ky1032

للأسف اني انقطعت فترة طويلة عن المنتدى .. لأنه كان عندي شالية وبعته .. جان ما يغلى عليج اختي . بس ما قلتي في وين تبينه .. يعني في بلاج الجزاير لو وين بالضبط .

السلام عليكم ورحمة الله وبركاته.... اخوي نضال ( أجر وعافيه ان شاء الله ) اخواني شباب وشابات المنتدي ... انا وياكم بالموضوع وانه فيه هناك تساهل من بعض الأطباء هداهم الله .. بس اخواني ما تشوفون ان قسم الطواريء له خصوصية غير باقي المراكز؟؟؟ اللي اقصده انه قسم للطواريء يعني المفروض ان اللي بيروح هناك لازم يكون لاسمح الله مجورح او مصاب باصابات خطيرة او مغمى عليه او يشتكي من القلب او السكلر اوغيره من هذه الأمراض ( الله يبعد الشر عنا وعنكم ) ... وبعدين عن موضوع دخول المرافق للمريض .. أنا أحد مؤيدين ان الدخول للمريض وللمرافق الواحد فقط ولين دخل المريض واستلموه الأطباء ينتظر برع لين ينادونه .. يا جماعة الخير شوفوا مستشفيات العالم كلها تطبق مثل هالقوانين واحنا كشباب المفروض نكون اكثر وعي ونقوم بتوجيه الناس .. بس المشكلة ان كل واحد فينا الحين صار يبي معاملة خاصة (طبعا ما اقصد اخونا نضال) بس بشكل عام .. وانتوا شوفوا شبابنا الله يهديهم في الشوارع على سبيل المثال محد يقدر يطق لهم هرن إلا كلوه وتهاوشوا معاه مع انهم يمشون على راحتهم أو يسابقون الريح . عموما اخوي نضال ما تشوف شر ... وليعذرني من يخالفني في الرأي. وسلامتكم. ما لي علاقة بالصحة

السلام عليكم ورحمة الله وبركاته،،،، الأخ العزيز يوسف .. حبيت اكون اول المهنئين بالزواج الميمون. اكيد انت ما تعرفني لكني لبيت دعوة صديقي من اهلك وحضرت زواجك ، ولأنك انسان محترم وخلوق ... اقول لك بارك الله لك وبارك عليك وجمع بيكم في الخير. آآآآآآآآآآآآآآآآآآآآآآآآآآآآآآآآآآمين

جزاكم الله خير اخواني الكرام على هالبادرة الطيبة وجعلها في ميزان حسناتكم .. بس كدرتني صورة الشيشة .. تراها مضرة على صحتكم وسلامتكم

السلام عليكم بصراحة ما شاء الله عليكم وعلى ردودكم الطيبة ..... طبعا احنا ممكن نتكلم وكل واحد يقول رأيه في الموضوع بس أعتقد اخواني الكرام ان المسألة دينية بحته .. يعني ان الله سبحانه وتعالى حرم على البنت والرجل سواء من اضهار مفاتنهم أو تفاصيل أجسامهم .. وهو وحدة سبحانه اللي لازم نسمع كلامه بغض النظر عن آراء البشر المختلفة واللي طبعا تتفاوت بين شخص وآخر كل حسب هواه . وبارك الله فيكم كلكم.

السلام عليكم بالنسبة لي ما أقدر أتحمل ألم فراق الأحبه .... والله ما اقدر وقلبي يعورني

مشكورة اختي على الرد ورفع المعنويات . اشرايج ابيعه اقساط ههههههههههههههههه

مشكورة يالرفاعية ... بس محد اتصل للحين . شكلي بتراجع عن البيع.

اختي العزيزة فاطمة عبدالرحيم بصراحة مدري من وين ابتدي .. هذي ثاني مشاركة لي بالمنتدى .. انا تقريبا ملتزم بالدين .. اقصد ما اروح مسرحيات ولا احب المصاخة بالتمثيل .. بس يعجبني تمثيلج . اختي ردودج واااايد راقية ومحترمة بالذات مع اللي يبون لج الخير من المشاركين واللي دايم ينصحون الناس بالحجاب والالتزام .. وانتي ما عليج قصور اختي فاطمة .. وانا بقدر ما اتمنى انج تاخذين القرار الصحيح في حياتج في نفس الوقت استانس لما اشوف اعمال راقية وهادفة من عمل اخواتي بنات البحرين. أتمنى لج دوام التوفيق ... وما كان لله خير وأبقى ... وما كان للناس فيذهب ويمحي

جزاك الله خير اخوي والله يعطينا حسن التصرف مع عيالنا ... والله هالزمن يخرع ... والشباب يخوفون . الله يحفظ لنا ولكم عيالكم من كل سؤ.

يا شباب خافوا الله في بنات المسلمين . ويا بنات لا تستسلمون حق اي شاب غريب .. واللي يبي الزواج يطق الباب. بس قبل الحكم .. لو تخيل كل واحد منكم انه اخو البنت شنو راح يكون تصرفه. والله شي يحير .. نلوم البنت او الولد؟؟؟؟؟؟؟؟ :"(

مشكور اخوي على المعلومات الحلوة بس لي ملاحظة على الوظائف ... لأنه صدر بيان لجميع اللاعبين في المنتخب اللي يحب ينضم لقوة الدفاع. هذي اللي سمعته بس مدري مدى صحته ... اشرايك والعتب على الراوي.

السلام عليكم جميعا عندي رقم سمسم محتار ابيعه أو لا ... بس اذا حصلت فيه 180 دينار على طول ببيعه . الرقم هو : 200202 39 اذا احد خاطره فيه يتصل على نفس الرقم.