إكسسوارات ليلك

وفي هالرد بانقل مجموعة من ردود الاعضاء في منتديات ثانية وبعدييين ان شاء الله باخلي لكم الصور

السلام عليكم جميعاً خواتي قبل كل شي احب اهنيكم بعيد الاضحى المبارك وبالعيد الوطني السعيد والله يجمعنا دايما على الخير في مثل هالمناسبات الحلوة وثاني شي حابة اقوله إني ارد على الاخت الغالية قطوة بحرينية الي كتبت رد في هالموضوع http://bahrain2day.com/forums/index.php?showtopic=486013 وقالت هالرد واول شي احب اشكرج وايد وايد واااااااايد لأنه احنا نحب نسمع كل شي من زبوناتنا ومن الجميع بلا استثناء لأنه من غير كلامكم ما نقدر نطور ليلك. احنا الحمد لله محلنا فتي يمكن صار لنا شهر واحد من فتحنا وبكل ثقة حطينا جهودنا في هالمحل الي هدفه يقدم احلى واحدث الاكسسوارات حق البنت البحرينية الجميلة والي تبي تبرز جمالها. وعندنا كلبات بأنواع تزيد عن 100 نوع منها للكبار ومنها للصغار، وعندنا تاجات مختلفة بعضها حق اليهال وبعضها حق الكبار فيه كرستالات، وبعضها كامل من المعدن وعليه فصوص وكرستالات. وما ننسى مجموعتنا الحلوة من عضاضات الشعر العودة بألوان واشكال مختلفة ومنها الي على بارنز مثل جوتشي وبربري وغيرهم. وهم عندنا ادوات قرطاسية مزينة بألوان مختلفة والكل قال لنا انه هالمجموعة موجودة في محل مشهور في البحرين بس أسعارنا أقل منه. وعندنا برايات مزينة وملونة بأشكال مختلفة تكون في نفس الوقت براية وحاملة نوتات وبعد ديكور حلووو حق المكتب. عندنا بعد صناديق اكسسوارات متميزة ومب متكررة كل وحدة شكل ثاني على دباديب أو على شكل ميز تواليت وحجمها حلو مب صغير، وسعرها بعد أحلى. وحق العايلة عندنا مجموعة "ألبومات فخمة مصنوعة بشكل قوي تحافظ على صوركم لغاية ما أحفادكم يشوفون الصور بدون ما تخترب مع وجود بلاستك شفاف قوي يحفظ الصور من التلف. وتيي منها ألوان مختلفة ومزينة بأحلى الأشكال. القلوب والتراجي موجودة عندنا بتشكيلة حلوة وبأسعار مناسبة. القلوب في منها الطويل، أو العود، أو الصغير الناعم. والتراجي على شكل لولو، أو قلوب فضية وذهبية، وأشكال ثانية وايد وكلها تصلح حق البنت الي بتتأنق حق حفلة أو عرس عيد ميلاد. وعندنا خواتم كلها مرصعة بقطع جنها كرستال وفي منها الوان مختلفة لازم وحدة منها بتناسب فستانج. وحق اليهال مجموعة تراجي وخواتم متنوعة، وأطقم أسورة وخاتم مزينين بالفراشات والورود. ومن البضايع الي عليها إقبال الدفاتر الفخمة المخمل وهذي وايد زبوناتنا يحبونها. وعتدنا مجموعة دفاتر بثلاثة أشكال على ماركة لولو كات. وأكيد فيه اشياء ثانية فاتتني، لكن الي بيزور المحل ما بتفوته. وحياج عندنا يا قطوة حلوة وتشوفين الي يناسبج ويسعدج.

يسلللللمج ربي حبيبتي هلا وغلا غاليتي بالنسبة حق حجم المحل ترا وايد من محلات الاكسسوارات في جد علي صغيرة بس متروسة، واحنا للحين ما ترسنا محلنا بالشكل الي يرضينا لكن نعتقد انه كل قطعة تدخل المحل حلوة وفريدة من نوعها ويميزها الذووووووق. واحنا الحين نستطلع آراء الزبونات نشوف شنو يحتاجون علشان نعرف شنو نستورد لهم احسن من انه نستعيل وناخذ اشياء ما ترضي اذواقكم انتي حياج عندنا وخبرينا انج انتي قطوة بحرينية وبنشوف شنو يعجبج وشنو ما يعجبج وان شالللله تطلعين مستانسة

الحمددددد لله زبونات وايد استفادو من عروضنا وكنا احنا نفرح اكثر كلما طلع لهم مبلغ زود العرض مستمر اليووووم وبكررررة

بسبب الاقبال الرائع من اعضاء وعضوات منتديات شباب البحرين على موضوع اكسسوارات ليلك وبعد النجاح الي حققناه رغم الفترة القصيرة ولله الحمد وبمناسبة عيد الاضحى السعيد قررنا نكافئ الزباين خلال ثلاثة أيام وهي الأحد والأثنين والثلاثاء بإهدائهم قسيمة شراء بدينار واحد مقابل كل 5 دنانير يعني كل 5 دنانير = 6 وكل عشرة = 12 وكل 15 = 18 وكل 20 = موقع ليلك: جد علي لفة ريماس (سابقاً) مقابل مطعم خيام جدام لين الشارع يلفج يسار، ليلك عند بداية اللفة والي ما تدل جد علي تيي من صوب شارع الخدمات قبل دوار جد علي جهة اليسار باسكن روبنز، تمشي بعد شوي جدام لين تلقى مطعم خيام، تروحين اللفة الي مجابلته وتكملين سيدة لين ياخذج الشارع يسار ليلك في بداية اللفة وحياكم الله يا غاليات على القلوب

انتيييي الروعة غاليتي واتمنى تفوزين معانا لأنه عندنا جوايز أسبوعية كوبونات مجانية وانتوا تستاهلونننها

ان شالله تلقينها بس لو ما لقيتيها لا تحزنين كلها 3.2 وتحتاجين الحين 8 علشان تواكبين العصر

شكراً حبيبتي شكرا حبيبتي

شكرااااااااااااااا حبيبتي سنوات الضياع

يا ليت الصور والاسعار ما عليج امارة

الله يوفقج اختي

الصور مب طالعة عندي مادري ليش

فرحتينا بحضورج ليلك و وايد خليتيني افرح لان المحل والبضاعة عجبوج وبعد لين مريتي عقب جم يوم ان شاء الله تلقين بضاعة يديدة حلوة تليق بمقامج

بالتوفيق إختي بس جان زين تسوين موضوع يديد لأنه الصور ما تظهر

عليج نوووور اهوة نفسه امووووووت واعرف شلون عرفتي المحل ؟؟