كول عني شما تريد!
اتهمني بكل قضيه .. وبالحجي المسموم زيد
كول عني شما تريد
طائفي , معيدي , عميل .. واستحق قطع الوريد
كول عني شماتريد
وسوي بيه شماتريد
ابني فوق ضلوعي قصرك
ادفن اطفالي بحزنهم .. وانت ظل عايش سعيد
اذبح الضحكه عل وجهي .. ولا تخلي لروحي العيد
بالسجن ضيع شبابي ..
ومن تضوج وماكو ونسه .. كوم واتسله بعذابي
بالحبل علق رقبتي .. وكتف زنودي بحديد
سوي بيه شما تريه
يبقه نهج حسين نهجي .. ومستحيل اتبع يزيد
ومستحيل اسمع كلامك .. عل اخوه .. وعل تسامح .. والوئام
يا اخوه التحكي عنها .. واحنه من كنه نتذبح انت كنت ويه النظام؟
بالمشانق علقونه .. بالمقابر طشرونه .. من وطنه هجرونه
وانت مثل الصخر ساكت ماسمعنالك كلام!!
انت كل عمرك وصولي تسبح باسم الحكومه وعندك الظالم امام
هذه دينك دين سلطه ..لاشرع يحكم ضميرك.. ولاحلال وحرام
كفرتني وانا مسلم..لاني عاشق نبي الرحمه وذايب باهله
الكرام
لاني امشي بنور حيدر وما ابد احب الظلام
لاني احب حسين حبا جنويا مستهام
ولاني من طف الكرامه شايل بصدري وسام
اسست لهلي مقابر.. بكل شبر من الجنوب..
والمفارز طوقتنا بكل محطات الدروب
وخيرنا شحصلنا منه؟ غير اكوام الاعظام؟
يا اخوه .. ياتكاتف .. ياوئام؟
صارتك افلامك قديمه ويارخص هذه الافلام
بعد ما اصيرن ضحيه.. للحروب الهمجيه..
وابد ما اقبل بحاكم .. كل حقد وطائفيه
يمنح السلطه لعمامه وللعشيره الذهبيه
والسجون تصير حضنا واحنه ولد الاغلبيه
بعد ما تعبر علينه لاشعارت العروبه ولابواجي القومجيه
تريد تخدعني بكلامك عن الوحده الوطنيه؟
والله هذه مسرحيه..
ابتعد ارجوك عني.. واخذ هذ الكلمه مني
بعد متشوفون سلطه ... السلطه بس للاغلبيه
تحياتي
كيكي
والى الملتقى ان شاء الله