ريفا المحرق

ابي اسأل الحين لو اخذت ترينينغ في الصيف جم يوم ايكون ايام الترينغ واوقاته وايصير اذا عندي مادتين اخذهم مسائي بسبب الترينغ وانه اصلا مال الصباحي

المدني الاول وايد سهل ترى الاسئلة اتذكر كانت دايركت وواضحة يمكن ايوبون لج سؤال قضية بس انه ما احب اسميها قضية لان انه اعتبره مثال تطبيقي لا اكثر ولا اقل اسهل الاسئلة هذي يعني عندكم عن القوة القاهرة والسبب الاجنبي ايوبون لج واحد عليه التزام ما نفذه لان صاده حادث مثلا وانتي اهني اتقولين رايج وتوضيحين وتقولين ليش ما ادري اذا فهمتيني لو لا اذا لا باوضح لج

اخوي بس شنو فايدة هذي الماسك بالضبط

موضوعج حلووووو ووايد اثر فيني تسلمين

عجبني الموضوع في ناس اتجذب بسبب ومن دون سبب صاروا الناس يتسابقون اللي يعرف ايجذب اكثر من الثاني الصراحة اللي ايجذب ايبين عليه من عينه وتصرفاته

حب النقاااااااااااااااء

صاااااااااجييييين كل اللي ردوا حبيبتي انتي ترى توج في ربيع العمر وهذي المرحلة من حياتج مردج بتشتاقين وتحنين لها لان اذا راحت خلاص ما تعود حياة البنت فيها مميزات وايد اهمه حريتج في نفسج في الحدود المسموح بها اكيد والوحدة كلما تزوجت اكبر اتم شباب اطول انه عقب جم شهر باكمل العشرين بس والله احس ليحين صغيرة وانتي بعد 22 صغيرة يله كل ذي لاحقة عليه والشي كلما تاخر يكون احسن واحسن وترى ربج خاش لج احسن الرياييل انشالله

اختي قاسية انتي تقولين ليش مجتمعنا جذي انه عندي الجواب لان الناس في مجتمعنا تمشي على افكار اللي قبلها يعني هالافكار يابوها ناس واللحين الناس يمشون عليها ويطبقونها ما يعطون نفسهم فرصة ان يجددون عشان تتغير نظرة للبنت وتتحسن وتتعادل ويا الصبي انه مثلا وحدة بنية لكن افكاري غير اشوف البنت والصبي في الغلط متساووووووووين ما يهمني راي غيري اهم شي قناعتي وهذي ديني ما يفرق انه اشوف هالشي منطقي وامشي على المنطق بس مدام الصبي في مجتمعنا ما يتحاسب مرده ربه يحاسبه بس البنت لو خذت يزاها الحين بيخفف عنها عقب من جذي يقولون عدالة الله ولا العدالة اللي من صنع البشر اللي هي مو عدالة اصلا

صح لسانك يا حكومة بوظبي الواحد لا زم يكون معتز بنفسه ويكون هو نفسه ويفرض على الغير يتقبلون مثل ما هو

اصعب هالاشية عندي هو فقدان عزيز لان الخيانة منه والجرح شي يمكن الزمن يضمده والواحد لو توجه لله الله بيوجد له السلوان عن هالخيانة والجرح لكن فقدان عزيز اصعبها وامرها لان صعب لما تتعود على انسان اتشوفه روح جدامك يتحرك يضحك يتكلم اتشوف كله حركة كل لفتة منه ولما تفقده فجأة اتكون متاكد ان خلاص صوته ما راح يوصل لاذنك ولا عينك راح تشوف طلته ماراح تستأنس بحسه وبوجوده وبتتحسف على كل لحظة ما قعدت وياه وكلمته او ما واسيته او ضايقته فقدان عزيز هو الجرح الدامي والكسر بالقلب وجنه اللقا خانكم وبعدكم هذي هي حكمة الله بعد

اصعب هالاشية عندي هو فقدان عزيز لان الخيانة منه والجرح شي يمكن الزمن يضمده والواحد لو توجه لله الله بيوجد له السلوان عن هالخيانة والجرح لكن فقدان عزيز اصعبها وامرها لان صعب لما تتعود على انسان اتشوفه روح جدامك يتحرك يضحك يتكلم اتشوف كله حركة كل لفتة منه ولما تفقده فجأة اتكون متاكد ان خلاص صوته ما راح يوصل لاذنك ولا عينك راح تشوف طلته ماراح تستأنس بحسه وبوجوده فقدان عزيز هو الجرح الدامي والكسر بالقلب وجنه اللقا خانكم وبعدكم هذي هي حكمة الله بعد

اختي عاشقة رفاعية ما ادري والله انا اقول انج في بالج قرار من البداية انج ما بتهدين حبيبج ييتي وتعنيتي وسويتي سالفة من لا سالفة وفي الاخير خذيتي اللي يوافق رغبتج الاصلية يعني مشكلتنا الغلط واضح ولكن بعد نسويه الله يعطينا فرصة نعدله ولكن بعد نمشي فيه ونواصل صوت الحق واضح وعالي لكن نسد اذننا عنه يا اختي اذا هلون الله مو دايما بيوعيج على نفسج

اختي قمرة الواحد قد ما يقدر انه ما يخلي للناس سبب يتكلمون عنه بالعكس يسوي الشي العدل ويغز عيونهم عشان ما يودون عليه شي كلش مو ايروح ايسوي الغلط ويقول ما علي من حجي الناس البنت سمعة لو الناس خذت فكرة عنها خلاص يعني راح منها شي غالي الواحد المفروض راس ماله سمعته ما بعوض عن سمعته شي ثاني كلش اوكي باسوي الشي الزين وما علي من حجي الناس بس مو اغلط واقول كيفي

حياة العزوبية والزواج كل له مميزاته وعيوبه بس انه اقول العزوبية احلى لان الواحد يكون مسئول عن نفسه وبس ماوراه مسئوليات كبيرة مثل مسئولية الزوج والعيال وبيت وووو حياة العزوبية بسيطة اما الزواج معقدة ومتفرعة

يا جماعة اللي قالوا الشيشة عادي وهي حرام طبعا لان تضر بالجسم، والله قال ( ولا تلقوا بانفسكم الى التهلكة) اقولهم لين وقفتوا جدام ربكم يحاسبكم على هالشي قوووووولوا له عادي كل واحد حر بتصرفاته

امي اولا واهلي ثانيا وكل انسان يتمنى لي الخير ثالثا

صح لسانج دلوعة المحرق الحين الواحد ما يقدر يثق في اللي معاه شلون يوثق بصبي مني والطريج يعني حتى لو قال للبنت احبج ووووووووووووين الدليل بس اتيي وتحبه هذي قلب والقلب غالي ما ينعطى لاي احد يه ونير

( عاشقة الغروب وحتي التجمد) عجبتني ردودكم تسلمووووووووووووون

انه اشوف ان الظاهر هو حب ايسويلها كذبة ابريل وذي كل السالفة

انه والحمدلله ما عندي شي عن علاقات اخشه عن زوج المستقبل والحمدلله بس انه حطيت روحي بالموقف وقلت لو هو عنده شي مني مناك ما احب اسمعه لان ما بهتم لاي تصرف بدر منه قبل لا يكون زوجي بس تصرفات اللي عقب الزواج ابي اعرفه والمهمة منها واللي احس انها مفروض اعرفها وما يخشها عني اهو عقب ما يتزوجني خلاص يكون بيننا التزام متبادل فمن جذي قبل الزواج ما كان ملتزم من صوبي بس اكيد باستثناء اذا شي في حياة عود وايد يمكن تخليني اتراجع عنه قبل الزواج اكيد ابي اعرفها

حبيبتي لين حبيتي وتعلقتي بحبيبج صعبة تستغنين عن صوته ووجوده يعني الامر صار نفس المخدرات لين تركتيها فترة تتعذبين لان خلاص صارت بدمج وتمكنت منج بس اللي فهمته من كلامج انج تبين تصححين الوضع عن اللي هو عليه ذي شي حلوووووووووو انه اقولج ولكل وحدة تحب تبون تبتعدون اول شي شنو السبب يختلف سبب عن سبب يعني اقولج بالصبر وقوة الارادة والايمان الواحد يقدر يسوي الشي ليش لا بيتعثر مرة مرتين لكن بيقدر في النهاية حتى لو هو متعود عليج وحليتي بعينه الحياه عطيه البديل يعني لو هو اييج كلما تضايق فتح قلبه قوليله في احد يقدر يروح له ويقوله اللي بقلبه وهو ما بيتملل منه بيسمع كل كلمة منه وبيفهمه وهو ربه حبيبتي انتي ما تدرين يعني لين قسيتي على قلبج شوي وهو نفس الشي يمكن ربج يوفقكم بعدين ويكتب لكم الزواج مستقبلا فجأة اتشوفين الوضع وياكم وكلشي متسهل

نسيت احط تعليق على الاخت (عاشقة رفاعية) انه شفت لج موضوع في هالقسم عن اول هدية اهداها الحبيب حتى قلتي كنا متقابلين كان أول مرة أشوفة بمكان ومرة وحدة قالي عطيني يدج .. أنا عبالي بيعطيني شي عطيتة أياها من جدام قال قلبيها قلت لا ليش قام وقلبها وباس يدي ... فديتة .. الله يخلية لي ولا جدام ربعي ... وفي هالموضوع قلتي بس لو كانت الطلعة بس سوالف ولا جاسة وجاستة كلشششششششششششش .. ولو حاول يود يدها ومارضت .. أكيد بتكون وحدة زينة .. ولازم مايهدها ويتزوجها .. ((( ما تلاحظين كلامج كلش متناقض))) يعني من كلامج الاخير ان من رايج البنت لو ما خلت الصبي ايود يدها ابنية زينة عدل يا جماعة يا ريت كلي اللي نقوله انطبقه مو بس حجي لسان عشان نظهر روحنا نعرف

اكيد هالشي لو كنت صبي بيكون مرفوض عندي اصلا انه ما بسوي من الاساس المهم انه حبيت ارد على بعض الاعضاء اللي تفاعلوا ويا الموضوع (محروم قطر-شيطان المحرق-نبعة الريحان-alshoog) عجبني ردكم وصح لسانكم ممبر 18755 اتقول تفاهم قبل الزواج يعني اعتقد في الريال ادش البيوت من بيبانها بعدين يتفاهم (بنت البحرين-عاشقة الحبوب-ساهرة) تقولون عادي لو الاهل يدرون بالله عليكم الاهل لو دروا ووافقوا هذلين ما عندهم غيرة وخوف على بنتهم وثانيا حتى لو الاهل ما عندهم دين ووافقوا البنت اتكون اكبر من جذي وتسوي الصح وتخلي الغلط البنية يعني بتتبع في المرتبة الاول كلام ربها ولا كلام اهلها من الاهم قولوا لي عجمية شايفة روحها( اختي البنت لما كلمت الصبي وسوت اللي ما يرضى به رب العالمين ورغبة اهلها تعتقدين خلت شي حق اللي ايسمونه احترام واذا هي طلعت وقلتي محترمة شنو الفرق بينها وبين اللي حافظة نفسها ودينها) (صوت الغلا- ساد بوي ستوري) تقولون اي اذا اخرتها الزواج انزين حتى لو الاثنين ناويين الزواج اشضمنهم ان الله كاتب لهم يتزوجون اشدراهم بالقدر يمكن ما يصير ماا في شي مضمون بعدين كل واحد ياخذ واحد غير مو حلوة ان كانوا طالعين بالحرام (الذيب البحريني) البنت حتى لو كلمتها اشضمنك انها صاجة وانها اوكي بالله عليك هذي باعت دينها واغضبت ربها عليها هذي والله ضحت بدينها وتهورت وكله عشان شي اسمه حب، وبعدين اللي ما كلمتها مو ضروري اتكون عنده سوالف وما تقول ولو كنت تبي البنت العدلة اللي بثق فيها ما بتحصلها جدامك لان قاعدة في بيتها ساترة نفسها واللي تعرف الله فوقها ويطالعها هذي اللي تربي اعيال وتحفظ ريلها (مرهفة الاحساس) اكيد هي مو مسالة ملل لان اللي بيتمل من حبيبته من طلعات بيتملل في حياته الزوجية يا ريت يا جماعة تحكمون دينكم في هالمسائل لان مردكم بتوقفون جدام ربكم معقولة لما تنسألون بتجاوبون بهالاجوبة يعني بيتقبلها منكم سالوا نفسكم ومو نهاية الحرام الا الحرام

اهو الاغلب يكون الريال بس بعد في نسوان يوزنون الحب بميزان العقل قبل

رومنسي حزين ما في مشكلة ما لها حل وانه عن نفسي ما عندي مشاكل في نطاق الحب وهالامور وبرايي حتى لو الواحد عنده مشكلة في حبه الحل اول شي ايي منه اهو قبل لا ايي من غيره