قـــــــــــــــــــوة ..
شخبــاركمـ ..
اول شي حبيت اشكر كلمن طرش لي رسالة خاصة يسئل عني .. وخاصة كبتن شيفـا .. ماشاء الله عليها مطرشة لي رسالة من شهر 10 اللي راح !! وتوني راد عليها >> حده مفتشل منـهـا .
المهـم ..
موضوعنـا اليوم عجيب .. وفيه شوي حس الجذب والشلخ يعني ..
كل واحد فينـا لازم ينام الليل وفي ناس خفافيش ماينامون الا الصبح .. بس جذي جذاك مردت بتنـام او بتنـامين ... المهمـ .. وكل واحد طبعا قبل لاينـام .. لازم يفكر ويشغل المخ اللي طول اليوم مبنجر حتى المدرسة مايفكر فيها بس يفكر وقت اللي ينام ..
ناس تفكر في الحبيب الغالي الحاضر الغايب .. راقد ولا قااعد .. شيسوي ومايسوي .. >> طبعا البنات .. والصبيان يفكرون باجر بنطلع ريس . لازم اعدل الموتر واسويه مضبوط ووو الاشياء الشبابية ..
والبنات مرة ثانية .. تفكر من اليوم حق شي بتسويه عقب باجر !! تبي تروح الصالون تحف .. تبي تروح الاستوديوو تصور >> ياحبهم حق الصور ..
والصبيان مرة ثانيه بعد .. اللي يفكر يطق باليس واللي يفكر يفتر في الاسواق حق الشسمونه >> مانبي احد يستحي الجرأة موجوده ..
المهم .. مو ذي موضوعنـا ..
موضوعنـا .. اهوا شنو الحلـمة الي حلمتهـا اخر وحده وتتمنى تصير لك ..
يعني في ناس حلمت ان يسافرون فرنسا .. >> ايه على فرنسا .. وفعلاا سافرووا ..
وفي ناس يعني مابستحي .. بقول في الويه .. حلمو ان اهمه طالعين ويا الحبيب الغالي .. ويفترون ب الشوارع ماعندهم سالفة .. وغدا وعشى ويعني يقضون اليوم كله .. معاهم ..
انا عن نفسي امس حلمت . يعني امس يعني تاريخ 20 مارس .. حلمت اني قاعد من الصبح .. ويا صوت الديج .. وماخذ لي شااور حاااااار .. وعقب انزل تحت .. الا الريووق جاهز !! وعقب ما اخلص الريوق الا يدتي داشه البيت من صباح الله خير وفيها عقرة مالت شهرين وماحطتهم الا عندي ..
ولي الحين ترى مانزلت تحت انا لان يدتي في بيتنا واكيد تبي احد تعقر معاه >> هذي حال النسوان .. كله عقره في عقرة
المهم ..
كل واحد يقول لنا شنو كانت حلمته امس .. حتى لو بشكل مبسط .. وخلونا نتغشمر ونفسر هل الاحلام