ولد راشد

مستعدووون لعمل توزيعات المواليد والهدايا من عطور وبخور وكاكاو .. ومستعدوون لعمل توزيعات ليلة الحنا والزواجات والتخرج .. http://www.flickr.com/photos/46544802@N07/?saved=1 كل فترة بصور وحط بعض الاشغال اللي تسويهم خالتي

تسلمووون فديييتكم وربي شجعتووني اكتب اكثرر ...

دخلو المستشفى وهي ملهوفه على اختها .. وصلت الغرفه ... وكانت المفاجئه .. ضحى عيونها مفتوحه وطايحه على الارض وجها اصفر .. وجنبها صحن مكسور ومغروس بعروق يدها قطعه زجاج .. انتحرت ضحى وودعت الدنيا .. امتلت محاجر عيون فجر بالدموع من المنظر اللي وجع قلبها .. والتفت وراها وشافت زوجها وغاده وسناء .. وقفت مكسوره عند غاده وصفعتها على ويهها .. - ارتحتي يا مرت ابوي ؟؟ ارتحتي يوم ضيعتينا ؟؟ ابوي تزوجج وراح عن الدنيا .. عذبتي امي ورميتيها للكلاب .. عذبتي اختي و وصلتيها للامراض النفسيه وماتت .. شوفي نهايتها .. شوفي الله لا يوفقج .. - ثامر يمسك فجر ويحضنها على صدره: حبيبتي تعوذي من ابليس .. حبيبتي هذا اللي الله كاتبه .. - فجر تلتفت عند غادة .. روحي لا بارك الله فيج لا دنيا ولا اخره .. روحي عساج ماتتوفقين .. - (سناء عصبت): هيييييي انتي .. لا تسوين فيها دور المظلومه .. حتى انتي خذتي اللي احبه ويحبني . - (فجر ترفع راسها وتشوف ثامر): ثـ.. ثامر .. ثامر: اششششش .. سمعي .. انا ماعمري حبيت غير فجر زوجتي وام عيالي .. وبنات الدنيا كلهم ما يترسون عيني .. معقوله احب وحده متوحشه نفسج وانا عندي حبيبتي فجورتي الحنونه .. ..... بعد فتره راحت فجر تلم بعض اغراض اختها عشان تحتفظ فيهم .. اول ما دخلت البيت كانت مشتاقه تشوف كل شي .. دخلت الغرفه اللي فيها سريرهم المكسور القديم وكان جنبه بطانيات تنام عليهم ضحى لان مرت ابوها ما جابت لها سرير جديد.. فتحت الخزانه .. لقت علبه صغيره .. فتحت العلبه وشافت فيها عقدين مكتوب عليهم فجر والثاني مكتوب عليه ضحى .. ولقت ورقه مكتوب فيها .. احبج فجر .. خذت فجر العقدين مع البوم الصور .. وكانت كل ليله تشوف الصور وتدمع عيونها على اختها .. ( دخل ثامر الغرف واكتفى بإبتسامه ) راحت فجروحضنت ثامر ..: حبيبي انا احبك .. انت عوضتني عن كل شي بالدنيا .. مابيك تتخلى عني .. انت لو ما كنت دخلت حياتي .. كان حالي من حال اختي .. كنت بضيع بدونك .. الله لا يحرمني منك.. (مسح ثامر على راس فجر ): ولا منج حبيبتي .. يللا نروح ننام؟ نامت فجر على صدر زوجها .. والصبح قعد من النوم قبلها .. وانتبه لصوره مقلوبه عند راس فجر .. مد يده للصوره .. وكانت الصوره صورة شاب .. (حز بخاطره ): تخونيني ؟؟ (فتحت فجر عينها ): صباح الخير حبيبي .. - حبيبج؟؟ انا حبيبج يا محترمه والا اللي في الصوره اللي عند راسج؟؟ - اي صوره حياتي؟ - هذي الصوره .. - ثامر انا عندي البوم اختي وكان فيه صور ناس ما اعرفهم .. يمكن يكون من القرايب .. تدري انا 13 سنه ماعرف شي عن اهلي. - ......................... - تشك فيني؟؟ - اسف حبيبتي - ثامر - عيونه - انا لقيت فيك اللي يعوضني كل شي فقدته بالدنيا ومستحيل اخونك .. وانقطع كلامها بصرخه : ثامر ااااه جاني الطلق .. ( راحو المستشفى وبعد كم ساعه جابت فجر بنت ) وثامر كان يبي يسوي مفاجئه لزوجته وسماها من غير ماتعرف .. ::: في الليل:: -حبيبتي .. -بنتي بخير؟؟ - اي .. طالعه تجنن تشبه اميرتي فجر -شنو نسميها؟ -انا سميتها وخلاص -شنو سميتها؟؟ -ضحى (ابتسمت فجر ) : احلى مفاجئه حببيبي .. عاشت فجر بأحلى حياة هي وزوجها وبنتها ضحى .. اعتذر للجميع عشان القصة اللي مو مرتبه .. بس هذي اول مره اجرب اكتب روايه .. اتمنى انها عجبتكم .. واتمنى ان القادم يكون احلى ..

بكرة البارت الاخير ...

فجر : نزلت دموعها .. ومسحهم ثامر واندفعت لحضنه لحد ما غفت على صدره .. وهو يمسح شعرها كانت تقول احبك لا تخليني.. (تفاجئ ثامر من كلمة احبك اللي قالتها فجر .. لكن ثامر توقع ان فجر تحب نفس اخوها والموضوع كله دلع بنات مو اكثر).. ......... :: تلفون بـدر الاماراتي يرن:: -الو .. هلا بدر -هلا اختي .. منو معاي؟ -انا وحده معاك بالسكشن .. وبصراحه انهبلت عليك وابي اتعرف عليك.. -شو اسمج؟ -ضحى .. - هيييييه .. ضحى عرفتج .. عرفتج.. (فرحت ضحى لان بسرعه عرفها من بين البنات): ........ -زين اسمعي ضحى .. ارمسج وقت ثاني لاني مشغول .. -اوك ..على راحتك -اوك باي.. ............ ::: في الليل ::: ثامر: فجر تحبني مثل اخوها والا هي معتبرتني حبيبها؟ يااربي انا مابيها تحبني .. انا ابي اللي احبها .. صج امي كلمت اهلها بس انا مابي اخطبها الا لما تعدل اسلوبها معاي .. اففففف .. ما اعرف هي خشنه والا ماتعطي الشباب ويه.. (فجر تطق الباب) -يصير ادخل - اي حبيبتي .. تعالي حياج.. -(فجر منحرجه): انا اسفه.. -هههه على شنو اسفه.. - عشان حضنتك و.. (يقاطعها ويقدلها): عشان حضنتك وقلت احبك.. -انا؟؟ ا -شنو انتي؟ -انا ما قلت احبك.. -نمتي وطلعتي اللي بقلبج كله .. ثامر احبك ثامر لا تخليني.. -(انحرجت فجر): ثامر .. ااامم .. ابي .. ابي.. - عيوني لج .. قولي يا قلبي.. -ثامر انا احبك.. -وانا اموت فيج يا احلى اخت في الدنيا .. -ثامر انت مو اخوي .. (ثامر اخذ نفس ومسك يدها): حبيبتي .. انا تربيت معاج من عشر سنين .. واعتبرتج اختي .. مابي العب على مشاعرج واعيشج قصة حب واطلع معاج واحد جذاب .. فجوره انا مابي اكسر خاطرج لان قلبج هو قلبي .. - انت تحب؟ -اي .. احب وحده عمرها 16 سنه -...................... -بس هي ماتحبني -احسن -فجوره يا قلبي .. انا اخوج صديقج ابوج وكل شي بس ما اقدر اكون حبيبج.. يا قلبي فهميني .. (سحبت يدها من يد ثامر وطعت من الغرفه ) -فجر (التفتت عليه) -حتى مافيه تصبح على خير؟ (راحت فجر غرفتها وانفجرت من الصياح).. ............ :: الساعه 12 بالليل:: - الو - اهلين .. منو ؟ - افا توقعتك خزنت الرقم .. - منو انتي ؟ - انا ضحى .. - شو بلاج انتي ؟ حد يتصل الساعه 12 في الليل .. - (ضحى منصدمه): نعم؟ - اذا انتي وحده فاضيه ترا غيرج وراه مشاغل .. وبعدين انتي وين اهلج عنج.. - (ضحى عصبت): وانت ليش شايف نفسك؟ هييي انت يا غبي .. انت مفروض تسجد شكر حق ربك ان ضحى تتنزل حق اشكالك.. - (بدر يضحك بإستهزاء) : ههه والله تعرفين سجدة الشكر بعد.. ههه منو علمج عبدالله والا محمد والا نواف والا فواز والامنو من الشعب اللي تلعبين عليهم؟؟ - صج انك قليل ادب - هيييه قليل ادب ومومتربي .. لاني خليت الادب لج - (ضحى تسكر الخط بويهه وتصيح ): اول مره احسن متعلقه صج في احد .......ضحى اهملت كل اللي تكلمهم وبالها كان بس مع بدر وشلون تكسبه .. نظراتها فضحتها وبدر لاحظ هالشي وتعمد بيوم ان يتصل لها) -شواخ .. بدر بدر قاعد يتصل فيني .. شواخ: الحمد لله والشكر ضحى: الو بدر: اهلين .. انا كنت اشوف سجل المكالمات عندي وشفت هالرقم وحبيت اتأكد ... رقم منو هذا؟؟ - انا ضحى.. - هيييه والله كنت ادور رقمج .. اباج بموضوع .. ممكن تسيرين معاي اليوم نتمشى وارمسج باللي بخاطري.. - اوك .. (حدوو موعد الساعه 5 العصر على البحر) - هاي .. - اهلين .. شو بلاج متاخره ربع ساعه؟ - من الساعه 4 وانا احاول ادبر لي سياره.. - وينها سيارتج؟ - بصراحه انا ما عندي سياره .. واحد كنت اكلمه وكنت استعير سيارته عشان اخبل الناس بالموتر على اساس انه موتري.. بس الحين تركنا بعض وهو اخذ سيارته.. - ما علينا .. انا اباج بموضوع .. بيخلينا نعيش في خير انا وانتي .. - اسمعك.. - انا لي وحد من الاهل غني بدرجه ما تتصورينها .. عنده الفلل والعمارات والاراضي والفلوس .. - اها .. - ابا اعطيج رقمه وتعيشينه قصة حب لحد ما ناخذ كل شي نبيه منه ونقول له باي .. - (ترددت ضحى ) : بس .. - (يقاطعها): بس انتي بتملكين افخم سياره والفلوس.. - موافقه - هذا رقم جواله وهذا عنوان الفيلا اللي هو ساكن فيها .. بكره الساعه 6 الصباح يطلع للدوام .. والباقي عليج .. .............. فجر : خالتي .. خالتي نوره.. ...: امري حبيبتي -احس اني محتاجه اشوف اختي ضحى .. -حبيبتي .. ضحى الله يرحمها .. -احس انها عايشه .. مرت ابوي كانت تكره امي يعني ممكن ان ضحى ما ماتت .. ممكن مرت ابوي كانت تبي تعور قلب امي .. - حبيبتي .. تعوذي من ابليس .. -اعوذ بالله منه.. (يدخل ثامر لابس ثوب وغتره بيضا كاشخ ويغني): يا زعلان يا زعلان خليت قلبي حيران .. ماقلت لج يا فجوره بطلي دلع من زمان .. ( فجر تشوفه بنص عين وتتلفت للتلفزيون) (ثامر رفع حاجبه .. وواصل يغني): ليه ما ترد السلام .. وين الغزل والغرام؟ ... راضيني والا بروح واسيب لك هالمكان .. عصبت فجر : ثامر .. روح روح.. افففففف.. ثامر مستطرب : وقول فرقنا القدر .. فجر : خالتي شوووفييييه .. ثامر : عاد اول مره اكشخ بثوب ابي اطيح قلبج يا الشينه وبعد ما تعطيني ويه .. مالت عليج يا ام ركبه سوده .. (فجر تبتسم ): هييي ركبتي مو سوده .. واكشخ شنو يعني ؟ انت ما تهمني .. سامع؟؟ انت ما تهمني .. ثامر : افاااااا ... تقول اني ما اهمك يا برودة والله دمك .. فجر: من حلات صوتك؟؟ ثامر : يممممه .. ما قلتي حق فجر اني اليوم بروح اخطب؟ (انقهرت فجر): وانت كل يوم بتخطب .. مسكينه العنز اللي بتقبل فيك .. ثامر يضحك بصوت عالي : ههههههههههه اما عنز عاد؟؟ كل هذا غيره؟ فجر: جب ثامر : جب انتي .. وسمعي اليوم انا صج بروح بيت عمج ابراهيم .. فجر: اوووه عمي للحين عايش؟ روح له على بالك بيعطيك ويه.. ثامر: بروح اخطبج منه .. فجر منصدمه: نعم؟؟؟ ثامر : يمه .. ام ثامر: هلا حبيبي.. ثامر: احبها احبها .. سشوووي .. فجر انحرجت وراحت تركض غرفتها .. ................ شواخ: يا المينونه .. اصلا هو ما يحبج .. هو يكرهج .. وترا عادي يقطج بمشاكل .. وخري عنه وهن هاللي يصير له .. ضحى : شــــوآآآآآآخ .. بس عاد .. افففف وايد تحنين .. ( تبدا ضحى في مغامرتها مع سلمان الشخص اللي كان متفق مع بدر عليها .. واللي كانت نهايتها ......) -سمعي يا حيوانه .. اما انج تجين الفيلا الساعه 10 بالليل عندي والا ترا قسم بالله ما اخلي موقع الا ونشرت فيه صورج.. ...... توزعت صور ضحى بكل المواقع وفقدت عذريتها ... وكانت نهايتها مستشفى الامراض النفسيه ... وفجر تزوجت من حبيبها ثامر اللي اكتشف ان البنت اللي حبها هي اخت فجر من ابوها وعرف ان ام البنت هي غادة اللي كانت السبب في موت ام فجر .. وقرر ان يحب فجر ويتزوجها .. مرت 3 سنوات .. وراحت فجر مع زوجها ثامر للمستشفى عشان تحاليل الحمل .. وفجأة وهي طالعه شافت زوجه ابوها .. - غاده .. عسى ما شر .. - من انتي؟ - انا فجر .. نسيتيني ؟ - ( غاده تطالع فجر بنظرات الشر والحقد) - عسى ما شر .. شفيج .. - مافيني شي .. شخبار اختج ضحوي؟ - ضحى متوفيه من 13 سنه ... غاده شفيج؟ - لا ضحى ما ماتت .. - انتي اللي قلتي انها ماتت بحادث .. نسيتي يوم قطيتيني انا وامي .. - ما ماتت .. اختج بمستشفى الامراض النفسيه .. - الامراض النفسيه؟؟؟؟؟؟؟ ... حسبي الله ونعم الوكيل فيج .. ( راحت فجر عشان تشوف اختها اللي انحرمت من شوفتها 13 سنه .. وبالطريق).. - ثامر اختي ما ماتت .. واااي الحين بحضنها وبتحضني .. ما اصدق ما اصدق .. ثامر .. ضحى بتفرح لما تعرف انها بتصير خاله وبتفرح اكثر لما تعرف اني حامل ببنت .. (ثامر يبتسم .. ويمسح دموع الفرح بيده من عيون زوجته حبيبته).. - ثامر .. انا مستانسه واايد .. بشووف ضحوي .. - (تغمض فجر عيونها وتبتسم): كنا نلبس فساتين امي ونمثل دور الاميرات ... - واكيد انتي احلى اميرة في قلبي .. - حبيبي .. والله مشتاقه لها وااايد.. دخلو المستشفى وهي ملهوفه على اختها .. وصلت الغرفه ... وكانت المفاجئه ..

يسلموووو على المرورو قلووبي .. ان شاء الله بكره انز لكم البارت الثآإني ..

اوكي فديتكم بس على فكره .. انا بنت حاولت اسجل بالمنتدى وما اعرف ليش ما يصير اسجل ودخلت المنتدى بنك ولد اختي عشآإن احط الروايه .. وان شاء الله الحن احط لكم البارت الجديد .... :: بعد اسبوع:: - الو .. نعم انا نوره من معاي؟ - احنا مستشفى ........ ممكن تجين وبسرعه لان المريضه فضه حالتها صعبه.. - ان شاء الله .. مسافة الطريق بس .. (( توفت فضه ام التوأمين .. عاشت ضحى مع مرت ابوها في عذاب لحد ما مرضت بمرض نفسي.. وفجر عاشت مع تامر ووالدته.. مرت عشر سنوات وكبرت ضحى جميله ومحط انظار الشباب وفجر كانت ما تقل عن جمال اختها)).. :: في الجامعه:: ضحى : اه اه اه ياقلبي. شيخه: ههههه قلبج فيه ضغط من السكان .. هههه صاير اخس من الفندق يمشي ويشيل من الشباب.. ضحى تطالع شيخه بنص عين: شواخ شيخه: يللا يللا قولي من اللي حبيتيه هالمره؟ ضحى: شفتي اللي كان معانا بالمحاضره .. اللي كان لابس ثوب ابيض اماراتي وغترته حمدانيه.. - اي واحد؟؟ - هذاااك اللي سمرته واااو وااااو واااااااو .. اللي جسمه عريض .. اللي كان جالس مع احمدو.. - احمدو اللي هديتيه عشان فواز؟؟ - اي .. اييي هذي هو .. شفتي اللي معاه؟ - اي . شفيه؟ - خلاص انا بيغمى علي .. شواخ .. شفتي شلون يتكلم .. واااي قلبي فز من مكانه .. - انا اشوفه عادي .. - مالت عليج عادي .. - اقول .. المحاضره بدت .. يللا بسرعه نروح.. :: في المحاضره:: -شواخووو .. هذي اول محاضره في هالماده .. دكتور والا دكتوره؟ - دكتور واسمه سامي عبدالرحيم . - اها ( دخل الدكتور .. اللي طول المحاضره كانت عينه على ضحى وهو مشبهه عليها ان يعرفها .. وهي طبعا ما كانت مهتمه في شي غير انها شلون تتعرف على المعشوق الجديد). - اللي جالسه اخر القاعه .. اللي لابسه جاكيت احمر ضحى: نعم دكتور - ممكن اسمج .. - ضحى حمد الـ....... - طيب يا ضحى بغيتج بعد المحاضره . (ضحى تغمز حق شواخ): شكله انغرم فيني .. - والله شكلج انتي اللي استخفيتي عليه لدرجه انج ما شفتي من اللي جالس بأول القاعه.. - منو؟ لا لا بليز لا تقولين ريكي مارتن.. - لا .. اللي هناك بدر .. - وووع ... بدر اخو مريوم اللي خلاني اتحسف اني كلمته؟؟ - لا بدر الاماراتي .. - اسمه بدر ؟؟ واي وااي على الاسم .. - الدكتور: ضحى .. لو سمحتي.. انحرجت ضحى وطلعت الدفتر عشان تنقل المكتوب على السبورة. ... :: في بيت ام ثامر :: فجر: خالتي .. انا اليوم بسوي الغدا .. - اي عاد ثامر يموت على طبخ .. - انحرجت فجر وابتسمت : شنو تبيني اطبخ الغدا - على راحتج حبيبتي .. ( يدخل ثامر وهو لابس جينز ابيض وبلوزه ازرق وشعره طويل شوي .. ولابس نظارته .. وصاير وسيم وسيم وسيم من قلب).. -وااو اليوم فجورتي بتطبخ الغدا ؟ فجر: اي يا معذب قلوب العذارى.. - عاد حسستيني اني تامر حسني .. - والله يخسي يجيب ربع ثموور .. ( ثامر يبتسم ويعدل نظارته الشمسيه): يعني لو اغازل محد يقص ويهي؟ (فجر وهي متضايقه): ثامر .. انا مشغوله شوي .. صعدت غرفتها ولحقها ثامر .. - فجورتي .. انا زعلتج؟ - لا - شفيج تضايقتي ؟ انا اخوج حبيبج - ( فجر معصبه): انت مو اخوي .. فاهم؟ - فاهم .. تامرين بشي؟ - صك الباب وراك :: بعد المحاضره:: الدكتور: ضحى حمد الـ.... .. تتذكريني؟ ( ضحى تطالع الدكتور بنص عين): ليش؟ شايفني كل يوم مع واحد؟؟ - مو انتي ساكنه مع مرت ابوج .. امممم اسمها عايده .. او شي قريب من هالاسم؟؟ -غاده -اي صح .. غاده .. شخبارج معاها؟؟ -وانت ليش تتدخل بشي ما يعنيك؟ - ضحى .. تتذكرين الشخص اللي سرقج من عند باب المدرسه؟ ( امتلت عيونها بالدموع وراحت عن الدكتور).. شوي نبي نتكلم عن الاحداث اللي صارت خلال العشر سنوات.. ضحى : حبت شخص وخانها وانتقمت من نفسها وراحت تتعرف وتكلم شباب ..عشان تتهرب من الواقع المر اللي سكنت فيه بظلم مرت ابوها .. فجر: حافظت على هدوئها وعفويتها لكنها انغرمت بالشاب ثامر اللي اعتبرها اخته... ..... فجر : آآآه ياقلبي .. الله يرحمج يايمه لو كنتي معاي كنت احط راسي على صدرج وتمسحين على راسي.. الله يرحمج يا ضحى .. ارتحتي من عذاب غاده وحرمتيني منج.. ام ثامر: فجوره -هلا خالتي .. -شفت دموعج .. ليش متضايقه .. ثامر قال لج شي؟ -لا خالتي .. كنت افكر في اهلي - تبين تزورينهم؟ -لا.. امي واختي ماتو .. غاده اللي بتستقبلني الاحضان يعني؟؟ - انزين جهزي نفسج هالخميس - خير ان شاء الله .. شصاير.. - بنروح نخطب حق اخوج ثامر .. (انحرق قلب فجر ): وتظاهرت بالتعب عشان لا تروح وتموت قهر .. - تصدقين ان البنت من نفس عايلتج .. - اها .. الله يوفق .... :: بعد 3 ايام :: ضحى مستانسه : هآآآي شواخ وحنان : عليج الهاي.. ضحى: مو قلت لج اتعرف عليه يعني اتعرف عليه.. شواخ: من؟؟ ضحى: بدر الاماراتي .. يااا قلبي يااا عمري .. حنان: الحمد لله والشكر ضحى: عليج حنان: انتي متى تعقلين؟ ضحى: جب اقول جب انتي .. يللا بروح اتصل فيه ..... ::بعد اسبوعين:: ثامر: يمه الله يهديج .. قلت لج ابي اتزوج الحين ليش تروحين بروحج تخطبين لي ؟؟ .. - ابي اشوف عيالك - شوفي عيال بنتج اول .. (فجر سرحانه) ثامر : فجوور ... لا يكون تحبين؟؟ تره وايد اشوفج تسرحين - سلامتك .. ( وتركض غرفتها).. (يدخل ثامر وراها غرفتها ويمازحها): اقول لج .. اذبحج لو حبيتي .. تره انا اغار على اختي حبيبتي .. فجر( معصبه): اي اي .. انا احب وقف ثامر متفاجئ يشوف اسلوبها اللي انقطع بدموعها .. ثامر : حبيبتي فجوره .. قولي اللي بخاطرج.. فجر: انت بتتزوج؟ -لا .. بس حتى لو تزوجت ما بتفرحين حق اخوج؟؟ ما بترقصين بعرسي؟؟ -لا .. لاتروح.. (ثامر مستغرب): فجورتي شفيج .. فجر : نزلت دموعها .. ومسحهم ثامر واندفعت لحضنه لحد ما غفت على صدره .. وهو يمسح شعرها كانت تقول احبك لا تخليني..

فجر: يللا رن الجرس بنروح البيت .. فجر : ضحى ابي اروح البقاله .. ابي حلاوه - انا بتم واقفه مع البنات .. انتي روحي وتعالي. - اوكي .. كل البنات يروحون وتبقى ضحى تنتظر اختها.. - الحلوه شسمها؟ - (التفتت ضحى بخوف): من انت؟ - ليش شنطتج قديمه ؟؟ - عندي وحده جديده في البيت .. مممم لا ما عندي امي قالت اللي يكذب الله يوديه النار - انزين انتي تحبين لولو كاتي؟ - اي . امي اذا صارت بخير بتشتري لي شنطه لولو كاتي - تبين اعطيج هديه شنطه حلوه ؟ - ( شافت ضحى داخل السياره شنطه لولو كاتي): الله شنطه من ؟؟ - هذي لج - ونااسه عطني اياها - تبين جوتي وفستان والعاب لولو كاتي؟ - اييييييي ابي لي وحق اختي فجر - ركبي السياره بيتنا قريب ( ركبت ضحى سيارته.. ونفس الوقت فجر شافتها بس خافت وراحت تركض البيت تقول حق امها) وصلت ضحى مع الغريب عند شقق شكلها يخوف ومهجوره. -ابي اروح البيت .. انا خايفه ( يحط يده على رقبتها): تدرين انتي وايد حلوه وانا من زمان ابيج - ودني البييت ( وتنفجر بكاء) - اششششششش لا تصيحين يا اميرتي .. ( يقرب شفايفه لشفايفها) : يا قلبي على الحلوه.. ضحى تحاول تفتح الباب اللي تقفل وما ينفتح -هههههه ما ينفتح .. ماتبين الشنطه؟ -ابي امي .. ودني البيت -ضحى يللا نزلي البيت عشان اعطيج الشنطه.. ( فتحت ضحى عينها ) ... انت تعرف اسمي؟ -اي اعرفه.. ضحى حمد الـ...... -نزلت ضحى من السياره .. وكان في بيت من طين قريب من الشقق كان يسكنون فيه رجل كبير في العمر مع اولاده الثلاثه.. (مسك الغريب ضحى من يدها وخذها للشقه) : وانضرب من الشباب ابناء الرجل اللي ساكن ببيت الطين.. دخلت ضحى بيت الطين .. - تعالي يا بنتي .. - ابي امي .. انا خايفه .. ودوني لها .. - ان شاء الله باجر الصبح ولدي سامي يوديج عند امج.. - لا انا ابي اروح الحين.. انا خايفه.. - انتي شنو اسمج؟ - اسمي ضـ.. ضـحـ.. اسمي ضحى ( وتصيح بخوف) - ضحى من اللي كنتي معاه في السياره؟ - هو قال لي عندي في البيت شنطه والعاب حقي - ضحى .. تعرفين ان الرياييل شيطاين .. حتى النسوان اللي ما تعرفينهم لازم ماتركبين السياره وياهم - ليش؟ - انتي ما تحبين ماما وبابا؟ - احب امي وابوي بعد بس ابوي راح الجنه - الله يرحمه.. ازين تعرفين هذيلا يودونج بعيد وايد عن بيتكم بعدين ما تشوفين امج.. تبين جذي؟ - لا انا ابي امي ودوني لها - انزين الحين انتي نامي وباجر من الصبح بوديج بيتكم.. :: في بيت فضه:: فضه: يا الله سترك .. يا الله الطف بحالي .. بنتي حبيبتي ما اعرف ارضها من سماها.. يا ربي احفظها ورجعها لي .. -يمه .. ضحى بترجع البيت؟ - ان شاء الله بترجع .. يارب الطف بحالي .. غاده (تفتح التلفزيون وتعلي الصوت): ههههههه والله انت وناسه يا عبدالناصر درويش .. ههههه فضه: غاده .. يمه وديني الشرطه اقول لهم عن بنتي.. غاده( ترفع الصوت اكثر): ههههههههههههههه فضه: غاده .. غاده .. غاده: ولعنه .. شتبين؟ اففففففففففف - وديني الشرطه ابيهم يدورون بنتي - حلفي بس؟ ما باقي الا تدخليني مراكز شرطه ولا شوفي الساعه كم .. انتي ما تستحين على ويهج تطلعين مراكز شرطه هالوقت اصلا حرمه عيب هالحزه تطلع من بيتها. - انا ابي بنتي .. - بنتج بترجع لا تخافين عليها .. شاقه الارض وطالعه.. - حرام عليج والله حرام.. - بنتج لو لاقيه اللي يبيرها جان ما ركب سياره واحد ما تعرفه .. - اذا على التربيه ترا بنتي ياهل .. بس الظاهر صدقتي يوم قلتي عني ما اعرف اربي ... لاني ماعرفت اربيج .. - ( تفتح غاده عينها وتعصب ): صج ما تستحين .. مو كفايه متحملتج انتي وهالينانوه عيالج في بيتي ؟؟ - عيب عليج وهذا مو بيتج .. هذا بيت ريلي - اوكي انا اعلمج.. - ( غاده تسحب فضه بالغصب للسياره وتوديها مكان ظلام ويخوف.. وتقول لها تمي مكانج بين الظلام والكلاب .. واذا احد وصل لج قولي هم يودونج دار المسنين ..لان والله ثم والله ان رجعتي بيتي لأخليج تصيحين دم على بناتج.. وبقول لج شي .. ترا بنتج ام لسان .. ماتت دعمتها سياره بس انا ما كنت ابيج تدرين وتحاتينها).. (( بدت فضه تصيح وتضرب في نفسها بقوه.. )): لا بنتي ما ماتت .. حرام عليج .. ابي اشوفها.. وديني لها .. الله يخليج.. (غاده .. تقرب منها): اشششششششش .. عساكم الموت انتي وكل عيالج -الله يخليج ابي بنتي.. - جب ..( وترجع البيت وتخليها بروحها).. :: في بيت الطين:: نامت ضحى وهي تمسك يد الشايب بقوه لحد ما طلع النور .. وطلع سامي مع ضحى عشان يدورون بيتها.. - مابي اركب سيارتك - (سامي مستغرب) : ليش؟ ماتبين تروحين البيت؟ - ابي بس اخاف منك .. امس الريال اللي في بيتكم قال لي لا تركبين مع احد ماتعرفينه لان كلهم اشرار - (يبتسم سامي): صح كلامج .. بس انتي تبين تشوفين امج.. - (ضحى ببرائه تفكر ) اوكي .. :: بين الشقق المهجوره واصوات الكلاب وبرود الأجواء :: -يمه .. يمه قومي نروح البيت.. انا اخاف في صوت كلاب .. (فضه مغمي عليها ) -يمه في صوت كلاب يللا انا خايفه..( وتركض فجر بعيد عن امها وهي تصيح). وقفت فجر عند البحر وكانت تمسح دموعها بيد وتمسك بطنها باليد الثانيه لانها كانت تحس بجوع فضيع ..وكانت تشم روايح الاكل وتشوف الناس اللي تشوي والجوع يزيد ويزيد اكثر .. وانتبهت فجر لشباب راحو وتركو وراهم صحون بلاستيك وعلب فاضيه .. ركضت فجر للعلبه وفرحت لانها لقت قطعه سندويشه تاكلها.. شافها طفل عمره 14 سنه ومسكها .. - انتي ليش تاكلين اللي على الارض؟ - (فجر والدموع ماليه عيونها): ابي امي .. امي هناك عند الكلاب .. اخاف ياكلونها .. ( جات حرمه تركض من بعيد ومسكت بيد الولد): ثامر .. يللا بنروح البيت .. - يمه لاااا .. البنت تصيح تبي امها .. الام: حبيبتي وين اهلج؟ فجر: بالليل غاده خلتنا انا وامي عند الكلاب وامي هناك .. اكلمها ما ترد علي .. انا ابي امي .. انا خايفه .. الحرمه خذت ثامر وفجر وراحو يدورون على الحرمه .. فجر: هناك .. هناك .. الحرمه: لا تنزلون من السيارة.. ( حاولت الحرمة تصحي ام فجر لكن ما قدرت .. واتصلت بالاسعاف وراحت معاها للمستشفى). ....... ضحى : انا خايفه مابي انزل من السيارة. -ليش ؟ - غاده بتطقني . - انزين .. بس انا بنزل معاج وبكسر يدها لو طقتج .. -صج؟ -اي صج .. لاني ما ارضى على ضحى احد يطقها .. (ابتسمت ضحى ببرائه ): يللا بسرعه ابي اشوف امي. ....... :: في المستشفى:: -الدكتور : انتي تقربين لها؟ -لا .. انا لقيتها طايحه على الارض -طيب .. احنا نحاول نتواصل مع اهلها .. لانها في وضع حرج -ما اعتقد بتلاقي احد من اهلها .. (الدكتور التفت على الحرمه مستغرب): ليش؟ -بنتها تقول ان وحده حذفتها والله ما اعرف الموضوع بالضبط. - طيب .. -ابي اعرف بالضبط شفيها .. وانا بخلي رقمي عندك وتطمني عليها .. وبنتها راح تبقى عندي لين تقوم امه بالسلامه .. -الصراحه هي الحين في غيبوبه والظاهر انها سمعت خبر فاجئها .. -اها.. طيب .. تفضل رقمي .. والله يشفيها .. ..... فتحت غادة الباب .. - حرقت الجرس .. من انت؟ - يا اختي .. في شخص كان مختطف بنتكم ضحى والحمد لله ان طاح بيدنا وحمينا البنت انا واخواني .. - انزين يا روبن هود وبعدين؟ - هذي بنتكم .. و - ( تمسك غاده ضحى من شعرها وسحبها وتسكر الباب في وجه الريال ). فجر: احنا وين بنروح؟ الحرمه: الحين بنروح بيتنا انا وانتي وثامر وبنلعب مع بعض لان ماما تعبانه ولما تصير بخير بتجي عشان تاخذج وتروحين بيتكم . (فجر هزت راسها بالايجاب) ثامر : انتي عندج احد تلعبين معاه؟ فجر: اي انا اختي اسمها ضحى .. نروح المدرسه مع بعض ونلعب.. -انا ماعندي احد يلعب معاي -وين اخوانك؟ -ما عندي ... غاده: يا حيوانه تعالي المطبخ جدامي .. (ضحى تصيح بصوت عالي): شعري .. لا تسحبيني .. انا ما سويت شي -جب ولا كلمه (تولع غاده الفرن وتمرر سكين على اللهب ولصقها في فخذ ضحى) -سمعيني .. هذي مو عشانج شارده من البيت .. هذي بس لاني ما احبج .. وكل شي تعانديني فيه بسوي لج اكثر وبعذبج.. كانت ضحى تصيح بصوت عالي وتصرخ والدموع ما تتوقف من الالم. .... :: بعد اسبوع:: - الو .. نعم انا نوره من معاي؟ - احنا مستشفى ........ ممكن تجين وبسرعه لان المريضه فضه حالتها صعبه..

[align=center] فضه: غاده .. غاده .. -انتي شتبين ؟ عورتي راسي .. غاده غاده .. فاضيه لج انا؟ - عيب انا حسبة امج - امي ماتت والله يرحمها وانتي هني ضرتي ,, الله ياخذج طفرتيي الريال لين انقط بالمستشفى -انا ابي اروح حق بو عيالي .. ابي اسأل عنه .. امس قلتي لي بتوديني له وشردتي عني - لي صرت عبدتج تعالي تأمري علي.. شوفي انا عندي بنت وابي اربيها مو اجابل مسنين. ( فجر تركض عند امها) : يمه .. يمه .. موزه بنت جارتنا امها شرت لها فستان حلو .. اشتري لنا انا وضحوي .. عاد يمه.. غاده: الله يلعنكم من يهال حاشرين البيت علينا .. عساكم الحادث انتو وامكم اللي ما تطلعون منه الا لي المقبره.. فجر ( خايفه ودموعها بعيونها) : يمه شوفيها .. قولي لها لا تصرخ علي تدخل ضحى تركض عند امها : يمه .. شوفي جسوم .. حط تراب على شعري.. فضه: انا مو قلت لكم لا تلعبون مع صبيان الفريج.. يللا دشي الحمام ويللا يا فجر قومي نادي الخدامه عشان تسبح اختج.. ( قامت فجر تركض وصرخت عليها غاده): تعالي.. الخدامه بخذها معاي االحين بيت ابوي عشان تشوف بنتي فجر( توقف وتلتفت ببرائه وتركض): مييييييرييي امي تبيييج ( تركض غاده ورا فجروتشدها من شعرها): كلبه انتي؟؟ ليش ماتسمعين كلامي؟؟ ضحى: انتي الكلبه لا تطقين اختي ( وعلى هالحال يوميآآ .. غاده ضرب في البنتين بأي وقت واحيانا توصل انها تمد يدها على امهم) خلونا نتكلم شوي عن فجر وضحى اللي هم بطلتين قصتنا .. البنتين فيهم جمال مو طبيعي .. بشره بيضا وشعر طويل وكثيف ناعم ولونه اسود .. عيون زرقا وملامح رووعه.. بس شخصياتهم مختلفه 180 درجه.. فجر حساسه وخوافه .. وناعمه وايد .. اما ضحى رغم انها ناعمه الا انها تملك لسان طويل وما تحب احد يظلمها ) بعد 8 سنوات توفى حمد وعهود سافرت مع زوجها قطر عشان وظيفته وفضه احتاجت جراحه في عينها ,, لكن البنتين بقو مع غاده وبنتها سناء ..) - قومو يا حيوانات .. يللا اليوم مدرسه.. فجر: خلاص خلاص .. بقوم ضحى: انتي الحيوانه .. وطبعا كالعاده تمسك غاده البنتين من شعرهم وتشدهم وتتفل في ويهم. فجر تقوم تركض الحمام: ان شاء الله .. خلاص خلاص قمت ضحى تركض الحمام الثاني .. فجر: غاده وين مريولي؟ غاده: نسيت اغسله . خذيه من السله من الحمام ولبسيه ضحى: غاده مشطي لي شعري غاده : يللا مافي وقت بسرعه .. وكل يوم فجر وضحى يروحون المدرسه بالكشه والثياب الوسخه .. ::: في المدرسه::: موزه: اخييييه شوفو فجر وضحى ثيابهم وصخه ههههههه فجر( ببرائه وعيونها مليانه دموع) : امي في المستشفى .. محد يغسل ثيابنا نوف: شوفي ابوي جاب لي شنطه حلوه على لولو كاتي .. ليش ابوج ما شرا لكم شنطه يديده. فجر: ابوي مات ..( وتبدأ فجر بالصياح). ضحى: فجر لاتصيحين .. امي بتصير بخير وبعدين نصير احسن منهم كلهم اليهال يضحكون ويصرخون: ابوها ميت ما يشتري لهم شي هههههههه تبدا ضحى تشارك اختها بالدموع .. وعلى هالحال كل يوم وبعد يومين بنهايه دوام المدرسه .. موزه تركب سيارة اخوها وهي تضحك:: ماجد .. ماجد.. شوف الوصخين ماجد: هذيللا مو فجر وضحى اللي تلعبين وياهم؟ موزه: اخيييييه ريحتهم خايسه الحين ما العب وياهم ماجد: عيب ::الساعه 9 مساءآ في نفس اليوم:: فجر( تلبس فستان امها الوردي اللي باين عليها واسع وايد وتحط احمر شفايف وردي وطالعه كيووت).. - انا الملكه فجر .. ما رأيك ايتها الملكه ضحى ان نذهب الى حفله الامير؟ ( ضحى على طول فتحت خزانه امها ولبست فستان اصفر من فساتين امها وحطت روج احمر) - نعم ايتها الملكه فجر - من اين لك هذا الفستان الرائع؟ - لقد اشتريته من ... امممم ( تضحك بصوت عالي): هييي انتي انا ما اعرف امي تشتري من اي محل ( تدخل غاده بعصبيه وتضربهم): جننتوني يللا بسرعه على غرفتكم لا بارك الله فيكم من بنات. (تركض فجر لغرفتها وتتبعها ضحى).. فجر كانت خايفه لكن ضحى وصلت عند الباب وطلعت لسانها وقالت : ما اخاف منج يا ابليسه ....... في بيت موزه صديقتهم.. ماجد: يمه والله محتاج 100 دينار والله ارجعهم لج الشهر الجاي. -ماعندي ولافلس.. انت مو امس نازل راتبك؟ شسويت فيه؟ -بس خلاص يمه ماقصرتي. (دخل غرفته متضايق واتصل على صديقه): -الو .. هلا مجود - هلا فهود.. فهود تكفا ابي 100 دينار سلف والله بردها لك - انت اول رجع الـ 300 دينار وعقب يصير خير - فهود والله انت ادرى بالحال.. واللي يسلمك -اسف .. انا مو قاعد على بنك - اوكي يللا ماقصرت يا رفيجي - تعال - بتسلفني؟ - بشرط .. عرفني على وحده واول ما اضبطها واسحبها شقتي اقول لك الـ 300 حلالك وفوقهم 100 وبوسه بعد -فهود وانا شعرفني في البنات ( يضحك بخبث): يللا عيل .. باي ........ بعد يومين .. وصلت فضه بيتها بعد ما طلعت من المستشفى لكن ظهرت وهي تلف عين وحده والعين الثانيه ضعيفة نظر. في المدرسه: فجر: امي طلعت من المستشفى .. وناسه ضحى: بس امي ماتشوف عدل .. يعني محد بيهتم فينا ويودينا السوق فجر: يللا رن الجرس بنروح البيت .. فجر : ضحى ابي اروح البقاله .. ابي حلاوه - انا بتم واقفه مع البنات .. انتي روحي وتعالي. - اوكي .. كل البنات يروحون وتبقى ضحى تنتظر اختها.. - الحلوه شسمها؟ - (التفتت ضحى بخوف): من انت؟[/align]

من عيووني انا شاء الله اليوم بالليل انزل البارت الثاني

نكمل والا لا؟؟ وين الرودو؟؟

هــآآي .. اخـبـآآركم ؟؟ اليوم كتب رواآإيه بعنوآإن فراغ العاطفـة ..~ وحبيت انكم تقرونـهآإ وتعطوني رايكم بروايتي المتوآإضعه ~ نبدأ روايتنآإ.. :aa_Sun: - يمه .. اول كنتي تموتين على بنتي ريم ومدلعتها وايد ومن يوم جبتي لنا هالبنتين صرتي ما تهتمين الا لهم وبس -عهود.. مثل ما انتي تحبين بنتج.. انا احب بناتي.. وبعدين انتي تعرفين ان مافيني حيل حق هالبنتين .. تبيني اربي بنتج بعد؟ ( عهود عمرها 20 سنه وهي اكبر عيال حمد وفضه .. تعودت على الدلع) - ............. - لا تقولين شي ولا تطالعيني جذي , اقول انا بروح احط الغدا وعينج على البنات .. دقايق وراجعه. - يممممممممه .. افففف - بس خلاص لا اسمع حسج ( نسيت اقول لكم البنتين عمرهم سنه وحده .. هم اخر العنقود .. وهم خوات عهود.. اسمائهم فجر وضحى ..) - لو فضه عرفت والله بتموت قهر - سمعي انا ريال والشرع محلل لي اربع وبعدين هي ليش تنقهر.. انتي من شفتي الدنيا وانتي متربيه في بيتي وعند مرتي يعني وجودج في بيتي مو شي غريب عليها . - حمد .. لا تقول مرتي انا اغار - غاده .. بقول لج شي .. لا تفكرين زواجي منج معناه اني استغني عن زوجتي فضه والا عيالي .. انتي في بيتي زوجتي معززه مكرمه.. بس اقول لج من بدايتها .. اياني واياج تحطين راسج راس اي واحد في البيت - متزوجني عشان هالكلام - خلاص ويللا لبسي عباتج .. خلنا نروح البيت (غاده .. عمرها 25 تربت عند فضه من كان عمرها 5 سنوات بعد ماتوفت امها وتزوج ابوها من ثانيه رفضت انها تكون في بيتها) - يمه البنات نامو .. تبيني اساعدج في شي؟ - اي حبيبتي .. اتصلي حق ابوج شوفي وينه تأخر علينا وايد - ان شاء الله يمه ( تمسك عهود جوالها عشان تتصل .. ويدخل ابوها البيت نفس الوقت) -السلام عليكم -عليكم السلام ورحمة الله فضه: غاده يمه .. انا رضيت انج ترقدين بيت رفيجتج بس يمه عيب تطلعين الشارع بالمكياج.. انا اخاف عليج من عيال الحرام حمد: غاده ما كانت بيت رفيجتها (الكل فتح عينه مستغرب .. ) : غاده وين كنتي؟ حمد: انا تزوجتها ( تفتح فضه عينها مستغربه من اللي يصير ) عهود معصبه : شفيك انت؟ تعور قلب امي عشان وحده مثل هذي؟ - جب انتي ولا كلمه وهذي مرتي وتحترمينها غصب عنج فضه (مصدومه): حمد انت تتغشمر ؟ - لا يبه لا اتغشمر ولا شي . وبعدين شاللي بينقصج لو تزوجتها جذي جذي هي ساكنه عندنا واحنا اللي ربيناها وبعدين هي تصير مرتي احسن من انها تتضايق وما تاخذ راحتها بالبيت وكل ما بدخل بيتي لازم استأذن عشان تتغطى عني - يبه احنا مالنا شغل فيها اذا ابوها لاهي مع مرته ما اهتم فيها يعني تعور قلب امي ؟؟ - قلت لج انتي جب ويللا ذلفي بيت ريلج ( بدت المشاكل تزيد وخصوصآ بين عهود وغاده .. وطبعا المشاكل ما تصير الا بغياب رب البيت عن بيته لكن بحضوره الكل يصير ينافق وقلبه على الثاني وطبعا غاده ما كانت هينه لانها بحيله قدرت تخلي غاده تنفر من البيت .. مرت 7 سنين وبدا حمد يبان عليه المرض)

ميك آآب وحناء بأقل الاسعار من الاخت ام محمد بالحد وعندنا مكياج واصل من الكويت بالوان رووعه والكمية محدوده ... وبأسعار خيااااال للتواصل بالرسائل الخاصه