TwEnTy SeVeN

انه اتوقع ان هالظاهره لها عدة اسباب بس اهمها ان في هالمرحله من العمر تتحرك المشاعر و خصوصا مشاعر الحب و هالسوالف .. و عشان البنت تعيش هالحاله ف محتاجه بديهيا لولد عشان يبادلها كلام الحب و الاهتمام .. و بما ان مجتمعاتنا ترفض العلاقات بين البنت و الصبي .. ف تروح هالبنيه و تفرّغ شحنات الحب اللي فيها حق بنت من جنسها لان ماظل عندها الا هالخيار و طبعا راح تكون علاقتهم غير مشبوهه و مسموح لها انها تكلمها و تهتم فيها في اي وقت تبي .. ف تلاقينها تفتك من مراقبة الاهل لها و تتوقع انها بعيده عن المشاكل اما الفئه المريضه ف اتوقع انهه قلييييلين جدا .. و كل هالسوالف الناس بروحها اهي اللي ابتدعتها

اكثرنه جذي ما نحس بالشي الا اذا فقدناه او اذا حسينه اننا بنخسره جريب

الحب معادله لازم تكتمل معطياتها عشان تكون النتيجه صحيحه و مرضيه لازم الطرفين يحبون بعض .. ولو ظلـّـت تحبه بروحها ف ماراح تستفيد اي شي غير انها تعيـّـش روحها في عذاب نهايته صعبه لا تعلـّـق روحها في وهم و خلها تبتعد عنه و على فكره .. اذا كان الصبي من النوع اللي ما عنده ضمير .. ف تره اي مشكله راح تصير بينه و بين البنت الثانيه راح يجوف روحه ماعنده اي خيار غير رفيجتج و راح ايي لها و يمثل عليها الحب بس عشان يضيع وقته معاهه لانها قاطه روحها عليه في النهايه قولي لها : لا تسمح لأحد ان يأخذ الأولوية في حياتك بينما تكون أنت خيارا ثانويا في حياته

فديتها اللي انه تحتها 27

بووووووو ماشاء الله من ويييييييين طالع القمر وييييييينج انتي !!!! صج وحشتيني ((انه عاشقة الاخوة 27 اذا تتذكريني)) حياج الله و مبرووووك على البيبي يتربه بعزكم بس على فكره لحين خاطري افررررض خدود البنيه اللي كنتي تحطين صورها في التصوير الشخصي

لا امي و ابوي شيـّـاب .. ماكانت واصلتهم ثقافة الحب او المعرفه قبل الزواج عموما اهمه اهل تقريبا ، يعني زواجهم عن خطبه و من ذكرياتهم ماجفت الا صور شهر العسل

انه مادري شسالفه بس اذا السالفه لازم نختار رقم ف 27 و اذا شي ثاني ف مالي بارض

- اول ماتقعد من النوووم للدوام شنو يكون مزاجك؟ وشنو اللي تسويه اول ماتفتح عيونك؟ ابي ارقد بعد و اقعد اقول افففف ليش لازم اقوم بس بعدين اصحصح بسرعه اقعد على السرير و اقره ادعيه وانطر الإيسي يفر ويهه مناك و اقوم بسرعه قبل لا يرجع خبرج الواحد يقوم من الرقاد حده بردان - هل تخلص اموورك كلها على عجل او تكون مجهز نفسك من الليل عشان الصبح تسوي كل شي على رااحه؟ ممممم ثيابي اكون حاطه في بالي من في الليل شنو بالبس و اكويهم و ارقد . - جم مره تسكرون الالارم وتخلونه على الغفووه لما يرن؟ وإلا تقومون من اول رنه؟ لا انه نشيطه ماحب هالحركات .. خلاص من يرن التلفون اقوم .. بعد خمس ولا عشر و ربع ساعه شبتسوي لي يعني ؟ - منو يوديك الدوام ( الشغل \ المدرسه \ الجامعه ) ؟ بروحي - وين مكانك في الطابووور ؟ ( هذا حق اللي في المدارس بس ) باجاوب .. قبل الاخيره بس هذا اذا حضرت الطابور .. لان كنت دايما مخالفه ف ماحضر عشان التفتيش - بعض البنات يحطون ميك آب من الصبح ، انتي من النوع اللي تحطين او لا ؟ احط كحل داخل عيني - بأمانه هاااا ، ترتبون كتبتكم من الليل او الصبح ؟ ما كنت اودي معاي كتب اساسا اخليهم في الدرج او في البيت .. و اشيل معاي جم دفتر .. و ايام الجامعه ماتذكر اني شريت اي كتاب - وين مكانكم بالصف؟ قبل الاخيره عند الطوفه - شنو الخطط اللي تحطونها في بالكم قبل لا تفتح المدارس والجامعات وتلاقون نفسكم اخر السنه مانفذتوا اي شي منها؟ ولا شي - شنو التسريحه المعتاده اللي تسوينها حق المدرسه ؟ وهل انتوا من النوع اللي ينوع ويشكل ويخربط في شعره؟ يزعم مادري .. او افله .. او شكيرا : يعني اتسبح في الليل و ما نسل شعري و ارقد و اقوم الا يزعم صاير كيرلي - البعض لهم اسم شهره في المدرسه او الجامعه اووو الدوام ماينادونهم إلا فيه ، اذا كان لكم اسم شنو اهوو؟ مادري وايد كان لي القاب - شنو الاشياء اللي تحسونها مخالفه للزي الرسمي للمدرسه وانتوا مستمرين عليه؟ باقولج مخالفاتي كلهم : كنت افل شعري ، احط كحل ، و كله اتعلـّـج ، آلبس نعال و ياريت نعال مثل الناس كانت حمره و ان لبست جوتي آلبس دبابه على قولتهم ، و كان عندي ظفرين طوال ، كنت البس سلاسل و احط اشياءات في يدي <<< يزعم لوفــر والله كنه خمـّـه - خبررري ان الخيمه اللي يحطونها البنات فوق رروسهم ممنوعه في المدارس ، بأمانه جم مره المشرفه او المدرسه خذت خيمتكم؟ ماكان عندنه هالموضه طالعه على ذيج الايام

27

انا ماعندي شي معين بس وااااايد أأشر لما اتحجى في التلفون .. انه بدون شي و كله أأشر اذا اتكلم بس لين اتحجه في التلفون مادري حق من أأشر ؟!!

ما اتخيل اني بانحط في مثل هالموقف .. لان في حالة اقتناعي بشخص ف اكيد راح اقدر اقنعهم فيه و اذا اهمه مب مقتنعين فيه ف المفروض يعطوني اسباب مقنعه لعدم موافقتهم و يقنعوني و في هالحاله لازم احد الطرفين يقنع الثاني لكن اذا جذي مني والدرب مب موافقين و بدون اسباب واضحه و مقنعه ف كيفهم يعني .. مع اني ما اتخيل يسوونها لان احنه عايشين حياتنه بالأخذ و العطه مافي شي بدون سبب

والله احس بترتاحين وايد ان عشتي مكاني .. لان صج كلشي عندي سريع سريع و الدنيا كلها تلويص و القهر ان كل شي ماشي و الحمدلله ممممممم انه خاطري اعيش مكان ممممممم .. إي مكان أي شخص مغترب .. عايش بروحه برّع ديرته .. خاطري اجرب هالشعور و اعيش بروحي B)

و عليكم السلام و رحمة الله و بركاته ثانكس من ذوقك حرام عليك تره مب كوبي و بيست .. اهو هالمقال للبني آدم اللي في توقيعي و انه عدلت فيه شويات و الاهم ان كان باللهجه المصريه و انه سويته بالبحريني مع بعض التعديلات و الاضافه <<<< لا تظلمني مشكور على المرور و التعليق الحلووو هلا هلا لا قصدي ان حتى لو كوبي بيست بعد تسلميين وناايس >> في مواضيع كوبي بيست افف <_< مادري من وين يطلعونهم جان كتبتي انج عدلتي ، كاتبه مقال عجبني يعني كوبي اهم شي بالبحريني اممم ماعرفتيني للحين لا اي اي صاج والله .. حتى في الكوبي الناس ماعندهم ذوق ماكان لي بارض اشرح وايد والله من نكك و ردك واضح انك واحد من معارفي .. بس تره انه نسيت كل الناس تقريبا الا اذا احد ذكرني فيهم

عسى الضحكه ما تفارقج و عسى مايوحشج غالي انشالله و انتي بعد وحشتيني .. بس على قولة ايهاب توفيئ .. الايام الحلوه ما بترقعش تاني هههههههه صاجه مب عاجبني ولا شي

مع ان خاطري ارجع الثنوي بس ابي ارجع جذي عادي .. يعني بدون شعور الرجعه من بعد قطعه ماكنت احب اول يوم و دايما و في كل شي ماحب اول يوم هالشعور اللي اجوف ناس و اقعد اسلم عليهم و اتعرف على المعلمات و على الصف و على المواد <<<<<< بلللل كلش ماحب جذي لان كلللش هاليوم كان ثقيل عليي .. اللي اهو الدوام من بعد اجازه .. كانت تييني الصيحه .. لاني في الاجازه كنت اروح محرق ارقد في بيت عمي طول الاجازه .. ف كان شعور انّـي ألم ثيابي و اغراضي و افضـّـي كبتي شعور جدا كريييييه و صعب .. كنت دايما في هاليوم محد يكلمني لان مزاجي يكون كلش و ارد البيت عافسه الويه .. بللللل كان حددده شعور خاااايس و دااااق

مشكوره حبي من ذوقج كككككككك وييييي شكلج حسيتيني معوّقه عادي تره هالأكشنات كلش ماتهمني ولا تشدني .. يعني عادي كاني عايشه و حالي حال الناس مافيني شي قاصر .. ماقط حسيت اني ابي اعيش هالأجواء يعافيج مرووووي .. عاد انتي اللي محد يقدر يصك عليج بس هالأيام راكده .. شكله هاي الهدوء اللي يسبق العاصفه B)

صحيح صحيح يالزّنون .. كلام سليم و جميل يعافيك و مرورك الغير متوقع اهو الزقرت ذوقك الحلو و مشكور مره ثانيه

و عليكم السلام و رحمة الله و بركاته ثانكس من ذوقك حرام عليك تره مب كوبي و بيست .. اهو هالمقال للبني آدم اللي في توقيعي و انه عدلت فيه شويات و الاهم ان كان باللهجه المصريه و انه سويته بالبحريني مع بعض التعديلات و الاضافه <<<< لا تظلمني مشكور على المرور و التعليق الحلووو

شيتذكرون فيج بعد انتي ويا خدودج !! بعد بنقول لو يتذكرونج بروحج معليه .. لكن انتي و خدودج صعبه صراحه اااايه عليج لطوووو اهم شي بصمتج و اهم شي انج تشرفينه ساعات .. صج انج مسويه روحج ثقيله يزعم من فوق لي فوق بس يله حلوه منج وانتي بخير بعد جبدي

يعافيج حبيبتي

جفتينه عاد تذكرت بعض العيايز الاجانب .. العن قفدهم يحتفلون بيوم ميلادهم التسعين !! مادري على شنو عاد الله يوفقها خالتج .. بس اخاف تكونين كشحه عليهم يعافيج بعد جبدي

ككككككك صاجه والله مادري في شنو باحتفل! و مادري شنو الشي اللي باعطيه اهميه !! لاني فعلا ماحب المناسبات بجميع انواعها

اهو مو حقد بمعنى الحقد .. بس في شوية غل يعني دايما اقول يا ريت ما انولدت من الاساس ، عشان اقعد اضحك عليكم و انتوا تتبهدلون في الدنيا و تتحاسبون يوم الحساب بس يله دام هاي اللي الله كاتبه لي ف اكيد راح يكون احسن على قولتج حتى الناس اللي لها الحق انها تحتفل بعد ما تحتفل و احنه رازين ويوهنه يا عظيمه انتي كل عام وانتي بخير عيل

لا مو مسألة تقليد الغير .. مثل ما قلت لج .. اتوقع ان يبون يكونون محط انتباه الناس و يبون يجوفون معزتهم و جذي يعني اي اي احين بزوده اجوف الناس شسمه تطلع فيها ولا سمعت ان في ناس اذا يوم ميلادهم صادف عرس احد يروحون يسوونه في العرس !!! اذا توماس اديسون و قراهام بل ما سووا حق روحهم عيد ميلاد

محشومه عن السخافه يا اسووووره يعني بيني و بينج عشان ما نظلم احد و خصوصا الجنس الناعم.. احس ان الاكثريه من الناس محتاجين حق يوم مثل ذي عباره صار عرف عند كل الناس خبرج عشان يجوفون بعيونهم حب الناس لهم و يحسون بمعزتهم عند الناس و يحسون بالاهتمام الشبه مبالغ فيه حتى و لو لمده يوم واحد من كل سنه .. و البنات خبرج يحبون يكونون محط انظار و اهتمام الناس و هالشي ما بيتحقق الا في يومين : يا يوم عرسها و يمكن البنت تعنـّـس و تطيح في جبد اهلها و جبد روحها ف ما بتحس بهالاحساس او في يوم ميلادها اللي اهو بالنسبه لها مثل يوم عرسها تقريبا لان تكون فيه نفس الاحداث ف الاسهل و الاجرب لها انها تعوّض هالشي في يوم ميلادها و منها على قولة احله حب انها تحصل هدايا أو فلوس و منها تستانس بالحفله و الرقص و البلعه و هذا غير الفستان و الميك اب و هالسوالف ف الناس ماخذينها برنامج