هــــــــااي ..
شلونكم ؟ شخباركم ؟شمسويين ؟
انه وعلييه عليي مو زينه
المهم خلنه ندش بالموضوع .
اليوم الجمعة 29/7/2005م صادني حادث
اليوم كنت رايحة بيت يدتي اختي كانت مارة عليي انه وعيالها و
ويايبة بنات خالاتي يعني السيارة متروسة يهال والقهر حاطة بعد
ياهل في حضنهاا
المهم رحنه اول شي سوبر ماركت نشتري حق اليهال حلاو
وبعدين رحنة بيت يدتي واحنة بالطريج قامت اختي عطت
بنتهاا العودة بنت خالتي الي كانت في حضنهاا انزين وكملنة
الطريج احين وصلنة جريب عند لفت بيت يدتي واهني يبتدي الحادث
احنه لفينه ابأمان احنه في سيدنه اوكي ورايحين اختي دايسة
يعني مو وايد المهم جان نجوف ذيج السيارة الي داشة رون سايد
وجان اختي اطق هيرن الي خله بيت يدتي يسمعونه وجان اختي
اطق بريك ولا هاذيج ابد رايحة واطق فينه
والقهر ان كان ولدهاا في حضنهاا ولحجاب على ويهاا هاذا الي بط جبدي
جان تنزل لهاا اختي تقول لها انتي غبية ماتجوفيين صمخة ماتسمعيين الهيرن
اهني انه طبعاا ماقدر اتحرك لاني خلاص بس التفت ورا اله اليهال محد التفت يمين يسار اله اليهال من زمان وصلو بيت يدتي مساكيين من كثر ما اهمه خايفين انزلوو حافيين
بعدين جان اندق على المرور وله يقول ماراح انيي اله عقب ساعتيين شنو عقب ساعتيين طلع ان عندهم استقبال مادري والله بس المهم قالوا لنه عقب ساعتيين من اذان المغرب ليه اذان العشى واحنه ننطر ..
المهم طبعاا لسعااف يه لان انه وبنت اختي تعورنة انه يدي اليمين انكسرت ورقبتي وينت اختي ارقبتهاا وضهرهاا ( مانجوف شر انه وبنت اختي )
انزين عقب مارحنه الطبيب وخلصنة وله توه المرور ياي وله يقول بس انتوو روحوا المرور الي في المعارض المهم رحنه وتهاوشنه معاهاا هنااك وبعدين دفعوهاا عشرة دينار وتصلييح السيارة عليهم سيارتنه ماتعورت ليه هنااك بس سيارتهاا صارت علووج هاذا زين ماكنه بالجييب جان دسناهاا
انزين وله بعدين قعد ريلهاا يقول لهاا ضيعتي علينه بيزاات البويسن على سوالفش لوووووول.
ويقول لها احين هم سيارتهم اجاار وانتي بعد مووول ماينبغى عدمتيين السيارة وانه ميته من الضحك .
وبس خلصنة
بس هاا تره مو احنه الغلطانين اهي لان بعد قالوا المرور ان جمن مرة يجوفونهاا والياهل في حضنهاا وبعد ماتيووز
وبس الحمدالله على سلامتنه
وسوري اذا طولت عليكم ..
تحياتي : نوتيوو