Jaime Posted فبراير 11, 2009 Report Share Posted فبراير 11, 2009 الســلام عليــكم و رحمــة الله و بــركاته أنــا مريــت على قــصة فــي منتــدى و الصــراحة وااايد عجبتــني لأن أحــداثها حقيقــية صــدق الكــتابة غير محــترفه لأني اللي أعرفه بنت في الثانوية كتبتها لأنها نقلتها عن تـجربتها الخـاصة و تشوف اللهجــات تتغير من بحريني لسعودي لمصري.. بس بصراحة واايد حلوووة و أي بــنت تمر بتجربة الثــانوية أو راح تمــر بالتــجربة راح تمــر راح أتحس روحها متــصلة بهالقصــة و هي تقــراها لأنــها من جــد أحداثها من واقعـــنا أخليــكم مع القصــة اللي مو واايد طويلة و انشالله تعــجبكم و راح أضيف كل مــرة جزء الفصل الأول: الماضي و الحاضر نورة بنت عمرها 15 سنة.. ما يميزها عن باقي البنات هو وجهها.. فجمالها ليس كملامح ملكات الجمال.. بل أنه أجمل.. كيف؟؟ لقد سمعتم بالمقولة "الجمال الداخلي يعكس على الجمال الخارجي" فقد أثبتت نورة هذا الشي.. هي بنت خجولة و لا تعرف كم هي جميلة.. أحيانا يخبرها بعض الناس و لكنها تظن أنهم يجاملونها.. هناك مشكلة مضايقتها و ما حبت تقول السبب الحقيقي اللي مضايقها.. سلوى عمة نورة: شفيك حبيبتي شاللي مضايقك؟؟؟ نورة: راح أبدأ أول يوم في الثانوية بكرة و أحس قلبي من الخوف راح ينفجر! عمة نورة سلوى: و ليش كل هالخوف حبيبتي! مدرستك الجديدة مو مختلفة عن مدارس مصر نورة: هذي مو الشي الوحيد اللي يقلقني..أمل و هدى يقولون إن المدارس الحكومة الثانوية متروسة مشاكل و بنات يركضون ورى المشاكل!! عمة نورة سلوى فتحت عينها على الآخر! "بنات يراكضون ورى المشاكل.. من وين لهم هالكلام!" نورة: مادري يا عمتي المهم.. أنا بروح أنام.. بكرة أول يوم مدرسة و أبي أكون نشيطة" سلوى: تصبحين على خير حبيبتي نورة: و انتي من أهله عمتي. نورة بنت درست طول حياتها في مصر.. لأن أبوها شغله هناك.. هي شافت و تعرف كل أنواع المصائب.. فأمها توفت و هي عمرها ثلاث سنين بس.. فكل الحنان اللي حصلته كان من أبوها في مصر.. بس أبوها لاحظ كيف هي تعيسة من غير أم تنصحها أو أخت تجابلها أو أي أحد يعطيها حنان الأم.. فقرر أن يرجع بنته بلدها في الخليج لتعيش مع أخته الكبيرة.. عمتها اللي حنانها حنانها يغطي على ديرة. نورة من النوع الهادئ.. ما تكلم أحد من غير ما يبدأ هو بالكلام.. ما تحب تشوف أحد في عينه و هو يكلمها.. البعض يقول أنها طالعة على أمها.. خجولة و هادئة.. و الآخر يراها متأثرة من وفاة أمها.. فعمتها ما حبت الوضع.. فقامت و عرفتها على بنات الجيران.. أمل و هدى.. حبتهم من قلب لأنهم أول بنات تعرفت عليهم في حياتها و بدأت الشمس في بداية شروقها في حياة نورة.. غسلت وجها و وقفت تطالع روحها في المنظرة.. "أول يوم.. الله يعيني.. الكلام اللي سمعته من البنات خرعني" فكرت نورة و هي تناظر روحها في المنظرة "إنشالله يكون المنهج سهل.. هذا أهم شي" سلوى: يلا نورة نزلي أكلي الريوق راح تتأخرين عن المدرسة نورة: إنشالله عمتي أكاني ياية لبست نورة قميص أكمامه طويلة و عليه المريول و ربطت حزام المريول بطريقة مرتبة لمت شعرها البني الفاتح الطويل بربطة تناسب لون المريول و رشت رشة خنة صغيرة.. كان كل شي مرتب و ناعم فيها.. بس ليلحين كان فيها نوع من الوسواس نزلت نورة و هي تركض.. حبت عمتها و ركبت السيارة.. و بدأت تدلي السايق المدرسة.. كل ما قربت من المدرسة كل ما قلبها دق أسرع.. في مصر كانت تدرس في مدرسة خاصة تمزج فيها الأولاد و البنات و لكن شخصيتها و طبعها عمره ما قربها من أي من الأولاد.. و لا حتى البنات.. بس بسبب عمتها و تعرفها على هدى و أمل.. كانت نورة متشوقة للقاء بنات جدد.. بس ما تدري شنو راح يصيير لها في هذي المدرسة اللي بتكون لها أول مرة تحط رجلها في مدرسة حكومية في بلدها. نزلت من السيارة و هي تناظر يميين و شمال.. كأنها خايفة من شي.. و بدأت تمشي بين البنات و هي منزلة راسها.. و كل ما ترفعه شوي كل ما تشوفه وجوه بنات.. الكثير من الوجوه و كلهم ممسوحين في نظرها لأنها ما قادرة تركز.. هذي أول مرة تشوف بنات بهالعدد في مكان واحد. وقفت نورة في مكانها و هي لامة يدينها و تطالع الأرض و الشي الوحيد اللي حابة تسمعه هو جرس بدأ الإصطفاف اللي بساعدها من الإبتعاد عن الوحدة. المشكلة اللي زادت هم نورة هو ميولها المختلف عن ميول أصدقائها هدى و أمل.. هي تحب الطب و كل ما تتمناه حاليا هو أن تكون طبيبة تعالج الناس و تنقذهم من الموت.. من يوم وفاة أمها قررت هالشي.. مرض أمها و وفاتها خلها تحس بأهمية معالجة صحة الآخرين. فقد دخلت المسار العلمي. أما بالنسبة لهدى و أمل فهم يرون المسار التجاري أنجح هالأيام. كانت نورة واقفة تفكر في هدى و أمل.. و فجأة!!! أنقطع حبل التفكير بصراخ بنت.. بل بنتين ظنت نورة بأنهم بموتون و حطت يدها على قلبها.. بس في الصج طلع أنهم فقط فرحانين بشوفة بعض.. و ما تم لمة و ما تم بوسة.. مرة وحدة سمعت نورة وحدة تكلمها من وراها.."اللي يقول ما شايفين بعض من دهر!" ضحكت نورة و إلتفتت وراها لتشوف من كانت تتكلم شافت بنت طولها نفس طولها بس كانت ممتلئة شوي و شعرها مربوط بنفس الطريقة بس كان أقصر من شعر نورة اللي يوصل لنهاية ظهرها و البنت كان مبين عليها حبوبة. "لا تخافين منهم ترى كل سنة هالبنات يسوون هالحركات حتى لو الكل يدري أنهم يشوفون بعض كل يومين في الإجازة" وقفت نورة مبتسمة و مستانسة بأن وحدة من البنات جات تكلمها. " أنا أسمي العنود.. في صف الثاني الثانوي و انتي مبين على شكلك أن هذي أول سنة لك في المدرسة" "هههههه.. أنا نورة و هذي أصلا أول سنة لي في البلد!" العنود: من صجك! عجل ما تعرفين ولا شي عن مدرستنا و لا أحد من البنات! نورة: أي والله.. أنا وايد خايفة بأن تكون المدرسة على سوء ظني.. عندي ربع نفس سني بس مدرستهم تجاري.. و سمعت منهم كلام يخوف! العنود: كلام يخوف! مثل شنو؟ نورة بصوت واطي: صج في بنات يدخنون سجاير الله يكرمك.. في الحمامات من دون ما يعرف أحد؟؟!! و تطلع العنود ذيك الضحكة العالية.. و تقعد نورة تتلفت وهي منصعقة لأنها أول مرة تشوف أحد يضحك كذا العنود و هي تضحك: هاهاااااااااااي العنود: شوفي بقولك حبيبتي.. مافي مدرسة في البلد كامل ما فيها مشاكل.. و لأني أخاف عليك بقولك أن التدخين أقل شي لازم تخافين منه.. في سوالف أخس من كذا.. نورة: هااااااا؟؟!! أخس من التدخين! شنو هذا اللي أخس من التدخين!! و ين المشرفات.. وين المديرة عن هالسوالف! أنا ما فاهمة! العنود: و مين قال أن هذي السوالف الكل ينصاد فيها.. و المشرفات أصلا يدرون بس مافي في يدهم حيلة.. و مافي فايدة! بس انتي بتعرفينها و راح تشوفينها جدامك كل يوم.. إنتي خلك بعيد عنها و راح ترتاحين و تحملي تجربين من بنات لهم هالسوالف.. لأن ذبحتهم يفروون مخ الوحدة. نورة سكتت و هي مفهية! نورة: ما فهمت ولا شي من اللي قصدك! أي سوالف ذي! العنود: يا الله!!!!! الله يعينك حبيبتي.. إنتي بس خلك معاي و راح أفهمك اللي تبينه بعدين لأن أحين وقت الإصطفاف و راح نتأخر. إبتسمت نورة للعنود و مشوا ثنتينهم و الجرس كان يدق.. وصلت العنود نورة لصفها و خلتها توقف بالأول. العنود: أشوفك في الفسحة إنشالله. نورة: مشكورة على كل شي حبيبتي. العنود: هذا واجبي والله راحت العنود و تمت نورة واقفة في مكانها و إلا تلمح بنت من بعيد خلتها ما تصدق اللي تشوفه.. أنا أتخيل و لا حقيقية اللي أشوفه! كيف بنت بهالشكل في المدرسة و ليش؟؟؟ تتبع القصة مع الفصل الثاني اذا شفت تفااااااااااااعل راح انزل الاجزاء الباقيه والقصه قصيره Quote Link to comment Share on other sites More sharing options...
reeeeem Posted فبراير 11, 2009 Report Share Posted فبراير 11, 2009 ايـي قريتها من قبل اللي ماقراها خله يقراها لأنها صج حلللوة القصة Quote Link to comment Share on other sites More sharing options...
wolf girl Posted فبراير 11, 2009 Report Share Posted فبراير 11, 2009 وين الباقي انا ناطره Quote Link to comment Share on other sites More sharing options...
miss pink.emo girl Posted فبراير 11, 2009 Report Share Posted فبراير 11, 2009 انطر القصه كامل بييس Quote Link to comment Share on other sites More sharing options...
بحرينية دلووووعة Posted فبراير 12, 2009 Report Share Posted فبراير 12, 2009 مشكورررة وناطرين الباااقي Quote Link to comment Share on other sites More sharing options...
حشمه Posted فبراير 12, 2009 Report Share Posted فبراير 12, 2009 مشكووره ننتظر الجزء الثاني لاتأخرييين Quote Link to comment Share on other sites More sharing options...
حلى من العسل Posted فبراير 12, 2009 Report Share Posted فبراير 12, 2009 اي قريتها القصه و النهايه وايد مأثره Quote Link to comment Share on other sites More sharing options...
مثــايل Posted فبراير 12, 2009 Report Share Posted فبراير 12, 2009 مشكوووووووو اخووووووووي يلا نبي الجزء الثاااني Quote Link to comment Share on other sites More sharing options...
saroona1984 Posted فبراير 12, 2009 Report Share Posted فبراير 12, 2009 ثانكس اخوي على القصه وبأنتظار التكمله لا تطول علينه Quote Link to comment Share on other sites More sharing options...
Mr.7aMo0oD619 Posted فبراير 12, 2009 Report Share Posted فبراير 12, 2009 شكلها فن يله ننتظر الجزء الثاني والقصة كاملة ويسلموووو Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.