الصايغ

يعطيج العافية على الصور.

نقطة نظام . . . على أي أساس تقولون أن جميع السعوديين خليجين ؟ ؟ ؟ إذا ممكن أحد يوضح هالنقطة . ---------------------------------------------------------------------------------------------------------- بس للعلم انا اقول السعودية دولة خليجية ! ! ! لأنه دامها دولة عربية وعندها ساحل على الخليج العربي فهي خليجية. بس فهموني أنا اتكلم عن الشعب ، ، ، مو الدولة نفسها.

خخخخخخخخخ والله ضحكتوني . والظاهر انكم مابتفهمون اللي أقصده . بس بذكر لكم قصة صارت في جامعة الملك سعود في الرياض ، ذكرها لي أحد الاشخاص صارت معاه شخصيا. يقولي هذا الشخص كان عندهم في يوم محاضرة في مادة سياسية ، وكانت المحاضرة عن نفس الموضوع اللي نتكلم فيه ، فيقول هذا الشخص في وسط المحاضرة قال الدكتور للطلاب تدرون انه مافي بينا ولا طالب خليجي غير شخص واحد . طبعا في ذاك الوقت صار هدوء في القاعة . وقال لهم الخليجي الوحيد فينا وهو ذاك الشخص فلان ( يقصد الشخص اللي ذكر لي القصة ) سأله الطلاب ليش ؟ ؟ ؟ رد عليهم الدكتور بسؤال : ماهي علاقتكم بالخليج ؟ ؟ ؟ ما جاوبه ولا واحد من الطلاب رد الدكتور وسأل مرة ثانية نفس السؤال، ونفس الشي ولا واحد جاوب عليه. قالهم الدكتورأنا عندي الجواب : قال كلكم مالكم علاقة بالخليج بأي نوع الا فلان . وقال : هل يوجد احدكم له جد مدفون في أرض الخليج ، هل لكم علاقة بالبحر ، هل لكم علاقة بالعادات والتقاليد الخليجة الاصيلة ، هل أسماء عوائلكم خليجيةهل عندكم ماضي من الخليج ، هل عندكم اي شيئ يثبت أصولكم في هذه المنطقة . وقال الدكتور : ماذا تعرفون عن ماضي هذا الخليج ، هل تعرفون اعمال واطباع أهل هذا الخليج . سكت جميع الطلاب في القاعه ولم يرد عليه أحد. قال لهم الكتور : اذا ماهي علاقتكم به. وعلى أي اساس تدعون انكم خليجين وانت لا تمدون اليه بأي نوع من الصلة . ثم قال : لايوجد فينا الا فلان . . . الوحيد الذي عنده كل ماقلته لكم. ------------------------------------------------------------------- للعلم أن هذا الكتور من أهل الرياض. والسالفة على ذمة الراوي . ------------------------------------------------------------------- وعشان تكنون على بينه انا سعودي من الدمام . وأنا قاعد اتكلم عن شي واقع عندنا وواضح جدا . وتحياتي ، ، ، واتمنى انكم فاهمين المقصود من كلامي .

يعطيك العافية

كلللللللللللللللللللللللللللللللللللللللللللللللللللوش بل بل بل عليكم حظ يفلق الصخر . لا ترى امزح. اقول والله عليكم بالعافية . شدعوه ماكلينة . على العموم اللي جافه ياحظة واللي ماجافه فرصة ثانية اشااااااااااااااء الله . تحياتي ، ، ، لكم و لأحمد صلاح الدين

الأخت محرقاويه عسل ، ، ، شكرا على الرد. وأحترم رايج. بس خلوني أشرح لكم. أنا مو قاعد اتكلم عن الدولة السعودية بذاتها لأ لأ لأ . الدولة دامها على الخليج هي دولة خليجية ok أنا معاكم في هالنقطة. بس انا قاعد اتكلم عن شي ثاني ، أنا قاعد اتكلم عن الناس ، عن الشعب. يعني مو معقول أن اللي في جده واللي في الدمام نقول عنهم كلهم خليجين . مثلا الجداوي اللي ماله علاقة بالخليج من اي ناحية لامن اصل أو فصل او أرض أو حتى من لهجة او عادات او تقاليد أو نسب يكون خليجي حاله من حال الدمامي اللي أصلة من الارض ذي ولهجة اقرب مايمكن للخليج وعاداتة تقريبا نفس العادات الخليجية وتحصل عنده عيال عم واقارب في بعض الدول الخليجية ، يكون اهو والجداوي واحد مافي فرق بينهم شي عجيب . لأ أنا اشوف تفرق واااااااااااااااااااايد بعد. أتمنى يكون الموضوع مفهم عندك يا جماعة .

عزيزي lulu UAE ، ، ، تحية وبعد . . . السالفة مو سالفة جغرافيا لا لا لا لا لا حبيبي اهو شي يصعب على شرحة في الواقع . وعلى العموم وجهة نظر وعلى عيني وعلى راسي والله . -------------------------------------------------------- أخوي احمد المانع ، ، ، تحية وبعد . . . لاخطير ولا شي وهذا الواقع في وجهة نظري . وعند نصيحة لانكون حساسين وايد . تحياتي ، ، ،

يعطيج الف الف عافية على المعلومات المفيده جدا . وننتظر المزيد تشكرات ، ، ،

أختي رهف المحرق . . . أنا ماقلت أن الحساوية مو خليجين لأ لأ لأ . أنا الحين اقول ان كل شخص اصلة من المنطة الشرقية هو خليجي، يعني الدمامي الأصلي خليجي و الحساوي خليحجي واللي من الظهران خليجي واللي من الخبر خليجي واللي من الجبيل خليجي الخ . . . وجميع أهل الشرقية الاصلين . ولا تخافين ترى أمج اذا كانت حساوية يعني خليجية والدليل انه في الماضي كان اهم ميناء على الخليج العربي هو ميناء العجير في الأحساء. يعني خليجية قح

أشكركم على الرد . . . وأحترم وجهات نظركم بس أنا ماكنت اقصد اللهجة بس أنا اقصد اشياء وااااااااااايد. خلنا نقول العوايل ، مثلا انا أقول مثلا عشان لايزعل أحد زين . ولا مرة سمعت انه في قحطاني اصلة من الخليج أو غامدي أصلة من الخليج ولالالالالا واحد عائلة العسيري ويقوال أنا من الخليج . اصلا لو تلاحظ مافي تزاوج بين العوائل اللي ذكرتهم على سبيل المثال وبين باقي اهل الخليج وفي شي لاحظ أسماء العوايل الخليجة المتزاوجة مع بعضها كلهم تحصلهم من العوايل الخليجة الاصلية. مثلا تشوف عوائل في السعودية موجوده الكويت . على سبيل المثال لأحظ العوائل في الكويت و الأحساء أو قطر والأحساء لهم نفس الاسم وبينهم نسب كبير . مثلا تشوف عائلة الدوسري اللي من الشرقية الأصليين موجود لهم عيال عم في البحرين صح أو لأ. يعني بصراحة ما باقي الا يجي واحد ساكن على حدود اليمن أو واحد ساكن على ساحل البحر الأحمر أو واحد من وسط البر ولايعرف شي اسمة بحر ويقول أنا خليجي. بصراحة شي يضحكني وبعدين اذا بنرجع للهجات تلاحظون انه في تقارب كبير بين اللهجة الكويتة والبحرينية أو اللهجة القطرية والبحرينية ولو تلاحظون في شبه كبير جدا جدا بين لهجة دواسر المنطقة الشرقية الاصلين وبين اللهجة البحرينية، تقريبا ماتفرق بينهم. زين قارن بين لهجة أهل قطر ولهجة أهل الأحساء فيها شبه كبير جدا من بعض. وخلنا ناخذ لهجة أهل القطيف تقريبا نفس لهجة أهل المنامه بالضبط. بس اذا قارنا بين لهجة أهل الرياض تشوف الفرق واااااضحة جدا جدا، او لهجة اهل الحجاز اللي على البحر الاحمر لهجتهم مخلوطة بين المصرية والسودانية . يعني بصراحة أنا اقول انه مو معقول واحد بينة وبين الخليج 1000 كيلو ويقول انا خليجي. في النهاية انا أقول مو كل السعوديين مو خليجين لأ لأ لأ في خليجين سعوديين وأهم أهل المنطقة الشرقية الاصليين ، فقط . ولالالالا في أشياء واااااايد ماذكرنها بعد ! ! ! ! عزيزي Abu_Smile : انت تقول ايران؟؟؟ أنا بقولك شي انت شوف اسم المجلس شنو؟ ؟ ؟ مجلس التعاون لدول الخليج العربية للمعلومية أن العراق كانت من ضمن دول الخليج لكن بسبب الظروف الخاصة فيها تقرر عزلها عنه. وانا اتمنى انها ترجع مرة ثانية للمجلس. تحياتي ، ، ، ملاحظة ( إذا كان الموضوع فية شي من الزعل راح أوقف الموضوع )

مرحبا . . . في الحقيقة أنا حبيت اعرف بعض وجهات نظركم في سؤال معين. السؤال : هل كل سعودي هو خليجي ؟ ؟ ؟ ____________________________________ في البداية أنا بقول وجهة نظري في هالسؤال ؟ ؟ ؟ في الواقع أنا اشوف انه مايحق لكل مواطن سعودي يقول انا خليجي لأن السعودية بلد كبير . يعني مثلا تخيل واحد من جده يقولكم أنا خليجي ماتدخل الراس أو واحد من جنوب السعودية يقول انا خليجي هم مومعقول . يعني اللي ساكن على الخليج واللي ساكن على الحدود الاردنية كلهم خليجين . ماصير ياجماعة الخير. وفي شي ثاني خلنا نقول على مستوى اللهجه؟؟؟ انا اشوف مثلا لجهة اهل مكه مافيها ولالالالالالا شي من الشبه من لهجتنا الخليجية ، ، ، بس اذا شفنا مثلا لهجة بعض أهل الدمام تحس أنه في شبه كبير من باقي اللهجات الخليجية . ( صح أو لأ ) في النهاية أنا أعتقد السعودي الخليجي هو اللي يعيش على الساحل الشرقي للسعودية لالالالالالالالالالا بعد مو كل من عاش في الساحل الشرقي خليجي أنا أقول لازم يكون من أهل المنطقة الأصلين. صح أو لأ في الأخير وجهات نظر ويهمني اني أعرف وجهات نظركم. تحياتي ، ، ،

تسلم عيوني على الموضوع صرااااااااااااااااااااحة روعة وبصراحة اهل زمان مثقفين واااااااااااااايد . عندهم كل اللغات هندي ، عجمي ، انجليزي . يعني المفروض كل واحد منهم عنهد ماجستير لغات خخخخخخ

اشكركم على الرد واشاء الله اكون عضو خفيف الظل عليكم

تسلمون والله ، ، ، وعساكم على القوة تحياتي ، ، ، الصايغ

مرحبا شباب وبنات ،،، شلونكم شخباركم انشاء الله بخير. في الحقيقة حبيت اسلم عليكم في اول مشاركة لي معاكم في هالمنتدى الروعة صراحة. واتمنى انكم تقبلوني معاكم. تحياتي ، ، ، الصايغ