MaNaM!a Posted يونيو 9, 2009 Author Report Share Posted يونيو 9, 2009 color=red]]الجــــــــ الثالث ـــــــزء ..}[/color] اما عند يوسف الي انقهـر لانه قعد يدور شيماء بالمجمع يدورها وماحصلها .. يوسف: اففف شكلها راحت " وهو يدخل ايده في شعره ويتلفت يمين ويسار " الحين وين الاقيها ؟!!! جاسم ولد خاله يوسف يناديه من بعيد : يوسف يووسف !! وينك يااخي ساعة وانا ادورك تقول بتروح تجوف حوض السمج ولا رجعت !!! يوسف : ها لا بس قلت اتمشى شووي .. جاسم : امش امش خل نتعشى وبرد البيت باجر علي دوام وسيارة ماعندي فيصلوو بيمر علي من وقت .. يوسف : يالله .. " وطيف شيماء ماراح من باله " ********************************** بعـد أسبوعين وفي بيت حوراء .. أم حوراء : صدعتي راسي حوراء ذلفي عني ماني فاضية لج مافيني شده اروح مكان !! حوراء واهي باقي شوي وتصيح : يمه عااد بليييز تعالي وياي ماباقي الا اسبوع وشي تقريبا على خطوبة مازن وماعندي شي ألبسه .. أم حوراء توها بتتكلم الا بنزلة محمـود اخوها يبي يطلع ،، أم محمود : محمـود يمه وين بتروح ؟!! محمود : بطلع ويا ربعي خير يمه تبين شي ؟!! أم محمود : أي حبيبي ود حوراء السوق ويا اختها خل تشتري لها شي حق خطوبة مازن اخو صديقتها .. محمود يكلم حوراء : الحين الرجال بيعرس انتي شكوو فيه ؟!! حوراء : لااا الي يسمع مو انت ذاك الاسبوع مسوي لك بدلة عشان خطوبته ؟؟!! محمود : شالي قاهرج في السالفه ؟؟! كيفي انا !! حوراء : وانه بعد كيفي ابي اتعدل ربعي كلهم بيتعدلون الا انه ؟!! محمود : اففففف اللهم طولك يا روح ، انزين كسرتي خاطري روحي لبسي بسرعة وجوفي مروة عشان تجي وياج " وهو يرص على اسنانه " وياويلج لا تأخرتي بمشي عنج وتعرفيني اسويها .. حوراء سيده طارت فووق واهي مستانسه : انشالله من عيوووني .. اقولكم نبذه عن عائله حوراء .. أبو حوراء وام حوراء زوجين يحبون عيالهم ويحاولون قد مايقدرون مايقصرون عليهم واهم مثل أي ابو واهم في العالم يعصبون على عيالهم ويرضون !! محمـود صديق مازن الروح بالروح وعمره 24 اصغر من مازن بسنة ... وحوراء وبعدين محمد عمره 16 سنة اهم شي في حياته الدراسه ويبي يصير دكتور .. اخر شي مروة وعمرها 14 سنة .. في السيارة محمود يطق هـرن لحوراء الي تأخرت .. وشوي الا حوراء فاتحة الباب : انزيين ماصار تأخرنا ثانية وحده ؟!! محمود فاتح عيونه وبوزه : شنو شنو شنو ؟!! عيدي مرة ثانيه الحجي ؟؟ جم تأخرتي ؟؟ حوراء تضحك على اخوها : ههههه انزين مسامحه تأخرنا ربع ساعة فقط !! محمود : أي اشوى اعترفتي ولا جان شتج برى عند هالزباله " ويأشر على زبالة محطوطه في اخر الطريق" حوراء: حشى مو اخو انت ؟!! محمود : عشان تعرفين شلون تنظبطين بالمواعيد .. واخيرا مروة تكلمت : محمود يصير رجعتنا تشتري لنا عشى ؟!! محمود : انشالله ماما انا في يشتري عشى حق انتي " ويرد بصوته العادي " سواق ابوكم انا ؟!! حوراء ومروة يضحكون على اخووهم هههههه ********************************* في بيت دلال اخت فيصل .. دلال واهي تصارخ على زوجها : علااء انه الف مرة قلت لك موضوع العيال سكره مابي عيال الحين .. علاء : دلال لمتى بعد ؟!! جوفي انا جم عمري ؟!! قريب بصك الثلاثين ولحين ماعندي ولد ولا بنت ؟!! دلال: والله مو شغلي ، اهم شي اني مابي عيال الحين علاء الي مل من هالنقاش اليومي بينه وبين دلال عن العيال : انا ابي اعرف انتي ليش ماتبين عيال الحين ؟! ياحبيبتي الي اعرفه انه كل وحده معرسه تتمنى انها تحمل ويكون عندها ولد ولا بنت تربيهم وتشغل روحها فيهم .. دلال : ايييي قوول جذي من البدااية تبيني انشغل مع العيال وانت تروح وتطلع على كفيك " وتطالعه من فوق لتحت " والله يعلم شتسوي وتروح ويا من ؟!! علاء الي طفح الكيل عنده ؟!! اخر شي توقعه انه زوجته حبيبته تفكر فيه بهالشكل ؟؟ : دلاااال ؟!! انتي شتقولييين شتخربطيين من الي قايل لج هالحجي ؟!! دلال : محد قال لي بس انه اشوف بعيووني .. ومشت عنه راحت غرفتهم وصكت الباب بقووة وقفلته .. علاء قعد على الكنبه الي بالصاله ويفكر في حياته وياها " ياربي شسوي دلال مو راضيه تفهمني ولا قادر افهمها الغـرور والانانية الي فيها مو راضية تغيره ولا تتنازل عنه ، وتنهد تنهيده تدل على الهم الي فيه آآآآآآآه ياربي افرجها علي " ******************************* لما خلصت حوراء واختها من السوق اتصلت لمحمود واخذهم واشترى لهم عشى واهم في السيارة رن تلفونه ... محمود : هلا والله مزوون .. شخبارك ؟!! ههههه دووم انشالله أي بعد من قدك بتعرس مو احنا !! والله ؟ يالله على ايدك ههههاااي لا يا حبيبي مابي خلك انت في حالك وانا في حالي عاجبني جذي ... صدق ؟؟ زين والله مبروك ..اها يعني جهز خلاص ؟ .. اوكي ماتحتاج شي خوك ترى حاضر لك بعد إذا مانتعب بعرسك متى نتعب ؟! هههههه مصلحجي ادري .. اوكي عجل القاك بعدين هههههه انزين اذلف يالله اقلب وجهك هههههه بااي .. وسكره واهو يضحك الا تلفت له حوراء : هااي مازن ؟! محمود: لا اخووه أي اكيد مازن .. حوراء : ها مستانس شكله هههههه محمود : هههههه أي سكتي متشقق علينا حوراء : الله يهنيه ويوفقه " وتطالعه بنص عين " والفال لك محمود : لاااا انا مابي الحين خلنا نستانس بحياتنا شوي لاحقين على الهم .. حوراء : ههههههه الحين الزواج هم ؟! محمود : اييي بعد شنو ؟!! حوراء: شلون فهمني ؟؟ محمود : اقول مو كأنج مسويه لي استجواب ؟!! اقول سكتي بس خليني اسوق .. حوراء : الشره مو عليك علي انه الي اسألك مالت " وافترت عنه تطالع الناس " ************************************** لما نزلت حوراء البيت ومشى محمود عنها دخلت وراوت امها الفستان واختها وياها .. ام محمود : ماشاءالله حلوو والله مناسب عليج .. حوراء: صدق يمه ؟! بس مادري احس ابي اغطي البطن شفاف ؟! ام محمود واهي تجوف البطن : لا يمه عادي شفيها انتي بتروحين كله حريم مافي رجال ؟!! حوراء : امممم اوكي .. ******************************* وبدت فترة الامتحانات الي الكل يكرها ويتوتر فيها .. سامي كان طول الوقت طالع ومايرد البيت الا الليل ويدرس شوي يمرر على صفحات الكتب مرور الكرام ويروح يقدم الامتحان طبعا مـع شوية غش .. امل وحوراء وشيماء وفاطمة حطوا بالهم لانه اخر سنة ويحاولون يجيبون معدل اوكي .. وكل امتحان يطلعون منه يسبون الي سواه ههههههه مجانين ؟!! يوسف طول الوقت يفكر في شيماء ولا نساها ودائما تجي في باله ويحاول يدرس عشان يرفع راس ابووه وامه الي كانت دائما تتمنى ولدها يدرس ويكمل دراسته ... مازن يجهـز حق خطوبته ويا خطيبته سوسن وعايش احلى لحظات عمـره معاها ويتمنى هالسعادة ماتزول .. فيصل نفس روتينه المعتاد كله في الشغل او في البيت او مع جاسم طالع .. وكل ماامه تجيب له طاري العرس يتهرب .. دلال وزوجها علاء نفس الموال اليومي واهم على سالفة العيال .. دلال معنده ماتبي وعلاء يحاول يقعنها .. *********************************** واخيرااا اليوم اخر يوم امتحان وباجر راح تكون خطوبه مازن ويا سوسن والكل مستانس لهاليوم ... امل تكلم شيماء : واخيرا خلصنا امتحانات اففف فكه .. شيماء: أي والله رااحة الحين .. وااااي ونااسة باجر خطوبه مزوون الكريه امل : أي صدق انتي باجر الساعة جم بتروحين الصالون ؟!! شيماء : مادري يمكن اتغدى واروح مرة وحدة الصالون مع اختي .. أمل : امممم اوكي عيل انه بتغدى وبكون وياج على اتصال اوكي .. شيماء : اوكي ولا تنسين تمرين على فطووم ماعندها احد يوديها .. امل : اوكي ماعليه بمر عليها .. ويالله انتي روحي ارتاحي باجر وراج قعده هههههه شيماء : أي والله الله يساعدنا باجر بنتعب تعب .. يالله حبيبتي تصبحين على خير امل : وانتي من اهله .. ولما سكرت امل عن شيماء قعدت تجهـز ثيابها الي باجر راح توديها واكسسواراتها .. دخلت عليها امها : ها يمه جهزتي كل شي ؟!! امل تبتسم لامها : ايي ماما .. ام سلمان وهي تقعد على الكرسي : ههههه مسكينه ام مازن مو عارفة شتسوي من الفرحة امل : هههه أي بعد ماما هذا ولدها الكبير .. ام سلمان : الله يوفقه والله انه خوش صبي .. أي بخبرج انه باجر بروح ويا ام مازن حق وحده تعدلنا لانه خبرج احنا مو صغار نروح صالونات وحاله !! امل : ههههه اوكي ماما بس من بيوديكم ؟!! ام سلمان : ابو مازن بيمرني ويا ام مازن وبنروح .. وانتي تحملي بروحج انزين وعن الضحك الزايد والخبال الي ماله معنى .. امل : ههههههه انشالله ماما .. يدخل عليهم سلمان : ماما ابووي يبيج تحت .. ام سلمان: انشالله الحين بنزل له و تطلع ويا سلمان وقبل لا تصك الباب : يالله نامي حبيبتي وتصبحين على خير .. أمل : وانتي من اهله ماما .. وتقوم امل وتبدل وتلبس لها بجامه ورديه واسعة وفيها دباديب لونهم ابيض وكانت ناعمة عليها ... وتقعد على السرير وتغطي رجولها وتفتح درجها وتطلع رواية تقراها من مدة قبل لا تنام " الي ماتعرفونه انه امل تموت على الروايات الرومانسية والحزينة لدرجه انها تصيح ويا القصة إذا صار شي للبطل او البطله ههههه مسكينه حساسه البنيه " اتـمنى انه يعجبكم هالجـزء .. تحياتي MaNaM!a Quote Link to comment Share on other sites More sharing options...
مينونة ومخرفة ومخرخشة Posted يونيو 9, 2009 Report Share Posted يونيو 9, 2009 باااااااارت قصير .. بس واايد حلووة .. شيماء ويوسف احس بصير بينهم شي يمكن في العرس .. نتظررج .. هالمرره نبي بارت طوويل .. Quote Link to comment Share on other sites More sharing options...
لـيت الزعـل مـمنوع Posted يونيو 9, 2009 Report Share Posted يونيو 9, 2009 خخخخخخخخ الظاهر يوسف انعجب بشيماء خخخخخ او يمكن بعد حب من اول نظره وله عااادي ترى تصصيير مثل الافلام المصريه ههههههههههه مسكييينه ولله حوراء ,, الظاهر عايشه معاناه مع اخوها و هو بعد كلللش ما يتحاجى كل ما تكلمين كلمتين يسكتها و يفشلها خخخخخ ما تستاهل ولله الله يهدي دلال و ترضى بالعيال ,, المال و البنون زينة الحياة الدنيا و زوجها من حقه ان يصير عنده عيال !!! يعني مو حلووه الصراحه جذي كلللش و فعلآ في مجتمعنا فيه نسوان ما يبون عيال بس الرياييل اكثر شي خخخخخخخخ يعطيج الف عافيه مناميووووووووووه ,,, و يسلموووووو على البارت الزوييييييين و بإنتظار عرس مزوووون لا تتأخرين علينا Quote Link to comment Share on other sites More sharing options...
راسرمانية نحيسة Posted يونيو 9, 2009 Report Share Posted يونيو 9, 2009 (edited) واووووووووو البارت روعه لووووووووول البارت قصير وايييييييييييييييد ها مرة عشاني نزلي 2 ورى بعض اوووووووكي فديتج قصة روعه Edited يونيو 9, 2009 by راسرمانية نحيسة Quote Link to comment Share on other sites More sharing options...
Funcky Angel Posted يونيو 9, 2009 Report Share Posted يونيو 9, 2009 ee methl ma galt 2 parts pllz Quote Link to comment Share on other sites More sharing options...
ألماس المملكة Posted يونيو 10, 2009 Report Share Posted يونيو 10, 2009 في انتظار البارت النيو Quote Link to comment Share on other sites More sharing options...
Miss Girl Posted يونيو 10, 2009 Report Share Posted يونيو 10, 2009 الباااارت رووعهـ بس واااااجد قصييييير ننتظر الباارت الجاااي Quote Link to comment Share on other sites More sharing options...
محرقاوية وبس الباقي خس Posted يونيو 10, 2009 Report Share Posted يونيو 10, 2009 حببتي بارت في قمة الروعة بس وااااااايد قصير مرة ثانيه نبي نجوف احداث لا تطولين علينا تحياتي لج Quote Link to comment Share on other sites More sharing options...
محرقاوية وبس الباقي خس Posted يونيو 10, 2009 Report Share Posted يونيو 10, 2009 حببتي بارت في قمة الروعة بس وااااااايد قصير مرة ثانيه نبي نجوف احداث لا تطولين علينا تحياتي لج Quote Link to comment Share on other sites More sharing options...
بنت الرفاع 5 Posted يونيو 10, 2009 Report Share Posted يونيو 10, 2009 القصة حلوة تسلم يدج Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.