بحريــــنية_اصيلة

ااختي دلوعة في السعودية فيها ناس ينشالون على الراس واكيد فيها ناس ما تستاهل انها تنحط على الراس وهذا الحال في البحرين وفي كل بلد فيه الشين وفيه الزين ’, ’, الي اعرفه ان هشام كان وايد يستاهل مع اني ماشفت ذاك البرنامج لانه ما عجبني اما عن تركي فاسمحي لي مدري شقولج انتي شوفي الكسل الي اهو فيه آخر واحد ينام وآخر واحد يقعد من الرقاد بالاضافة الى شخصيته النكدية والغرور والميلان الى الجد اكثرمن الازم ما اذم بس تركي فيه محاسن تتمثل بثقافته والمامه بالعلوم التاريخية لكن مب لهشي احنه نقول يستاهل لو نظرتي الى تركي بعيدا عن عاطفة الوطنية راح تلقين ان في من هم احق منه بالفوز وآنه في ممثلين بحرينين يمكن لو شاركو في البرنامج ما راح اشجعهم ولد بلادي صح بس هاذي لعبة والاحق اهو الي لازم يفوز على راسي اهل السعودية والخليج كله تحياتي

خايفة على فطيم واتوقع تركي اوغسان او خالد وان شالله تكون فطوم بعيدة عن الخطر بس تركي صراحة يستاهل يكون نوميني لانه شغله وايد هابط وتعبان واذا يبي يستريح خله يستريح اليوم الصبح كلهم قاعدين ياكلون فطورهم بس اهو نايم الله يعينيهم عليه واذا صار نوميني قلب الدنيا فوق تحت تحياتي

ههههههههههههههههههه والله البارح ماظل فيني بطن من الضحك والله مت من الضحك الله لا يقطع سوالف مشاري وهاذي البقرة فيها ينّي ترى ههههههههههههههههههههه تحياتي

والله آنه توقعت هالشي ماعتقد خليجي يرضى على شرفه ينهان ولا يرضى يشوف مرته بهالحالة والحمد لله فسخ الخطبة هاذي وحدة ماتبي الزواج تبي الحرية واللعب تحياتي

والله التوقع شي صعب وماقدر اتوقع بس آنه خايفة على فطيم ان شالله خالد وغسان او تركي وخالد عساس نصوت لتركي ونطلع خويلد او ان غسان يطلع لان وجوده خطر وبكل صراحة تحياتي

على الراس فطوم والله آنه هم اطرش مسجات وانتي بعد هالله هالله بالمسجات نبيها تشق الحلج وهالله هالله بعيال الخليج بعد تحياتي

صج والله ؟ اتمنى توصل هالرسالة وتستانس فطيم ’, ’, ’, سلام عليكم شخبارج فطيم عساج طيبة؟ فطوم احب اقول لج اني احبج واموت فيج يا البدرة فديتج يا بنت بلادي البحرين الطيبة صاحبة القلب الطيب الرقيق آحب آقول لج ان شخصيتج تشابه شخصيتي حييل, الرقة الدلع الطيب المثابرة النشاط الربشة والضحكة كل شي كل شي. شدي حيلج يا الغالية نبي نشوفج احسن مزارعة يا رب لي قرب موعد اختيارج كنومينيه تكوني انتي مزارعة الاسبوع وما يقدرو يصوتون ضدج ترى خالد قال مرة انه آخر مرة يصوت ضدج لكن للأسف صوت ضدج للمرة الثانية وطلع في عيونه انسان منافق ويا ليت انكم تصفون قلوبكم انتي وتركي وخصوصا تركي الي وايد يتتكلم وراج بالشي الي مو زين مع اني اشوفج وايد زينة معاه وما غلطتي عليه مرة, يبه انسو سالفة المسلسل ما يسوى هالمسلسل زعلكم من بعض ترى اذا تزاعلتو ازعل آنه بس ازعل عليج مهو بعليه لاني احبج اكثر من اي واحد في المجموعة . يا ليت لو توصلين له هالكلام بلييز خله يحس شوي ويعرف انج تعزينه وقلبج ابيض فديتج يا البدرة والحمد لله طلعت فرح يوم انتي وقفتي ضدها لانا وايد تغار منج وتتكلم عليج وتقول ان يوسف يميزج وتبي يوسف ثاني ما يدلعج. تحياتي يا الغالية بحرينية اصيلة آدريطولت بس شسوي هذا الي في قلبي تحياتي

السلام عليكم شخباركم ؟ اليوم البرايم والمواجهة بين حبيبة الخليج الاصيلين وفرح حبيبة السعوديين وفي هذا البرايم راح نشوف المواجهة بين خليجي آسيوي وبين تونسي افريقي عاد السعودين مهم مقصرين يثبتون لنه وبجدارة ان خليجنا واحد وشعبنا واحد عاد انتو افهموها ’, ’, ’, ملاحظة للشعب السعودي احين انتو خايفين على ولدكم تركي من فطيم البور يعني تبون تطلعون فطيم من البرنامج ليش يعني اذا تقدرون ترجعون فرح ما تقدرون ترجعون تركي اذا صار نومينه غريب امرهم ينسون سالفة الخليج عشان سبب تافه ويلا عاد خلو خويلد وفرح يستانسون بتفكك الخليج ويتشمتون فيكم وارد اقول في هالبرايم يكرم الخليجي او يهان يلا صوتو لفطيم ترى اذا طلعت بصير البرنامج ماله قيمة فطوم ومشاري اهم حياة المنتدى واهم الي عاطينه جو حلوومحد يقدر ينكر هالشي تحياتي

تستااااااااااااااااااهل المؤدبة بس عاد مشاري كسر خاطري ان شالله اليايات احسن فديته ولد الكويت وفديت عيالا الخليج كلهم ويا رب ترجع فطيم ونطلع خويلد الاسبوع الياي تحياتي

ثااانكس على الموضوع بصراحة عاد هاذي فرح وهيفاء وخالد ’, ’, ’, لا تعليق تحياتي

الخبر صحيح والبنت اسمها زينب تحياتي

آنه مب حاطة على تركي حط بس في تصرفات تصدر منه ما تعجبني واكثر تصرف اشمأزت له نفسي اهو حمل العلم وسط الرقص والغناء والتفاف هيفاء الشبه عارية حوالينه وترى تركي شايف روحه وجدي اكثر من اللزوم يعني ماخذ الرزانة اكثر من اللزوم شي حلو وفي النهاية لا حول ولا قوة الا بالله تحياتي

ثانكس على الصور ويعطيج الله الف عافية تحياتي

والله مدري اهي ضيفة وعادي تطلع وما تشوفونها يعني ما اتوقع ان هيفاء بتتحمل هالعيشة تحياتي

عجيييبة الهوجة فطست من الضحك ثاانكس على الصور تحياتي

آنه بعد تفاجأت وقلت منو هذا ؟ اثاري كان زوجها الله يوفقها ان شالله تحياتي

للاسف مدري ليش حاسة ان فطوم وفرح وخوفي السعوديين يسوونها ويطلعون فطيم واذا طلعت فطيم ابصم لكم عال 10 ان البرنامج ما يسوى شي والسعودين يمكن ينسون شي اسمه خليجنا واحد بس الله المستعان تحياتي

اممم آنه ما تهمني لا فرح ولا جاكلين بس كنت اتمنى ان فرح تطلع لانها قاعدة على جبدي وماني قادرة اتحمل وجودها في الوادي بس بصراحة ما كنت اتوقع فرح الي تظل وتفاجأت بالنسبة صراحة فرررق وما تستاهل فرح هالفرق بس الشره مو عليها الشره على الي يصوتون لها بس عشان التحدي للاسف السعودين صوتو لها مب عشان انها مرافقة تركي بس تحدي بين الكويت والسعودية اتمنى ان تركي وفرح يكونون نوميني عشان نشوف حزتها شبتسوي الاخت وراح تعرف ان الجمهور ما صوت حبا فيها تحياتي

فديتها فطيم كلنا معاها تحياتي

معاج حق يا ليت تطرشون لها مسج وتقولون لها انها تشد حيلها بالشغل ترها فعلا ما تشتغل مثل قبل والدليل انها لحد الآن ما صارت احسن مزارعة من آخر مرة لاني في المسجات بشتغل على فرح ناوية اخليها تصيح ويمكن اشتغل على تركي شوي تحياتي

اممم والله اشوفكم وايد تعاطفتو مع فرح وهي الي تقول انه ما اسوي حركات تخلي الجمهور يتعاطف معاي واذا قلتو ان مشكلتها انها صريحة حطو في بالكم انه في فرق بين الصراحة وبين الوقاحة يعني اهي مب صريحة اهي وقحة عيل تقول عن مشاري راس حية وعن زهرة طاووس ومايهمني الاخضر واذا كان عندي عصا سحرية ابطلع فاطمة والله لطرش لها مسج يكسر راسها اكيد الحين عقب ما ردت للوادي بتصدق عمرها وبتنفخ ريشها عليهم ويمكن تنفخ ريشها على فطيم وزهرة لكن حريمتها تحياتي

بصراحة وماقول فطيم لاني بحرينية ولانها بحرينية لا بس الي اشوفه انها احسن وحدة فيهم وهي الي تستحق الفوز لكن ما باليد حيلة تركي ما يستحق كثر ما تستحق فطيم بس السعودين يصوتون بجنون وما تدرون حتى مشاري له جمهور واتوقع انهائي يكون بين مشاري وتركي الا ذا صارت اشياء ممكن انها تبقي فطيم مثل مزارع الاسبوع امنياتكم بس اللعبة ترى مهي بلعبة استحقاق اللعبة لعبة جمهور وللاسف تحياتي

عوض الي لازم يرجع عوض عوض ناطرينك يا عوض تحياتي

ثااانكس على الصور الحلوة بس حسافة البارح ما عطو فطيم ويه في البرايم ولا شفتها ثانكي على الصور مرة ثانية تحياتي

امممم لا والله قولي الافارقة والشاميين الي لاعبينها صح فرح 24 ساعة لاصقة في تركي عشان تصويت المملكة وخالد نفس الشي << اللعبة الي لعبتها نور مع فاطمة قاعد يلعبها مع تركي وجاكلين دايرة على فطيم وتركي مع احترامي لها لاني معجبة بشخصيتها مع اني شايلة على تركي بس حرام لا تظلموه اكا اليوم ما صوت ضد فاطمة اتوقع لاني اشوف حركاته تدل على انه ما صوت ضدها بس ربي يستر ما صوت ضد الباقي تحياتي