بنت عــراد

ملت مدامعنا ronaldinho بحرينيه احلى من العسل ملاك الروح مشكورين وانه استفدت وايد من ارائكم

هلا فيج بنوتة البحرين الصراحة نورتي موضوعي بمرورج اول شي بادعي لابوج بالرحمه والمغفرة والله يقمد روحه الجنه ويصبرج على فرقه وانه اقولج ان انه مستحيل اتزوج شخص اهله موب موافقين علي لاني مارضاها على نفسي ومثل ما قلتي اللي ما فيه خير حق هله ما في خير حق غيرهم اللي يبيع هله ما استبعد بيعيني ويفرط فيني انه مااقول ان اهله موب موافقين بس تعرفين الانسان يقعد يحاتي ويخاف ويمكن يتصور اشيا مالها وجود وحمدلله والشكر مابي امدح روحي بس انه بنية زينة واذا بيسألون عني وعن هلي ما بيسمعون الا كل خير عنا وماظن ان في شي اهم من الاخلاق والسمعة واذا على الشكل انه اوكي حلوة بس اخاف يرفضون لاني اكبر منه بجم يوم احس روحي غلطانة في تفكيري هذي بس شسوي ذي الحب وعذابه من كثر حبي له اخاف من كل شي انه مثل ما وعدته بنطره بس بشرط ان اهلي يكونون على علم بالسالفة واكون محجوزة له واذا ما صار نصيب بحاول انساه وبفكر بعقلي واشكرج من كل قلبي على نصيحتج اللي ما بنساها واشكر مرة ثانية كل اللي ردوا عالموضوع بحرينية كشخة 3ash8t real madrid عشوق البحرين مزيونة البحرين وحيد اليعقوبي فجوووور الحداد أحلى قلب 5oshgel القيثارة الحزينة الوردة البيضاء1 فطوميتا بنت المحرق 2005 sad_boy_story اميرة الثلج بحرينيه ستايل على صوووب جريحة الزمن @صدي الحرمان@ ريمة ~ الـغـريــب ~ عاشق العيون مزيونة البحرين بنوتة البحرين الله يزيدكم يارب

مشكورة حبيبتي مزيونة يعطيج العافية

هاي شلونكم انه ابي اقول لكم مشكلتي مع الشخص اللي احبه والله تعبت موب عارفة شاسوي ساعات اصيح من الحيرة اللي انه فيها ارجوكم انه سجلت في المنتدى علشان تنصحوني واالله حرام اللي قاعد يصير لي وله انه احب واحد قدي من سنتين او اكثر بشوي ونحب بعض حب صادق موب حب مراهقين وهالخرابيط يعني احنا متأكدين من مشاعرنا وانه واثقة فيه انه صاج معاي واحنا اتفقنا انه بعد ما يتخرج من الجامعة ويشتغل يتقدم لي وانه بنطره بس المشكلة انكم تعرفون الوضع في الديرة وايد صعب اهوه باقي له سنتين ويتخرج و يقول لي يمكن يبي له عالاقل سنتين زيادة ليما يكون نفسه ويكون قادر على الزواج ويخاف في هالوقت انا اروح من ايده انا قلت له ووعدته اني بنطره بس بعد اهوه خايف يظلمني معاه يقول يمكن لا قدر الله بعدين يصير شي والله ما يكتب انه نصير لبعض في هالوقت اهوه ما راح يسامح نفسه على اللي سواه فيني وبعد اهوه مسكين موب عارف شلون يفاتح اهله بالموضوع يخاف يرفضون وعبالهم انه اهوه ياهل وما يعرف يختار مسكين تعقد من كثر ما يقولون له لا تحب لك من بنات هالزمن ترى ذلين ما رواهم الا المشاكل وبنات موب زينين ومن هالحجي وبعد اهمه عايلتهم وايد يتشرطون في البنت موب اي وحدة تعجبهم ويخاف يطلعون فيني الف شي وبعدين نفترق عقب سنين الحب ذي احنا وايد خايفين من المستقبل شنو بيصير لنا لان حرام عقب علاقتنا ذي ما نكون مع بعض انا ماقدر استغني عنه واهوه بعد يحبني ويمووت فيني لو يمر يوم ما نكلم بعض نموت صار لي اسبوعين جذي معاه خايفين وموب عارفين شلون نتصرف في رايكم شنو الحل نفترق احسن لان صج الحين بنتعذب بس بيكون عذابنا اقل من لو بعدين افترقنا ؟ لو نظل على علاقتنا وانشالله ما يصير الا الخير دام نيتنا صافية حبيبي قالي انه اهوه مابيرضى علي اني اكلمه بعدين اكون لشخص ثاني بس الانسان مايدري بقدره نصحوني قولوا اي شي؟؟ استمر معاه لو نفترق واحنا مالنا ذنب رفيجتي اللي اهيه اقرب الناس لي قالت لي نبتعد عن بعض بس من وقت للثاني نسأل عن بعض يعني انا عرف اخباره ووهوة يعرف اخباري علشان لو افترقنا بعدين لا قدر الله تكون الصدمة اخف علي وعليه واذا صرنا مع بعض نعوض هالسنين كله والفراق والحرمان كلكم ردوا عاد