اول شي احب اشكرج على طرحج الطيب خيتوو
بالنسبة للي فهمته من المطروح شلون تاثر سمعة البنت او سمعة اهلها بمشروع الزواج !!
فاذا كان هذا المقصود عندي وجهة نظر واتمنى تتقبلينها
شوفي اكيد سمعة البنت لها دوور كبيير في هالشغله
ولكن بالنسبة للمجتمع اللي احنا عايشين فيه
اول ما يسالون يبتدون يسالون عن العايله قبل سمعة البنت
اذا كانت البنت من عايلة محترمة وما فوقها فوق ظنوا انها بنت سمعتها مثل الذهب وانا ما انكر هالشي
اكو بنات ماشاء الله عليهم تبارك الرحمن والعكس صحيح
واذا كانت البنت من عيله مثل ما نقول اي شي يعني على سبيل المثال ابوها مثلا مدمن
قالو وي شنبي ببنته دام الابو جذي عيل شلون البنت
واهو ممكن يطلع عكس هالشي تماما لان ممكن يطلع من ظهر الطالح صالح
فيعني انا احب ابين هالشغله اللي احس ان اكو ناس لمن يتقدمون للبنت بالبداية يسالون عن العايله
طيب ليش ماتهمهم سمعة البنت قبل سمعة العايله
بيقولون النسب!!
ياما نااس ابهاتهم مدمنين وغيره من الشغلات لكن جوفي بالنهاية شنو صاروا
وصلوا لاعلى المستويات واللي صارت محامية واللي صارت دكتورة
فهاذي وجهة نظر واتمنى الجميع يتقبلها
وبالنهاية احب انوه ان مو الكل ينظرون لهالشي بنفس الطريقة
لان مهما يكون اصابع يدي مو سوى