*قطوة البحرين*

مشكور على الرد،السريع ما قصرت بس حبيت اقولك اول شي ان الجامعة ما تعطي المعيدين المتخرجين بالبي.إس 100 تعطيهم بين الـ500 والـ 600 دينار شهرياً بس مب أقل من 500 ولما ياخذون الماستر 800 غير التذاكر اللي على الجامعة، وجامعة البحرين-كلية الحقوق تتعامل مع بريطانيا لأن مدتها أقل والله يسمع منك بخصوص المستقبل ومشكور مرة ثانية

يعطيك العافية اخوي على الموضوع وتعبك معانا آنه ادرس حقوق بس مابي اسإلك عن التخصص بشكل عام، الـ(point) إني وايد آفكر آصير معيدة يعني الجامعة تطرشني كمعيدة آخذ الماستر والدكتوراه وبعدين آتم في الجامعة كم سنة وتالي آطلع في وظيفة ثانية، بس في رايك يسوه إني آتغرب خمس سنين عشان الدكتوراه والوظيفة، وآنه طبعاً الشهادة وايد تهمني وماعندنا في البحرين وايد بحرينيين عندهم دكتوراه في القانون، يعني آنه حاطه في بالي انه وايد يساعد حق تولي مناصب لا بأس فيها. ونسيت اقولك ما يصير تقولي آخذ بس الماستر لأن كلية الحقوق لازم المحاضر يكون حامل لشهادة الدكتوراة. فشرايك، تسوى الغربة؟ واذا احد من الأعضاء بعد عنده نصيحة فلا يبخل علي please.

مرحبا،،، معاكم قطوة البحرين "عضوة جديدة" وطالبة في كلية الحقوق آنه كنت تجاري يقولون اللي يدخل تجاري كله كسالى

أفا عليج اختي حاضرين

احنا ندري ان معظم كلامنا في أدراج الرياح لكن شنسوي بس بحريني 282 إذا انت دخلت بي.إس أو معدلك يسمح لك فحاول تحط على روحك شوي ما يسوه عليك التحويل، أما إذا كنت جديد أو المعدل مب ذاك الزود فشيل عليه، وتحياتي

تسلم بحريني 282 ماقصرت

والله احنا معروفين إنا حقل تجارب حق الكلية وموضوع الامتحان الواحد أهدافه واضحة: أولاً: عدد كبير من الدكاترة اشتكو من مسألة التصحيح طول الفصل الدراسي بسبب الامتحان الأول والامتحان الثاني وتتخللهم امتحانات الاعادة حق الطلبة المتخلفين (كل اسبوع جم طالب)، فبسبب بعض الطلبة اللي مصخوها في التخلف بسبب وبدون سبب، وعشان راحة الدكاترة المحترمين، يات على راسنا كلنا ثانياً: في حالة الامتحان الواحد والـ60 درجة للفاينل، النصيب الأسد من الدرجات في يد الدكاترة، وكلنا نعرف الحقوق والإدارة شكثر تحب ان معظم السكاشن تكون درجاتهم عالية ثالثاً: عدد من الطلبة ما قصرو (وزادو الطينة بلة) تموا يتشكون من ضغط الامتحانين وقالو (بلسان كل طلبة الحقوق )، احنا ما ننكر ان نتعب من الامتحانين بس مب هاي الحل، على الأقل يكون امتحان واحد عليه 25، وكويز في عليه 15 درجة و10 على الحضور وخلافه. وين الديمقراطية والرأي والرأي الآخر يا إدارة كلية الحقوق

أهوه التخصص بشكل عام مثل ماقال Charmer حلو ومسألة ميول في البداية والنهاية والدليل إن وايد ناس تقول إن الحقوق حفظ وبعد في ناس تقول انه يعتمد على الفهم، وترى الاثنين مب غلطانين لأن في تخصص مثل الحقوق يقدر شخص عنده مستوى (اوكيه) من قدرته على تفهم المواد بغزارة ممكن ينتج فيه بشكل فوق الممتاز، وفي ناس عندهم القدرة على الحفظ (وهذي موهبة) وبحكم ان تخصص القانون يعتمد في معظم استئلته على اسلوب السرد فيفلح بعد هذي النوع من الطلبة واللي ماعنده لا ذي ولا ذي ما ينصح له التخصص (بس ترى الفهم يتغلب على الحفظ لأنه ما يمنع ان في مواد وأسئلة اللي مب فاهم احتمال وارد انه يحل غلط). أما المواد فالأخ علي فايز ماقصر، بس حبيت اكتبهم لأن بحكم انه دارس برع البحرين فشوي في اختلاف وعندنا بالبحرين إهيه: مدخل إلى القانون تاريخ القانون حقوق الإنسان القانون الدستوري (2) مدخل إلى الشريعة الإسلامية علم الإجرام والعقاب القانون المدني (6) المهارات اللغوية والنحوية (وهذي متطلب جامعي يعني كل الجامعة ياخذونها ومالها صلة بالحقوق) أحكام الأسرة مدخل مبادئ الحاسوب (بعد متطلب جامعي) قانون العمل والتأمينات الاجتماعية القانون الإداري (2) تاريخ البحرين الحديث (متطلب جامعي) القانون الجنائي (2) الميراث والوصية والوقف أصول المرافعات المدنية والتجارية القانون الدولي الخاص (2) المالية العامة أصول الفقه القضاء الإداري قانون التنفيذ أصول المحاكمات الجنائية و2 انجليزي بس مالهم صلة بالنحو وهالسوالف بس يعتبرون كمبادئ تأهلج للمواد القانونية اللي بالانجليزي وهمه: القانون الدولي-المنظمات الدولية-والقانون التجاري(3) ومواد اختيارية تختارين منها 4 وهي كالآتي: قانون البنوك القانون البحري مادة تطبيقية في القانون الخاص قانون التأمين التحكيم التجاري قانون المؤسسات المالية قانون الملكية الفكرية والأدبية اقانون الطيران التشريعات البيئية القضاء الدستوري الإدارة العامة القضاء الدولي العقود الإدارية مادة تطبيقية في القانون العام معدلج التراكمي لازم ما يقل عن ال2.5 عشان تقدرين تدخلين مستوى البكالوريوس، والتخصص بصراحة يبيله طالب ماخذ مواضيع الدراسة شوي جد، لأن التخصص مب صعب كثر ما أهوه يبيله الواحد يتعب شوي على روحه بحكم الكم فلازم شوي يتنازل عن الهياته وفي النهاية انتي تعرفين قدراتج وميولج فبالمعطيات اللي عندج تقدرين تقيمين هل التخصص يناسبج او لا، ولج كل التوفيق انشاءالله

السلام عليكم،،، معاكم "قطوة البحرين" طالبة وياكم في الحقوق، انشاءالله تقبلوني كعضوة جديدة كنت ابي آسأل، الكورس اللي بيي أول كورس لي في البي.إس آبغي اسجل مواريث، بغيت آعرف من أحسن دكتور (شرح ودرجات) أهمه منزلين ناجي العربي وعبدالستار إبراهيم.. أي أحسن وتسلمون مقدماً