Broken Wings

السلاااااااام عليكم B) كلام صحيح، الحقران ينفع احيانا في بعض الحالات كلما نشد يلين ويرق قلب الثاني بس مو مع الكل بس في اغلب الحالات وااايد ينفع ويعطي نتائج مرضية يعطيكم العافية

السلااااام تسلمين اختي على الموضوع ويعطيك العافية B) صدقيني ان اغلب الناس الي يمارسون هالأشيا سواء يقومون بالزنا او يتبادلون الصور الله يبليهم في احد من خواتهم او عيالهم خاصة اذا كان واحد مو نادم ولاناوي يتوب الله يبعدنا عن الحرام ويهدي الجميع ان شاء الله

السلااااام انا ضد الحب قبل الزواج لأن شنو الفايدة لما اعيش قصة حب مع شاب سنييييين وانطره واصبر وفي النهاية ماناخذ بعض ليش احبه واتعلق فيه وبعدين يصير شي الله كاتبة يقول لي الحبيب حبيبتي انا احبج لكن ما اقدر اتزوجج! انت تستاهلين احسن ومدري شنو وما ابي اوعدج بشي..... ما انصح بالحب قبل الزواج انا عشت قصة حب ما اظن في احلى منها لأن كنت فرحانه ومرتاحة معاه واااايد لكن صار شي قوي سوا حاجز بينا وما نقدر نتزوج لأن الحياة بتكون مستحيلة بينا( مدري الحب القوي وين راح) الحب موجود في القلب بس الحين ما اقدر افكر بغيره وما اظن بفكر اتزوج يسوى؟ ما اظن يسوى صدقوني الحب بعد الزواج افضل لأن بداية صح ومافي تخشش كل شي ظاهر وكل واحد على طبيعته وحقيقته ومع الأيام والعشرة بيحبون بعض وبيتعلقون ببعض مسامحة طولت عليكم يعطيكم العافية

السلااااام مشكووورة اختي على الموضوع وانا اقول ان عاادي برضى فيه دام هو صارحني من البداية وفتح قلبه واعترف بتجربته الفاشلة وعنده عزيمة وارادة ان يعيش حياة ثانية وافضل والي عنده تجارب في العلاقات احسن من الي ما عنده لأن بيكون عنده خبرة في التعامل معاي وبيحاول قد ما يقدر ان حياتنا تكون افضل واحسن وبيحاسب اكثر لأن مايبي يفشل مرة ثانية تسلمووون ويعطيكم العافية

السلاااااااام تسلم اخوي على الموضوع B) الاغتصاب من ابشع الجرايم لأن عواقبها وخيمة سواء في حق البنت او الولد واسبابها نفس ما قلت وقالوا الأعضاء ضعف الوازع الديني والتربية السيئة وخاصة التربية كل اسرة لازم يحطون البال على عيالهم يشوفون وين يروحون ومع مين يقعدون مهم ان الأم والاب يلاحظون عيالهم ويقربون منهم عشان لو احد قرب منهم وحاول يتحرش بيلجأون لأهلهم ويقولون لهم وجذي يتداركون المشكلة قبل ما تكبر لكن لو خلو بنتهم او ولدهم يروحون وايون على كيفهم ولا يسألون عنهم بعدين صعب ان البنت او الولد يصارح اهله بأي شي يصير له وجرائم الاغتصاب من زمااااااان موجودة مب مع التكنولوجيا والفضائيات احنا نسمع عنها من اول ما فتحنا عينا على الدنيا للأسف ولا بعد اكثر جرائم الأغتصاب تحصل من الأقارب والأهل تخيلو اب يعتدي على بنته!!! اخو ينام مع اخته وخلاها تتعود عليه!! تره ذي للأسف صار في ديرتنا الحبيبة فالحل المهم ان كل اسرة تقوي ايمانها وايمان عيالها ويحطون بالهم عليهم لأن التربية مهمة جدا في حياة كل انسان والمجتمع بعد له دور من خلال الندوات الدينية والمحاظرات والاعلام وان يزيد ويشد في عقوبة جرائم الاغتصاب لازم تكون العقوبة مناسبة مع الضرر المعنوي والمادي مسامعة طولت عليكم بس فيني حرررررررة

السلااااام الحب مرة وحدة في الحياة يجوز وومكن يحب مرة ثانية اذا الحب الأول والحقيقي مات لكن بعد مو نفس مستوى الحب الأول لكن بعد انا اقول ان القلب يحب مرة وحدة

السلاااااام B) عااادي عندي الحمد لله مؤمنة واعرف ان الزواج قسمة ونصيب واذا الله مو كاتب لنا فأكيد خير ويمكن يعوضني بغيره احسن وافضل بس ما انكر ان اول اسبوع لي من بعد الرفض بحس ان فيني نقص وبتهبط معنوياتي وتفكيري بيزيد ويمكن ما انام في الليل <_< لكن هي فترة وتعدي ما اظن ذي الشي يزعل ولا يعقد نفسيا للأبد بس لحظتها شوي الوحدة يمكن تنصدم والشكل عندي مو مهم كريه حلو اهم شي جمال الروح والعقل والله يرزق عبده على نيته انا اعرف وحده كانت دايما تتمنى زوج المستقبل يشابه راغب علامة بس تعالي شوفي زوجها الحين كلش عادي شكله وبسيط مظهره يعطيكم العافية

السلاااام B) مو شرط يكون حب ممكن اعجاب الواحد لازم ما يتسرع ويحكم على مشاعره قبل ما يصير اي كلام وتعامل بينهم لا يتسرعون واحسن هو يتقدم بأي خطوة يكلمها عادي كزميلة مثل الباقين وبعديييييين يمممممممممممممكن تتطور العلاقة بينهم وتصير مو بس في الشغل ويحسون بأشيا ما كانو يحسونها مع احد مني بيعرفون انهم دخلوا في الحب بس افضل انها ما تعلق روحها فيه لأن ما بادر بشي والصبر مفتاح الفرج

السلااااااام تسلم اخوي على الموضوع وكلام حلو احيانا احس ان الدنيا علمتني اشيا انا مو قدها وما كنت اتوقع اني احسها الحين في هالسن توقعت بعد سنيييييين اشيا ما اتحملها واحس انها فوق طاقتي بس الحمد لله راضية بحكمة ربي سبحانه وتعالى

السلااااام عورتي قلبي لما قريت كلمة خيانة ما كنت ادري عن شنو موضوعج لو ادري ان خيانة جان ما دخلت! مو عشان شي بس لأن صارت لي خيانة وقلبي يرتجف لما اكتب اي شي عنها شوفي الخيانة على انواع فمثلا لو شفتيها جدامج اكيد بتناهرين وبتاخذين قرار سريع من غير تفكير واصلا انتي بتكونين في حالة عصبية يمكن تندمين على اي خطوة تاخذنها وممكن يعترف لج الشخص بخيانته وانتي هادئة ومستانسة بتنصدمين اكيد بس بتفكرين قبل ما تقولين اي شي واذا كان الي بينكم ما ينسي وحب قوي وعنيف وسنوات مع بعض وشفتي ان حده ندمان وواثقة ان ما بيكررها فممكن تسامحين بس بشروط وشرطي عليه كل ما تبين وما تدرين يمكن هو ضميره يصحي ويحاسب اكثر ويكون قد كلمته ان ما راح يعيدها الاصعب لما يكون الشخص هو حب حياتج وتعرفين ان مافي غيره يفهمج ويعرف لج فانتي لا تضعينه اذا هو متعلق فيج ويحبج وندمان على فعلته اما اذا توكم علاقتكم مو قوية فأحسن ان تطلعين من حياته وبتحصلين الي احسن منه ولا تدورين على نصيبج اذا الله كاتب لج شي فبيصير لو شنو مسامحة طولت عليكم يعطيكم العافية

السلاااااااااام تسلمين اختي على موضوعج الروعة وياليت كل عضو يقراه ولازم كلنا نشوف ونستعرض شنو سوينا في حياتنا ونبتدي من الحين نعدل كل شي نتدارك امورنا نشوف شنو يبقالنا في الآخرة وقد ما نقدر نسوي فعل الخير ونذكر الله مو بس بالصلاة والقرآن في كل شي في حياتنا في الدراسة في الشغل في تعاملنا مع الناس كلامنا واسلوبنا مع الأهل لأن الدين في كل حياتنا والحمد لله كل شي واضح والي يقول ما اعرف يسأل اهل الدين والمشايخ ما شاء الله اشكثرهم في ديرتنا والله يكثر من امثالهم يعطيكم العافية

السلااااااام نفس كل الأعضاء الي ردوا ما في بيت خالي من المشاكل والسعادة بالنسبة لي حلم لأنها قليلة في حياتي ولما تطول بالسنين تروح في لحظة كأني كنت عايشة حلم حلو وصحيت منه الله يسعد الجميع

السلااااااام مشكور اخوي وتسلم على الموضوع B) كلام حلو ومفيد

السلااااام تسلم اخوي على الموضوع المرور مساكين تره هم ينظمون لنا الشوارع والسيدات وشوفوهم يوقفون في وسط الدوار في عز الشمس او في البرد واحيانا والله اوصل نص الدوار الا مره وحده اشوف المرور كنت بدعمه بس الحمد لله ما كنت مسرعة يعني والله هم بعد معرضين حياتهم للخطر كله لخدمة الشعب والوطن بس حزات بعضهم ما عندهم شغل يصيدون الواحد على اتفه شي مرة صديقتي طافت الاشارة صفرة كانت مستعيلة الصبح رايحة الدوام المهم كان مرور وراها لحقها ووقفت وعطاها مخالفة <_< قالت له طفتها صفرة وهو مصر ان طافتها حمرة ولما حاججته قالها يعني تكذبيني انا شفتج بس ما باليد حيلة مخالفة مخالفة ايبها بعد شنو بسوي يعني المرور في منه الي متسامح وطيب مع الناس وفي منهم شديدين وفي منهم يسون شغلهم على احسن وجه ويعطييييهم العاااافية

السلااااااام من بعد هالقصة يالأسد انا ما افكر احب واتزوج الحب بعد الزواج افضل واحسن واريح سألوا كل متزوجين وقارنوا بين الي تزوجوا عن حب سنين وبين الي بس اعجاب وزواج وبعدين حبوا بعض وشوفوا مين الي حياتهم الزوجة ليلحين مستمرة وعندهم عيال مو شرط ان كلنا نتزوج الشخص الي نحبه ويبيه قلبنا مثلا انا حبيت 7 سنوات وكنت واثقة ان هالشخص زوج المستقبل لكن صار الي صار ( مشكلة ما تنقال) وانفصلنا بس ليلحين نحب بعض بس مانقدر نتزوج شفتوا شلون ما انصح اي احد يسوي علاقة حب ويطول فيها ما تضمنون انكم بتاخذون بعض يصير شي اقوى منكم لو شنو الحب كان قوي وعنيف بس الواقع اقوى مسامحة طولت بس قلبي متروووس يعطيكم العافية

السلااااااااام الخيانة اكره شي في الدنيا لأن عواقبها وااايد وخيمة والأكره لما يخونك شخص تحبه من كللللل قلبك للأسف انا تعرضت لذي الموقف بس مو جدامي لكن لو جدامي جان بطيح فيه وفيها طق ولا بخليهم يتهنون بس ارادة الله ان ما اشوف ذي شي كان ممكن اتعرض لسكتة قلبية دريت عن الخبر وانا حدي مستانسة وفي قمة هدوء اعصابي بس تدرون تره ما انفعلت وايد حزتها بس انصدمت وانا الحين ظايعة وحايرة مو قادرة افهم ولا استوعب وكل ما تخيلهم مع بعض انقرف واعرف اني مو مقصرة وهو يعترف بذي الشي القهر ان ما اقدر اكره ولليلحين احبه ويحبني بس ما نقدر نعيش مع بعض لأن انا وايد مهزوزة وما عرف شلون بثق فيه والقهر اني سامحته بقلبي وقلت له خلنا نبتدي صفحة جديدة بس طلع هو ما يعرف شنو يبي وما تقبل الفكرة ومايبي يوعدني بأي شي هو مو قده!!!!!! انا حدي انقهرت عليه لأن عطيته فرصة ثانية بس هو رفضها ولا عرف شنو يسوي وانا ما اقدر اغصبه علي الله يسامحه سوووري طولت عليكم ويعطيكم العافية

السلاااااام معاناة والله والشوق يذبح بس شنو نسوي اذا كلش مافي فرصة نشوف بعض لو من بعيد نستحمل وما بيصير الا كل الخير احيانا الواحد الي مايشوف حبيبه مدة طويلة يحس ان مايقدر يواصل حياته العادية ما يقدر يدرس ولا يشتغل كل الي في باله متى اشووووفه بس دام القلوب على بعضها الحمد لله واحس ان كافي علينا يعطيكم العافية B)

السلااااااااام هانت اخوي ولاتزعل نفسك انت طيب والصداقة الي تدور عليها مكانها مو النت شفت شلون استغلك واحد وقدر يقص عليك بس ذي درس تعلمته وان شاء الله ما تعودها والدنيا لليلحين بخير والطيبين موجودين بس انت خلك حذر اكثر ولا تفتح قلبك لأي شخص والثقة لا تمنحها الا لمن يستاهلها بالتوفيق

السلااااااام انا 14/9 وياج الأخت ( أكيد عرفتوني ) يعطيكم العافية

السلاااام الله يرحمه الله يذكره بالخير كان هادي وماله حس مسكييييييين بس لا تيبن لج سناجب لأن ما يعمرون عندج بالبيت ايبي شي ثاني ما يموت بسرعة وتعورين قلبنا

السلاااااااااام B) تسلمين صديقتي على موضوعج بس انتي ادرى محد ينادي بأم فلان لكن انا خاطري بأم عبد الرحمن لأن في بالي ان اول ولد اييبه اسميه عبد الرحمن الي يسمع الحين يقول متزوجة او حامل يعطيكم العافية

السلااااام B) صاجه صديقتي دراغوون والله خاطري نروح ملاهي مكان كله العاب واشياء ترفيهية نفس الي نشوفه في الدول الثانية كله دول الخليج عندهم ملاهي إلا احنا ان شاء الله يسون اكبر مدينة ترفيهية في الخليج عندنا يمكن يصير ماندري البحرين يحليلها لو صغيرة بس فيها اشياء محد يتوقع تكون عندنا نفس حلبة الفورمولا تسلمييين دراغوووون عزيزتي

السلااااااام هههههههههههههههههههههههههههههههههههههههههههههههه هههههههههههههههه اي والله كرهتنا في البيبسي

[align=center][align=center]السلاااام صح لسانج صديقتي دراغوون هذي مو حالة متشحططين ما عندنا مكان نصلي لو كانوا اوروبيين مسلمين جان من زمان سووا مظاهرات واحتجاج حتى المسيحيين في بلاد بره اي شي يطالبون فيه ليمارسون ديانتهم يتنفذ في الحال اتمنى احد يسمع ويحس ويحرك ساكن ويطبقون بالفعل المصلى مهم جدا ولازم يحطون للبنات مصلى وللصبيان بعد تسلميين دراغوووون [/align][/align]

السلااااام أولا: انا من النوع الثالث آخذ التلفون معاي كل مكان ماعدا الله يعزكم الحمام لأن في ناس تاخذه مناك <_< بس احيانا اخليه بالغرفة واطل عليه من فترة الى فترة ُثانيا: ارد على التلفون بعد رنتين لأن فيه ناس يتصلون من سمسم ويمكن قصدهم رنة مب عشان اسمع الرنة ثالثا: احساسي اني ما افتكر رابعا: اذا احد عنده خط ثاني اصكه وهم يردون علي بعدين او ارد مرة ثانية اتصل اذا كان ضروري او اطرش مسج اقولهم شنو ابغي وفيه ناس تحتر اذا يتصلون فيني ويكون عندي لاين وما ارد عليهم في نفس الوقت لكن (من عاب استعاب) الحين انا لما اتصل فيهم وعندهم خط ينقعوني ولا يردواااااا وطبعا انا ما اطول اصكه ( الكلام لج يا جارة )