السلام عليكم ،
اختي قبلوها الجامعة (دفعة 2005) الكورس الاول بس عطوها تخصص في الكلية الجديدة ومو رغبتها ، سوت تغيير رغبة يوم الاثنين والحين ما ندري متى تطلع نتايج التحويل مالهم و جدولها مال هالكورس كله مواد تخصصية والجامعة مانعين عليهم يغيرون في جداولهم ! الحين اذا الجامعة عطوها رغبتها بينزلون ليها جدول جديد من نفسهم ، واذا ما عطوها اياها الكورس الاول .. ما بتدرس هالكورس - لانها مستحيل تدرس تخصص ما تبيه - و بتطلب تحويل شهر 10 علشان اذا عطوها اياها عقب تدرس الكورس الثاني ، بس عادي تحذف المواد اللي نزلوها ليها اسبوع الجاي اذا ما عطوها رغبتها ؟ لو يخلونها تدفع قيمتهم لانها ما حذفتهم من البداية ؟ الحين شنو الاجراءات اللي لازم تسويها ؟