منتداوية99

يزاكم الله خير وعساكم ع القوة الحمدلله مقابلتي عددت على خير وكانوا حليوين وماطولو وياي يعني تقريبا خذت المقابلة بس ربع ساعه

السلام عليكم يعني محد يعرف شي عن المقابلة ؟؟؟ يالمتخرجين واللي توظفوا أفيدونا من خبرتكم انزين على الاقل اذا المقابلة بالعربي او بالانجليزي ؟؟ عشان نستعد لها ويعطيكم العافية

السلام عليكم بغيت اسالكم عن المقابلة اللي يسونها لنا قبل التوظيف يعني عن شنو بتكون؟ عن التخصص ؟؟ أو بشكل عام

وعليكم السلااام يعطيج العافية اختي ليل الليالي وعساج ع القوة ان شاءالله اذا ف مجال بنكون من المشاركين

شكرا على الرد وما قصرتوا مالهم موعد محدد .. متى ما دقت براسهم سووها خخخ ..>>>> حلوة ذي متى ما دقت براسهم هم يسوونها سنة وترك ,, يعني حضنا احنا صار ويا تخرجنا وصرنا احنا والدفعه اللي قبلنا <<< دفعة مستر مايكرو >>>> أختي تغاريد شكله احنا بنكون مثلكم يعني بنتخرج وي الدفعة اللي قبلنا خريجين أواخر 2008 (بكالوريوس التمريض) وبداية 2009 (الالايد هيلث)سيحتفلون بتخرجهم في شهر 11 من 2009 في صالة وزارة التربية >>>> ماشاءالله شهر 11 بس لان اهمه خذوا بيزات روب التخرج وي نتايجنا يعني احنا كملنا شهر 1 وعقبها باسبوعين خذينا نتايجنا وعطيناهم بيزات روب التخرج فكان ف بالي عقب 3 او 4 اشهر بالكثير يسون الحفلة بس شكلي كنت وايد متفائله يالله ماعليه ننتظر يعني شنو ورانا بس مايندره احنا وضعنا اشلون بيكون يعني بيخرجونا احنا المسائي وي الصباحي؟؟ بيكون العدد كبير

السلام عليكم . . . بما انكم قعد اتحجون عن التخرج وسوالف التخرج آبي اسألكم عن حفلة التخرج يعني متى كانت من عقب ما تخرجتوا ؟؟ ويخرجون الدفعه كلها وي بعض ؟؟ أقصد تخصصات الدبلوم ينتظرون لما مال النيرس يكملون ولا شلون بيكون ؟؟ أو ف وين يسون الحفلة كل سنة ؟؟ وشكراً مقدما