M.I

السلام عليكم اشلونكم شباب. كيف حالك اخي مبارك. اهنيك على أغنيتك الجميلة من لحن وكلمات واتمنى لك المزيد من التقدم، بس شد حيلك علشان تستمر وتوقف على حيلك في الساحة الفنيه مع هذي المنافسة الشديدة. حلو يطلع فنان بحريني بهذا الصوت الرائع بس عليك بالإختيار الصح إلي تحاول ان ترضي فيه جميع الأذواق أن اقول تحاول بقدر الإستطاع. اتمنى أن المملكة والجهات المسئولة تدعم الفنانين البحرينيين وتعمل لهم مهرجانات يشاركون فيها مع الفنانين الكبار بحيث ينتشرون فنياً. وسامحونا على الإطالة

السلام عليكمانا اقولكم سالفت الربطة الصفرا هذي سالفتها مو بس تشترونها ولا تدرون من وين مصدرها ومن الي اخترعها هذي الله يسلمكم واحد حب يساعد مرضى السرطان ويقدم لهم مساعده مادية وانتو مثل ماتدرون انه علاج هذي المرض مكلف وهو هذي الشخص نفسه كان مصاب بالمرض وحاول يساعد بختراعه هذي لبسيط وكان ينباع هذي الشريط بدولارين فقط وجمع من هذي الشريط مبلغ بالملايين وبعدها سبحان الله شفى من المرض ووزع الفلوس على المحتاجين وطبعا صار له موردين في الدول العربية والخليجية وانه شفته على وحده في دوامي لا بسته اهيه شاريته من النت. على فكرة هذي الشخص طلع على برنامج وبرا الشهير. شوفو اشلون يفكرون يساعدون الناس المحتاجه وخاصة إلي فيهم هذي المرض الله يشفي جميع المرضى ويكافينا شر هذاي المرض.

اشكرج اختي جزاك الله خيراً

السلام عليكم،، موضوع المهر يفرق ويعتمد على الحالة والوضع يعني إذا كانت البنت تعرف الشخص وتعرف هله وتعرف كل شي عن صفاته واخلاقه بتتنازل عن كل شي لانه بعدين بعوضها عن كل شي ولا بخلي عليها قاصر. والناس إذا شافو الريال العدل يشترونه مثل قبل يقول ابوها حق ابو الخاطب إذا تبونها من اللحين إلبسها دفتها واعطيكم إياها. بس بعد المهر حق لكل بنت يتقدم لخطبتها وما اعتقد في واحد بتقدم حق وحده للخطبه والزواج بدون مايكون جهز نفسه، والحين الشباب ابروحهم يعرفون مصاريف الحياة. والإعتدال زين في كل شي. والله يوفق كل راسين بالحلال تحياتي M.I

إنا لله وإنا إليه راجعون لا حول ولا قوة إلا بالله عظم الله اجرك أخوي فهد وانشاء الله لها جنة وهذي هي الدنيا كلنا زوار عليها وهم السابقون ونحن لاحقون. الله يصبركم ويمسح على قلبكم. أختك M.I

إن لله وإنا إليه راجعون عظم الله اجرك أخوي فهد وإنشاء الله لها جنة النعيم والله يصبركم ويصبر جميع المسلمين. هذي هي الدنيا وكلنا زوار عليها.

علشان تطلع الصوره أحلى من المعروف أن المرأة تقدر تتحمل آلام ما يتحملها أقوى الرجال وهذا الشي مو جديد علينا ومعروف لدى الجميع ولكن ... أحيانا يكون هذا الأحتمال لأمر لا يســـــــتحق البعض منهم يرثى لحاها .. من جراء هذه المواقف نســـــــــــــتعرض بعضا منها @@@@@@@@@@@@@ يعني الكعب اللي يلبسونه الحريم وكما يسمونه (( الشوكه )) من اسمه يروع هذا الكعب الله يسلمكم أتحدى رجال يمشي فيه متر واحد والله اني استغرب بعض الأحيان الوحده تلبسه وتروح مناسبه ولين رجعت وفصخته تنرحم تقول أســــير .. توهم فاكينه من المعتقل تقعد تتشكى وآي يا ظهري .. ومقدر أحركه .. وحالتها حاله (( طيب وشهو اللي حادج يوم تلبسينه ؟؟ )) أنا أقولكم ليش .. عشان تطلع طويله ورزه باختصار عشان تطلع أحلى...!!!؟؟ @@@@@@@@@@@@@ صارت مناسبه والبنت تبي تروحها لبست وكشخت وما لقت جوتي (( الله يكرمكم )) يناسب الفستان وش تسوي ..؟؟؟ لازم تلبس شي يناسب تروح تحوس عند خواتها .. تلقى وحده مناسبه .. تقيسها تطلع ضيقه وعنــــــــــــــــــــــــــــــــــــاد إلاّ بتدخلها (( تذكرني بخوات سندريلا )) وأخيرا قدرت تحشرها برجلها وراحت المناسبه والمسكينه رجعت ورجلينها وارمه ومحمره (( والله تنرحم )) كل هذا عشان الكشخه ..؟ عشان تطلع أجمل وأحلى..!؟؟ @@@@@@@@@@@@@ بعض البنات تلتهب إذنهم من (( الحلق )) واذا طلعو مكان لازم يلبسون حلقات ولازم نفس لون اللبس ومايمدي المسكينه ترجع إلا على طول تفصخه هذا إن ما شالته بالسياره ثم تغسل مكانه بماء بارد .. وتحط كريم وحاله كل هذا عشان تطلع أحلى..!؟؟ @@@@@@@@@@@@@ وفيه حلقات نازله قبل فتره تكون طويله .. أو حلقه كبيره وفي حلقات كبار ما تتحملها الإذن البشريه يعني يالله إذنين فيل عشان تناسب حجمه استغرب من اللي يلبسونها خطر تقطع إذنهم يتحملونها عشان الموضة عشان يطلعون أحلى..!؟؟ @@@@@@@@@@@@@ العدسات الملونة ما تناسب عيون الجميع بعضهم يلبسونها وعيونهم محمره ... وتدمع وتوجعها بس الضعيفه مقاومه ومتحمله عشان تطلع أحلى...!!؟؟ @@@@@@@@@@@@@ ولاّ التسريحات بالأعراس ........... حدث و لا حرج يمكن البعض ماقد شاف درازن المشابيص والبنسات المدعسه في هالتسريحات يعني لو وحده تجيها خبطه على راسها يمكن ينبط ........ من البلاوي اللي تحت التسريحه وبعض التسريحات ثقيله ومليانه اكسسوار وبعضها يوجع الراس ويكون مشدود طيب ليش مستحملين العذاب ؟ عشان نطلع أحلى...؟؟؟ @@@@@@@@@@@@@ والبعض ما يتحمل الشدو أو الظل والكحل لأن عينه حساسه ويحطونه وعيونهم توجعهم وترجع البنت وأنواع القطرات وغسول العين من البلاوي اللي حطتها طيب ليش تحطها وعينها ما تتحمل...!!؟؟ يا خزياه تبونها تروح بدون ما تكمل الميك أب .. جعل عيونها تنحول .. أهم شي الكشخه عشان تطلع أحلى..!!؟؟ @@@@@@@@@@@@@ بعض الحريم تبي تلبس فستان ضيق ... والكرشه ماتساعد ابد تروح تلبس مشد ولا يخفى على الجميع ما يسببه ذالك المشد من آلام.. يعني ذولا اللي يلبسونه ينرحمون حتى ما يعرفون ياخذون نسم منه ويمكن ما يتعشون .. حدهم الشاهي مافي أمل الفستان بينشق كل هذا عشان تطلع أحلى....؟؟!! @@@@@@@@@@@@@ والبعض نفس الشي تنانيرهم ضيقه السحاب ( الجرار ) شوي بينقطع تلقاهم اذا جو يتعشون بطلوا السحاب .. عشان تدخل اللقمه ياحرام ........... ليش...!!؟؟ عشان تطلع أكشخ وأحلى..!!؟ @@@@@@@@@@@@@ ولا الميك أب وما أدراك ما هو الميك أب طبقات مليسه على خشة الوحده والله ينرحمون حتى ريحته تكتم .. كريم وأساس وطبقات وبودره ومدري وش وووووو كل هذا عشان تطلع فتنه .. عشان تطلع أحلى..!! ؟؟ @@@@@@@@@@@@@ ولا الوحده اذا طولت أظافرها ..... تحسبونها مرتاحه فيها ؟؟؟ تكذب عليكم لو تقول إنها مرتاحه وأنا اعني بتطويل الأظافر اللي موب صاحي يعني انسب شي سنتمتر واحد هذا اكثر شي ... وعقبه تلوع الجبد وتتحمل البنت عشان المناكير والموضة والحركات عشان تواجه وتطلع أحلى...!!؟؟ @@@@@@@@@@@@@ وفي أشياء كثيره تتحمل الوحده فيها أنواع الآلام عشان تطلع أحلى وأجمل أشــــــــــــــــياء وأشــــــــــــــــياء بس ما تنفع أقولها أخاف يكفي اللي قلته ..! @@@@@@@@@@@@@ وســــــــــــــــــــــــــلامتكم منقول

انا بصراحة ماروح سوق البحرين ولاشي ولااتعلاض حق هذي الكلام ولاشي لانه مايعجبني ولا شي في سوق البحرين واذا ادور على شي اموت لين احصله. تسلمين على الموضوع.

اشكرج اختي على المجهود الحلو

[ font=Traditional Arabic] مساء الخيرحصلت صور لبشارنو مع عادل محمود تدرون في وين في شليز البحرين[/font] وهذي الثانية تحياتي M.I

السلام عليكمانا احس انه هذي البرنامج كله لعب في لعب قاعدين يقصون على الناس. أحمد ح اهوه فنان ابن فنان وهذي الصراحه. اول شي البرايم كان وقته كلش قصير مو مثل كل الأوقات يعني خلص قبل الوقت واعلنو النتيجة وقفو التصويت من قبل حتى مايتسنى حق احد يصوت وان ماقلل من اهمية هشام بس هشام جايب افلوس للبرنامج واهم يدورون الشي المربح للبرنامج ولإأنتو ماشفتوهم يوم جابو بشار حق كاتيا علشان تزيد القصص والسوالف وتزيد المسجات إلى على التلفزيون كله هذي يجيب الفلوس اهم لا يدورون على الصوت ولا شي. وشكرا وتحياتي للجميع وبدون زعل.

وايد حلو البنفسجي اموت فيه اشكرك اخوي عبودي

اشحلوه بيتكم ما شاء الله واحلى شي الجلسة العربية. تحياتي M.I

مشكورة أختي ان ابي اعرف انتي جربتيها على شعرج. لأن ودي اجربها تحياتي لك

السلام عليكمشوفي اختي في وايد ماركات جميلة وتغطي مثل كرولاين الأساس الكيك إلي بالماي وايد حلو بس ماينسب كل البشرات، عندج بعد ماك الاساس المائي والميكب فورإيفر. بس بصراحة انا استخدم ماركة مو موجودة في البحرين اسمها درماكول وايد عجيب يغطي عيوب الوجه واي شي فيه يسوي الوجه جنه بيبي فيس، انا الحمدالله مافي وجهي شي بس يعطي لمعه مخمليه. تحياتي