لحظة هيام

الجزء السادس كان علي داخل عالنت .. و يتصفح بالمنتديات من الملل.. أعزف ضيقتي بـ " إيقاع هـادئ " تم تسجيل دخوله أعزف ضيقتي بـ " إيقاع هـادئ ": السلام عليكم اللي لقى أحبابه نسى أصحابه..يادنيا يا غداره يادنيا يا غداره: عليكم السلام أعزف ضيقتي بـ " إيقاع هـادئ ": شلونك؟ اللي لقى أحبابه نسى أصحابه..يادنيا يا غداره يادنيا يا غداره: ماشي الحال .. انتي شلونج؟ أعزف ضيقتي بـ " إيقاع هـادئ ": الحمدلله بخير بعد خمس دقايق .. اللي لقى أحبابه نسى أصحابه..يادنيا يا غداره يادنيا يا غداره: شفيج ساكته؟ أعزف ضيقتي بـ " إيقاع هـادئ ": ماعندي كلام أقوله .. ! اللي لقى أحبابه نسى أصحابه..يادنيا يا غداره يادنيا يا غداره: اممممم .. تكلمي عن نفسج ؟ أعزف ضيقتي بـ " إيقاع هـادئ ": شقول عن نفسي ..  .. (وقالت له قصتها) اللي لقى أحبابه نسى أصحابه..يادنيا يا غداره يادنيا يا غداره: الله يكون بعونج .. ماعرف شقول لج أعزف ضيقتي بـ " إيقاع هـادئ ":  الله يعين الجميع انزين تكلم عن نفسك اللي لقى أحبابه نسى أصحابه..يادنيا يا غداره يادنيا يا غداره: امممم .. آنه كان عندي صديق من الطفولة .. بس الدنيا فرقتنا .. أعزف ضيقتي بـ " إيقاع هـادئ ": وشلون؟ اللي لقى أحبابه نسى أصحابه..يادنيا يا غداره يادنيا يا غداره: سافر يدرس .. و منها انقطعت أخباره .. ماادري عنه شي أعزف ضيقتي بـ " إيقاع هـادئ ": انزين أهله؟ اللي لقى أحبابه نسى أصحابه..يادنيا يا غداره يادنيا يا غداره: ماقدرت أوصل لهم أعزف ضيقتي بـ " إيقاع هـادئ ": الدنيا بتجمعكم.. و اذا مالتقيتوا بالآخره ان شاء الله اللي لقى أحبابه نسى أصحابه..يادنيا يا غداره يادنيا يا غداره: ان شاء الله أعزف ضيقتي بـ " إيقاع هـادئ ": انزين قول لي .. عندي أخوه؟ اللي لقى أحبابه نسى أصحابه..يادنيا يا غداره يادنيا يا غداره: عندي أخو و أخت أعزف ضيقتي بـ " إيقاع هـادئ ": الله يخليهم لك اللي لقى أحبابه نسى أصحابه..يادنيا يا غداره يادنيا يا غداره: ويخليج .. تسلمين .. وانتي؟ أعزف ضيقتي بـ " إيقاع هـادئ ": عندي أخو مسافر يدرس .. بعمرك .. أتواصل معاه عالنت بس الحين جم يوم مااجوفه يدخل .. ماادري شفيه .. حاولت اتصل عليه .. بس تلفونه مقفل  اللي لقى أحبابه نسى أصحابه..يادنيا يا غداره يادنيا يا غداره: الله يطمنج عليه أعزف ضيقتي بـ " إيقاع هـادئ ": ان شاء الله .. كانت يايه تركض بتنزل عالدرج .. انزلقت ريلها و طاحت لتحت .. واهي تصرخ: يمممممممممممممممممممممممممممممممممه .. آآآآآآآه ركضوا محمد و علي بسرعه و نزلوا عالدرج .. جافوا مروة تنزف من راسها .. يت أم محمد تجوف .. جافت بنتها جذي..: يممممه بنتي مروة محمد: علي روح شغل السيارة علي: زين بسرعه ييبها (وطلع يركض) أم محمد (تصيح): نطروني بيي محمد (واهو يشيل مروة): يمه بسرعه و شالها للسيارة و بسرعه راحوا المستشفى .. الظهر .. خلصت دراسة و دخلت عالنت .. لقت إضافة عالايميل .. اقبلتها .. كان أحمد .. لقته اون لاين .. دخلت عليه.. يـآاا ربـــ ~ | | اشرح لي صدري ~ و يسر لي أمري | |: مرحبا ولد العم كـان أحمد away ومارد .. كانت بغرفتها .. معاها أمها .. ريم: يمه ماافكر الحين بهالموضوع .. إذا تخرجت من المدرسة يصير خير أم حمد : اللي يريحج وقامت أم حمد اطلعت .. ظلت تفكر بالموضوع .. شوي و دخلت عالنت .. لقت نوراء أون لاين.. ~ | | ReeM | | ~: مرحبا نونو يـآاا ربـــ ~ | | اشرح لي صدري ~ و يسر لي أمري | |: هلا ريوم .. ولكمو ~ | | ReeM | | ~: يسلمو .. شلونج؟ يـآاا ربـــ ~ | | اشرح لي صدري ~ و يسر لي أمري | |: الحمدلله .. انتي شلونج؟ ~ | | ReeM | | ~: دوووم .. بخير يـآاا ربـــ ~ | | اشرح لي صدري ~ و يسر لي أمري | |: كملتي دراسة؟ ~ | | ReeM | | ~: اي توني قبل شوي يـآاا ربـــ ~ | | اشرح لي صدري ~ و يسر لي أمري | |: آنه بعد توني مكملة ~ | | ReeM | | ~: نوراء .. قبل شوي أمي كانت عندي يـآاا ربـــ ~ | | اشرح لي صدري ~ و يسر لي أمري | |: خير ان شاء الله؟ ~ | | ReeM | | ~: قالت لي عبدالله يبي يتقدم لي يـآاا ربـــ ~ | | اشرح لي صدري ~ و يسر لي أمري | |: وانتي شقلتتتتتتتتتتي؟ ~ | | ReeM | | ~: قلت لها ماافكر بهالموضوع الحين .. و إني إذا تخرجت من المدرسة يصير خير يـآاا ربـــ ~ | | اشرح لي صدري ~ و يسر لي أمري | |: زين ماقلتي .. وصل نوراء رد من أحمد .. \// ڪـےــآإآإنـ إنــسـآإآإنـ \\/ مرحبتين نوراء يـآاا ربـــ ~ | | اشرح لي صدري ~ و يسر لي أمري | |: شحالك؟ \// ڪـےــآإآإنـ إنــسـآإآإنـ \\/ مريض ..  يـآاا ربـــ ~ | | اشرح لي صدري ~ و يسر لي أمري | |: اووه .. سلامات ماتجوف .. مارحت المستشفى؟ \// ڪـےــآإآإنـ إنــسـآإآإنـ \\/ لا .. الحين بقوم أروح يـآاا ربـــ ~ | | اشرح لي صدري ~ و يسر لي أمري | |: أوكي عاد طمنا إذا رجعت \// ڪـےــآإآإنـ إنــسـآإآإنـ \\/ أوكي .. آنه بترك الايميل مفتوح .. BRB يـآاا ربـــ ~ | | اشرح لي صدري ~ و يسر لي أمري | |: TYT بغرفة رهف مع أمها.. أم محمود: يلا رهف تركي اللعب و تعالي سوي الواجب اللي عليج رهف: اووووه..بعدين بسويه أم محمود: رهف قلت لج الحين .. ولا اقول لأبوج؟ رهف: اوووهوو ماتخلوني ألعب .. كله دراسه .. وقامت و اهي تتحلطم نزلت للمطبخ تشرب ماي .. كان حمد بالصالة .. ناداها: ريم ريم: هلا حمد حمد: تعالي شريت لج رقم يديد ريم: حلو الرقم؟ حمد: ايه سبيشل .. اخذيه .. و إذا احد ازعجج مره ثانيه بعد قولي لي ريم: اوكي .. ثااااانكس أخي العزيز ابتسم لها D: : ولكم كانت منزعجه من الرقم اللي يدق عليها فقالت بتقول لأخوها هادي عنه .. راحت لغرفته دقت الباب و دخلت .. كان يقرأ بكتاب هدى: هادي ابي اقول لك شي سكر الكتاب و لف لها باهتمام : قولي هدى: في واحد يتصل علي يهددني هادي: عطيني بجوفه قعدت دور عالرقم و عطته التلفون: هذا الرقم هادي: الحين بطلع باسم من اتصل على واحد يعرفه يشتغل في بتلكو.. وعطاه الرقم و قال له باسم من هادي: هذا عمار الدمار .. اللي مايستحي .. من وين اخذ الرقم .. اكيد ويا رفيجه علاء هدى (واهي تمتم): عمار و علاء؟ اخترعت و فتحت عيونها هادي (واهو ينبهها): هذولا مدمنين مخدرات .. ويلعبون عالبنات خافت هدى .. هادي .. واهو يكمل: باخذ لج رقم يديد ..اوكي؟ الحين هاي خليه عندج ولاتردين عالأرقام اللي ماتعرفينها هدى: اوكي (هادي: 20 سنه .. يدرس محاسبه .. يخاف على اخته هدى وايد ..) في المستشفى .. محمد يكلم أبوه عالتيلفون: خاطوا راسها .. وجبسوا ريلها و يدها .. خلاص يبه مايحتاج تيي .. الحين بناخذها ونيي البيت .. فمان الله خذوا مروة .. كان علي ماسكنها و يا أم محمد.. و عند الباب .. كان أحمد داخل محمد: أحمد؟ أحمد .. بتعب: هلا محمد .. شتسوي هني؟ محمد .. يأشر على اخته : اختي طاحت عالدرج أحمد: ماتجوف شر محمد: الشر ماييك .. انت شفيك ويهك تعبان وايد؟ أحمد: مسخن مو قادر حتى أمشي .. محمد .. واهو يمسك يد أحمد: تعال .. و اهو يكلم علي : انتوا روحوا البيت آنه ببقى ويا أحمد اهني علي: أوكي .. ماتجوف شر أحمد أحمد: الله يسلمك في بيت أبو علي (جابر) .. بالصالة.. محمد: يوم الإثنين كلنا بنروح الشاليه مع أعمامي حلا وغلا: وااااااااااااااااااااااالله؟ محمد (واهو يبتسم): والله غلا: ياااااااااي .. بتكون الإجازة حلوة حلا: ايييه .. بتكون فن حدها غلا: اقول محمد محمد: هلا قولي غلا: من اللي اقترح الطلعه؟ محمد: أخونا علي حلا: أحلللللللى ماصدق محمد: ههههههههههههههه لا صدقي.. اهو اللي اقترح نروح .. واهو يلتفت لأسماء: شفيج أسوم ساكته؟ أسماء: تعبانه شوي حلا (تساسرها بصوت واطي): لايكون حامل؟ فتحت عيونها: ياللي ماتستحين عيب .. و اقرصتها بريلها حلا: آآآي .. قرصج يعور .. لاتقرصين أسماء (و ويهها أحمر): تستاهلين حلا: هههههههههههههههههههههههههه .. طاع ويهج طماطه محمد (مستغرب): شفيكم؟ أسماء واهي تقوم: اسأل اختك شتقول لي محمد (يسألها): شقلتي لها .. خليتيها تصير طماط و تقوم؟ حلا: هههههههههههههههههههههههه .. ههههههههههههههههههههههههههههههههه محمد: حلااايو .. شقلتي؟ حلا: تقول تعبانه هههههههههههه قلت يمكن حامل .. ورجعت تضحك .. هههههههههههههههههههههههههههههههههههههههه غلا: هههههههههههههه .. من جذي تقطعت وقامت محمد (حس باحراج): الله يقطع بليسج عاللي قلتيه (شال علبة الكلينكس و قطاها على راسها) .. وقام يلحق خطيبته سمعوا صوت تلفون .. (قررت أموت بحبك .. و أمشي معاك بدربك) حلا: هاي تلفوني يدق .. وقامت لغرفتها تركض تلحق قبل لا يسكر حلا (واهي تبتسم): ألووو يوسف: أحلى ألووو حلا: منك أحلى يوسف: لا منج حلوة .. شلونج حلاي؟ حلا (حلاااي .. ياويلي): مدام اسمع صوتك .. فيعني أكيد آنه بخير .. وانت شلونك؟ يوسف: ان شاء الله دوم يالغاليه .. دامج بخير آنه بخير .. اشتقت لج واايد حلا: وآنه بعد اشتقت لك نهاية الجزء.. توقعاتكم؟

الجزء الخامس صحى علي من تفكيره و قام .. رايح يشتري له آيسكريم يبرد عليه.. واهو يمشي صدم بوحدة و طاح الآيسكريم عليها .. علي: السموحة ما انتبهت البنت: حصل خير و مشى علي .. و في باله يقول (صرت أمشي و أدعم بالناس) في عذاري.. اركبوا البنات .. سحر و عبير و ندى و رجاء لعبة الأخطبوط.. بس ريم مااركبت .. لأنها تخاف . فظل عبدالله معاها.. خلصوا .. و راحوا جهة المطاعم.. اطلبوا لهم باستا من يم يم تري.. ندى: ظهري عورني .. تعبت سحر: حتى آنه.. برجع البيت و بنام و البنات يسولفون .. دق تلفون ريم .. كانت نوراء المتصلة.. ريم: ألو نوراء: هلا بالقاطعين .. اللي لما مانتصل لهم مايتصلون لنا .. ولا حتى يسألون ريم (واهي تضحك): في البال.. شلونج؟ نوراء: بخير الحمدلله .. اسأل عنج؟ ريم: سألت عنج العافية.. خليها على الله نوراء: ريم .. صاير معاج شي؟ ريم: ايه .. إذا رديت البيت بكلمج و بقول لج.. نوراء: وينج فيه.. أسمع أصوات عندج؟ ريم: في عذاري نوراء: مع من رايحة؟ و لاتعزمين؟ ريم: مع بنات عمي و ولد عمي و خواتي.. وانتي وينج؟ نوراء: آنه بالبيت .. اهني أعمامي ريم: زين .. أول ما أوصل البيت بدق لج نوراء: أوكي بنطرج .. اخليج .. تيك كير .. باي ريم: يو تو .. باي عند نوراء .. كانت قاعدة عالدرج لما سكرت من ريم .. و إلا تجوف أحمد واقف جدامها يطالعها.. نوراء: نعم؟ أحمد (واهو يبتسم): نعامة تعظج نوراء: تعظك ويا هالراس أحمد: راسي أحلى عن راسج نوراء: ايه بخيالك بس أحمد: انزين من كنتي تكلمين؟ نوراء (مندهشة): و انت شكو من أكلم آنه؟ أحمد: جذي .. اسولف وياج نوراء: كنت أكلم رفيجتي أحمد: سلمي عليها نوراء: ربي يسلمك أحمد: نوراء.. عندج ايميل؟ نوراء: ايه .. عندي .. ليش تسأل؟ أحمد: يصير تعطيني وياه؟ بظيفج عندي نوراء: وليش؟ أحمد: عشان أسولف وياج كتبت له الايميل بورقة و عطته وياه نوراء: لاتوزعه عاد أحمد: شدعوه .. رقم اهو عشان أوزعه؟ نوراء: انت وايد تسولف أحمد: انتي بعد وايد تهدرين .. متى بتدخلين عالنت؟ نوراء: باجر .. العصر أحمد: أوكي .. بدخل آنه بعد بالمطبخ.. هدى تتكلم بالتلفون.. : انت وبعدين وياك .. شتبي فيني تدق علي؟ ...........: انتي تعرفين شنو آنه ابي منج .. سبق و قلت لج يعني هدى: لا تتفلسف علي .. انت قليل أدب و ماتستحي ...........: إذا ماييتي بالطيب .. بخليج غصب عنج و بنفسج تيين لعندي هدى: ها ها ها ظحكتني .. ماتقدر .. عبالك وين عايشين حنا .. يلا انقلع .. و اذا اتصلت مرة ثانية بعلم أهلي عليك ...........: وي خرعتيني .. قمت ارجف .. تعالي جوفيني هدى: بايخ .. و سكرت التلفون بويهه دورت على رقم بالتلفون و دقت عليه .... علاء: ههههههههههههههههههههههههههههههههههههههه .. اتصلت .. الحين بتشتكي عليك عمار: صج خبلة .. حاول وياها الحين .. عشان توافق تطلع علاء: اوكي اوكي .. (واهو يضحك) رد عليه و حطاه سبيكر علاء: هلا هلا عمري هدى: هلا فيك علاء: شلونج؟ هدى: مب اوكيه علاء: ليش حبيبتي شفيج؟ شمظايقج؟ هدى: في واحد بايخ و سخيف كله يدق علي و يزعجني علاء (ويسوي نفسه معصب): منو هذا اللي يظايق و يزعج روحي .. عطيني الرقم .. والله لذبحه (عمار ميت من الضحك) هدى (واهو مصدقه كلامه): لاعمري .. خله يولي .. أخاف عليك .. بعدين يسوي لك شي علاء: انتي عطيني رقمه و آنه بوريه عشان ما يتصل فيج مرة ثانية و عطته الرقم (و اهو ماسك نفسه عن الضحك) هدى: اشتقت لك علاء علاء (واهو يمثل الزعل): ايه وايد مبين انج مشتاقه لي هدى: ليش؟ مب مصدقني يعني؟ علاء: لو كنتي صج مشتاقه لي .. كان خليتيني اجوفج و تجوفيني هدى: و الله علاء ما اقدر اطلع .. شقول لهلي؟ علاء (واهو يفكر): ماعندج رفيجات تروحين لهم؟ هدى: بلى .. عندي .. ليش؟ علاء: قولي لهلج بتروحين لرفيجتج و بايي آخذج هدى: أوكي .. متى يناسبك؟ (عمار يأشر له) علاء: باجر .. لأني مشتاق اجوف حبيبتي هدى: بجوف و بارد عليك دخلت أختها نوال المطبخ.. هدى: يالله اجوفج باجر .. تيك كير .. باي علاء: عطيني بوسة قبل ماتسكرين هدى (بارتباك): مااقدر الحين علاء (و اهو يضحك): ههههههههه أوكي .. باي حياتي و سكرت عنه.. نوال: شتسوين اهني بروحج؟ و من كنتي تكلمين؟ هدى: ييت اشرب ماي و اتصلت رفيجتي نوال: أها .. واطلعت .. على طول تنهدت هدى بارتياح (نوال : 19 سنة ..رفيجة روان و لمياء .. معاهم بالجامعة .. سنة أولى) الساعة 10 ونص بالليل.. لمياء . داخلة عالنت .. تمللت مالقت أحد أون لاين عندها .. و اطلعت ظلت قاعدة عالسرير بملل .. شوي و ينفتح الباب بقوة شيخة: تقولج أمي قومي غسلي المواعين (واهي تطالعها بحقارة) و اطلعت و سكرت الباب مثل مادخلت >> بقوة (شيخة:19 سنة .. بنت عم لمياء .. ماتحبها .. و تحقد عليها .. و بنفس الجامعة مع لمياء) قامت لمياء .. راحت المطبخ تغسل المواعين.. (سبق و عرفت لكم لمياء .. بس راح أقول لكم القصة من البداية) " أمها و أبوها توفوا بحادث سيارة لما كان عمرها سبع سنوات .. فأخذها عمها عنده اهي و أخوها اللي أكبر منها بخمس سنوات .. زوجة عمها ماتشتهيها بالمرة اهي و بنتها الكبيرة اللي اهي شيخة .. لأنها ماكانت تحب أم لمياء و تغار منها .. فتبي تنتقم منها عن طريق لمياء اللي مالها ذنب .. و حاطة شغل البيت كله عليها .. و شيخة تحط ريل على ريل و ماتسوي شي .. عندها بنت عم عمرها 15 سنة تحبها ووايد .. وولد عمها عمره 18 سنة بعد يحبها و وايد حنون عليها .. أكيد تسألون وين عمها مايدافع عنها ؟ توفى قبل سنتين .. كان وايد يحبها .. ومايرضى عليها .. وكانت مثل بناته " في بيت بو حمد .. ريم تكلم نوراء بالتلفون .. ريم: قال لي إنه يحبني نوراء: من صجج عبدالله قالها لج؟ ريم: ايه نوراء: انزين شرايج؟ ريم: ماادري .. أعتبره مثل أخوي حمد لا أكثر نوراء: انتي فكري و لاتستعيلين ريم: أوكي نوراء: شخبار اللي خبري خبرج .. خالد .. ؟ مادق ولا شي؟ ريم: ذكرتيني .. اتصل و كان عبدالله وياي ماعرفت شاسوي.. جافني ماارد .. نوراء: شقال لج؟ ريم: سأل ليش ماأرد .. قلت له رقم غريب . مايحتاي أرد نوراء: وبعد شصار؟ ريم: و احنا بالسيارة رايحين عذاري .. اتصل كتمت الصوت و مارديت عليه .. بعدين أرسل مسج يبيني أرد عليه نوراء: شسويتي بعدين؟ ريم: رسلت له تحلم أرد عليك بعد هذاك اليوم .. وحسيت عبدالله يراقبني نوراء: بيه .. الله يستر .. انتبهي .. يبيلج تغيرين رقمج و ترتاحين ريم: فكرة والله .. بقول لحمد يجوف لي رقم يديد نوراء: انزين ريوم .. يوم الأحد عندنا اختبار كيم بس؟ ريم: ايه بس كيم نوراء: آنه بدرس له الصبح .. عشان العصر ادخل عالنت ريم: آنه بعد .. يالله بخليج .. تصبحين على خير نوراء: تلقين الخير كان حمد توه واصل البيت و مر على غرفة ريم سمع صوتها تتكلم بالتلفون .. فدق الباب ريم: باي .. ترفع صوتها: تفضل دخل حمد: من كنتي تكلمين؟ ريم: رفيجتي نوراء حمد: أوكي .. تصبحين على خير ريم: حممممد لف لها: هلا ريم: أبي رقم يديد حمد: ليش .. و رقمج هذا؟ ريم: في رقم يزعجني حمد: أوكي باجر بييب لج .. تصبحين على خير ريم: تلقى الخير (حمد: 26 سنة .. يشتغل في شركة أبوه) الصبح .. في بيت أبو علي (جابر) غلا: حلا .. حلا .. حلووووي حلا (واهي معصبه): اووووووووووه .. شتبين؟ خليني أبي أرقد غلا: فطور .. ماتبين؟ حلا: صج فاظية .. ماابي غلا: بكيفج اطلعت غلا و نزلت تفطر أم علي تسألها: وين حلا؟ غلا: راقدة .. ماتبي فطور (متعودين بيت أبو علي يفطرون يميع .. بس حلا قليل إذا تفطر معاهم) (غلا:18 سنة .. توأم لحلا .. ثالث ثانوي .. تجاري .. نسخة من حلا .. بس امتن عنها شوي .. و أطيب منها .. حلا فيها شوي غرور) في بيت أبو ياسر (حامد).. صحت هدى من النوم و انزلت تنادي أمها.. هدى: يمه يمه .. يمه وينج؟ أم ياسر: اهني يمه .. بالمطبخ هدى: صباح الخير أم ياسر: صباح النور هدى: يمه أبي أروح اليوم بيت رفيجتي في بيت أبو محمد .. محمد قاعد يجوف التلفزيون .. مسك التلفون يتصل لآحمد .. كان نايم و تعبان وايد .. صوت التلفون صحاه .. مد يده يدوره لين حصله و رفعه: ألو محمد: صح النوم أحمد: صح بدنك محمد: شفيك.. كل هذا نوم أحمد: آه تعبان .. مسخن محمد: سلامات ماتجوف شر أحمد الشر ماييك محمد: كنت متصل عشان نطلع بس شكلك وايد تعبان.. أحمد: ايه.. خلها لما أصير أوكي محمد: أوكي بخليك .. باي كان علي داخل عالنت .. و يتصفح بالمنتديات من الملل.. أعزف ضيقتي بـ " إيقاع هـادئ " تم تسجيل دخوله أعزف ضيقتي بـ " إيقاع هـادئ ": السلام عليكم اللي لقى أحبابه نسى أصحابه..يادنيا يا غداره يادنيا يا غداره: عليكم السلام أعزف ضيقتي بـ " إيقاع هـادئ ": شلونك؟ اللي لقى أحبابه نسى أصحابه..يادنيا يا غداره يادنيا يا غداره: ماشي الحال .. انتي شلونج؟ أعزف ضيقتي بـ " إيقاع هـادئ ": الحمدلله بخير نهاية الجزء شرايح يصير بين لمياء و علي؟ هدى و اللي تكلمه عالتلفون؟ شنو راح توصل له ريم .. بموضوع عبدالله؟ و نوراء و أحمد؟

الجزء الرابع طالعته و دق قلبها بقوة .. رفعت راسها تطالع عبدالله و اهو مستغرب عبدالله: شفيج ماتردين على التلفون؟ ريم (بارتباك): ااا..الرقم غريب عبدالله: عطيني التلفون برد عليه ريم (بخوف): ها.. لا مايحتاي .. خله يولي بالصالة.. أم عبد الله تكلم أم حمد.. أم عبدالله : أبي أكلمج بموضوع يا أم حمد أم حمد: تفضلي يا أم عبدالله .. خير ان شاء الله أم عبدالله: أبي أخطب لولدي عبدالله أم حمد: هذي الساعة المباركة .. لقيتي البنت؟ و لا تبيني اجوف لج؟ أم عبدالله: موجودة البنت أم حمد: أعرفها؟ أم عبدالله: ايه أكيد .. بنتج ريم أم حمد: والله عبدالله خوش ريال .. مابلقى أحسن منه لبنتي أم عبدالله: من طيبج .. تشاوري مع أبو عبدالله .. و جوفي راي البنت و رد علي خبر أم حمد: على خير عند البنات.. ندى: بنات خلونا نطلع نغير جو سحر: ايه .. نروح عذاري شرايكم؟ عبير (تقطع كلامهم): سحر .. وين ريم؟ سحر: ماادري .. توني انتبه إنها مب موجودة رجاء: اطلعت برع بالحديقة.. بروح أناديها (و قامت طالعه) عبير: بنروح بسيارتي ندى: أوكي بنقول لهم و نروح (ريم كانت داخلة و رجاء طالعة .. التقوا عند باب الصالة) رجاء: ريم نمتي برع.. تعالي بنروح عذاري ريم(بدون وعي): أوكي خبروا الأهل و أهم طالعين جافهم عبدالله .. وقال بيروح وياهم .. لأن كلهم بنات .. فانقسموا قسمين : عبير و سحر و ندى بسيارة عبير .. و رجاء و ريم مع عبدالله بسيارته بسيارة عبير .. البنات سوالف و ضحك و مشغلين موسيقى.. أما بسيارة عبدالله .. شتتوقعون الوضع فيها؟ هدوء طاغي عليهم .. مد عبدالله يده للمسجل و شغله .. اشتغل على بحرين FM .. كانوا حاطين .. أغنية يعشقني-ليوسف العماني و يغني عبدالله مع الأغنية http://www.6rb.com/songs/26891.html والله أحبك أحبك أحبك ويشهد الله علي لما أشوفك ابتسم صدقني ما هو بدي لا حاسد يقدر يبعدنا أنا وانت لو شوي يالله احفظ حبي لي يالله ربي يا قوي ما في غيره سكن روحي حبيبي وأنا أحبه لو قالو تمنى اتمنى عمري قربه يعشقني وعذبني ومرمرني وأنا مالي سواه أنا مالي سواه يعشقني يعشقني يعشقني من قلبه وقال أنا أدري يحبني بس شوي أتغلى عليه وغلاتك وغلاتك وغلاتك يا عمري تعال لو يطلب عمري كله والله عمري بين اديه يفهمني يفهمني يفهمني وأنا بيدي دواه هذا اللي أحبه أحبه ومن قلبي أبيه حبيبي حبيبي حبيبي وكل عمري معاه لو كل العواذل تفرق ما تقدر عليه رفع راسه يجوف ريم بالمنظره.. لقاها سرحانه في عالم بعيد و متظايقة.. رفع عالصوت و طالعها مرة ثانية .. لقاها تطالعه بنظرات مافهمها.. فسكت شوي و يدق تلفون ريم .. بنغمة .. ياحسافة ظاع كل الحب ظاع..وافترقنا صار كل اللي أخافه.. كتمت الصوت .. وماردت عليه شوي و يوصلها مسج .. فتحته .. ((ردي علي..بكلمج)) أرسلت ((لا تحلم أرد عليك بعد هذاك اليوم)) وصلها ((ردي أحسن لج .. بلا كلام فاضي)) طنشت المسج .. و كان عبدالله يراقبها من المنظرة في بيت أبو محمود .. بعد صلاة المغرب .. كانت حلا بالحديقة .. تكتب مسج بتلفونها .. ((آنه بالحديقة .. ودي أجوفك)) وصلها ((دقايق ويايج)) قامت حلا تتمشى بالحديقة .. سمعت من وراها :حلا لفت واهي مبتسمة:عيون حلا .....:وحشتيني حلا: و انت أكثر .....(مد يده بكيس): هذي هديتي لج حلا (و اهي مستحية): ليش كلفت على روحك .....: تستاهلين أكثر حلا: مبروك النجاح و التخرج .....: الله يبارك بحياتج حلا: يوسف يوسف: عيونه حلا: آنه بروح الحين قبل ماايي أحد و يجوفنا يوسف: أوكي .. انتبهي لروحج حلا: و انت بعد (حلا:18سنة .. ثالث ثانوي..علمي.. بنت عم يوسف (جابر) (أبو علي).. عندها أخت توأم اسمها غلا و اهي أخت علي .. حلوة ووايد ضعيفة.. و يوسف عاشقنها من لما كانت بثالث إعدادي .. يعني قبل ثلاث سنوات) كان محمد طالع بيروح بيت خطيبته..جاف حلا و يوسف واقفين مع بعض و راح لهم محمد(وبشك): شتسوون هني؟ حلا (بارتباك): كنت اتمشى يوسف (و اهو يكمل): و آنه كنت طالع و جفتها محمد: أها .. أوكي آنه طالع .. حلا دخلي داخل حلا (و اهي خايفة): ان شاء الله .. و بسرعة ادخلت (محمد:24 سنة ..أخو حلا.. مشرف اجتماعي بمدرسة ابتدائية.. و اهو خاطب) في ممشى الكورنيش.. علي قاعد على كرسي قبال البحر..و يفكر فيالبنت اللي تعرف عليها بالنت.. قبل جم يوم (كان داخل عالنت و فاتح ايميله الساعة 12 بالليل .. ويت له إضافة .. قبلها) اللي لقى أحبابه نسى أصحابه..يادنيا يا غداره يادنيا يا غداره:.. نك نيم علي •(¯`·._.·( لمووووي الحلوة )·._.·°¯)•:..نك نيم لمياء اللي لقى أحبابه نسى أصحابه..يادنيا يا غداره يادنيا يا غداره: السلام عليكم •(¯`·._.·( لمووووي الحلوة )·._.·°¯)•: عليكم السلام.. يا هلا و أخيراً صدنا إيميلج اللي لقى أحبابه نسى أصحابه..يادنيا يا غداره يادنيا يا غداره: !!!!!!!!!!!!!!!!!!!! عفواً بس من وياي؟ •(¯`·._.·( لمووووي الحلوة )·._.·°¯)•: روان ما عرفتيني؟ آنه لمياء اللي لقى أحبابه نسى أصحابه..يادنيا يا غداره يادنيا يا غداره: عاشت الأسامي .. آنه اسمي علي D: •(¯`·._.·( لمووووي الحلوة )·._.·°¯)•: :$ أوووه آنه آسفة اللي لقى أحبابه نسى أصحابه..يادنيا يا غداره يادنيا يا غداره: لا عادي .. انزين شلونج؟ •(¯`·._.·( لمووووي الحلوة )·._.·°¯)•: الحمدلله بخير.. وانت شلونك؟ اللي لقى أحبابه نسى أصحابه..يادنيا يا غداره يادنيا يا غداره: حنطي D: •(¯`·._.·( لمووووي الحلوة )·._.·°¯)•: ههههههه .. دوم اللي لقى أحبابه نسى أصحابه..يادنيا يا غداره يادنيا يا غداره: من وين انتي؟ •(¯`·._.·( لمووووي الحلوة )·._.·°¯)•: سر .. ما أعلم اللي لقى أحبابه نسى أصحابه..يادنيا يا غداره يادنيا يا غداره: براحتج •(¯`·._.·( لمووووي الحلوة )·._.·°¯)•: ............ بعد خمس دقايق اللي لقى أحبابه نسى أصحابه..يادنيا يا غداره يادنيا يا غداره يرسل إشارة تنبيه •(¯`·._.·( لمووووي الحلوة )·._.·°¯)•: هلا اللي لقى أحبابه نسى أصحابه..يادنيا يا غداره يادنيا يا غداره: شفيج ساكتة؟ ظايقتج بسؤالي؟ •(¯`·._.·( لمووووي الحلوة )·._.·°¯)•: لا .. بس مااعرف شسولف فيه اللي لقى أحبابه نسى أصحابه..يادنيا يا غداره يادنيا يا غداره: امممم .. ايصير أعرف جم عمرج؟ •(¯`·._.·( لمووووي الحلوة )·._.·°¯)•: 19 سنة و انت؟ اللي لقى أحبابه نسى أصحابه..يادنيا يا غداره يادنيا يا غداره: العمر كله .. آنه 20 •(¯`·._.·( لمووووي الحلوة )·._.·°¯)•: العمر كله شوي و تغير نك نيم لمياء من •(¯`·._.·( لمووووي الحلوة )·._.·°¯)• إلى بين الصبر و الهم أنا محتار اللي لقى أحبابه نسى أصحابه..يادنيا يا غداره يادنيا يا غداره: ليش غيرتي نك نيمج .. كان حلو بين الصبر و الهم أنا محتار: لأني متظايقة شوي اللي لقى أحبابه نسى أصحابه..يادنيا يا غداره يادنيا يا غداره: عسى ماشر؟ بين الصبر و الهم أنا محتار: لا و لاشي .. لاتشغل بالك اللي لقى أحبابه نسى أصحابه..يادنيا يا غداره يادنيا يا غداره: لا عادي.. صرنا أصدقاء .. إذا تحبين يعني؟ بين الصبر و الهم أنا محتار: مع الأيام بتعرف .. أوكي بخليك الحين اللي لقى أحبابه نسى أصحابه..يادنيا يا غداره يادنيا يا غداره: بدري بين الصبر و الهم أنا محتار: من عمرك .. أجوفك مرة ثانية اللي لقى أحبابه نسى أصحابه..يادنيا يا غداره يادنيا يا غداره: على خير .. لاتقطعين بين الصبر و الهم أنا محتار: أوكي و انت بعد .. تيك كير اللي لقى أحبابه نسى أصحابه..يادنيا يا غداره يادنيا يا غداره: يو تو بين الصبر و الهم أنا محتار: باي اللي لقى أحبابه نسى أصحابه..يادنيا يا غداره يادنيا يا غداره: باي و اطلعت لمياء offline (لمياء:19 سنة .. رفيجة نوال و روان .. و معاهم بالجامعة.. طويلة وبيضا وايد .. شعرها أسود و طويل .. و اهي يتيمة .. وعايشة في بيت عمها .. عندها أخو أكبر منها .. مسافر كندا يدرس) صحى علي من تفكيره و قام .. رايح يشتري له آيسكريم يبرد عليه.. واهو يمشي صدم بوحدة و طاح الآيسكريم عليها .. علي: السموحة ماانتبهت انتهى الجزء تتوقعون شبيصير في عذاري؟ خاصة بين عبدالله و ريم ؟ ومن اللي رسل لريم المسجات؟ يوسف وحلا ؟ شينتظرهم؟ علي و البنت اللي تعرف عليها؟ شراح يصير وياهم؟ و تتوقعون من البنت اللي صدمها علي؟ كل هذا بتعرفونه بالجزء الياي ..(الخامس)

مرحبا .. السموحة عالتأخير بس لأن عندي امتحانات و انشغلت والسموحة مرة ثانية لكل المتابعين لأني ماخبرتكم من البداية لانشغالي بعد الامتحانات بكمل القصة وبالتوفيق لكل اللي عندهم امتحانات مثلي ادعوا لي

الجزء الثالث أحمد: شفيك أكلمك ماترد..ناديتك هم مارديت .. محمد: الصراحه..(ويقطع كلامه صوت تلفون أحمد).. أحمد: ألو.. هلا روان.. روان: أحمد انت وين..؟؟ أحمد: آنه عند البحر و يا ارفيجي .. تبين شي ..؟ روان: لا .. بس قاعده و ملانه ماعندي شي اسويه .. قلت اتصل بأخوي حبيبي .. اللي ماجفته اليوم أحمد: زهبي لنا حق الليلة فلم نسهر عليه .. عاد ها .. فلم هندي .. و لاتنسين الجبس و الحب و البيبسي و الحلويات .. انتي أخبر بهالسوالف روان: لا أفا عليك من الحين بزهب كل شي .. يلا بخليك .. تيك كير ..باي أحمد: الله ويااااج (روان: 19 سنة .. سنة أولى بالجامعة .. أخت أحمد الوحيدة .. عيونها خضرا و شعرها أشقر طويل و حرير .. ضعيفة .. قريبة وايد من أخوها أحمد .. و يخاف عليها .. و اهي وايد حنونة .. تموت عالطبخ .. وتحب سوالف العيايز) أشرقت الشمس .. تنشر ضوءها الساطع .. في أرجاء الكون الرحب.. تتخلل بعض من أشعتها إلى كل زاوية .. وفي غرفة ريم .. فتحت عيونها بصعوبة .. لفت خذت تلفونها .. جافت الساعة 6 الصباح .. عبست ويها .. وفي بالها( مافكر يتصل أو حتى يرسل مسج) .. و انقلبت عالجهة الثانية (مادري ليش افكر فيه و اهو مب مهتم) .. و رجعت غمضت عينها .. ونامت بنفس الوقت محمد صاحي يفكر مانام طول الليل .. يفكر في البنت اللي صدمت فيه .. اشغلت باله .. وعالساعة 12 الظهر.. دخلت سحر غرفة ريم تصحيها سحر: ريم .. ريم .. ريييييييييييييييم ريم: همممممممممممم سحر: ريوم .. قومي اصحي بسج نوم .. بيت عمي سلمان بيون يتغذون عندنا اليوم ريم: زين سحوره .. خليني بنام بس شوي و بعدها صدقيني بقوم سحر (وبعناد): لا .. ماكو .. تقومين الحين الحين و جدامي.. مابطلع إلا لما اجوفج قايمه .. و اسحبت البطانية ريم (واهي اتأفأف): اففففففف.. زين أكا قمت ارتحتي؟ سحر: ايه.. زهبي روحج ماباقي شي على ييتهم ريم ( وبملل): زين (سحر: 20سنة.. تدرس محاماة .. متينة شوي .. سمره .. ثقيلة .. ووايد تتفلسف.. و كله اتناقر ويا أختها ريم) بس اطلعت سحر من الغرفة .. قامت ريم رتبت سريرها .. و راحت تاخذ شاور) أما في بيت العم (أبو عبدالله) .. عبدالله محتار شنو يلبس (ألبس ثوب و غترة ؟ و لا ألبس قميص و جينز؟) راح بسرعة غرفة أخته رجاء .. و بدون مايدق الباب .. فتحه و بدفاشه .. اخترعت رجاء: بسم الله الرحمن الرحيم عبدالله: أوووووووش .. (و راح سحبها من يدها) تعالي ابيج بسرعة بسرعة.. حالة طارئة أما رجاء .. (علامة استفهام و تعجب على راسها).. !!؟؟ دخلوا غرفة عبدالله.. واهو يوريها : رجوي تقولين ألبس ثوب و غترة ؟؟ و لا قميص و جينز أحلى؟ رجاء (فقعتها ضحك) : هههههههههههههههههههههههههههههههههههههه عبدالله (و اهو متعجب شفيها ذي تضحك؟): آنه ماقلت نكتة و لا شي يضحك ! رجاء: الحين مدرعم على بغرفتي .. لا احم و لا دستور .. و ساحبني لين اهني .. و حالة طارئة .. و حالتك حالة .. عشان تسألني هالسؤال ؟ (و رجعت تضحك على شكل عبدالله) عبدالله: يالله عاد بلا مصاخه .. يايبج عشان آخذ رايج .. هذا ردج لي؟ اتطنزين على أخوج؟ رجاء: امزح وياك.. (و اهي تدفه) .. يه..آنه اقول لك يا أخي العزيز .. امممممممممم (تبي تلعب بأعصابه) اممممممممممممم عبدالله: ايه .. شنو تقولين؟ رجاء (واهي تضحك): ههههههههه .. اقول لك البس ثوب و غترة أحلى و أكشخ .. و تصير رزه بعد عبدالله (و الابتسامه شاقه حلجه) : مشكورة .. يعطيج ربي العافية .. يالله.. من غير مطرود رجاء (تمثل الصدمه): هذا يزاي .. تطردني .. بوريك لكن صبر علي بس عبدالله: شبتسوين يعني .. شبتسوين ها؟ رجاء: شبسوي؟ با... (و دفها عبدالله برع غرفته) واهو يسكر الباب : روحي انقلعي .. يالله عطيتج ويه (و سكر الباب بويها) رجاء (و اهي برع): باوريك يالدب.. يالفيل.. بارد لك هالحركة.. (و اهي ترفع صوتها) راح اتجوف شغلك يا عبووووووووووود من وراها: بوووووووووووو انقزت رجاء: يممممممممممه .. لحقيني يني ندى (تضحك): هههههههههههههههههههههااي يني فيج.. شهالازعاج اللي مسويته اهني ؟ روحي البسي الحين بنمشي رجاء: زين زين (و اهي رايحه و تتحلطم) بوريج انتي و أخوج الدب .. طايحين فيني اليوم ندى: !!!!!!! (شفيها تحاجي روحها .. الحمدلله و الشكر .. أختي ينت و اقعدت) (رجاء: 18 سنة .. ثالث ثانوي .. ريجة و بنت عم ريم .. عيونها بنية .. تتميز بدقة خشمها .. شعرها متوسط بني .. حنطية .. ماخذه من ملامح أختها ندى .. تحب المقالب .. و إذا أحد سوالها لازم تنتقم و ترده له .. وفي نفس الوقت قلبها طيب) في بيت أبو محمود .. الأهل كلهم متجمعين .. معزومين عالغذى نوراء قاعده تسولف مع بنات عمها .. نوراء: هدى شفيج ضعفانه؟ ماتاكلين..؟ هدى (اتبلعمت): ها .. لا آنه آكل (هدى: 17 سنة .. بأول ثانوي .. بنت عم نوراء (حامد) (أبو ياسر) .. طويلة .. حنطيه .. عيونها ناعسه) أم محمود: نوراء .. نوراء: هلا يمه أم محمود: قومي حبيبتي ييبي الآيسكريم .. أخذي معاج وحدة من بنات عمج نوراء: ان شاء الله .. (واهي تكلم روان) روان تعالي معاي للمطبخ روان: اوكي الحين بايي عند الرياييل .. الكبار بسوالف الشغل.. أما الشباب بسوالف الطلعات علي: شباب.. شرايكم بما أن هالأسبوع إجازة .. نروح كلنا الشاليه؟ ياسر: تعجبني أفكارك يا علووووي علي: علووي بعينك .. جايفني ياهل عندك ياللوح تناديني علوي؟ ياسر: لا وانت الصادق .. اجوفك عيووز .. ههههههههههههههه (علي: 25 سنة .. يشتغل في الشركة .. تزوج بعد قصة حب .. بس زوجته توفت بحادث سيارة .. طيب ..و حنون) (ياسر: 21 سنة .. خلص مدرسة و اشتغل بالشركة .. مزحه شوي ثقيل .. و مغازلجي) في بيت أبو حمد. تغذوا .. واقعدوا سوالف.. بجهة البنات.. سحر: ندى ماجوفج بالجامعة بالمرة.. وين تروحين انتي؟ ندى: على طول بالكافتيريا .. اذا ما لقيتيني هناك يعني عندي سكشن سحر: أمس جفت ارفيجتج .. اللي دوم وياج .. شنو اسمها؟ ندى: تقصدين نوال؟ سحر: ايه نوال .. سألتها عنج قالت لي طلعتي ندى: ايه طلعت كان عندي موعد بالمستشفى عبير: موعد شنو؟ ندى: لتحليل دم ريم (لرجاء): آنه بطلع للحديقة.. تمللت من سوالفهم رجاء: ايي وياج؟ ريم (واهي قايمه) : لا خلج .. ابي اقعد بروحي شوي جافها عبدالله طالعه (استغل فرصة انشغال الكل بالسوالف و قام وراها) طلع بالحديقة يدورها لين لقاها قاعدة عالكرسي و مشغولة بتلفونها .. راح وقعد يمها عالكرسي عبدالله: ريم شفيج قاعدة بروحج اهني.؟ لفت له (واهي منزلة راسها): مافيني شي بس حبيت اقعد بروحي شوي عبدالله (وبحيرة): آنه أحس إن فيج شي .. صاير معاج شي.؟ ريم: لا عبدالله: أحد ظايقج؟ ريم: هم لا عبدالله: ريم لاتخبين .. آنه ولد عمج .. اعتبريني صديق و قولي لي شاللي فيج .. و مخليج اتظايقين هلون؟ ريم: عبدالله قلت لك مافيني شي .. لاتحاول تضغط علي .. آنه بس تعبانه (و طالعته بعيونه) عبدالله (و اهو يتفحص عيونها): جوفي عيونج فاظحتج .. مبين فيج شي ريم و اهي قايمة: قلت لك مافيني شي مسك يدها: ريم لا تروحين ريم: عبدالله اترك يدي بدخل داخل عبدالله: ريم .. ممكن تقعدين .. آنه بس ... (و يدق تلفون ريم) طالعته (و دق قلبها بقوة) ..رفعت راسها تجوف عبدالله (مستغرب) في بيت أبو محمود .. أحمد وصل بيت عم أبوه .. و دخل على طول للمطبخ .. كانت روان طالعة من المطبخ حاملة صينية الآيسكريم و جافته.. روان: أحمد وينك توك ياي؟ عيزت اتصل فيك ماترد .. تغذينا عنك أحمد: توني صاحي من النوم .. تعبان شوي روان: سلامتك .. نوراء بنت عمك داخل قول لها تحط لك الغذى .. آنه بروح أودي الآيسكريم أحمد (و بتعب): أوكي ودخل للمطبخ .. جاف وحدة عاطته ظهرها.. أحمد: مرحبا لفت نوراء و باستغراب: مرحبتين أحمد : شحالك بنت عمي؟ نوراء (بنت عمه): الحمدلله .. شلونك انت؟ أحمد: ماشي الحال .. إذا ماعليج أمر تحطين لي غذى .. توني واصل نوراء: تفضل اقعد و بحط لك.. قعد أحمد على طاولة الطعام .. حط يده تحت خده .. و قعد يراقب تحركات نوراء.. أحمد: نوراء؟ نوراء: هلا أحمد: انتي بنت أي عم من أعمامي؟ نوراء: بنت أحمد (أبو محمود) .. وانت؟ أحمد: آنه ولد جاسم (أبو أحمد).. نوراء: يعني ولد عم أبوي.. فكرتك من أولاد عمي .. (و ابتسمت له) حطت له الغذى .. و سلطة .. و عصير .. و فواكه عالطاولة نوراء: تامر على شي قبل مااروح؟ أحمد (يطالعها بتعب و سرحان): .... (لا رد) نوراء و اهي تحرك يدها جدامه: ولد العم .. وين رحت؟ أحمد: هلا نوراء: تامر على شي قبل مااروح؟ أحمد و بغباء: ليش؟ بتروحين؟ نوراء: ايه تبي شي؟ أحمد: ها لا.. شكراً نوراء و اهي طالعة: العفو و بالصالة.. شوي و ينفتح الباب .. و يدخل يوسف .. و بابتسامة عريضة: السلام عليكم .. آنه وصلت الكل (و اهم قايمين له): عليكم السلام راحوا يسلمون عليه و يتحمدون له بالسلامة .. و اقعدوا مره ثانية يسولفون .. أبو علي: ها يوسف.. شخبار النتيجة؟ يوسف: الحمدلله نجحت أبو ياسر: يالله خلص .. مكانك موجود بالشركة يوسف: ان شاء الله عمي .. (واهو قايم) .. اسمحوا لي بروح ارتاح .. حدي تعبان الكل: اذنك معاك صعد يوسف غرفته و أرسل مسج (وحشتيني بنت العم .. الحين آنه بنام) نهاية الجزء تتوقعون من المتصل لريم؟ شنو راح تسوي؟ و عبدالله شنو موقفه؟ نوراء و أحمد؟ و المسج اللي رسله يوسف .. لمن؟ وشنو باقي توقعاتكم؟

يسلمج ويعافيج ربي أشكرج لتشجيعج و لمرورج لحظة هيام

ع العمووم الباارت واايد حلووو في انتظاار الباارت اليااي بس لاطوليييين حلوووه توقعاتج .. انتظري الإجابة بالجزء الياي راح انزله باجر ان شاء الله تسلمين على مرورج لحظة هيام يسلمج و يعافيج ربي الجزء الثاني باجر لحظة هيام

يسلمج و يعافيج أختي غلاي شاكره لج مرورج بس مارديتي عالأسئلة؟ و شنو اهي توقعاتج للجزء الياي؟ لحظة هيام

أمل الشظايا السلام عليكم و رحمة الله و بركاته,, إن الإنسان قبل الحب شيء و عند الحب كل شيء و بعد الحب لا شيء.. الحب: هو عنوان الحياة، و اهو أسمى مافي الوجود، فيه نحيا و نعيش ، فيه الرغبة الصادقة في امتلاك السعادة. الحب مشاعر و أحاسيس يعيشها الإنسان ، و لكن لا يخلو أي حب من العقبات التي قد تواجهه، فربما يتواصل هذا الحب، أو لربما ينتهي في يوم. قصتنا في مجملها عن الحب ، ولا تخلو من بعض المشاكل الاجتماعية ، و الظواهر المنتشرة الآن في مجتمعنا و بالتحديد المجتمع الخليجي.. للكاتبة لحظة هيام .. الجزء الأول في مدرسة البنات الثانوية ، الحصة السابعة ، و في صف من الصفوف عندهم حصة شعب ، قاعدين فراغ.. حست نوراء بطقه على يدها.. نوراء: آآآآآي يالنملة شفيج؟ ريم: ههههههههههه وين سرحانة يا حظي؟ نوراء: هني كاني مارحت مكان. ريم: علينا علينا يالدبة؟ نوراء: سكتي بس .. الدبة أحسن منج يالعصا. (ريم: عمرها 17 سنة .. ثالث ثانوي آخر سنة دراسية .. طيبة حبوبة .. بسرعة تتنرفز .. اجتماعية أكثر من صديقتها نوراء .. ويها طويل و عريض شوي .. حنطاوية .. عيونها بني غامج و صغار .. خشمها طويل و ضعيف .. شعرها بني غامج طويل و حرير .. طويلة .. أطول من نوراء .. و ضعيفة .. تعيش قصة حب بتعرفونها مع القصة) (نوراء: عمرها 18 سنة .. ثالث ثانوي مع ريم .. واهي صديقتها الروح بالروح و توأم روحها .. مايتفارقون أبد .. بتلقونهم دوم ويا بعض .. طيبة حبوبة .. قلبها وايد طيب .. بسرعة ترضى و تسامح .. ويها بيضاوي .. بيضا .. عيونها سود .. خشمها شوي طويل.. شعرها أسود قصير و حرير .. أقصر من ريم .. و ضعيفة) وبجهة ثانية بالصف.. شلة الأنس مجتمعين و يسولفون.. سوسن: سمعتوا عن موقع e-style؟ شيخة: شسالفت هالموقع؟ سوسن: هذا الموقع تقدرين تشترين منه .. مثل ميك أب ، اكسسوارات ، شنط ، ثياب و هالسوالف يعني منى: ترى آنه وايد أقعد عالنت ساعات ماعرف شاسوي من الملل.. عطيني بادش عليه. سوسن ( واهي تحرك بشعرها): شكلكم مب عايشين بالدنيا .. ماتدرون عن شي .. ويييي .. شعرفكم انتوا بالموضة .. منى: نتعلم منج الموضة حبيبتي. دقايق و دق الجرس .. و الكل شال أغراضه .. وبرى المدرسة.. نوراء: وينها أمي ماتبين من الزحمة .. و الجو وايد حار. ريم: أكا جوفيها مناك. و اهما يمشون.. نوراء: ريوم .. قلتي لأمج و أبوج إنج بتيين وياي اليوم؟ ريم: اي اي قلت لهم. وراحوا اركبوا السيارة نروح عند بنك البحرين الوطني .. أحمد: و أخيراً انتهى الدوام .. والله هالمدير طفشنا مب مخلينا في حالنا. محمد: اي والله واقف مثل العظم بالبلعوم . أحمد: يلعن بليسك .. صج انت ماتيوز عن سوالفك.. محمد: انزين خلنا من هالسالفة و قول لي .. على وين الطلعة اليوم؟ لايكون البحر مثل كل مرة؟ أحمد: لا .. شرايك نروح مجمع الدانة؟ محمد: اي للمغازل ها؟ أحمد: ويهك عاد .. لا بنروح بس نغير جو. (محمد: عمره 22 سنة .. محاسب في بنك البحرين الوطني .. طيوب حبوب .. طويل .. جسمه حلو .. أبيضاني .. عيونه عسلية .. شعره بني حرير و طويل شوي .. خشمه ضعيف.. عنده خبره في الطب الفسي .. يحلل الشخصيات و يحل المشاكل .. اكتسب هالخبرة من جدته اللي توفت "الله يرحمها") (أحمد: عمره 22 سنة .. محاسب في بنك البحرين الوطني مع رفيجه الروح بالروح محمد .. حبوب و فضولي شوي .. مزوح .. متوسط الطول.. جسمه حلو .. أبيضاني .. ويهه عريض .. عيونه بني غامج .. شعره أسود حرير ) وفي بيت أبو محمد.. أم محمد في المطبخ تزهب لعيالها و أبوهم الغذى .. و يات مروة من المدرسة .. اهي بثياب المدرسة و على طول عالمطبخ و مدت يدها بصحن السلطة .. جان تطقها أم محمد على يدها.. أم محمد: اعقلي .. شفيج من ييتي عالاكل .. روحي غيري ثيابج و صلي لين ما أبوج و أخوانج ايون. مروة: زين زين لاتزفين .. بروح. لفت أم محمد عنها .. جان ترجع مروة و تاكل من السلطة . أم محمد: مــــــــــرووووووووووووة مروة: خلاص خلاص بروح والله (مروة: 15 سنة .. ثالث إعدادي .. مشاغبة .. و لسانها طويل .. متينة شوي .. حنطاوية .. بس فيها طيبة) صعدت غرفتها و بدخلة أبو محمد البيت أبو محمد: السلام عليكم أم محمد : عليكم السلام .. هلا بالغالي .. نور البيت أبو محمد: عيايز و يغازلونا بعد أم محمد: أفا آنه عيوز يا أبو محمد ما هقيتها منك أبو محمد و اهو يضحك: امزح وياج يامريم .. والله انتي شيختهم فديتج وبدخلة محمد و علي البيت .. و لقط محمد من كلام أبوه محمد: أووووه أوووه مغازل اهني من ورانا علي: هذا الله يسلمك مستغلين غيبتنا عن البيت و طايحين مغازل في بعض هههههههههه (علي: 20 سنة .. يدرس في جامعة البحرين .. يشبه أخوه محمد .. منعزل شوي عن البيت .. و قليل إذا يقعد مع أهله .. يعني تقدرون تقولون كتوم على نفسه .. حنطي البشرة .. شعره بني و حرير .. و عيونه عسلية) محمد: ايه صدقت هههههههه أم محمد: عيب يا عيال .. بروح انجب الغذى أحسن لي محمد: استحت الغالية و انحاشت هههههههههه نزلت مروة و راحت باست راس أبوها و سلمت على أخوانها.. شوي و نادتهم ام محمد عشان الغذى.. في بيت أبو محمود .. الساعة 3 الظهر .. بالتحديد عند نوراء و ريم في الغرفة.. نوراء و اهي تسشور شعرها : ريمو خلي عنج التلفون و قومي زهبي روحج ماباقي شي و نمشي ريم: نطري ثواني بس و أقوم أبي ارتاح لي شوي تزهبوا .. ( لبست ريم تنورة سودا طبقات فيها فصوص بنفسجية .. و اكسسوارات بنفس اللون .. شال أسود بأطرافه شك بنفسجي .. وحددت عيونها الصغار من داخل بكحل أسود و حطت قلوز وردي) ( نوراء لبست بنطلون أسود .. و بلوزة فيروزية .. طويلة و أكمامها قصيرة .. مع بلوزة كم طويل و بيضا .. و الاكسسوارات فيروزية .. و حطت كحل فيروزي و قلوز بطيخي .. و شال أسود)و طلعوا رايحين الدانة مع السايق.. بنفس الوقت أحمد يكلم محمد في التلفون.. أحمد: خلك زاهب الحين ياي لك محمد: أوكي تراني زاهب بس أنطرك تيي أحمد: اي بنجوف يالزاهب .. أخاف مازهبت و يالس بالبجامة محمد: لا أفا عليك .. دام فيها مجمع أكيد زاهب أحمد: خلاص لاتكثر حجي الحين بييك .. باي محمد: باااااايز رش له أحمد عطر و مر على محمد رايحين مجمع الدانة.. في المجمع عند المطاعم .. بالتحديد في كوستا ريم و نوراء يالسين يشربون كابتشينو وصل مسج لريم (هلا قلبو .. تعالي لي اشوي ابيج) .. نهاية الجزء الأول شراح يصير بالمجمع..؟؟ و تتوقعون من اللي رسل المسج لريم.. ؟؟ و شنو اهي باقي تواقعتكم.. ؟؟