TwEnTy SeVeN

اي چفتك تدوّر لك دبلة في سوق الذهب الف مبروووووك الله يهنيك

انه مابي شي بـــــــس اتمنه ان اي واحد هني يستفز الشيعه او اي احد من الشيعه يستفز السنه ... اتمنه اتمنه اتمنه ان هالسوالف تكون كلها تسليه مثل ما يقولون او نكشة مخ على قولة الشوام و المصاروه .. و اتمنه من كل قلبي ان حزة الحزه كل شي يتغير و نكون يد وحده ضد اي عدو لنه و محد يقدر يسطير علينه مابي شي غير ذي .. تره الوضع يمكن يكون اسوأ مما هو عليه و أسوأ من أي توقع ممكن نتوقعه و يمكن يكون لا و تعدي السالفه على خير و اتمنه هالشي .. بس رسول الله صلى الله عليه وسلم .. قال في حديث ماقاعده اذكر نصه بالضبط بس اذكر ان مر عليي من زمان .. بس بما معنى ان عذاب امتي بيكون عذاب دنيوي و بتسود فيهم الفتن و غيره سترك يا ربي تعوذوا من ابليس يا جماعة الخير و فكروا حق جدام شوي لاتحصرون تفكيركم في نطاق محدد استغفر الله استغفر الله استغفر الله العظيم

لا من قال انه راضيه .. و لا انه كنت راضيه اساسا على بعض سياسات الحكومه على فكره يعني و قلتها من قبل بعد .. انه من زمان اقول ان يبي لنه تعديلات و اكو امس هذا احنه طالبنه فيها بصوت واحد و الملك ما قصر و لحد احين قريت ان افرج عن المساجين .. و انه بصراحه ناطره قرار تعجيل التحقيق في سالفة اللي انذبحوا في الدوار و تره في وايد سنّـه مب راضيين عن بعض الاشيه .. و انه على فكره رحت الدوار مادري كان اي يوم .. بس في نفس اليوم اللي نزّلوا الجيش .. رحت الساعه 10 تقريبا بركنت على الجسر... قعدت فوق شوي بعدين نزلت تحت مو داخل يعني بس وقفت على الشسمه "الزحلاقه" بس يوم چفت لافتات (الشعب يريد اسقاط النظام)) و لافتة ((خليفو مادري شنو )) و مثل هاللافتات واااايد واااايد .. وكان و فيها كلمات صراحه و تعابير ما تليق ان اي احد يقراها ف شلت شلايلي و رجعت .. وقلت اللي عنده مطالب ما يطالب فيها بهالطريقه .. كلنه عندنه مطالب بس اسقاط النظام و الحكومه شله ؟؟ احنه نبي تعديلات و لو طلبناهه كلنه و ماوافقوا عليها ذيچ الحزه يصير خير..اكيد الناس بتطالب بإسقاط الحكومه و لو اهمه طالبوا بطلبات معينه بدون اسقاط النظام چان كلنه راح نكون صف واحد .. بس هاي الشي اللي نفـّـر اكثرية السنـّـه و بالتالي للاسف انقسمنه . فنكوش في ناس تفكر فيها بتعنتـر و عبالهم اقويه و عبالهم فرد عضلات و في ناس تفكر فيها بسطحيه و ماتحط اسوأ الاحتمالات .. بس انه اقول اول شي .. احنه مسلمين الدول اللي برع تچوفنه نتذابح شيقولون ؟؟؟ و احنه مسوين روحنه كلش و شادين الظهر و نقول اسلام و اسلام و احنه مسلمين و احنه نمشي على السيره و .....الخ احسهم يقولون الحمدلله و الشكر اذا اهمه مسلمين و طايحين في بعضهم البعض و غير چذي بدال مانكون كلنه يد وحده و نجابل فلسطين و نحارب اليهود قاعدين نتهاوش ؟!!!! و الاهم من جذي كلامي لا يعني اني ملاك ولا اقول ان ماعندي فرق بين سنه و شيعه .. كلمه قلتها العام و اقولها احين .. عندي فرق بس هالفرق خاص فيني و متعلق في امور الزواج لا اكثر و تعاملي معاهم من احسن مايكون .. انه اعامل الشخص على حسب احترامه .. لكن وقت اللي مصالحنه تكون وحده و خارجه عن الامور الشخصيه ف لااااا انه ماعندي فرق ويدي في يدهم تفرقنه في دولتنه يعني ضعفنه جدام الدول الثانيه .. لو كلنه نطالب باللي نبيه بطريقه معينه و تدش العقل چان احنه بخير .. والله الدنيا ماتسوى ان نتذابح مادري تره الوضع ما يسر .. والله عيب .. تره مافي شي يدوم و الحكم مو شرط يدوم حق آل خليفه .. و لو خذ الحكم أحد غيرهم و نفرض لو الشيعه خذوا الحكم .. تتوقع عقب هالمذبحه شلون بتكون معاملتهم للسنـّـه ؟؟ و شلون قلوبهم بتكون ؟؟ و نفرض ان خذ الحكم ناس سنـّـه بس غير آل خليفه .. شلون بيكونون ؟ و عقب هالحزازيات شلون بنقدر نتعامل مع بعض ؟؟ و لو حاليا ظلوا آل خليفه .. تره القلوب لازم تتصافه .. كلنه عايشين في ديره وحده و هالديره كلها شبر في شبر .. يعني الناس فوق بعضها و غصبا علينه لازم نتعايش بقلوب صافيه عشان المركب يمشي و يوصل لي مرسى . و يعطيكم العافيه و سوالف السياسه انه ماحبها وايد بس والله العظيم تره قلبي يعورني على المسلمين

تــــــم فنكوش ورا عبالك السالفه خراطه و بعدين من قال انهم راح يروحون الدوّار ؟! اصلا عيب عليهم لو راحوا الدوّار .. انت ليش متخيل ان السالفه تحدّي او معاند !! اتخيل ان هاي مابيكون تصرف عقلاني مو عشان مشاكل او شي .. بس كل واحد له حريه يطلع مسيره باللي يبيه .. بعد التعدي على الناس شله ؟ و على فكره تره امس كان في 4 اشخاص يمشون وسط السيايير و شايلين لافتات ماقدرت اقره الا وحده منهم .. واحد كاتب بما معنى ((ان احنه متيعمين في مكان واحد و مو مسوين زحمه في شوارع حيويه مثل هاذي)) <<< و اتوقع ان هالشخص طلع صاحي و محد سوا له اي شي بالرغم ان داش وسط السنـّـه تره احنه مب همج و مااا اتخيل ان اي واحد من اللي كانوا موجودين في الفاتح امس .. كان شايل معاه حتى سچينه فواكه عشان يدافع عن نفسه لو صار ماصار . يعني كانت سلميه 100% و مافيها اي نوايا سيئه ولا حتى افتراض للفوضى

اهلين فنكوش من زمان ما چفتك B) المهم على فكرة تره اهمه مو بس يقصدون العدد اللي كان داخل المسيد .. في ناس كانت برع .. و في ناس على شارع الفاتح نفسه واقفين و في ناس بالسيارات واقفين و في ناس دور مادور المسيد من برع كللله .. يعني هاي الملاعب اللي انت حاط صورها .. هاي المقصود فيها عدد المقاعد يتسع حق هالكثر اشخاص .. و مااتخيل ان ممكن اي شخص يجوف المباراه وقـّـافي من برع الاستاد!! يعني عدد المقاعد هالكثر مو عدد الناس اللي ممكن تتواجد دور مادور الاستاد !! تدري ان انه طالعه من البيت الساعه 7 و خذ لي ساعه و نص من الحجيات لي نهايه جسر ستره يعني 8 و نص وصلت نهاية الجسر .. و ساعتين كاملتين من 8 و نص لي 10 و ونص و زود .. واقفه في السيد على اشارة الجفير اللي قبل اشارة الفاتح .. للاسف ماقدرت اوصل هناك هديت السياره عند اخوي و امي و رحت مشي لي بيت خالتي عند نهاية المسيد الفاتح صوب البحر .. و امي و و اخوي تموا لي 11 و نص في السيد اللي انه هديتهم عنده .. و بعد ماقدروا يوصلون لي بيت خالي .. هدوا السياره عند البراحه اللي صوب (مطعم فرايديز) و ياو مشي .. انحكرنا كلنه في بيت خالتي لي الساعه 1 إلا شوي و عقب قدرنه نطلع بدون زحمه .. صراحه بدون مبالغه .. انه عمري ماچفت زحمه چذي لا في عيد وطني ولا في اي مناسبه غير .. الناس كانت توقف سياراتها عند مركز ام الحصم و عند محطة البترول اللي عند الــ (دي اچ ال) و تنزل مشي .. و غير الناس اللي چفناهم يمشون من صوب النفق مال ستره و اللي انه مب عارفه هاذلين من وين يايين و وين موقفين سيياييرهم اصلا عشان يمشون كل هالمسافه !!! انه ماعرف اقدّر العدد چم كان .. بس صج صج واااايد ناس .. ماعرف اذا يوصلون هالعدد اللي قالوا عنه او لاء بس تره صج كانوا وايد .. كلش ماتخيلت ان هالكثر ناس تروح و تره كان في بعض الناس مال مظاهرات الدوّار و شايلين لافتتاكم و يمشون وسط السيايير .. اذا تعرف احد منهم سأله شلون كان العدد و شلون كانت الحركه مشلوله هناك و هو بيقولك

ماله داعي تصرحين عن الموضوع لان ندري انچ مشغوله في موضوع خطبه المهم الجو فن بس يشكـّـل مره برد و مره حــــر .. مره هوه و مره رطوبـــه رحت البر مره وحده .. بس من وجهة نظري ان البر صاير سخيف شدعوه !! ذالينه ذلللل على هالبر .. اولها صكوا صوب الـرنوي .. و شوي شوي مصغرين المساحه .. فصلوا و خلوا الشباب بروحهم و العائلات بروحهم و قلنه معليه بلعناهه يمكن في عايلات ماتحب تخيم وسط المعمعه .. بس هالقوانين الي مالها معنى شله ؟؟ وااااايد امصخينها الا ما يصير الشباب يقعدون دور مادور الحريجه عقب الساعه مادري جم الا اذا كانوا الشباب يايين مع اهلهم و اهلهم مشوا ما ينفع ان يتمون و لازم يمشون غصبا عليهم الا تعال سجل انك بتخيم الا تعال ادفع مادري چم ! الا الحفلات و الجلسات ممنوعه و الاغاني بصوت عالي ممنوعه! غير هالدوريات العلل اللي ملوعين چبد العالم شهالمذله !!! اللي يسمع يقول احين بر 7 نجوم قبل شحلاتنه .. انصب لك خيمه في المكان اللي يعجبك و اقعد كثر ما تبي و سو اللي تبيه ،، لكن اذا ما يدخلون عصهم في كل شي ما يهدا لهم بال بعد هاللف و الدوران شله قولوا تبون الارض و خلاص ، قولوا تبون تحاولون تكنسلون التخييم بالمره و خلاص بعد هالكيري ميري شله

اي وي اي وي اي وي بيييييييي اسحاقي ذكرتيني في هالحركه كنت اسويها ككككككك يزعم فن احين اللي يسويها مافوقه فوق و بعد كان في اكتب لك بالرصاص لمادري شنو و المحبه والاخلاص و في شي بعد بس ماذكره عدل .. السالفه فيها ثوم و ام كلثوم و انا احبك ولا تنسيني و تذكريني .. و كنه نسوي صفحه على صوب نكتب فيها افضل ممثل و افضل صديقه و افضل لعبه و ...... و بعد على ايام الاعدادي كان في بعض البنات المخرطيه اللي يزعم تحب ولد جيرانهم و اللي تحب ولد عمها .. تروح تحط لج حرفه على كبر الصفحه و بعد في حركه .. ان تكتبين شي على طرف الصفحه و تچفسين الورقه و تكتبين افتح هنا كككككككككك <<< الچحله تقولين عصير اوال عاد اكره شي لما تصير آخر السنه و انتي تبين تلحقين على كل البنات و تعطينهم يكتبون لچ و تروحين تعطين وحده و تطلع علللله .. تاخذه و ماترجعه الا بالزور المشكله انه في الشغل .. لو في البيت چان رحت بطلت دفاتري و طلعت لچ الحركات الخشنه

ما اشتهي اتحجه عن اي حيوان لان فعلا اكرههم و اذا اتعمق في الكلام عنهم اعصصب واااايد و انه بصراحه مابي اعصب و اعوّر اعصابي و ابهدل صحتي علشان شوية حيوانات خمممممه لا راحت ولا يات و القهر انهم عديمين فايده و منحطـّـين اخلاقيا و فكريا و معنويا و تره عصـّـبت انزين

ماحب العروس ولا احب التجهيز لها و العروس اللي اضطريت اروحها تنعد على الاصابع و عموما انه من النوع اللي ماحب اكلـّـف على روحي في اللبس او الشكل و آخر عرس رحته كان عرس رفيجتي چنه كان ممممممممم يمكن قبل 3 سنوات و بالزور بعد و بالدز

عقره بمعنى العقره اللي نعرفها .. يعني مثلا ويييي طالع هاذي شسوت .. وي اكرهها .. وعي صج سخيفه و هالسوالف <<<<ماحب هلون بس الطنازه بل بل بل تعالي عندي في سوالف الطنازه .. والله مب زين چذي وايد هالطبع خايس فيني وايد احاول اني اغيره و طبعا احين خفـّـيت وايد ابي اغير من روحي بس صارت عندي هوايه ماقدر اسكت و خصوصا اذا خواني الصغار معاي طبعا مادري اذا احد قط جافني او سمعني و انه اطنز عليه .. بس مره كنت اعلق على واحد يتمشه و سمعتني بنيه كانت قاعده في الطاوله اللي يمنه خخخخخ بس قعدت تضحك الظاهر عجبتها السالفه اقولچ اذا اروح اي مكان و خصوصا المجمعات اف اف اف اخذي القصص عاد .. نروح الفود كورت و نقعد قعده .. و نعلق بينه و بين بعض على الرايح و الياي .. (شعورهم ، لبسهم ، من اللي حاسه روحها حلوه ، من اللي مكلفه على روحها في اللبس ، من اللي ياي ب ويك ، من اللي قاصه على بيتهم و يايه تغازل ، شنو سيارة ذي و شنو سياره ذاك و ... و .... ) و طبعا هاي غير القصص اللي نحطها حق كل واحد .. هاذي احس انها متحطمه في حياتها هاذي احس ان رفيجته توها هادته هاذي احس انها متهاوشه مع زوجها هاذي متوهق في مرته و ......... و .........

شوي منهم في الشغل و شوي منهم في "بريف كيس" >>> شنطه سامسونايت على قولتهم و شوي في الكبت

خاطري امثـّـل تصدقين B) بس حاليا مافي بالي شخص معين ابي امثل دوره فعليا خاطري امثل دور روحي يعني امثل شخصيتي الواقعيه و ازيد و انقص منها شوي يعني ابي امثل دور (آنه) مع بعض الزيادات و التعديلات .. تره صدقيني بيطلع الدور بيرفيـكتو .. باسوي فوضه يعني

انزيــن يعني مادري چذاب ماصدّق كلش لاء چفت وي

حشوم يالحزره .. الاحظ اني اذا اختفي ما ترجعني الا مواضيعج يعني احب ارد على مواضيعج البايخه اللي مثلج ممممممم انه ما تابعت المسلسل عدل عدل .. بس ف اشيه عجبتني و حطيتها في بالي .. مثلا : خططت ان اخلي علاقتي بچنايني مستقبلا مثل علاقة سعاد عبدالله بچناينها و خططت ان تكون فيه زواره اساسيه في يوم من ايام الاسبوع <<<< هالشي ماحبه حاليا و لا موجود عندنه ف من چذي ماحبه لان ماعودوني عليه و هاي غلط طبعا و عجبتني كلمة سعاد عبدالله في الحلقات الاخيره لما قالت : اللي بيخون يخون احين و اللي بيطلق يطلق احين .. لا تعاشرونهم 40 سنه و عقب تتركونهم .....الخ <<< وايد هالجمله ترن في بالي و عجبتني الواقعيه اللي في عز لما تزوج البنيه المعوقه .. لما قال صعب اني اعيش معاها لانها ماتقدر تسوي ابسط الامور بنفسها و ....الخ و عجبتني البنيه اللي متزوجه الملا لما طلعت بدون حجاب و بعدين رجعت و قالت لزوجها .. ما استحيت منك بس استحيت من ربي و طبعا تعلمت چم شي من خلال علاقات البنات بأزواجهم .. اللي ماتدري عنه .. و اللي هاده عيالها و تراكض وره الرياييل .. و اللي طيبه و هادئه زياده عن اللزوم و اللي ماتهتم بنفسها و ..... و ....... اعتقد في اشيه بعد .. بس حاليا هاي اللي فبالي

قبل كنت هلون .. من اسمع صوت وحده ناعم و حلو اتخيل ان شكلها حلو .. بس كله انصدم الصوت حلو بس الويه نعال <<< اقول يمكن الوحده تعوّض عن شكلها بتنعيم صوتها و عن صوتي .. مممممم انه احسه خشن بس الناس يقولون عادي .. و مؤخرا اكتشفت ان مو صوتي الخشن .. اكتشفت ان صوتي عادي .. بس طريقة كلامي خشنه يعني ما اتدلع ولا اضغط على روحي في الحجي مثل اكثر البنات .. تلاقينهم يتعصرون او يطلعون الحروف بمياعه .. مثل حرف الـتــــاء <<< يزيدونه هوه شوي او حرف الراء <<< يعوون لسانهم يزعم فــن او حرف السين <<< يتستسون فيه و حرف الهاء <<< يتينعمون لما يقولونه عموما لهجة البحرين صايره بو عقـّـوف شوي على قولتهم مووووبي ، اقلوووب وااااايهوووك لووو آعطيييك كااااف يعني ما ينفع فيها دلع و تصنـّـع ف اغلب اللي يتدلعون يبين ان دلعهم مصطنع .. الا القليييل منهم اللي الدلع منهم و فيهم و طايح عليهم

عن نفسي كلش لاء .. مافي امل يعني .. اوكي اتابع مواضيعه إي .. اتابع ردوده يمكن .. اسلوبه في الاقناع حلو اوكي ،، لكن احبه بمعنى الحب ؟!!!!! ولا على قولتج افقد مشاعري و يخترق هالشخص داخلي !!!!!! كلش لاء عشنه في المنتديات لين قلنه بس .. و جفنا ناس شغلتهم كوبي على مواضيع الناس الثانيه و جفنا ناس تسوي كوبي حتى في ردودها ! و جفنا ناس تكتب كلام مخالف لرايها و جفنا ناس عمدا يحطون آراء مثاليه علشان يجذبون الانتباه و جفنا و جفنا .. و اصلا حتى لو كان الشخص فعلا اهو اللي يكتب و فعلا يكتب آراء تمثل آرائه و اسلوبه عن جد حلو .. بس معقوله راح احبه عشان هالاسباب بس ؟؟ ليكون باعيش معاه على اسلوب كتابه ؟؟ و لاليكون آرائه راح تضمن لي ان اعيش معاه حياه زوجيه سعيده و مستقره ؟؟ في اشيه اهم بوااايد من اسلوب الكتابه و الطرح .. هاي حب يعني مشروح زواج مب تضيعة وقت ما اتخيل نفسي في يوم من الايام بافكر بهالطريقه السطحيه

شدعوه ! اصلا لو انه مكانها .. والله العظيم ان انه اللي باستانس اني عرفت طريقة تفكيره من وقت .. و راح تكون عندي ابركها من ساعه .. شهالتفكير ؟؟ قبل كل شي في شي اسمه تفهـّـم و في شي اسمه تفاهم .. التفـّـهم هو شرط اساسي لازم كل بنت تدوّر عليه في شريك حياتها .. لازم الطرف الثاني يكون متفهم لمثل هالامور و غيرها من الامور اللي تقبل النقاش .. يكون ياخذ و يعطي و يجوف شلون كانت نوع علاقتها بالناس اللي في المنتده ؟ شنو نوعية مواضيعها و ردودها ؟ و بعدين يحكم .. لكن هالشخص اللي حطيتي لنه في المثال ف هاي شخص متحجر و متخلف .. شفيها لي ردت على فلان و لا شكرت فلان ؟؟ و شيصير اذا كانت كاتبه شي يستحق المدح و الثناء ؟؟ بالعكس ان دل على شي ف بيدل على ثقافتها و اسلوبها الراقي <<<< طبعا انه اقصد قبل الزواج اما اذا كانت سوالفها فاضيه ف بعد ماجوف من الداعي ان يحكم عليها انها راح تكون طول عمرها جذي .. المفروض يعاشرها فتره معينه و هي فتره الخطوبه و بعدين يحكم عليها اذا ما تغيرت .. وبعد هو يقدر يصبر و يغيرها اذا كانت متقبله انها تتغير و اذا كان هالشي الوحيد اللي يعيبها .. عيل شله سووا فتره الخطوبه ؟؟ يغيرها و يفهمها ان رافض هالاشيه بعد الزواج و انتهت السالفه و بعدين في ناس وااااايد يحكمون على اي شي ما استخدموه ان اهو غلط و بايخ و ماله معنى و يحكمون على اللي يستخدمه ان اهو ارتكب ذنب فضيع .. الظاهر ان الاخ عمره مادش منتديات و الظاهر ان مايعرف شنو يعني انترنت !! وبالعكس اذا الواحد احسن استخدام النت ف راح يطلع من هالعالم بفايده كبيره .. لان النت مو بس حق المسنجر و الضحك و التعارف بين الجنسين ! بني آدم خطـّـاء و كل انسان معرض للخطأ .. احنه بشر انخلقنه معرضين للاخطاء .. و كل الناس تقريبا لابد ان تمر في حياتهم لحظه او فتره معينه من العمر يتصرفون فيها بطيش .. و التصرفات الطايشه تختلف بين شخص و شخص .. في اشيه تنبلع و نتايجها ما تكون سلبيه ف بالتالي ممكن التغاضي عنها و في اشيه صعب التسامح فيها

لا حول ولا قوة الا بالله آيه عليها نورو .. ربي يشفيها و يقومها بالسلامه

من وجهة نظري آفضـّل ان الريال يكون اكبر من المره على الاقل بـ4 سنوات و خصوصا اذا كانوا اثنينهم صغار يعني مثلا في العشرينات .. كلش كلش ما افضل ان البنيه تكون اكبر من زوجها و لا افضل انهم يكونون قد بعض و لا افضل ان الفرق بينهم يكون قليل .. يعني لو كان الفرق اكثر من 4 سنوات يكون وايد افضل اما اذا كان الاثنين كبار ف ما اعتقد ان في مشكله لان الوضع مختلف .. يعني مثلا ان الريال يكون 33 و المره تكون 35 او شي جذي يعني

وي مادري شلون باحس روحي مره .. مااااااابي !! شنو أم مادري من !!؟؟ مابي .. آبي ينادوني باسمي

مللني المنتده كل شوي يفصل يصير عندي ساين آوت و اصير زائره ويقولي سجلي دخول !! يصير عندكم چذي ؟؟ بخصوص الموضوع : انه باطلع عن الموضوع شويونه او بالاحرى باتشعّـب فيه .. بس لان امس كنت افكر في لهجتنه قاعده اقول احنه شله هلون اغبيه و معقـّدين !! اول شي كلامنه مكس في مكس .. كلمه هنديه ، كلمه فارسيه ، كلمه تركيه و .....الخ و طبعا هذا غير الكلام اللي ماله اصل مثل ما قلتي (يعني ماله اي فعل او اسم مشتقين منه هالكلمه) و غير الجيم و الياء .. مره نلفظ الجيم جيم و مره نلفضها ياء : جدّام ، جرس ، جسم ، جاسم ، جوهره و مره ياء : يـيل = جبل ، يوهر = جوهر ، ينّـي = جنـّـي ، يابر = جابر ،يفره = حفره << اموت و اعرف يفره شنو ؟ و طبعا هاي غير القاف و الـقـَ << ماعرف شلون تنكتب .. المهم مرات نلفظها قاف و مرات قـَـ و مرات جيم بعد !!! نقول قميص ، قصيده ، قاموس ، قمص ، قوس بس مرات نقول : قـَـلم ، قــَـلب ، قـَـفص ، قــصير ، قـَـصر و مرات نقولها جيم : جابل ، جبله ... في چم كلمه بعد بس ماتذكرهم احين و الكاف ساعات نقولها كاف عاديه و ساعات نقولها چـه : كيلو ، كبينه ، كون ، كوع و مرات چـ : چم ، چبريت ، مچفـّـس ، چـنّـه و اللي يقهر ان كأنه نقولها عادي بالكاف بس لين نقول چنه نقولها چنه ... مثال : چني بايي معاكم ، كأن الجو حلو اليوم !! الحمدلله و الشكر تره مادري شلون حالتنه صعبه .. صراحه اللي يتعلم لهجتنه يستحق شهاده تقدير من الامم المتحده عندي ربع من الشام و يزعم ابي اعلمهم لهجتنه .. صراحه وايد يبهدلوني .. يقولون لي انزين متي تقولون حق الجيم جيم و متى تقولون لها ياء ؟ اقولهم والله مادري اهو يعني احنه ماعندنه قواعد نشمي عليها بس بالفطره چذي خخخخخ اللي عليكم انكم تحفظون و هذا غير الكلمات اللي مالها اصل مثل ما قلتي في موضوعچ .. يسألوني من شنو مشتقه هالكلمه وشنو اصلها .. اقولهم شدراني اهي چذي بس

في وايد اسباب بس السبب الاهم و اللي يشتركون فيه اكثرية الطلاب اهو قومة الصبح و السبب الثاني ان في سن المدرسه بالذات الواحد يكون عنده نشاط زايد بس عاد هالنشاط يكون خاص باللعب و الهياته و السهر و التلفزيون و النت و الضحك و المدرسه و الدراسه يعارضون هالامور الترفيهيه كلها .. ف الواحد يحس ان مغصوب عليها و شي طبيعي لما الواحد ينغصب على شي يكره ان يسويه و بس هاي اهو السبب باختصار

وييي لاعبين في حسبة الياهل و اهو خبر خير ،، العن قفده شهالرقاد الثقيل هاي شكله ميـّـت مب راقد !! بس فن والله يونسون الصور اخاف الا يطلع الياهل لعبه مب صجي خو كل شي يسوون ذلين يعطيج العافيه

طبعا اتذكرك و ما كنت اتناقش معاك لانك وااااايد تلف و تدور كالعاده .. لكن بنت الحداده عانت معاك مسكينه اقولك نقاش في المنتده .. تقولي الرد ما يعتبر سوالف ،، و شكرا على الموضوع ما يعتبر سوالف !! احين من ياب طاري شكرا على الموضوع .. و غير جذي الشخص اللي ماعنده سالفه غير شكرا على الموضوع هاي بعد تعتبره آدمي ؟؟ بصراحه انه اعتبره رجل آلي .. متعب روحه و مشترك في المنتديات عشان يحط لي شكرا ؟!!!! عيل وين رايك ؟ وين شخصيتك ؟ انه قلت نقاش و في بعد غير النقاش و اللي هني صاير عندنه في اكثر الاقسام .. في شي اسمه دردشه يدشونه الاعضاء و يسولفون فيه و في شي اسمه مواضيع خفيفه تلاقي منها في الديوانيه : يعني مثلا واحد يحط سؤال : شنو احله مطعم اكلت منه ؟ اتييك وحده تقول : مطعم برير مثلا . اييك اهو يرد و يقول : ممممم برير ؟ في وين ذي ؟ اتييك اهي تقول : في جد علي . اهو : وين جد علي ماعرفها انه مال المحرق ؟ اهي : مممم في مدينه عيسى في شارع حيوي اسمه جد علي و كله مطاعم نفس الكازينو جذي .. صاير عند رامز و السوق الايراني تقريبا .. بس ماعرف ادلي اكثر اسأل اي احد يمكن يساعدك .. و المطعم طبعا اكلهم كله حلو. اهو : اها اوكي ثانكس باجربه و بنجوف هالقصه طبعا تعتبر سالفه بدون شك ، بس ولا واحد من الطرفين قلل احترام الثاني .. و على فكره هالكلام اللي صاير بيني و بينك احين بعد هاي سوالف خلقها النقاش اللي كان بيننه انه تعمدت احط محادثه عاديه بين اثنين .. مافيها اي شي ضروري .. لان يمكن حضرتك تقولي اهي مب مجبوره ترد عليه و سالفتهم مالها فايده .. ف باقولك يا اخوي .. من الاساس اثنينهم مالهم معنى يشتركون في منتديات مختلطه اذا اهمه ما يبون يحتكون في بعض .. في واااايد منتديات تفصل بين الجنسين و بعد في منتديات تكون للبنات بس او للشباب بس .. ف الافضل انك تروح تشترك في واحد منهم و تفك روحك من هالسالفه كلها شكرا على النقاش ، اتمنه اجوف آرائك في مواضيع ثانيه ولو انها آراء معقّـده تخلو من التفهـّـم ع الاغلب بس عموما فرصه سعيده