LAISH

سلام مازلت اقول ومابغير رايي في ان المجرم كلامه عدل وصحيح... وماعليه غبار.. بس بعد اللي اضافه ..هم عدل ...الواحد يلبس الجينزات والبوانطلين اذا كان مظطر ... وانه عن نفسي.. واقولهه بصراحهه ..انه يمكن اكثر واحد يلبس جينزات... والسبب الشباب يعرفونه ..وليش..... لاني العب لعبه معينه..ماتسمح لي البس ثوب والعبهه.. والعبهه يوميا تقريبا...بس هاذي مو معناه اني اايد البنطلون.. واقول ان الثوب يضايق.. بالعكس ..... اصلا حلاة الريال بثوبه وغترته وعقاله ..... وحلاة البنت بدفتهه وشيلتهه.. واعني بكلامي الثوب العدل.. والدفه والشيله العدلين.. مو اللي هالايام الشباب امنكرين فيهم.. يبه هاذيه ثوب ودفه.. مو ستاره ولا مطرح..الا حاطين كراكيش ..الا مخصرينهه..الا مزخرفينهه ... ماباقي الا يكتبون على الظهر ( NO FEAR ).. اي والله! وحياكم! :-

سلام اذا هاذيه احلا واحد ...عيل اشخليتو لي انه وفاموو؟؟ وحياكم! :-

سلام نقل عام ؟؟؟ لايكون قالولج انه اسمي بركاش واهيه اسمهه شاتني ؟؟؟ ههههههههههه ....اي والله نقل عام!! ماقول الا كاااع لووووول .. وهع مره وحده وحياكم! :-

سلام انه اقول رونالدو! بس باصير طماع وباحدد.. هجوم.. رونالدو (البرازيل - ريال مدريد) وسط.. بيكهام (انجلترا - مانشستر يونايتد) دفاع.. روبرتو كارلوس (البرازيل - ريال مدريد) حارس.. ديفد سي مان (انجلترا - ارسنال) فريق.. (ريال مدريد) منتخب.. وبكل فخر (البرازيل) نادي بحريني (الرفاع الغربي) منتدى (بحرين تودي) مجمع (السيف) امبيه... جني قمت اخوره؟؟ وحياكم! :-

سلام انه ماقول الا ...اشوه .... لا واشوه من قلب بعد..... تدرون ليش؟ عندي واحد لو يحصل هالموستنغ ..... بيحط تحته زوليه.. وبيحط حواليه جزاز.. وفوقه وتحته كشافات.. ومابيمشيه .بس بييلس داخله وبيشغل الايسي وبسمع المسجل... واذا اظطر ان يروح مكان ..بيأجر له قلص من اللي يخلون السياره بكبرهه فوقه... وبيروح فيه! فالحمدلله لان ماظن ان بيطوله!! وحياكم! :-

سلام يزاك الله خير يالمجرم على هالموضوع.. وهاذي دليل على طيب اصلك يالغالي.. عسى الله لايغير علينه .. ونبقا عايشين على الاصل اللي تربينه عليه! وحياكم! :-

سلام عاد تبون الصراحه ... انه اول ماجوف الكدلاك ...سيده ايي في بالي المثل اللي يقول ........... اللي مايطول يقول .......... بس الويعه اني ماقدر اقول شي :-X وحياكم! :-

سلام يبه الرب واحد والعمر واحد ... وانه بأذن الله ماخذه ماخذه .... واللي فيهه فيهه .... جيف لايكون انه بيكتبون على قبري لي مت فيه ... لومينا اس اس.... باخذه وانه متوكل على الله اول شي .... وانشالله الله يوفقني فيه! وحياكم! :-

سلام تروح وترجع بالسلامه... وانا مابي شي .. ومو طماع وابيك تدعي لي اربع دعوات بس.. الاولى.. ان الله سبحانه يرضى على امة محمد اجمعين! الثانيه.. ان الله سبحانه يولي امة محمد بالصحه والعافيه!! الثالثه.. ان الله سبحانه يزيد امة محمد بالعلم اللي يفيدنه باقي العمر!!! الرابعه.. ان الله سبحانه يرزقنه بالرزق الحلال والذريه الصالحه!!!! و.. و.. و.. .. بس ...جفت ان انه موطماع!!!!! وحياكم! :-

سلام هااا خلصتو... يه دوري ؟؟ عيل استلمو.. جوفو البنات اهمه البنات والصبيان اهمه الصبيان ... انخلقنه وسالفة العناد بينه في هالسوالف ويانه وين مانروح .. مو احنه بس.. لو تروحون حق اللي يعبدون البقر ..يقولون نفس الكلام ... هاذيه شي احنه عايشينه وبنتم عايشين فيه ....... ليش انتو يالبنات وليش انتو يالصبيان! اقول حق البنات .. الله زينكم بالستر وحاطه تاج على راسكم اكثر من الشباب .. تروحون تقطون روحكم بروحكم حقهم .. وتعرضون روحكم حقهم.. وتاخذون سالفة هالستر اللي عطاكم الله اياه .. وتقطونه بره الملعب .. وعقب ذيه كله تقولون ليش انتو سويتو فينه جذيه .... انزين انتو ليش ماسترتو على روحكم من الاساس .......... ولاتنسون ان اول غلطه ارتكبت في البشريه ... بسببكم... الله سبحانه قال (ان كيدهن عظيم).. وهالكيد ذيه خلانه في الارض من عقب ماكنه في الجنه..... الزبده.. يبه سترو على روحكم ومابيصير لكم شي! عاد الحين عاد .. وينكم وينكم وينكم يالشباب ..... تعالوو اهووو.... والله عاد انتو عاد .. ماتصدقون ..انزين البنيه غلطت وياكم من باب الثقه .. تروحون تغسلون شراعهه ليش؟؟؟ بس يبه يمكن البنت وثقت فيك وجافت ان انت ممكن تكون شريك العمر ... انزين عاد انت خل هالثقه جدام عينك ..... وانه اللي يقهرني اكثر اللي عنده وحده ويحبهه ... بس انثبر معاهه .. تروح تكلم غيرهه ليش .... يبه قلنه ان الرجال قوامون.... بس يبه هاذي بنت .. وبنت ناس ربوهه واتعبو عليهه .. اتيي وتقط ثقتهه فيك في (يكرم القاري) النقعه ... هاذي يبه ثقه مو بته ولا اونو اللي بتلعب فيهه وبعدين تقطهه.. انزين اذا تبي تسود ويهك ... اهمه الله يهداهم مابيقولون عنك انت .. المشكله انهم يجمعون ويقولون الكل.... فالزبده وكلمه اخيره.. يبه اذا انت تبي الله يستر عليك وعلى اهلك.. استر على بنات الناس.. تراهه ماردهه تلف تلف تلف وترد لك!! طبعا عقب كل هالحجي .. كل واحد بيقول انت كلامك متناقض .... تدرون ليش ... لان السالفه من اساس متناقضه ... يعني احنه نقول واهمه يقولون ... فمن جذيه انه في البدايه قلت .... هاذي سالفه عمرهه ماتخلص... والله يستر علينه وعليكم .... قولو امين!!! وحياكم! :-

سلام! ميرسي عيوني ..وانه ادري لو باقعد العمر كله مابحصل .. بس بعد باتفأل بالخير .. واقول انشالله وحياج! :-

سلام! هلا والله فيج اختي .. حياج ... وانشالله يعجبج المنتدى .... لا وابشرج بعد ... تره الشباب اللي اهنيه من خيرة شباب البحرين ... وكلهم تحت امرج وفي خدمة الطيبين امثالج وحياج! :-

والله انه ايميلين ..واغلب الشباب يعرفونهم الاولي.... (عزيز نفس انه و ولد اصل.. لابتهمني لا انت ولاغيرك) وهذا انه مخليه حق ربعي واللي يعزون علي! والثاني.... (يزاة الخير .. سواد الويه) وهذا علشان الطرطنقيه!! وحياكم! :-