Ahmedy16

السلام عليكم .. تصحيح .. أسمه حسين العويناتي .. وأنا متأكد مليون بالمئة أنه حسين مو حسن .. اللي أعرفه عنه .. أنه ولد الضباط الكبير فيصل العويناتي .. وأنه من البلاد .. شاب خلوق .. ويتماز بروح الفكاهة على طول .. ويسوي جو للشباب .. يعني يطلعهم من حالة الهم اللي أهم فيه .. يساعد الكل بأي شي يقدر عليه .. طبعاً متزوج أهو .. وعنده على عيال .. على ماعتقد بنتين .. أو بس بنية مو متأكد من عياله .. طبعاً لاعب كورة قدم ممتاز لدرجة كبيرة .. واللي أعرفه عنه انه صديق الشيخ ناصر ولد الملك .. أي شي تبون تعرفون عنه أنا حاضر .. أي بقولكم شي بعد .. مسوي مسرحية مادري شنو أسمها هالمرة بعرضونه يمكن في العيد .. فيها مقطع أهو كاتبنه .. مقطع كوميدي .. والمقطع عبارة عن الممثل فوزي مخلنه يصير دكتور .. تحياتي .. Ahmedy16

السلام عليكم ورحمة الله وبركاته .. اللهم صلي على محمد وآل محمد وعلى صحبه أجمعين واللعن الدائم على أعدائهم إلى قيام يوم الدين . في مثل يقول .. كل كأس بالذي فيه ينضح وكلام كل شخص دليل على أخلاقه وعلى تربيته وتربية أبوه وأمه ليه .. وراح أبين لك أخلاق الشيعة شلون .. شوف الشاعر الشيعي شنو يقول : شيعة وما عدنا فرق لاشيعة ولا سنة ورحمة الله واسعة تشملهم وتشملنا واللى يحب المصطفى ويقول دينه منه يحمل سلاحه ويعتني للقدس لو للبوسنة يالله يابو لحية عجب لانسبك ولاتسبنا احمل سلاحك وانطلق هذا طريق الجنة خل عنك اولاد النبي وتربتنا ومشهدنا وجه إعلامك في سبيل الله مو للفتنة ما يوم للإسلام تغضب صهيون بالأقداس تلعب وانته تصيح المعضلة قبر النبي لاتقبله يا رافضي إياك تلثم ومثل ماقلت لك في البداية المثل المشهور كل كأس بالذي فيه ينضح .. تحياتي .. Ahmedy16

فرق بين السياسة والعقيدة يا أخ... مو معنى الي مايتفق مع سياسة نجاد يصير صهيوني!! الله فقط هو الذي يخرج من الدين ليس أنا أو أنت! السلام عليكم ورحمة الله وبركاته .. تحية طيبة وبعد ،، الأخ : سعودي ملكي أول شي أتمنى لو أخترت كلامك بطريقة مباشرة وبلا اللف والدوران .. الأخ اللي رديت عليه بـ أن الله هو الذي يخرج من الدين وليس انته وهو .. كان قصده واضح .. وقصده اللي يرفض كلام أحمدي نجاد الكلام اللي يتكلم عن أسرائيل وعن الظلم في فلسطين من قبل أسرائيل ومن أفعال أمريكا وسياستها فهو صهيوني .. وقصده وااااضح وضوح الشمس .. وأتمنى لو تكلمت بطريقة أوضح يا سعودي ملكي .. تحياتي لك .. وبعدين كلامك اللي تقوله عن السياسة مالها دخل في العقيدة راح أعطيك قصيدة وأفهم كلامها عدل : وطبعاً الكلام للكل مو بس لك الـحـيـاةُ كُـلُـهـا طائِـفـيـةٌ = والزمـانُ يـا عـلـي طائِفـيـةٌ مذهبيةٌ صريحة وسياسةٌ قبيحـة = عذبـوهـم إنـهُـم رافِـضـيـةٌ أُقتلـوهُـم إنـهُـم رافِـضـيـةٌ = أُقتلـوهُـم إنـهُـم رافِـضـيـةٌ هـذهِ عقائِـدٌ وأصلهـا مكـائِـدٌ = هذهِ مصائِدٌ مِن العُقـولِ الماكِـرة كي تموتَ ثورتي وكي تعيشَ أُمتي = كُلُهـا مُهانـةٌ وكُلهـا مُستعمـرة كي تموتَ شيعةٌ من سِـلاحِ سُنـةٌ = أو تمـوتُ سِنـةٌ هـذهِ مؤامـرة من يقول عترتي أو يقـول سُنتـي = عُترتـي وسُنتـي كُلهـا مُطهـرة آلُ بيـتِ المُصطفـى وحـدويـةٌ = والصحـابُ أُمــةٌ تضحـويـةٌ تـبـنـي لـلـحـقِ تـجـمُـع = لا تـسـنُــن لا تـشــيــع عُمـريـةُ الـهـوى حـيـدريـةٌ = عُمـريـةُ الـهـوى حـيـدريـةٌ أوليسَ ربُنا واحِداً وديننـا واحـداً = وشرعُـنـا أُخــوةٌ وعاطِـفـة فالجميـعُ أُمـةٌ شيعـةٌ وسِـنـةٌ = من تُرى فرقَنا ألفَ ألـفَ طائِفـة الدِمـاءُ تنـزِفُ والعـدوُ يعـزِفُ = وهَمُنا صحابـةٌ بالصـلاةِ كاتِفـة والنساءُ تُسلبُ والعـدو يضـرِبُ = وهَمكُم جماعةٌ عند القبورِ واقِفـة مالنا ومالكم ؟ بـل متـى نعـي ؟ = لكُـمُ تسـنُـنٌ لــي تشيـعـي فــرســول اللهِ واحِـــــد = وكِــتــابُ اللهِ واحِـــــد أُمـــةٌ أبـيــةٌ تضـحـويـةٌ = أُمـــةٌ أبـيــةٌ تضـحـويـةٌ أُمتي عقيدتي في الكتابِ وِحدتـي = عرفتُها عقيدةٌ مِن السمـاءِ مُنزلـة ذاكَ نصُ قولِهِ و اعتصموا بحبلـهِ = ولتكُن طوائِفٌ ولا تَكُـن مُنعَزِلـة مـا لَنـا وبِنـا والخـلافُ بيننـا = و كانَ كُلُ هَمِنا وأُمتـي مُزلزلـة لعبةٌ خبيثـةٌ كـي نعيـشُ فِرقـةً = إنها مـن العِـدى لُعبـةٌ ومهزلـة كـي نعيـشَ بينـنـا مُتفرقـيـن = والعِـدى مِـن خلفِنـا مُتوحديـن فلـنـكُـن يــــدا قــويــة = لا نـعـيــشِ الـهَـمـجـيـة وحــدويــةٌ ولا طـائِـفـيـةٌ = وحــدويــةٌ ولا طـائِـفـيـةٌ أُمتـي تكاتفـي لا نِـزاعٌ طائِفـي = وأنهضي على العِدى أُمةً موحـدة اصبِـري وصابـري وانهـضـي = وثابِري إنكِ مُحاطةٌ إنـكِ مُهـددة فلنكُن على المدى وِحدةً على العِدى = فالنِزاعُ المذهبي للجميـعِ مفسَـدة فالـخـلافُ دائـــبٌ بيـنـنـا = وغائبٌ إنهُ مكيدةٌ صحـوةٌ مُعقـدة لُعبةُ العـدوِ مِـن أجـلِ فِرقتـي = كي تموتَ فـي الخِلافـاتِ أُمتـي حِـنــكــةٌ وعـبـقـريــة = كــي نـعـيـش البـربـريـة أُمــةٌ ضعـيـفـةٌ جاهـلـيـةٌ = أُمــةٌ ضعـيـفـةٌ جاهـلـيـةٌ منذُ أن مات النبي والنِزاعُ مذهبي = والخِـلافُ واضِـحٌ بيننـا وقائِـمٌ نستبيـحُ بعضنـا ونسـبُ بعضنـا = والنِزاعُ فاضِـحٌ والخِـلافُ دائِـمٌ يا تُرى متى نعي ؟ أُمتي تجمعـي = فالشِقـاقُ قاتِـلُ والوِئـامُ راحِـمُ فلنكن بوعينـا ضـد مـن أهاننـا = شيعـةٌ وسِنـةٌ حربـةٌ وصـارمٌ وحــدةٌ وقـــوةٌ أحـمـديـةٌ = صـحـوةٌ وثــورةٌ أحـمـديـةٌ أُمــــــةٌ مـحـمــديــة = وِحـــــدةٌ لا طـائِـفـيــة عائشـيـةُ الـهـوى فاطِـمـيـةٌ = عائشـيـةُ الـهـوى فاطِـمـيـةٌ فليكُن ولائُنا وليكُن عزائُنـا هادِفـاً = لِوحـدةٍ حُــرةٍ بـيـن الأُمــم فلأُوالي حيـدراً ولتوالـي عُمـراً = والنبيُ واحدٌ والعـدوُ مـن ظلـم هـذهِ عقيدتـي صُغتهـا بِوحدتـي = والجميعُ أُمةٌ ليسَ ترضى بالصَنـم وِحدةٌ كرامةٌ حُرةٌ مُصانةٌ رحمـةٌ = وللعـدى قاذفـاتٌ مِــن حِـمـم قُدسنا غصيبةٌ هل علـى المـدى ؟ = فمتى نردُهـا مـن يـدِ العِـدى ؟ فلـتـكُـن لـلـكُـلِ غــايــة = ضِــدَ صهـيـون الـغِـوايـة غـايــةٌ أبـيــةٌ أحـمـديـةٌ = غـايــةٌ أبـيــةٌ أحـمـديـةٌ القصيدة مشهورة ومعروفة للشاعر الكبير .. واتوقع تعرفوه بدون ماقول أسمه .. واللي يبي أقول الأسم بقوله تحياتي .. Ahmedy16

السلام عليكم هذا أنتقام من الله أذا كان الكلام صحيح والبضاعه المحملة بالسفينة هي خمور الصراحة أنصدمت من الخبر لأنه السفينة إيرانية .. بس بقول لكم شي .. إيران مو بلده نازلة من الجنة ومافيها أخطاء ولا البحرين ولا أي دولة في العالم كل بلد فيه الزين والموزين وتره حتى السعودية ملياانه خمر بس للكباريه والكل عارف هالشي تحياتي .. Ahmedy

السلام عليكم .. . الموضوع بين السلبيات والإيجابيات ... راح أرتب أفكاري وأبحث شوية لكم لأنه الموضوع يبي له بحث ويبي له أدلة طبية ودينية ومجتمعية تحياتي لصاحب-ة الموضوع .. وخلك-ج دوم على هالمستوى مادري صبي لو بنية لأني ماطالعت سامحني-ي

السلام عليكم ورحمة الله وبركاته في البداية بتكلم عن نقطة لها خصوص في الموضوع : أخواني أخواتي بغض النظر عن شيعي وعن سني .. أحنا عارفين من العدو مالنه العدو امريكا واسرائيل وهالخلافات بين السنة وبين الشيعة أهي فتن من أسرائيل سواء في لبنان او في أي دولة وأكبر مثال العراق أتمنى نكبر ونتحد مع بعض وبلا سني وبلا شيعي كلنا أمة أسلامية وعربية ونفتخر بعروبتنه ولا تصيرون أطفال سنة وشيعة ومادري شنو مستحيل نتقدم خطوة هذا تفكيرنا وهذا سبب تراجع الأمة العربية عن الغرب .. بالرغم العلوم كلها طالعه من عند علمائنه العرب والتاريخ يشهد بس الفتن اللي خلونه نتقاتل بها خلتنا نتراجع وشغتلنا عن التقدم في الحياة وفي العلوم ------------------------------------- الحين بتكلم في الموضوع : أولاً أقول حق كل اللي تكلموا عن السيد بطريقة غير مباشرة .. واللي يوصفونه بالعملاء طبعاً انا ماقصد اللي في المنتدى .. بس بعض العملاء الحقيقيون يوصفونه بالعميل ويووصفونه بأنه أهو اللي دهور الأوضاع في لبنان مافي شخص اوقف شعور رأس قادة أسرائيل غيره .. والصراحة كان ودي احط كلمات قادة أسرائيل بس ماحصلتهم الحين .. أول ما أحصلهم راح أخليهم والأيام راح تكشف المستور تحياتي لكم ... Ahmedy

السلام عليكم الله يوفقه يارب وانشالله كل الفنانين يصيرون مثله ويحطون لهم طموح كبير علشان يرفعون أسم بلدانهم قبل مايرفعون أساميهم تحياتي .. Ahmedy

السلام عليكم .. كلام سليم من الفنان حسين والصراحة انا اعرف حسين وأهو خوش صبي وأخلاقه وااااااااجد رفيييييعه الله يوفقه في حياته يارب ولاتنسونه من الدعاء لأنه مصاب الله يشافيه طايح في الكورة من قبل اسبوعين يمكن .. أفترت ركبته مسكين .. أدعو الله يشافيه تحياتي .. Ahmedy

السلام عليكم .. أنا خاطري في رقم يحتوي على هالثلاثة الأرقام الزوجية طبعاً بتلكو أو زين أو حتى ميناتيلكوم مو مهم .. وترتيب الأرقام مو مهم الأرقام أهم : 20 ، 25 ، 26 يعني مثلاً : 39202526 36202526 38202526

أخوي عطني آخر سعر .. وبشوف أذا يناسبني .. وأنا جاد .. والفلوس كاش والقلاب علي آنه بعد .. تحياتي .. Ahmedy16

أخوي عطني آخر سعر .. وبشوف أذا يناسبني .. وأنا جاد .. والفلوس كاش والقلاب علي آنه بعد .. تحياتي .. Ahmedy16

السلام عليكم عندي رقم حلو .. 97118 لأعلى سعر .. وأتمنى الرد بالسعر هني في نفس الموضوع .. علشان الكل يعرف كم وصل تحياتي .. Ahmedy16

سلام .. في بلريود موديل 93 أو 92 مو متأكد بالضبط .. لونها أزرق فاتح مو بحري والسيارة نظيفة ماشالله .. عاد مادري السيارة انباعت لو للحين .. 39550521 هذا الرقم اللي على السيارة .. أتصلي البلريود أنباعت لو للحين .. أتمنى أني ساعدتج .. تحياتي .. Ahmedy16

الرقم الأول : 150 دينار الرقم الثاني : 200 دينار أذا عاجبك السعر .. ياريت تخبرني .. وأنا جاد .. والفلوس كاش تحياتي .. Ahmedy16

عندي رقم .. الرقم : 97118 السعر : 800 دينار

السلام عليكم .. أخوي راح أقولك اللي اعرفه وأتمنى أني أقدر أساعدك .. شفت في الردود البعض نصحك في المركز الأمريكي .. وبرتش كونسل .. والبعض نصحك في بيرلتز بما أني أدرس في المركز الأمريكي .. راح أتكلم عنه المركز الأمريكي الإيجابيات : * جدية في الدراسة . * ألتزام بالنظام . ((يعني تغيب 3 حصص مايعطونك شهادة مثلاً .. وتغيب مادري كم حصة ماتدخل الأمتحان النهائي)) * المعهد حلو ويفتح النفسية للدراسة . * الصفوف كبار و واسعه . * الطلاب مايزيدون عن 15 في كل صف . * المبنى حلو مالهم . * ماتحس بالوقت . * الموظفين متعاونين واااااايد والأساتذه بعضهم اوكي من تعاملي معاهم والبعض ماتعاملت معاهم يعني ماقدر اقول زينين او لا ، بس أغلبهم اوكي .. لأني واااايد أتكلم وأسوي روحي ولد ميري معاهم . * كل الصفوف فيها الشاشة الذكية . السلبيات : * الباركات مافيه يم المعهد .. والطلاب واااااايد وتتأذى وانت تدور لك بارك . * ماعندهم مواصلات . * الأتزام بالنظام . (( يعني مثل النقطة اللي ذكرتها فوق عن الغياب ..طبعاً خليتها في الإجابيات علشان تلتزم بالدارسة ..وخليتها هني لأنك ساعات مضطر تغيب وعندك ظروف .. يعني ربعي اللي يشتغلون شفتات يتأذون في هذي النقطة وااااااااااايد .. ولازم يقنع التيجر انه يشيل الغياب عنه .. عاد أذا طلع في حظك واحد أو وحده ماتتافم بيييه شتسوي ؟)) بس هذا اللي أشوفه في المعهد ((طبعاً من وجهة نظري)) طريقة الدراسة : وااااااايد على القرامر . تبي الصراحة .. أنا احس اني ضيعت فلوسي على الفاضي .. صار لي 4 كورسات أدرس معاهم .. واحس اني ماستفدت ذاك الزود يعني .. اللي خلاني استفيد يمكن أني مو خجول .. يعني أهذر مثل ماقلت لك مع الاستاذة حتى اللي مادرسوني وجذي وماأستحي أذا أغلط ولا شي ..وأشارك وعادي أذا أخطأ .. يعني لو صرت مثل بعض الشباب اللي يستحي أذا خطأ جدام البنات .. بيه جان آنه ماستفدت ولا شي بعد ، مادري يمكن لأني أسمر ولوني مايتغير أذا أتفشل ههههههه يعني مايصير ويهي هلون أذا اتفشل يعني خلك أسود ويه في الدراسة بس ولا تستحي لأنك رايح تدرس ((طبعاً هذي النقطة في كل شي مو في المعهد الأمريكي أو في دراسة الأنكليزي في كل شي تتعلمه في الحياة)) شوف بقولك مواقف مرت علي وانت احكم أذا يفيدك كمبتدئ المعهد الأمريكي أو لا .. أنا طبعاً أول مادخلت 99A يعني (1.1) كل اللي معاي من نفس المستوى مالي .. الكورس الثاني 99B يعني (1.2) بعد مثل الشي .. الكورس الثالث 99C يعني (1.3) كانت معانه بنت تتكلم ماشالله عليها بلبل .. تتكلم مثل الأستاذ بسرعة وتعرف تكتب وتقره وكل شي .. بس لأنه في القرمر ضعيفة من جذي صارت معانه .. مع انها كانت تشتغل مديرة HR الكورس الرابع 99D توه مخلص يوم الخميس (1.4) كان معاي فني مختبر ويدرس اللي يتدربون واهو دارس سنة ونص في برتش كونسل بس حول لأنه الأمريكي 3 أيام وبرتش كل يوم وأهو ساكن في السعودية ، وهذا بعد ماشالله عليه واااايد ممتاز ويتكلم عدل انكليزي بس في القرمر ضعيف .. شوف درس سنة ونص في بريتش كونسل ويوم حول الأمريكي خلوه في البداية كلش (1.4) يعني مبتدئ .. وهذا دليل على أنه الأمريكي يركزون على القرمر والبرتش يركزون على السبيكنغ . اعرف اني عورت راسك وقلت لك قصة حياتي في المعهد بس كان هدفي اوضح لك نقطة وأهي .. قبل ماتدخل لازم تعرف : 1- تكتب . 2- تقره . 3- تفهم اللي تقراه . لأنه هالأشياء مابعلمونك أياها في المركز الأمريكي يمكن المعاهد الثانية يعلمونك بس في الأمريكي مايعلمونك . امممم وبس .. أذا عندك أي أستفسار .. لاتستحي أسأل تحياتي .. Ahmedy16

ياهلا ومرحبا .. مرحبا مرحبا مرحبا .. نور المنتدى فيج أختي .. أنشالله تفرحين بأنضمامج لعائلة البحرين تو دي ... وأنشالله تكونين أحد الأفراد المهمين في هذي العائلة .. ويلا عاد شدي الهمة ونبي نشوف المواضيع الحلوه والمتميزه .. وأتمنى أنه الرد يكون حلو وقد المقام .. والسموحة على القصور .. تحياتي .. Ahmedy16

الله يحييج .. كلج ذوق أختي .. ثانكس .. تحياتي .. Ahmedy16 يسلمو .. تحياتي .. Ahmedy16 هلا ولله فيك .. النور نورك يالغالي .. تحياتي .. Ahmedy16 هلا بيك .. النور نور الأعضاء الحلوين والله تحياتي .. Ahmedy16 هلا والله .. شكراً على الترحيب الحلو .. تحياتي .. Ahmedy16 هلا والله .. الشرف لي آنه .. شكراً على الذوق وعلى الترحيب الكيوت تحياتي .. Ahmedy16 مرحبا مرحبا .. يحييكم ويخليكم ويطول عمركم المولى .. تحياتي .. Ahmedy16 هلا .. أنشالله أكون عن حسن ظنكم فيني .. تحياتي .. Ahmedy16 أهلين وسهليت .. مرحبا مرحبا مرحبا .. الله يحييج أختي .. تحياتي .. Ahmedy16 يسلمووووووووو يالغالي .. النور نورك ونور ألمانيا .. الله يحييك ويخليك ويرفع مقامك .. تحياتي .. Ahmedy16

هلا بيج أختي .. النور نوركم .. وأنشالله أكون عند حسن ظنكم فيني تحياتي .. Ahmedy16 النور نورك يالغالي .. وعلى فكرة أسمك وايد حلو ((لط لط)) تحياتي .. Ahmedy16 الله يحييك حبيبي .. منور بجودكم يالغالي .. أتشرف بأهل المحرق وأهم يحبون فيني .. تحياتي .. Ahmedy16 منور بجودكم أختي وأنشالله أفيد قبل ماأستفيد .. تحياتي .. Ahmedy16 هلا بيج أختي .. النور نوركم يالشيخة .. تحياتي .. Ahmedy16 هلا بيج يالغالية .. منور المنتدى بجود الأعضاء الحلوين فيه .. وأنشالله أكون عند حسن ظنكم فيني .. تحياتي .. Ahmedy16 شكررررررررررراً على الترحيب الحلو أختي .. النور نور روحج يالغالية .. الله يحييج ويخليج لأبوج يالشيخة .. تحياتي .. Ahmedy16 هلا أخوي .. منور بجودك .. تحياتي .. Ahmedy16 الله يحييك يالشيخ .. تحياتي .. Ahmedy16 هلا وغلا أخوي .. وشكراً على الترحيب .. والمنتدى من زمان منور بجودكم .. تحياتي .. Ahmedy16 هلا بيج أختي .. شكراً على الترحيب .. تحياتي .. Ahmedy16 الصراحة الترحيب واايد حلو وكيوت تسلم لي يالغالي .. وأعدك راح تشوف مشاركات تبيض الويه .. تحياتي .. Ahmedy16 يســــــلمو خيو .. تسلمين على الذوق الحلو .. اليهال اللي في التوقيع حدهم كيوووووت الله يخليهم لكم ياااارب تحياتي .. Ahmedy16 شكراً خيو .. وانتي ذوق حد حد حدج تحياتي .. Ahmedy16 يســــــــلمو منور المنتدى بجودكم تحياتي .. Ahmedy16 الله يحييك يالغالي .. أتشرف في ردك أخوي .. النور نورك اخوي .. وأنشالله أكون عند حسن ظنكم فيني أوصيك سلم لي على أهل الكويت كلهم يالشيخ .. تحياتي .. Ahmedy16

السلام عليكم ورحمة الله وبركاته .. تحية طيبة وبعد.. في البداية أحب أقولك يا أخوي أحمد .. أني من أشد المعجبين فيك وفي أعمالك الفنية .. وأفتخر بأنك بحريني ورافع أسم البحرين بأعمالك .. أخوي أحمد .. حاولت أراسلك على الخاص بس مادري ليش مايصير يمكن لأني اليوم مسجل في المنتدى .. بس الموضوع اللي أبي اتكلم لك فيه عادي ينطرح هني .. أخوي أحمد مثل ماقلت لك أني معجب فيك وفي أعمالك ..من جذي محتاج نصيحة من عندك .. أنا أحب التمثيل .. شنو تنصحني ؟ أتمنى أني أدخل هذا المجال مو للمبالغ أو للشهرة .. بس لأني حاب هذا الشي .. شاركت في مسرحيات صغيرة يعني في المدرسة ومسرحيات دينية في المسجد .. شنو تنصحني علشان أطور روحي ؟ خصوصاً صار لي فترة طوييييلة مامثلت .. أنا عمري 18 وآخر مرة مثلت فيها يوم كنت 14 يمكن أو أصغر بعد .. أتمنى أنك توجهني للطريق الصحيح .. وأشرف البحرين .. تحياتي أخوي .. Ahmedy16

السلام عليكم ورحمة الله وبركاته .. تحية طيبة إلى جميع فنانين وأداريين ومشرفين وأعضاء منتدى البحرين اليوم .. أجمل وأحلى موقع شاركت فيه من أول ماعرفت شي أسمه نت .. طبعاً كنت مشارك سابقاً .. ولظروف أبتعدت .. بس الشوق للمنتدى ردني مره ثانية .. وأنشالله ماأفترق عن المنتدى .. وأقدر أرد شي بسيط من اللي أخذته من المنتدى .. يعني المنتدى فادني في كل شي وأكثر شي في الدراسة .. يعني للبحوث والتلخيص وهالأمور كان أكثر منتدى أستفدت منه .. وايد تكلمت ونسيت أعرفكم في نفسي .. أسمي : أحمد . أسم الشهرة : أحمدي . الجنسية : بحريني وأفتخر واللي مو عاجبه ينتحر . العمر : 18 سنة . طبعاً في المدرسة ، التخصص : تجاري . الممثلين المفضلين : طبعاً أخوي وصديقي وحبيبي منصور صنقيمه أول واحد .. ومن بعده محمد الحجي و الفنانة هبةالدري يعجبني أسلوبها في التمثيل وشخصيتها .. وكل الممثلين أحبهم وأفتخر فيهم . الهوايات : الرياضة أحبها بكل أنواعها ، وأمارس : كرة القدم ، والتنس الأرضي ، وألعب تايكواندوا سابقاً وأتمنى أني أرد مرة ثانية . رقمي المفضل : 16 . امممم .. ماعرف شنو أقول بعد .. بس اللي أعرفه .. أني أشتقت وااااااااجد لأخواني وخواتي في المنتدى .. وشتقت للمواضيع الحلوه .. اممم في شي نسيت أقوله .. آنه أحب التعارف وااااااااجد .. واللي يبي يتعرف علي يراسلني على الخاص . تحياتي .. Ahmedy16