بنفسج

عطر الأمل الحمد لله طمنتيني لأني صراحة ما قدرت آروح الجامعة لا أمس ولا اليوم يعطيج العافية المجبوس مسامحة بس كان مزاجي مو شي وقت اللي رديت وأسلوبك بعد شوي قهرني فرديت بنفس أسلوبك وطريقتك بغيت آعدل الرد عقب جمّن ساعة لكن ما كانت في إمكانية الشكر للجميع والمعذرة للمجبوس

المجبوس أولاً ، إذا كان قانون الجامعة يرفض تسجيل أي طالب عقب ما يمر وقت دفعته معناتها ما لك سالفة تعرف دفعتي لأن ما بيفضلون أي دفعة عن دفعة ثانية ! ثانيًا ، تصير ظروف ساعات تمنع الواحد يسجّل في وقت دفعته مثلاً لا سمح الله مسافر أو عنده ظرف .. يعني معقولة ما يقدر يروح يسجّل في يوم مال دفعة ثانية ! خلاص يعني تنتهي حياته الدراسية !!! مزيونة البحرين أشكر جوابج المُباشر بدون تطويل وتدخل في شؤون الآخرين مثل البعض

السلام الحين إذا خلّصوا اليومين مال الحذف والإضافة تبع دفعتي عادي أروح الجامعة وأسجّل من هناك حتى لو انتهى وقت دفعتنا ؟ بانتظاركم

سلامٌ عليكم اخواني بغيت أعرف جم أقصى عدد للمواد اللي اقدر آخذها ويا التدريب العملي (Training) ؟ وشنو تنصحوني هل آخذ التدريب بروحه لو وياه جمن مادة ؟ وإذا كان آخر فصل لي وبس باقي لي 4 مواد بالإضافة إلى التدريب ، أقدر آخذهم كلهم ويا بعض في فصل ؟ بانتظاركم

أختي ملاك انا قلت النتايج دائمًا تكون يوم التظلّم نفسه مو قبل بيوم لأن من تجوف نتيجتك لك الحق ترفع تظلّم بس بما إن اليوم يبتدي من الساعة 12 فعبارة جنّه يصير قبل بيوم عمومًا طلع كلامكم غلط لأن أكا الساعة تعدّت الوحدة ونص وللحين ما جفنا شي

Dr. Colin S. Cavell خذيت عنده ENGL112 انا اجوف كله يسبون فيه وخصوصًا في درجاته وهو فعلاً شديد وساعات يصير بايخ بس صراحة انا بالنسبة لي كان أوكي وبالعكس ترى هو أهبل وكله يتخيفف حصّلت عنده B وتعمدت آخذ عند دكتور أجنبي عشان أتحدّى نفسي وأقوّي لغتي وإلقائي وترى هو يعتمد عليج وعلى ثقافتج الإنجليزية إذا انتي أوكي في الإنجلش حتى لو بتاخذين عند أي دكتور بتييبين درجة أوكي وأصلاً ENGL111 مايختلف ولا يزيد عن اللي خذيناه في المدرسة وانا خذيته مع د. حنان عبدالحميد .. صراحة دكتورة محترمة وطيبة وخلوقة ويبت فيه +B لأني ما كنت أراجع وكنت أعتمد على ثقافتي العامة

عادةً إذا تبي تعرف متى تطلع النتيجة طالع التقويم الدراسي > أول يوم لتقديم التظلّم فبما إن أوّل يوم لتقديم التظلّمات هو 4 / 2 فعلى ذلك النتايج مفترض تكون 3 / 2 عقب نص الليل هذا والله أعلم

إذا عدكم معلومات عن الدكتور Adnan Bumtiaa >> جنه عدنان بو مطيع يدرّس إعلام 372 أكون لكم من الشاكرين

Adnan Bumtiaa أظن الترجمة عدنان بو مطيع يدرّس إعلام 372 سكشن 3 >> سكشن يديد تعرفون عنه شي ؟

خيرت عيّاد من أفضل دكاترة الإعلام .. ولو يحصل لي خذيت كل مواد الإعلام ويّاه لو يدرّسها .. شرح وافي ، أخلاق عالية ، معاملة طيّبة .. الحيدري زين بس ينفخ الراس .. يذبح روحه وهو يشرح لكن ساعات الواحد يمل منه وتييه النومة .. هاي اللي اعرفه ..

ابتهاج العالي >> ساقيكِ للرّيح هرباً منها ومن أفضل دكاتره الأكاونت آمال الوكيل وأحمد العمري هذا ما أعرفه يقيناً تحاياي

طلع المعدّل الحمد لله على كل حال موفقين جميعاً إن شاء الله

وايد مكبرين السالفة ... صج كلنا نحاتي ،، بس النتايج أكيد اليوم إن شاء الله ... وما بعد الصبر إلا الفرج بإذنه تعالى ...

لا تقولوووووووووووون

لنك النتايج يشيّر وايد ... هاي الشي بشنو يوحي لكم ؟؟؟؟ الله يستر

.. بالإنتظار ..

مو شي هالحركات مع اني كنت ادري مزحة .. بس قلت بعد يمكن ،، نحملكم على سبعين محمل خير .. الله يسامحكم بس

خير إن شاء الله ... إن شاء الله نكون جميعاً من الناجحين .. دعواتكم ...

يعطيج العافية خيو ،، وأتمنى من الطلبة يحطون بالهم على الإمتحان لأن فيه صعوبة .. والله يوفق الكل إن شاء الله ..

عطر الأمل شكلج تتكلمين عن استاذ جمال عبدالعظيم ! عموما ً الله يعينج .. ويعين الكل عليه وعلى باقي الدكاترة وتفلسفهم ...

يسلمووو عالموضوع ،، وجامعة البحرين يقولون أقوى جامعة ، لأنها أصعب جامعة ,, وأكثر وحدة تطلّع الرووح .. فأكيد اللي يتخرج منها أفضل من غيره .. لأن التخرج منها عيييد ما بعده عيد .. لأن جامعتنا خلت حتى التخصصات السهلة تصير صعبة ... لكن الله ينتقم من كل ظالم ... .. تحياتي ..

مثل ما قالت بنت مدن بالضبط .. والإمتحان جدا ً ممل وطوييييل وتتكسرين من القعدة على الكرسي .. وترى فيه صعوبة خصوصا ً بالنسبة للرياضيات .. لازم تراجعين قوانين المساحات والمربع والمثلث ومادري شنو .. يعني كل شي بيي في الريض .. جبر .. إحصاء .. إلخ .. والعربي سهل نسبيا ً ،، بس في كلمات يطلبون مفرداتهم مادري من وين اول مرة اسمع فيهم .. احنا لما قدمناه ما كان إجباري >> لو كنت ادري مو إجباري مستحيل قدمته ،، بس ابتداءا ً من الفصل اللي راح أظن كان إجباري .. الله يعينكم عليه صراحة ... .. موفقين جميعا ً إن شاء الله ..

صراحة احنا طلبة الإعلام بشكل عام والصحافة بالخصوص وايد نتعب في التغطيات الصحفية والتقارير والتحقيقات .. المسألة مو مسألة كسل ،، المسألة مثل ما قالت خية عطر الأمل ... اتمنى تكون لنا صلاحيات اكثر بالنسبة لوسائل الإعلام بالذات المقروءة ... وفعلا ً احنا مكروفين كراف .. .. الله يعيننا ..

علوي والله خبر حليو ،، بس شالفايدة ؟ أكيد التخصصات محدودة جدا ً ،، ممكن مثل ما قالوا اللي قبلي تخصصات بناتية .. أو يعني حتى لو تواجدت جامعة خاصة ،، أكيد ما بتستوي إلا عقب طلعة الروووح ، ولا بنستفيد احنا منها ... يالله أهم شي الأجيال الياية يحصلون أحسن من اللي حصلنا احنا عليه ... الله يعيننا على ما ابتلانا ...

إعلام .. والله يوفقج ،، ويوفق الجميع إن الله ...