MaNaM!a

شهر12: * كريم ومحب * عجول ومتعجل( غير صبور) * طموح * ذو تاثير عالي في التنظيم * ذو صحبه ممتعه * اجتماعي ويحب الاختلاط مع الناس * يحب المديح * يحب جذب الانتباه * يحب ان يكون محبوبا * امين وجدير بالثقه * غير متظاهر * طاقه استحماله محدوده ولا يتمتع بطولة البال * شخصيته متغيره * ليس مغرور * ثقته بنفسه عاليه * يحب المزاح * يكره التقيد * لديه حس دعابه * منطقي.....!! :$

مال اول ~.~

كح كح

ثانكـيو حق كل من رحب فينا

عبدالحسين " ابو هاني " ممم اهو اوكي وطيب ومايعصب على اي غلط كنت اسويه يعني ولا مرة صرخ علي وعصب وخلاني اتوتر ،، كلش لا واحسن شي فيه انه كان يجي لي لعند البيت قبل بربع ساعه او عشر دقايق ويدربني تقريبا الساعتين كاملين ،،

آآحــم .. السلام عليــكم ..

آراش

بما انه القصه وصلت لـ 30 صفحهـ ..في الموضوع القبـلي .. فتحت موضوع جديد .. اكمل فيه باقي الاجــزاء .. } الجــ الثالث والثلاثون ـــزء ..} بعد ماسكرت التلفون من سامي .. ضمته على صدرها وعلى محياها ابتسامه .. عسى ربي مايحرمني منك يا سامي .. رفعت التلفون وكأنها تشوف سامي فيه .. طبعت بوسه خفيفه عالشاشه .. " اح ــبك " ..! وهي في قمه سرحانها .. فجأه ومانتبهت الا على وحده ناطه عليها السرير : هييييييييييييييي .. شفيج ! رزان واهي تنبطح عالسرير بدفاشه وتاخذ التلفون من عند حنان وتقلد حنان بكل حركه سوتها .. حنان انحرجت منها لانها شافتها .. وسوت روحها معصبه : يالسخييييييفه شهالحركات من قالج تجسسين علي هاا ؟؟ رزان تضحك على شكل حنان : ههههههههههههههههههه فدييت بنت عمي المعصبه والله شكلج فله وانتي رومانسيه صايره هههههههههههههه ولااا تبوسين التلفون بعد ههههههههههه وينك يا سامي تشووفها شلون ميته علييييك ههههههه آآخ بطني عوورني مو قادره هههههههه حنان قامت من على السرير وفتحت باب غرفتها .. : لو سمحتي من غير مطروود .. رزان وتسوي روحها بريئه وزعلانه : افاا .. لي هالكلام ! حنان تمثل العصبيه : أي ويالله بسسسسسرعه برى .. رزان ترد تنبطح وترفع حاجب واحد وبعناد : مو طالعه .. شبتسوين ؟؟ حنان : اووكي .. انه الي بطلع .. بجوفين شغلج بعدين.. وطلعت من الغرفه بسرعه وصكت الباب بقوه .. رزان بعد ماستوعبت الي سوته حنان .. حست انه فعلا زعلت منها .. بسرعه قامت وطلعت من الغرفه وتوها بتمشي خطوتين ماحست الا بقلاص ماي بااارد انكب عليها كااامل .. شهقت بقووه رفعت ايدها فووق وبدت تناقز من الزهقه والرجفه بسبب برووده الماي .. حنان ماقدرت تستحمل شكل رزان وقعدت عالارض واهي ميته من الضحك " ههههههههههههههههههههههههههههه هاا شرايج هههههههههه هههههههههههه .. رزان حطت ايدها على جسمها تحاول تدفي روحها بإي شي بس ماكو فايده .. وبصوت مرتجف : اراويج يالسباله ماعليه صبري علي .." وبسرعه مشت لغرفتها تبدل " .. حنان وقفت وبصوت عالي عشان تسمعه رزان ..: عشان مرة ثانيه لا تتعلفين فيني ههههههههه .. دخلت غرفتها وحطت القلاص على الطاوله وهي لحين تضحك على شكل رزان واهي مبلله ..: والله طلعتي داهيه يا حنون ههههههههه مادري عن روحي اني افكر بإفكار شيطانيه هههههه .. قعدت عالسرير ورتبته من العفسه الي صارت : الله يغربل بليسج يا رزانوو عفستي كل شي .. فجأه طرى على بالها شي نسته .. ضربت على راسها بالخفيف .. أوووه شلون نسيت اليوم بيطلعون فيصل من المستشفى ! دورت تلفونها وماحصلته .. : افففف وينه راح بعد .. شالت كل شي من على سريرها وماحصلته .. اوهوووو ..!!! اهي متاكده انه على السرير ! معقووله طاح .. نزلت جسمها وطالعت تحت سريرها ومالقت غير الفراغ ..! وقفت مرة ثانيه ودورت بكل الغرفه وبعد مالقته .. طلعت من غرفتها واتجهت لغرفه رزان .. طقت الباب .. بس محد رد عليها .. رزانووو وينج ! جاها صوت من ورا الباب : شتبييييين ! حنان : جفتي تلفوووني ؟ رزان : بعد الي سويتيه من شووي جايه تسأليني ؟ حنان كتمت ضحكتها : يالله عااد .. انتي بعد تطنزتي علي .. رزان بنذاله : مابعطيج اياه .. حنان : يعني عندج ؟ رزان : اييي عندي ولا تحلمين تحصلينه .. حنان : ااففف عطيني اياه بتصل لامل اسأل عن فيصل .. حنان شافت ماكو رد .. ! ردت طقت الباب مرة ثانيه .. : يالله عاااد لا تذليني علييه .. شوي الا انفتح الباب .. ورزان تطالع حنان بملامح غير مفهوومه وبيدها التلفوون .. حنان مستغربه : شفيييج ؟؟ رزان تمد التلفون لحنان ولسانها منربط ماتدري شتقول لها .. حنان واقفه مستغربه من حركان رزان .. : شفيج رزاان ؟ رزان :آآ امـ امج عـ عالتلفون ..!!! حنان فتحت عيونها على كبرها ودقات قلبها تدق بقووه : هااا رزان مو عارفه شتقول : اقولج امج في التلفون .. " حطت التلفون على اذون حنان الي واقفه بدون ماتسوي أي حركه ..واشرت لها انها تتكلم " حنان مسكت التلفون وبصوت مرتجف وعيونها على رزان : آآلوو جاها صوت ياما تمنت انها تسمعه .. صوت لو تلف الدنيا كلها ماراح تلقى شخص ممكن يغنيها عنها .. صوت تركها واهي في عز الحاجه له .. صوت صارت تنام وتقعد على امل انها تسمعه بيوم من الايام .. ام حنان بصوت مليان دمووع : هلااا يمه حنان .. يمه .. يمه .. يمه .. تردد صدى هالكلمه في مسامع حنان ..دقات قلبها راح تطلع لبرى .. ماتدري شتسوي .. هل تفرح وتستانس .. او تصيح ؟ ام حنان : حنان يمه وينج ؟ حنان تمسح سيلان الدموع من عيونها تحاول توقفهم بإي طريقه ..: .."وبصعوووبه قالت " يـ يمـ ه .. ****************************************************** بعد ماركب سياره اخووه .. ومشى من باب المستشفى .. فتح الدريشه وخلى الهوا يدخل داخل السيارة .. غمض عيونه وتنفس بهدوء .. وحشته الدنيا .. وحشته الناس والعالم وكل شي بديرته .. من جم شهر وهو محبوس بوسط اربع جدارن مايشوف غيرهم .. رفع عيونه للسما الزرقا .. وبصوت اقرب للهمس .. : الحمدالله لك ياارب .. سامي يلتفت لفيصل : شناوي تسوي الحين ؟ فيصل : بشنو ؟ سامي وعيونه عالطريق .. : بخصوص امي وامل ؟ فيصل تنهد تنهيده قويه دليل على التعب النفسي الي يحس فيه ..: مادري يا سامي مادري .. امل لحين زعلانه مني .. وامي واهي بهالحاله مااقدر اتركها ولا اقدر اعيش وياها ببيت واحد واشوفها كل يوم .. ماادري شسوي ياخووي ..محتار والله محتار ..! سامي حس بمعاناه اخووه وبتعبه وقرر بداخله انه يساعده ويوقف معاه . مهما يكون هذا اخوه العود وسنده بهالدنيا .. وسالفه خطوبته راح يأجلها لما تعتدل الامور .. لكــن .. وكانه فيصل قرا افكار سامي .. ابتسم وقال : لا تخاف .. سالفه خطوبتك مانسيتها .. وانشالله بإقرب وقت اروح اخطبها لك .. جم اخو عندي انا ها ..! سامي بإبتسامه ومن داخله حس روحه بيطير من الفرحه لكن حاول انه يخفيها ..: ههه تسلم ياخووي .. بس عادي مو لازم الحين .. اهم شي راحتك .. فيصل يضرب جتف سامي بخفيف : وتسوي روحك مؤدب هاا .. ههههه لا تخاف كلها اسبوعين " ويحرك حواجبه فوق وتحت بطريقه مضحكه " وحنونه تكون لك .. سامي : هههههههه الله يكتب الي فيه الخيير .. فيصل وهو يرجع راسه لورا ويغمض عيونه : انشالله .. ****************************************************** نزل من سيارته ووقف قدام باب بيت عمه .. بيده باقه ورد كبيرة .. عدل قميصه ونزل نظارته من على عيونه .. دخل عند المدخل ووقف .. ضرب الجرس وإنتظر .. شوي وانفتح الباب .. محموود وهو كاتم الضحكه : اوووه فدييت صديقي والله .. هالورد لي انا ..! محمد يخنفس بوجهه وهو يدخل : آخر عمري اعطيك ورد .. انت وينك وين الورد .. انت شووك اصلا .. ! محموود يحط يده على خصره : هاا اشووف بدينا بالغلط حموود ؟ محمد : ههههههه امزح معااك انزييين .. " ويقرب يمه ويبووسه على خده " وهذي بووسه مني بعد شتبي .. آمر تدلل .. تراك من ريحه الغاليين ..! محمود يمسح محل بوسه محمد : وععع ماابيها هالبووسه .. يالله امش جدامي .. بتنزل لك ست الحسن والدلال بعد شووي .. محمد وهو يدخل عند باب المجلس ويقول بقلبه " فديتها طاريها والله " : مالت علييك ناس يتمنون هالبووسه مني ااحم احم .. محمود : اقوول استريح بس .. ماعندهم سالفه هاذلين ههههه .. جاه صوت امه وهي تناديه .. محمود : بروح اشوف الوالده شنو تبي .. البيت بيتك .." وغمز له " خذ راحتك .. محمد وهو يريح جسمه عالكرسي : بدون ماتقول .. يالله اذلف .. محمود : صج ماتنعطى ويهه .." وطلع عنه " .. بعد دقايق بسيطه .. وصلت عند باب المجلس وقلبها يدق .. من اسبوع تقريبا مو شايفتنه .. بسبب الشي الي اكتشفته .. كانت لابسه فستان زيتي قصير .. يوصل لين الركبه .. بدون اكمام ومخصر على جسمها .. شعرها سوته استشوار وفلته .. حاطه لها بودره وكحل وقلووز وردي فاتح .. وقبل لا تنزل فرغت غرشه العطر كلها بجسمها .. كانت فعلا قمه في النعومه .. فتحت الباب بهدوء ودخلت .. رفع راسه بهدوء .. بالبدايه كان يظن محمود بس لما رفع عيونه وشافها تصنم مكانه .. قعد يطالعها بإنبهار لشكلها الناعم والانيق .. اما اهي عيونها كانت عالارض .. مستحيه منه ومن نظراته .. وقف وبيده باقه الورد .. تقدم يمها واستنشق ريحه العطر الي غطت عالمكان كله .. كان وده بهاللحظه يضمها بقووه .. محمد تقرب من اذون حوراء وهمس بصوت دافي خلى اذون ورقبه حوراء كلها تحترق : ناويه تذبحيني اليوم ! حوراء .. بهاللحظه ذابت .. حست بحراره بجسمها عمرها ماحست فيها .. كانت تبي هوا .. قربه يمها يحسسها بالحراره .. مده يده وعطاها باقه الورد .. مسكتها وقعدت تطالع طريقه تزيين الورد الدقيقه .. حط يده على خصرها ومشى معاها لين الكراسي وقعدوا وعيونه مانزلها من عليها .. اسبووع مو شايفنها ياناس ..! من حقه ..} تحيـاتي MaNaM!a

يسلمووو كيفيك

دووم انشالله اني زينه ماشي الحال .. عجراوي اهني @@

آآحم شحوالكم ؟

آآحم .. احرجتوني اولا حبيت اشكرا السيد على الموضوع الجميل صراحه .. واشكرا كل من هناني سواء بالموضوع او بالرسائل الخاصه .. تسلمووووووووون من كل قلبي تحـياتي MaNaM!a

يالله اني بقوم بااي

ههههههههههههه اتخيل رووحي @@ اطلع جذي

حمدالله انتين شخبارش ؟؟ هههههههههه ايي اليوم تسبحنا من هالمطر حالتنا حاله صارت هههه بس فن الجامعه ظلاااااااام الله يحيش شو اخبارك ؟

اهلين حنوووون زينه انتين شخبارش شمسوويه ؟

ويلي عليها جامعتنه يالله ننتظر تكمله يوومش الجميل

آآحم

الجـ الثانـي والثلاثـون ـــزء ..} من ساعه الي وصلها محمد واهي حابسه روحها بغرفتها وتفكر باللي عرفته ..مو قادره تستوعب انه محمد سوى كل هذا .. ابدا ماخطر على بالها انه ممكن يسوي هالشي عشانها ! .. واهي غارقه بإفكارها .. رن تلفونهـا .. لما شافت المتصل ابتسمت وردت .. :ألووو .. امل : هلا والله حوورة .. شخبارج ؟ حوراء : حمدالله .. وانتي ؟! امل حست من نبرة صوت حوراء بإنه فيها شي .. : شفيج حوراء ؟ احسج متضايقه ! حوراء بدون شعور : تدرين انه محمد اهو الي غير التحاليل ! امل مستغربه : أي تحاليل ؟ عن شنو تتكلمين ؟؟ حوراء تغمض عيونها وتتكلم بقهر : لما تقدم لي خالد ورحنا سوينا التحاليل .. طلعت ماتناسب بعض .. صح !!! امل وكأنها فهمت الي تقصده حوراء : صح .. حوراء : محمد اهو الي لعب فيهم !! امل منصدمه : هاااااا !! شتقولين انتي ؟؟؟؟؟ حوراء والدموع بعيوها ..: ماتوقعته اناني لهالدرجه صدمني امل والله صدمني ! مو عارفه شسوي ..! احس افكاري كلها مشوشرة .. امل سكتت شوي وتكلمت بكل هدوء : وليش ماتقولين انه سوى كل هذا عشان عيونج ..! حوراء : بس مو بهالطريقه امل !! امل : شتبين منه يسوي واهو يشوفج تروحين من يده .. حوراء فكري عدل اهو ماسوى كل هذا الا لانه يحبج وشاريج .. صدقيني لو واحد غيره قال بالطقاق إلى جابها يجيب غيرها .. صح كلامي او لا ؟ حوراء وحست كلام امل صح : صح .. بس يـ ..! قاطعتها امل : بس شنو حوراء ؟.. تدرين لو ماسوى هذا الشي جان الحين انتي زوجه خالد ! ومحمد مو بحياتج .. تقدرين تعيشين مع واحد وقلبج مع غيره ؟؟ حوراء سكتت لانه عرفت انه كلام امل صح ..بس الي تحسه انها زعلانه من حركته .. وبنفس الوقت فرحانه ! تناقض عج ـــيب ..} امل عرفت من سكوت حوراء بإنها اقتنعت من كلامها : حواري حبيبتي انه ماانكر نه الي سواه خطأ .. ولا قاعده ادافع عنه بس ابين لج ليش اهو سوى هالشي وعشان من ! حوراء ماتدري شتقول بعد كلام امل .. : اممم .. امل ابتسمت : ادري ماتدرين شتقولين .. بس الي ابيج تعرفينه .. انه محمد يحبج ويموت فيج .. انتي حياته واهو حياتج .. لا تخسرون بعض ..! حوراء : صح كلامج .. بس انه زعلانه .. امل : هههههه قولي تبين تدلعين وتتغلين ؟ حوراء : ههههههه تقدرين تقولين .. أي صج .. شكنتي تبين متصله ؟ امل : ايييييه تذكرت !! حوراء : هههههه شنوو .. امل : باجر بنروح مع شيماء تكمل اغراض العرس .. وقلت اخبرج عشان تجين ويانا ها شرايج ؟ حوراء : امممممم اووكي ماعندي شي باجر ..! امل : هههه استأذني من محمد اول .. حوراء : ههههه انه زعلانه كيفي بطلع .. امل : هههههه بلا عناد خبريه .. ويالله جهزي روحج باجر من وقت .. ولا تدرين ! ليش ماتجين بيتنا ونروح بسيارتي ..؟ حوراء : فكرة حلووة امل : يالله حبيبتي تصبحين على خير .. ولا تيبسين راسج وايد .. تسمعين ؟ حوراء : انشالله من عيوووني .. وانتي من اهل الخير .. امل : يالله بااي .. حوراء : بايات ****************************************************** اليوم الثـاني .. الساعه 11 الظهــر .. رن تلفون شيماء ولما شافت الرقم ابتسمت .. وحطته عالسايلنت .. وقعدت ترتب سريرها وغرفتها .. بعد دقيقه وصلها مسج .. لما فتحته وقرت المضمون .. دق قلبها .. حست بخوف مو طبيعي .. بسرعه اتصلت على يوسف .. شيماء : يوسف لا تسويها ! يوسف بهدوء : هلا شيماء .. لا تخافين مابيصير شي .. بس بروح اشوفه شنو يبي وبرجع .. شيماء وتحس جسمها كله ينتفض من الخوف : لا تروح يوسف ارجووك لا تروح خله يولي هذا واحد مجنون اخاف يسوي فيك شي .. ماابي اخسرك .. يوسف ابتسم لخوف شيماء عليه : عمري الي يخافون علي .. حبيبتي انا بروح مركز شرطه هناك كله شرطه مستحيل يقدر يسوي لي شي اصلا مابيكون في صالحه .. انتي هدي وصلي على النبي .. انشالله اول مااطلع راح اتصل فيج واطمنج .. يالله اكا انا وصلت .. شيماء وهي فاقده الامل من تراجع يوسف : تحمل بروحك يوسف .. يوسف : انشالله من عيوني يا عيووني .. يالله بسكره الحين .. شيماء : امم اوكي .. يوسف : شيماء .. شيماء : عيوونهاا .. يوسف : احبج يالغاليهـ شيماء ابتسمت : وانه بعد احبك يوسف : يالله عمري .. باي شيماء : بايات .. سكر الخط من عندها .. ونزل من السيارة وعدل قميصه وحط التلفون في مخباه .. ومشى لبوابه المخفر واهو يفكر بشنو يبيه علي ياترى ! اول مادخل المخفر .. حس بتوتر ودقات قلبه في ازدياد ..سمى بالرحمن وقعد يقرا ايات يهدئ من توتره .... لما دخل عالضابط .. يوسف : السـلام عليكم .. الضابط وهو يوقف ويصافح يوسف : وعليكم السلام .. أخ يوسف؟ يوسف : أي نعم .. الضابط وهو يقعد .. : تفضل استريح .. يوسف واهو يقعد عالكرسي : شكرا .. الضابط بإبتسامه : تشرب شي ؟ يوسف : لا شكرا .. بس بغيت اعرف ليش علي يبي يقابلني ؟ والحين بهالوقت يعني ؟ الضابط : اول شي اسمح لنا اتصلنا فيك بوقت غير مناسب ..! يوسف يبتسم للضابط :لا عادي حصل خير .. الضابط : دقايق ويجيبون علي .. يوسف رجع التوتر له : اوكي .. ! بعد خمس دقايق من الانتظار .. والي كانوا بالنسبه ليـوسف .. خمس ساعات ..! انطق باب المكتب ودخل شرطي .. : علي موجود سيدي .. الضابط .. : خله يدخل .. " والتفت يطالع يوسف " بخليكم على راحتكم .. عن اذنك .. يوسف : اذنك معاك .. طلع الضابط .. ودخل مكانه علي وهو منزل راسه .. وشكله مبهدل .. لحيته كانت طالعه بشكل مو مرتب .. ثيابه الزرقاء مو مكويه .. كان شكله يكسر الخاطر .. يوسف لما شاف علي بهالمنظر وعيونه عالارض .. عوره قلبه عليه .. لكنه تذكر كل الي سواه والي صار بسببه ! رفع راسه علي .. وطالع يوسف بنظرات مافهم شنو سرها ..! ظل يوسف ساكت وينتظر علي يتكلم .. بعد دقيقه من الصمت .. علي بصوت مرتجف : شخبار شيماء ..؟؟ يوسف عصب : ولك عين تسأل عنها .. ! انت مالك شغل فيها تفهم ..قول الي تبي وخلصني مو فاضي لك ولاشكالك .. علي غمض عيونه يداري دمعه على وشك النزول .. : حاولت .. والله حاولت بقد مااقدر اني افوز بقلبها .. تكون ملكي لي بروحي .. بكل مافيها .. كنت ابي نظرات عيونها لي .. صوتها بس انا اسمعه .. قلبها ينبض بحبي انا .. جسمها شعرها حركاتها نظراتها . ضحكتها .. بكل مافيها ابيها لي وبروحي وبس .. محد يشاركني فيها ..! يوسف والشرار طلع من عيونه والغيرة اشتعلت بقلبه من سمع كلام علي عن حبيبه قلبه ومعشوقته .. ! قام بسرعه وسحب علي من فانيلته بقووه ولصقاه بالجدار ..وبصوت حاد وقوي : إن سمعتك مرة ثانيه تتكلم عن شيماء بهالطريقه راح ادفنك وانت حي .. فاهــــــــــم !!!! علي كان مرخي جسمه ومخلي يوسف يسوي الي يبي فيه .. بدون حتى مايدافع عن نفسه .. دموعه طاحت بدون وعي .. ابتسم وسط دموعه : الي حبيت اقوله لك .. اني بعد مااطلع من السجن .. راح ابتعد عن حياتكم للابد .. انت فزت بقلبها يا يوسف .. في الفتره الي عشت فيها بالسجن .. عرفت معنى الحب المعقول .. وانه الحب مو بالغصب والاجبار .. حبيتها صح ! .. وراح اظل احبها طول ماانا عايش .. بس ! ادري ماراح تكون لي .. تحمل فيها يوسف .. وحطها بعيونك .. لا تزعلها وخلها دايمه راضيه عليك .. وقول لها .. انه في قلب ثاني بهالحياه يحبها وراح يظل يحبها .. حب اخــوه ..لا غيـر .. ! يوسف وهو يشيل ايده من على فانيله علي .. : بدون ماتقول .. شيماء بعيوني الثنتين .. علي وهو يتنهد ..: قول لها اسف على كل الي سويته لها .. خل تسامحني وتحللني وتبري ذمتي .. ماادري متى الله ياخذ امانته .. ماابي اموت والانسانه الي حبيتها مو راضيه علي .. ارجوك يوسف .. وصل هالكلام وماراح تشوفني مرة ثانيه .. يوسف : في شي ثاني ؟؟ علي مبتسم : سلامتك .. يوسف وهو يفتح الباب بيطلع .. علي : الله يخليكم لبعض .. يوسف التفت له ..: انشالله .. ****************************************************** بع ـــد اسبوع .. ! قاعده تشيل ثيابه من الخزانه وتحطهم بالشنطه بصمت ..! اما اهـو .. عيونه تراقب كل شي تسويه بهدوء .. قلبه كان يدق بقووه .. والسبب سكوتها ..! انتظرها تتكلم لكـن هيهات .. ! قـرر يكسر الصمت .. فيصل بصوت تعبان : امل .. بدون ماتلتفت حقه .. سوت روحها مشغوله بترتيب ثيابه : هلا فيصل ..؟ فيصل زاد توتره : ليش ماتطالعيني ؟ امل طالعته وردت تكمل شغلها : ماتشوفني مشغوله ؟!! فيصل : اممم .. بتردين وياي البيت صح ؟ امل تركت شغلها وطالعته .. مما خله هالنظرات تحرق قلبه اكثر واكثر .. : هذا سؤال او شنو بالضبط ؟ فيصل بنظرات كلها رجاء وتوسل : ارجوج امل ردي معاي البيت لا تتركيني انا محتاجج وايد .. امل : من الي ترك الثاني بالاول يا فيصل وهو محتاجه ؟من الي ذبح الثاني ! من الي اهان كرامه الثاني ومسح فيها الارض من يا فيصل مــــــن !! فيصل والغصه بحلقه ويحس بسجاجين تقطع قلبه مع كل حرف قالته امل " رفع يده وقعد يضرب في روحه بدون شعور " انا يا امل انا الغبي انااا الي سويت كل هذا انااا .. بس والله ندمااااااااااااان ندماااااان والله العظيم ندماااان ارجوووج يا امل سامحيني ارجوووووج ريحيني من عذاب الضميييييير !! .. امل ماستحملت تشوف فيصل ضعيف لهالدرجه وبهالمنظر واهو يضرب روحه ويصيح كانه طفل يبي امه تسامحه .. تقربت صووبه ومسكت يده بقوه : بس يا فيصل يكفــــي .. ! **************************************************** كانت قاعده بغرفتها منبطحه على سريرها وفاتحه الكتاب وتراجع .. لكن بالها كان بعيييد .. عنده ! من فتره ماكلمته .. تتواصل معاه اكثر شي بالمسجات .. وحشها صوته .. وحشها اهو بكبره ..تسللت الى شفايفها ابتسامه خجل واهي تتخيل انه بعد فتره راح تكون معاه .. توردوا خدودها ورجعت عيونها للكتاب تحاول تركـز .. رن تلفونها ونقزت بسرعه من الزهقه .. طالعت المتصل وابتسمت .. ردت والابتسامه على شفايفها مع شويه حيا .. لانه من فتره ماسمعت صوته .. : الووو .. سامي : فديييييت الالوو وصاحبه الالوو يا عسى مانحرم منها .. حنان غصت اطراف شفايفها بخجل .. وسكتت .. سامي : افاا حنونتي .. شكله ماوحشتج صح ؟ حنان بسرعه : لا .. سامي وهو يرفع حاحب واحد : شنو لا ؟ حنان بهمس : وحشتني .. سامي يسوي روحه ماسمع : شنوو ؟ ماسمعت ؟ حنان ببراءه تعلي صوتها : وحشتني .. سامي : وانتـي اكثر يالعسل وحشتيني والله وحشتيني وحشتيني وحشتيني " وبصوت اعلى " وحشتينــــــي .. حنان تضحك على جنون سامي : هههههههه سمعت والله سمعت .. سامي ويحس قلبه مرتااااح لهاليوم السعيد بالنسبه له : ابي كل الناس تعرف انه حنونتي وحشتني .. شخبارج عمري ؟ حنان وهي تطالع السقف بإبتسامه : حمدالله بخييير من سمعت صوتك .. وتطمنت عليك .. انت شخبارك وشخبار فيصل وامك وامل ودلال ؟ سامي : عسى دووم تكونين مرتاحه ياعيوني .. فيصل حمدالله وانه الحين في الطريق بروح له المستشفى اليوم بيطلعونه .. وامي ودلال وامل حمدالله زينين .. حنان : قلتوا لفيصل عن امك ؟ سامي وهو يتنهد ويتذكر ذيك الليله الي قالوا لفيصل عن امه ..: أي قلنا له .. حنان : الله كريم .. سامي ورد ابتسم : يالله جهزي روحج حنونه .. كلها اسبوعين واحنا عندكم .. احم احم .. حنان استحت .. : هههههه انتظر شووي فيصل توه طالع ! سامي : سوووري مااقدر انتظر اكثر .. ان انتظرت بمووت .. تبيني اموت ؟ حنان بخوف : لا سملى علييك عسى عمرك طوويل يالغالي .. سامي : عمري الي تخاف علي .. وبعدين لا تخافين فيصل الحمدالله وايد احسن من قبل .. وبتفق معاه قبل كل شي .. حنان :الله يسوي الي فيه الصلاح .. سامي وهو يبركن السيارة ..: حياتي انا مضطر اصكه الحين .. بنزل المستشفى حق فيصل ..من اخلص اتصل فيج اوكي عمري؟ حنان : اوكي .. سلم عليه ..وتحمد له بالسلامه .. سامي : لااا مافي .. حنان : ليش ؟ سامي : اغااار .. حنان : ههههه تغار من اخووك ! سامي : اغار من الدنيا كلها .. حتى من نسمات الهوا إذا لامست جلدج .. ماتبيني اغار من اخووي ! حنان : ههههههه مجنون انت .. يالله روح لاخوك لا تتاخر عليه .. سامي : مجنونج اناا يا عمري .. ***************************************************** تحـياتي MaNaM!a

ماتشوفين شر مريوم ..

بوعلي

الله يرحمهـ برحمته انشاللهـ .. ويصبر قلوبهــم ..

ألف شكر لكل من نور موضوعي ...