ذالتهم عيووني

اليوم الثاني .. الزين قامت من الصبح راحت بيت اهل زوجهاآ وسلمت على بوعبدالعزيز .. وقعدت تسالف ويا نوره عن العرس واللي صاآر فيه .. الزين : أبييه .. من صجج خطبتج لولدهاآ الثاني .. نوره تضحك : شفتي شلون الزين : وشقلتي انتي .. نوره : انا شوري عند اهلي .. بخليها اتيي وتخطبني .. وبعدين بقولها من انا .. الزين : نوره لا تسوين سوالف وتطلعين على روحج حجي .. و لو كانت قبل مو عارفه من انتي .. الحين بتعرف من انتي وبتتكلم فيج نوره : لا مابتقدر .. انا اعرف شبسوي الزين : انا قتلج وانتي كيفج .. سكتواآ .. نوره : امم عزوزاتصل ولا .. الزين : لا ماتصل .. نوره : غريبه .. اهو اكيد وصل .. الزين سررحت .. نوره : هلووو .. وين رحتي ؟ الزين : افكر في كلامج .. صح اهو اكيد وصل .. شلي خلاه مايتصل .. نوره سكتت .. الزين : اكيد نساني .. نوره : لا شدعووه الزين : تدرين شلي يقهر .. اهو اللي قالب علي ولا يحاجني عدل .. والمفروض العكس .. نوره : امم .. يمكن مضايق .. عزوز جذي لين في باله شي او يحاتي شي .. يطلع الحره في اللي جدامه .. الزين : بتعلميني فيه ؟ بس هالمره غير .. مادري شلون .. " طلعت تلفون نوره من شنطتها " .. نوره : بيي عنندج .. وانا ادوره .. الزين : اي نسيتيه في السياره .. نوره : الحمدلله .. عبالي ضااع .. الزين : اي بس انتبهي مره ثانيه .. انزين حبيتي انا مضطره امشي عندي شغل .. نوره : اوكي.. بيت المرحوم بو محمد .. وسط الصراخ واللعب بين اليهال .. محمد متوتر وقاعد ساكت يفكر في عايشه .. وفي تسرعه .. " شلون قتلها طلمة طالق بهالسهوله !! ليش مافكرت .. لا حول ولا قووة الا بالله .. شسووي .. الحيين " .. ام محمد كانت حاسه بولدهاآ راحت قعدت يمه وابتسمت له .. فبادلهاآ الابتسامه .. ام محمد : لا تحااتي ياولدي .. كل زوجين لازم يكون بينهم مشاكل .. محمد يتنهد : بس موو من اول يوم .. " يفكر " يمه تهقين اللي قالته ساره صج ؟ عايشه كانت على علاقه بولد خالتها ؟ ام محمد : عيب يامحمد شهالكلام .. تصدق كلام على زوجتك .. محمد : عيل ساره شدراهاا .. وصج ولد خالة عايشه كان متقدم لها .. ام محمد عصبت على ولدها : أستح على ويهك .. تشك بزوجتك .. لو انها كانت على علاقه فيه جان مارفضته .. محمد : عيل ساره شدراهاا .. ام محمد : مادري ليش حاسه ان محد ورا كل هالبلاوي غيرها محمد : شلله .. ام محمد : يعني معقوله بتتصل فيك ليلة عرسك تقولك ان زوجتك كانت على علاقه بولد خالتها .. واليوم الثاني زوجتك تتهاوش وياك وتقولك انت علاقة بغيري .. محمد :لا ساره كانت تقولي انها سمعت ان عايشه كانت على علاقه بولد خالتها .. و عايشه أظنتي سمعت المكالمه .. حتى يوم تهاوشنا قالت ولا تنسى المكاالمه .. ام محمد : لا بس ياولدي .. السالفه فيها أن .. محمد سكت شوي قعد يفكر بعدين قال : لا كلام ساره صج .. يمه اتصلي في الزين قوليلها لا تروح لعايشه .. انا خلاص مابيهاآ .. ام محمد : يووه .. عيب .. أستح على ويهك .. وصييير ريال .. شهالكلااام .. نوره بطلت التلفون .. وكلهاآ دقايق ووصل لهاآ مسج .. استاانست على بالها أنه من عبدالرحمن .. لقته من رقم غريب .. : " يسعد " صباح من داعب الفكر طاريه .. وأشغل بخيالي حب شوفه ولقياه .. " يسعد " صباح اللي من الناس اغليه .. وجعل السعاده والهناآ دوم ويااه .. نوره تفكر : اممم يمكن عبدالرحمن .. لا عبدالرحمن ويا ست الحسن والجمال .. مو متفرغ لي .. من عيلل .. خله أتصل واشوف من .. تلفون فهد يرن .. وسط ماكاان يتنااحس ويا عبدالله أخووه .. نقز من مكاانه وراح يشيل التلفون .. لقاه نوره اللي متصله .. ركض على غرفته .. وشال التلفون نوره : ألو .. فهد يخشن صوته : هلا نوره : من ؟ فهد : أنتي اللي متصله .. نوره : وانت اللي داز مسج .. فهد : لا انا مادزيت .. نوره عصبت : بدينا بالاستهبال .. فهد : انا مابديت بالاستهبال .. عيل أكيد أنتي .. نوره : أوووووووف .. " وصكت التلفون " فهد قعد يضحك : لاا مااينفع وياها اسلوب الاستهبال .. أممم شسووي .. اي لقيتهاآ .. الزين دشت بيت عايشه .. الزين :السلام عليكم .. ام عايشه : وعليكم السلام .. حيااج .. الزين دخلت : خالتي ممكن تنادين لي عايشه .. عندي موضوع أبي اكلمها فيه .. ام عايشه : عن هواشهاآ ويا محمد ؟ الزين : خالتي انتي تدرين بالسالفه لا ؟ ام عايشه : لا والله مادري .. امس ردت البيت تصيح ولا براضيه تتكلم .. الزين : معليه خالتي .. قعديها وانا بتفاهم وياها .. ام عايشه : أوكي .. نوره كانت نازله لقت باقة ورد حمره كبيره .. عليهاآ بطااقه .. سئلت الشغاله حق من .. قالت لها انهم يابوها لهاآ .. بطلت البطااقه وهي متشووقه .. تبي تعرف من اللي دازهاآ .. لقت مثل الكلام اللي موجود بالمسج .. والتوقيع .. معجب .. نوره خااافت " شعرفه في بيتناآآ .. !!" .. اتصلت على الرقم بسرعه .. فهد غير صوته جنه هندي : هلوو .. نوره استغربت من الصوت : الو ! فهد : يس .. نوره : في حد متصل على هالرقم .. فهد : مافي معلوم عربي .. دانه ياات عند فهد تقوله : أبي قــصة عصفووري .. فهد حط يده على حلجهاآ .. ونوره عرفت انه رد يستهبل .. نوره : أوووووف .. أنت شسالفتك ابي افهم .. قاعد تستهبل علييي .. قسماً فهد قاطعها : قلت أمزح عشان الطف الجو .. نوره تصرخ : شنو تلطف الجوو .. شفيك انت صاحي .. فهد : ههههه .. انزين هدي .. ترا مو يطيح وحده حلوه تعصب .. نوره خافت : انت من .. وشعرفك فيني .. فهد حس بخوف نوره : ماله داعي تخافين .. انا ماأفكر حتى أذيج .. بس الصراحه انا معجب فيج . نوره : انا مو خايفه اصلا .. اناا اخاف منك ! فهد : ههههههه مبيين .. نوره : لو سمحت .. لا معجب ولا غيره .. لا تتصل لي وحركة الورد لا تتكرر مابي مشاكل .. " وصكت التلفون " .. أووف صج ناس فاضيه .. عايشه : السلام .. الزين : وعليكم السلام .. شلونج .. عايشه : ماشي الحال .. الزين : أمم أظن انتي عارفه ليش انا هني .. عايشه : وعشان جذي انا بختصر لج .. أنا خلاص مابي أخوج .. الزين : ليش ياعايشه .. فهميني شلي صاار بالضبط يمكن انتي فاهمه غلط .. عايشه : شلي فاهمته غلط .. اناا متاكده من اللي في بالي .. يالزين .. ردي مكان مايتي .. الزين منصدمه : عايشه .. اناا رفيجتج .. تقولين لي هالكلام ؟ عايشه : رفيجتي .. وأخت طليقي .. الزين : شنو طليقج .. اهو ماطلقج الا طلقه .. وعادي تردون .. عايشه : وانا ماابي ارد له .. الزين : عشان المكالمه .. أنتي فاهمه غلط .. هاي ساره كانت تقوله عايشه : ساااره !! انا كنت أعرف .. وتقولين فاهمه غلط .. الزين لو سمحتي ردي مكان مايتي مابينا كلام .. الزين : صلي عالنبي .. عايشه ردت دخلت غرفتها .. وام عايشه كانت طول الوقت تسمع الكلام .. وتفشلت من اسلوب بنتها .. وراحت للزين وقالت لها : معليج يمه .. عايشه معصبه .. ولا تااخذين عليهاا .. الزين : أدري ياخالتي .. بس والله أهي فاهمه الموضوع غلط .. بنت عمي كانت متصله لأخوي تقوله عن .. " سكتت " وقالت في روحهه : أقول لأم عايشه ان بنت عمي قالت لاخوي انها كانت على علاقه بولد خالتها .. غبيه اناااا .. ام عايشه : عن شنو ؟ الزين : كانت تكلمه بموضوع خاص .. بس والله مابينهم شي من اللي في بال عايشه .. ام عايشه فهمت السالفه : معليج يابنيتي .. كلها يومين وبيتراضون شويه .. نطروا لين ما الوضع يهدأ بعدين كلميها الزين : ان شالله .. مشكوره خالتي .. يلا مع السلامه .. ساره طول الليل تفكر في طريقه تفكها من مريم .. ومو عارفه شلون .. يات على بالها افكار وايد .. فكرت تسوي فيها مثل اللي سوته بعايشه .. بس عرفت انها ماراح تصدق .. فقعدت تدور على طريقه تأثر فيها على راشد أخوها وتخليه يفصخ خطوبته من مريم .. وأخيراً لقت الخطه الجهنميه المثاليه .. أتصلت على حناان .. (( تذكرونها اللي كانت تكره الزين وربعها .. وأخر شي طلعت تكلم سعد حبيب مريم الأولي .. وكانت اهي بعد مثل مريم ويا بويات وتكلم صبيان )) .. لأنها الوحيده اللي كانت ويا مريم في الصف اللي ممكن تسااعدهاا .. اتصلت في حنان .. ساره : قووه .. حنان : يقوويج .. عاش من سمع هالصوت .. ساره : عاشت ايامج ابووي .. أخبارج ؟ حنان : بخير .. حبي وحشتيني ساره : أنتي أكثر .. حنوون .. تذكرين وحده اسمها مريم كانت وياج بالثانوي ؟ حنان : مريم ؟ مادري .. ساره : كانت دايما ويا وحده اسمها الزين .. حنان : أييه .. وع .. أكرهاا الكلبه .. كانت حبيبة حبيبي القبليه .. ساره : حبيبة حبيبج .. يعني كانت تكلم صبيان بعد .. حنان : اي صبيان وبويات .. ساره : مثل حالتج يعني .. حنان عصبت : يــه .. ليش شفيني .. ساره : لا ماقصد .. أنزين حنون تبين تنتقمين منها .. حنان : شانتقم منها فيه .. ساره : ماخاطرج تطلعين الحره اللي فيج منها .. حنان :امم بلى .. ساره : عيل ساعديني .. ابي أفضحها .. تقدرين تطلعين لي صورها .. او مقطع فيديو لها .. تسجيل صوت ويا احد .. شي جيي قووي .. حنان : ههههههههه .. ماطلبتي .. ساره : تسلمين ياقلبي .. الزين تمشي السياره وهي سرحاانه تفكر في المشااكل اللي صايره عندهاآ .. عبدالعزيز من صوب .. ومحمد وعايشه من صوب ثااني .. " صوت هررن " الزين التفت لقت ويه مألوف ماعرفته في البداايه .. ولكن لما دققت عرفت أنه نااصر .. قلبهاا قاام يدق بالقووه .. الزين بطلت الدريشه وهي ترتجف .. هاي أول مره تجتمع فيها بنااصر من فتره طويله .. وفي وحده يمه .. هاي أكيد زوجته ناصر : هلا بنت العم شلونج .. فاطمه بطلت عينهاا " هااي الزين يعنيي " .. تغير ويهه .. الزين بصوت بالكااد ينسمع : زينه .. ناصر : انزين .. باركي لمحمد وسلمي عليه .. كنت باتصله بس مو ملاقي رقمه .. فاطمه " لا والله روح أقعد في حظنها بعد .." .. طقت ناصر على ريله .. وقعدت تطالعه بعصبيه .. وتطالع الزين باحتقار .. ناصر ضحك : بنت عمي .. هاي فاطمه زوجتي .. ماتلاقيتوا من قبل لا .. فاطمه وهي تطالع الزين بأحتقاار : ماحصل لي الشرف .. الزين تبتسم : يوصل انشالله .. وصكت الدريشه ومشت .. فاطمه من الغيره تفرص في ناصر : اي .. تسالف وياهاا .. ولا جنه .. ناصر يضحك : حبيبتي شفيج .. خلاص السالفه انتهت .. فاطمه بدلع : موبي أغار .. ناصر يبي يحرها : بس احسها أحلوت .. فاطمه عصببت : اصلا انت ماعندك ذوق .. كريهه والله .. سباله .. شكلها ايب القرف .. الحمدلله والشكر .. ناصر يضحك .. فاطمه : نصور اكتشفت انك طول حياتك ماكان عندك ذوق .. توك مستعدل ناصر يود يدها ويبوسها : اي والله .. عبدالعزيز مضايق من امس .. وحده مشغول مع عبدالعزيز الصغير اللي مو عارف شلون بيتصرف وياه .. وشلون بيفهمه انه ابوه خصوصاً انه في سن صغير .. شلون يعامله .. الدنيا ضايقه فيه .. وشلون بيخبر الزين أن عنده ولد .. فجأه تذكر الزين اللي كان ناسيها وقرر يتصل فيها .. الزين شافت رقم خارجي .. عرفت أنه عبدالعزيز .. شالته .. الزين : الو .. عبدالعزيز : هلا الزين .. الزين : هلااااااا حبيبي شلونك .. عبدالعزيز : مضايق ومخنووق .. الزين : سلامتك يبه .. وينك لا اتصلت ولا شي .. نسيتنيي .. عبدالعزيز : انا يايي بعد يومين .. وو .. يايب وياي ولدي .. الزين : ولدك مسندرني ياعبدالعزيز .. مادري أمتى " عبدالعزيز قاطعها " عبدالعزيز : لا يالزين .. مو اللي ببطنج .. أنا عندي ولد ثاني .. مو منج الزين انصدمت : نعم .. عبدالعزيز سكت .. الزين : شلون يعني .. امتى و.. أنت متزوج علي ياعبدالعزيز .. عبدالعزيز : لا مو هلون .. نطري .. انا بايي البحرين وبفهمج .. الزين صكت التلفون بويهه .. وتمت تمشي السياره وهي سرحاانه .. تحاول تستوعب كلام عبدالعزيز ! والا تطوف والاشاره حمره وتدعمها سياره ..

الزين : السلام عليكم .. عبدالعزيز : عليكم السلام .. الزين : اويه عليك حياتي .. صارلك واايد في البيت ؟ عبدالعزيز : لا .. سمعي انا اليوم الفير بسافر .. الزين : اليوم ؟ وين ؟ وليش ؟ِ عبدالعزيز : بروح لندن عندي شغله ابي اسويها .. الزين بزعل: بيبي .. ماقلت بنروح ويا بعض .. وتوك تقولي يعني عبدالعزيز من غيرنفس : اكاني قتلج .. وماقدر اخذج وياي .. بروح بروحي .. الزين باسته وقالت : معليه تروح وترد بالسلامه عبدالعزيز عوره قلبه : أسف .. الزين : لا ماعليه .. انا عارفه انك متضايق عشان انك مضطر تروح .. بس شسووي حبيبي .. عبدالعزيز سكت .. الزين : انزين حبيبي جهزت الشنطه ولا للحين ؟ عبدالعزيز : لا للحين .. الزين : بس عيل .. انا بجهزها لك رنة مسج .. عايشه فتحته لقته من علياء .. " تعالي بيتنا بدون لا محمد يدري انج في بيتنا .. اكا ساره يات عندي .. لا تتأخرين .. " عايشه راحت لمحمد وقالتله انها رايحة بيت اهلها بتاخذ اغراض نستها وبترد .. فوافق شرط انه يروح وياها .. ألحت عليه تروح بروحها .. ووافق .. وماهي الا دقايق ووصلت بيت خالتهاآ .. عايشه : السلام عليكم .. ساره وعليا : وعليكم السلام ورحمة الله .. عايشه قعدت .. والكل تم ساكت لفتره .. وبعدهاآ ساره تكلمت : عايشه انا اسفه .. ماكان ودي اخرب عليج شهر العسل وجذي بس علياء يوم درت اصرت اني اقولج الكلام عشان تصدقين .. عايشه انا اعرف انج حاقده علي بس انا مالي ذنب .. انا حبيته واهو " قعدت تصيح " علياء : بس ساره .. ماله داعي تصيحين .. عايشه : ممكن اعرف من امتى تربطج علاقه فيه .. ويعني في شي صار بينكم .. ساره تمسح دموعها : انا وياه صارلنا 4 سنوات .. و اما عن اللي صار .. فأسفه مابي اخرب بيوت .. عايشه على وشك الانهيار : مو مصدقه ان محمد جذي .. ساره طلعت تلفونها وشغلت تسجيل صوتي لمحمد بس بعد ماغيرت في الكلام عن طريق برامج وحركات .. وعايشه قعدت تسمع التسجيل ومو قادره تستوعب اللي تسمعه !! علياء : شفتي شلون ياعايشه .. فضلتي الغريب على اخوي .. وشفتي شنو اخرتها شنو طلع .. عايشه طلعت من بيت خالتها وهي تصيح .. ساره قعدت تضحك .. علياء : أبييه ساارووه لاا تسوي في روحها شي .. ساره : لا اهي حالة صدمه .. بعدين بتهدى .. لا تخاافين .. بس قوليلي شرايج في تمثيلي .. علياء : والله انج مو سهله .. والتسجيل بعد شي خيالي .. ساره ضحكت : الحين بترد بتتهاوش وياه بتطلب الطلاق علياء : اخاف يصير فيها شي .. ساره : بطلي من هالحجي .. اخاف ومادري شنو .. علياء : انزين .. ساره : اوكي .. انا بروح البيت .. مابي اتأخر .. علياء : الله وياج .. عايشه دشت البيت و عيونها حمره وحالتها حاله .. محمد مات من الخوف يوم شافها بهالحاله : عواش .. شفيج .. عايشه ماردت عليه ودخلت الغرفه وقعدت تلم اغراضهاآ .. محمد : عاايشه شسووين .." ماترد " .. صررخ : شفيييج .؟ عايشه : طلقني انا مابيك محمد مصدوم : نعم ! عايشه : اللي سمعته .. انا مابي اعيش ويا انسان مثلك .. محمد : عايشه شفيج ينيتي ؟ شهالكلام .. ليش انا شسويت ؟ عايشه : انت ادرى باللي سويته .. محمد : شتخربطين .. عايشه : سوالف المغازل .. ياللي كنت مسوي مأدب .. ماعمرك عرفت بنت .. محمد مبطل عيونه : اناا اغازل ؟ عايشه : لاا عيل اناا .. ولا تنسى مكالمة امس .. محمد : لا انتي فاهمه غلط .. سمعي عايشه صرخت : لا مابي اسمع .. مابيييك طلقني .. محمد : تبيني اطلقج ؟ عايشه : أي .. محمد : اوكي لج اللي تبينه روحي بيت اهلج .. أنتي طاآلق .. ساآره دخلت البيت ولقت اخواآنها وزوجاتهم متيمعين في الصاله .. فسلمت عليهم كلهم .. ويوم وصلت عند مريم .. مريم وقفت لها عشان تسلم عليهاآ .. ساره سوت روحهاآ مو شايفه مريم ومشت عنهاآ .. مريم ويهه أنصفق وردت قعدت وهي منحرجه حيل .. راشد أشر لساره انها تسلم على مريم .. ساره : راآشد .. ماله داعي لهالحركات .. السلام مو بالغصب .. راشد عصب : سارووووووووووووه .. مريم قالت لراشد بالعدال : لا تعصب مولازم تسلم .. ساره تضحك : أسمع كلامهاآ .. لا تعصبب .. ترا مو زين .. ههههاآآي .. راشد : احترمي نفسج لا تخليني افشلج .. ناآصر : بس صلوا عالنبي .. بتقلبونهاآ هواآش .. ساره دخلت المطبخ .. مريم دخلت وراهاآ .. مريم : ساره .. ياليت تنسين اللي فات .. وانا الحين زوجة اخوج .. يعني ماله لزوم الى هالكراهيه ساره : شوفي .. أناآ محد يهدني .. أنا وعدتج أني بنتقم منج .. ولازم أنفذ وعدي .. مريم : ساره .. بلييز .. شلي من قلبج هالحقد .. اناا بعد فتره بكون أم لعيال أخوج .. ساره طالعة مريم بأحتقار : تخسين .. أنتي يا حمام السوق .. يا اللي ماتم أحد وماحاجيتيه تصيرين أم عيال أخوي .. ههه تحلمين .. مريم عورهاآ قلبها من كلام ساره .. وطلعت من المطبخ .. ساره : والله لأطفشج مثل ماطفشت غيرج .. مريم سمعت كلام ساره . . بس مافهمت شلي كانت تقصده .. عايشه دخلت البيت .. وراحت عند أمهاآ حظنتهاآ واهي تصيح .. ام عايشه : شفييج يابنتي ؟ عايشه : يمه انا مابيه .. بتطلق منه خلاص .. ام عايشه :وه وه .. شهالكلام يابنتي .. عيييييييب.. شنو تبين الناس يقولون عنج .. ماخذلج يومين من عرستي وتبين تتطلقين .. عايشه تصيح : يمه ماابيه قتلج .. واذا انتي مو مستحملتني اتم عندج انا بطلع بأجر لي مكان اقعد فيه .. ام عايشه حظنت بنتها وقعت تطبطب عليها : بس يمه .. بس حبيبتي .. بس قوليلي ليش ماتبينه .. أذاج في شي ؟ عايشه : يمه مافيني شده اتحجى .. واللي يخليج لا تحاجيني..و خليني ساكته .. ام عايشه : شلون اتم ساكته وانا اجوف حالتج جذي ..وانتي موراضيه تقولين شي .. قوليلي شفيج عايشه : يمه قتلج .. ماااااااااااااا أبيييييييييه .. ام عايشه : ليش شصاير ؟ شلي قلبج .. مو ذي اهو اللي فضلتيه على ولد خالتج ؟ عايشه : ااوووووووف .. اي جزء من كلمة لا تحاجيني مافهمتيه .. ام عايشه : لا حول ولا قوة الا بالله .. عايشه قامت من حظن امهاآ .. وراحت على غرفتهاآ اللي كانت ساكنه فيها قبل لا تتزوج وارتمت عالسرير وتمت تصيح لين مانامت .. قبل موعد الطياره بساعتين .. عبدالعزيز استغل نوم الزين .. وطلع من البيت بدون لا يقولها انه رايح للمطاآر .. ودز لوضحى مسج يقولها فيه أنه متوجه للمطار .. وخبرهاآ بموعد وصوله عشان تستقبله في المطاآر .. لكنهاآ ردت عليه بمسج قالتله فيه أنها ماتقدر تستقبله لاسباب بتخبره فيهاآ بعدين .. عبدالعزيز حاآس بتأنيب ضمير على اللي قاعد يسويه في زوجته و ام ولده ..لدرجة انه مو قادر يحط عيونه في عيونها .. ولا حتى يكلمها عدل .. لأنه يدري ان اللي قاعد يسويه غلط .. يضحي بزوجته واغلى ماعنده .. علشان وحده حبهاآ قبل فتره طويله .. قعد يكلم نفسه : أدري ان اللي قاعد اسويه غلط .. ومافي أحد في هالدنيا يستاهل اضحي بزوجتي عشانه " تنهد " لكن هاذي وضحى .. ووضحى غيرر .. أسف يالزين .. أسف .. في هالوقت الزين قاآمت من النوم .. ومالقت عبدالعزيز بالبيت .. أتصلت فيه .. عبدالعزيز : هلا .. الزين : يبه وينك .. عبدالعزيز :انا رايح المطار .. الزين : ليش ماقومتي عشان أودعك .. عبدالعزيز : كنتي نايمه وماحبيت أوقظج .. الزين : هاي حجي حبيبي .. شفيك عبدالعزيز سكت .. الزين : عيل انا بروح انام في بيت أهلي لي ماترد من السفر .. عبدالعزيز مو مستحمل يكلمهاآ : كيفج .. انزين .. يلا انا بصكه .. الزين : أنطر .. عبدالعزيز صكه .. الزين قعدت قعدت تكلم نفسهاآ : انا ابي افهم هاذي شفيه .. ليش يكلمني جذي ؟ المفروض انا اللي ازعل على اللي خشه علي .. لا حوول ولا قووة الا بالله .. شفييه ذيي !! اليوم الثاني فليل .. نوره بدت تتجهز للعرس .. بدلت وحطت مكيااج .. وكان شكلهاآ جناآآآن .. واهي طالعه من البيت لقت ابوها بحديقة البيت .. " اووبس .. نسيت اقول لأبويي !! بيذبحني الحين ! " بوعبدالعزيز : نوره وين رايحه ؟ نوره : اول قول شرايك فيني .. أينن مو ؟ بوعبدالعزيز : اي يبه .. تينين .. بس ماقلتيلي انج بتطلعين .. نوره : يبه حقك علي .. لهيت والله . . عرس وحده من رفيجاتي .. وامس توني مقرره اني بروح .. ورحت اشتري فستان بس نسيت اقولك .. بوعبدالعزيز : انزين يبه .. خله الدريول يوصلج انتي لا تمشين وانتي هلون شكلج .. نوره : انشالله .. " و مشت صوب السياره " بوعبدالعزيز : لا تتأخرين .. نوره بصوت عالي : ان شالله يبه .. الزين راآحت بيت أهلهآ بدون لا تقول لهم .. حبت تسويهاآ مفاجأه لهاآ .. دشت بالعدال اثناء ماكانوا اخوانها يطالع فلم رعب .. وصرخت .. الكل نقز من مكانه .. واهي ماتت من الضحك عليهم .. تلاآيم عليهاآ وقعدوا يكفخونها بغشمره .. الزين : هيي .. بالعدال البيبي .. فهد : بس يهال .. وخروا .. كله ولا فهود .. الزين تضحك : لاا مابسميه فهد .. اخاف يطلع خبل مثلك .. فهد : اتنكتين حضرتج .. اذا بيطلع خبل بيطلع على أمه .. الزين : هههه ويهك .. عيل وين امي ؟ فهد : ساآبع نومه .. دانه : تلعب ويا الملايكه .. الزين باستغراب : هاي من وين اتيب الحجي ؟ فهد : هههههههه علمي علمج .. الزين : انزين يلا خلنا نروح لأمي .. فهد : هياآ يا أبطال الديجتال .. كلنا الى غرفة امي .. الكل : هياآ .. الزين طقت الباب وبعدين دخلت الغرفه .. وباست أمها .. ام محمد : هنوف حبيبتي .. روحي نامي .. الزين : ان شاء الله .. ام محمد بطلت عيونهاآ : بنتييي .. الزين حظنت امهاآ : وحشتيني يمه .. صارلي كم يوم ماشفتج .. فهد أشر لليهال .. وكلهم نقزوا .. وقعدوا يستهبلون .. ويسالفون .. ووسط السوالف .. تبطل الباب .. الا محمد داآش .. الكل تعجب !! ام محمد : محمد .. شعندك هاد زوجتك وياي .. محمد نادا امه واخته وخبرهم باللي صار ~ الزين : وساره من امتى تتصل لك .. اصلا شعرفها في رقمك محمد : انا هاي اللي مستغرب منه .. ام محمد : وانت ليش ماقلت لعايشه الصج من البدايه .. محمد بضيق : مادري .. ماكنت ابيها تتضايق .. الزين : معليك بكره اتصل فيهاآ واشوف شلي فيها بالضبط وبتتصالحون ان شاء الله .. محمد : انا طلقتهاآ .. ام محمد : وانت علبالك الطلاق لعبه .. من صارت سالفه بسيطه بتقولها انتي طالق .. محمد : مادري يمه شلي صادني .. الزين : المهم انت لا تحاتي .. ان شاء الله كلشي رايح يتوضح .. . عرس عبدالرحمن .. نوره كاآنت مسويه جو في العرس ترقص وتتغشمر مع الموجودين .. الكل كان منعجب في جمالهاآ وروحهاآ الحلوه .. حتى أم عبدالرحمن ! اللي من شدة اعجابها قالت لأختهاآ تشوف اذا نوره مرتبطه او لا .. وان كانت مو مرتبطه تكلمهاآ أنها تبيها لولدهاآ الثاني .(( أخو عبدالرحمن الصغير )) .. خالة عبدالرحمن راآحت عند نوره .. وقعدت تساآلف وياها ووسط الحجي .. خالة عبدالرحمن : أمم أنتي من رفيجات العروس ؟ نوره : أمم .. تقريبا خالة عبدالرحمن : اهاا .. انتي اكيد متزوجه .. مو معقوله كل هالحلا وللحين ماتزوجتي؟ نوره ضحكت بحيا : ههههه .. لا والله مو متزوجه .. خالة عبدالرحمن : امم .. انزين أم المعرس تبيج لولدهاآ الثاني .. نوره تغيرت تعابير ويهه .. وقالت في روحهاآ " ههه .. تبيني لولدج الثاني ياعيوز النار .. مو انا اللي مو عاجبتج .. وماتبين ولدج ياخذني .. والله دنياآ .. امم بس تدرين شلون .. اناا برويج شبسوي فيج " خالة عبدالرحمن : هاآ شقلتي ؟ نوره : مادري .. الشور عند أهلي مو عندي .. خالة عبدالرحمن : اوكي بس عطينا رقم أبوج او امج خلنا نتفق وياهم على يوم أنيي فيه عندكم ونخطبج .. نوره : اوكي .. صوت الدي جي : لو سمحتوا .. لو سمحتوا يالحريم تغطوا .. المعرس والعروس الحين بيدخلون " الناس بدوا يلبسون العبايات ويتغطون .. الا نوره .. الكل عصب عليهاآ في هاللحظه .. خالة عبدالرحمن : وييي .. لحقي يا أم عبدالرحمن .. البنت طلعت سفور .. أم عبدالرحمن : معليه بنخليها تتغطى .. العروس والمعرس بدوا يدخلون .. ونوره تعمدت تقعد على طاوله في الويه .. في البدايه عبدالرحمن كان يمشي ويا العروس وهو منزل راسه .. وأول مارفعه لقى نوره في ويهه .. تجمد في مكانه وقام يرتجف .. نوره أبتسمت له .. وأشرت له " أمشي " بدون لا حد يشوف .. بس عبدالرحمن ماكان قادر يتحرك .. والود وده أنه يشرد من القاعه .. أخر من توقع يشوفهاآ في العرس نوره .. أمه يات له وكلمته .. وبعدهاآ نزل راسه بالارض ومارفعه حتى للتصوير .. وقعدوا على الكوشه .. ويوم ياآ وقت التبريكات .. نوره سلمت على العروس وحبتهاآ .. وقالتهاآ : مبروووك .. ألف مبرووك حبيبتي .. وبعدهاآ مدت يدها لعبدالرحمن وسط ذهول الكل من جراتهاآ .. وهو مد لهاآ يده وهو يرتجف .. وقالت له : مبروك أخوي .. ألف مبروك .. منك المال ومنهاآ العيال .. وقالتله بصوت منخفض محد سمعه غيره : بشوف اذا أهي الانسانه اللي بتسعدك .. مشت عبدالرحمن : نووره صبري .. العروس : شعرفك في أسمهاآ .. عبدالرحمن أرتبك أكثر : هاآ .. ماعرفهاآ .. اناا قاعد اناادي على عمتي .. مادري وينهاآ للحين مايات .. نوره تمت في العرس قاعده لي الساعه 2 .. واتصلت بالدريول عشان ايي ياخذهاآ .. لقته مايشيل التلفون .. وفكرت تتصل في أبوها بس اهو اذا درى أنهآ تمت بره لهالحزه بيذبحهاآ .. ماعرفت تتصل في من .. وأخر شي اتصلت بالزين .. نوره : زيوون .. راقده ؟ الزين : لا .. قوليلي شخبار العرس وشصار .. نوره : تعالي اخذيني وبالطريج بقولج كل اللي صار .. الزين : ماقدر امشي هالحزه .. أخااف.. نوره : الدريول مايشيل وماقدر اتصل بأبوي .. الزين : انزين بخلي فهد أخوي يمشي وبايي وياه ناخذج .. نوره : لا فشله .. الزين : بلا سخافه أكاني يايه .. الزين صكت التلفون وراحت كلمت فهد .. الزين : فهوود .. ابي اروح ايب نوره من العرس .. فهد : اي نوره بعد .. الزين : نوره أخت عبدالعزيز .. فهد : يه وانا مسئول عنها .. خله ابوهاآ أيبها ولا احد .. الزين : الكل راقد عاد قوم .. فهد : قولي لمحمد .. الزين : محمد تعبان .. فهود لا تذلني انا ماقدر اطلع بروحي هالحزه .. فهد : أوووف .. انزين نطري أبدل .. وماهي الا دقايق ووصلوا عند الفندق .. ونوره طلعت .. فهد : وينهي ذي .. شكلهاآ تتسبح داخل .. الزين تتلفت تدور نوره مو ملاقيتها : مادري وينهاآ فهد شاآف نوره بس ماعرفهاآ : طالعي ذي .. قمر .. وربي قمرر .. الزين : أستح على ويهك .. هاآي نوره فهد : حلفي .. زينوو واللي يخليج اناا هاي ابيها .. الزين : فهود شتقول أنت .. فهد : ابي أكلمهاا .. الزين : فهود شتخربط .. فهد : زينو .. انا بقى لي شهر وأنحكر .. وابي اكلمها قبل لا أروح . الزين خلته يولي وبطلت الدريشه : نوره .. نوره ركبت السياره : السلام عليكم .. فهد : وعليكم السلام .. هلا والله .. الزين تنغز فهد : أنجب .. نوره : زيون تعالي قعدي يمي بقولج اللي صار .. فهد : افا ماتبيني اسمع يعني .. نوره " شفيه ذي يستخف " .. الزين : فهدد .. أسكت .. " نزلت من السياره وقعدت ورى يم نوره .. وقالتلها نوره كل اللي صار " الزيين : يمه صج أنج قويه يانوره .. نوره : ياليت .. فهد : نوره .. نوره باستغراب : نعم .. فهد : سالفي لا .. الزين تضحك : فهد أعقل .. فشلتني الله يغربل أبليسك .. نوره سكتت .. وفهد جريب أين .. ميت يبي نوره تعطيه ويه .. واخيراً وصلت البيت ونزلت .. بس نست تلفونهاآ .. والزين مانتبهت .. فهد بعد ما رد البيت .. والزين نزلت أنتبه عالتلفون .. وعرف انه مال نوره .. راآح طق مسكول من رقمهاآ على رقمه .. وسيف رقمهاآ .. وبعدها عطى التلفون للزين عشان تعطيه نوره .. الزين : غريبه رديت التلفون .. فهد ضحك .. الزين : فهود فشلتني .. أفرض نوره قالت لعبدالعزيز .. بيذبحك فهد : مادري مافكرت فيهاآ .. المهم .. انا قتلج البنت أبيها .. بتساعديني ولا ؟ الزين : أسفه هالسوالف انا ما أساعف فيها .. ولو سمحت أبعد عنهاآ .. ترا اللي فيها مكفيها .. فهد : أوكي .. " بس انا اعرف شلون بوصلهاآ " عبدالعزيز طق الباب .. فتحت له الممرضه .. بعد الترجمه .. عبدالعزيز : لو سمحتي .. هاآي شقة مدام وضحى .. الممرضه : أيي تفضل .. " ودخلته الغرفه اللي كانت وضحى فيها " شكلهاآ ذبلان .. وواايد ضعفانه .. وحالتهاآ حاله .. عبدالعزيز خاف : وضحى .. شفيييج ؟؟ وضحى ابتسمت : هلا عبدالعزيز .. حمدلله على السلامه .. عبدالعزيز : الله يسلمج .. وضحى صرخت من الألم .. عبدالعزيز مسك يدهاآ : وضحى شفيييج ؟ لا تخرعيني .. وضحى : عبدالعزيز .. انا خليتك اتييني عشان موضوع مهم .. عبدالعزيز : مابي اعرف الموضوع .. اول قوليلي شفيج .. وضحى : عبدالعزيز أسمعني .. عبدالعزيز : أسمعج .. وضحى : تذكر اخر مره شفتك فيها بالمطار .. عبدالعزيز : أيه .. وضحى : تذكر الولد اللي كان وياي ؟ عبدالعزيز : أيه ولدج .. وضحى : وولدك بعد .. عبدالعزيز مصدوم : ولديي أناا !! شلون .. وضحى : تذكر اليوم اللي شردت فيه من بيتي .. ونمت فيه عندك .. عبدالعزيز : فهمت .. كملي وضحى تكمل السالفه بصعوبه : بعدهاآ بكم يوم أنت تقدمت لي عشان هالشي .. وفي البدايه اخوي كان موافق .. بس بعد ما كلمه ولد عمك .. رفضك .. المهم بعدهاآ بكم اسبوع رحت المستشفى وقالو أني حامل .. أخوي يوم مادرى بغى يذبحني .. وزاد ينونه يوم درى أنه الولد منك .. وبعدهاآ خلاني بالغصب أتزوج واحد يعرفه .. وبس تم هاآي الشي سري طول هالسنين و محد درى فيه .. وقبل فتره تعبت ورحت المستشفى .. وأكشتفوا أني احتضر بسبب مرض نادر مو ملاقين له علاج لحد الحين .. ووقتهاآ عرفت ان هاي اهو الوقت اللي المفروض فيه أكشف عن سري .. وقلت لزوجي ان الولد مو ولده .. فطلقني .. واخوي يوم درى اني قلت لزوجي .. قاطعني وماصار يكلمني .. عبدالعزيز : وضحى .. لا تهتمين .. انا الحين عندج .. وراح اكون لج بدالهم كلهم .. وبسفرج كل مكان .. والله ماخلق داء الا وله دواء .. وضحى : عبدالعزيز .. انا خلاص مامني فايده .. كلهاآ كم يوم وبموت .. اللي أبيه منك تهتم في عبدالعزيز الصغير .. وتحطه في عيونك .. تحمل فيه تراآه ولدك .. عبدالعزيز : بعد عمر طويل .. وضحى : تحمل فيه .. " فجأه صوت الجهاآز مال دقات القلب يقوى .. الممرضه ركضت .. واتصلت بالاسعاف .. ولكن مافي فايده .. وضحى توفت .. " "

اليوم الثاني .. عبدالعزيز قام من وقت .. و تجهز للشغل وقبل لا يطلع راح عند الزين وباسها على خدها .. الزين قامت : وين رايح ؟ عبدالعزيز : رقدي .. انا الحين بروح الشغل .. الزين : لا تتأخر .. " ورقدت " عبدالعزيز ابتسم وطلع .. وهو في السياره اتصل على خليفه " زميله ايام الدراسه في لندن " .. عبدالعزيز : السلام عليكم .. سوزان : hello عبدالعزيز : hii سوزان : من عم بيحكي ؟ عبدالعزيز " صوت مو غريب " : ابي اكلم خليفه .. قوليله عبدالعزيز رفيجه .. سوزان تفاجأت : عبدالعزيييييييييييز .. عبدالعزيز : نعم ؟ اناا سوزان .. عبدالعزيز : هاآآ ... " يطالع الرقم اللي متصل عليه .. " .. وين خليفه .. سوزان تعطي خليفه التلفون .. خليفه : هلا هلا من وين طالعه الشمس .. عبدالعزيز : هلا فيك .. شسالفه صج هاي سوزانو الدعله شايله التلفون .. خليفه بأحراج : حبيبتي صارت .. عبدالعزيز : هااااااااا .. بييه . . شلون .. خليفه سكت .. عبدالعزيز : المهم انت شلونك شخبارك ؟ خليفه : والله تمام انت وينك يالقااطع .. رديت البحرين ونسيتنا ؟ عبدالعزيز : هههه .. لا والله مانسييتك .. انت اخ ورفيج .. والدنيا ماخذتني ويا ام العيال .. خليفه : تزووووجت !! عبدالعزيز : ههههههه .. اييي خليفه : من ذي ؟ عبدالعزيز : وحده .. المهم حبيت اقولك ان انا يمكن ايي عندكم بعد جم يوم .. وبس قلت أخبررك .. خليفه : بالسلامه انشالله .. عبدالعزيز : انزين يلا عيل اخوي .. خليفه : انطر نسيت اقولك .. ترا شفت وضحى قبل فتره .. وكانت تلح علي تبي تكلمك .. وماكاان عندي رقمك البحريني اليديد .. عبدالعزيز قلبه دق ونسى الزين وحتى نفسه في هاللحظه : وضحى ؟ خليفه : اي .. مادري شسالفتها بس كانت حالتها حاله .. بس شكله شي ضروري .. عبدالعزيز : عندك رقمها ؟ خليفه : اي عطتني اياه .. قالتلي اول ماعرف شي عنك اتصلها .. عبدالعزيز : انزين عطني .. خليفه : اوك .. اخذ .. عايشه قامت من النوم وحالتها النفسيه زفت .. مو قادره تستحمل ازيد من جذي .. شلون تنافق محمد وتبين له انها مستانسه وهي تحترق من داخلها .. قامت وهي تصيح .. ومو عارفه شسووي .. محمد قاام على صوت صياحها .. محمد بصوت تعبان : عايشه .. عاايشه .. عايشه كتمت صياحها وردت بصوت مخنوق : نعم .. محمد وهو مغمض عيونه : شفييج عايشه : مافيني شي .. محمد قاام من مكانه وبطل عيونه بصعوبه من التعب : امبله جوفي عيونج .. قوليلي اناا مو مرتااح .. عايشه : لا بس وحشتني امي .. محمد : اكيد ؟ عايشه : ايي .. محمد : انزين عيل اتصلي فيها .. عايشه : اوكي .. نوره قامت من النوم على رنة تلفونهاا .. نوره : هاآآآ .. رفيجة نوره : ويع اااه .. قووومي يالعله .. بسج رقااد .. نوره : اوهو شتبين .. خليني ارقد يه .. رفيجة نوره : عندج لج خبر بمليون دينار .. نوره : عطيني المليون مابي اعرف الخبر .. رفيجة نوره : حتى لو كان عن حمانو ؟ نوره صحصحت من النوم ! : حماااااانو حماانو مالي اناا .. رفيجة نوره : لا ياحبيبتي الحين مو مالج انتي .. صار مال بنت خالته .. نوره : شتقولين انتي ؟ رفيجة نوره : بنت خالته رفيجة أختي .. واكاا مطرشين لناا بطاقة الدعوه للعرس .. نوره في حالة صدمه .. رفيجة نوره : وييينج ؟ نوره : ويااج .. رفيجة نوره : لا تقولين لي تصيحين ؟ نوره صج كانت تبي تصيح بس تمت تعاند نفسها : لا وليش اصيح مايستااهل .. رفيجة نوره : عدل كلامج حبيبتي .. نوره : انزين ابي منج خدمه ؟ رفيجة نوره : امري .,. نوره : دبري لي بطاقة حق العرس .. رفيجه نوره : ليش ؟ نوره : انتي ماعليج .. بس دبري لي .. رفيجة نوره وهي مستغربه من طلبها : اوكي .. راشد يصيح هرن لمريم عشان تطلع .. مريم ركبت السياره : رشوود احد يطلع الصبح .. راشد : عندي شغل العصر ماقدر اطلع .. مريم : انزين الحين وين رايحين ؟ راشد : اول شي بنرووح نتريق .. مريم : اي مطعم بتوديني .. راشد يضحك .. مريم : شفيك ؟ راشد : توقعي ؟ مريم : اممم بوفيه ؟ راشد : لا يخسي بوفيه اي فندق .. مريم : يعني وين بتوديني .. راشد : اوديج المحل اللي يم بيتنا نشتري جبوود وبيبسي .. مريم تضحك : الااي عالروومنسيه .. راشد : عشوون عيل .. مريم : فديتك .. راشد ميت من الضحك : مريوم جوفي ويهج في المنظره .. مريم بطلت المنظره تجوف روحهاا : بييييييي .. ويهي نسيت اشيل المكيااج مال امس .. راشد : جنج دراكولا صايره .. مريم : شسوي رديت من العرس تعبانه حتى المكياج نسيت امشه .. بيي على طاري العرس .. خله اتصل في عايشه .. راشد : حرام عليج .. البنيه تبي ترتاح وانتي تتصلين فيها .. مريم : رفيجتي وكيفي .. " تتصل في عايشه " عايشه كانت تكلم امها .. يوم شافت مريم تتصل سيده صكت ويا امها وكلمت مريم .. مريم : هلا بالعروسه الحلوه .. عايشه : هلا فييج .. مريم : شلونج ؟ عايشه صاحت .. مريم : عووش شفييييييج ؟ عبدالعزيز يتصل في وضحى وقلبه يدق بالقووه .. وضحى اول ماشافت فتح الخط من البحرين عرفت ان ذي عبدالعزيز ! عبدالعزيز : وضحى .. وضحى بصوت تعبان : هلا عبدالعزييز شلوونك ؟ عبدالعزيز : انا الحين بخير يوم سمعت صوتج .. انتي شلونج ؟ وضحى : والله تعباانه .. تعباانه ياعبدالعزيز .. عبدالعزيز : عسا ماشر ؟ وضحى : الشر مايجيك .. بس فيني " سكتت " عبدالعزيز خااف : شفييييج ؟ وضحى : تعال لندن في اقرب وقت وبخبرك بكلشي .. عبدالعزيز : وضحى خوفتيني .. قوليلي شفييج وضحى : انشالله اول ماتجي بخبرك بكلشي . . عبدالعزيز : الحين بحجز .. يلا مع السلامه .. مريم : عايشه لا تتسرعين .. يمكن احد من اهله ولا شي .. عايشه : مريم شتقوولين .. اناا سمعته شلون يتكلم .. وسمعت صوت اللي يكلمها .. ويوم سئلته يقولي وااحد من الربع .. شتبين يصير فيني .. مريم : والله ياعايشه مااعرف شنو اقوولج .. عايشه : بمووت يامريم .. مختنقه مو طايقه حتى اشوفه .. مريم : عنديي حل .. عايشه : قووولي .. مريم : بطلي تلفونه واهو نايم واخذي الرقم واتصلي وتفاهمي ويا البنت .. عايشه : والله فكرره .. شلون مايات في بالي .. مشكوره مريووم .. مريم : انزين يلا بسرعه.. قبل لا يقووم وخبريني باللي يصير اول باول .. عايشه : اوكيي .. نوره راحت للزين وخبرتها باللي صار .. الزين : نوروو من صجج ؟ نوره : والله .. الزين : وشلون قادره تتكلمين هلون عادي .. نوره : اناا احترق من داخلي .. بس احااول " انهاآرت وقعدت تصيح " الزين حست بالذنب " اناا غبيه ليش قتلها جذي ؟ " حظنت نوره وقعدت تهديهاآ : بس نوااره .. والله مايستااهل دموعه من دمووعج .. نوره تمسح دموعهاآ : أدرري .. واناا بروويج فيه .. بخلي ماينسى ليلة عرسه .. مو على اساس انها ليلة العمر .. الزين بخوف : نوروو .. تحملي تسوين شي ينووني .. تذبحين الصبي ولا البنيه .. نوره ضحكت : انتي واايد متأثره بالافلام الاجنبيه .. الزين : هههه .. شدرااني جفتج قلتي جذي خفت .. عيل شبسوين .. نوره : بتكشخ وبلبس احلى لبس .. وبروح ببارك له .. وبقوله مبرووك اخوي منك المال ومنها العيال .. وانا ابتسم .. خله يموت وهو في مكاانه .. الزين : من صجج انتي ؟ نوره : اييي .. الزين : لاا ماابخلييج .. نوره : يــه .. الحين انا معتبرتج رفيجتي واقولج شنو في بالي تقولين مابخليج .. الزين : نوره لا تسويين جذي .. خلاص انسيه .. نوره : ومن قالج اني ابيه .. بس لازم احسسه باللي سوااه .. الزين : الا انتي ماقلتيلي .. انتو ليش هديتوا بعض ؟ نوره تتنهد : عشاان تصرفااته .. وكلام اهله .. اهو تخلى عني عشان شي اناا مالي دخل فيه .. الزين : مافهمت ؟ نوره : اخاف اقولج بكلشي .. يوصل خبر لعبدالعزيز .. الزين : انا من امتى اقول لعبدالعزيز شي عنج .. انتي تدرين اني ماعتبرج اخت زوجي .. انتي رفيجتي وروحي وعمرج مابأذيج .. نوره : لاا .. لان عبدالعزيز اكيد خاش عليج السالفه .. الزين : مو فاهمه شي .. نوره : حلفي ماتقولين لعبدالعزيز الزين : وعزة ربي .. نوره : امي ماكانت علاقتها اوكي بأبوي .. " وقعدت تقولها السالفه " .. عايشه تتصل في ساره .. عايشه : الو .. ساره عرفت ان عايشه اللي متصله : الو حموودي .. عايشه : انا مو محمد . . انا زوجته .. ساره : اي .. هلا هلا .. عايشه : ممكن اعرف من انتي ؟ ساره : آسفه .. ماقدر اقول .. " وصكت التلفون في ويهه " .. وسيده اتصلت في عليااء .. وقالتلها تتصل في عايشه وتنفذ الخطه اللي اتفقوا عليهاا .. الزين : يعني هاي السبب اللي خلى عبدالعزيز يسافر بره ؟ نوره تهز راسها بالايجاب .. الزين : انزين وليش ماخبرني بهالشي .. انا زوجته .. علباله اني بعايره ولا شي ؟ نوره : زيون لا تخلين اندم اني قتلج .. الزين : لا يانوره .. لا تندمين .. هالشي كنت بعرفه لو منج من غيرج .. بس انا ابي اعرف ليش خش عني .. نوره : عذريه .. ماتدرين شلي كان يفكر فيه .. عموما يالدبه قوومي خلناا نروح العالي .. ابي اختار فستااان .. وابي اخذ بذوقج .. الزين : مالي مزااج والله .. نوره : يلاا عااد .. الزين : اوكي .. بس خله اخبر عبدالعزيز . . عبدالعزيز حجز تذكره وحده على اقرب طياره مسافره للندن .. وموعد السفر كاان اليوم اللي بعده .. وكان ناسي الزين تماماً !! لحد ماا دخل السياره .. " اووه .. الزييين .. شلوون نسيتها !! .. اناا جذي خنتها .. آآه ياربي . . بــــس اناا لازم اروح لندن واعرف شصاااير .. سامحيني يالزين .. احبج .. بس بعد احب وضحى .. وضحى اهي كلشي في حياتي .. ولازم اعرف شفيهاا .. " فجأه التلفون يرن " يسئلوني ليه احبك حب ماحب مثله بشر " .. الزين تتصل ! عبدالعزيز : الو .. الزين : ها يبه وينك ؟ عبدالعزيز من غير نفس : طالع .. الزين " وه من اللي المفروض يتضايق انا ولا اهو ؟" : شفيييك ؟ عبدالعزيز : مافيني شي .. أسف .. احبج سامحيني .. الزين " شكله حس اني عرفت .. ماشالله علييك !! " : . اسامحك على شنو ؟ عبدالعزيز : على كلشي غلطت فيه بحقج .. الزين : مسموح يالغالي .. انزين حياتي انا بروح ويا نوره المجمع .. عبدالعزيز : اوكي .. تحملي بنفسج .. الزين مستغربه : بي شصاير .. اول مره توافق على طلعه بروحي بهالسهوله .. عبدالعزيز : هههه .. انزين تغطي عدل .. ولا تتأخرين .. الزين : انشالله ! علياء : هلا ببنت الخاله .. اخبارج ؟ عايشه : ماشي الحال .. علياء : عايشه انا عندي شي لازم اقولج اياه من امس .. بس مو عارفه شلون ؟ عايشه : قولي .. علياء : امس بالعرس كنت قاعده ويا ساره بنت عم محمد .. وقالت لي انها كانت على علاقه فيه .. وحتى سمعتني تسجيل صوتي لهم .. وانا تحبه وهو كان قايلها انه يحبها .. وسمعت انه كانت على علاقاات ويا بنات واايد .. وو عايشه انهارت وماتت من الصيااح .. علياء عورها قلبها .. بس كان لازم عليها تستمر في التمثيليه : اسفه عايشه .. بس انتي بنت خالتي وقلت لازم اقولج .. عايشه : مشكوره علياء .. علياء : عايشه .. انا قتلج هالحجي بس تحملي تقولين لمحمد .. حرام نسوي مشااكل للبنت .. اهي ماتدري اني بقولج .. عايشه : لا تخافين .. بس ابيج تكلمين ساره تقولين لها اني ابي اقعد وياها .. علياء : انشالله ..

فاطمه : لازم يعني تروح ؟ ناصر وهو يحطله عطر : يعني أنتي شرايج ؟ فاطمه : اصلا الوقت تأخر واكيد العرس خلص .. وبعدين أنت شلون بتروح وعبدالعزيز هناك .. ناصر التفت عليها : معليه انا بتصل في راشد وبسئله .. فاطمه بصوت منخفض : انشالله يقولك راح .. ناصر : هلا أخوي .. شلونك ؟ راشد : بخير .. وينك .. ليش ماييت .. ناصر : كنت مشغول شوي .. الا بسئلك محمد موجود ولا ؟ راشد : بوو .. محمد طلع من أمته .. ناصر : يعني مافي فايده أيي .. " فاطمه تنقز من مكانها : يـــس .. " راشد : وأحسن بعد أنك مايت .. ناصر : ليش ؟ راشد : مادري الوضع تحسه متوتر شوي .. فهد و محمد .. وعبدالعزيز بعد هنيي .. ناصر بضيقه : اكيد لازم بيكون هناك .. فاطمه في قلبها " اشكره عن عبدالعزيز ذيي ! " .. ناصر : اوكي راشد .. يلا باي .. فاطمه بغيره : متضايق عشان ريل حبيبة القلب هناك .. ناصر : لا الله يهدااج بس .. مضايق عشان صار اهو القريب من عيال عمي .. واحنا عيال عمهم منبوذين .. شنقول بس .. فاطمه : معليه حبيبي .. انشالله ويا الايام علاقتك بتصير احسن وياه .. وقالت في قلبها " بس بدون لا تصير احسن ويا عبدالعزيز عشان ماتجوف السباله " ناصر بابتسامه : انشالله .. بعد ماطلعوا العروس والمعرس .. علياء اتفقت ويا ساره على الخطه واتصلت في خليفه وخبرته .. وهو طار من الوناسه يوم سمع الخطه .. وتم الخطيط بهالطريقه لكل شي و ماباقي الا التنفيذ .. علياء : بس ساروه اناا خاييفه .. ساره : ليش تخافين .. احنا مابنسوي شي .. اخوج يبي عايشه وانا بخليه تصيرله .. وانا ابي محمد وبخليه يصير لي .. فيها شي ؟ علياء : بس .. ساره : بس عيل دامج متردده مو لازم ؟ علياء : لا لا .. تبين خليفه يذبحني .. انزين امتى نبدي الخطه ؟ ساره : الحين .. علياء بطلت عينها : الحين ؟ ساره : اي .. بس خلنا نطلع بره عن السنداره .. عند الفندق .. الزين طلعت من العرس من وقت بسبب الحمل والتعب .. عبدالعزيز بطل باب السياره للزين وميودها من يدها : تفضلي يابعد روحي .. الزين : ههههه .. شعنده الجنتل مان عبدالعزيز يضحك : ادلع مرتي .. وام ولدي .. في السياره .. عبدالعزيز يغني للزين .. الشي اللي خلى الزين تتذكر اول ايام زواجها من عبدالعزيز الزين : تتذكر اول ماتزوجنا ؟ عبدالعزيز : وشلون انسى .. جنه مكفخينج بنعل .. صياح .. وماده البوز .. والحاله حاله .. الزين تضحك : ولا مره توقعت ان بحبك ولا بقدر اعيش وياك .. عبدالعزيز : بس غصبا عنج حبيتيني .. الزين : وصرت اموت فيك بعد .. عبدالعزيز يسترجع الاحداث وهو يضحك : وشهر العسل .. والدلاعه والسخاافه .. والشردات .. الزين تضحك : بلا فضايح .. حبيبي تدري متى حبيتك ؟ عبدالعزيز : امم متى ؟ الزين : تذكر يوم مرضت وقمت توديني المستشفى وشلون كنت تهتم فيني وتخاف علي ..هني صج حبيتك .. عبدالعزيز : اويه علييج .. الزين : بس قبل .. كنت صج اكرهك .. ومره كنت صج باذبحك .. عبدالعزيز : خخخخ .. الزين : والله من صجي .. رحت حجرتك كنت باخنقك .. بس وقفت وقعدت اتأمل في ويهك .. عبدالعزيز بصدمه : هالسالفه اول مره اسمع فيها ّ!! شله يعني ؟ دريت انج كنتي تكرهيني بس مو لهدرجه !! الزين تضحك من تعابير الصدمه اللي على ويه عبدالعزيز .. : لانك كنت باط جبدي .. وايد تتحكم وتشرط وتتحلطم .. وفي هاليوم ماذكر ليش تهاوشنا هوشه قويه .. عبدالعزيز : اصلا شهر العسل كان كله هوشاات .. كان شهر بصلل !! الزين : ههههههههه اي والله .. عبدالعزيز خطرت له فكره : شرايج نجدد شهر العسل ؟ الزين : شلون ؟ عبدالعزيز : شرايج نروح لندن منها نستانس و منها اذا في جامعة تقبل الانتساب ولا شي .. الزين : اوكي ماعندي ماانع .. محمد وعايشه قاعدين يسالفون .. فجأه تلفون محمد يرن .. محمد : اوف كلش مو وقته .. عايشه : من ؟ محمد : مادري بس مو شايل .. " ردوا اتصلوا " .. محمد : اوووف .. عايشه : شيل التلفون لا ؟ محمد : ألوو .. ساره : ألوو .. محمد انا ساره بنت عمك .. محمد بتعجب : اي .. هلا والله .. ساره : ممكن شوي تبتعد عن عايشه عندي موضوع مهم ابي اكلمك فيه ؟ " سماعة وحده على اذن ساره والثانية على اذن علياء " محمد ابتعد عن عايشه وقال باستغراب : عسا ماشر ؟ عايشه سمعت صوت بنت .. وحركة محمد وابتعاده .. خلتها تشك فيه .. ساره " تسجل الصوت" : امم .. حبيت اقولك مبروك .. وتستاهل كل خير .. محمد : الله يبارك فيج .. وشنو الموضوع اللي المهم ؟ ساره : اممم .. مادري ياولد العم شلون اقولك .. بس سمعت شي .. وقلت لازم اقولك .. محمد بخوف :خير ؟ ساره: سمعت من النسوان ان زوجتك كانت على علاقة بولد خالتها . محمد بعصبيه بس تمالك اعصابه وقال بالعدال عشان ماتسمع عايشه شي وتتضايق : لا حول ولا قوة الا بالله .. مو على علاقه فيه .. كان يبيها واهي ماتبيه .. شهالحجي ومن اللي قال .. ساره : انا اللي قالولي ناس واثقه منهم .. وقراب منها .. وانت شدراك ان هاي الصج .. هاي اللي اهي قالته مو الصج .. محمد يصرخ بالقوه : اوووووووه .. شهالكلام الي تقولينه ساره : عموما انا سمعت شي وقلت هاي شي يمس ولد عمي لازم اقوله .. بس شسوي " بتصنع للبراءه " خير تفعل .. شر تلقى .. اسفه ومع السلامه محمد : باللي مايحفظ .. وصك التلفون .. ساره : اوكي .. يلا مع السلامه .. " صكت التلفون " ابتسمت بخبث وقالت : هاي بذرة الشك .. علياء : والله مو سهله ياساره .. بس شلون يبتي رقمه ؟ ساره : اعجبج .. حركاات افا عليج بس .. انزين الحين دورج .. علياء : اوكي .. عايشه سمعت صراخ محمد وهو يقول شهالكلام اللي تقولينه .. وبدى الشيطان يوسوس لها .. بس قررت ماتتسرع .. عايشه : من اللي كان متصل ؟ محمد وهو سرحان : واحد من الشباب .. عايشه " واحد من الشباب هاا .. انا غبيه يعني " .. محمد يفكر " والله ادري ان عايشه مو جذي .. مو من هالنوع .. ليش بالجذب .. انا شعلي من كلام النااس .. اهم شي اني احبها واهي تحبني وواثق منها " .. " أبتسم " وقال : عايشه احبج .. عايشه وهي تبادله الابتسامه تحاول من خلالها انها تخفي مشاعر الشك : أنا بعد .. شيبي رفيجك ؟ محمد : يبارك لي .. عايشه : اهاا .. محمد : خله يولي .. اهم شي انتي .. تلفون عايشه يرن .. محمد : تلفونج عايشه : اي هاي عليا بنت خالتي .. دقايق بس .. محمد : اوكي .. عايشه : ألوو .. علياء : هلاا عوواش .. عايشه : هلا عليا .. شخبارج ؟ علياء : اوكي .. امم ابي اقولج شي .. " ساره تسمع علياء وهي مستانسه وتأشر لها بايدها "أوكي " " عايشه لا اراديا صاحت .. علياء : شفييج ؟ عايشه : مادري قلبي يعورني .. علياء : من شنو ؟ عايشه : مضايقه شوي ماعليج .. علياء عورها قلبها وهونت عن اللي كانت بتقوله : سلامتج يالغاليه .. بس حبيت اسلم عليج لان في العرس كنتي كله ويا ربعج وماقدرت اسلم عليج .. مسحي دمعتج ولا تتضايقين .. عايشه : انشالله .. علياء : انزين يلا انا اخليج .. اكيد محمد الحين مطنقر .. " ساره بطلت عيونها " عايشه تضحك .. علياء : يلا تحملي بنفسج .. " صكت التلفون " سارره صررخت : شفييييييج انتي ؟ علياء وقلبها معورها : انتي سمعتيها كانت تصيح .. حرام نسوي فيها جذي .. ساره : يـــــــــه .. علياء : انزين عالاقل ننطر جم يوم .. مو كلشي اليوم .. والله حرام ..\ ساره فكرت فيها : اي تصدقين .. اصلاً بتصير أضبط وأحسن ..

حبايبي الاحداث ذلين بعد أكثر من 6 شهوور .. وفي هالشهور .. ناس يموتون وناآآس يحييون .. فاطمه امهاآ وابوهاآ متوفين .. وماآعندهاآ احد غير عمتهاآ .. ونااصر قدر يتجرب منها ويتزوجها .. وعن الزين في هالفتره صارت وايد احداث وياهاآ .. وفي هالبارت أهي حامل منه .. اما سبب تسريع الأحداث مابي أطول القصه وايد .. أحسكم تمللتوا .. وخصوصا فترة الامتحانات بتجرب وجذيي .. ومشكورين عالردود فكتوش > > ايي فيهـ مايووه اسلاامي .. ويغطي تالجسم كله وعند الخصر مثل التنوره .. عاآيشه رفيجة الزين .. ومحمد أخوهاآآ

ساآن واي لاقوون .. عبدالعزيز ماسك يد الزين ويمشي يمها .. عبدالعزيز : شراآيج في المكاآآن حياتي ؟ الزين : وااااااو .. عجييب .. خاطري اتسببببح .. عبدالعزيز : انزين تسبحي .. الزين تطالع عبدالعزيز بتعجب : عادي اتسبح ؟ عبدالعزيز : اذا في خاطرج تتسبحين .. تسبحي حياآآتي .. الزين : والحجااب ؟ عبدالعزيز : في شي اسمه مايوو اسلامي .. في محل هني يبيعوونه .. امشي ناخذلج واحد .. الزين مندهشه من عبدالعزيز ماتوقعته يرضى !! : صج ؟ عبدالعزيز : ايييي .. ناآآصر ماآآسك البطاآقه في يده .. ويفكر في فاطمه .. " أول شي لازم اسويه .. أعدل حياآآة هالبنت وأعوضهاآ عن فقدانها لأخووهاآآ .. و أتزوجهاآ .. " يضحك " أتخيل روحي متزوج أحد غيرر الز " سكت " .. لا لا .. مابي اذكرها .. الله يوفقها ويا زوجهاآ "يتنهد " كانت تقدر تقول لا .. واهي اللي وافقت .. " سااره دشت الغرفه وعطست .. ناآصر : يرحمج االله .. ساره : شلوونك اليوم ؟ ناصر : بخير .. وين راشد ؟ ساره : مادري .. انا يايه بروحي .. ناصر " يفكر في راشد .. يبي يعتذر له عن الطريقه اللي كان يكلمه فيهاآ " .. ساره : وين سرحت ؟ ناصر أنتبه : لا ماسرحت .. ساررووه أطلبج ؟ ساره : آمر ؟ ناصر : أبي رقم البنيه اللي يات .. ساره : أي بنيه ؟ ناصر : اللي مالت الحادث .. ساره بطلت عينها : وشله ؟ ناصر : أبيه .. ساره : وانا شلون بطلعه وانا ماعرف شي عنها ؟ ناصر بحيره : مادري .. بس انتي تقدرين تطلعينه .. لأنج تعرفين وايد بنات .. واكيد اذا درتي عنها بتلاقينها .. ساره : قولي عالأقل اسمها او اسم ابوها ؟ ناصر : انا كل اللي اعرفه اخوها اسمه عبدالله المريسي . . شي جذي .. لا لا .. .. عبدالله المعيلي .. أي .. عبدالله راشد المعيلي .. هاي اسمه .. ساره : اوكي .. نوره مضايقه ومو عارفه تكلم من .. عبدالرحمن كان.. الصديق .. الأخ .. الأب .. الحبيب .. كل شي بالنسبه لها .. والحين خلاآص .. ماراآح يكون له أثر في حياتها .. " بوعبدالعزيز يطق الباب " بوعبدالعزيز : نوره يبه شفييج .. حابسه روحج في الغرفه ؟ نوره بصوت مخنوق : مافيني شي يبه .. بوعبدالعزيز : لا فيج .. بطلي الباب .. نوره تصرخ : قتلك مافيني شي يبه .. رووح .. بوعبدالعزيز : مب رايح .. بطلي الباب .. نوره مسحت دموعها وبطلت الباب .. وشكلها مبين أنها كانت تصيح بوعبدالعزيز : شفيج يبه ؟ نوره : مافيني شي .. بس قاعده من النوم .. بوعبدالعزيز : أكيد مافيج شي ؟ نوره : أي يبه .. لاتهتم .. بوعبدالعزيز : انا بخليج على راحتج .. اول ماتحسين انج تبين تقولين اللي فيج قوليلي .. نوره : اوكي .. " صكت الباب وانفجرت بالصيااح : كله منكـ أنت وأمي .. كله منكم .. أكرهكم .. " انهارت" أكرهكم .. عبدالعزيز والزين ردوا الفيلا .. الزين دخلت الغرفه وبدلت ثيابهه .. وقعدت تشوف التلفزيون .. عبدالعزيز دخل الغرفه : على كل هالركيض اللعب والتعب .. بعد فيج شده تقعدين تجوفين تلفزيون؟ الزين : قالولك بسوي رياضه ؟ الا بجوف التلفزيون وانا مريحه .. عبدالعزيز قعد يمها : انزين صكي التلفزيون انا ماعرف ارقد والتلفزيون مبطل .. الزين : ليش أنت بترقد هني ؟ عبدالعزيز بتعجب : عيل برقد وين يعني ؟ الزين : عبدالعزيز يصير أقولك شي ؟ عبدالعزيز : تفضلي .. الزين بتردد : انا أعتبرك حسبة أخوي .. أو أحد اعرفه .. وو .. مابرتاح وانت وياي في نفس الغرفه .. يعني .. عبدالعزيز احترق قلبه يوم سمع هالكلام ! بس ماحب يبين لها أنه متضايق أبتسم وقالها : أوكي فهمت .. " خذ له لحااف ووساده ونام عالكرسي اللي بالصاله " .. بعد سنه .. “عرس عاآيشه & محمد " .. تلفون الزين يرن .. ابتعدت عن الفوضى والاغاني وراآحت الحمام .. عبدالعزيز : هلا حبيبتي .. الزين بصوت تعبان : هلا حياتي .. عبدالعزيز : شلونج ؟ وشلون ولدي عسا مو مغربلج ؟ الزين : ولدك معذبني ذابحني .. مثل أبوه .. عبدالعزيز : يــــــه .. ليش ابوه شمسوي لج .. الزين : معذبني في حبه .. عبدالعزيز استانس: ياولد .. أش هالرومنسيه .. حطمني .. فديتتتتج .. أموااااااااااح .. الزين تضحك : أركد .. صوت ريايل يمك شلون تعطيني بوسه جذي .. عبدالعزيز : اللي محتر يقلد .. الزين : أنزين امتى بدشون .. عبدالعزيز : اكاا فهد يناديني .. شكله الحين .. الزين : انزين .. عبدالعزيز : تغطي عدل .. الزين بملل : اووف اوكي .." تتحندى " بس كله تغطي .. مادري اللي يسمع يقول انا من الحين .. عبدالعزيز : احلى وحده في الكوون .. الزين بخجل : ويهك .. عبدالعزيز : انزين اكاا الحين شكلهم بيدشون .. الزين : أوكي .. الزين صكت التلفون وراآآحت بسرعه عند عاآيشه اللي فضلت أن تكون زفتهاآ بدخولها أول شيء بعدين دخول محمد .. وتقولها ان محمد راح يدخل مع الريايل .. ناآصر : فطيمـ .. قوومي .. بسج نوم فاطمه بدلع : ماابي .. ناآآصر : قوومي .. فاطمه : وين ؟ ناآصر : عرس محمد ياحظي .. فاطمه : مب رايحه .. شنو اروح وحبيبتك هناك .. ناآصر : يــــــه .. خلصنا من هالسالفه .. تبين تتهاوشين شكلج ؟ فاطمه : أسفه .. بس مابي اجوفهاآ .. ناآصر : انزين براحتج .. انا لازم اروح أقعد ويا الريايل شوي .. فاطمه : افف تم وياآآي .. ناآصر : حبيبتي لازم اروح .. هاي ولد عمي .. فاطمه : نسيت اللي سواه فيكـ .. ناآصر : فطووم خلااص وايد تعيدين وتزيدين في السالفه .. فاطمه : انزين تحمل بروحكـ ساره قاعده على الطاوله القريبه من الكوشه .. وتطالع الزين تكلم عايشه .. ومريم بجانبهم .. والحقد والكراهيه ماآكله قلبها .. على الزين اللي تخلت عن أخوها وتركته يعيش في الالآم وجروح .. ومريم " حبيبتها سابقاً " اللي وقع اخوها في حبها وصارت خطيبته .. والأهم من ذي كله عاايشه .. اللي باقت منها الانسان اللي كانت دايما ترفض الاعتراف حتى بينها وبين نفسهاآ انها معجبه فيه .. علياء : هلااا ساااره شلوونج ؟ ساره حظنت صديقتها ايام الثنوي وهي مستانسه : علووي .. وحشتيينيييي واايد والله .. علياء : انتي اكثر .. ساره بابتسامه : شمييبج هني ؟ علياء : انا بنت خالة العروس .. ساره ويهه تغير .. والابتسامه اختفت !! علياء : شفيج ؟ ساره : لا لا .. سلامتج .. علياء قعدت يم ساره : اكاا المعرس بيدش .. محمد دخل وهو منزل ويهه .. ومرتبك وحالته حاله .. و وراه فهد وعبدالله .. وأبو عايشه وعمها وعبدالعزيز .. ووراهمـ فرقه تغني .. بعد ماازفوا محمد وخلصووا ... طلعوا من الصاله .. وبقى محمد ويا عايشه .. يتلقون التهاني من الاهل .. ويصورون وياهم .. علياء : آآخ ياعايشه .. خليفه الحين قلبه يتشفشف عليج .. ساره : من خليفه ؟ علياء : اخوي .. يحب عايشه وتقدم لها واهي رفضته . ساره ابتسمت ابتسامة مكر أول ماسمعت كلام علياء .. وقعد ترسم في بالهآ مخطط شيطاني تفرق فيه من خلاله بين محمد وعايشه .. ويفضى لها الجو .. ساره : امم ليش ماتروحين تصورين وياها ؟ علياء : شلون اصور وياها وانا زعلانه عليها .. انا ترفض اخووي وتاخذ ذي .. ساره : مسكيين اخووج كااسر خااطري .. علياء : والله حالته حاله .. كان بيسوي اي شي عشان تحبه .. ساره : اممم .. والله ماعرف شاقولج .. اتمنى في طريقه اخلي عايشه تحب اخوج .. علياء : شالفايده الحين اهي على ذمة واحد .. ساره : عندي فكره .. مادري عاد توافقيني عليها ولا ؟ علياء : قولي ؟

في المطار .. عبدالعزيز والزين خلصوا الاجراءات .. وتموا واقفين ينتظرون السياره اللي بتاخذهم .. واخيراً السيارة وصلت بعد فترة طويلة من الانتظااآر .. عبدالعزيز : شكلناآآ ولا بنلحق على الطياااآآره ! الزين : اي طياره .. عزيز شفيك داآآيخ .. عبدالعزيز يضحك : محد داآآيخ الا انتي .. كله رقاآآد ولا سمعتي شي من اللي اقوله .. الحين بنروح مطار ثاني .. ومنه بروح لجزيرة لنكاآآوي .. الزين : يعني اناا اللي طلعت مفهيه عبدالعزيز : من زمان مفهيه .. الزين تمد في الكلمه : لاااااااا والله .. عبدالعزيز يقلدهااا : لاا والله .. الزين : انا ماتحجى جي .. عبدالعزيز يزعم يدلع ويقلدها .. ناآآصر قعد من النوم ولقى بوكيه ورد محطوط عالكرسي اللي عند الباب .. " أكييد الزين وصلهاآ الخبر .. وهي اللي طرشته " .. قاآآم بسررعه ويود البطاآآقه بحماآآس وفرح سرعاآآن مانطفى يوم قرأ " سلاآمتكـ اخووي .. ماتشوف شر .. أسفه على اللي صار امس .. " ناصر عرف انها البنت اللي يات امس .. ابتسم .. وقال بصوت مسموع : انا اللي مفروض اعتذر مو اهي .. " تنهد " ماسبب الا الجرح والحزن لنفسي وللناس وأبعدهم عني .. " ضحك " هه الزين مطرشته .. والله أني ثور .. راشد دخل : تكلم من ؟ ناصر رجع للسرير : ولا حد .. راشد : امم شخبار ؟ ناصر : هب زين .. راشد : هاآي بدال لا تحمد ربك ان الله سلمك .. تدري ان لو مالحقناآك ناصر يقاطعه : جانزين مت .. وافتكيت .. راشد بعصبيه : عيب عليك .. العود يسوي جذي .. طالع شلون حالتنا .. وانت شلون مو مهتم .. اصحى ياناصر من الأفلام اللي مسويها والأحلام اللي عايش فيهاا .. علبالك لي انتحرت بدش الجنه .. ماتعرف عاقبة هالشي .. جهنم .. ناصر بضيقه : ما أظن جهنم اخس من عيشتي .. راشد وصل حده : شفيها عيشتك ؟ كله عشان الزين .. تراك ذبحتنا .. مايسوى علينا .. مره حادث والحين بغيت تنتحر .. عيش حياتك .. الحياة مابتوقف على الزين .. ناصر يصرخ : راشد صك الموووضووع .. راشد : مو ساكت .. لي متى تصرفات اليااهل .. طالع ابوي شلون حالته .. طالع نفسك .. شتبي تووصل له .. ناصر : اذا بتم تتكلم في هالموضوع رد مكان مايت احسنلك .. راشد معصب : طالع شلون .. انا طول الليل تام عندك .. خايف يصير شي ولا شي .. ولا هديتك الا هالدقيقه رحت اخذ أكل .. بدال لا تقول يعطيك العافيه تقول جذي .. ناصر غطى ويهه باللحاف : انزين .. خلصناآآ .. بومريم يقرأ الجريده .. ومريم تتريق .. أخو مريم طالع من غرفته : صباح الخير ... بومريم & مريم : صباآح النور .. أخو مريم : عندي موضوع ابي اكلمكم فيه .. بومريم ، مريم مو مهتمين .. أخو مريم : في واحد يبي يتقدم لمريم .. وكلمني بومريم ترك الجريده : اللي اعرفه ان اللي يتقدم يكلم الأب .. مريم مندهشه و ساكته تسمعهم بأهتمام وماكانت تدري ان هاي الشخص اهو راشد .. أخو مريم : اهو كان بيي يكلمك .. بس صادته ظروف وماقدر .. المهم يايبه .. ألصبي وايد مأدب ومحترم .. وماله في خرابيط الشباب .. شراآيك ؟ أبو مريم : والله الرأي رأي اختكـ أخو مريم طالعها وغمز لها : مريم مابتقول لا .. مريم شقت الحلج >> مو مصدقه اللي قاعده تسمعه .. أبو مريم : بس عيل .. اللي يبيهاآ ايي من الباب ويا أهله .. أخو مريم : أي بخصوص أهله .. عبدالعزيز والزين وصلوا للمطار ومالحقوا عالطياره .. ولا لقوا حجز الى لنكاآآوي الا بعد يومين .. فردوا ركبوا التاآكسي واتجهوا لى سلانجور .. وحجزوا في ساآن واي لاقون الفلل .. الزين أول مادشت فصخت العبايه والشيله .. وقطت روحهاآ عالسرير .. عبدالعزيز كان يدخل الشناط بنفسه .. ويوم جاف حالته قعد يضحك عليهاا .. الزين : شلي يضحك .. عبدالعزيز وهو يضحك : جنج ديايه مذبوحه .. الزين : ويهك .. والله تعبااااااااااااااااااااانه .. عبدالعزيز قعد يمها وباسها على خدها : سلامتج من التعب .. الزين ويهه صار احمر .. عبدالعزيز : فديت اللي يستحون .. الزين تدز عبدالعزيز من فوق السرير .. عبدالعزيز : أأخ .. هلون ضعيفه وطيحتيني .. الزين تضحك : عيل شلوون .. عبدالعزيز يدزها .. الزين طاحت عالأرض بس قعدت تصيح .. عبدالعزيز بخووف : أناا أسففف .. زيوون شفييج ؟ الزين قامت مره وحده وركضت وهي تضحك وتقول : صادووووووووووووه .. عبدالعزيز : سخاآآفتج .. " لحقهاآآ " انا برويج الزين تضحك وهي تركض : عبدالعزيز خلااص .. تعبت عااد .. عبدالعزيز : انتي اللي جنتي على نفسج .. الزين وقفت وورها بركة سباحة صغيره : انزين انا مستعده للعقابي .. عبدالعزيز بأبتسامه مكر : فديتج .. اناا اصلا لو شسوين ماراآح اعاقبج .. الزين : أشووه عبدالعزيز دزها في البرجه .. الزين تسوي روحها بتغرق .. عبدالعزيز : ماتمشي علي هالحركه .. البرجه الصغيره ومو غزيره .. الزين : أوووووووف .. انا بووريكـ .. عبدالعزيز ضحك بعدين قال : انزين قومي تجهزي .. بنطلع .. وبعدين وريني .. الزين بطلت عينها : شنو نطلع .. توناآ وااصليين .. اناا تعبانه ابي ارتااح عبدالعزيز : بوديج مكان بتستانسين فيه .. الزين : وين يعني بنرووح ؟ عبدالعزيز : بدلي .. وماله لزوم تلبسين عبايه .. لبسي ثياب عاآديه وشيله .. الزين باستغراب : عادي ؟ عبدالعزيز : أي .. عبدالرحمن : يمه .. اناا ابيهاااااااا .. فهميني .. والله احبها .. ام عبدالرحمن : والله اذا خذتها لا أنت ولدي ولا أعرفكـ .. انا أزوج ولدي حق وحده أهلها جذي ..شدراك انها مو نفسهم عبدالرحمن : حرام عليج يايمه .. والله البنت مافي احسن منها .. ولو انا ماقتلج عن سالفة اهلها جان مادريتيي .. ام عبدالرحمن : قتلك مابتاخذها .. انا اصلا أمس كلمت عمتك عشان تاخذ بنتها .. عبدالرحمن صرخ : نعممممممممم .. شنووو ام عبدالرحمن : اللي سمعته .. وتكلم بالعدال انا يمك مو بعيده .. عبدالرحمن : تبين تزوجيني وحده ماجفتها في حياتي الا مره .. ام عبدالرحمن : عالأقل ضامنينها وعارفينها .. مو وحده اهي واهلها .. استغفر الله .. الله لا يبلاناا عبدالرحمن : انا ريال يايمه .. مايصير تجبريني على احد .. ام عبدالرحمن : ماقدر اجبرك صح .. بس بتتزوجها .. ولا تبي تفشلني وتفشل ابوك جدام العيله .. راشد طلع وخله ناصر بروحه .. ناآصر قعد ويا نفسه يفكر في كلام راشد : " لي متى بتم انا جذي .. أفكر في الزين .. وأحاتيها واهي ولا تدري عني .. اهي لو تحبني جان قالت لأهلها لا .. ماخلتني أولي .. واسبب الجرح والمعاناه للكل .. خلاص .. انا لازم اوااصل في حياتي .. لازم انساآهاأ .. وأعيش حياتي .. أحب .. واتزوج .. وايب عيال بعد .. متعب والريم وحمد " ضحك " المفروض كانوا يكونون عيالي وعيالها .. " تنهد " بس معليه .. "

غرفة ناصر بعد ماراحوا النرسات .. البنت مو قادره تمسك نفسها .. تبي تقووم تذبح نااصررر .. راشد : من انتي ؟ ناصر تكلم بدلا منهاا :هاذي اختـ الصبي اللي دعمت سيارته .. وتوفى .. البنت متنرفزه : تتذكرني .. وبعد تتكلم ببروده .. ياعديم الاحساس .. ساره دزت البنت بخشونه : شتبيين انتي ؟ راشد : ساره شفييج .. ناصر والكلام بالزور قاعد يطلع: أسـف الشيخه .. ماعرف شلون اعبرلج عن أسفي .. واذا محتاجه اي شي .. قوليلي .. البنت : أبي اخووي .. رددددده لييي .. انت اللي ذبحته يالحقيير .. راشد : هاي قضاء وقدر الله كتب له يتووفى .. صلي عالنبي .. و مانبي مشاكل .. البنت : اذا جذي انا بمشي في الشارع وبدعم لي سياير الناس .. وبذبحهم وبقول قضاء وقدر .. ناصر غمض عيووونه .. ويود راسه .. وقعد يأن من ألم في راسه .. الكل خاف .. حتى البنت !! ساره تكلم ناصر : اناادي لك الدكتور ؟ البنت على الرغم من الحقد والكراهيه اللي شايلتها في قلبها على ناصر .. الا انها ماستحملت تشوفه يتألم .. وقررت تنسحب من الغرفة بهدوء .. وهي طالعه من الغرفة شدت انتباهه ورقة مكفوسة الظاهر انها طاحت من عند احد .. مدت يدها وخذت وطلعت من الغرفة .. الطياره بدت بالاقلاع الزين كانت قاعده يم الدريشة وتطالع الارض من الدريشه والطياره تتحرك .. والافكار الجنونية تدور في راسهه .. تتخيل ان الطياره تطيح .. او تحترق .. الشي اللي خلاها ترتجف من الخوف .. وكل ماارتفعت الطياره اكثر يزيد خوفها .. وتغمض عيونها بالقوه .. وتقرا قرآن .. وتدعي في قلبها : " يارب لا تطيح .. لاتطييح " .. وقالت بعدين بصوت مرتفع بدون لا تحس : يارب لا تطييح .. عبدالعزيز سمع الزين وماات من الضحك عليها .. الزين بطلت عيونها وقعدت تطالع عبدالعزيز ومنقهره من ضحكه اللي ماتعرف سببه بدون لا تدري انه سمعها واهي تتكلم .. عبدالعزيز يود يد الزين وهمس في اذنها : لاا تخاافين .. ماابتطييح وانا ويااج .. الزين انحرجت " اكييد الحين بيقول هاذي ياهل تخااف من الطياير .. اووف .. وانا شهالافكار الغبيه اللي افكرها .. شنو بتطيح " .. وماهي الا فتره قصيره ونامت الزين من التعب .. عبدالعزيز طول الوقت يتأمل في ملامح الزين .. اللي كانت توحي بالغرور .. عكس طبيعتها الطفوليه والمتواضعه .. لكن في نفس الوقت كاآآن بااين في ويهه البراءة والرقة .. كاآآن طول الوقت يتأملهاا .. ويفكر شلون يجربها له .. ويخليها تحبه مره وحده اهتزت الطياره بالقوه .. الزين قحصت من النوم وقالت بخوف: تقص علي وتقول مابطييح .. اكاا بطيييح .. عبدالعزيز باس راسهاا : ناامي .. هااذي مطب هوائي .. الزين تخربط : انزين مش بالعدال .. واول ماتوصل عند المطب خفف السرعه .. عبدالعزيز قعد يضحك على الزين .. وتم ماسك يدهاآ .. ويوم يات عندهم المضيفه تشوفهم شيبون .. قعدهاآ من النوم عشان يخليها تشرب مااي وتااكل لهاا شي .. بعدها راآآح الحماام .. يوم رد لقى شيلة الزين طايحه من على راسها .. جن جنوونه يوم شافهاا جذي .. راح بسرعه وغطى شعرهاا الزين : شفييك .. بالعدال .. عبدالعزيز بعصبيه : شعرج كله طالع .. وتقولين لي شفييك .. الزين فرت ويهه عنه وهي زعلانه .. عبدالعزيز باس يدها وقالها : أسف حبيبتي .. ادري زعلتي .. بس مابي احد يجوف حتى شعره منج .. الزين يوم سمعت كلام عبدالعزيز تذكرت نااصر وابتسمت .. عبدالعزيز مات من الونااسه يوم شاف ابتسامة الزين .. عبدالعزيز : اممم الزين .. الزين وهي تفكر في ناصر : نعم .. عبدالعزيز : انا أسفـ اذا ضاايقتج بتصرفااتي .. وبعصبيتي الزايده عن اللزوم .. الزين : اهاا .. انزين .. فاطمه ردت غرفة عمتهاآ اللي كانت مرقده في الجنااح اللي يم جناح ناصر.. وبطلت الرساله وقعدت تقرى اللي فيها .. " آسف ياهلي .. بس ماعدت استحمل اعيش في هالدنيا الحقيره .. اللي ماترحم .. ولا تخلي رحمة الله تنزل .. والناس فيها مايحسون بالغير وماهمهم الا نفسهم .. مايغفرون للانسان زلاته واغلاطه دنيااآآ موحشة مظلمه كريهه ماعاد لها طعم .. بدون وجود الزين في حياتي .. مااقدر اتم في هالدنيا وانا حاس انها في حظن غيري ولا تدري عني .. وصيتي يا هلي انكم تخبرونها ان اللي سويته في نفسي بسببها .. وأسف على كل المشااكل اللي سويتهاا .. وجودي وياكم في العيله سبب المشاكل بينكم وبين بيت عمي وخلاكم تنقطعون عنهمـ .. وانا راآآح اترك لكم الدنيا .. يمكن بهالطريقه تفتكون من سبب المشكله الرئيسي وتقدرون تحلونهاا .. وقولوا لعبدالعزيز اذا كان سبب زواجه من الزين طريقة عشان ينتقم مني .. فانا مت .. خله يعامل الزين عدل ويحبها .. وأول ياهل يبونه يسمونه على اسمي .. بس انشالله ماتكون حياته مثلي .. امحوني من ذاكرتكم .. وانسوا اني كنت جزء من حيااتكم " خلصت القراءة .. وسرحت في نااصر .. ماتدري شلون مشاعر الحقد والكراهيه اللي كانت تحملها له في قلبها تحولت الى شفقه وحزن تجاهه .. عمة فاطمه : فطوووم .. فاطمه : نعم عمتي .. عمة فاطمه : وين كنتي .. فاطمه : رحت اجوف الصبي اللي كان سبب الحادث اللي توفى فيه اخوي .. عمة فاطمه : وه .. وانتي شدراج انه هني ؟وشعنده هني ؟ فاطمه : صدفه .. لقيت اسمه مكتوب على اللوحه اللي فيها اسم المرضى .. وبس .. وشله اهو هني .. للحين ماعرفت السالفه بالضبط ..وقالت في قلبها " بس الظااهر انه واايد متعذب " .. عبدالرحمن : ألوو .. نوره : خير عبدالرحمن : حبيبتي شفيج ؟ نوره : حبكـ بررص .. حبيبتكـ في عينكـ عبدالرحمن : يــه .. شفيج ؟ نوره : علبالك مادري انك تجذب علي ؟ شكثر اشيا عبدالرحمن تجذب فيها واسكت عنك .. اذا الحين جذي تجذب .. لو تزوجنا شبيصير .. عبدالرحمن : انا ماجذبت .. نوره : لعنبوو .. والله انكـ ماتستحي .. يعني صايدتك تجذب .. وانا متأكده وللحين مصر انك ماتجذب .. اناا اللي ابي افهمه ليش تسوي جذي ؟ وين الحب ؟ ووين الكلام اللي تقول عنه ؟ عبدالرحمن : هااي كله عشاان اني اشرب جقاير ؟ نوره : اكاا بروحك اعترفت .. وانت حالف انك هادها .. ليش جذي تجذب ؟ عبدالرحمن : انا آسف .. بس غصبا عني رديت لهاا .. مو مني " يتنهد " من الضيقه اللي فيني .. نوره : يــــــــــه .. هااي كلام ؟ اي سبب اللي يخليك تدخن .. عبدالرحمن : نوره اناا .. نوره : انت شنو ؟ عبدالرحمن بضيق : اناا كلمت امي وقتلها اني ابيج .. وقتلها كلشي عنج .. وو نوره : وشنو ؟ عبدالرحمن بقلة حيله: امي مو راضيه .. ومو عاارف شنو اسووي .. نوره كرهت نفسها بهاللحظه .. بس ماحبت تبين لعبدالرحمن ضعفها .. قالتله وهي تكابر : انزين .. عادي .. الله يوفق ويا غيري .. تامرني على شي اخوي ؟ عبدالرحمن يصرخ : نوررره لا تقوولين اخوووووووي .. انا اكره هالكلمه .. نوره بصوت مخنوق : يلا مع السلامه .. عبدالرحمن : نوره .. نطريي .. نوره : لا ترد تتصل .. ناصر : وين راحت البنت ؟ راشد يطالع ساره : صج وين راحت ؟ ساره : مادري طلعت رحنا ننادي الدكتوور .. المهم ذي مو موضوعناا .. نااصر اناا ابي اكلمك .. ناصر حس ان ساره بتقعد تكلمه عن محاولة انتحاره وبتسندره .. ففر ويهه عنها .. وسوه روحه بيناام .. ساره :ناااااااصر .. راشد أشر لساره تسكت .. وطلع بره يدور عالبنت اللي كانت في الغرفه .. راآح سئل عنها عند النرسات بس محد جافها وهي تطلع .. راشد يكلم نفسه " أفففففففف .. وشالحل الحين .. يعني لازم احط حارس عند غرفة ناصر .. ولا اتم قاعد هني طول الوقت .. " مره وحده تذكر مريم " ياربي شلون نسيتهاااا ؟ " قعد يتصل على تلفونها لقاه مغلق .. اتصل على تلفون البيت .. شاله اخوها .. راشد : مرحباا .. اخو مريم : مرحبتين .. راشد بارتباك : اناا راشد .. اللي اخو مريم : اي عرفتك .. راشد : اخوي ابي اكلمك بالموضوع .. ولازم اقابلك شخصياا .. اخو مريم : معليه .. راشد : تقدر تيلي مستشفى العسكري .. اخو مريم باستغراب : العسكري ؟ راشد : ايي .. ادري انك مستغرب .. تعال وبخبرك بكل شيء .. في الطياره .. عبدالعزيز يحاول يسالف : قط مره رحتي ماليزيا من قبل ؟ الزين بحزن : كان ابوي مواعدني يوديني .. " فرت ويهه ماتبي عزيز يشوفها وهي تصيح " عبدالعزيز بندم على السؤال : آسف .. الزين لافه ويهه تطالع السحااب .. عبدالعزيز : الزين .. الزين التفت بس تمت تطالع ارضية الطياره .. عبدالعزيز بحنية : ليش تخشين دموعج عني .. اناا ريلج الحين .. لازم ماتخشين الدموع عني .. " قرب منها ومسح دمعتها " لأن محد بيمسحها غيري .. الزين سكتت واكتفت بابتسامة .. عبدالعزيز : اممم .. ماتفكرين تدرسين جامعة ؟ الزين ماصدقت اللي تسمعه : تخليييييييني ؟؟ عبدالعزيز : اي ليش لا ؟ الزين حدهااآ فرحانه .. ومن الفرح قالت : فديييييييتك والله .. احبك " ماكانت تقصدها بالمعنى الحرفي بس كانت طريقه تعبر فيها عن فرحتها وطلعت عفوية " .. عبدالعزيز ابتسم للزين .. وقالها : امم شنو تبين تدرسين ؟ الزين : كان ودي ادرس طب .. بس معدلي نزل .. وماقدرت ادش الجامعه عشان " انحرجت في هاللحظه ماتبي تقوله وضعنا المادي .. فسكتت .. " عبدالعزيز حس باحراج الزين : اممم .. ماحددتي اي جامعة تبين تدرسين فيها ؟ وفي وين ؟ الزين : مابي اطلع من الديره .. ابي ادرس في الايرلندية .. عبدالعزيز : انزين .. ليش ماتدرسين هندسه ؟ الزين : لــــــــه .. وع عبدالعزيز : هيي حدج .. الزين تضحك : سوري نسيت انك مهندس .. عبدالعزيز بكبر : ومو أي مهندس .. الزين احترت : ارجووك بس .. عبدالعزيز قعد يضحك .. الزين : امم صج انك متخرج من جامعة yale عبدالعزيز : ماجستير بس هناآآك .. البكالوريوس من جامعة ثانيه.. الزين : ليش مادرست بكالورويس هناك؟ عبدالعزيز : لان الله يسلمج .. ماكنت اقدر اتحمل مصاريف الجامعه .. فكنت ادرس واشتغل وحاله يعني .. الزين باهتمام : شلون يعني ؟ " وتم عبدالعزيز يقولها قصته وشلون اهو عاش هناك وهو فرحان لانه اخيراً الزين بدت تتكلم وياه وتاخذ وتعطي وياه بالكلام .. والزين كانت تتابع كلامه باهتمام ونوع من الدهشه .. ابد ماتوقعته من النوع المكافح اللي يعتمد على روحه .. " >> طبعاً عبدالعزيز ماقال للزين قصته بتفاصيل .. كسبب سفره .. وقصص حبه وغيرها .. خوفاً من الزين يتغير تعاملها وياه اذا عرفت بهالاشياء " ..

ماهي الا دقايق والاسعاآآف وصلوا .. المسعفين راحوا بسرعه على غرفة ناصر وشالووه .. وهما نازلين فيه ساره وهي منهاره : اخوي مات ؟ المسعف : لا مامات .. فيه نبض .. بس ضعيف .. شكله من اثار الحبوب اللي ماكلهم .. راشد بخوف: يعني في امل .. المسعف :اي انشالله .. فيه امل .. بس لازم نوديه المستشفى بسرعه .. الزين وعبدالعزيز طالعين من بيت بوعبدالعزيز .. نوره طلعت لهم : لا تنسوون الصووغه .. عبدالعزيز وهو يضحك : انشالله بوعبدالعزيز : تحملوا في بعض .. الزين ساكته .. عبدالعزيز اشر لها عشان تتكلم ! الزين من غير نفس :انشالله .. محمد يتصل في عايشه .. عايشه : آلوو .. محمد : هلا والله .. شخبارج يالغاليه ؟ عايشه بضيقه : تمام .. محمد : شكلج مضايقه عايشه : شوي .. محمد : امم ممكن اعرف السبب عايشه : خالتي عندنا تخطبني لولدها .. اللي مادانيه .. محمد انفعل : شنووووو ؟ محد بياخذج مني .. انتي لي .. عايشه تدري ان محمد يحبها .. بس ماكانت ماتوقعت تكون ردة فعله جذي .. محمد : قوليلها لا .. مابيه .. عايشه : اي .. انا قلت لها .. محمد : عايشه .. انا ابيج .. والود ودي ايي اخطبج اليوم قبل باجر .. بس ظروفي ماتسمح لي حاليا .. صبري علي .. ولا توافقين عليه .. عايشه : من قال اني بوافق عليه . . انا بروحي مابيه .. محمد : واذا اهلج ضغطوا عليج .. عايشه : محد يتزوج بالغصب .. عبدالعزيز : انا ابي اعرف .. انتي ليش مغروره وجايفه في روحج !! الزين : انا مغروره ؟! عبدالعزيز : اي نعم .. ماتجوفين شلون تتكلمين بخياس نفس .. الزين : اتكلم جذي بسببك .. وسبب التناقضات اللي فيكـ .. يوم العرس تعاملني زين .. وتدلعني .. وبعدين قلبت .. وبعدين مره وحده تعدلت .. عبالك انا لعبه .. يوم تعاملني زين ويوم لا .. عبدالعزيز : والله انتي ادرى ليش جذي عاملتج .. انا كنت اول شي قايل هاي مرتي ولازم اعاملها زين .. بس لما جفت الكلب حبيبج ورانا .. واسمعج بعدين تتكلمين عني تقولين مينون شتبين يصير فيني ؟ هااا ؟ الزين : انا ماقلت جذي الا من تصرفاتك .. يوم عسل .. ويوم بصل .. عبدالعزيز : وحركاتج .. وصياحج .. والفلم الهندي .. بعد من التناقض ؟ الزين : انت ادرى شنو سببه .. لما تغصبني على شي مابيه .. لازم يصير فيني جذي .. عبدالعزيز : انا ريال وانتي مرتي .. وهاي حقي .. بالغصب .. بالطيب .. ماتقدرين تمنعيني .. ا الزين : لو انك ريال جان ماخذت حقك بالغصب .. عبدالعزيز عصب .. وصطر الزين .. الزين وعيونها مليانه دموع : انت تمد يدك علي ؟ عبدالعزيز عوره قلبه وندم عللي سواه .. بس ماعتذر للزين .. وتم ساكت .. "ناصر سوله غسيل للمعده .. وحالته صارت احسن .. بس الدكتور أمر انهم يخلونه كم يوم بالمستشفى عشان يخلصون الفحوصات .. ويشوفوون التأثيرات اللي صايره من الحبوب اللي كلاهم ناصر .. " في غرفة ناصر .. راشد : شنو مكتوب في الرساله ؟ ساره طلعت الورقه من شنطتها : اقرى بنفسك .. راشد متفاجئ : هاذي من صجه ؟ ساره معصبه : اخوي ذي شفيه مينوون .. مره كان بيذبح روحه عشانها وسوه حادث ومات صبي بسببه والحمدلله ان ماسجنوه .. والحين بعد يبي ينتحر .. شفييه ذيي صااحي .. راشد : ساره هديي .. ساره : شنو اهدي .. يذبح روحه عشانها .. واهي ولا تدري عن هوى داره .. متزوجه ومستانسه .. واذا اهي مو في شهر العسل الحين .. راشد يكفس الورقه بيده : بس ترا اهو صج يحبهاا .. ساره تصرخ : يحبها يذبح روحها عشااانه .. شفييك راشد .. راضي عن هالشي راشد : لا تصرخين .. بعدين يقوم .. ناصر قعد وبطل عيونه بصعوبه .. وقال بصوت بالكاد ينسمع: وين انا .. راشد : في المستشفى .. اناا استأذن .. ناصر : وين الزين ؟ ساره : اووووووف .. كله الزين الزين .. شفيك انت .. في هالوقت دخلت بنت المستشفى وسئلت عن ناصر .. اشرو لها على الغرفه اللي كان فيها .. دخلت والحقد والكره مالي قلبهاا .. دشت والشرار يتطاير من عيونها .. عبدالله كاان واقف عند البيت يساآآلف ويا ربعه .. ماوعى الا عبدالعزيز والزين ياين .. دخل بسرعه البيت .. عبدالله : يــــــــمــــــــه .. الزييين ياااات .. ام محمد ماتت من الونااسه .. فهد : من قدج .. اكاا حبيبتج يات اللي ذبحتينا عليهاا .. الزين دشت بروحهه .. ام محمد : واا فديتها بنتي .. الزين وباين عليها الضيقه : هلا يمه .. ام محمد : شفييييييييج ؟ الزين حظنت امها : يمه انا هاذي مابيه .. ابي اطلق منه .. ام محمد : شفيج .. توج ماصارلج يوم من تزوجتي .. تبين تتطلقين .. الزين : اكرهه .. فهد طلع لعبدالعزيز : حيالله النسيب .. عبدالعزيز : الله يحيك .. فهد : بلل .. شفيكم .. متطاققين ؟ عبدالعزيز : لا مافي شي .. ليش ؟ فهد : مرتك داشه تصيح .. وانت ويهك منقلب .. عبدالعزيز سكتـ .. فهد : امم .. ماعرف شنو اقولك .. بس الزين مثل الياهل .. بسرعه تزعل .. وبسرعه ترضى .. ومن توفى ابوي واهي صايره حساسه وايد .. فيعني حاسب لها .. عبدالعزيز : انشالله .. الا وين محمد ؟ فهد : داخل .. يلا دش .. عبدالعزيز : اوكي .. البنت دخلت الغرفه .. وقعدت تصرخ : اخيراً لقيتك .. يالمجرم الحقيرر .. " يودت رقبته تبي تخنقه " ساره تحاول تيود البنت مو قادره .. صرخت تنادي راشد .. راشد سمع صوت ساره ودخل بسررعه .. البنت : قوموا عني .. انا الا بذبحه مثل ماذبح اخووي .. ناصر : ذبحيينيي .. اناا بروحي ابي امووت .. ذبحيني .. النرسات سمعوا الصراخ ودخلوا : في شي صاير؟ راشد : لا .. مافي شيء .. ام محمد : صلي على النبي .. وكلشي ينحل .. ولا تفكرين في شي اسمه طلاق .. مانبي نصير حجوة في حلوج الاوادم .. ولا تنسين ان عبدالعزيز وابوه ماقصروا ويانا .. الزين : ماقصروا ويانا .. يعني امووت عشان ارد لهم جميلهم .. مو كفايه اني تزوجته .. عبدالعزيز دخل : السلام عليكم .. ام محمد : وعليكم السلام ورحمة الله .. " همست للزين " مسحي دموعج .. عبدالعزيز : عمتي شلونج ؟ ام محمد : بخير الحمدلله .. عبدالعزيز : اممم .. الزين يلاا لازم نكون في المطار الحين .. الزين : انزين .. محمد نزل : وين تو الناس ؟ قعدوا ويانا .. عبدالعزيز : لازم نروح لا بعدين الطياره تطير عناا .. تامرونا على شي ؟ الكل : سلامتكم .. تردون بالسلامه انشالله ..

راشد مضايق .. وراح لناصر يكلمه .. طق عليه الباب مايبطل .. راح نادا ابوه .. وتموا يطقون محد قام .. وحدهم خايفين عليه .. ساره طلعت من غرفته : شصاير ؟ راشد : ناصر مو قاعد يبطل الباب .. بوناصر : خلنا نكسره.. ساره : انطر جنه عندي السبير مال غرفته .. راشد : السبير مال غرفته شيسوي عندج .. بوناصر : هاي مو وقته خله يتبطل الباب بعدين سو اللي تبيه .. ساره يابت المفتاح .. وبطلت الباب .. وصرررخت بالقوووووه .. بيت بوعبدالعزيز .. الكل قاعد على الغدى .. نوره : اليوم بتسافرون لا ؟ عبدالعزيز : اي بروح ماليزيا .. وبعدين بنروح لندن .. بوعبدالعزيز : ترجعون بالسلامه انشالله .. نوره تطالع الزين : عااد هاا نبيج تردين ويكون في بيبي بالطريج .. ابي اصير عمه .. الزين لاعت جبدها .. تذكرت اللي صار امس ويا عبدالعزيز .. ركضت ع الحمام .. وقعدت تصيح وترجع .. بوعبدالعزيز : شفيها ؟ نوره : انا قلت شي غلط ؟ عبدالعزيز : مادري .. بروح اجوفها .. عايشه قعدت الظهر .. ولقت امها مع خالتها يتكلمون ويضحكون .. عايشه : صباح الخير .. ام خليفه : الا صباح الليل .. توج قاعده ؟ عايشه " هاي اهي ولا ولدها .. مثل الطينه " : اففف .. ام عايشه : شفيج تتأففين ؟ ام خليفه : بل .. انتي للحين ماخذتي ولدي وجذي تتأففين مني .. عيل اذا خذتيه بتقلبين علي .. عايشه : ها .. ام عايشه : خالتج اليوم يايه عشان موضوع .. عايشه بفضول : انزين ؟ ام خليفه : خليفه يبيج .. عايشه : لاااااااا .. خلصوا .. ام عايشه عطت بنتها نظره عشان تسكت ! ام خليفه : وشفيه ولدي ؟ عايشه : مابيه .. مادانيه .. قولي شنو اللي مافيه .. ام عايشه : عيب عليج .. بوناصر طاح عالارض من المنظر .. راشد تماسك واتصل بسرعه في الاسعاف .. ساره راحت عند ناصر تجوف نبض قلبه .. وتحاول تكلمه وتجوف تنفسه .. رفعت راسها وتقول حق راشد : ناااصر ماات ّ!! راشد : لا شتقولين انتي .. ساره وهي تصيح : والله العظييم .. مافي نبض .. مايتنفس .. راشد يود ناصر ويهزه : قووم .. قووم .. " يصرخ " اقوولك قووم ساره جافت رساله على الارض بجنبه .. بطلت الرساله .. وقالت : راشد .. ناصر ترا منتحر !! عبدالعزيز يطق باب الحمام على الزين .. الزين بطلت الباب .. و ويهه احمر .. وعيونها حمر ! عبدالعزيز باستغراب : شفيج حبيبتي ؟ الزين ساكته .. عبدالعزيز : لا تلفتين الانظار .. نوره وابوي علبالهم فيج شي .. الزين ماكلمته وردت غرفة الطعام.. بوعبدالعزيز : عسا ماشر ؟ الزين : سلامتك عمي .. بس شكلي ماخذه برد .. نوره : خرعتيني .. علبالي فيج شي .. عبدالعزيز : اسمله عليها .. لا مافيها شي .. الزين مو طايقه تسمع كلمه منه .. ودها تقوم تكفخه .. وتقول في قلبها " هاي يستهبل ! والله هاي اكيد فيه انفصام في الشخصيه " .. عايشه : ماقلت شي غلط .. الحب مو بالغصب .. " وراحت الحجره " ام خليفه : هاي كلام بنتج تقوله ؟ ام عايشه : لا ماعليج منها .. انا بكلمها .. وبقنعها .. ام خليفه : ايي .. هاي ولد خالتها .. مو اي واحد عشان ترفضه .. عايشه تتسمع عليهم : " الله و ولد الخاله .. مالت عليه " ..

اليوم الثاني .. الزين مانامت طول الليل .. تبي تطلع من الغرفه بس موعارفه شلون .. يات عيونها عالمفتاح المحطوط تحت وسادة عبدالعزيز .. حركت يدها بالعدال عشان ماتقعده وخذت المفتاح .. طلعت بره البيت .. تدور في المزرعه .. بدون حجاب ولا شي .. طلعت عند الحظيرة الصغيره اللي كان فيها عدد من الغزلان .. من بينهم غزاله صغيره مع امها .. الزين كانت تجوفهم .. ووتتمنى تكون مثل الغزال الصغير .. في حظن امه ولا بحاس بالدنيا .. تطالعهم وعيونها تدمع ..تتمنى ترد مثل قبل في بيت ابوها .. وفي حظن امها .. لا في حظن عبدالعزيز اللي كارهته .. ازيد من وقت ماسبت فيه .. في هالوقت عبدالعزيز قعد من النوم .. بطل عيونه والتفت مكان الزين لقاها محد !! فز من مكانه .. قعد يدور في كل مكان في البيت .. مو ملاقيه .. حس بخوف غير طبيعي .. خاف يكون صار فيها شي .. وقعد يلوم نفسه .. " ياربيي .. لا تكون شردت ولا سوت بروحهه شي .. كله مني .. ليش سويت فيها جذي .. يالزين والله طلعي واقسم بربي مابأذيج ولا بقهرج ولا بسوي اي شي كنت ناوي اسويه " .. طلع بره البيت ودخل السياره .. ووصل عند باب المزرعه .. لقى الزين واقفه .. نزل من السياره .. وصرخ عليها : وييينج .. انتي .. خرعتيني عليج .. الزين التفت عليه والدموع مليانه عيونها .. عبدالعزيز حظنها .. وقالها بحنان : حبيبتي خوفتيني عليج .. الزين بعدت روحهه عنه .. حاسه بالاشمئزاز والقرف منه .. ماتبي تجيسه .. عبدالعزيز : شفيييج ؟ الزين ساكته .. عبدالعزيز : وطالعه جذيي بعد .. في الهوا وثيابج خفيفه .. وحجابج مو لابسته بعد .. " شالها وحظنها " ودخلها السياره .. ورد البيت .. الزين نزلت بدون لا تتكلم .. دشت البيت وهي ساكته .. عبدالعزيز حده مستغرب منهاا ومن تصرفها .. عبدالعزيز دش البيت لقى الزين قاعده في الصاله متحجره .. راح لها : امم حبيبتي قومي تجهزي .. الغدى بيت ابوي .. وبعدين بنطلع عالمطار .. الزين ولا جنها تسمع .. عبدالعزيز : شفيج قالبه الويه ؟ الزين عطت عبدالعزيز نظرة حقد .. وبعدين فرة ويهه .. عبدالعزيز تنرفز من تصرفها !! بس طوفها لهاا .. راح جهز اغراضه وبدل وتعدل .. وطلع للزين : قومي بدلي لان بنمر على اهلج نسلم عليهم قبل لا نروح .. بس اذا عاجبتج القعده هاي شي ثاني .. بكنسل كلشي .. شرايج ؟ الزين قامت بسرعه وراحت بدلت " مينونه انا اقعد وياه في مكان واحد ! " راشد قاعد من الصبح .. يبي يفاتح ابوه بالموضوع بس مو عارف شلون .. خصوصا ان ناصر توه راد من المستشفى وبوناصر حده متنرفز لان ناصر مارضى يقول لابوه سبب اللي صاده .. ومنع راشد من انه يخبر ابوه باللي صار .. والوقت ابد مو مناسب حق الموضوع اللي راشد حاب يفتحه مع ابوه .. بس اذا ماراح اليوم .. مايندرى شلي راح يصير .. راشد راح عند ابوه وقعد يسالف وياه ويحاول يخلي ابوه يرضى عليه .. ووسط الكلام .. راشد : يـبـه .. اناا طالب منكـ شي .. قول تم بوناصر : تم ياولدي .. آمر .. راشد : ابي اروح اخطب بنيه عاجبتني .. بوناصر طنقر : هاي وقت مناسب حق خرابيطك ؟ طالع اخوك شلون حالته وانت شلي تفكر فيه .. لعنبو ماعندك احساس .. راشد : ادري ان الوقت مو مناسب .. بس اذا ماتقدمت لها مادري شيصير .. اناا ابيهاا واحبها .. بوناصر عصب هالمره عدل : لعن ابو دارك .. خلاص ماعاد فيه احترام .. لا منك ولا من اخوك .. اخوك ويا خرابيطه وبلاويه اللي ماتخلص .. وانت اتيي تكمل على القهر اللي فيني وتقولي احبها .. ماتحترم شيبتي .. تقول لابوك احبها .. راشد : يبه الله يهداك انا شقلت .. كلتني بثيابي .. بوناصر : انا اسف مارضى ولدي ياخذ وحده كلمه .. راشد : اناا اللي بزوجها ولا انت ؟ بوناصر : انت من صجك تاخذ وحده كلمتها ؟ تدري انت جم واحد عرفت من قبلك .. راشد " يحاول يقنع ابوه مع انه يدري انه يقول شي غير الصج " :يبه لا تقول جذي .. اهي مو جذي .. عبدالرحمن يتصل في نوره .. نوره قامت من النوم وشالت التلفون .. عبدالرحمن : صبااح الخير .. نوره تتحندى : احد يتصل الصبح .. شفيك متفرغ ؟ عبدالرحمن يضحك : وانتي هاي حالج .. كله تتحندين .. الناس يصبحون .. نوره : صباح النور .. عبدالرحمن : النور بويهج .. يام الفستان العنابي .. نوره خافت : هاااااا .. انت وين جفت فستااني ؟ عبدالرحمن : فستانج كان مبين يوم طليتي علي اول مره .. نوره : اشوه .. عبالي عندك سالفه .. عبدالرحمن حاط يده عالسماعه .. ويكلم الهندي مال البراده : يبلي قوطي كارتير .. نوره : حماااااااااانو عبدالرحمن : هلا نوره : رديت عالجقاير ؟ عبدالرحمن : لـــه نوره : احلف .. عبدالرحمن خذ القوطي من عند الهندي وولع الجقاره .. نوره تصرخ : احلف اقوولك عبدالرحمن : قسما بالله ماشربها .. انا ماصدقت اني هديتها .. شفيج .. نوره : سمعتك تقول للهندي تبي قوطي جقاير .. عبدالرحمن بارتباك: ها ؟ هاي حق رفيجي اللي وياي مو لي .. نوره : يعني انت تكلمني على اساس اني حبيبتك جدام رفيجك وعادي عندك .. وين اللي يغير ومايرضى وعيب ؟ عبدالرحمن توهق : لا هاي رفيجي عادي .. نوره : عادي ها ؟ " صكت التلفون بويهه " الزين بدلت وطلعت .. ووقفت عند السياره .. عبدالعزيز طالع الزين .. وقالها : بتطلعين جذي ؟ الزين : مو عاجبك ؟ قالها : لا ماقالت جذي .. بس .. اوكي خلاص .. ركبي السياره .. الزين ركبت بدون لا تتكلم .. عبدالعزيز وهو يبتسم : امم تحبين تسمعين حق من ؟ الزين ساكته .. عبدالعزيز شغل شريط لراشد الماجد قديم .. وحط اغنية من عيون الناس .. وقعد يغني وياه .. وصوته كان وايد حلوو .. الزين كانت تجوف عبدالعزيز بنظرات غريبة .. خلت عبدالعزيز يرتبك .. ويسكت .. ام محمد تحاتي بنتها .. ومانامت طول الليل .. فهد قام وشاف امه في الصاله .. فهد : يمه .. شفيج ؟ ام محمد : احااتي اختك .. ماتعودت انها تنام بره البيت .. فهد : يــه .. هاي كلام يا يمه .. الزين الحين في بيت ريله .. ام محمد : ادري .. بس قاعده احاتيها .. خايفه عليها .. فهد : لو انا جان ولا افتكرتي .. ام محمد : انت ماجفت شلون حالتها يوم العرس .. فهد : شلون ؟ ام محمد : طول الوقت تصيح .. ومادري شفيهه .. فهد : يمكن عشان بتفارقكم .. ام محمد : مادري والله ياولدي .. اخاف الا في شي ثاني .. فهد : يعني يمه .. بتصيح على شنو مثلا غير جذي ؟ احنا غاصبينا ولا طاقينها .. ام محمد : عدل كلامك .. بس فهد : لا بس ولا غيره .. الزين مافيها شي .. في بيت بوعبدالعزيز .. نوره تحضن الزين : هلا والله بزوجة اخوي الحلووه .. الزين من غير نفس : هلا فيج .. نوره رفعت عيونها عند عبدالعزيز .. عبدالعزيز أشر لها بأنها مضايقه شوي .. نوره : شلونج حبيبتي ؟ الزين : الحمدلله .. بوعبدالعزيز نزل : حيالله المعاريس .. عبدالعزيز بابتسامه عريضه : الله يحيك .. " وراح عند ابوه وباس راسه " .. الزين راحت عند بوعبدالعزيز وباسته فوق راسه وقالت : شلونك عمي ؟ بوعبدالعزيز : بخير والله .. وانتو شلونج يبه ؟ الزين بضيقه :الحمدلله .. بوعبدالعزيز حس ان في شي صاير .. نادا ولده وكلمه .. عبدالعزيز : مافي شي يايبه .. بس يمكن عشان الوضع يديد عليها .. بوعبدالعزيز : مادري ليش حاس ان السالفه اكبر من جذي .. عبدالعزيز : لا لا .. مافي شي .. بوعبدالعزيز : انزين قوم روح اقعد يمها .. وخفف عليها من ضيقتها وخلها تتأقلم على الوضع .. اذا هاي صج اللي فيهه

فديتكم .. مشكورين عالردود =)

عبدالعزيز حده مفووول .. " اناا مختل ؟ انا اروييج من المختل .. وشبيسوي فيج .. ان ماذوقتج المرار .. ماكون انا عبدالعزيز " .. راآآح طق الباب على غرفتهاا .. الزين : بيي . . اكااهو يطق الباب .. بجوف شيبي وبرد اتصلج .. عايشه :اوكي .. الزين : مننن ؟ عبدالعزيز : زوجج المختل .. الزين خافت " ابييه شكله سمع السالفه " : نعم ؟ عبدالعزيز : بطلي الباب .. الزين بطلت الباب : امر ؟ عبدالعزيز دش الغرفه .. وقعد على السرير .. الزين تطالعه باستغراب : شتبي ؟ عبدالعزيز : بقعد في غرفتناا .. عش زوجيتناآآ " قعد يضحك " .. الزين : انت مو توك قايل انك بتنام في الغرفه الثانيه .. وانا هني ؟ عبدالعزيز : بعد مينون .. والمينون كلشي يقول .. وكلشي يسوي .. عدل حبيبتي ؟ الزين تأكدت من عبدالعزيز سمعهاآ واهي تكلم عايشه .. وماعرفت شسوي ويهه انقلب الوان وتمت ساكته .. عبدالعزيز : شفيج خايفه انج ترقدين في نفس الغرفه ويا انسان مختل ؟ الزين :انا ماكان قصدي شي . . بس كنت مستغربه من التناقض اللي فيك .. عبدالعزيز : بلا استغراب لا شي .. انتي قلتي مختل .. وانا برويج المختل شبيسوي فيج .. الزين راحت عند الباب تبي تطلع .. عبدالعزيز راح قبلها صك الباب .. وخله المفتاح في يده .. وقالها : افاا تخلين ريلج في يوم عرسه ينام بروحه بالغرفه ؟ راشد عباله مريم عصبت وصكت التلفون في ويهه .. راشد : شفيها ذي ؟ ناصر : اللي كان متصلك بنت عدل ؟ راشد : لا لا .. ناصر : هه .. ماله داعي تقول لا .. اسمع اللي بقولك .." سكت وواصل بألم " لا تتعب روحك وتحب .. ومادري شسوي .. ترا مردك بتتفارق عنها .. راشد : صحيح انك اكبر مني .. وادرى مني .. بس اسمحلي اقولك غلطان .. حبك مع الزين فشل .. مو معناته كل حب يفشل .. ناصر يصرخ من ألم راسه .. راشد خذ ناصر ونزل وياه المستشفى .. مريم تتظاهر بالبراءة : كنت اكلم رفيجتي .. اخو مريم وهو متوتر : بلا هالحركات .. والعياره .. تكلمي لو سمحتي .. مريم : هاي واحد اسمه راشد .. اخو مريم وعلامات الحزن على ويهه : انزين .. شنو اللي بينج وبينه .. مريم بشجاعه : احـــبــه .. اخو مريم : كلش ماتوقعتج جذي .. انتي هلون يامريم .. مريم تفشلت من ردة فعل اخوها واللي قاله .. اخو مريم : هلون اخرة الثقه اللي ماعطينج اياها ؟ تكلمين واحد ؟ تدرين انتي الصبيان شلي يبونه ؟ ماتعرفين انهم يقصون عالبنات ويلعبون في مشاعرهم " وعيونه تدمع من زود صدمته من اخته " هاي اخر شي اتوقعه منج مريم : اخوي " راحت لمته " اسفه .. حقك علي .. والله مابي اكلمك .. بس لا تزعل مني .. اخو مريم : انا الحين بتصله .. وبكلمه .. وبطقه سبيكر .. وسمعي .. مريم : لاا لااا .. تحمل .. اخو مريم يتصل في راشد .. وقتها راشد كان ينتظر ناصر يخلص .. وتلفونه رن .. راشد : ألوو .. اخو مريم : السلام علييكم .. راشد سكت مو عارف من يتكلم !! اخو مريم : راشد عدل ؟ راشد : اي نعم اخو مريم : انا دريت بانك تكلم اختي .. ممكن اعرف شنو تعرف عنها .. وطبيعة اللي بينكم ؟ راشد حده منصدم ومتوتر مو عارف شنو يقوول .. وتم ساكت .. اخو مريم : تكلم اوعدك .. ماراح أذيك بشيء .. عايشه اتصلت في محمد .. محمد : هلاا والله .. عايشه : اسفه بس الزين كانت متصله .. محمد بخوف : متصله ؟؟ ليش فيها شي ؟ عايشه : ها .. لا لا .. بس متوتره ... محمد : خرعتيني .. الله يهداج .. عايشه : امم انزين محمد ممكن اعرف شنو الموضوع ؟ محمد : والله ماعرف شقولج .. لان مالي خبره بهالسوالف .. ولا ارضى اقول لاحد جذي .. بس مادري .. حسيت لازم اقولج اللي في قلبي .. عايشه : شنو ؟ محمد : عايشه .. انا معجب فيج .. ويعني اتمنى .. انج تكونين لي .. الزين مو عارفه شتقول .. وشلون تتصرف .. كل اللي تبيه انها ماتكون ويا عبدالعزيز في نفس المكاان .. بس ماتدري شلون بتحقق هاي الشي .. عبدالعزيز دش الحمام .. الزين راحت على السرير وقعدت تفكر شتسوي .. في هالاثناء عبدالعزيز طلع .. وقعد يم الزين .. الزين توها بتقوم .. يود يدها .. وقالها : على وين ياحياتي ؟ الزين ترتجف : عبدالعزيز .. آسفه على كل اللي قلته .. بس بليز .. بليز لا تأذيني عبدالعزيز اقترب منها : احد يأذي حبيبته " وضحك ضحكته المعتاده " راشد خبر اخو مريم بكل اللي يعرفه عنهاا .. وقاله انه يحب مريم ومستعد يسوي اي شي عشانها اخو مريم : انزين .. اتمنى كلشي تعرفه عن اختي تمحيه من بالك .. وتنسااهاا .. راشد يصرخ : لااااااا .. لااااااا .. شلون تبيني انسى اللي احبها وماقدر اعيش من دونها .. اخو مريم : أسفـ .. بس هاي اللي لازم يصير .. راشد : انا مستعد اسوي اي شي عشانهاا .. والله مستعد باجر ايي اخطبها .. بس تكفى مابي انحرم منها .. اخو مريم : سو اللي تبيه .. واذا اهي وافقت ابوي مابيقول لا .. وانا بوقف وياكم .. يلا مع السلامه .. مريم تطالع اخوها واهي فرحانه .. كلش ماتوقعت انه متفهم لهدرجه حظنته واهي تصيح : اسفه اخووي .. حقك عليي .. عطني التلفون اخو مريم :لا اسف .. مريم : عطني .. " خذته وطلعت البطاقه وكسرتها ..وابتسمت " اوعدك اكونقد الثقه ..

عبدالعزيز وصل المزرعه .. وبطل الباب .. المزرعه كانت شي مايتصدق .. اشبه بمحميه صغيره ! فيها غزلان .. وعدد من الاحصنه .. وخرفان .. وفي نهايتها كان في بيت .. عبدالعزيز وقف سيارته عن البيت .. ونزل من السياره ودش البيت بدون لا يعطي الزين أي اهتمام .. الزين في البدايه تمت في السياره مو عارفه شلون تتصرف .. بعدين ملت .. ودخلت البيت .. يوم مادخلت البيت كانتـ واايد متفاجئه من اللي جدامها .. فالمزرعه على الرغم من روعتها ماتيي شي بالنسبه لداخل البيت .. حمام سباحه في البدايه .. ويحيط فيه احجار طبيعيه يخلي اللي يشوفه يعتقد انه بحيره صغيره .. اما بنيان البيت فكان متنوع من كل الحضارات .. سقف البيت مثل سقف البيوت التقليديه للصين .. والطوفه عباره عن احجار منحوته يدوياً .. اما داخل البيت فكان الديكور حديث وعصري .. بس هم كانت فيه لمسات قديمه .. خصوصاً الغرفه اللي دخلتها .. اللي المفترض تكون غرفتها اهي وعبدالعزيز .. كانت عباره عن الغرفه التقليديه للعرسان في البحرين لول .. عبدالعزيز يناادي الزين : تعاالي شووي .. الزين راحت عند عبدالعزيز وهي ترتجف من الخوف منه .. عبدالعزيز : قعدي ابي اكلمج .. الزين : نننعم .. عبدالعزيز وهو يهز ريله بالقوه .. وماسك اعصابه : انا ماغصبتج انج تقبلين فيني .. ولا خليت اخوج يغصبج علي .. انا تقدمتلج وانتي اللي وافقتي .. ماله داعي اطالعج تصيحين .. وتتحسرين .. تتمنين تكونين ويا الوصخ الكلب .. وايلي يقولي مرتك تبيني انا ماتبيك .. مو تبيني ماغصبج .. الباب يوسع جمل .. بس مالي دخل في اللي راح يصير اذا قررتي تنفصلين عني " وضحك ضحكة الاستفزازية المعتاده " .. الزين : تهددني ؟ عبدالعزيز : انا صريح ومو من النوع اللي يلف ويدور .. انا اليوم كنت معاهد نفسي ان اخليج اسعد انسانه في هالكون طال ما انتي وياي .. بس تطلعين متفقه ويا الكلب ايي ياخذج .. لا يبه .. انا آسف .." واصل وهو يضحك " انا مو بناتي .. اخلي مرتي تسوي اللي تبيه .. الزين انصدمت .. ووقفت ساكته .. قاعده تنهان وتتهدد على يد عبدالعزيز .. ومو عارفه شلون تتصرف .. عبدالعزيز كان في داخله ندمان عاللي قاله للزين .. خصوصا انه كان ماخذ عهد على نفسه ينسى اللي صار .. بس اللي سواه ناصر خلاه يلغي كل مخطط يديد حطه في باله .. ويرجع حق خططه القبليه .. الزين :عبدالعزيز اناا .. عبدالعزيز ماخلاها تكمل كلامها وصرخ : بلا عبدالعزيز بلا غيره .. تفضلي ذلفي روحي الغرفه اللي كنتي واقفه عندهاا .. وقعدي من وقت باجر الغدى بيت ابوي .. وبعدين بنسافر .. عايشه توها بتنام الا تلفونها يرن .. " شكله هاي محمد !! " عايشه بارتباك:الوو .. محمد حاس روحه في عالم ثاني .. طاير من الفرحه .. بس مو عارف شلون يكلم عايشه .. لان على الرغم من انه شاب وفي العشرين الا انه ماقط كلم بنت .. عايشه : ألوو . محمد : هلاا .. من معاي ؟ عايشه " هاي جنه صوت محمد .. بس شفيه يسئل من انا .. يستهبل ؟ " : نعم ؟ محمد : اي عايشه .. شلونج ؟ عايشه : بخير الحمدلله .. وانت شلونك ؟ محمد : امم اوكي .. اخبار الدراسه وياج ؟ عايشه : الحمدلله .. محمد : اسف عالربكه اللي صارت بينج وبين ابوج ذاك اليوم بسببي . عايشه "هاي للحين يذكر ؟" : لا والله .. انا اللي اسفه .. سويتلك مشاكل وانت مالك دخل فيها .. في هالاثناء الزين كانت تتصل في عايشه من تلفون البيت .. عايشه : انزين .. بكلمك بعد شوي .. وشالت الخط الثاني .. الزين : ألووو .. نوره خذ لها فتره من ماردت البيت .. وحدهاا تعباانه .. توها بتبدل ثيابها الا صوت احد يطق على دريشة نوره .. نوره خاافت : يممممه لا يكون حراامي !! " راحت عند الدريشه ويودت عصا على اساس انها بطق الحرامي .. بطلت الدريشه وتوها بتتحرك الاا عبدالرحمن يسويلها " وووووه " نوره خافت .. عبدالرحمن ماات من الضحك عليهاا .. نوره : شلي يايبك ؟ عبدالرحمن : بتخليني معلق عالشيجره جني سبال ؟ عالاقل عزمي ادش ؟ نوره : استح على ويهك .. عبدالرحمن : والله مو قادر بطييح على الارض .. نوره : انزين دش .. عبدالرحمن دش وقال : احسن شي ابوج سواه ان ماحط سيفتي على دريشة حجرتج .. نوره : حمانو سخيف .. شفيك يبه ينيت ؟ عبدالرحمن : مادري قلت بافاجئج صارلي جم يوم ماحاجيتج .. نوره : انزين تفضل حضرتكـ انزل .. قبل لا ايي ابوي ولا احد من الخدم يشوفك .. عبدالرحمن : الله والخدم .. خراطه ولا يدرون بالدنيا .. نوره : انزين انزل .. عبدالرحمن وهو نازل : احبج .. نوره تضحك : انا بعد يا روميوو زماانك .. الزين تصيح .. عايشه : زيووووون ؟ احد يصيح في يوم عرسه ؟ الزين : اناا .. اناا .. اصيح واندب حظي الردي .. عايشه : انتي اللي سويتي في روحج جذي .. مو انتي اللي رضيتي تاخذينه .. الزين تصيح .. عايشه : بسج صيااح .. واللي يرحم والديج .. وين ضحكتج قبل ؟ صارلج سنه الحين الدمعه ماتفارق عينج .. الزين : قوليلي شسوي اذا الدنيا صايره ضدي .. عايشه : ليش شصار الحين بعد ؟ في هالوقت عبدالعزيز شال التلفون اللي في الصاله .. يبي يجوف اذا خط التلفون شغال ولا لاء .. عشان يجوفي شلي مو جاهز في البيت ويعدله .. الا سمع الزين تتكلم .. الزين وهو تصيح : متزوجه انسان مو طبيعي .. يمشي ويصارخ .. يستانس لين يجوفج تصيحين .. ماعنده شعوور .. ولا احساس .. عايشه : صلي على النبي .. اهو وينه الحين ؟ الزين : في حجره الثانيه نايم .. مادري الصاله .. انتي ماتدرين .. ناصر لحقنا بالسياره وتهاوش معاه.. عايشه : يمه .. وانتي شسويتي ؟ وشصار فيج يوم جفتي ناصر ؟ الزين : كان ودي ارووح ويااه .. واهد هالانسان المختل .. تدرين في العرس طول الوقت يواسيني ويعاملني زين .. وبعد السالفه يصارخ ويتهاوش .. اكرهه هالكلب .. عبدالعزيز عصب من قلب واهو يسمع الزين .. ورقع التلفون بالقووه ..

بعد كم شهر .. ألفـ الصلاة والسلام عليك ياحبيب الله محمد .. كلللوش .. اغنية الزفة مالت راشدالماجد تشتغل النسوان تيب .. والكل مستانس .. الا الزين وناصر .. حتى عبدالعزيز اللي المفترض انه ماخذ الزين بس عشان يشفي الغليل اللي ذاخره في قلبه من ناصر .. ويحرمه من اللي يحبها .. بالضبط مثل ماسوى فيه وحرمه من حبيبته يوم راح وخرب على عبدالعزيز وقال لاخو وضحى ان عبدالعزيز كله ويا بنات ومو محترم .. وسمعته وسمعة اهله في البحرين مو زينه .. كان مستانس !! " .. الزين واقفه وهي ترتجف من الخوف وميته من الصياح .. عبدالعزيز واقف ومستغرب من صياح الزين اللي مو عارف سببه.. ام الزين تهديها .. على بالها ان بنتها تصيح لانها بتفارقهم .. وكذالك كان ظن الجميع .. ام الزين لاحظت استغراب عبدالعزيز وقالتله : لا تستغرب .. ترا اليوم مو سهل بالنسبه لها .. وكل هالصياح لانها خايفه من انها بتفارقني فديتها .. عبدالعزيز ابتسم وهو حاس ان سبب دموعها شي ثاني .. يمكن سببه انها للحين تحب ناصر .؟ الزين تصيح وترتجف .. ومافادت محاولات امها لتهدئتها .. لانه محد يدرى عن سبب صياحها والالم اللي بقلبها غير مريم وعايشه اللي من عقب حادث ناصر اللي سواه ناصر ردوا ويا بعض نفس ايام المدرسه .. واكثر .. كانوا واقفين يضبطون دخول الزين ويا عبدالعزيز الى القاعه مريم تهمس لعايشه : اناا ابي افهم .. دام انها ماتبيه ليش وافقت وخذته ؟ عايشه : عمرها ماكانت بتاخذ ناصر .. ودراستها ماكانت بتقدر تكملها لان وضع اهلها مابيتعدل الا بعد فتره لين ماتستقر اوضاع شغلهم .. ولا تنسين بعد ان عبدالعزيز ولد رفيج ابوها اللي ساعد محمد في ان وضع شركتهم يتعدل .. بدون لا ياخذ مقابل .. شلون محمد كان بيقوله لا . مريم : مسكينه رفيجتي .. عايشه : انزين .. الحين خله البنوتات الصغار يدخلون .. بعدهم سيده دانه تدخل .. ويا هاي اللي يصير حق عزيز .. ووراهم الزين وعبدالعزيز .. ام الزين : يلا بسرعه الاغنيه تشتغل .. عايشه : يلا بنات دشوا .. " البنات الصغار دشوا وكل وحده فيهم شايله شمعه .. ولابسين فستان بنفسجي فاتح وشايلين شمووع .. " مريم تعدل ثياب الدانه .. وقريب عبدالعزيز .. " كانوا يشبهون العروس والمعرس .. ولابسين مثلهم " عايشه : يلاا الحين انتو دخلوا .. عبدالعزيز مسك أيد الزين وهو يبتسم ابتسامه عريضه .. ماكان سببها انه قاعد ينتقم من ناصر.. لكن كان سببها احساسه بأنه اخيراً سوه شي زين في حياته يوم انه قرر يتزوج وحده من ديرته .. وعلى دينه .. بدال المسيحيه المفتله اللي كان بياخذها .. فالزين حتى لو انها كانت تحب ناصر قبل لا تتزوج منه .. اهي بنيه خلوقه ومأدبه ومافوقها فوق .. والكل يمدح في اخلاقها وتصرفاتها .. عبدالعزيز كان منعجب في الزين من اول ماشافها قبل لا يدري انها تحب ناصر .. وأول مادرى ماكان ناوي يأذيهم حتى لو انه كان منقهر يوم شاف ناصر وياها في الغرفه .. لسبب ماكان يعرفه .. يمكن كان حب من اول نظره .. او .. او .. الزين وعبدالعزيز دخلوا والدموع ماتوقفت عن التساقط .. طوال الوقت .. وكانت باينه للجميع .. والكل كان معتقد ان سببها الفرح او الخجل ! عبدالعزيز وهو يمشي يم الزين وهو يسمع صوت حاس بضيقتها .. والألم اللي فيها .. الشي اللي خلاه يشفق عليها .. وخذ عهد على نفسه ينسى سالفة الانتقام .. والسبب الاساسي اللي كان متزوج الزين عشانه .. ويفتح في حياته صفحه يديده .. مافيها مشاكل ويا الانسانه اللي تزوجها .. فهي مالها ذنب يدخلها في شي مالها دخل فيه .. اخيراً .. عبدالعزيز والزين وصلوا الكوشه ... ووقت ماالزين يات بتركب فوق عالكوشه كانت بتتعثر بسبب فستانها .. لكن عبدالعزيز يودها .. واول مايودها دزته بالعدال .. عبدالعزيز تأكدت من اللي كان حاسه .. الزين صج متضايقه منه ..ودموعها سببها زواجه منها وهالشي ضايقه واايد . . ويوم ماقعدوا عالكرسي اللي بالكوشه .. شال الطرحه من على ويهه .. ولقى عيونهه حمره .. ومليانه بالدموع .. وكانت على الرغم من الحزن اللي مبين فيها .. في غاية الجمال .. الشي اللي خله عبدالعزيز يحس بالعديد من المشاعر المتناقضه .. الاعجاب .. والفرح .. والحزن والشفقه عليها . وقالها بحنيه : متضايقه مني ؟ الزين تمسح دموعها : لاا .. عبدالعزيز وهو يبتسم : فديتج .. لا تبجين .. ترا تقطعين قلبي .. الزين بصوت بالكاد ينسمع ومن غيرنفس .: انشالله .. عبدالعزيز : يلا قومي خلنا نصور .. لا يتحجون الناس يقولون انه غاصبينج علي .. الزين تذكرت انها اهي اللي وافقت .. اهي بنفسهاا .. اهي اللي ساقت روحها الى هالطريج .. ورضت تاخذه وردت تصيح .. عبدالعزيز حس روحه قال شي غلط بس ماعرف شنو اللي قاله .. " ليكون بيتهم غاصبيينها " : بس يالغاليه مو قصدي شي .. لا تصيحين عاد .. الزين قامت ويا عبدالعزيز .. يصورون ويستقبلون التهنئه من اهلهم .. وطول الوقت الزين كانت ماسكه دموعها وتبتسم ابتسامه مصطنعه تحااول تخفي عن طريقها كل اللي فيها .. ام الزين : الف مبروك يابنتي .. الف مبروك .. الزين : الله يبارك فيج .. ام الزين : الف مبروك ياولدي .. عبدالعزيز : الله يبارك فيج عمتي .. نوره يايه تركض .. وكل النسوان يطالعونها باستغراب .. وعبدالعزيز يضحك عليها .. عبدالعزيز : عقلي .. مره شكبرج .. وتراكضين ؟ نوره : عرس اخوي كيفي ... الزين سرحت .. وعيونها ردت امتلت بالدموع . نوره : هيي .. بيي عزوز .. مرتك تصيح في عرسها .. شمسوي لها .. عبدالعزيز يود يد الزين وباسها .. : مافيها شي مرتي .. بس تعباانه شوي ومستحيه مني .. " التفت عالزين " عدل ؟ الزين تهز راسها بالايجاب .. نوره : بووو .. ياولد .. شهالروومنسيه .. شي زوجة اخووي .. من قدج .. الزين تضايقت ازيد .. وكانت تحاول تبعد يد عبدالعزيز لكن اهو ميود يدها بالقوه .. عايشه : ترا شكله حليوو .. شوفي شلون يحااول يخفف عن الزين .. مريم : راشد يقول انه واايد شيطاان .. وراعي بناات .. عايشه : عالاقل راعي بنات .. ولا راعي صبيان .. عدل .. مريم : بس بعد يعني .. ناصر تغير .. ليش جذي .. مسكين حالته حاله .. تدرين راشد يقولي ان ناصر من درى ان الزين بتتزوج كله قاعد في الحجره ولا يطلع .. عايشه : اهو اللي سوى في نفسه جذي .. الا صج وين اخت ناصر ؟ مريم : مايات .. شفيج فاقده الذاكره ؟ من يوم الحادث وبوناصر وعياله زعلانين على محمد .. عايشه : يــــه .. شفيهم ذلين .. مريم : هيي .. حدج ترا ولدهم حبيبي .. عايشه : حبتج القراده .. مريم : هههههه .. انزين قومي نسلم على زيون .. نااصر يدوور في الحجره .. مو عارف شيسوي .. مليوون الف شي يدور في راسه .. مو قادر يصدق اللي سمعه .. حاس روحه في كابوس .. معقوله بنت عمه وحبيبته بتتزوج احد غيره ؟ لا ومن بعد ؟ عدوه اللدود.." ليش اهو خذ الزين بالذاات .. شلي في راسه .. ليكون يبي ينتقم مني عن طريجهه .. آآخ ياربي شاسووي " فجأه يات في باله فكره .. " ليش ما اخذها من عنده بالغصب .. يخسي يقعد وياها في مكان واحد .. اذبحه واذبحها .. ولا اجوفهم ويا بعض .. " ناصر خذ السياره بسرعه .. وراح عند الفندق اللي مسوين فيه الحفله .. وتم ناطر عند الباب .. لي حد مايا الوقت اللي تطلع فيه الزين وعبدالعزيز ويركبون السياره .. عبدالعزيز مو عارف شيسوي حق الزين .. حاس انه وايد مضايقهه .. وانه يمكن تكون مغصوبه عليه ! .. واكبر دليل الدموع الهمايل اللي مافارقت عينها طول اليوم .. وكان طوال الوقت يحاول انه ينسيها الحزن اللي اهي فيه .. وبدا يخطط بالفعل يوفي بالعهد اللي خذاه على انه مقرر ونسى سالفة الانتقام .. لانه الزين مالها دخل .. في اللي صار بينه وبين ناصر .. طول الوقت كان ميود يدها .. ويدلعها .. ويوم ياو بيركبون السياره بطل لها الباب .. وقال لها : تفضلي يالقمر . . الزين ابتسمت .. بس بعد الدموع كانت تنزل من عيوونها .. عبدالعزيز : ياحلات الابتسامه على ويهج .. صايره قمر ماشالله عليج .. الزين : شكرا .. وراح ركب السياره .. توه بيمشي .. الا بوعبدالعزيز .. ومحمد .. وفهد .. ياين .. عبدالعزيز : الغاليه .. مسحي دموعج .. اكا اخوانج ويا ابوي ياين .. لتخلينهم يحسون انج متضايقه مني .. فهد يه عند دريشة الزين : حي الله العروس والمعرس .. عبدالعزيز : هههههه .. الله يحييك .. محمد : بوسعوود .. هالله هالله في اختي .. تحمل فيها .. عبدالعزيز : ماله داعي هالكلام .. تبي توصيني على زوجتي ؟ فهد : زيووون .. تحملي في روحج .. واذا سوالج اي شي .. قوليلي بايي اكفخه .. عبدالعزيز : ها يالنسيب .. اجوفك تسوس مرتي علي .. الزين تبتسم .. بوعبدالعزيز : تحملوا في روحكم ياعيالي .. وهاكم .. هاي هديه بسيطه مني .. " عطى عبدالعزيز صندوق صغير " عبدالعزيزبطل الصندوق ولقى داخله ورقة مكتوب عليها عنونا ومفتاح .. : مفتاح شنو ذي ؟ بوعبدالعزيز : هاي مفتااح بيتكم عبدالعزيز باستغراب : بيتنا .؟؟ بوعبدالعزيز : هاي مزرعه انا شاريهاا .. وفي داخلها بيت من قبل فتره .. ويوم قتلي انك نويت تخطب بنت الغالي الله يرحمه .. يبت عمال مخصوص من اندونسيا ومن المغرب .. عشان ينحتون .. ويسون الديكورات اللي فيه .. انشالله يعجبكـ .. ولو انك تستاهل ازيد من جذي .. عبدالعزيز نزل من السياره .. و باس راس ابوه : ماتقصر يالغالي .. والله .. يعطيك العافيه .. محمد : والعروس .. يبيلها سياره .. " طلع مفتاح سياره اكورد " .. الزين : ليش كلفت على روحك ياخوي .. انت بروحك .. محمد ماخلاها تكمل : انتي اختي .. وادري اني وايد قصرت عليج من بعد وفاة الوالد .. بس وذي هديه مني لج .. ولا تحتجين ولا ترفضين .. عبدالعزيز : محمد .. شنو ذي .. تيب حق مرتي سياره .. من اللي بيخليها تسوق اصلا.. الزين بطلت عيونها .. " شناااوي علي ذي " عبدالعزيز ضحك يوم جاف ردة فعل الزين : سيده بطلت العيون .. اتغشمر يايبه .. الكل قعد يضحك .. عدا الزين .. محمد : يلا عيل مانعطلكم .. ناصر يراقب الوضع من بعيد .. ينتظر بوعبدالعزيز وعيال عمه يروحون .. عشان يروح يسترجع حبيبته بالقوه من عند عبدالعزيز .. وأول ماشاآآف انهم راحوا .. رطض بسرعه يبي يلحق عالسياره قبل لا تمشي .. بس عبدالعزيز مشى قبل لا يلحق ناصر .. ناصر راح بسرعه ركب سيارته ولحقهم .. في سيارة عبدالعزيز : عبدالعزيز يحاول يلطف الجو : سمعي هاي الاغنيه لج .. " وحط اغنية ياحسين هل عندك خبر اني انا شفت القمر " .. الزين ماقدرت تتحمل .. وانفجرت بالصياح .. عبدالعزيز وقف السياره على جنب وصك المسجل .. عبدالعزيز : شفيج تصيحين ؟ خايفه مني ؟ ولا مستحيه ؟ ولا شنو بالضبط ؟ الزين : انا ابي اعرف ليش تزوجتني ؟ عبدالعزيز مايقدر يقولها شنو السبب اللي كان متزوجها عشانه .. فقالها : لانج عاجبتني من يوم ماشفتج في المستشفى .. تتذكرين ؟ الزين : انزين انت تدري ان انا كنت احب نا " قبل لا تخلص الكلام " عبدالعزيز : لا تلخصين الكلام .. لان اذا تذكرت بتنرفز .. خلينا جذي .. ونطري بنتناقش في هالموضوع اذا وصلنا البيت .. الزين سكتت .. عبدالعزيز لاحظ سياره وقفت ورى سيارته : هاي شفيه ذي ؟ من مساعه ورانا ؟ الزين ماتحركت .. ناصر نزل من السياره عبدالعزيز درى ان ذي ناصر .. ونزل من السياره .. وتواجهوا والشرار بدا يتطاير بين عيون الاثنين .. عبدالعزيز بعصبيه : خييييير ؟ شعندك لحقني انا وزوجتي " نسى الوعد اللي اوعده على نفسه وتعمد يقول زوجتي عشان يقهر ناصر " . ناصر طلع سجين : موووو زووجتك.. عبدالعزيز باستهزاء وعدم مبالاه : روح قول هالكلام حق اللي كتب عقد الزواج .. ناصر : انتـ لييييش تزوجتها ؟ ليييش ؟ لهدرجه للحين شايل في قلبكـ على سالفة وضحى .. والا تبي تفرق بيني وبين حبيبتي .. عبدالعزيز رفس ناصر .. وطيح السجين من يده وقاله : تخسيي حبيبتك .. احترم نفسك .. مارضى تتكلم عن عرضي بهالطريقة الزين نزلت من السياره وهو تصيح وتقول :بسكم هوواش .. ناصر قام من عالارض وهو يأشر على الزين ويقول : جوف مرتك ؟ تصييح تبيني وما تبيك .. الزين قومي امشي وياي .. عبدالعزيز عصب من قلب : يالكلب .. تقول لها جذي جداااااااااامي .. ناصر : اهي تبيني .. شلي قلته لها .. ماقلت لحبيبتي شي غلط .. عبدالعزيز يود ناصر من شعره رقع راسه في السياره بقوه .. وبعدين رفسه : اناا اوريك يالحقير .. حبيبتك هاا ؟ انا برويك شبسوي في حبيبتك .. ناصر صرخ من الالم .. الزين تطالع عبدالعزيز بخوف .. عبدالعزيز والشر باين في عينه : دشي داخل السياره .. الزين دخلت وناصر توه كان بيلحقهم .. لكن من الالم اللي صاد راسه مو قادر يقوم من مكااانه . . راشد : يبه .. ناصر مادري وين راح .. بوناصر : لا حول ولا قوة الا بالله .. اكيد راح لها المينون .. روح لحقه لا يسوي لنا مشاكل اكثر مع بيت عمك .. كفاية ان من يوم الحادث واحنا مانكلمهم .. راشد اتصل في ناصر يسئله وين اهو .. ناصر قاله في وين .. وراشد راح يابه .. راشد : شلي مسوي فيك جذي ؟ ناصر : عبدالعزيز .. راشد : عبدالعزيز يطلع من راسك الدم .. ناصر بصوت بالكاد ينسمع : رقع راسي في السياره .. راشد : قووم خله اوديك المستشفى .. محمد كان ينطر هنوف اخته تطلع يبي يقولها شي تقوله لامه .. وهو واقف عند باب الفندق .. طلعت عايشه .. ويوم شافها .. استخف !! " هاي عايشه رفيجة زيوون معقوووله !! " محمد : عايشه .. عايشه افترت تدور من يناديها .. مالقت احد تعرفه ومشت .. محمد لحقها لي عند سيارتها : عايشه .. عايشه افترت واهي معصبه :اووووف .. من .. محمد : انا محمد .. اخو الزين .. عايشه صار ويهه الوان من الفشيله .. محمد ابتسم لها : شلونج ؟ عايشه : بخير .. خير اخوي فيه شي ؟ محمد : امم .. عندي موضوع ابي اكلمج فيه .. عايشه : عسا ماشر .. الزين صارلها شي ؟ محمد : لا لا .. الموضوع ماله علاقه بالزين .. عايشه : عيل .. محمد : ماينفع نتكلم جذي .. ممكن " بتردد " اذا ماعليج امر اخذ رقم تلفونج .. عايشه استحت ومو عرفت شتقول .. محمد : امم اوكي .. اسف على عايشه : 39##### محمد : دقيقه بسيفه ..