طلب استقالة
هيضتني فكـرة كلهـا جزالـة فـي جزالـة
ودامها هاضت عساها للبشر خيرة في خيـرة
تستطلي نار و لهايب شعر من صافي زلالـه
تصطلي حتى تبيـن للخطـا نجـم الظهيـره
هيضتني ثم صاحـت جيتـك بيـدي خيالـه
جيت انا حتى اطفي نار فـي قلبـك سعيـرة
قلت يا نار اهجدي هذا الشعـر مالـي بدالـة
طوعي فكري و قومي..عندي همـوم كثيـرة
اكبر همومي رجـال فـي مواقفهـا ثمالـة
مابهـا إلا كـلام ومـا لقينـا شـي غيـره
مابهـا إلا كـلام و الفعـايـل باستحـالـة
دام تتغـذى فتاتـه و اتـروى مـن غديـرة
ما بهـا إلا كـلام ٍ والفعـل نـال استقالـة
والريا و الزور أصبح منوجد في كـل سيـرة
كم رأينا شخص فاسق يطعن بمعنى الزمالـة
كم طعن مسلم بظهره وارتحل و أخفى ضميره
كم حفر حفرة لإخوة ..كم قطع عمه وخالـه
كم رأينا شخص خاين.. كم سرق ناس فقيرة
ثم اخذ عزة... اثم همه يصل لو كان عالـة
لو على كتف البشر أهل الورع و اهل الستيره
كم لنا في الأمس عبره و أمثلة فيهـا دلالـة
مثل( فرعون )و (حويرث )والوليد ابن المغيـرة )
مثل هتلر.. شاوشسكو.. موسيليني في خبالة
(ميكيا فلي) (نكيتا) (وابن عفلق)في مسيـره
ما دروا كم قبلهم شخص ٍ رحل واعلن زوالة
مادروا بان التي نمشـي عليهـا مستديـرة
الغرور أصبح مرض و المشكله كل سعى لـه
و التواضع درب صالح بس وين اللي يسيـره
صح قلبك لي شوي ... خل عقلك راس ماله
قوم و قرأ هالنصايح علهـا للنفـس خيـره
شاعر ٍ همي رضا المولى ودوم المشتكى لـه
والتذلـل للإلـه الواحـد الـلي نستجـيـره
إيه أنا نواف ابن عبداللطيف.. لـي سلالـة
تنتمي لاهل الشريعـة كلهـا ديـن و غيـره
احمد الله دام نسلي ذاع صيتـه مـن خلالـه
دامهم أهل اللحى وأهل الدشاديش القصيـرة
أي لنا 200 عام ٍ نـروي الضامـي زلالـه
نخدم الدين و نساهم لجـل يتفشـى عبيـره
أسال (الحد )و (قلالي )و أهـل (المحـرق) دلالـة
من فضل ربي لقينا خيرنـا فـي كـل ديـره
و إن لقينا مننا منهو فسـد دينـه و سالـه
نجعله عبره لغيـره ..تمسي أيامـه عسيـرة
ما مدحـت إلا لدينـي دام نسلـي ذا ظلالـه
و افتخر بالدين تظفر يجعـل أيامـك سفيـره
و مامدحت إلا لأنـي عـارف عمـه وخالـه
و لا أنا قادر امّدح (حلفي ) وساس العشيـرة
واخر الموقف نصيحة دام شعري بـه كفالـة
دام شعري طوع فكري و القلم أصبح يديـره
إن حكت نفسك لشي خل في نفسـك ثقالـة
طوع النفس و تطيع النفس في شرها ضريرة
و إن سُؤلت : إلا بقلك انت من ايه سلالـة؟
جاوبه مـن آل ادم وأمـي حوا...تستثيـره