دانــــ البحرين ــــة

اي عادي اغلب الطلبة يسوون جذي وحتى اذا انتهت فترة الحذف والاضافة مال سنتج عادي اتروحين اطبعين وتدفعين بس اهم شي ماتحذفين ولا تضيفين اذا انتهى وقت الحذف والاضافه المحدد لدفعتج الا عن طريق التسجيل هناك

لا حبيبتي الي قابلينهم الكورس الثاني وفي الثمانين بعد حاطينهم تمهيدي والله مساكين وحرام وظلم لو منهم ازلزل الجامعة

هلا اخوي لا تحاتي ولا شي باجر روح راجع التسجيل وجوفهم شنو يقولون لك واذا كلش كلش ما رضو حول من اول كورس يعني من تدخل الكورس الياي سو تحويل واسألهم متى التحويل عشان مايضيع عليك بس المهم اتراجعهم باجر واذا مارضو روح حق عيسى الخياط رئيس التسجيل وكلمة قوله ان حطوك في الرغبة الرابعة وانت ماتبيها وان مجموعك كذا اوكي ننتظر الاخبار

هههههههههههههههههههههههههههههههه شفت اشلون انا ضحكت على روحي بعد يلا الله كريم وانشاء الله نتوفق

مشكورين على الردود كلكم وما قصرتو والله يوفقكم يارب.اكتشفت في وقت التسجيل ان فاروق مايدرس اداري هالكورس والي يدرسونه بس مروان وصالح وخذته عند مروان

ساعدوني بليز ابي المدني الثالث سكشن 3 الي ما يبيه يخبرني لاني صج محتاجته في هذي الوقت بليزززززززززززززز

السلام عليكم ابي خدمة منكم الي يقدر خل يساعدني ابي مادة itbis105عند اي دكتور فإذا في شخص ما يبيها يخبرني على بريدي الخاص انا منزلينها لي بس التوقيت اشوي مصعب علي امور اذا يحب ان يبادل معاي يخبرني انا في سكشن 4

السلام عليكم ابي خدمة منكم الي يقدر خل يساعدني ابي مادة itbis105عند اي دكتور فإذا في شخص ما يبيها يخبرني على بريدي الخاص انا منزلينها لي بس التوقيت اشوي مصعب علي امور اذا يحب ان يبادل معاي يخبرني انا في سكشن 4

انا اب يانزل اداري والصراحة محتارة انزله عند من وخصوصا ان ايل يدرسونه فاروق او شيحا شرايكم

انا حاطين لي IT BIs بس عند دكتورة غزوة صليبيخ شرايكم فيها ومنو احسن دكتور يدرس الاي تي.ومن ضمنهم غزوة صليبيخ و دكتور خالد وندى الشهابي وعباس

انا رايي انك تنسحب كورس من الجامعة وتقبل الوظيفة وجوف الوضع اذا ثبتوك وعجبتهم اشتغل وادرس في جامعة خاصة لو انا في مكانك بسوي جذي لاني مب مستفيدة شي من جامعة البحرين وخصوصا الحين الوزارات يودون موظفينهم دورات وحق دراسة واذا ما عجبك الشغل ارجع ادرس الكورس الي عقبه وعادي انت مب خسران شي في الحالتين لا الجامعة ولا الشغل والقرار قرارك

يمه بحرينيه ستايل قولي الي قلبج عنه حتى لو اكثر من كلمتين بردي قلبج شوي فيج حرة ما حرة اي شي ههههههه شكلج حدج متعذبه انتظر المزيد من الردود

الحمدلله فتكيت منه

اخوي حسن شلونك،عندي مشكلة وابي اخذ رايك فيها مادري اذا انا غلطانة او شي ثاني المهم انا طالبة في كلية الحقوق اخذ هالصيف الانجليزي الاول والي يدرسني الانجليزي اوكي يعني يشرح كل شي ويتعب روحه في الشرح وقال لنا ان بعد كل يونت بعطيكم كويز وهاذي طريقة حلوة عشان ماتتراكم علينا الدروس واصلا من ضمن الخطة ان فيه عشر درجات على الكويز المهم خذنا الكويز الاول بس طريقته ماعجبتني ولا اعجبت الي معاي في السكشن واهو ان يخلينا ندرس ونحفظ الي في الدرس ويعطينا اسئلة عليها رغم ان احنا مو مطالبين نقعد نحفظ الدرس اهو كله ردينق وحتى في الامتحان ما راح ايينه نفس ايل في الكتاب وانت عارف هاذي الشي وفي سؤال ثاني واهو ان نحول الكلمات الى نون وفيرب واجكتف وفيه نفس السؤال في يونت ون المهم هاذي السؤال قال لنه ان بييبه في كل الكويزات والميدتيرم قلناله بس صعب نقعد انطلع كل كلمه واشلون نحولها هاذي يبيلخا دكشنري والدكشنري ممنوع في الكويزات والامتحانات واذا تبينه نحله صح قولنا على اي اساس نحله واي قاعده قال لنا مالها اي قاعده وهاذي تعتمد على الي يقرا انجليزي وايد انزين احنا تخصصنا مافي انجليزي وايد واعتقد ان احنا مطالبين بحفظ وفهم معاني الكلمات مو مطالبين بالقرمر وكل كلمه شنو تصير في الفيرب والنون واجكتف وهالسؤال عليه اربع الى خمس درجات ودرجاتنا كلها تروح عليه واغلب الي في السكشن الي عايد والي يبي يرفع من درجته ويعني عارفين اشلون طريقة الاسئلة واشلون اتيي وشنو المطلوب وقالوله وقال ان في اليونت ون محطوط نفس السؤال انزين الحين محطوط نفس السؤال مو معناته ان في كل اليونتات مطلوب او انه الزامي علينه.وماندري الحين شالسالفه وشنسوي وهل احنا على غلط والا اشلون وخصوصا ان هالدكتور ولا مرة سمعت عنه يدرس انجليزي حق الحقوق او يمكن غيرو خطتهم بس اعتقد ان هالاسئلة غلط ومحنا مطالبين فيها ،انا مع الدكتور ان عشان ندرس ونحفظ عدل بس يعني ما راح نستفيد من حفظ الدروس لان في النهائي والفصلي راح تكون قطعة خارجية ومو من الكتاب وما راح نستفيد من المكتوب يف الكتاب الى معاني الكلمات وبس.مادري فهمت شنو اقصد او لا

السلام عليكم ممكن هذي تفسير حق وحده عرفها اتقول ان من زمان كانت حلمانه ان كانها في مكان ظلمه كانه كراج وكله سيايير وتواير كانه خرابه وماكانت بروحهه كان معاها واحد بس ماتعرفه انه كان جميل حده ولابس حمر وجينز ازرق انزين وكان معاهم يهال وبعد ماتعرفهم كانو يلعبون ومرة ياهم واحد عود وقالهم ركبو السيارة ركبت اهي مع الصبي وكان هذي الصبي يتحجه ومايبي احد يسمعه وماعرفت شنو قاعد يقول وقعدت بس ذي ادري فيه خرابيط الحلم كانه فيلم هندي بس شسوي فيها تبي اتعرف التفسير اوكي مشكوور اخوي

صح صح كلامج الله يعطيج العافيه اختي ومشكووووووووووووورة على هالكلام الحلو الي مافي مثله

والله متصبرين عليها عشان الرسوم بس والله لو في جامعة ثانية رسومها منخفضة جان من زمان رفست جامعة البحرين من زين قراراتها والا الجو الدراسي الي فيها ومراعاتها لنفسية الطالب.والي يقول ان شهادتها معترف فيها وغيرها لا غلطان يا ما ناس تخرجت من جامعات خاصة وانحطت في احسن المناصب ويا ما ناس عندها شهادة جامعة البحرين وعلقها على طوفة حجرته

بس وايد غالية

والله اختي هاي السؤال المفروض تسالينه وزارة التربية الي في قطر لان اهني البحرين مانعرف اذا معترف فيها اولا .او بامكان احد يسال الجامعة نفسها اذا معترف فيها او لا بس الافضل تسألين وازرة تربية قطر

مو مشكلة هذا بلاء من رب العالمين اكبر بلاء جامعة البحرين انا اعتقد ايل يتخرج منها يا عبقري او شخص صبور لاخر درجة لدرجة ان خلته عديم احساس مايحس بالضغوطات الي عيله ويواصل والله كريم.كل شي يضيع عند العبد لكن ما يضيع عند الرب وفي ذمتهم انشاء الله ونتحاسب يوم القيامة وكل من ياخذ حقه وخصوصا من الظلام

هاذي ما يبيلها دعوى وحدة ولا ثنتين يبيلها مليون دعوى.اتمنى المزيد عشان كل واحد ياخذ حقه

انت شتخربط ، مو عاجبتنا من الي يسوونه فينا ولا شي عدل فيها من الراس لين قاعة الريل <<<<<<<<<<عاد انتو فهموها من اقصد ابهالكلام.وبعدين احنا مجبورين ندرس فيها لان ماعندنا مكان ثاني رخيص لنظرا للرواتب الحلوة الي تخلي الاهالي غصبا عنهم يدخلونهم جامعة البحرين والا لو عندهم جان ما قصرو وطلعونا بسرعه والا يشوفونه جذي نتعذب ومجبورين بعد مايبون عيالهم تضيع ولا العيال يبون مستقبلهم يضيع من غير شهادة جامعية.وبعدين عن سالفة تنزيل الاسعار اهم اساسا المفروض يستحون ومايخلون الطالب يدفع فلس واحد مو اتقولي نزلو الاسعار حلوة هاذي والله دول الخليج كلها ابلاش انت اتقولي نزلو الاسعار .وبعدين اذكر لي الاشيا الي مسهلة لنا لاني ماعمري سمعتها ولا شفتها

اي يا ملاك انتو في الاداب لازم ماتنزلون عن 2 اذا نزلتي الكورس الياي بيطرشون لج الهدية الحلوة فحافظي عليه وانشاء الله يرتفع وماينزل

شوفي حبيبتي اول ما سجلتي حق الجامعة عطوج شي نفس الفايل فيه كتيبات ومادري شنو لونه ازق لين فتحتيه بجوفين ورقة صغيرة مكتوب فيها كل شي عن المواد وجم لازم اتيبين ومتى يطرشون لج انذار وهالسوالف.المهم بعد فصلين من الدراسة اذا ما يبتي 2 اذا كنتي تدرسين مثلا علوم او هندسة او اي تي بيطرشون لج انذار اول اما اذا كنتي بزنس او حقوق لازم يكون معدلج فوق 1.76 والا بيطرشون لج انذار اول بعد فصلين دراسيين المهم الانذار الاول يقولون لج لازم اترفعين معدلج ويعطونج مهلة لمدة فصلين دراسيين زود عشان ترفعين المعدل واذا ما رفعتيه بعد هالكورسين الزود يطرشون لج انذار ثاني ويكتبون لج فيه ان بنعطيج مهلة كورس واحد بس عشان ترفعين المعدل واذا مارفعتيه يفصلونج.فنصيحة مين يا حبوبة اذا عندج مواد فيهم اف والا دي والا اي درجة نازلة عيديهم ولا تاخذين مواد يدد الا اذا رفعتي المعدل لان كثرة عدد الساعات تنزل المعدل وخصوصا اذا كان عندج درجات مو اوكي . وتعقيبا على رد الاخ انا سمعت ان ممنوع اي واحد يفصل من الجامعة يدخل تخصص ثاني وماله اي حق بالمطالبة لتحويله لتخصص ثاني

ابي اعرف عن دكتورة رفيقة رجل تدرس عربي ودكتور ناصر الشيخ يدرس عربي بعد (عرب110)