ولد السعودية

السلام عليكم ورحمة الله وبركاته مساء الخير لجميع اعضاء B2D الغالين على قلبي وحياكم الله طبعا الحمد لله بعد توفيق الله سبحانه اشتريت سيارة جديدة حبيتكم تشاركوني فرحتي فيها وحبيت انزل صورها في منتدى البحرين تو دي الغالي وراح تكون الصور حصريه هنيه وبس لإنه اول مرة انزل صور سيارتي في اي منتدى بعطيكم معلومات سريعة عن السيارة نوع السيارة :كابريس LTZ V8 الموديل :2007 اللون: اسود لون الجلد : بيج السقف: فتحه قوة المحرك: 360 حصان الرنق: مقاس 17 الحساس: حساسات خلفية تعمل بنظام الشاشة الداخلية والصوت الانوار: عدسات مع كشافات الضباب نوع الجهاز المستخدم في التصوير : NOKIA N95 موقع التصوير: اه ياموقع التصوير عند كليتي العزيزة الي تخرجت منها فديتها والله اخليكم مع الصور بس حبايبي لاتنسون تذكرون الله فديتكم والله بسم الله نبدأ.... صور السيارة من جدام عدسات وكشافات الضباب بشكل واضح والحين عاد صور السيارة من الجنب طالعة الفتحة واضحة تهبل على السيارة بسم الله عليها صور السيارة من الخلف طبعا مايحتاج اقولكم عدد الفتحات الموجودة ماشاء الله عليهم صور الرنق مقاس 17 الحين صور السيارة من الداخل صورة للدركسون مع الطبلووون عداد السرعة واضح كم الطبلون ماله 260 الراديو والسي دي والطبلون مع التخشيب الموجود على الطبلون بشكل جميل شاشة AC مع الراديو و CD والحساسات الخلفية الشاشة وعليها شعار الشفر تظهر مع كل تشغيل وايقاف صورة الشاشة وانا راجع ريوس يعني وانا راجع ورا تطلع شاشة تبين لك الأجسام و السيارات الي خلفك احم احم هذي صورة بس هذي المرة مع حبيبي الأيبوود الأبيض فديته والله احم احم هذي نظارتي و موبايلي وهذي صورة ثانية للأيبووود اوضح من الي قبل بس والله روعة هذا الجهاز لا يطوفكم وهذي صور للباب من داخل وطبعا واضح عليه التخشيب صورة شعار LTZ طبعا هذا شعار الكابريس من الخلف LTZ وفي النهاية اتمنى ان الصور تعجبكم واعتذر منكم على إطالتي ولكن هذا وحش الهولدن بعد مااقدر لازم اسولف عنه اكثر لاتبخلوووون علينه بالردود واذا فيه اي ملاحاظات على السيارة او اي استفسارات انا حاضر ومن عيوني فديتكم والله تحياتي لكم راعي الشفر - ولد السعودية

مساء الخير للكل احب اشكر اختي زنزونة على ابداعها في كتابة القصة و اتمنه من كل قلبي تكون كاتبه مشهورة وخاصة هنيه في B2D كل الي اقدر اقوله تسلم اناملج الذهبية على القصة واتمنى تنزلين البارت الياي بأسرع وقت حبيت اعلق على ملاحظات اخوي اينجل طبعا كل واحد فينا كبداية له لما يشوف اي ملاحظات او انتقادات في اي موضوع له يتضايق نوعا ما او يصيده نوع من الاحباط وانا اقول لج اختي زنزونه بالعكس هذا المفروض يصير دافع لج في تقديم الأفضل بإذن الله اتمنى لج التوفيق دائما وابداً تحياتي لج ولد السعودية

اخوي مازن الماجد مع التحية كل سنة وانت طيب وكل عاااااااااااااااااام وانت بـــــ 1000 الف خير يالغالي بصراااااااااااااحة راح يطلع عيد ميلاد غير شكل اتمنى اني اقدر ايي البحرين واحضر عيد ميلادك واجوف اعضاء المنتدى الغالين بس تره ماعرف اي شيء بالبحرين يعني لازم توصفني وتدليني الطريق عشان اوصل بامان اي وبييب لك هدية معاااااي امزح معاااااااااااااااااااااااااااك عليكم بالعافية إن شاء الله واتمنى لك التوفيق دائما وابداً اخووووك ولد السعودية

يعطيك 1000 عافية الم على الصور الأكثر من رائعة والمرسيدس اكثر سيارة اعجبتني خطيرررررررررررة

يسلمو على المووضووع

فن يسلمووووو السنفورة على الموضوع

تم التصويت لبعض الناس

بالتوفيق ان شاء الله لجميع المشاركين

مشكورة على الصور النايس

مشكورة زينب على الموضوع اذا كنتي شبيهة نوال الله يعينك على المعجبات و المعجبين ممكن توقعين لي تحياتي لج زينب

حلووووووين يسلمووووو

يسلموووو

تسلم ايدج ع الصور الروعة اكثر وحده عجبتني مراااام

ثانكيو يابعدهم على الصور الرائعة

صباح الخير للجميع وش حالكم إن شاء الله مبسوطين بصراحة موضوع واايد حلووو مشكور اخوي ولد الدوسري وبصراحة موضوع محرج نوعا ما لكن حبيت اشاركم الموضوع الاسم : ولد السعودية العمر : 22 ســنــه <<<<<<< فشيلة وجريب بدش 23 عود المدرسه : تخرجت من الكلية 2005 وانا حاليا موظف المنطقه :السعودية وبالتحديد حبيبتي الرياض هواياتي : نــت وخاصة الماسنجر كرة القدم والسباحة والسفر واحيانا ومو وايد الهياته بالشوارع ايه وفي شي نسيته بعد النوم من اهم الهوايات الي اهتم فيها حاليا هالايام خخخخخخخ وصف الشكل : والــلــه صعب اوصف شكلي لكن مو مشكلة بحاول طويل وابيضاني وبنفس الوقت مربرب نوعا ما هذا تقريبا اهم شي بالشكل والباجي عادي يسلمو مرة ثانية ع الموضوع وتحياتي لجميع الاعضاء

ماتشوفين شر شوكولاته

إنا لله وإنا إليه راجعون لله سبحانه مااعطى ولله ماأخذ لله الأمر من قبل ومن بعد عظم الله اجرك اختي الله يرحمهم ويسكنهم فسيح جناته

هذا المسج مني لأعز اعضاء في منتدى البحرين تو دي في حياتي تعلمت: أحب أبتسم أسامح أخلص أحزن أغار أشتاق أندم أحلم أتعب أحتار أسرح أيأس أطفش أطنش أحيانا بس ما تعلمت كيف انسى أعز ناس في حياتي )*( كــــــــــــــــــــــــــــــــل عـــــــــــــــــــــــــام وانــــــــــــتــــــــــــم بــــــــــــخـــــــــــيـــــــــــر )*( مشكورة اختي دلوعة ابوها على الموضوع الحلو ماقصرتي

السلام عليكم ورحمة الله وبركاته احيي جميع الاعضاء والمشرفين الكرام واهنيهم وابارك لهم بحلول شهر رمضان المبارك اعاده الله علينا اعوام عديدة صار لي فترة ماادخلت المنتدى واليوم بس قلت لازم ادش وابارك لجميع حبايبنا بالشهر الكريم وإنشاء الله ارجع اواصل معاكم وافيد واستفيد اخوكم ولد السعودية

السلام عليكم ورحمة الله وبركاته مساكم الله بالخير بعد غياب طال عدنا لكم اطيب التحايا لجميع أعضاء منتدى بحرين تودي تحياتي لكم واتمنى اني افيدكم واستفيد

مساكم الله بالخير الصراحة القصة هذي أعجبتني وانا أعتبر أنها من أفضل القصص الي قرأتها وحبيت اني انقلها لكم و عسى تعجبكم ... مع العلم ان بعض احداثها وعلى حسب الراوي واقعية اتمنى انها تعجبكم . طبعاً القصة هذي للأمانة من تاليف الأخت روح الكويت عساها على القوة كانت عقارب الساعة تبشر الى اقترابها من الحادية عشر مساء يوم الأربعاء الموافق 1.8.1990 وفي نهايه خط الهاتف تمسك سار السماعة وتتكلم بهمس سارة : خالد .. انا اقولك والله الحين بتطب على و تذبحني .. و مو تقولي عرس ولا غيرة !! والله بينقلب باجر جنازة من مريوم ياويلنا منها .. وعلى الطرف البعيد من الهاتف أخذ خالد يضحك .. خالد : والله عاد أحنا معاريس و هذا شي راجع لنا .. اذا اهي بتموت قهر وبذبحج همن مالي شغل .. انا الف من تتمناني ... سارة : لا والله .... احلف بس ... نسيت بس انك حفيت عشان تخطبني ... اصلا انا اللي سويت فيك معروف ووافقت عليك . عندها قطع صوت زمجرة تقترب من سارة .. وفجأة ارتفع اللحاف اللذي تتدثر به وظهر وجه مريم وهي تتجهم في وجه سارة بطريقة مضحكة .. مريم : بس عاد درينا ان باجر العرس ... خلونا ننام .. باجر بتكونون مع بعض و بفتك منكم اثنينكم .. ماقول الا الطيور على اشكالها تقع .. بنام يا عالم بنام . سارة : واي يالتنبل يا حبج للنوم .. وخري بس وخري خليني اكلم ريلي بس .. ادري محترة .. عندها تقفز مريم على فراش سارة وتأخذ في ضربها في مرح مريم : انا اغار منج ! على شنو عاد !! على خلود سبع البرمبة .. وأخذت ضحكات الفتاتين تتعالى حتى فتح باب الغرفة فجأة وظهرت فاطمة أم سارة فاطمة : بس عن الشطانة يا بنات .. والله تذكروني فيكم ايام المدرسة .. ناموا يالله وراكم شغل من صباح الله خير .. بتتزهبون حق العرس . وتخرج مغلقة الباب خلفها بأبتسامه حنونة . وعندها تخلد الفتاتان الى النوم وأحلام وردية بالغد المشرق .. فجر الخميس .. 2.8.1990 الساعة 3 رنين الهاتف يوقظ خالد من النوم ... صباح الخميس .. الساعة 9 تدخل فاطمة أم سارة الى غرفة الفتاتين و توقظ مريم من النوم .. فاطمة : مريومة حبيبتي قعدي من النوم .. ابيج بسالفة مريم وهي تغمغم ناعسة مريم : خالتي خليني انام شوي .. مانمت وايد بنتج اذتني بالهذرة فاطمة : مريم قومي شلعتي قلبي قومي ابيج . مريم و هي تفتح عينيها و تجزع من رأيه وجه خالتها خالي من اللون ونظرتها الخائفة !! مريم : خالتي أشفيج !!! أشصـــ ..... تقاطعها فاطمة : اوش اوش .. مابي سارة تسمع غسلي ويهج الحين و تعالي الصالة بكلمج مريم : ان شاء الله خالتي كاني يايه الحين . وبعد عشر دقائق تدخل مريم الى غرفة المعيشة .. وتفاجأ بوجود خالد زوج سارة بكامل ثيابة العسكرية !!! مريم : خالد !!!! علامك لابس بدلتك !! انت معرس !! معقول نسيت تاخذ اجازة ولا معقول ينادونك الدوام بيوم مثل هذا !!! خالد : مريم عفية قعدي خل افهمج .. لان محتاجج الحين مركزة علشان نقدر نقول السالفة حق سارة بدون لا نخرعها . مريم : السالفة !!! ليش اكو سالفة بالموضوع ؟ ترى خرعتوني .. قولولي شالسالفة !! عندها يتنحنح جاسم والد سارة جاسم : مريم اللي بقولة الحين فعلا صعب على العاقل ان يصدقة .. بس الواحد مايدري شيقول .. مريم اليوم الفجر أدخلوا العراقيين الكويت و احتلوها ! ويسقط فك مريم السفلي وتكاد عينيها ان تخرجا من محجريها .. وتأخذ بعض الثواني لتستوعب القنبلة اللي القها بها عمها في وسط غرفة المعيشة . مريم : العراق !!!!! أحتلال !!!! عمي اشقاعد تقول الله يهداك !!! جاسم : هذا اللي صار يا بنيتي ... حسبي الله و نعم الوكيل فيهم .. حسبي الله و نعم الوكيل فيهم . مريم : شلون جذي !! شلون ادخلو الديرة !! وليش ادخلوها اصلا !! احنا اخوانهم !! شلون يخونون فينا يا عمي !! فهمني بس !! جاسم : شلون افهمج يا بنتي شي انا بنفسي ماني فاهمة .. والله الشغلة ماتدخل العقل .. خالد : مريم .. انا محتاجج تقعدين سارة الحين .. و ابي اكلمها وأقولها اللي صار .. لان نادوني ولازم اروح امسك مركزي الحين .. ماعندي وقت طويل لازم اروح ادافع عن الديرة . مريم : وسارة شلون بقولها مثل الخبر هذا !! شلون نقول حق عروس ترا ليله عرسج بدال لا تكون ليله فرح ابيض صارت ليله أغتصاب لارضنا لونة اسود شلون !! خالد : خليها على .. انت بس روحي قعديها ولا تخرعينها انا اقولها السالفة كلها .. وتنهض مريم على قدميها المرتجفتان متجهة الى غرفتها المشتركة مع سارة ... انا ماحبيت احط القصة كلها اليوم لانها فعلا طويلة ... بس اشوف ردود الفعل على الجزء الأول و ان شاء الله اكمل الباجي

علمتني كيف احب علمني كيف انسى ( الجزء الثاني ) تفضلوا واتمنى لكم وقتا ممتعا في اليوم التالي ذهبت مريم و ريم الى المستشفى مع فيصل في حجرة خالد في المستشفى فيصل: في ناس يدورون عليك خالد: منو فيصل: ناس من هوليود سمعوا عن بطولاتك و يبغونك علشان فيلم جيمس بوند اليديد ريم: هاهاهاه تصور ابوي بيزقرونك بو جيمس بوند راشد: ليش انا العود مب هو فيصل: الظاهر انه الحبيب صدق, احنا قاعدين نمزح غادر الجميع و قررت مريم ان تبقى مع خالد حتى لا يبقى بمفرده وبعد نصف ساعة جاءت عائلة بو عمر ما عدا عمر للاطمئنان على خالد خالد: وين عمر ام راشد: بيمر على يدتك و عائشة و بييبهم هني خالد: لا حول الحين انا ما فيني شي و باجر بيرخصوني و يدتي مريظة شو بييبها هني يوسف: لا حبيبي انت و طلال عند يدتي غير لانها تقول انكم تشبهون خالي سالم الله يرحمه طلال: عند يدتي احنا كلنا نشبه خالي سالم حتى البنات تقول سنافر احنا كلنا شكل واحد ام عمر: عيب عليك تقول جذي عن يدتك ابو عمر: قوموا الحين نصلي المغرب و ذهب الكل للصلاة ما عدا مريم و هند اللاتي بقين في الحجرة و قررتا الذهاب للصلاة بعد عودة ام عمر و سارة حتى لا يتركن خالد بمفره خالد: السموحة منج هند اكيد البارحة تخرعتي لما طحت جدامك مريم: يعني هي تخرع بس مب لدرجة انك اطيح عل الارض بس تشوفها هند:هاهاهاه الله يخسج مريم: مشكورة يي منج اكثر بنت خليفة, انزين انا بسير الحمام هند: انا بسير وياج مريم: لا اخوي ما يعض هو اليف صدقيني وخرجت مريم , ادركت هند ان مريم تريد ان تعطيها مجال حتى تتكلم مع خالد بمفردها و لكن خالد لم يقل شي و بدا ان هناك ما يشغل باله في الممر وقفت مريم عند ثلاجة المياه لتشرب و ما ان شربت حتى فوجئت بعمر يقف امامها عمر: السلام عليكم مريم: وعليكم السلام تذكرت مريم انها تركت خالد و هند بمفردهم في الغرفة و قد يثير هذا غضب عمر مريم هي تدعو الله ان لا يكون عمر قد صلى بعد: كلهو ساروا يصلون والمسيد من هناك ذهب عمر للصلاة و هرعت مريم الى الغرفة لترى ان كل من هم في عالم اخر مريم: اشفيكم جنكم قاعدين بعزا خالد: مريم ساعديني بقوم اتيدد واصلي و بينما خالد يصلي مريم: شو قالج هند :ما قال شي مريم: الحين انا واقفة برع مسوية عمري حارس و قاعدة اجذب على عمر و اقوله ما حد داخل بس خالد و محسبه عمري كولمبو و انتي تقولين ما صار شي هند: اخوج مب حاسس فيني انا قاعدة هني ارتجف و مرتبكة و منتظرة منه يقول أي شي و هو بعالم ثاني عاد الجميع الى غرفة خالد بالاضافة الى الجدة و عائشة الجدة: الحين انت يا وليدي شلي مودنك روسيا تقاتل اهلها خالد: أي روسيا بس الله يهداج الجدة: مب انتوا قايلين انه مظارب مع الروس عمر: وليه الحين يدتي بدخلنا فحرب مع الروس طلال: ليش يدتي انتي ما دريتي الجدة: خير شو السالفة طلال: مب خالد يشتغل بروسيا الجدة: شلون يقولون روسيا هذي بعيدة طلال: لا مب بعيدة تعرفين وين سويحان هي بعد سويحان بثنين كيلو الجدة: هيه ضحك الكل على كلام طلال يوسف: تدري خالد انا وايد اكرهك ام عمر: شهل الكلام يا وليدي يوسف: يعني ما عرفت اطيح غير يوم ملجتي خالد: السموحة منك مرة ثانية لا بغيت اطيح باخذ الاذن منك يوسف: يكون احسن , يعني انا البارحة قاعد اتريا المعازيم يروحون عسب اسير اشوف الخطيبة و شاق الحلج و ما اسمع الا صوت صياح اثاريه الحبيب طايح وهم يهمون بالرحيل ابو عمر: مريم قومي يا يبنيتي بنوصلج بطريجنا يوسف: عمر مب انت قايل انك بتمر تييب يدتي و اشوفها يت مع الدرويل عمر: هي ما طاعت تيي و ياي يوسف: ليش يدتي الجدة: هذي سيارته اللند مرتفعة وايد ما روم اركب فيها يوسف: رينج يدتي اسمها رينج الجدة: ما ادري شيبون فيها يوسف: لا حول الحين الرنج مب عايبتنج و عايبتنج هذي الهوندا ركب كل من ابو عمرو ام عمر و يوسف في سيارة يوسف و الجدة و عائشة و سارة مع طلال و هند طلبت من مريم ان تركب معها في سيارة عمر و في سيارة عمر هند قد قررت ان تصالح ما بين مريم و عمر فعندما اقتربو من بيت مريم هند: عمر في عرب زعلانين منك ادركت مريم ان هند تعنيها و لكنها لم تشا من هند ان تفتح الموضوع لانه كلما تتذكر مريم ان عمر راها دون عباءة او حجاب تشعر برغبة في البكاء عمر: منو هذيل العرب مريم: هند الله يخليج لا تفتحين السالفة اللي صار صار هند: مريم عمر لازم يعرف اللي صارانت ليش ما تريدين تفتحين السالفة عمر وهو يوقف السيارة امام منزل عائلة ابو راشد: لانه الغلطان ما يحب حد يذكره بغلطته اثار كلام عمر غضب مريم فهو لم يكفيه ما قاله لها بل ما زال مصرا انها مخطئة ريم و هي تحاول الا تبكي: انا مب غلطانه انا ما سويت شي و انا اعرف شلون اصون نفسي لانه امي الله يرحمها عرفت شلون تربيني فتحت باب السيارة و ركضت الى المنزل هند: حرام عليج البنية ما سوت شي هي قبل لا تطلع سالتني و انا قلتلها ما في حد و لكن عمر بقي صامتا و لم يتفوه باي كلمه في اليوم التالي خرج خالد من المستشفى و اقام ابو راشد مادبة عشاء دعا اليها كل من عائلة ابو عمر و عائلة ابو حمدان في مجلس الرجال يوسف: فيصل ابغي اشوف حرمتي فيصل: ليش انت معرس يوسف: فيصل عن الاستهبال فيصل: شوف تبغي تشوفها ادفع يوسف: لا والله ليش بشوف الاهرامات انا فيصل: انزين انا بقول لريم اللي قلته يوسف: لا والله ليش انا بخاف منها فيصل: انزين انا بقولها يوسف: انا قاعدة اتغشمر فيصل: الله عل الخوف محلاه في غرفة ريم كانت الفتيات الست هناك هند: شرايكم انسير المزرعة ريم: هيه والله من زمان ما سرنا مريم: تدرون متى اخر مرة انا سرت المزرعة من 3 سنوات سارة: و الله بتستانسين وايد حصة: احنا ما نقدر نيي وياكم عمي عازمنا نسيرعندهم هذا الويك اند ريم: انزين تعالي انتي ويانا حصة: ابوي ما بيرضى مريم: انا اعرف ناس وايد بيزعلون اذا ما ييتي ويانا و هنا رن هاتف سارة سارة: هذي امي مريم: ليش هي وينها في سارة: تحت مريم: ما شا الله خالتي تستخدم التكنولوجيا حصة: تصدقون انا امي للحين اذا بغت ترد عل تليفونها تناديني خرجت سارة من الغرفة لترد على امها و كان راشد خارج من غرفته التي تقع مقابل غرفة ريم نظرت سارة الى راشد و القت التحية و همت بالنزول قبل ان تسمع منه الرد و لكنه استوقفها راشد: لهذي الدرجة ما تبغين تسمعين صوتي سارة اه يا راشد لو تعرف شكثر مشتاقة اسمع صوتك و رمستك سارة : انا مستعيلة امي تبغاني راشد: سارة شل موضوع انا سويت شي زعلج ليش كل ما كلمتج تتهربين سارة: ما في شي انا لم تعرف ماذا تقول راشد: انتي شو الله يخليج كلميني و هنا لم تعد سارة قادرة على الاحتمال اكثر رؤيتها لراشد وهو بهذه الحالة دون ان تكون قادرة على التخفيف عنه و الاهم من ذلك انها هي سبب الآمه , تركته و نزلت مسرعة على الدرج اما راشد فانه يشعر كمن يفقد شيء عزيز عليه دون امل في عودته و بينمنا الفتيات في غرفة ريم سمعوا طرقنا على الباب فتحت مريم الباب مريم: هلا والله بفيصل فيصل : مريم تعالي بغيتج بسالفة مريم: الحين فيصل: هي الحين و دخلوا الى غرفة فيصل فيصل: مريم بغيتج تكلمين حصة بسالفتنا مريم: أي سالفة فيصل: انا بكلم ابوي علشان يكلم عمي بو حمدان اني ابغي اخطب حصة بس ابغي اعرف رايها بالاول مريم: موافقة طبعا فيصل: لا مريم ساليها مريم: ليش هي وين بتلاقي احسن منك فيصل: مريم ساليها الحين ما فيني اصبر اكثر مريم: انزين خلاص طلبت مريم من حصة ان تذهب معها الى غرفتها مريم: حصة فيصل يبغي يطلبج من عمي بو حمدان بس هو يبغي يعرف رايج بالاول شو قلتي و لكن حصة لم تجب مريم: ها حصة شو رايج حصة: مريم مريم: شو السالفة حصة: فيصل بالنسبة لي اخوي انا ما اقدر اخذه مريم: حصة شو هالكلام حصة: مريم الله يخليج انا شايلة هم هذا اليوم من زمان مريم: حصة انتي تعرفين ان فيصل يحبج مب انتي بس العايلة كلها تعرف ,ليش ما قلتي من الاول ليش لحين حصة: مريم انا احب مريم: شو حصة: مريم سمعيني , في واحد عدنا بالجمعة هو معيد حسيت انه يحبني هو ما قال شي بس حسيت جذي من نظراته و من معاملته لي و بعدين اخته قالتلي انه هو معجب فيني مريم: بتبدلين فيصل بهذا المعيد حرام عليج حصة: مريم انا عمري ما قلت اني احب فيصل مريم: و عمرج ما قلتي انج ما تحبيته او ما تريدنه خليتيه يتامل و بعدين هذا لو كان يحبج صج ليش ما تقدملج حصة: لانه الحين بيكمل الماجستير مريم: شو هالكلام الفاظي البنات هن اللي يتحججن بالدراسة مب الرياييل حصة: مريم لا تتخلين عني الله يخليج انتي الوحيدة الي بتفهميني مريم بغضب: شو تبيني افهم انج ما تحبين اخوي و ما تبغينه انج بتكسرين خاطره و تهدمين كل البناه حرام عليج والله حرام فيصل ما يستاهل و هنا بدات الاثنتين بالبكاء حصة: ارجوج تفهميني انا لو خذيت فيصل ما بنكون مستانسين شلون تبيني اخذ اخوج وانا افكر بواحد ثاني مريم: شو اقوله الحين انج ما تبغينه لانج تحبين واحد ثاني حصة: حرام عليج ليش ما تحسين فيني و بعد فترة صمت و بكاء استمرت 10 دقائق مريم: انا اسفة معاج حق الحب مب شي نقدر نتحكم فيه انا بحاول اقول لفيصل حصة: شو بتقولين مريم: انج تحبينه مثل اخوج حصة: مريم حاولي تفهميه انا ما ابغي اخسره هو مثل اخوي مريم: الله يكون بعونك يا فيصل اما فيصل فكان يقف خارج غرفة مريم و هو على اعصابه خرجت حصة من الغرفة و تبعتها مريم فيصل: هلا حصة شحالج اما حصة فكانت تشعر بالخجل و لم تستطع حتى ان تنظر في عيني فيصل و ذهبت بسرعة الى اسفل فيصل: مريم ها شو قالت مريم: فيصل بعدين مب الحين فيصل: حرام عليج لي سنين انتظر ما فيني انتظر اكثر هنا لم تعد مريم قادرة على الاحتمال اكثر فهي تعلم ان فيصل يحب حصة و لكنها لم تعلم انه يحبها لهذه الدرجة و عندما راى فيصل دموع مريم علم الجواب فيصل: خلاص مريم ما في داعي تقولين شي انا عرفت ردها مريم: فيصل المحبة من الله و هي تحبك مثل اخوها و.......... فيصل: مريم كافي اللي سمعته كافي و الحمدلله اني عرفت ردها قبل لا اكلم ابوها و خرج من المنزل دون ان يضيف كلمة اخرى ان عزة نفسع تمنعه ان يقول المزيد فقد نحب و نتفانى في الحب و لكننا لا نسمح لحبنا ان يفقدنا ذرة من كرامتنا شو تتوقعوا يصير بين هند وخالد وهل خالد يحبها ولا لا ؟ وبين عمر ومريم مريم هل رح تتحسن علاقتها مع عمر ولا شو ؟ وحصة وفيصل فيصل رح يقدر ينسى حصة ولا ؟ بتعرفوا كل هاد اذا تابعتوا القصة تحياتي للجميع

';oj

مساء الخير إلى جميع الأعضاء كيفكم إنشاء الله مبسوطين يااااليت أختنا الغالية تكمل القصة او بساااااااعدها وأنزل معااااااااها القصة لإنه عندي تقريباً 31 جزء وانتم الي يريحكم تحيااااااااتي لكم أخوكم ولد السعودية

لاندكروزر بتعديل غرييييب تصدقون السلام عليكم ورحمة الله وبركاته لعشاق التعديل جايبلكم صور جيب لاندكروزر VX-R بشبك و واجهه اودي W 12 الجديده ... في الرياض فكره رائعه ونادره . . . وخااااصه على الاندكروزر جنوط مقاس 22 و 24 وكت خلفي وجانبي واخليكم مع الصور ...