noor 8albi

شكرا على المرور وكنت اتوقع الردود اكثر

ثنكس ريكو عالمرور والله يسمع منك

الدمعه المقهورة - zesh2 شكرا عالمرور ويعطيكم العافية ...

[glow]قصة حقيقية ... يروي القصة .. في الاجازة الصيفية 2007 قررنا نسافر ايران - مشهد مع حملة ... ابتدت الرحلة تاريخ 4/8/2007 .. وكنا في الطائرة رايحين مشهد وكنت قاعد تعبان على الكرسي والمضيفات يمرون على المسافرين عشان يعطونهم وجبة .. وانا قاعد العب في تلفوني رفعت راسي جفت بنت واقفه جميلة فتحت عيوني اطالعها لأني ماجفت بنت في هالجمال مرت صوبي وراحت قلت في قلبي من هذي .. كنت افتح عيوني واصكها مادري انا احلم او سكران لأني تعبان وبعد فترة رجعت وانا مادري انتبهت لها واهي قريب توصل لي .. استانست وطرت من الفرحه ..قلت في قلبي ان شاء الله ويانا في حمله وضليت افكر فيها.. لين نزلنا مطار مشهد جفتها واقفه ويا حملتنا استااااااانست ..واحنا طالعين من المطار رايحين للباصات اطالع فيها وكل ما اطالع احس اني اطالع روحي ..واجوف حياتي فيها ودخلت قلبي وكانت شاغلتني طول الوقت .. وصلنا الفندق وكنت ابي اعرف اسمها واعرف عنها كل شي واتمنيت تسكن صوبنا بس ماصار الي في بالي .. في اليوم الثاني الصبح كنت قاعد ويا صبيان الحمله وصلني اتصال من البحرين وخبروني ان صديقي مات انا تضايقت وصحت وكنت اتمنى ارجع البحرين .. بعد يومين امي حاولت تهديني وتنسيني .. حاولت انسى وادخل في جو السفر واضحك واستانس .. مرت الايام واهي شاغلتني من وين ؟ وشنو اسمها ؟ وكم عمرها ؟ و .. ؟ .. انا حبيتها بس فيني طبع ما احب اطالع احد من جذي اهي ماحست فيني ولا اهتمت لي .. في الاسبوع الثاني من السفر كنت قاعد ويا ربعي الي ويانا في الحملة .. الا واحد من ربعي اسمه (الله يستر عليه) قال لي تعال براويك شي .. قلت له شنو ؟ عطاني التلفون جفت صورة البنت .. وضليت خايف من هالخبيث وقلت في نفسي انا مالي مكان وياها اهي لها حياتها وكيفها وانا ماقدر اتدخل فيها.. انا كان قلبي يحترق لين اجوفهم يكلمون بعض بالبلوتوث و لين يتكلم عنها .. كنت خايف عليها اكثر من نفسي .. كانوا يتكلمون عنها بحقاره وانا قاعد وياهم وانا مضايق ومخنوق .. وكان هالشخص دايما يقول لي شنو بيسوي وشنو تفكيره الحقير وانا دايما كنت احاول امنعه .. بعدين قلت انا لازم اعرف من هذي عشان اقول لها ومو مهم اكلمها واقول لها اني احبها وتصير بينا علاقه .. المهم اخلصها من هذا واخليها تحذر و تفكر عدل.. محد كان يعرف انا احبها او حتى افكر اكلمها كنت دايما اقول لهم ماتهمني وامثل قدامهم ,, بعدين عرفت اسمها ( مروه ) كنت دايما افكر ان اسمها مروه بس بعدين اكتشفت ان اسمها غير وانا غلطان .. بس بعدين عرفت اسمها واشياء عنها وعمرها (14) وأنا طبعا (16) وبعد ثلاثة اشهر اصير (17) .. وقلت انا لازم بكلمها وكنت واثق من هالشي ولا يأست .. كانت عندي وحده من نفس منطقتها اكلمها ( مايحتاج اقول قصتها - ومابينا شي) رجعت البحرين واهي مارجعت ويانا لأنها بتقعد اكثر .. وانا برجع البحرين وطالع من الفندق كنت مضاااااااايق و كنت ابي اقول لها عن هالشخص بس ماقدرت .. ورجعت البحرين مكسووور .. كلمت هذي البنت الي اعرفها . قلت لها تعرفين فلانه بنت فلان ؟ قالت اي .. طلبت منها ايميلها وقلت لها ليش ابيه وماوافقت مادري ليش .. بعدين جذبت عليها قلت لها ابيه حق واحد يحبها ومابضيفها .. اهي تثق فيني وااااااااااجد فعطتني الإيميل .. وضفتها وانتظرت لين ترجع وانا كل وقتي بس افكر شتسوي الحين وانا خايف عليها من الي لاعبين عليها واهي صغيره وماتعرف الصح من الغلط .. و في تاريخ 1/9/2007 كنت سهران للصبح على المسنجر والمنتديات .. ودخلت مره وحده انا ماصدقت نفسي اني بكلمها الحين .. دخلت علي تكلمني وسالت من انت ومن وين ايميلي انا ماتحملت قلت لها أحبش انصدمت اهي وقالت من انت و ... قعدت كلمتني بحقاره .. قلت لها كل شي عن الي تعرفت عليه في ايران .. تسوي ما اثق فيك . قلت لها خليني ولا تحذفيني وتأكدي من هالشي جوفيه يحبش او لا والكلام الي قلته صح اولا ومو مهم تكلميني وتحبيني المهم تبتعدين عنه لانه يلعب عليش .. قالت اوكي بتأكد من هالشي .. يوم ثاني كلمتها عالمسنجر قالت تأكدت من كلامك وخايفه قلت لها شلون تأكدتين قالت انها (قالت له ان فلان الي ويانا في ايران ضافني ويبي يكلمني وسكت قلت له ليش ساكت قال احذفيه ونسى السالفة وقعد يسولف وعرفت انه ما يحبني ) وبعدين ضلت هذي البنت تثق فيني اشوي وعرفت اني احبها وابي مصلحتها وسوينا خطه نبعد هالشخص عنها .. بعدين قعدت تشكرني ومادري شلون .. قلت لها الحين احذفيني اذا تبين قالت انت ماتحبني ؟ قلت لها اي بس مابي اجبرش .. قالت لا عادي وضلينا نسولف واشوي اشوي تعرفنا على بعض كنا دايما نضحك ونقول كل شي حق بعض .. و تطورت علاقتنا على التلفون .. بعدها ابتديت احبها بجد ... وكانت كل شي في حياتي .. .. وبعد مرور فترة بسيطة قالت لي اول كلمة احبك .. كانت هاللحظة بداية حياة جديده لي .. ومرت الايام .. اهي وحيده ماعندها اخوان ولا خوات ولا ابو وعايشه مع امها وجدتها .. كنت احاول اكون لها كل شي محرومه منه .. في شهر رمضان 2007 امها اكتشفت علاقتنا وحرمتها من التلفون والانترنت وصرنا مانكلم بعض فترة طويلة وكانت هالايام صعبه علينا .. و بعدها كانت تكلمني اذا كانوا ربعها معاها وقالت بتاخذ لها تلفون وبتكلمني بدون محد يعرف .. واخذت لها وصارت تكلمني وانا كنت اخاف امها تعرف .. وكنت مقدر هالشي الي سوته لأن امها لو عرفت مابتسكت وبتسوي الف مشكلة وبتمنعها من كل شي ... وفي عيد ميلادي 11/1/2008 كانت اول هديه بينا .. وللحين محتفظ فيها .. وبعد اسبوع تقريبا كان في محرم اتصل لها واحد كان ويانا في ايران .. ويبي يكلمها واهي سالته من وين لك الرقم وجذي اعترف وقال اخذته من فلان ( الي كلمها وكان يلعب عليها ) انزين وقالت له مابي اكلمك .. وهالشخص قال لها صورتش عندي المهم اهي خافت وقالت لي.. قلت لها خلاص انا بتصرف معاه لاني اعرفه وضلت خايفه .. و وديت لها بطاقة غير عشان محد يتصل لها ولا شي .. يوم ثاني رحت لهم اثنينهم وسويت لي خطه عشان مايعرفون انا اكلمها وخافوا و حذفوا الصور قدام عيوني .. واهمه مايدرون انا اكلمها بقول لكم شلون .. ( قلت لهم خالها اتصل فيني قال لي اعرفكم ثلاثتكم وكل شي اعرفه عنكم وقال أي واحد يتصل او اذا ما حذفتون الصور بلتقي وياكم في المركز ثلاثتكم وانا قلت لهم مابي مشاكل وابيكم تحذفونهم قادمي واهمه خافوا وقالوا بنحذفهم الحين وخافوا يتصلون ) وانحلت المشكلة .. وضلت تثق فيني اكثر وهذا الي كنت ابيه وانا بعد اثق فيها. الحين وصلنا للإجازة الصيفية 2008 والناس تسافر واهي بتسافر ايران بعد بس هالمره انا بروح سوريا ولبنان وتركيا ويا عائلتنا.. وكنا مانبي نترك بعض مع ان الفترة 20 يوم بس بالنسبة لنا 20 سنة .. المهم سافرنا وكنا مانكلم بعض واجد بس نطرش مسجات حق بعض . وتعرفون الاتصال بين ايران وسوريا مشكلة الارسال ضعيييف .. المهم رجعت اهي قبلي وبعدين انا رجعت .. وكنت مشتاااااااااااق لها موت كلمتها بس اهي غير.. غيييييييير .. حسيت فيها شي وسألتها اذا كان في شي قالت لا وانا متأكد في شي صاير بس مو راضية تقول لي ضلت ماتكلمني مثل قبل وماتهتم لي انا قلت لازم اعرف .. وضليت افكر شفيها .. كلمت احد غيري؟ لالا ماتسويها .. تمللت مني ؟ يمكن .. وضليت محتار . اكتشفت انها تكلم واحد غيري .. تحولت حياتي الى كابوس ماتوقعت هالشي منها .. لأني سويت كل الي اقدر عليه عشان اعيش معاها وبعدين تسوي جذي ليييييش ؟؟ انا شسوييييييييت ؟؟ مقصر في شي ؟؟ ضليت اسال نفسي واصيح قاومت نفسي وضليت اكلمها ولا كأني اعرف شي .. قلت بعطيها فرصة تفكر في الي تسويه واذا ماحست بقول لها .. كلمتها وانا اصيح .. ماتحملت كل الي فيني ابي اتكلم واعرف ليش سوت جذي .. وقلت لها وانصدمت شلون عرفت وضلت ساكته وقلت لها انا مقصر في شي ؟ سويت شي ؟ انا ما استحق اكون حبيبش ؟ ماعرفت ترد علي وسكتت واهي حاسه بالغلط ... قلت لها انا احبش وبخليش تختارين الي تبينه .. قالت ابيك انت .. المهم وتركته وضافني تسامح مني .. انا دست على كرامتي والحب مافيه كرامه ضليت احبها ولو احد مكاني مافكر انه حتى يكلمها .. او يسوي فيها شي ويخليها بس انا احبهاااا اكثر من نفسي .. ومرت الايام وانا ماصرت اثق فيها مثل قبل واشك في كل شي بس ما ابين لها لانها خايفه انا ما اثق فيها ... واستمرينا لليوم وعلاقتنا صارت اقوى من قبل ..واتمنى الله يجمعنا ويخلينا حق بعض وفي اشياء ماذكرتها لان لو بذكر كل شي مابخلص .. (منقول) اتمنى القصة تعجبكم .. وابي رايكم .. شكرا[/glow]