جمـــا "معذبهم" لـــي Posted مارس 17, 2009 Report Share Posted مارس 17, 2009 السلام عليكم ورحمة الله وبركاته صكيت الجهاز وقمت انام تقلبت وتقلبت وتقلبت موب قادره انام فيني حجي فيني كلاام ابي اتكلم وافضفض مالي مكان هالحزه غير منتداي الغالي قمت من الفراش وبطلت الجهاز مره ثانيه وخليت اصابعي تتحرك على الكيبورد وتكتب إلي بداخلها كله لعلى وعسى من يفهمني ويحس بمعاناتي كانت ليلة ماطره بالذكريات القديمة والحزينه ليلة ماكنت متوقعه فيها انه الدنيا راح تفتر فيني بدوامه صور وذكريات حلوه وحزينه قظيتها مع اعز واغلى انسانه آآآآخ يا مريم .. آآخ لو ماصار إلي صار وماتغيرنه على بعض ياريت ما تقربت من بنت خالتج وماصار إلي صار انعفست علاقة صداقتنا وتغيرت مفاهيم افكارنه وصرنه مثل الاغرابحزني فراق اغلى الناس .. يمكن محد يفهم قوة علاقتنه إلا إلي شافنه بذيج الايام كنه روح بجسد وحده كنه لدرجة انه ننتشابه وايد ومايعرفون يفرقون بينه كنه توأم بالشكل توأم بالاحساس توأم لصداقتنه القويه لبعض كنه مثل الخوات مانتفاارق ابد كله رااح بغمضة عين .. بسالفه هزت كياني .. طعنات قوووية منج يامريم ماتوقعتها منج وطعنات قوية من بنت خالتج غيرتج من بنت خالتج أني صرت اوكي معاها واايد عمتج وخلتج تسوين اشيه حطمتتنه احنه الثنتين خسرتيني وحطمتيني .. تحطمت عدل يمكن قلت قعداتي معاج بسبة اني كنت معاها .. بس انتي تعرفين معززتج بقلبي .. آآآآخ لو تنمحي الغيره من الوجود جان ماصار إلي صار صرت جسد بلا روح ابتعدت عنج لاني كل ماشوفج اتذكر الذكريات الأليمه .. عشت بفترة اكتآب من إلي صار منج ومن بنت خالتج وربعها عشت بظلام لشهور والحين وعقب مرور سنه على السالفه اقدر اقول انه خفت جروحي خفت آلامي وانتي مازلتي .. ومازلتي تحاولين ترجعين لي الاخت والصديقه لما شفت مسجج إلي طرشتيه هالليلة .. وكأنج للحين على امل انه نرجع نفس قبل حسيت بالم قوي بقلبي للحين مانستني ؟؟ للحين تبي ترجعلي ؟؟آآآآآآآآآآآآآآخ و آآآآآآآخ الليله مر شرييط كامل عن ذكرياتي معاج الحلوه تذكرت آخر مره يوم كنت ببيت رفيجتي وفتحت ألبوم الصور مال المدرسه وكان فيه صور لي انا معاج وكنه نسوي حركات مينونه ونضحك ولامين بعععض وبعيوونه الصدااقه القوووويه تذكرت لما اكون مهمومه او متضايقه من اي موضوع .. اتصل لج اتيني ركيض اغفى على حضنج وعيوني مليانه دموع تذكرت طلعاتنه من بعد ايام المدرسه وروحاتنه ويياتنه وقصصنه الغريبه تذكرت وتذكرت وتذكرت وقف الشريط على دمووع مثل المطر اي نعم .. انا مشتااقه لج واااايد واااايد ياليت الزمن يرجع ورى وماصار إلي صار ياليت ماعرفت بنت خالتج لانه ماطلع من وراها غير الهم والنددم ياليت وياليت وياليت مابي اعور راسكم يا قرآء سطوري يمكن كلامي موب مفهوم نوعا ما بس طالع من قلبي ومابي افصح اكثر عن الموضوع سؤاليهل مررتم بهذي التجربه ؟؟؟ تجربة فراق توأم روحك <<< مو حبيب اقصد صديق واذا كانت مختلفه نوعا ما عن قصتي .. شنو كانت؟؟ تعتقدون لو سامحتها بترد المياه لمجاريها بمثل ماكانت سابقا ؟؟ وله راح تتغير وايد امور ؟؟ اهم سؤال هل انا قاسية لاني حقرتها لمدة سنه كامله من بعد السالفه .. وكل إلي كان بينه السلام وعليكم السلام << بالجامعه؟؟؟ << ابي صراحتكم تعقيبكم على الموضوع راح يسعدني تحيـــاتي القلبيه Quote Link to comment Share on other sites More sharing options...
a7la 7o0ob Posted مارس 17, 2009 Report Share Posted مارس 17, 2009 اي نعم انا مريت في هالشي مرررررره وحده رفيجتي تخيلو من 9 سنين نرقد ويا بعض نسهر ويا بعض نطلع ويا بعض حتى ثيابنا نشتريهم مع بعض 9 سنين اهلها صاروا اهلي واهلي صاروا اهلها بس بغمضه عين حبت صبي وبدا يغار من تواجدي في حياتها خيرها يا انا يا رفيجتج و اكيد اختارته ع اساس بيتزوجهاااااا و ماتبي ترد له طلب اخرتها شنوو !! اكوو معلقها لا يبي يتزوجهااااا ولا يبي يتم وياها ولا علاقته زينهه وياه حالتنا وحده يا اختي وهاي الدنيا ناس تخرب على ناس محد يحب يشوف احد مستانس ويا احد عين ماتصلي ع النبي وصادتنا ويالله الله يوفقها في حياتها مانقدر نرد شي راح وانتهى و الي انكسر ما يتصلح لو حتى بنرد وبنرجع نفس قبل تهقون راح تكون مابينا ثقه و للعلم اهيه باعت رفيجه عمرهااااا برخيص اكيد لا Quote Link to comment Share on other sites More sharing options...
برشلوني حتى النخاع Posted مارس 17, 2009 Report Share Posted مارس 17, 2009 جمالي معذبهم قرينا وايد وايد عن دور المنتدى في ارجاع الصحة والعافية لج عسى الله يحفظج ويخليج لنا يا الغالية بحكم شغلي وياج هني ومن قبلها بحكم العلاقة اللي تربطني فيج يا جمالي .. عرفتج قوية .. شخصية قوية .. وبرغم كل هالقوة الا ان قلبج رجيج اذا حبتي انسان تتألمين مع ألمه وتستانسين ويا أناسته .. يعني من قلب حساسه حسااااااااااسه جمالي .. كلامي يمكن اكون قايله من قبل .. لكن باتوسع فيه الريال ومرته يتزاعلون من بعض .. الولد وابوه يتزاعلون من بعض .. الصديق وصديقه يتزاعلون من بعض .. وهاذي سنة الحياة يا جمالي يا اختي .. كل منا في هالحياة خسر ناس وايد وايد .. بعضهم تكبروا علينا وبعضهم نسنونا وصرنا مانشرفهم وبعضهم خذتهم الدنيا ولهو عنا وبعضهم وبعضهم وبعضهم ... الخ لكن انه يمكن اوقف واتعاطف معاج .. لأنج تزاعلتي من صديقتج من رفيجتج من البست فرند عندج هالشي اول شي عوار قلبه اكبر لأنج ما تتوقعين الشي يصير من الشخص الغالي وما يعتب عليك الا اللي يحبك جمالي .. لو ما كانت علاقتكم عن جد حب صاااااااااااااادق .. جان ما تميتي للحين تفكرين فيها جان نمتي على طول ولا اهتمتي لمسجها انتي تنطرينها واهي تبيج ومستحية اتييج ومتفشلة منج وخايفة مريم ( مثل ما قلتي لنا عنها) .. تبي منج اشارة .. وانتي تبين منها اشارة خايفين ما ترجع العلاقة مثل الأول؟؟!! بترجع مثل الأول .. يمكن في البداية شويه بتمون للحين متوترين من بعض .. لكن انتو رجعتو مو بس بإرادتكم رجعتو لأن قلوبكم تبي هالشي .. لأن روحكم قادتكم الى بعض ما تقدرون تفارقون بعض .. وحتى لو صار هالشي قهري عليكم ولكن تبغون ترجعون لبعض رحبي فيها وبطلي لها باب دارج من بداية .. صحيح انتي خايفة منها شويه صحيح شايله في قلبج عليها شويه لكن الأم ما تشيل على ضناناها والأخت ما تشيل على اختها والأخت ما تشيل على اختها والاخت ما تشيل على اختها اللي فرق بينكم عرفتوا دواااااااه .. مستحيل يقدر يفرق بينكم مرة ثانية لأن يوم ابعدكم اول مرة .. ابعد اجسادكم عن بعض بس ما ابعد قلوبكم عورت قلبي القصة وتأثرت وانه اقرى هالموضوع لكن جمالي قوية ويشهد لج كل اللي في قسمج .. عيالج واخوانج وخواتج ويعرفون قلبج ومعدنج انتي طيبة وما تخترين الا الطيبة مثلج جمالي ........ رحبي برفيجتج من جديد والأخوان اخوان Quote Link to comment Share on other sites More sharing options...
حمد البطه Posted مارس 18, 2009 Report Share Posted مارس 18, 2009 واااااااي جمولتي شنو ذي من صجج في ناس جذي بهل زمن يعني الحين اي واحد يقولي على شخص فيه وفيه اصدقه وين قاعدين اصلن هذول ماهم ربع دنياا هذول ربع بو طقه يعني وجودهم والعدم واحد شوفي انا عن نفسي اقولج ماصار معاي هل شي والصراحه لو يصير مو زين له اللي يسويه معاي لي ان راح يحصل شي عمره مايشوفه وفوق هذا كله شوفي لا تثقين الا بالشخصيه الموثقه فيها تحسين انها ماتتغير حتى لو شنو يكون فيها واهي مو راحت سمعت كلام بنت خالتها خل تفيدها بنت خالتهاا شوفي خل تعرف الكلام من طرف واحد شنو ينتج عنه وهم فوق هذا قالو عليج كلام مايسوى ينقال انتي الحين سوي شي واحد لا تردين عليهم وخيج بحالج لي ان اللي يقول عليج مره يقول عليج مليون مره وثاني شي شلون تصدق كلام من طرف واحد يعني تسمع كلام من بنت خالتها ولا تسمع منج ياخي يمكن بنت خالتها تدور الحجي الفاضي شوفي جموله انا اقولج اسحبي عليها السين وخل تولي Quote Link to comment Share on other sites More sharing options...
©المياسة© Posted مارس 18, 2009 Report Share Posted مارس 18, 2009 والله في هالزمن الواحد مايدري الطعنه من وين اتييه حتى من الاخوان ممكن يصير انا صارت لي مثل هالسالفه كنت مع بنت خالتي من احسن مايكون وتربينا مع بعض ولعبنا مع بعض لي كبرت وانا كله انام في بيتهم وكل وحده سرها مع الثانيه لحد ماتعرفت على وحده قلبتها 180 درجه ومن كلمة وحده زعلت علي وماعادت نفس لول انا من طبعي ماحب اخاصم لكن اهي تمادت كل ماروح لها اسلم عليها ترد علي بنفس خايسه لكن شاسوي هالشي اهي تبيه وجاريتها فيه لكن انتي اختي رفيجتج تبي ترد صداقتكم اكيد اهي متحسفه واكيد اهي بوقت محتاجة لج فيه لاتصدينها لانج انتي اكبر من جي مهما كان هاي من قبل كانت صديقتج واختج وتوأم روحج عطيها فرصه وانشالله الامور بتتعدل والزعل بيروح لانه مافي احلى من الصداقه يعطيج العافيه اختي Quote Link to comment Share on other sites More sharing options...
بنت حفيت Posted مارس 18, 2009 Report Share Posted مارس 18, 2009 عادي توقعي البعاد والفراق والخيانة من اي احد تره والله لو عايشة وياه سنين ومنين ويطري على حالته اي طاريء حتى لو عاطيته عيوونج بيطعنج احس الناس صارت تافهه وماعندها شي عظيم تسويه والوفاء باعوه وخذوا فلوس عنه انا صارت مااتأثر فيني هالامور حتى لو ريلي الي هو ابو عيالي خاني وخذ حرمة غير بقوله براحتك وسلم عليها كنت بالاول اشتط بس الحين لااا الي يبي يروح يروح والي يبي يبقى يبقى وانا على فكرة مامريت بتجربتج ذي لاني انا ماحب هالسوالف انه بنية تغار علييه لاني رحت عند غيرها وسوالف البنات البطالية والله جان اهفها بكف تصطلب فيه Quote Link to comment Share on other sites More sharing options...
see moon Posted مارس 18, 2009 Report Share Posted مارس 18, 2009 آه ياجمالي فتحتي جروح كنت غالقه عليها او بمعنى اخر حاولت انساها.. اكره شئ اكره شئ بالدنيا هذه لما تكون علاقة بين شخصيتين أخت باختها صديقة بصديقة، طالبة بمُدرستها .. علاقات المودة والحب والرحمه وبلحظة عين تختفي فجاه ماتدرين شنو القلب يعورج ...كل ماتتذكرين الذكريات الحلوة تبجين على الحال اللي وصلتي لها .. وتتمنين يعود الزمن ولاصار اللي صار او على الاقل هالشخصية مادخلت بحياتج وسببت لج جروح عميقة داخل اعماق قلبج.. اي نعم مريت بالشئ هذا والى اليوم اعاني منه لان السبب مجهول وكل ماابغي اعرف السبب مااقدر اتوصل للخيط .. فقلت اغلق على نفسي واظل بروحي افضل من عوار القلب ومن لدموع اللي ماتخلص ... لي مُدرسة عزيزة وغالية على قلبي مهما صار بتظل عزيزة وغالية مستحيل انسى مواقفها معاي مستحيل انسى مساعدتها لي .. فجاة تغيرت عليه حتى مثلا اذا اشوفها اسلم بس موب نفس قبل موب نفس حنان وحب قبل .. والسبب الله العالم .. وغيره غيره من الاشخاص اللي في حياتي اللي لهم مكانه خاصة في قلبي ولليوم هذا ... فجاه ينسحبون من غير سبب .. بس السؤال اللي يدور في بالي انا اتعذب لما اذكر الايام الحلوة هل هم نفس الشئ هل يتذكرون كل شئ حلو او لا .. المعذرة على الاطالة وشكلي طلعت من الموضوع@@ Quote Link to comment Share on other sites More sharing options...
حمراء الوجنتين Posted مارس 18, 2009 Report Share Posted مارس 18, 2009 جمالي معذبهم قرينا وايد وايد عن دور المنتدى في ارجاع الصحة والعافية لج عسى الله يحفظج ويخليج لنا يا الغالية بحكم شغلي وياج هني ومن قبلها بحكم العلاقة اللي تربطني فيج يا جمالي .. عرفتج قوية .. شخصية قوية .. وبرغم كل هالقوة الا ان قلبج رجيج اذا حبتي انسان تتألمين مع ألمه وتستانسين ويا أناسته .. يعني من قلب حساسه حسااااااااااسه جمالي .. كلامي يمكن اكون قايله من قبل .. لكن باتوسع فيه الريال ومرته يتزاعلون من بعض .. الولد وابوه يتزاعلون من بعض .. الصديق وصديقه يتزاعلون من بعض .. وهاذي سنة الحياة يا جمالي يا اختي .. كل منا في هالحياة خسر ناس وايد وايد .. بعضهم تكبروا علينا وبعضهم نسنونا وصرنا مانشرفهم وبعضهم خذتهم الدنيا ولهو عنا وبعضهم وبعضهم وبعضهم ... الخ لكن انه يمكن اوقف واتعاطف معاج .. لأنج تزاعلتي من صديقتج من رفيجتج من البست فرند عندج هالشي اول شي عوار قلبه اكبر لأنج ما تتوقعين الشي يصير من الشخص الغالي وما يعتب عليك الا اللي يحبك جمالي .. لو ما كانت علاقتكم عن جد حب صاااااااااااااادق .. جان ما تميتي للحين تفكرين فيها جان نمتي على طول ولا اهتمتي لمسجها انتي تنطرينها واهي تبيج ومستحية اتييج ومتفشلة منج وخايفة مريم ( مثل ما قلتي لنا عنها) .. تبي منج اشارة .. وانتي تبين منها اشارة خايفين ما ترجع العلاقة مثل الأول؟؟!! بترجع مثل الأول .. يمكن في البداية شويه بتمون للحين متوترين من بعض .. لكن انتو رجعتو مو بس بإرادتكم رجعتو لأن قلوبكم تبي هالشي .. لأن روحكم قادتكم الى بعض ما تقدرون تفارقون بعض .. وحتى لو صار هالشي قهري عليكم ولكن تبغون ترجعون لبعض رحبي فيها وبطلي لها باب دارج من بداية .. صحيح انتي خايفة منها شويه صحيح شايله في قلبج عليها شويه لكن الأم ما تشيل على ضناناها والأخت ما تشيل على اختها والأخت ما تشيل على اختها والاخت ما تشيل على اختها اللي فرق بينكم عرفتوا دواااااااه .. مستحيل يقدر يفرق بينكم مرة ثانية لأن يوم ابعدكم اول مرة .. ابعد اجسادكم عن بعض بس ما ابعد قلوبكم عورت قلبي القصة وتأثرت وانه اقرى هالموضوع لكن جمالي قوية ويشهد لج كل اللي في قسمج .. عيالج واخوانج وخواتج ويعرفون قلبج ومعدنج انتي طيبة وما تخترين الا الطيبة مثلج جمالي ........ رحبي برفيجتج من جديد والأخوان اخوان المسامح كريم الله ما يسامح شلون احنه ما نسامح لكن صعب الامور ترجع مثل ما كانت =) بس على الاقل تكون العلاقه اكثر من سلام Quote Link to comment Share on other sites More sharing options...
عاشقة الاخوة 27 Posted مارس 18, 2009 Report Share Posted مارس 18, 2009 شاقولج يالجملوو ،،، كل شي تعرفينه .. بس تدرين ان الواحد اييب الهم والغم حق روحه ؟؟ اي صج والله و انه مجربة بعد .. التقلب في الذكريات تره ما اييب غير النكد ... من جذي صار قلبي حديد .. ناس تدش حياتي و ناس تطلع من حياتي و لا افتكر .. لان اذا قعدت افكر في اللي راح و اقعد اتحسر عليه تره محد بيتعب الا انه ... ما عندي غير ان اخذ السالفة و اقلب فيها و اجوف غلطي وين كان .. و اتعلم منه ... و اذا كان الغلط مب مني فاحاسب في المرات الياية و خلاص .. هاي كل اللي اسويه هل مررتم بهذي التجربه ؟؟؟ تجربة فراق توأم روحك <<< مو حبيب اقصد صديق افترقت عن بنت خالتي بسبب مرت ابوهة . افترقت عن بنات عمي كلهم بسبب زواجهم . افترقت عن رفيجتي بسبب زواجها بعد .. بس ما كان هاي السبب الرئيسي .. سوت فيني حركة و سوالف توصل الحجي و هالسوالف .. و بس عادي هديتها تولي ولا عورت راسي معاهة ولا شي .. لي يوم من الايام كانت بتروح العمرة كلمتني و كلمتها كأنها وحدة عادية و خلاص بعدين تزوجت و راحت في حالها . واذا كانت مختلفه نوعا ما عن قصتي .. شنو كانت؟؟ اهي تقدرين تقولين مختلفة نوعا ما .. لان السالفة مافيها خيانه و غدر و مادري شنو .. لان عادة صداقاتي ما تكون من برع .. ربعي اهمه بنات عمي .. بس تعددت الاسباب و الموت واحد .. كله فراق في فراق . تعتقدون لو سامحتها بترد المياه لمجاريها بمثل ماكانت سابقا ؟؟ وله راح تتغير وايد امور ؟؟ اعتقد بتتغير وايد امور و دايما بتحسين ان في شي غلط قاعد يصير ... او مادري بعد يعتمد عليكم انتوا الثنتين . بس انه رفيجتي لما حاولت ترجّـع كل شي مثل ماكان .. ما كنت متقبلتها . بس اعتقد انتي تقدرين .. و عنها اهي ف مادري . اهم سؤال هل انا قاسية لاني حقرتها لمدة سنه كامله من بعد السالفه .. وكل إلي كان بينه السلام وعليكم السلام << بالجامعه؟؟؟ << ابي صراحتكم . لا ولاقاسية ولا شي .. الا شغلج صح و مضبوط >> عاد هاي انه اجوف هالشي . ادري ان في ناس يقولون لج سامحيها و مادري شنو .. بس عن نفسي اوكي بسامح بس مستحيل ارجع مثل ما كنت . بس حاولي ليش لاء Quote Link to comment Share on other sites More sharing options...
>< ملك الجوارح >< Posted مارس 18, 2009 Report Share Posted مارس 18, 2009 اولا اختي جمالي مشكوره على الموضوع والله يكون في عونج ودام اهي غلطت واهي لي بدت ترجع خلاص ارجعي وهي اكيد رجعت لسبب ان عرفت ان هي غلطانه يعني انتي ماحاولتي ترجعين لان عارفه روحج انج مو غلطانه في شي ... خلاص ارجعي لها ومتاكد ان راح ترجع علاقتكم احسن من قبل ... بس نصيحه مني اول ماترجعون الى بعض لاتحاولين تقلبين في الماضي او المشاكل الي صارت .. ابدئي بترحيب حار وشوق ولهفة ولا كأنه صاير شي بينكم ... لان ثنتينكم تعرفون السالفه فمافي داعي ترجعونها ويمكن اذا رجعتونها يبتدي الزعل مابينكم ... بالنسبة لي انا صادني هالموقف ... شخص نايم في بيتنا ونايم في بيتهم اكلنا من صحن واحد ... كنا تقريبا كل يوم نتلاقى ونقعد ونسهر ... نشيل الهموم عن بعض .. ولازم اذا بروح مكان يقولي بتروح معاي ... بس مره وحده عرفت انه يتكلم عني .. شنو السبب ليش مادري ؟ واجهته بس للاسف اجوبتة ما اقنعتني ... وطبعا للحين الواحد شيقول العشره ماتهون الى على ابن الحرام ... وسوري على الاطاله ... Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.