جورجيا

مبروك خروج موخا وشكراً لشيماء اللي فكتنا منه

طيب وأهل الجنوب متى راح يعتذر لهم؟ والدوسري ماقدر يفتكره الا اليوم؟ اقول .. ياليت اخو موخا يوصل له هالرسالة (لا يكثر ياموخا) وطالما انه مازال بالاكاديمية تصويتي راح يكون ضده هو اللي بدأ والبادي اظلم

شيماء بترجع بتصويت الجمهور والشكري بتصويت الطلاب وموخا بيطلع بصراحة موخا ماحترم الناس اللي صوتت له.. المفروض حتى لو جمهوره 1% يشتغل اكثر عشان هالواحد اللي صوت له... بس هو داخل وماهمه الا الفوز عشان كذا انصدم... بس حرام خسر الناس تصويت له على الفاضي.. ياعيني على عيسى...

فعلاً هو انسحب واللي خبر الطلاب بإنسحاب موخا هو الاستاذ وديع بعد ماخلص فادي اختباره وطلع للغرفة شفته يتكلم مع موخا اللي كان نائم على السرير.. ومن اول ماشفت موخا نايم قلت في نفسي اكيد موخا ماراح يقدم الاختبار بالاضافة الى انه كان مايتدرب على الاختبار مثل الطلاب... بعدين صحى وجلس مع بقية الطلاب على الدرج وسمعت شيماء تقول له: راح نشوفك بعد الاكاديمية؟ وراقية حاولت فيه قبل الاختبار وكانت تكلمه وهم جالسين على الدرج وقال لها خلاص نفسيتي تعبانه والسعوديين ماصوتوا لي اكيد ماهم مقتنعين فيني... الظاهر انه مايدري عن مشكلة الخطوط ومايا سالته وشو فكرتك قال لها بعدين لما اطلع من الاختبار باقول لك وبعدين رجع وقال لها انه بينسحب.. رجعت وسألته يعني انت ماراح تغني؟ قال لها بدخل عليهم وبشرح لهم موقفي وباقول لهم... هنا قطعوا الصورة وحولوها على فادي الظاهر انه فعلاً تحطم.. بس المفروض انه يشد على نفسه ويحاول يستمر حتى لو كنا ضده... هو جاته فرصة انه يثبت نفسه ويغيير من صورته اللي اخذناها عليه لكن ماعرف يستغلها او يمكن مالقى احد يوجه صح... عموماً اتمنى له التوفيق خارج الاكاديمية

طيب ولا تزعل مبروك رجوع موخا كذا احسن انا ما ابيه ينسحب ابيه يجلس عشان يشوف نسبته في المره الجايه وفوق هذا ينشات من الطلاب اللي كلهم الان صاروا ضده وبالنسبة لخط تونس التصويت ينحسب منه وحتى لو ماينحسب بنستمر نصوت منه

نفس المقال قريته خلال ربع ساعة في كذا منتدى... المفروض ماتكتبون اي خبر الا متأكدين منه... ماهوب من كتب كلام او خبر في اي منتدى ثاني جيتوا ونقلتوه لنا من غير ما تتأكدون... بالنسبة لمنتدى موخا الرسمي سبب اغلاقة ليس عطل فني وانما لانهم مادفعوا اجار الاشتراك... والمسج اللي يطلع لما تدخل منتدى موخا واضح للي يعرف انجليزي وبعدين اخوي انت قلت انك بتحضر البرايم وشلون صرت هنا؟ مارحت؟ بالنسبة لانسحاب موخا... اعتقد الافضل له انه ينسحب لانه لو طلع مرة ثانية نومينية راح تكون النسبة اقل من 15%.. والشي الثاني للاسف موخا اليوم خسر حتى اصوات الطلاب اللي صوتوا له.. انا شفت شيماء وهاني بعد ماطلع خالد سليم وقبل حصة وديع يتكلمون عن موخا .. وقال هاني شفتي موخا بيعاملني ازي؟ دا حتى ماقال لي حاجة! وكان مستغرب من تصرف موخا.. وقالت له شيماء ايه شفت.. يعني المرة الجاية راح تكون جداً صعبة على موخا من جميع الجهات.

انا صوت ضده وتمنيت خروجه من الاكاديمية... ولما رجع بتصويت الطلاب قلت معليش المهم انه عرف من 15% نتيجة تصرفاته وان مهما كان الخلاف اللي بينه وبين الدوسري المفروض مايصوت ضده لان الواحد ماله الا أهله.. وقلت راح اواصل التصويت ضده الى ان يطلع من الاكاديمية.. لكن طالما انه انسحب اعتبر ان الموضوع اللي بيني وبينه انتهى والله يوفقه بحياته..

انا اشوف ان الموضوع عادي جداً... موخا غلط عليهم ومن حقهم يكرهونه.. واعتقد لو غلط عليكم انتم راح تكون لكم نفس ردة الفعل إلا في حالة ان تكونون غير قبليين فأكيد ماراح تهتمون.. وبعدين انتم دائماً شعاركم حتى في الغلط (حرية شخصية).. خلاص اعتبروا الموضوع حرية شخصية واللي يقول ان فادي مسيحي وجوزيف مسيحي ومايجوز يلبسون شي عليه لفظ الجلالة.. اقول لهم: - وش الدليل على انه مايجوز يلبسونه لانهم مسيحيين؟ - موخا حاط على ايده ربطات عليها لفظ الجلالة.. واحياناً يلبس تيشورتات عليها شعار السعودية ولفظ الجلالة ليه ماقلتم مايجوز يدخل فيها الحمام؟ والا هو يفسخ التيشورت كل مادخل الحمام؟ - الجمهور اللي يحضر لبرايم كل جمعة وهم شايلين علم السعودية وعليه لفظ الجلالة.. ليه ماقلتم لهم مايجوز هذا مكان كله اغاني ورقص واختلاط ؟ اقول عالجوا اخطاء موخا قبل ماتنقدون غيركم وشوفوا اذا نومه على كنبه وحدة مع راقية ويتلحف معاها بنفس للحاف يجوز او مايجوز؟ وحضنه للبنات وتبوسهم يجوز او مايجوز؟ والرقص الجمايكي اللي معروف بالحركات القليلة أدب يجوز او مايجوز؟ مالكم شغل ببنات القصيم كافي الكلام اللي قاله كوخا واذا على شعار السعودية على فكرة حتى في البيت الابيض حاطينه...

اليسار متزوجة

ريم وبس وموخا الجمعة بالمطار والله يعينه على اللي متحلفين فيه

اكيد بصوت ضد محمد فهد وطالما ان التصويت من خط تونس فقط للتونسيين وماهو محسوب بكرة انشاء الله بنروح البحرين وبنصوت لريم من هناك.. وما انسى كلام ريما عن الدوسري وحبها له .. ريم وجوزيف الوحيدين اللي دائماً يذكرون الدوسري بالخير..

لا ريم غنت ممتاز اليوم .. بصراحة بدعت في الغناء والرقص النومينية وحسب التقييم هم: محمد فهد خليفة وجدي بيرجع وجدي بتصويت الجمهور وخليفة بتصويت الطلاب ومحمد فهد بيرجع برفسة من الطلاب الى السعودية

يستاهل ماجاه عساه بهالحال واردى

تسلمين يالغالية على الصور الله يحفظه ويوفقه ويخليه لعين ترجيه مشاءالله تبارك الله اعيونه ونظراته تاخذ العقل

طبعاً هذا في عدد سيدتي الجديد

الشكري وعيسى من اول ما طلع الدوسري نومينية مع ان الكل شاف اداءه كان ممتاز وفادي اللي نسى الكلمات وغير اللحن ماطلع اعرفوا ان هم المستهدفين وان يبون يطلعونهم واحد ورى الثاني مهما كان الاداء.. ليه يتعبون نفسهم في التحضير للاختبار اذا في النهايه راح يطلعونهم نومينية؟ فا اختصروا عليهم الطريق وقدموا لهم على قدر استطاعتهم... وبعدين كلنا شفنا تقييم اسامة للدوسري بعد ماطلع من الاكاديمية... قال الرحباني صحيح الدوسري صايب النوتات لكن مافيه احساس! هنا الواحد يستغرب! وش المطلوب؟ انهم يأدون الاغاني من غير نشاز اهم او انهم يأدون الاغاني بنشاز؟ لو جينا لعيسى والشكري وقبلهم الدوسري ماكانوا ينشزون وكانوا دائماً يصيبون النوتات وخصوصاً في التقييم.. لكن العذر الوحيد اللي دائماً يطلعونه لهم هو (مخارج الحروف غير واضحه)! اذا احنا مشاهدين ونشوف ان مخارج الحروف واضحة ومافيها اي شي...! معناها ان الادارة يدورون لهم اي عذر عشان يطلعون الخليجيين... الكل ينشز في التقييم والوحيدين الي ماينشزون هم (الدوسري - عيسى - الشكري - شيماء - هناء - جوزيف)

وانا مع المقاطعة لا للتصــــــــــــــــويت اللي يقول ان الدوسري نسبته قليلة عشان الخطوط انقطعت بأمر من الهيئة احب اصحح له معلوماته: خطوط الاتصال على الدولي كانت مفتوحة وصوتنا منها للدوسري لكن بعد تصويت موخا ضد الدوسري وبعد حالة الغضب اللي عمت المملكة بسبب تصرف موخا وكلامه الغير لائق عن السعوديات تم وقف خطوط التصويت عن موخا.

المؤمن لا يلدق من جحره مرتين وهو انسان اناني وماله امان.. ولو ماقال له اخوه وهو يكلمه بالتلميح خلك مع اعيال عمك كان ماصوت لعيسى وكلنا شفنا الخوف اللي على وجه موخا وهو جالس بالحديقة مع فادي ويقول انه ماهو مصدق النتيجة خله يستاهل عشان يعرف اذا طلع نومينية بتكون نسبته اقل من عيسى يعني 0% عموماً اي كلمة او اي تصرف يسويه موخا الحين مايعني لنا اي شي لان حنا بالسعودية كرهناه وبسبب تصرفاته الحقوده حتى التصويت اقطعوه عنا وماقدرنا نصوت لعيسى

والله النسبة صدق تحزن بس والله لو التصويت عندنا بالسعودية مفتوح كان وربي ماقصرنا لكن لا تنسون ان الخليج صار لهم اربع اسابيع ورى بعض وهم يصوتون اول مره لـ موخا وثاني مرة للشكري والدوسري وثالث مرة للدوسري والحين عيسى والشي الثاني للاسف ان الخليجيين السنه هذي ماهم على قب واحد فيه بعض الخليجيين صوتوا لريم يوم كانت نومينية مع الدوسري والحين بعد بعضهم صوتوا لمروة وبعضهم لوجدي وانتم شفتوا المسجات وتعرفون من اقصد

وجدي بالجمهور ومروى بالطلاب وعيسى وللاسف بيرجع البحرين

روحي لموقعة الرسمي بتلاقين رقمة والايميل بعد واليوم الساعة 9 بيدخل الشات الصوتي

مشكوين حبايب قلبي

تكفون لا تخلونه صوتوا له قد ماتقدرون وبإذن الله يرجع بتصويتكم ومايحتاج لتصويت الطلاب

والله ان ودي ارد لو قليل من جمايلكم علينا ونرد لعيسى لو قليل من حسن تعامله ووقفته مع ولدنا الدوسري لكن للاسف من يوم ماطلع الدوسري من الاكاديمية وهم قاطعين خطوط التصويت الدولية من السعودية الظاهر حركة موخا بالتصويت ضد ابن بلده مارضوا عليها حتى الاتصالات السعودية عندنا وقطعوا الخطوط عشان يضمنون ان محد يصوت لموخا يعني مانقدر نصوت لا لعيسى ولا لغيره شدوا حيلكم وصوتوا له والله حرام يطلع المفروض هو مايسمونه نومينية لانه ماشارك بالبرايم الاخير وهم على حسب كلامهم انهم يقييمون كل شي حتى ادائهم بالبرايم