B@nOoOtA

يا ربيييييييي ما داني غسانو راااافع ضغطي هالإنسان حااااااااااااقد بشكل غير طبيعي على الخليجيين وخصوصاً مشاري (طبعاً ماعدا حبيب قلبه تركي ) قلبه أسوووود بس للأسف ما شفت الموقف اللي صار !!! يعني هو حق منو قال وحش ؟؟!! عن يوسف ولا مشاري ؟!! إن شاء الله يحطونه باجر في اليوميات

لوووووووول لو كان تركي مع مشاري .. صدقني تركي الخسران أصلاً تركي لو انحط مع فاطمة أو مشاري أو زهرة .. هو خسران خسران يوم انحط مع بوعابد .. فاز عليه بنسبة بسيطة جداً جداً جداً (وعلى فكرة هيفاء قالت إنه أصلاً بوعابد كان متقدم على تركي بس في اللحظات الاخيرة انجلبت النتيجة .. ولا تنسى قطع الخطوط لأنه في واااايد ناس في الإمارات اشتكوا إنه الخط ما يمسك معاهم في اللحظات الاخيرة) فما بالك لو انحط مع أشخاص معروفين وعندهم شعبية كبيرة في الخليج .. هذا غير شعبيتهم الكبيرة اللي اكتسبوها في الوطن العربي من خلال البرنامج

كلهم يستاهلون الفوز ..

صح لسااااااااااااااااااااااااااااااااانج يا نوال ولج مني مليون بوسه على كلامج يا عسل .. درر درر

صح كلامك اخوي بالفعل لو شدينا حيلنا المرة اليايه إن شاء الله بنفوز ما ادري ليش واااايد ناس عندهم احساس إنه فوز مشاري أو فاطمة أو زهرة مستحيل!! أنتوا بس شدوا حيلكم .. والفوز بيكون من نصيب واحد من الثلاثي المميز إن شاء الله

يا ربيييييييييييييييييييييييييييييييي رفع ضغطي غسانووووووووووووووووووووو حشى مب بني آدم هذا .. وحش في البريك يهددهم ويسبهم ويقل ادبه عليهم .. ويوم يرجع البث على الهوا يسوي نفسه طيب وحبوب ومتعاون أعووووذ بالله منه .. أنا ما ادري كيف متحملينه هالبني آدم المفروض البرنامج يعاقب غسان لأنه اللي سواه مب شي بسيط بصراحه الله يعينهم على هالإنسان .. واكيد كان هذا السبب اللي خلى مشاري وعبدالله وخالد متضايقيين من ردت غسان للبرنامج في بداية الأسبوع قلبه أسسسسسسسسسسسسسود وحقود عافانا الله .. والله العظيم هالإنسان ما ينطاااااااااااااااااق أنا ما ادري البنات على شو يحبونه؟؟!! لا وأكثر شي يقهرني يوم يقولون كيوت!!! أي كيوت ؟!! هذا متوحش

أي جراح كبيرة ؟!!! .. شو خص تصويته ضد عوض بالسالفة ؟!! نحن في الإمارات الحمدلله ما نفكر بطريقة هاذي .. بالعكس بوعابد كبر في عيونا يوم صوت بضمير وبعدين منو قالك إنه تصويته ضد عوض أثرت على شعبيته في الإمارات ؟؟!! كلام غريب اول مرة أسمعه !!! بالعكس أصلاً بوعابد محبوب اكثر عندنا في الإمارات من عوض .. لانه الاول يشتغل اكثر أما عوض ما كان يشتغل وكله راقد .. علشان جذا الإماراتيين ما زعلوا يوم طلع .. وحتى الأسبوع الماضي يوم ما تم اختياره للرجوع للوادي بدل حنان .. ما زعلنا عليه مثل ما زعلنا على خروج بوعابد الحمدلله نحن ما نتحمس إلا حق الشخص اللي يستاهل .. وما نشجعه بس لأنه من الإمارات سوري دشيت عرض بالموضوع .. بس حبيت أوضح هالنقطة لأني سمعتها في أكثر من منتدى

يعني إذا قلنا تركي ما يستاهل .. صارت مسبة !!!!!! ... ترا كلمة الحق ما ينزعل منها أنا متاكدة لو أنتوا اللي فزتوا بنشوف الشماتة من البعض في كل مكان وفي كل المنتديات وبنشوف ردود أخس وألعن .. وبعدين يوم تقول السالفة ما تستاهل عيل ليش شااااد حيلك من كم يوم وتشجع بحماس وتهدد وحالتك حاله .. والحين تقول لعبه وانتهى الموضوع!!! حلال عليك وحرام علينا!!!!

أنا بعد معاكم

أكيد حرام .. أصلاً ما في مقارنة بين الأثنين بوعابد وبالرغم من كبر سنه .. بس كان يشتغل بضمير ليل نهار ويراعي الله في شغله ويحب كل ربعه ويعاملهم بطريقة طيبة .. تحصله في كل مكان في المزرعة وإذا حد طلب منه شي ما يرده وعلى طول يسويه أما تركي .. كله راقد .. ويحش في ربعه (الخليجيين فقط !!) .. ومسوي حزب ضد ربعه الخليجيين .. منافق .. حسود .. غيور .. أناني وفوق كل هذا ما يشتغل .. لأنه معتمد على الجمهور المتعصب اللي يصوتله فقط لأنه ابن بلده !!!!!!! وانا متاكدة إنه أي سعودي بيشارك في البرنامج راح يتبع طريقة تركي .. يعني ليش يتعب نفسه وفي الاخير جمهور بلده بيرده حتى لو ما اشتغل؟!! علشان جذا لازم إدارة البرنامج تغير قوانيين اللعبة .. وتحط شروط على المشاهير علشان يشتغلون وباختصار .. الإجابة على عنوان موضوعك: أكيد حراااام لانه النتيجة ظاااااالمة يكفي تشوف دموع مشاري وفاطمة فديتهم .. حتى هيفاء صاحت علشان بوعابد ما اقول غير الله يعين مشاهير الوادي على تركي .. لأنه هالانسان كل يوم يزيد غروره .. وأكيد اليوم عقب ما فاز على بوعابد بينغر أكثر وأكثر

أقولكم من الحين صدقوني أي سعودي بيشترك في البرنامج في الأجزاء اليايه .. ما بيشتغل لأنه الجمهور بيرده حتى لو ما شتغل .. والله حراااااااااااااام شخص ينش من الفير ويشتغل بضمير .. يفوز عليه وااااحد يكد رقااد وما يشتغل ومغرور أتمنى في الأجزاء اليايه ما يشركون أشخاص من الإمارات .. مب ناقصين حرق أعصاب

حسبي الله ونعم الوكيل قسم بالله بعض السعوديين كرهوني في برامج الريالتي تيفي .. كله ظلم X ظلم مسكين تركي يتحرا عمره محبوب وعنده جمهور .. أصلا محد صوتله غير السعوديين وبيشوف كره الناس له يوم يطلع من البرنامج .. هالكومبارس الفاشل

مروومه حبيبتي أنا حقانية .. والامارات ما صوتت حق عطية ضد بشار .. إنتي تقولين إنه دليلج الرسايل اللي انكتبت في الجات غريبه!! توج تقولين لا تصدقون الرسايل اللي تنكتب في جات الوادي وإنها ما تمثل السعودية!!!! يعني إنتي تصدقين الرسايل اللي تعيبج (تعجبج) واللي ما يعيبج تطنشينه!! وبعدين إذا على قولتج الأمارات صوتت حق عطية لانه محبوب عندنا اكثر من بشار .. ليش ألبوم عطية ما نجح عندنا؟!! بالعكس حبيبتي بشار محبوب عندنا اكثر من عطية وأهل الأمارات ما بيخلون ولد عمهم بشار ويصوتون حق عطية .. والدليل التجاوب الكبير الي حصله بشار في حفلة ستار اكاديمي في دبي حبيبتي إللي كانت ماسكة الجات وحدة إسمها "بنت دبي" وهالبنت ما تمثلنا ولا تشرفنا لأنها تطرش رسايل مستفزة لأخوانا الخليجيين وبأكثر من اسم .. وبنت دبي تمثل نفسها فقط .. يعني اللي تشجعه بنت دبي مب شرط إنه الامارات كلها تشجعه وأنا اللي أستغربه في هالبنت إنها تشجع فقط السعوديين!! .. حتى لما كان عوض نمونيه مع تركي كانت تشجع تركي !!! .. وبالنسبة لقطع الأتصالات .. أنا شفت أكثر من موضوع في اكثر من منتدى إنه في أشخاص يقولون إنه الخط انقطع كم ساعه يوم الجمعة لما كان أحمد حسين نمونيه مع هشام .. بس في نهاية البرايم اللي فاز هو هشام .. يعني كان "البعض" .. "يزهبون الدوا قبل الفلعة" يعني لو فاز أحمد راح يقولون إنه الخطوط مقطوعة .. ولو خسر راح تمر السالفة مرور الكرام .. وبعدين لا تنسين إنه خلاوي كان مطلع أحمد الشريف قبل .. يعني كان جمهور بشار + أحمد الشريف ضد خلاوي .. وانا أعرف وايد صديقات عريبات من جمهور عطية صوتوا بعد حق بشار لانه من صالحهم خروج خلاوي . يعني لا تستهينين بالأصوات اللي يت حق بشار عالعموم ما أريد اتكلم في الماضي وفي هالموضوع .. نحن عيال اليوم مروومه حبيبتي تشرفت بالنقاش معاج .. ومثل ما قلت قبل لما ننتقد شخص .. هذا ما يعني إنه نحن نهاجم بلده .. السعودية اكبر من إنه يمثلها تركي .. مع احترامي الكبير له ولكل محبينه أنا احترم رايج .. بس هذه وجهة نطري وأنا مقتنعة فيها .. وكل شخص حر في رايه وفي النهاية أشكرج على النقاش الهادي واسلوبج الراقي

شمس العين مشكووورة حبوبه على نقل الصور أنا اكثر شي عجبني لما يوسف عطى البقرة طراقات لوووووول شكله كان يضحك بس المسكين بغى يروح فيها .. زين ما داسته .. بصراحه المفروض ما يخلونها في المزرعة لانها خطر على المشتركين يسلمووو مرة ثانية حبوبه

مروومه بالعكس في تشابهه .. خصوصاً لما قالت : "يعني مافي إلا ذيج الديرة .. أنا جمهوري مو بس من ذيج الديرة" أما بالنسبة لما قال: "بنشوف منو راح يرجعك" .. عاد هاي الجملة بالذات أنا سمعتتتتتتتتتتتتتتتتتها باذني وانا الحمدلله ما أجذب ولا أألف كلام من عندي .. أنا مب مستعدة آخذ أثم علشان تركي !!!! ثانياً .. أنا ما احلل .. أنا كتبت اللي سمعته .. (ترا في فرق بين الأثنين) ثالثاً .. حبوبه أنا لما أتكلم عن تركي .. فأنا أتكلم عنه "كشخص" (وحطي تحت شخص مليون خط) فقط وتركي يمثل نفسه ما يمثل السعودية .. علشان جذا لو أنا هاجمت تركي .. فأنا اهاجم تركي فقط مب السعودية أتمنى تكون هالنقطة واضحة للجميع رابعاً .. بالفعل الجمهور السعودي ماكان كله ضد فاطمة .. بس هذا ما يمنع إنه للأسف فيه جزء "كبير وكبير جدا" ضد فاطمة خامساً .. إنتي قلتي إنه السعودية توقف دايماً مع الخليجين .. بالفعل كلامج صحيح .. واللي يقول غير هالكلام جذاب .. بس ما يمنع إنه اللي صار هالسنة مع فاطمة يوم وقف "بعض" الجمهور السعودي ضد فاطمة .. صار أيام ستار اكاديمي الاول لما فاز عطية على بشار (وبشار يستحق الفوز بجدارة) طبعاً بسبب وقوف "بعض " الجمهور السعودي مع عطية ضد بشار .. بس الفرق إنهم قدروا ينجحون وفوزوا عطية .. حتى في لقاء مع رئيس قناة المستقبل السابق .. قال إنه سبب خسارة بشار هو وقوف الجمهور السعودي مع عطية علشان ينتقمون من بشار .. وكانت هاذي اجابته لما الصحفي قارن بين الفائز في برنامج ستار أكاديمي وسوبر ستار سادساً .. كل شعوب دول الخليج بدون استثناء طيبة ويسوون الخير وما يتكلمون عنه .. والتاريخ يشهد سابعاً .. أكرر للمرة المليون أنا في ردي السابق تكلمت عن "تركي" مب عن السعودية السعودية واهلها كلهم في عيوني .. لانهم في النهاية جزء من الخليج الغالي اللي اموت على ترابه وما أرضى حتى بحرف واحد يمس الخليج أو اهله وعلشان جذا انا بصراحه ماخذة موقف من تركي .. لاني ما احب طريقة تعامله مع اخوانه الخليجيين في المزرعه وفي النهاية هذا رأي .. وكل انسان حر في رايه