بوعلي00

((اللهم رب الناس ، أذهب البأس ، أشف أنت الشافى لا شفاء إلا شفاؤك شفاء لا يغادر سقماَ )). الله يشفيها.. ويصبرها.. ويأجرها.

الله يرحمه

احساسج بألم الفراق واضح أختي قلب الدنيا.. بس مثل ما يقولون هذي الدنيا.. يوم حلو ويوم مر.. بس خل يكون عزائج الوحيد فيها انها راحت لمستقبلها ولدراستها ولترفع راسكم قبل راسها.. والشي الثاني عد ان ألمها أكثر من ألمكم ب100 مرة.. يعني انتي يمكن فارقتيها هي بروحها.. بس هي فارقتج.. وفارقت بقية اخوانج وخواتج.. وأمج وأبوج.. وجيرانها.. وديرتها.. وكل شي!! الله يوفقها ان شاء الله.. ويحفظها.. ويصبركم.. ويصبرها.. وادعوا لها بالتوفيق. وذكرتيني في أيام مؤلمة جداً بالنسبة لي.. أتمنى تسمح الفرصة واذكرها لج في يوم من الأيام.

السلام عليكم ورحمة الله وبركاته.. اخواني وخواتي الأعضاء.. تعطر المرأة.. التعطر نوع من أنواع النظافة اللي ترتاح لها النفوس،، وكلنا نفرح لما نسمع جملة (اللللااااي .. ريحتك حلوة).. أو حتى مو علشان الناس.. يعني احنا نستانس لما نشم في روحنا ريحة خنينة.. والمعروف ان الله جميل يحب الجمال.. والدين يحثنا (أصلاً) على التطيب والنظافة.. قضية تعطر المرأة.. هل تعطر المرأة حرام؟ هل حلال؟ أو ان الموضوع من اساسه ما يحتاج نقاش من وجهة نظر اللي يقولون حلال واللي يقولون حرام؟! الله سبحانه وتعالى يقولوما آتاكم الرسول فخذوه ومانهاكم عنه فانتهوا) فأظن ان احسن حل ان نخلي لنا اساس يكونون الطرفين متفقين عليه حتى نعرف نمشي في الموضوع. يقول الرسول عليه الصلاة والسلام: ( أيما امرأة استعطرت ، فمرت على قوم ليجدوا ريحها فهي زانية ، وكل عين زانية) . مثل ما ذكرنا.. تعطر المرأة في الأساس مافيه شي.. ولكن أمامنا نص شرعي يقول لنا (تعطر المرأة حلال الا في هذه الحالات). وهذه الحالات: 1- يحرم على المرأة التعطر اذا خرجت من البيت وتفوح منها رائحة العطر. 2- يحرم على المرأة التعطر اذا كان قصدها اسثارت الرجال وجذب الأنظار لها. 3- يحرم على المرأة حضور صلاة الجماعة في المسجد وهي متطيبة (وهذه الحالة من حديث آخر). عدا ذلك.. يمكن للمرأة التعطر.. مع محارمها .. مع نسوانها.. مع زوجها.. أهلها. يعني اهم شي ان مايشم العطر ريال.. وماعدا ذلك مافيه شي. والإسلام ما ينهى المرأة انها تتطيب او تتزين ، ولكن ينظر إلى مفاسد الأمور .. يعني إذا المرأة بتتطيب ويترتب على هالشي فتنة ، فتمنع من التطيب، لأن درء المفسدة مقدم على جلب المصلحة. وفي حالة التعطر.. الضرر يكون يا على المرة نفسها في انها تخلي الرياييل يطالعونها أو يتنقرشون فيها.. او على غيرها من الرياييل في انهم بيطالعونها ويخزون فيها. السؤال: 1- للبنات: كيف تتعاملين مع هذا الموضوع بصراحة؟؟ تتعطرين ولا عليج من احد؟؟ ما تتعطرين؟؟ شرحي لنا شوي انتي شتسوين وشاللي انتي مؤمنة فيه؟! 2- للصبيان: شلون تتعامل مع خواتك ومحارمك.. تشوف ان الموضوع عادي؟؟ او ان ما ترضى؟؟ اشرح لنا شتسوي؟! وشاللي أنت مؤمن فيه؟! بس تذكير مهم: أتمنى ان ماناخذ الموضوع من وجهة نظر دينية أو شرعية ونقول (حرام) أو (حلال).. نبي نعرف طريقة تعامل أي شخص مع هذا الأمر (بالطريقة اللي هو يالس يسويها). وفي انتظار مشاركاتكم.

3000 دينار مهر 1000 دينار ثياب العرس (بشت+غتر+ثياب+ دهن عود+....) 3000 دينار عرس في فندق (هذي حق الرياييل.. اذا تبي هي تسوي حق النسوان بعد كيفها) 2000 دينار شهر العسل شقة بروحي (مابي أسكن ويا أهلها) هااااااا الا تتحلطمووون!! بس عشان تحسون شوي شتسوون في الصبيان ههههههههههههههههههههههههههه مشكووورة أختي شووق على الموضوع الخفيف والحلو.

يا هلا فيج اختي انغام. من سنة انضمامج الى المنتدى (2005) الى الآن (2009) فترة ليست بهينة (4سنوات) .. شنو قدم لج المنتدى؟ وماهو تأثره على حياتج؟ وشنو رايج فيه؟! والله يعطيج العافية.

انا ذكرت هالشي اختي لأن حبيت أوضح لج ان اللغة حالها حال الأمثلة اللي ذكرتها واللي تتكون منها هويتنا .. وهذي رداً على كلامج ان عادي حتى لو تغير كلام البحرين كلها للغة ثانية فهالشي عادي. عليج نووور.. هالشي الواحد (يتعود) عليه.. يعودونه اهله ان ما يتكلم بالعربي.. يعودونه ان تكلم بلغة ثانية.. وهني الخطأ. وأتفق معا أخوي mof وكلامه صح.. كوني محسوب على بلدة معينة وأتكلم مو بلغتهم.. شي مو حلو الصراحة. آآآآآآآآآآآسف جداً أختي قلب الدنيا ان طلعت على الموضوع.. بس لأن النقاش صار في جزئية من كلامي من قبل الإخت who @m i.

بناءً على كلامج أختي.. ما أتوقع انج تعارضين لو غيرنا ثيابنا (الثوب والغترة) و الدفة (مع المحافظة طبعاً على اللباس المحتشم) و أكلنا (الصالونة والمجبوس) و قصصنا التراثية (سرور و العنزات الثلاث) .. لأن بعد ما راح يتغير علينا شي في حياتنا وبنظل مثل ما احنا. هالكلام اختي لا يقبل الا معنى واحد .. الانسلاخ من حضارتنا .. وعقبها مسارين: 1- نلقي بأنفسنا لحضارة ثانية (الأوروبية الفارسية اليونانية الهندية). 2- التشتت والضياع والبقاء بلا هوية. عندج فكرة أختي ان اذا رحتي فرنسا وسألتي أي شخص برع في الشارع بالإنجليزي مابيرد عليج!! والعجيب انه أعرف مني ومنج في الانجليزي.. بس (هو يشوفها) منقصة له ان يتكلم بلغة غير لغته على أرضه. اليابانيين أختي مهما كانت طبيعة عملهم.. والمناصب اللي يوصلون لها.. وفي أي بقعة على الأرض.. ما يتركون الخشبتين اللي ياكلون فيها. السيكيين نفس الشي.. مهما كان عالم أو راح أي مكان في العالم.. ما يقط عمامته. وعندج فكرة ان في رئيس وزراء فرنسي تعرض للمحاكمة نتيجة استخدامه كلمة (ويك اند)!! احنا لما نقرا هالأخبار نضحك !! ونقول بل شفيهم ذلين جذي؟! هذلين أختي مثل ماقلتي.. ما راح يتغير شي فيهم.. يعني الفرنسي لو تلكم انجليزي وساعد الناس والياباني لو كل بقفشة بدل الخشبتين ما راح يتغير شي!! والسيكي نفس الشي!! عيل ليش يسوون جذي؟! هذلين (يفتخرون) بأنهم من دولة معينة.. الياباني يقول (أنا ياباني). والسيكي يقول (أنا هندي) و الفرنسي يقول (أنا فرنسي). احنا للأسف تعودنا ان ناخذ كل شي من برع فصرنا (بلا هوية).. أفلامنا والأفكار اللي تنعرض فيها ياية من (الحضارة الأمريكية) ستايل ثيابنا ياي من (الحضارة الأوروبية) دراستنا ولغة عملنا (الحضارة البريطانية) نتيجة هالمزيج من الحضارات.. صرنا نرخص في اللي عندنا.. ونحس انه ماله قيمه.. وشفيها لما ما اتكلم عربي؟ وشفيها لما أتكلم ايراني؟ وشفيها لما اتكلم انجليزي؟ اللسان واللغة العربية جزأ لا يتجزأ من هويتنا العربية والبحرينية.. واللي يرخص فيها.. يرخص بجزء من هذه الهوية.

سؤال أختي.. عندج مانع لو لغينا اللغة العربية (رسمياً) ونتكلم انجليزي أو ايراني أو أي لغة ثانية؟ مع العلم.. ما بنغير أي شي غير اللغة.. يعني العلم بيتم هذا هو وولائنا لأرضنا هذا هو ما بيتغير.. بس الكلام بنغيره. مع ذكر الأسباب في حالة الموافقة أو الرفض؟!

هلا أختي .. لا أفا عليج.. هذي المطلوب .. والا ليش اسمه قسم النقاش؟! راح أكون متفق معاج اختي في النقطة اللي قلتيها اذا وضحتي لي هالسؤال: هل (من وجهة نظرج) واحد ينولد في البحرين.. وجنسيته بحرينيه.. ولو سألوه أنت شنو جنسيتك؟ قال بحريني.. ويعيش طول عمره ويموت على هالديرة ومايتكلم عربي.. أو خل نقول يتكلم عربي مكسر!! (وحتى أكون واضح أكثر.. أقصد اللي يتكلمون أي لغة غير العربي.. سواءً ايراني او انجليزي). إذا ممكن أسمع تفسيرج.. هل هالشي عادي (ان واحد مايتكلم لغة وطنه)؟ وشرايج فيه؟؟ وشنو ممكن تطلقين عليه؟! ومشكورة على المتابعة.

هلا طرطنقية. والله شاقول لج.. قبل كنت اقول الناس تغيرت،، بس الحين صراحة اقول الزمن تغير (مع تغير الناس طبعاً)!! يعني شلون؟! باتكلم عن نفسي.. انا كل يوم صراحة تقل اناستي اكثر في الشي اللي اسويه. في الطلعات في السفر وحتى في الأكل!! وأخاف ايي يوم ماحس بطعم اي شي في حياتي. ماعرف صراحة اشرح اكثر.. بس أقول الزمن تغير.

1- هل أنت من الاشخاص اللي تخشى زيارة القبور ؟ اي. 2- هل سبق لك وزرت المقبرة ؟ اي. 3- لين تسمع كلمة مقبرة ماذا يخطر في بالك ؟ Gameover 4- هل تحس نفسك متهيأ لدخول هذه الحجرة الصغيرة ؟ مستحيل. وأهديكم هاللنك أتنى تسمعونه: لمن فارق حبيبه ومشكووور اخوي على الموضوع المميز

مع.. لأن هذي تطور. مع او ضد مضيعة الوقت؟!

كلنا نبي نربح.. بس أنا صراحة ما أفهم في سوالف التجارة.. وحكمتي : لو فيه خير ماعافه الطير. يعني لو هالموقع اييب بيزات صج وبالمعنى اللي احنا متخيلينا حان جفت التجار واللي يعرفون حق هالسوالف أول من يشاركوون!! فسوووري ماقدر اشااارك.

الله يقومج بالسلامة إن شاء الله.

السلام عليكم ورحمة الله وبركاته.. أول شي أسأل الله أن يفرج همك ويشرح صدرك ويسعدك في الدنيا والآخرة. يمكن ماحصل لي شرف معرفتك أخوي محمد،، بس ماشالله عليك أشهر من نار على علم.. بصمتك موجودة في المنتدى.. واسمك مايذكرونه الا بالخير. حبيت اشارك وارد على موضوعك مو لأن عندي حل حق مشكلتك.. بس أتمنى تضبط وياي وأقدر أفيدك لو بكلمة وحدة بس. يقولون.. مافي دخان من غير نار!! ويقولون.. اذا عرف السبب.. بطل العجب!! بوجاسم.. هل أنت (مقتنع) ان الضيقة اللي فيك مالها سبب؟؟ ما أتوقع.. لأن مافي شي في الدنيا ماله سبب!! يصير ان (نجهل) السبب.. بس في سبب!! غالب هالحالات تكون يا اما نتيجة: 1- فراغ يعاني منه الشخص: قد يكون مادي أو معنوي. 2- خروج الشخص لتوه من ضغوط. 3- سماعك لخبر مب زين أو سماعك لكلمة جرحتك. 4- تراكمات من الماضي: وهالتراكمات تكون عبارة عن (ملفات مغلقة).. بس متى ما تعرضت للظروف المهيئة لها.. انفتحت مرة ثانية.. وأهم الظروف الفراغ. والحل؟؟!! يقول الله سبحانه وتعالى : (أمن يجيب المضطر اذا دعاه ويكشف السوء) ويقول الرسول عليه أفضل الصلاة والسلام: ( ما يصيب المسلم من نصب، ولا وصب، ولا هم، ولا حزن، ولا أذى، ولا غم، حتى الشوكة يشاكها إلا كفر الله بها من خطاياه ) لا تصدق تلقى حلك عند أحد غير الله سبحانه وتعالى.. وتأكد ان الله سبحانه وتعالى يآجرك على اللي أنت فيه اذا صبرت. بس هالشي ما يمنع ان تسعى وراء الأسباب.. امش بالمنطق.. يصير مافي سبب؟؟.. وحاول تقنع نفسك وتحاول ان تجد الأسباب بالإستعانة بالله سبحانه وتعالى ثم بالجلوس مع نفسك. ودائماً ردد: لا إله إلا أنت سبحانك اني كنت من الظالمين. سامحني بوجاسم على الاطالة.. وأدري المتضايق مايحب يقرا وايد.. بس حاولت أقدم شي.. وا ن شاء الله أكون وفقت.

إذا تذكرنا ان في حياة ثانية غيرها بعدها.

كللللللللللله منك انت السبب انت اللي حرضتهم عليي ههههههههههههه والله الا همه يبون الشااارة بس. أسئلتي: 1- وين ممكن المرة (بشكل عام) تلقى سعادتها؟ ووين أنتي تشوفين سعادتج؟ 2- الجيل الحالي.. ماهي مميزاته ؟؟ وماهي عيوبه؟؟ وهل من الممكن أن ينهض في يوم من الأيام؟ 3- لما بترقدين.. شنو الأشياء اللي تفكرين فيها قبل النوم؟ 4- شنو الأشياء (من وجهة نظرج) المادية أو المعنوية اللي اذا حصلتيها راح تتغير حياتج الى الأحسن؟! ولي عووووودة بعد الإجابة

هلا فيج أختي.. مسامحة بس ما أتفق معاج في وجهة نظرج.. لأن بهالمنطق.. لازم مانروح للمستشفيات.. لازم مانتعلم.. لازم ما نروح مراكز الشرطة ونشتكي!! احنا ما قلنا ان احنا دكاترة ولا أخصائيين نفسيين ولا احنا اللي بنحل مشاكل الناس!! حاولنا ان نطبق حديث الرسول عليه الصلاة والسلام: (من فرج عن مؤمن كربة من كرب الدنيا فرج الله عنه كربة من كرب يوم القيامة). قلنا (بنخفف) عن المهمومين .. والحمدلله وبتكاتف الأعضاء سوينا شي مشرف!! ممكن تقولين لنا وين الغلط اللي صار من وجهة نظرج؟!

يا هلاااا ومرحبااااا. زارتنا البركه!! لي عوده للأسئلة.

هلا أختي.. موضوعج بصراحة حلو ومهم ومميز. في شي واحد بصراحة لي الحين مو قادر أستوعبه.. في ناس ينولدون في البحرين.. ويعيشون في البحرين.. ويحصلون الجنسية البحرينية.. ويموتون في البحرين.. ولا يعرفون يتكلمون عربي!!!!!!!! أو انه يتحجى عربي مكسر!!!! لييييش ياخوووي؟؟ طبعاً أنا ما أقصد اللهجة الإيرانية بس.. في بحرينين والله العظيم مايعرفون يتكلمون عربي!!!!!!! كللللله انجليزي!!!! وين ياخوي ولاءك وين وطنيتك؟؟!!! وليش تتكلم بلغة ثانية؟؟!! أنت مو بحريني؟! مو عربي؟!! أكيد طبعاَ اذا من باب التواصل مع الأهل أو للشغل ما في مانع!! بس لما (يتربى) انه يتكلم بهاللغة!! (يتربى) على انه اللغة العربية لغة جانبية !! معناته في مشكلة في الموضوع. وووو هذي اللي أبي اقوله بإختصار. والله يعطيج العافية.

وعليكم السلام ورحمة الله وبركاته.. هلا فيج. [/color] 1- متى تكون ثقه الانسان في نفسه غرور من وجهه نظركم؟! او شالفرق بينهم؟؟! الواثق: شخص يثبت للآخرين أن بإمكانه أن يصنع الظروف المناسبة له. الغرور: شخص يثبت للآخرين أن بإمكان ظروفه أن تصنع الشخصية المناسبة له. 2- متى تكون الفضفضه علاج ومتى تكون مجرد ثرثره من وجهه نظركم !! او شنهو الفرق بينهم!! الفضفضه: راحة نفسية يشعر بها المتكلم فور انتهائه من كلامها. الثرثره: راحة نفسية يشعر بها المستمع فور انتهائه من سماعها. 3- متى يكون الانسان يعاني من الوحده او من الفراغ؟؟! شالفرق بينهم اثنينهم؟؟!! الوحده: خلوة أجبرت الظروف صاحبها على قضائها. الفراغ: خلوة أجبر صاحبها ظروفه على قضائها. 4- شالفرق بين شخص يكون طيب وشخص يكون مغفل!! الطيب: شخص يحب الخير.. واذا عرف ان في شخص مبيت له شر .. ابتعد عنه. المغفل: شخص يحب الخير.. واذا عرف ان في شخص مبيت له شر.. راح له. 5- متى تكون صراحه الشخص وقاحه؟؟!! الصريح: الشخص اللي لما ينتهي من كلامه تحاول تغير كل الأخطاء اللي قالها لك. الوقح: الشخص اللي لما ينتهي من كلامه تحاول تتمسك في كل الأخطاء اللي قالها لك. 6- متى تكون تصرفات الشخص حريه شخصيه ومتى تكون قله ادب؟؟ الحريه الشخصيه: الشعور بالأمان في ممارسة أي تصرف يخصك. قلة الأدب: الشعور بالأمان في إجبار غيرك على مشاركتك في ممارسة أي تصرف يخصك. 7- متى تكون النصيحه تدخل في شئون الاخرين وفضوول؟؟ النصيحة: اذا كانت بوقاحه. أسئلتج واااااايد كانت صعبة صراحة.. وخذت مني تفكيير واااايد.. بس حلوة..

هلا فيج أختي.. أول ماقريت اسمج قلت هالاسم وين قاريه يا بوعلي ويين؟؟! عقب تذكرت انه طرطنقيه حاطته في توقيعها!! يا هلا وسهلا فيج اختي.. ندش في الموضوع.. والله شاقول لج .. الانترنت بكبره عالم آخر.. غير اللي احنا عايشين فيه.. وبصراحه انا ما انكر ان ياتني فترة وصرت مدمن انترنت ولا كنت داري!! بس الحين.. صرت ما ادخل الانترنت الا في الليل.. والله يلسة الأهل مالها عويض.. يلستك ويا امك وابوك وخواتك واخوانك.. والله حتى لو ماعندك سالفه.. بس يلستك وياهم تكفي!! خاصه بعد بعض البنات اللي تخلي امها في الصاله وتجابل الانترنت 3 والا 4 ساعات!! انزين انتي استانستي .. امج من يونسها؟؟؟!! والصبيان اكثر واكثر.. والله العظيم في صبيان ما يجوفون أبوهم وامهم اللي وياهم في نفس البيت!!!!!!!!!!!!! أكيد الانترنت صار من ضروريات الحياة.. بس لما واحد يقضي من وقته 5 أو 6 أو 8 ساعات في عالم خيالي.. أعتقد عنده مشكله ولازم يحلها!! عني أنا شخصيأ.. أخصص ساعتين (في الغالب) قبل الرقاد للنت.. وعقبها أرقد.. ولا تنتظرون لما ينقطع النت حتى تزورون أهلكم.. وتيلسون معا بيتكم. وتذكروا .. الأهل مالهم عويض.. ومن اللي يستاهل ان تقضي وقتك وياه اكثر من هلك؟؟!!!! مشكورة اختي على الموضوع الحلو.. ولا تحرمينا من طلتج. بوعلي00

6ar6an8y هلااااا فيج لاااا والله بالعكس أحب المشاركااااااات الطويييلة<<<<<<<<< الحين عقب ماتحلطمت هههههههههههههههههه لا بس صج أحب المشاركات الطويلة.. ان شاء الله راح أتحجى.. وان شاء الله حياتج تكون حسن .. إلى أحسن. جمـــا "معذبهم" لـــي هلا فيج أختي.. ونتمنى تواجدج الدايم ويانا.. مابي أقول حياج لأن انتي راعية المكان وانتي اللي لازم تقولين لنا حياكم!!! بالعكس أختي ماسويت شي والله.. أنا يمكن حطيت الفكرة بس الخير والبركة في الأعضاء. الله يبعدج عن الهموم وييسر أمرج ويشرح صدرج وينور دربج.. ويشفيج من الزكام والصخونة!! ومثل ما قالوا لج الاخوان والخوات.. لا تفكرين وايد.. وشنو الشي اللي موجود في البنات اللي تخرجوا ولا موجود فيج؟!!! وشنو الشي الموجود في البنات اللي حصلوا الليسن ولا موجود فييج؟!! هذي اختي مجرد مشاعر خوف طبيعية.. لا تعطينها أكبر من حجمها.. وعيشي حياتج.. وما بتتذكرين هالأيام وبتضحكين الا عقب الله يكتب لج وتتخرجين وتنجحين!! بخصوص اللي يسأل عن البنت اللي اغتصبوها ماردت علي!! طرشت لها 3 ايميلات واليوم طرشت الرابع!! بس ماردت.. اذا كانت تقرأ هالسطور أقول لها يا أختي مافي مشكلة ولها حل.. وأنتي مظلومة.. ورب العالمين واقف معاج،، تمنينا كلنا ان نساعدج ونقدم لج عل الأقل وجهة نظرنا.. عل وعسى نخفف عنج.. بس للأسف ما حصلناج!! أشكر كل اللي أرسلوا رسايل يسألون عن البنت.. وان دل على شيء.. فإنه يدل على غيرتكم وحبكم للغير!! وشقد الواحد يفرح لما يحس ان الدنيا لي الحين بخير بوجودكم أنتوا!! باب الفضفضة لي الحين مفتووح.. وبيظل مفتوح.. وقلوبنا بتظل مفتوحه لمساعدة الكل.. في أي وقت .. في أي زمان.. في أي مكان.. الى ذلك الحين انتظرونا في المحطة الأخيرة.. ويبقى الأمل!!

هلا فيكم اخواني وخواتي.. وشرفتوا الموضوع. نيي للتعليقات: 1- التغيير: الكل متفق ان في أمور لازم تتغير،، يمكن نكون مختلفين على ماهيتها.. بس متفقين ان في أمورلازم تتغير.. وهذي اتفاق حلو من البداية. 2- الإيمان بالتغيير: عدد اللي ردوا على الموضوع لي هذي اللحظة 5.. 3 منكم (طرطنقية - منامية - جمالي معذبهم) ما يؤمنون بانهم قادرين على التأثيير والتغيير في البيئة المحيطة بهم.. و 1 (العلياء) ترى أنها قادرة على التغيير .. و 1 (ماريا الوردية) ترى ان ممكن اي وممكن لا. بغض النظر عن البيئة اللي احنا عايشين فيها.. ونوعية الناس اللي نشوفهم.. وكلنا نعرف نوعية العقول اللي يصرون على الخطأ وما يقبلون النقاش أصلاً!! بس ما يصير يا اخوان ويا اخوات نمحي من قاموسنا فكرة التغيير!! اللي يقول ماقدر.. هل حاولت؟؟ جم مرة؟؟ ومع من؟؟ وشلون كانت النتايج؟! احنا مايالسين نتكلم عن نوعية التغيير ولا حجمه ولا الجوانب اللي لازم تغيرون الناس فيها!! حاول تغير في أي شي.. واحد يقط (كرمكم الله) الوصخ على الأرض .. قول له قطه في الخمام.. هذي تغيير!! واحد مايصلي .. تقول له صل.. هذي تغيير!! وحدة تعقر في الناس.. نصحيها .. هذي تغيير!! وحدة عندها معلومه غلط في حياتها في دينها في طريقة تعاملها مع أهلها وصديقاتها.. نصحيها.. هذي تغيير!! اخذ ورقه واكتب فيها دعاء أو حديث أو آية .. وعلقها على الباب على السيارة على باب مسيدكم.. هذي تغيير!! المهم حاول (تغير) .. لأن التغيير يمثل شي عملي.. يعني مو كله كلام كلام كلام.. واذا قدرتي تصلحين معلومة وحدة غلط عند رفيجتج فأنتي إنسانة مؤثرة.. والصبيان نفس الشي!! 3- المنتدى: تقريباً كلكم اتفقتوا ان المنتدى وسيلة (غير فعالة) في تغيير السلوكيات الخاطئة بين الناس.. أو انها بسيطة مثل ماقلتوا. أنا اتفق معاكم في ذي النقطة.. المنتدى وسيلة غير فعالة.. ليش؟؟ مادري صراحة.. وأتمنى أي احد عنده وجهة نظر يقدمها لنا. على قولة طرطنقية (هنزيييين).. المنتدى طريقة غير فعالة للتغيير.. هل في طريقة فعالة؟؟ مافي أحسن ولا أروع ولا أكمل من الإستشهاد اللي استشهدت فيه اختنا العلياء.. (إن الله لا يغير ما بقوم حتى يغيروا مابأنفسهم).. قانون الهي وشريعة ربانية كتبها الله علينا منذ بدأ الخلق.. شئنا أم أبينا.. أفضل طريقة للتأثير هو تغيير نفسك أولاً.. وتخلي الناس تشوف هالتغيير (عملياً) ثانياً.. يعني شلون؟؟ اذا ركبت في السيارة قول دعاء الركوب.. وسمع اللي وياك!! اذا خلصت من الأكل أو الوصخ كرمكم الله قطه في الزيلة .. لا تنطر أحد يشيله لك!! لا تسب. ابتسم جدام الناس.. خل يعرفون تأثيرها السحري. أشيا واااااااايد نقدر نسويها.. بس أهم شي نبدأ بأنفسنا.. في انتظار اي تعقيب على الكلام.. ودمتم بود..