي ولا حست بالأصوات . . هل بتستمر علاقة الحب بين ريم وعلي ؟؟ وريم فيها شي او بس تعبانه ونايمه ؟؟ أنتظروني في البارت الثاني وأتمنى القصة تعجبكم وتشجعوني عشان أكمل ..!! Quote Link to comment Share on other sites More sharing options...
بدون اسم احسن Posted فبراير 4, 2008 Report Share Posted فبراير 4, 2008 تسلمين على القصة,, ويبين عليها روعة وبنتظار البارت الجاي.. Quote Link to comment Share on other sites More sharing options...
danat aldonya Posted فبراير 4, 2008 Report Share Posted فبراير 4, 2008 شكلها حلوة القصة بانتظارج حبوبة يسلموووووووووو Quote Link to comment Share on other sites More sharing options...
maiooo Posted فبراير 4, 2008 Report Share Posted فبراير 4, 2008 ثانكس عل قصة.. شكلها حلوة.. ننتظر الباارت اليااي Quote Link to comment Share on other sites More sharing options...
غصون المحبة Posted فبراير 4, 2008 Report Share Posted فبراير 4, 2008 يسلموووووو ع القصه حدها روعه ننتظر الباررت الجاي Quote Link to comment Share on other sites More sharing options...
bent cool Posted فبراير 4, 2008 Report Share Posted فبراير 4, 2008 يسلموو ع القصة ننتظر الباقي Quote Link to comment Share on other sites More sharing options...
فـ قلبي ـي Posted فبراير 4, 2008 Author Report Share Posted فبراير 4, 2008 بدون اسم أحسن danat aldonya maiooo غصون المحبة bent cool . . مشكوووورين عـ المرور الحلوو منكم والمتابعه ,, أتمنى أشوف طلتكم دووم . . نتظروني ان شاء الله الليلة بنزل الجزء الثاني Quote Link to comment Share on other sites More sharing options...
بطة المنامة Posted فبراير 4, 2008 Report Share Posted فبراير 4, 2008 يلااا انه رديت علشان عيووونج وعلشاان تكمليين القصة نبي في اليوم اكثر من بااارت لاتعبينا كل يووم بارت ههههههههههه Quote Link to comment Share on other sites More sharing options...
فـ قلبي ـي Posted فبراير 4, 2008 Author Report Share Posted فبراير 4, 2008 (edited) فديــتج تسلمين بطة المنامة يشرفني ردج وان شاء الله من عيوني اقدر أنزل في اليوم أكثر من بارت ويلا اللحين البارت الثاني . . . الجزء الثاني فاطمة : ويش فيه اليوم ليش معصب ؟؟ أم علي : مافيه شي بالعكس لا معصب وله بس ريم اليوم آخر يوم إمتحانات واللحين هي هني نايمه وجهالكم سووا إزعاج يمكن قعدووها فاطمة : ايه يعني .. حسـين ماما تعال أقعدي شوف التلفزيون و أسكت ريم نايمه عبوود خالو تعال هني اقعد صوب الماما زيـنب وهي تسوي حركه ببوزها : تعال عبود حبيبي فاطمة : الا أقول وين إيمان ؟؟ أم علي : مر عليها حسن قبل الغده وراحت بيت عمها وتقول العصر بتروح ويه خطيبها يختارون غرفة النوم زينب : أي قرب عرسهم ماباقي شي .. وقعدوا يسولفون عن عرس إيمان وعن الصيف ووين بسافرون .. الساعة 5 العصر نزل علي وكانوا خواته قاعدين وأمه وخالته وبناتها في الصالة مر عليهم وشاف خالته هناك راح وسلم عليها وحبها على راسها أم أحمد : حبتك العافية ان شاء الله .. شخبارك ماتمرنا ولا تجيب خطيبتك لينا ولاشي علي : ويش أسوي خالتي مشغول ان شاء الله قريب باجيبها اذا صار في وقت .. ودار إلى أمه علي : أقول أمااه ريم للحين نايمه محد يروح يقعدها خلوها نايمة تعبانه وأنا بطلع بروح ويه ربعي اوكي مع السلامة وتحملي بريوومي أم علي : ان شاء الله الله يسلمك بس ويش فيك ماسلمت على بنات خالتك علي : اووووه مسامحه والله ما أنتبهت سامحوني بنات خالتي شخبارج ليلى شخبارج هدى هدى : الله يساعدك ما أنتبهت ..!! اني الحمدلله زينه وليلى تسأل عنك ليلى كانت ساكته وماتكلمت .. علي : سألت عنكم العافية .. يلا مع السلامة الكل : الله يسلمك المغرب رجعت إيمان بيتهم وكان الكل في الصالة قالت لهم يلبسون لأنه خطيبها (( حسن )) بيدخل يسلم وبروح أم علي : الله يسلمك .. وانت شحوالك وشحوال أمك وأخوانك وخواتك حسن : الله يسلمج كلهم زينين ويسلمون عليكم .. يلا إيمان أنا بمشي أم علي : وينه بتروح أقعد تعشى ويانا له حسن : لا عمتي الله يغنيكم باروح عندي شغله لازم اخلصها أم علي : اووكي على كيفك الله يسلمك سلم على بيتكم إيمان راحت مع حسن وصلت إلى الباب ورجعت إيمان : الا أقول وينه ريمووه عنكم ما أشوفها قاعده غريبه فاطمة : نايمه .. أم علي : نايمه للحين ماقعدت حتى غده ماتغدت إيمان : بااااااااااااااال من الصبح للحين وماقعدتونها وهي تركض بتروح تقعدها أم علي : إيمان لااااااء خليها نايمه أخوج قال محد يقعدها إيمان : ويش ما اقعدها طالعي الساعة جم ؟؟ وراحت فتحت باب الغرفة كانت بارده إيمان : ريموووووووووه قعدي ماردت عليها ماقعدت راحت ليها تحركها : ريم ريم قعدي بسج نووم فتحت عيونها : هااااا وش فيج أمون وش تبيـن إيمان : قعدي شوفي الساعة جم اللحين 7 وانتين للحين نايمه قامت ريم مره وحده : بااال ليش خليتوني نايمه لهالحزه !! إيمان : ويش دراني اني عنهم توني جايه وقالوا ليي انتين نايمه من الصبح ريم وهي قايمه من السرير : بل واجد نمت ومحد قعدني انزين وين علي إيمان : ما ادري عنه شكله طالع اني جيت الا تحت كلهم خواتي وخالتي وبناتها قاعدين ريم : انزين اللحين وش تبين مو قعدتيني يلا دلفي خليني أقوم أغسل وأصلي وبعدين بنزل تحت إيمان : أدلف هااا مشكووره لكن شوفي الي تراويج الفلم الليلة .. باقفل الباب وتحلمين تشوفينه ريم : لاااااء حبيبتي أموون الغاليه صديقتي .. تذكرين كنا ربع في المدرسة وناكل ونقعد ويه بعض إيمان : انزين وبعدين ؟؟ ريم : ههههههه ولا شي بس خليني أجي اشوف الفلم وياج (( تسوي روحها حزينه )) إيمان : انزين وهالمره لا تقولين ليي دلفي يلا سي يوو ريم : اووووكي طلعت إيمان عن ريم وراحت غرفتها .. ريم غسلت وصلت واتصلت إلى علي علي : هلا هلا صباح الورد والياسمين صباح الحب ..(( علي كان قاعد مع ربعه وكلهم قعدوا يطالعون علي مستغربين الساعة 7 الليل وهو يقول صباح الورد )) ريم : ههههههههههه صباح الحب وينك ليش خليتني نايمه لهالحزه ليش ماقعدتني علي وهوو قايم : لحظه بس لحظه (( كان بروح بعيد عن ربعه لأنهم يطنزون على صباح الورد ويضحكوون ومسوين إزعاج )) علي : هلا ريمي .. ماقعدتج لأنج تعبانه له مايصير أقعدج ريم : انزين بس شوف الساعة جم .. انزين اللحين انت وينه ؟؟ علي : ويه الربع واللحين جاينج دقااايق لا ثواني ريم : لالا وش فيك لا تجي ماقلت لك تعال بس سألتك اقعد ويه ربعك اني بنزل تحت تقول إيمان هني خالتي أم أحمد (( إيمان تقول خالتي مثل مايقول خطيبها خالته )) علي : أوكي عمري عجل يلا نزلي .. ريم : ان شاء الله يلا رووح إلى ربعك حبيبي ومع السلامة علي : لحــــــــــــظه لـــحظه ريم : هلا وش فيك علي : لا تنسين أكلي لج شي ما أكلتين شي اليوم اووكي عمري بااي ضحكت ريم وسكرت التلفون ونزلت تحت ريم : السلام عليـــــــــــكم .. شخباركم أم علي من شافت ريم قامت بتحضنها : ويلي عليج وين ريم من زمان ماشفتج ولا تتصلين تسلمين علينا ولا شي هذا ويه مو إمتحانات وتحضنها ريم : ههههههههه وش أسوي عمتي بعد تدرين مرت ولدج شاطره له أم علي : اييييييي الله يوفقج وينجحج أن شاء الله .. إيمان : وأحـــــــــــــــنا !! أم علي : وإيمان ان شاء الله بعدها ريم سلمت على أم أحمد والبنات وقعدت وياهم تسولف ربع ساعة الا داخل علي إيمان : بل بل هذا ويش توها نازله ريم ما مداها ماصدقت قعدت سيده جيت علي ولا كأنه يسمعها : ريمي حبيبتي تعالي شوي بقوولج قامت ريم وراحت معاه الصاله الثانيه ريم : علاوي ليش جيت اني مو قلت لك لا تجي علي : ايييي بس لصبيان مللوني يتحججون ويضحكون على قلت لج صباح الورد وأنا بعد متملل وأمبي أجي لج وأخذتها حجه وسويت روحي زعلان ومشيت ريم : اهاااا مسااكين .. انزين واللحين وش تبي ؟؟ علي : يلا روحي ألبسي بنطلع برووح كل مكان بطلعج اليوم وبندور لنص الليل ريم : لا ما ابي أطلع اليوم متملله وتعبانه باجر بنطلع مشكوور عيوني خلها لباجر علي : لا مافي الليلة الليلة ريم : لا ماقلت لك مابطلع وبعد خالتك اليوم جايه وماقعدت وياهم وتوني نازله شوي الا انت جاي وش بقولون خلها لباجر عمري علي : اوووكي يلا رووحي لا يقولون ريم : ههههههههه وش بقولون علي : ههههههههه شدراني يلا أنا باروح فوق اووكي وراح علي فوق وريم رجعت وقعدت وياهم .. وقعدوا سوالف والساعة 10 أم أحمد وبناتها راحوا وزينب مرها زوجها وراحت أم علي : ريم تعالي قعدي صوبي .. ريم راحت قعدت أم علي : شخبارج أن شاء الله سويتين في لمتحان اليوم زين اني قاعده واحاتيج وأسأل علي عنج واجد نمتين ريم : ههههههههه وش أسوي سهرانه مانمت يومين ولمتحان اليوم الحمدلله كان سهل دخل أبو علي قامت ريم سلمت عليه أبو علي : هـــــلا ريم شخبارج هذا ماصارت إمتحانات خلتج ماتجين البيت .. عجل آخر يوم اليوم الله ينجحكم واذا نجحتين لج مني هدية . إيمان : أيـــــــــــــه أشوف الكل ريم وأني لا سلام ولا هدية ولا شي أبو علي : ههههههههههههههه لالا كل شي ولا الغالية إيمان .. انتين وريم لكن هدية بس خله تطلع النتايج . إيمان : ان شاء الله .. وننتظر الهدايا لحليووه يا أحلى أبو في الدنيا أبو علي وهو داير إلى أم علي : أم علي تعشيتوون ؟؟ وتوها بتقول أي الا إيمان بصوت عالي : ايييي تعشوا هي وفطوم وأني وريم ما تعشينا وش بتطلب لينا ؟؟ أبو علي : انزين خلي أمج تتكلم اللحين بطلب ليكم أم علي تمبين وياهم ؟؟ أم علي : لا الحمدلله تعشيت أبو علي : انزين بنات وش تمبوون نطلب ؟؟ ريم كانت تبي بيتزا وإيمان تبي مشوياات وفاطمة ماتبي شي ووصل زوجها وراحت ريم : اووووه أمون أخذي بيتزا ومعجنات عااااااااد إيمان : لالا مافي مشويات يعني مشويات مافي بيتزااات أبو علي : انزين ولا وحده منكم تزعل بنطلب بيتزا ومشويات ومعجنات البنات : اووووووووووووووكي الساعة 12 ريم تذكرت علي : اوووه نسيت علي فوق من زمان هههههه بل اللحين عصب إيمان : مسكين أخويي كله تعصبينه قومي روحي له ريم وهي قايمه : يلا باروح وانتين لا تقفلين حجرتج باجي لج بنشوف الفلم إيمان : اووكي راحت ريم الغرفة وكان علي نايم (( تملل وهو ينتظرها )) ريم : علاوووي أقعد اني جيت .. وهوو مفتح عيونه شوي : جان ماجيتين ريم : اوكي يلا باي عيل برووح علي : لا أمزح قعدي .. ريم : وين أقعد وأنت نايم عني بروح إلى إيمان بشوف وياها فلم علي من سمع ريم تقول فلم قعد مره وحده : لااااااااء بس قعدت قعدت لا تروحين ريم وهي ترفع حاجبها : يؤه وش فيك قعدت مره وحده بسم الله !! علي : مافيي شي وهو يبتسم ريم : انزين انت شكلك تعبان عاد خلني اروح اشوف الفلم شروخان جديد أمون اللحين بتطالعه علي وهو شوي بدأ يعصب : لووو الموت مافيه طلعه من الحجره ريم : ليش يعني خلني عاااد حبيبي علاوي .. علي ولا كأنه يسمع ماهمته وهو يهز راسه يعني مافيه رووحه دقايق الا إيمان تطق الباب : ريــــــــــــــم يلا تعالي بشغل الفلم علي : ماااااااابتجي ودلفي لا اجي أراويج اللحين وأكسر الفلم على راسج ريم ساكته وتطالع علي (( وش فيه هذا معصب )) علي قفل الباب وأخذ المفتاح (( يعرفها يمكن تحسه نايم وتروح تشوف الفلم )) وجاب لها شنطة سيديات علي : إختاري أي فلم يعجبج واللحين بشغله هندي أجنبي عربي كلهم جدد ريم : لا ما ابي ولا فلم أبي أشوف شاروخان (( شوي وبتصيح )) علي (( اووف ياهو شاروخان الي أبتلشنا فيه )) : شوفي هالفلم عجيب رومانسي وهندي بعد يلا بشغله بنشوفه ريم بحزن : يلا شغله وش نسوي نطالعه وبس علي استانس وراح يشغله ...(( علي يغار من شاروخان وما يحب ريم تتكلم عنه أو توصفه وريم تحب شاروخان وتحب تشوف أفلامه )) مر أسبوع على خير وإيمان وريم خايفين من النتائج باجر النتائج والله يستر !! الساعة 8 ونص الصبح ريم قاعده وتتصل إلى حسين تبيه يمرها تروح المدرسة ريم : اوووووف مايرد .. رد عاد تمللت واني أتصل الساعة 10 أتصل لها ..علي : آسف والله آسف كنت نايم ريم : لا عادي يلا تعال بسرعه علي : دقاااااااااايق لا ثواني وأنا عندج وشوي وصل علي وراحوا المدرسة بس النتائج ما نزلوهم للحين الساعة 11 ونص بنزلونهم علي : اووكي حبيبتي بوديج البيت وأنا بعدين بمر المدرسة ريم وهي خايفه : انزين علي وصل ريم البيت ووهو راح .. ريم قعدت مع عمتها أم علي وإيمان ويسولفون عن العرس وانه قريب والتجهيزات وريم بس ساكتة وخايفه من النتيجه الساعة 11 ونص ريم تتصل إلى علي ومايرد إلى الساعة 12 عصبت وقعدت تصيح خايفة دخل علي البيت وراح الصالة كانت إيمان وريم ينتظرون علي على أعصابهم وريم تصيح وزادت تصيح يوم شافت علي دخل ساكت علي : افااااااااا ويش هالدموع ليش تصيحين .. وهي تطالعه وساكته علي : وحده مثلج ماخذه 93.5 ماتصيـــــــح .. ريم صرخت : صــــــــــدق نجـحت (( وحضنت علي )) إيمان : هـــــــي لا تسون لنا هني فلم وأني ويش نتيجتي ؟؟ علي : انتين بعد شطووره يا اختي العزيزه 91.2 .. أستانست إيمان وراحت تبشر أمها عن نتيجتها ونتيجة ريم وطبعا مانست تتصل إلى خطيبها وتبشره .. وأتصلوا بشروا أبو علي وقال لهم الليلة بطلعهم بروحون مطعم بمناسبة نجاح ريم وإيمان طبعا ريم راح بيت أبوها وبشرتهم وفرحت أمها وحضنتها وقعدوا يصيحوون علي : بس له عمتي لا تخلينها تصيح تدموعها غاليه ما اقدر على لدموع أنا أم محمد : هههههههههه بس خلاص هذي الا دموع الفرح انزين يلا قعدوا تغدوا اليوم ويانا وقعدوا تغدوا .. والمغرب راحوا بيت أبو علي أبو علي كان ينتظرهم الساعه 9 بروحون المطعم تكشخوا إيمان وريم وأول ناس قعدوا ينتظرون وطبعا أم علي خبرت فاطمة وزيـنب الساعة 11 ونص رجعوا البيت .. وإيمان وريم مستانسين أبو علي مثل ما وعدهم وكل وحده كانت هديتها خاتم ذهب وفيه ذهب أبيض وصاير رووعه .. بعد ما أحتفلوا كل واحد راح غرفته وعلي كانت هديته إلى ريم سلسلة مرسوم عليها صورته (( باليزر )) حلووه صايره .. ريم أستانست ولبستها .. مروا أسبوعين اليوم تاريخ 1/7 حنة إيمان كان البيت كله زينه وناس والأهل مجتمعين .. ريم كانت لابسه تنوره بنيه حلووه وفيها تحت شك وبدي بصلي وفيه بعد شك وكانت لامه شعرها ومنزله خصله على وجهـها .. وحاطه شدو بني عجيب ناعم وكان مكياجها ناعم وحلو .. كانت تمشي وتسلم على الناس وتتحرك وتسولف .. ريم ماكانت لابسه دبلتها (( لأنها بتتحنه )) في وحده من الي معزومين (( مره شوي كبيره )) بس تطالع في ريم سألت الي يمها وقالوا لها انها وحده تصير لأهل العروس أم علي كانت ماره نادتها : تعالي باقولج شي أم علي ؟؟ أم علي : أمري أم حسـين ؟؟ أم حسين : شوووفي هذيــــــك الي عليها تنوره بنيه ويش حلاوتها قمر بنخطبها لولدي حسـين منهي امها راويني اياها . . . وش تتوقعون أم علي تسوي ؟؟ وهل بطوف العرس على خير ومابصير شي يمنعه ؟؟ وعلي وش بكون موقفه من سالفة أم حســـين . . أنتظروني في البارت الثالث ولا تنسوووون الردود والتشجيع Edited فبراير 4, 2008 by فـ قلبي ـي Quote Link to comment Share on other sites More sharing options...
بطة المنامة Posted فبراير 4, 2008 Report Share Posted فبراير 4, 2008 هههه يلااا متى البارت الثالث تأخرتي صراااااحة حشى مسكينة توها منزلة البارت كليتها من قشوورها !!!! يلااا تشجيع قووي مني Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.