كيوته-87

1:ماهي اكبر غلطه ارتكبتها بحياتك ؟؟؟؟؟؟؟؟؟ يوم اني عزيت بنت اختي اكثر من روحي..وحبيتها عدل واعتبرتها كل شي بنسبه لي..احفظ اسرارها..ومن صغرناا واحنا مع بعض.. وفي كل شي نتشابه حتى في الشكل كل الي يشوفنا عباله خوات توم... في للاسف طعنتني في ظهري..حاولت تاخذ مني زوجي بس ماقدرت حاولت ادمر بيتي وتخربه بس ماقدرت.. 2:وهل يوم من الايام ندمت عليها ولماذا ؟؟؟؟؟؟؟ اي..لانها ماتستاهل كل الي سويته علشانها.. 3:وهل استطعت ان تصلح مايمكن اصلاحه؟؟؟؟؟؟؟؟؟ لا ولا افكر بعد.. 4:كيف قدرت تبعد الذكرى عنك في حالة انك اكتشفت الشيء اللي ندمت علية ؟؟؟؟؟ انه كل يوم وكل لحظه اذكر كل شي بيناا..شلون كنا احلى ثنتين..بس انه قاعده احاول انسى لان الدنيا ماتسوى..

انه عندي ريلي .. الله يسلمكم صار لنا سنتين الله مارزقنا بعيال.. قلنا بنروح نسوي فحوصات رحنا المركز الصحي الي في قريتنا.. وقالو الريال لازم السلمانيه بس الزوجه هني..سويت انه فحوصات وطلعت اوكي.. وريلي اخذ موعد حق السلمانيه ورحنا واخذو منه الي يبونه وسوو له فحص وقالو له ان اهوه عنده.. الحيوانات المنويه قليله وجذي يعني قلنا شلحل قالو تعال عقب 6 شهور علشان نشوف شنسوي.. قلناا هااااااااا ليش عاد عقب 6 شهور بتشوفون شتسون عيل اذا عرفتو عقب جم بتعالجونه..؟ قالو هذي القوانين..قلت حق ريلي خل نروح خاص بعد شنسوي..ورحنا وطلع عنده دوالي .. وكان الدكتور يعرف واحد في هالتخصص يعني .. ورحنا له في عيادته وقال العمليه 500 دينار وفتح الفايل ب 20 دينار واخذ الفحوصات ب 30 دينار والنتيجه لما تطلع مال الفحوصات ب 40 دينار..قلنا يالله مو مشكله..وقال حق ريلي اي يوم تبي يناسبك حق العمليه قاله في هاليوم..بعدين ريلي يقوله هني في عيادتك بتسوي العمليه لان اهوه الدكتور قال العمليه مدتها 10 دقايق وبسيطه ومابيترقد عقبها..بس الدكتور يقول لا في السلمانيه..بس ريلي مايبي هناك لان يعرف هناك شيسون في الواحد..بس رضى بعدين,,سوى العمليه 3 ساعات وترقد يومين.. الي ابي اقوله ان..اذا رحناا السلمانيه عقب قرن يعطونا موعد حق عمليه,,.واهمه الدكاتره فاتحين لهم عيادات وياخذون همجه ويعالجون في السلمانيه.. هذي اكبر واسطه يعني بالفلوس الحين اسوونك عمليه بس ببلاش انطر لين ماتموت بعدين تعال.. .... وانه مره رحت ياخذون مني دم ... طلعو روحو..انه اول مره اشوف ممرضه اذا بتاخذ دم مااشوف العرق في وين على طول دخلت الابره وقعدت تفر في الابره علشان ادور عرق .. يه شنو ماعندي احساس انه مايعورني.. ولا مفتكره اهيه بس تبي تخلص شغلها وقاعده سوالف وضحك مع الممرضات الباقي .. وبعدين ماحصلت عرق شالت الابره وتبي تحط غيرها..تقولي مافيج عرق قلت لها انزين ذبحتيني مب جذي دوري العرق بعدين حطي الابره .. تقولي روحي قعدي بعدين تعالي الساعه عشر..لان المفروض تاخذ مني دم الساعه 7 واذا طاف الموعد تاخذه الساعه 10 يعني اقعد انطر 3 ساعات مادري 4 علشان حضرتها ماتعرف تشيل دم.. والله حاله بس يالله.. الله يعينااا ويساعدناا على هالمستشفيات.. مشكور اخوي ع الموضوع..

بللل قصتج تعور القلب ما اظن احد بيتوقع هالسيناريو ان راح يصير لج !!! الله كريم يااخوي.. والدنيا عداره ومحد له امان..ومحد يقدر يثق في احد في هالزمن.. والله يحمينا انشاءالله من بلاوي هالزمن..

وانت ايتها المرأة ماذا ستكون ردة فعلك ؟؟ اقبل اكيد.. ماتهون علي العشره..مااقدر اترك ريلي علشان ياهل.. صح كل وحده تتمنى يكون عندها عيال بس انه اذا كان زوجي الي ماينجب مستحيل اخليه.. [[وانه حاليا" ريلي مااييب عيال وهوه يتعالج وانه ماخليته وصبرت وتميت معاه]] وقلت له اذا لعيال مااييوني منك ماابيهم من غيرك..

هذي على حسب الزوجه..والولد نفسه.. يعني اذا كانت زوجته دائما" تذكره باهله وبصله الرحم مابينساهم واذا كان اهوه عارف شلون يوفق بين اهله وزوجته وعارف ان الزوجه لها مكان والاهل لهم مكان وكل منهم له حق.. فيه بعض الزوجات يشجعون الولد على انه مايزور اهله ومايحبون هالشي.. بس بعض الزوجات دائما" يذكرونه ومايخلونه ينسى ان له اهل من حقهم يشوفونه ويطمنون عليه.. .. يسلمو مجرم ع الموضوه الحلو..

شي طبيعي يسبب المشاكل.. الزوجه قد ماتقدر لازم تتقرب من زوجها وماتبتعد عنه مهما كان..شلون بعد اثناء النوم.. هاي اهم شي لازم ماتخليه بروحه ينام وتعوده على هالشي لان اهوه بعدين بصير عنده عادي المفروض الزوجين الي يحبون بعض عدل مايبتعدون عن بعض حتى في الفراش وهوه اهم شي.. يسلموووو مجرم..

تسلمين اختي..صح انه غلطانه لاني وثقت فيها.. وانه تعلمت اني مااكون طيبه وعلى نياتي وكل الناس يكسرون خاطري واحبهم.. بس صج انه للحين منصدمه لان مب احد غريب الي طعني .. الي كنت معتبرتها اعز من اخت كل شي بنسبه لي بس للاسف طعنتني في ظهري..والله يسامحها.. ..وانه ولا عمري في حياتي قعدت اتكلم مع زوجي عن احد لا ربعي ولا غيرهم حتى هاي بنت اختي بس اهوه شافني شلون احبها واعزها وعتبرها اخت مثلي بس اهيه عذاره.. اي والله صدقتي اختي.. اهيه ماكنت بس من دمي ولحمي كانت كل شي بس الحين ولا شي.. وانه الي ذبحني اكثر.. ان اهيه لما اتصلت فيني تقولي .. قولي حق ريلج اذا تشك فيني ودني بيت ابوي وماابيك قلت لها هذا ريلي ومالي غيره واذا يبيني احلف له على قران بحالف بس لازم يعرف اني مظلومه.. وراحت اتصلت حق ريلي تقوله .. خالتي تقول اذا انت تشك فيها ماتبيك واهيه لازم تبي تتطلق علشان الي تكلمه ياخذها..بس تبي الشي ايي منك.. والله مت انه لما قالي زوجي بنت اختي قالت له هالكلام..قلت شنو هذي ليش عاد ماعمري ضريتها ليش تسوي فيني جذي حرام عليها.. بس الحمدلله .. بانت الحقيقه.. الحمدلله يااختي..الله ماينسى حق المظلوم وانه يتيمه وحقي مابضيع عند ربي.. وانه مثلج اكره شي عندي الخيانه والغدر .. وهذي هي الدنيا علمناا منها شلون ماينوثق في احد لا قريب ولا بعيد ولا اخ ولا صديق.. ومثل ما قال حامد زيد.. أثر المصايب ماتجيك الا من الناس القراب .. وبـهالزمن حتى الصديق الي تثق فيه احذر..

يبتيها ع الجرح يااختي... انه بنت اختي كل شي بنسبه لي احبها حب مبطبيعي واهيه مثل الشي انه عمري21 واهيه16 واااااااايد احبها تزوجت انه بس مانسيتها وحبي لها ماتغير بس من كم يوم .. تم زوجي يتصل فيها واهوه يعرفني شكثر احبها وقالي يعتبرها مثل اخته واهيه مثل الشي وتم يتصل فيها اذا راح الشغل يمزح وياها ومن هالكلام وبعدها انه كنت حاسه بصير شي وماكنت راضيه يتصل فيها بس ماحبيت اقوله علشان مايفكر في كلامي شك او شي وبعدين ياتني الصاعقه... اتصل لي ريلي واهوه في الشغل يقولي شيلي ثيابج وروحي بيت ابوج.. لي شصاير شفيك شسويت انه يقولي انتي خنتيني وتعرفين واحد وكل مالتروحين بيت ابوج تتواعدين معاه وتشوفينه وصار لج معاه سنتين قلت له شنو ومن قال لك هالكلام انه مستحيل اسويها قالي واحد اتصل فيه وقااله انه اكلمه واحبه ومن هالكلام انه قلت من الي بسوي فيني جدي انه ماعمري ضريت احد وبعدين اتصلت لي بنت اختي تقولي شفيج قلت لها مافيني شي تقول ريلج متصل فيني يقول لي خالتج عندها احد او قط مره سمعتيها تكلم واحد تقول قالت له لا تقولي من بسوي لج جدي قلتها ماادري انه تعبت والله بموت.. وبعد ماارجع من الشغل يقولي ليش للحين ماشلتي ثيابج..قلت له شنو اشيل ثيابي انه ماسويت شي وقالي اذا يبت لج وحده تقول قدامج انتي سويتي قلت له من ذي يقولي اعز وحده بنت اختج..قلت له شنو.. وبعدين عرفت منه ان بنت اختي طلعت علي كلام وقالت له انه جدي وجدي علشان تشوه صورتي جدامه وبينت له ان اهيه احسن وحده في العالم وقالت له انه احبك وابيك وبضحي علشان وبوقف في ويه كل الي مابيرضى انك تاخذني بس طلق خالتي او خلها تروح بيت ابوها.. وانه اقنعته ان انه اموت ولا اخونه .. وبعدين صدقني واقتنع لاني عمري مافكرت في هالشي حتى لو كان مقصر معاي.. وبنت اختي انه مااكلمها الحين ولا اهيه تكلمني ولما اختي الي هي امها لاحظت اسئلتها.. قالت لها لان ريل خالتي صاد خالتي تكلم واحد واهيه قطت كل السالفه علي وماتكلمني .. شفتو لي وين وصلت نذالتها.. وتميت تتصل حق ريلي بس مايرد عليها وللحين بس انه ماقدرت اتحمل وقلت حق اخوها كل شي صار..والحين مااتتصل.. بس شفتو لي وين وصلت حقاره هالناس هالايام..حتى الاخو والاخت نفسهم ماينوثق فيهم في هالزمن.. مشكوره اختي ع الموضوع الحلو..

مــافيه واحد يحب صج ويخون..

من ناحيه الشعر..مب كل واحد يناسبه فيه بعض الشباب حلو عليهم الاستشوار وغيره لكن مو يمصخونها.. ومن ناحيه البنطلونات السكني عادي وايد حلو..بس مب كل الاللوان تناسب الشباب.. يعني اسود ازرق بني هالالوان مالت الشباب.. ::كابوس بحريني:: يسلمووو عـ الموضوع الحلو.. دمتـ بــود..

1_هل القتل هو الحل للخيانة اذا حصلت لا سمح اللّة لا طبعا"..لازم فيه حل وسط اذا كلش يطلقها ولا يذبحها مب زين حرام.. 2_ماذنب الابناء بما فعلتة امهم وكيف ستكون نظرة المجتمع لهم ؟ شي اكيد مالهم ذنب..واهمه الضحيه في النهايه..والكل بينظر لهم نظره مب زينه.. ::متابعه شنوات الضياع:: تسلمين حبيبتي عـ الموضوع.. لاتحرميناا من مواضيعج الحلوه.. دمتـ بخير..

آنه صادني هالموقف بس.. رديت عليه اول مره قال غلطان ومره ثانيه مثل الشي.. بس لما مصخها عطيت الرقم اخوي وترصف معاه.. ومنها لا يتصل ولا شي..وآنه احس هاي احسن حل.. ::المجرم:: تسلم اخوي عـ الموضوع الحلو..