[لو رحت لصديق.....................]

السلاااااااام

 

اول شي بقول اني شبعانه اكل توني ماكله قبل شوي

 

اذا كلش ماصدق كلامي باكل غصب عني وامري لله بس شوي عشان خاطره

[من هو الشخص الذي لا تحب أن ترى دموعه ؟؟]

السلااااااام

 

ما احب اشوف دموع اي شخص اعزه وأحبه خاصة امي وابوي واي احد من اهلي وخلاني

 

والله لا يجيب الزعل بين كل اهل ديرتي الحبيبة

[من الي يستاهل؟؟]

السلاااااام

 

تسلم مسكويينوووو على موضوعك

 

اولا الجأ الى الله سبحانه وتعالى فارج الهموم اصلي وادعي واقرا قرآن لين ما تهدى نفسي

واذا ظليت ليلحين متظايقة ومهمومة بروح لصديقاتي إلي ارتاح لهم واعتبرهم مثل خواتي القريبين مني بس لأن هالأيام ماكو احد يستاهل الثقة

وافضل شي الواحد من بعد ربه يلجأ لأحد من اهله اخوه اخته امه ابوه ولد خالته اي احد يرتاح له ويفهمه

 

يعطيكم العافية

[أختك تحب ماذا تفعل ؟؟]

السلااااااام

 

انا ما عندي خوات اصغر مني بس اقترح عليك لو مريت بذي الموقف تتصرف كالآتي:

 

حاول تعرف منو وشلون .. جاوب على كل الأسئلة إلي في بالك

اذا بعدها ارتحت بنفسك روح للريال وقوله تعال البيت

وانشالله ما يصير إلا كل خير

 

يعطيكم العافية

[لو نسيت ميلاد شخص تعزه او هو نسى]

السلااااااام

 

تسلمييين شرقية على موضوعك الحساس

 

انا دايما ما انسى اعياد ميلاد ربعي بس السنة إلأي طافت الظاهر حسدت روحي ونسيت كل اعياد الميلاد وما تذكرت إلا وقت ما طاح الفاس بالراس

 

طبعا اعتذرت لهم وذليت روحي عشان ارضي الكل وبالزور يالله يالله اقتنعوا

 

بس ما الومهم لأن انا بعد ازعل وقلبي يعورني ان محد تذكرني

وفي وحدة من صديقاتي للأسف تعمدت انسى عيدميلادها عشان تحس بنفس الشعور لأنها كل سنة تنسى

 

وانشالله محد ينسى عيدميلاد ربعه واهله

[الصداقـــة بين البنــت و الولــــد ...!]

السلااااام

 

مشكورة على الموضوع

 

بصراحة في مجتمعنا مافي صداقة بين الجنسين إلا في حالات نادرة يعني مو دايما تكون بريئة غالبا فيها مصالح، وللأسف احيانا البنت تكون صادقة في صداقتها لكن الولد يطلع خداع ويقصد شي خبيث ونفس الشي العكس نشوف احيانا البنت تلحق ولد بحجة مجرد صداقة لكن قصدها انها تهدم حياته والله يهدي الجميع

 

هالنوع من الصداقة نشوفها في المجتمع الغربي مو عندنا احنا المسلمين وخاصة الخليج لأن مجتمعنا ولله الحمد محافظ

 

لكن بعد ممكن نشوف هالصداقة في المدارس والجامعات واماكن العمل بحكم المكان، وصج تكون الصداقة بريئة لكن مو دايما وفي نفوس مريضة تشك في إلي تعرفه وإلي ماتعرفه وتظلم الناس البريئة للأسف <_<

 

تسلمووون ويعطيكم العافية

[تعالوا شوفوا هتلر]

السلااااااام

 

واخيييرا صدتييييها المتو العجييبة

 

حدها فلتة شي مو طبيعي إلي فيها

 

هذي لازم تودينها الغابة تعيش مناك

 

هي فعلا عبالها اسد فيها ميول وحشية حاسبوا لا تهجم عليكم

[؟؟؟؟]

السلاااااام

 

الله يهدي البنات إلي جذي

 

والريال اذا بيختار شريكة حياته ما بيهمه كلام الناس اذا متأكد من ان البنت مافي احسن منها وراح يعيش سعيد معاها

 

والله يبعدنا عن هالخرابيط وماينفع البنت تكلم الصبيان الغرب لأن كله مو لصالحها

عاد تصدقون إن هالأشكال تعرس قبل البنات الزينيين!

 

مو قهر

 

يعطيكم العافية

[...الغيره الزائده ام معزه زائده؟...]

السلاااااااام

 

اكيد معناه الغيرة

 

لأن لو كان معزة كان ما يتظايق اذا ذكروا صديقه بالعكس يستانس ويفتخر فيه

 

يعطيكم العافية B)

[ادخل وعطنا رايك ##]

السلاااااااام

 

رايي من رأي rap girl

 

بس البلوتوث مضرته اكثر من فايدته

 

احيانا بالغلط يكون بلوتوث تلفوني شغال بالغلط في مكان عام او ناسيه اصكه وتوصل لي بلاوي زرقة والعياذ بالله

النفوس المريضة تستغل التكنولوجيا في اشياء للأسف تضر الناس

 

الله يهدي الجميع ويحفظنا من شر البلوتوث وبلاويه

 

تسلم ويعطيك العافية

[تصيح اذنك ؟ ترف عينك؟؟؟ تعال وشوف المعنى]

السلاااااااام

 

تسلمييين صديقتي دراغوون

 

وانا اصدق هالمعلومات لأنها ثابتة علميا

 

مشكوووررررة

[ودكم تضحكون ؟؟ خبر مهم جـــداًًً.. لحقوا]

السلاااااااااام

 

صادقة صديقتي دراغوون

 

مايستحون هالمغازلجية

 

العزى والمآتم له هيبته واحترامه

 

الله يهديهم بس

[مواقف تخيلوا روحكم فيها]

السلااااااام B)

 

تسلمييين شرقية على هالمواقف

الرد على طول:

1- افر الدعايات وانسى عن القناة لما احصل لي شي ثاني اندمج فيه بس اذا حدي ابي اشوف ما افر القناة

 

2- انام وتعرفين عاد دور السنوووز شغال

 

3- اكلم احد من البيت يجيبون لي محفظتي أو اخلي اغراضي على صوب واروح البيت اخذ المحفظة اذا كان ضروري وايد

 

4- تنبط جبدي اول ما اطلع من الامتحان بس بعدين استانس واحمد ربي ان كان سهل والدراسة فادتني يعني كووول ما اكدر روحي B)

 

5- من القهر باكلها وبترسها ليمووون وبسوي روحي ناسيه ان حار

 

6- آخذ الشي اقول: توك منفرغ طالع اشعقبه وافلته

تعرفيني عاد مجنونة اذا بروحي

 

7- افز بسرعة ادور الشارج واكمل السالفة الخطيرة كوووول B)

 

8- اسوي زلزال في البيت وانا اذا ابي اطلع اطلع بأي طريقة

تعرفيني اشلون اطلع روحي، مثلا امثل مريضة وبودي روحي المستشفى واهني محد بيقول شي ههههههه

 

9- استغفر الله اتصير الصلاة ثقيلة، بس اريح 10 دقايق على الأقل واصلي فرضي بس يتكسر ظهري خاصة اذا راجعة من شوبينغ

 

10- ان شاء الله مقبولة واذا ما قدرت اصلي الفروض في وقتها فأصلي قصر، مب شرط قصر الا اذا صار علينا حرج

 

11- اطلع من المنتدى واصك الكمبيوتر خير شر واقوم لأن ما استحمل الجهاز يوترني

 

يعطيكم العافية

[المزيون والعدالة والسكران]

السلااااام

 

اخوي المزيون اشكرك على ردة فعلك وتشجعك على فعل الخير قبل غيرك إلي بس واقف يتطمش

كثر الله أمثالك وماعليك من كلام الناس دام انك واثق ان فعلك هو عين العقل والصح في مثل هالمواقف

 

وأأيد اختي شرقية اذا ما ساعدنا الناس اش بنطلع من غير ضمير؟

 

ولو كنت مكانك بتصل في اخوي يكلم الشرطة عني لأن من قبل مريت في مثل الموقف، الموقف باختصار:

 

كنت في مطعم مع اختي وعيالها وصديقتنا فجأة دخل علينا سكران ريال كبير محترم وولد ناس من شكله يعني، اتصلنا في الشرطة وطولوا لين ما وصلوا لأنهم ظيعوا في الدرب!

مع ان المكان معروف وآخر شي السكران مشى طبعا بعد ما اخذ عشاء ببلاش ومحد يوده!

 

يعطيكم العافية ومسامحة اذا طولت عليكم

[أيهم أصعب؟]

السلااااااام

 

محتااااررررررة كلهم صعبين

 

بس فقدان العزيز اصعب لأن ما منه رجعه ابد

اما الخيانة والجرح فممكن يتصلحون واسامح

 

موضوع يعور القلب ويهز المواجع لأني امر بنفس الظروف الي شرحتها وانادي وينه حبيب القلب إلي تبرى مني وخلاني وحيدة

 

تسلم B)

 

يعطيكم العافية

[هذه هي الحقيقة.. ضروري لكل الأعضاء]

السلااااام

 

مشكورة دراغوون على هالملاحظة المهمة

 

وانا معاج وأأيدج على حل المشكلة بأسرع وقت

 

تسلميييييييييييييين

[انتبه ........سؤال هل يمكن للصداقه ان تتحول لحب ؟؟]

السلااااام

 

ممكن الصداقة تتحول حب كل شي يصير في هالدنيا

 

بس مو ممكن الحب يتحول صداقة مستحيل ابدااااا

 

تسلموون عالموضوع ويعطيكم العافية

[الحب عن طريـــــــــــق ..........]

السلاااام

 

أعااااارض بقسسسسسسسسسسوة

 

واصلا مستحيل معناه يكون حب

اهو اصلا لعب وتسلية مافي منها فايدة الواحد يقضي وقته في شي مفيد نفس القراءة والمنتدى بعد لأن نتناقش في اشياء مهمة ونستفيد

 

آنه اعرف وحده حياتها كلها في الشات 24ساعة قاعدة تسولف مع ناس غرب ما شافتهم بس بالشاشة ولا بعد حاطة صورة عارضة ازياء يازعم اهيه ومصدقينها الشباب بعد

 

الحب شئ اسمى وارفع من شاشة وجهاز

 

الحب مشاعر وعواطف واحاسيس حلوة ولا ننسى النظرات إلي تفضح قلب كل شخص

ونصيحتي للجميع (( عن تجربتي الشخصية)):

ياقلبي يا جريح

لا تحب ولا تصيح

الحب إعصار وريح

سد بابك واستريح

[الحب الي ناس معينه بس ؟؟]

السلااااااااااام

 

تسلم عالموضوع

 

انا أأيد رأي زين العالي وأضيف إن الحب ما يعرف صغير ولا كبير وصح إن حب المراهقين مهزوز بس واااايد ينجح خاصة اذا كان الشاب اكبر من البنت سنا مثلا سنتين أو 3 يعني المهم إن خبرته اكثر منها ويتعلمون من بعض.. وحالات يكونون أصدقاء ثم تتحول علاقتهم الى حب قوي.. بس المشكلة انهم بيظلون في علاقة طويلة مدتها سنين ليين ما يتخرون ويشتغلون ويكونون نفسهم عشان يقدرون على مسؤولية الزواج

لكن خلال هالفترة هم يحلمون مع بعض ويبنون مستقبلهم بسسسسسس شنو يضمن لهم انهم بياخذون بعض في النهاية

وايد شباب بعد علاقة طويلة ينفصلون يصير شئ ما كانوا يتوقعونه ولا حاطين له أي حساب واهني يبين الحب الصادق عاد

ومحد عارف الله شنو كاتب له ولا احد يدري ان الشخص الي يحبه هو نصيبه الي مكتوب له ختى ولو يدري إن هو الشخص الوحيد المناسب له أو نفس مايقولن توأم روحه او نصه الثاني.. محد يعرف القدر المكتوب عند الله سبحانه وتعالى

 

مسامحة طولت عليكم

 

يعطيكم العافية

[العلاقة بين الجنسين]

السلااااااام

 

الصداقة شئ جميل ومهم في حياة كل شخص

 

بس في مجتمعنا الخليجي وتقاليده المتحفظة وماننسى ديننا الاسلامي، مفهوم الصداقة أفضل يكون بين كل جنس وبنيه يعني البنات بروحهم والشباب بروحهم، وفي حكمة من ذي التفريق، ووايد نشوف بلاوي ومصايب تحصل في البحرين تحت اسم الصداقة بين البنت والولد

بس ممكن تكون موجودة بشكل نادر عندنا وآنه اعرف ناس بينهم صداقات بمعنى الكلمة مو أكثر. والصداقة بينهم ما تشمل الجلسات بروحهم في شقة أو ما بينهم تبوس أو عناق وهالسوالف إلي ممكن تصير بين الصديقة وصديقتها عشان تواسيها لأن بين البنت والولد حدود

 

والصداقة بين الجنسين أفضل ما تكون عندنا وعادة نشوفها في المجتمعات الغربية لأن هالنوع من الصداقات يناسب تقاليدهم وثقافتهم وكل مجتمع يختلف عن غيره.

 

والحمدلله مجتمعنا محافظ

 

سوووري طولت عليكم يعطيكم العافية

[الهدية لا تهدى و لا ترد]

السلااااااام

 

تسلميييييين عمري شرقية

 

الهدية.... ما اردها إلا اذا كانت مصلحة او من شخص نواياه كيدية أو ممكن تكون واايد غالية اخجل آخذها من شخص توني اعرفه.

المهم الهدية إلي احصلها ما اهديها لشخص آخر لأن لها ذكرى حلوة ومجرد إن أحد فكر فيني لما حب يهديني شئ حتى لو كان بسيط أو ما بستعملها لأني بحتفظ فيها..

وتخيلوا لو الشخص إلي اهداكم هدية شافها عند أحد ثاني

بينجرح ويتألم وبتتفشلون يعني ما يسوى عليكم

 

يعطيكم العافية B)

 

تحياتي

[اللي يحبون يدشون هني بسرعة]

السلااام B)

 

تسلميييين حبيبتي شرقية على هالموضوع المثير

 

بقول مقولة قالتها لي صديقة عزيزة " ولدج على ما تربينه وريلج على ما تعودينه" أظن فهمتي معناها

 

وعني آنه فتعودت إن حبيبي يعرف عن طلعاتي وهو عادة ما يعارض واذا ما رضى وكنت مصره اروح يصير شي مو زين واندم واقول ياليتني سمعت كلامه وحزات تصيدني حوبات

ومافي أي غرور إلا اذا كان يبي يفرض سلطته عليج لكن غالبا والأصل إن يبي مصلحتج ويخاف عليج وآنه اقدر اميز بين الحالتين

عشان جذي آنه لما اروح أي مكان آخذ رايه

بسسسسس ياليته موجود معاي

 

المهم نصيحتي للفتيات " ريلج على ما تعودينه"

 

وشكراااا

 

تحياتي للجميع

[هل تخجل/ تخجلين من الاكل بيدك؟]

السلااااام

 

آنه ما أعرف آكل بيدي إلا اذا كان مثلا معجنات سندويش سمبوسة هالسوالف يعني إي آكل بيدي لكن عيش مثلا ما اعرف خاصة إني عسماوية

 

مشكورة شرقية على هالموضوع الشيق

[هل لمغازل 0000حب]

السلااااام

 

آنه أظن إن هالحركات مستحيل تكون عن حب ممكن اعجاب أو نزوة

لأن الحب شئ ارقى وأسمى منها..

 

ويعطيكم العافية

 

تحياتي

[متى تكذب ؟]

السلااااام

 

الكذب شئ مو حلو وآنه ما احبه بسسسسسسس

حزات اكذب كذبات بيظة نفس ما يقولون بس بعد الكذب ماله الوان

واذا اكذب يبين علي يعني ما أعرف اكذب

 

بس حزات امر في مواقف احاول اكذب فيها عشان ما ازعل الشخص الآخر بس افشل وفي النهاية اعترف واحس بالذنب

 

يعني مو فنانة ابدا في الكذب الحمد لله

 

تحياتي