عبره لكل خلاني
تذكرت الزمان اللي من قبل عامين وسالت مني الدمعة تعانق حزن وجداني
أنا ما كنت أبي بعده ولكن صابني جرحين لأن اللي يخون الحب أكيد يخونني ثاني
يخون ويحسب اللعبة صغيرة ما لعبها زين تماده وحطم قليبي هذاك الخاين الجاني
سبب كثر دموع اللي تفارق رمش هاذي العين ورغم كل الذي فيني بظل أعشقها أحزاني
بعده عشرة دهر وياك تقلي ما أظن تلقين محبة ساسها أقوى مدام أن الزمن فاني
وش أهديك سوى حبٍ تملك قلبي المسكين عطيتك روحي وأيامي بقايا عمري وأزماني
عطيتك قلب ما يبخل يحبك ف العسر واللين يضحي لك بنبضاته إذا نبضك غدى يعاني
تروح شمال أروح شمال تروح يمين أروح يمين وآخر هالتعب كله جزا المعروف نكراني
ما راح ألقى الغرام اللي ينسيني عنا السنين ولكني باخلي الجرح ( عبرة لكل خلاني )
لو أرحل وأبتعد وأنسى بالسافر عن همومي وين ؟ إذا روحي وهي روحي نوَت هليوم تنساني
حزينة " إيه" ماأنكر وواسيها جروحي الحين وأظل أكتب حزن حرفي .. بظل أكتبه ديواني