[مشكلة تتعرض لها الكثير من الفتيات]

مو بس اهل القرى اللي يعترضون على حف الحواجب حتى اهل المدن عندهم هالشي حرام

 

بس الفرق ان في القرية بيحشون فيج وبيقولون انج "صايعة" وفي المدن بيقولون كيفها مالنا شغل

 

وترى انا اعاني من نفس هالمشكلة اللي انتي تعانين منها بس انا تعبت وصرت اتبع المثل الي يقول "طنش تعش"

 

ومن ناحية العادات والتقاليد سواء الحفاف وغيره حاولي انج تلتزمين بها قد ما تقدرين حتى تتجنبين مضايقاتهم وخاصة ان هذرتهم بتأثر على سمعتج بعد

 

يعني مثلا اذا كانو حواجبج مرتبين ماله داعي تعدلينهم من الحين الا اذا كانت الحالة مستعصية هاي شي ثاني

 

او مثال ثاني اذا كنتي تحبين تحطين ميك اب خفيف واهم ما يعجبهم هالشي حطي وقت اللي تكونين طالعة مكان ابعيد بس وقت اللي تكونين في الفريج لتكثرين وجذي يعني

 

والله يوفقج

[ساعدوني الله يخليكم]

اي انا سالت ربعي بعد اليوم و قالو لي عن العروسة

 

و انتو الحين طمنتوني بعد

 

 

مشكورين وما قصرتو

[ساعدوني الله يخليكم]

اي انا مشكلتي بعيد ماقدر اروح لان ايام العيد زحمة وايد ولازم بتأخر يبيله صالون قريب

 

اول مرة رحت نور العين اللي في جدعلي

 

بس حق الحين ابي في محرق

 

يلا مشكورة على ردج

 

و اتمنى اجوف ردود من الباقي

[ساعدوني الله يخليكم]

السلام عليكم ..

 

لو سمحتو يا بنات المنتدى ابيكم تشيرون علي بصالون زين حق حفاف

 

يكون في منطقة المحرق يعني محرق او عراد و المناطق اللي حولها

 

بسرعة بليز لان ابي احف حق العيد و ما في وقت

 

و متوهقة مادري وين اروح

 

ومابي اتهور واروح اي صالون و يخربون لي حواجبي

 

مشكورين مقدماً

[هل يحق للاهل التفتيش بموبايلات ابنائهم؟!]

انا بقول شغله اللي يقول عندي اسراري

 

شنو بتكون الاسرار

 

اكيد عندك علاقة مع بنت

 

او البنت عندها علاقة ويا واحد ومايبون الاهل يشوفون التلفون تحت اي ظرف من الظروف على شان ما ينصادون

مب شرط الاسرار ان تكون عندي علاقة مع واحد

 

بس انا وحدة نص سوالفي مع ربعي بالمسجات

 

يعني لين اهلي جافو مسجاتي ما بيعرفون سوالفي بس

 

لا سوالف ربعي بعد

 

و الحين التلفونات صارت جنها مذكرات نحط كل سوالفنا فيها يعني مو بس مسجات

 

والواحد يحب تكون له خصوصيته مو كل شي يدرون عنه الاهل

 

ادري انك مو قاعد تنقز حق احد بس كلامي كان مجرد تعقيب للدفاع عن النفس و تبادل وجهات النظر

السوالف اللي ماتبين امج مثلا تعرفها

 

عطينا ابسط سالفه

 

شنو الشي اللي ما ودج امج تعرفه

 

اسرار على اهلج ماتبين يعرفونها

 

وراح تحرجج؟

صعب اشرح لك شنو نوعية السوالف

 

بس الحين زمننا تغير يعني قبل لبنية ما عندها غير بيتهم و امها

 

لكن الحين انفتحنا على العالم الخارجي و قمنا نبعد عن اهلنا شوي

 

يمكن بعض البنات يعتبرون امهاتهم حسبة صديقاتهم و يقولون لهم كل شي

 

و بعض البنات تلاقي علاقتها مع امها مب ذاك الزود

 

يعني حتى لو كانت سالفة بسيطة ما تحب تقولها حق امها

 

على حسب ظروف الوحدة و طبيعة شخصيتها

 

ومن ناحيتي امي مقدرة هالشي وما عمرها طلبت مني تلفوني

 

اهي طول هالسنين ما تعرف عن سوالفي بتيي الحين تسالني عنهم ! صعبة ...

 

ولتقول ان هالشي اهمال منها او ما شابه

 

بس اهي اسلوبها جذي ان تعطيني استقلاليتي وما تتدخل في كل كبيرة و صغيرة على اساس ما تصك علي

 

مجرد انها تسالني في الشهر مرة من تحاجين في التلفون او من متصل لج

 

واذا بالغت في الاسئلة اكيد راح انزعج

[هل يحق للاهل التفتيش بموبايلات ابنائهم؟!]

انا بقول شغله اللي يقول عندي اسراري

 

شنو بتكون الاسرار

 

اكيد عندك علاقة مع بنت

 

او البنت عندها علاقة ويا واحد ومايبون الاهل يشوفون التلفون تحت اي ظرف من الظروف على شان ما ينصادون

مب شرط الاسرار ان تكون عندي علاقة مع واحد

 

بس انا وحدة نص سوالفي مع ربعي بالمسجات

 

يعني لين اهلي جافو مسجاتي ما بيعرفون سوالفي بس

 

لا سوالف ربعي بعد

 

و الحين التلفونات صارت جنها مذكرات نحط كل سوالفنا فيها يعني مو بس مسجات

 

والواحد يحب تكون له خصوصيته مو كل شي يدرون عنه الاهل

 

ادري انك مو قاعد تنقز حق احد بس كلامي كان مجرد تعقيب للدفاع عن النفس و تبادل وجهات النظر

[الحجااااااااااااااااب]

اكيد لا

 

اصلا من مواصفات الشخص اللي ابيه لازم عنده اعتزاز بدينه بحدود المعقول

 

وارد اقول(( لا طاعة لمخلوق على معصية الخالق))

 

وهذي اللي قاله مو دليل ان ما عنده دين بالعكس حتى ما عنده غيرة

وهذي اكره شي في الريال

درر كلامج و الله

 

الله لا يبلينا برياييل جذي

[هل يحق للاهل التفتيش بموبايلات ابنائهم؟!]

والسؤال هو:-

 

هل يحق للاهل التفتيش بموبايلات ابنائهم؟!

ام ان الحريه قفص مقدس لايمكن دخول الغيره له..!

لهم الحق عاد مو القبيلة كلها

 

الام و الابو بس

 

و هالشغلة يبيلها شطارة

 

بحيث انهم يطلبون التلفون بطريقة مناسبة

 

و ياخذون عيالهم بالسياسة و ما يحسسونهم انهم شاكين فيهم او شي

 

لان انا عن نفسي مجرد ان امي تسالني من متصل لج او من تكلمين اتنرفز

 

الا تاخذ تلفوني بعد !!

 

كلنا واثقين من نفسنا و تلفوناتنا ما فيها شي غلط

 

بس المسألة مسألة خصوصية

 

و الانسان بطبعه ما يحب احد يتعبث باغراضه و خاصة التلفون

 

و هذا كان رايي

[ايهما اجرأ ؟؟]

معاكم حق في الفترة الأخيرة جرأة البنات وايد زادت ..

 

بس هالشي ما يعني انهم أجرأ من الشباب

 

الجنسين منهم الجريء و منهم الملتزم

 

بس لصبي لو شنو يسوي كله عادي و عاذرينه

 

من جذي ما تبين الجرأة

 

غير لبنية أقل كلمة تقولها تتحاسب عليها

[ما هو الحل ( إنسان حائر ) ..!!]

مهما كان عاقل و فاهم يظل عمره صغير

 

و لوينتظر ليما يكمل دراسته و يعتمد على نفسه احسن

 

اهو صح في هالزمن الواحد المفروض يدور على انسان يحبه

 

و المفروض ما يفرط فيها و خصوصا انها عاجبته

 

بس مادام قلت انها تحبه يعني اكيد بتنتظره

 

و ماظن يحس بقيود دام انه ضامنها يعني

 

وبعدين دام انه يبيها ليش يكلم غيرها تناااقض ..

[ابيكم ضروررررررررررررررررررررري]

الذاتي تقدم المنتصف والنهائي بس

 

المنتصف بكون من 30 والنهائي من 70

 

 

وبعدين المجموع ينجمع مع الدرجة الاولية وتنقسم على 2

 

 

 

هذا اللي اعرفه

انا اللي اعرفه ان الدرجة الاولية تنحذف خير شر

 

و يحطون الدرجة اليديدة بدالها

 

و اذا بتاخذين مواد ذاتي حدج 4 ساعات

 

يعني اما مادة وحدة 4 ساعات

 

او مادتين بو ساعتين

 

و يساعد وااااااايد واااااايد

 

انا عن نفسي جربت اخذ ذاتي مرة و ساعدني

 

و الكورس الياي بعد باخذ

 

[ممكن مساعدة]

جفت مركز تحميل الصور اللي في الموقع من فوق ؟

 

نزلهم اهناك في قسم حق الاغاني ..

[الرجل والماكياج!!!!!!!!!!!!!!]

بعض النساء يفضلون الريال يمكيجهم و يعدلهم

 

لان المرأة بتغير منها و ما بتطلعها حلوة تخاف تصير احلى منها

 

غير الريال ما يفتكر

[&&&***** )( الوزن الزائد )(*****&&&]

و الله اذا تبين الصج جفتي شلون كانت حالتج قبل ؟

 

انا الحين اخس

 

و خاصة عقب ما يات الاجازة

 

24 ساعة نوم و اكل و انترنت

 

و حتى و انا قاعدة على كرسي الكمبيوتر نفس المنسدحة

 

بس مب قاعدة امتن

 

بالعكس امي تزفني تقول لي انتي كلما لج جسمج يخلص

 

الله يستر الظاهر فيني مرض

[وقـــت الفــراغ...]

انا في وقت الفراغ ارقد

 

و اذا ما فيني نوم احط حرتي في الاكل

 

اتمنى اشغل وقتي باشيه اكثر إفادة بس حزة الحزة اكون متنرفزة و ضايق خلقي و مالي مزاج اقعد اقرا و مادري شاسوي

 

يكفي اني اقعد اتحلطم على عمري و املل اللي وياي

[بنات حياكم مناقشه]

انا وحدة من اللي قاطين الزواج ورا ظهرهم

لين خلصت دراستي يصير خير

بس هم بعد الزواج قسمة و نصيب انا مادري قسمتي متى تكون و يمكن بعد اعنس

عالعموم باتخيل الموقف و باجاوب على اسئلتك ..

 

 

انتي بتتزوجين واحد اقل منج ثقافه؟ (يعني انتي جامعيه مثلا و اهوه من المعهد او على طول اشتغل)

انت قاعد تقيس مستوى الثقافة بالمستوى الدراسي اللي وصل له

اذا جذي ما عندي مشكلة ان تكون ثقافته اقل مني اهم شي معتمد على نفسه ويشتغل شغلة زينة

مع ان الثقافة تعتمد على اطلاع الشخص نفسه و طريقة تفكيره و تجاربه في الحياة ياما ناس ما كملو دراستهم بس ثقافتهم اعلى مني و منك

بتتزوجين واحد شغله اقل من شغلج و راتبه اقل من راتبج؟

اوكي ما في اشكال بس ما يكون اقل مني بوايد

هل بترضين تسكنين معاه في بيت اهله ولا تبين شقه او بيت؟(مع العلم ان راتبه مايقدر يخليه يشتري بيت الا عقب جم سنه)

في هاذي ماعتقد اوافق اسكن في بيت اهله

واذا ما يقدر يشتري بيت الا عقب جم سنة ينطر لين يشتري هالبيت و يعتمد على نفسه وعقب يخطب

 

 

وثانكس ع الموضوع ...

[!!هل استطاع الانسان ان يتحدي الشعور باليأس!!]

ساعات الواحد يصيده يأس لا شعورياً

 

لان كلما يقوم من طيحته يرد يطيح مرة ثانية .. و ثالثة و رابعة

 

مانقول فقد الثقة بنفسه

 

بس وصل لنتيجة انه ما يقدر يواصل في هالشغلة

 

و الناس قدرات مب شرط كل شي ابيه احصله او كل شغلة اسويها انجح فيها

 

يعني هالشي يبيله ارادة و قوة عزيمة

 

اني كلما اطيح اتحدى نفسي و احاول اقوم

 

عاد لين كثرت الطيحات اهني يصيدني اليأس

 

[هل قد مرة خجلت من مواضيعك ؟؟!!]

ههههه أما عليك افكاااار

 

انا بالعادة ما أحط مواضيع

 

بس اكيد لين حطيت بكون مقتنعة بموضوعي و ماله داعي اتفشل منه

 

وحتى لو كان الموضوع قديم و عفا عليه الدهر و صار ماله سالفة

 

ما يعتبر غلط لان كل شي يتطور و يتحسن حتى المواضيع و الافكار

 

و ما لازم نحاسب الشخص على موضوع حاطه من جم شهر او جم سنة

 

و انت لا تقعد تقلب المواجع يوز احسن لك

[هل تستطيع؟]

ممكن يكون هالشخص أرفع مني شأناً من ناحية العمر .. من الناحية المادية .. الوضع الثقافي

 

و مهما كان أرفع مني لازم بكون أحسن منه في شي معين

 

عاد انا استغل هالشي و اخليه يلتفت له بطريقة ما

 

و بجذي أحوز على مكانة خاصة عنده

[أســئــلــة خــاصــة ...]

][@][@][@][@][@][

 

•°• لمـــاذا •°•

 

- لماذا تعشق الهدوء ... ؟

لان يساعد على التركيز و الانضباط

- لماذا إخترت إسمك المستعار ... ؟

مو انا اللي اخترته .. كان اقتراح من وحدة رفيجتي

- لماذا إخترت منتديات البحرين اليوم لتنضم إليه ... ؟

كنت ادخل المنتدى فترة طويلة اقرا المواضيع و اطلع من غير ما اشارك

بس بمرور الوقت عجبتني المشاركات و عجبوني الاعضاء و قررت اني اسجل

- لماذا في إعتقادك أن العضو الذي سبقك أختارك ... ؟

][@][@][@][@][@][

 

•°• أيـــن •°•

 

- أين تقضي جل وقتك ... ؟

على السرير

- أين تجد راحة البال ... ؟

في أي مكان .. على حسب الجو

- أين تجد نفسك في البيت ... ؟

في حجرتي

- أين تذهب لو أعطيت إجازة اليوم ... ؟

اممممممم برجة

][@][@][@][@][@][

 

•°• مــن •°•

 

- من علمته الرماية فرماك ... ؟

محد

- من يعجبك من أعضاء منتديات البحرين اليوم(( عضو واحد فقط )) ... ؟

سؤال صعب جداً

لحد الآن ما عجبني عضو بذاته

يمكن يعجبني شي فيه

- من هو صديقك الصدوق ... ؟

وحدة ينقال لها بنت خالتي .. بس اعتبرها اختي

- من أى شئ تغضب ... ؟

مادري .. اغلب الاوقات هادية ماعصب بسرعة

][@][@][@][@][@][

 

•°• مـتـى •°•

 

- متى تبكي بحرقه ... ؟

اذا صار شي و تحسفت عليه وياكثر ما اتحسف

و بعد اذا فقدت انسان غالي أو تذكرت انسان فقدته

- متى تجلس لوحدك ... ؟

أغلب الأوقات ..

- متى تقول لا ... ؟

وقت اللي لازم اقول لا

- متى تكون أناني ... ؟

الأنانية اللي فيني في حدود الفطرة لا أكثر ولا أقل ..

][@][@][@][@][@][

 

•°• كيف •°•

 

- كيف تعيش يومك ... ؟

نفس ما الناس تعيشه

- كيف ترى حال الأمة اليوم ... ؟

- كيف تنظر لمستقبلك ... ؟

بتفاؤل

- كيف تنظر للمرأة (( إذا كنت عضو )) ... ؟

- - -

- كيف تنظرين للرجل (( إذا كنتِ عضوة )) ... ؟

ما في نظرة معينة .. بني آدم حاله حالي

][@][@][@][@][@][

 

•°• ما •°•

 

- في عصر العولمة الحالي (( ما رأيك في حب الإنترنت )) ... ؟

حلو اذا كان إيجابي

- يقال أن الحب يمحو جميع العيوب والأخطاء في المحبوب (( ما تعليقك )) ... ؟

يمحوها في عيون المحب و لكن ليس في الواقع و ما يمحوها تماماً بعد

- ما هو سر نجاحك في الحياة ... ؟

انا ناجحة يعني وايد زين

اوصل لدرجة من النجاح في مجالات معينة

و على حسب هالمجال اقدر احدد لج سر النجاح

- ما أجمل مافي الحياة في نظرك... ؟

الحياة بكبرها جميلة

][@][@][@][@][@][

 

•°• هل •°•

 

- هل أنت عاطفي ... ؟

لا

- هل صدمت بالخيانة من أعز أحبابك ... ؟

لا

- هل أنت فوضوي ... ؟

أحياناً

- هل كنت صادقاً في كل ما قلتة ... ؟

شوور

][@][@][@][@][@][

 

اشكررج ع الاسئلة الخفيفة ..

[اذا اتتك المذمة من ناقص..فهي شهادة لك بالكمال]

مهما كان ناقصا ً لا بد بأن هناك من يريد أن يسمع له ..

 

وبالتالي ستكون انت المتضرر .. فبرغم كمالك إلا ان لسان الناس ما يرحم ..

انا معاج في هالنقطة ..

 

بس اللي بيسمع له بيكون انسان ناقص و حاسد مثله

 

و فعلا لسان الناس ما يرحم

 

لانهم مو بس يذمون الشخص الناجح

 

حتى الشخص الفاشل يتشمتون فيه

 

بس شنسوي يعني نحط يدنا على خدنا و نقول ما بنجتهد بس عشان خايفين من مذمة الناس

 

اهو انسان حاسد و غيور يعني كلامه لا يودي ولا اييب

 

و مادام كلامه شهادة بأني كاملة لازم افتخر اني حصلت مذمة منه

 

 

 

مشكور اخوي على طرح الموضوع ..

[أحـزننـي مـا سمـعـت]

المنتدى مقسم إلى منتديات و كل منتدى يناسب فئة معينة من الاعمار

 

لدرجة ان في منتديات لو يدخلها شخص صغير بالعمر ما راح يفهم المواضيع اللي فيها

 

و كل واحد يفيد و يستفيد على حسب مقدرته ...

[بلييييييييييييييز دخلو]

www.education.gov.bh

 

الله يكون بعووونكم

[توقع من بيفوز بين الازرق والاخضر ولكم الجائزة]

انا اتوقع السعودية

[تخيلو لو إن ...]

انا باقول له ما عندك سالفة جان خليتني اموت