السلام عليكم والرحمه
اليوم يايبه لكم طريقه عمل قهوه الشعير ، هذي القهوه وايد صحيه وتغنينه عن القهوه العاديه لانها وايد زينه حق الي فيهم الضغط ومو زين لهم يشربون القهوه العاديه
والطريقه بالضبط نفس القهوه العاديه وهيه :
انييب الشعيير ونقيه من الحب الي مو زيين بعدين انغسله ونتركه يجف بعدين انحمصه مثل القهوه بعدين تطحنه ونحطه في وعاء محكم علشان يكون جاهز حق الاستخدام
المقاديير :
لتر ماء
ثلاث ملاعق قهوه الشعيير
هيل + زعفران
ملعقه حليب مركز سائل (( حسب الرغبه ))
الطريقه:
نخلي في الغوري الماي وانحطهم على الفرن ونخلط القهوه مع الماي ونتركهم لين يطبخ الماي في هذي الوقت اتكونيين امبرزه الدله وحاطه فيها الهيل والزهفران
عقب ما طبخت القهوه تصبونها في الدله على الهيل والزعفران واتكون جذي جاهزه للشرب
بالهناء والشفاء
ملاحظه : اذا بقيتو اتحطون حليب لازم تحطونه في الدله قبل القهوه مع الهيل والزعفران وبعدين اتصبون القهوه عليه وبروحه بيختلط
تحياتي