mEe

تاريخ 14 ..

انا بصراحة اجوف في اشياء تعوق الطالب من الوصول الى طموحة وهذي الاشياء تتمثل في سلبيات الجامعه (مو في كل الحالات طبعا ) يعني دكاترة من كل حدب وصوب يجيبون لنا .. ليش عاد .. احنا ما نبي واحد عنده شهادات قد جدار بيتهم ولا نبغي اغلى المحاضرين .. شي بسيط يقدرون يسونه انه يختبرون كل دكتور قبل ما يتعامل ويا الطلاب .. هل يقدر يوصل المعلومة ؟؟!! لان بصراحة بعض الدكاترة ماعندهم لا اسلوب لا فن .. الطالب يدخل المحاضرة فاهم يطلع مو فاهم شي .. ادري بيقولون البعض ليش ما توصلون هذا الشي للمسؤلين وللاسف المسؤلين مو فاضيين الى قضايانا ولو بنحاول ما بيحلون المشكلة الا بعد انتهاء الكورس يعني الواحد بيتعب روحه على الفاضي ..\ ثانيا ليش هالاستبيان اللي يسونه للدكاترة اخر الفصل ما جوف يتغير فيهم شي .. يالنسبة لي اجوف ان المشكلة تكمن في الكادر التعليمي .. يعني لو القوانين كانت صارمة بس الكادر كان ممتاز ماراح الطلبة يواجهون هذه العراقيل .. لانه بيكونون متجاوبين مع دروسهم ويدرون اشصاير في المادة (مو الكل عنده ميزانية ياخذ دروس خاصة!) .. وهالقوانين اللي كل يوم تسن الجامعه منها ما شاء الله تكون بس على ظهر الطالب المسكين يعني ما يخلون قيود على الدكاترة ..

بغيت اعرف احد يعرف مدرس خصوصي غير استاذ حسين في الفايننس 220..؟؟

شكرا بنية كوول وماتقصرين.. الله يكثر من امثالج!!

السلام عليكم .. اعضاء هذا المنتدى .. بغيت مساعده ضرورية وعاجلة جدا جدا جدا .. اذا ما عليكم امر.. حل سوال فايننس 220من جبتر 12 رقم 12-2 صفحة رقم 536...

BANKING..

شخصيا مو راضية عن مستواي انا صج بعض الاوقات اتكيسل بس مو مني بصراحة من هالجامعه واساليب التفنن في طرق احباط الطالب والله الواحد صار ما ينام الليل من خوفه ورعبه من ان ينزل المعدل ( كابوس كل طالب بهالجامعه المحترمة !) كل سهل يصعبونه وكل حلو يكرهونه يعني كل شي ضد مصلحة الطالب اهم وراه .. دكاترة سودانيين ومصرين واردنيين ما يعرفون شي من صوب وكتب معقده من صوب ثاني وامتحانات تعجيزية ومعاملة الطالب باحتقار من صوب والخوف من نزول المعدل من صوب ثاني والله الواحد شيقول يعني بصراحة اللي يتخرج من هالجامعه المفروض يحطونه على كفوف الراحة لان بيكون اخذ الشهاده من عرق جبينه عن جد لان مافي معامل مساعد يرفع من معنوياتنا ماعدا بعض الدكاترة الزينين اللي ينعدون على الاصابع .. قبل ما ادخل الجامعه كنت اطمح اني اخذ الشهاده واتخرج واتالق في الجامعه ومثل هالاحلام اللي نسيتها كلها بعد ما لمست الواقع المرير في جامعة البحرين والحين صرت اطح الى ان تكون عندي شهاده وبس مو مهم اي احلامي المهم شهاده وبس! والمشكله محد يسمعنا من هالمسؤلين والله صج الواحد يستغرب يجوفون كل هالفضايح عليهم ولا يتحركون ما يسوون شي.. الواحد يستحي على دمه شوي هذلين كلش مو هازنهم شي مسامحة اني طولت عليكم و خرجت عن الموضوع شوي بس الواحد من القهر اللي فيه يبي بس يتكلم عموما حسبنا الله ونعم الوكيل

شخصيا صار لي سنه وامشي في الثانيةفي جامعة البحرين وشفت اشياء غريبة بصراحة وكان اكثر المواقف تنحصر في اذلال الطالب وتحقيره واخر شي كا الفصل اللي طاف لما رحت اخذ هالستكر اللي يوزعونه رحت اخر يوم ضمن الفترة المحدده بالعربي الفصيح ما تاخرت عن مده الاعلان ماشفت الا الاخت اللي هناك (تظن نفسها اميرة او شيء من هالقبيل) سوت معاي استجواب ليش توج تاخذينه ومن اللي قال لج وشلون عرفتين عنه وسالفة طويلة على هالستكر وانبطيت عدل ..!! واول مرة تسجيل لي في الجامعه كان يوم حافل بصرحة ما انساه .. رحت ذاك اليوم كلي امل وتفاؤل بالمستقبل اللي ينتظرني على وجهي مثل ما يقولون .. وكان جدولي جاهز بس احتاج ختم البعثة .. رحت الى اللي تختم الجداول وبكل ادب واحترام سالتها >> اختي ممكن بس اعرف وين مكان الختم؟؟<< قالت اشدراني يمكن هناك او هناك او مني !! تخيلوا وقفت مستغربة وضحكت ومشيت سالت وحده من الطالبات وعلمتني بالموضوع .. هذلين بشر؟؟ والله يعاملون الطالب كانه عبد لهم يقفلون في وجهه كل الآمال.. هذا كله كوم والدكاترة كوم ثاني لو بنألف كتاب ما بتكفينا الاوراق .. لو اتكلم طول عمري ما بوفيها حقها هالجامعه .. حسبنا الله ونعم الوكيل