[قبّلت ملحم زين... وماتت]

انا لله و انا اليه راجعون !!!

[الصور الأولى لإعلان بيبسي مع النجمة اليسا]

أرزاق !!!

[شريط فديوا خاص مسرب لعائله سعوديه]

صج و الله غريب ... الله يساعدهم الصراحة !!

 

بيني و بينكم هاي أهون ...

 

في ناس تصور أشياء أكثر خصوصية من جذي(وهاي أكبر غلط!!!!)...وتطيح بيد ناس تنشرها على الملأ !!!

 

الله يستر على عبادة !!!

[لو اكتشفت 000 ادخل احسن]

طبعا هاي كان يصير قبل ما اعتقد يصير الحين...

 

هالأيام الولد والبنت ممكن يعرفون بعضهم سنين...ومتفاهمين و متفقين على كل شيء

 

أتمنى لكل الشباب و الشابات يحصلون نصهم الثاني..و الله يوفق الكل

[جواز باكستاني ماخذ الجنسية البحرينية]

سمعت قصة عن واحد من الاشكال اللي انعطوا جوازات نفس اخونه اللي فوق ... طبعا اهو ياي اهني لا سكن و لابيت ولاشي...يوم عطوه الجواز و سوو له بطاقة سكانية ... حطوه له عنوان من عندهم في البطاقة...تخيلوا العنوان طلع مال بيت هنود ثانيين في المحرق !!!!

[أميره محمد بلوك الجديد]

صناعة النجوم !!!!

 

و عش رجباً ترى العجب!!

[مدرسة الغناء الحديثة]

صح .. هاذي السائد هالايام !

 

وصار اللي يقدم عمل أو كليب محترم يعتبر شاذ عن البقية ... وصاروا هذيله المقياس للانتشار و النجاح !

 

الله يستر !

[فندق تحت الماء]

ايه والله ... اهما سباقين في كل شي...

 

خلنا احنا اهني نايمين في العسل !! ???

[حادث الفنان ..شعبان...]

شكرا اخوي على التوضيح

[بنات البحرين وسوريا]

صح...الكلام يمكن ماينطبق بس على سوريا...

 

خله أحد منكم يروح القاهرة هل الأيام..عز الصيف يعني...ويشوف بعض البنات(انا قلت البعض) الخليجيات من غير محرم...و قاطيين الشيلة و محد لهم...يروحون و يردون على كيفهم..

 

حتى اللي يروحون يدرسون برع...خصوصا في البلاد الأجنبية...وايد منهم انحرفوا وضاعوا هناك...يعني وايد أكثر من قبل...الصراحة انه اشجع كل ولي أمر يشجع بنته على الدراسة في البحرين..و ارجوكم لاحد يحاول يقول لي اللي بتسوي شي ما تفرق في البحرين أو بره..لا تفرق..الضرر اهني راح يكون أقل....مادري شنو رايكم ؟

[موضوع جديد للنقاش]

سؤالي هو:

 

ماذا يمكن أن يفعل زوج علم أن زوجته وأم أولاده قد انزلقت إلى علاقة إلكترونية مع أحد الأشخاص ؟

 

هل الانفصال هو الرد الأنسب ولو طلبته الزوجة بنفسها؟ وهل الاستمرار في العلاقة الزوجية بعد حصول مثل هذه الورطة هو من قبيل الترقيع لعلاقة فشلت؟

 

وما ذنب الأطفال في خطأ الأم أو إهمال الأب أو الجهل بالإنترنت... إلخ؟

 

أتمنى من الجميع المشاركة ...

[زهرة عرفات..باللوك الجديد...]

مب حلوين الصور :-[

[نــــــــــــــانسي عجرم...]

صح..صورها قبل شي ثاني..

 

هاي اللي يسمونه "صناعة النجوم" !!!

[اعتزال ...الفنانة رائدة ...]

من هاي رائدة ؟

 

عندها ألبوم ؟

[ألبوم خالد الشيـخ الجديد " عيد ميلادي "]

صح احنا ننتظر الألبوم بفارغ الصبر,,,,

 

ونتمنى تكون فيه نقلة أو مفاجأة فنية على مستوى التوزيع و الألحان...

 

حتى يبقى خالد الشيخ الفنان المتجدد دائما

[انتظروني فأنا عائد في رمضان]

أنا أقولج...

 

تذكرين "هلالو" ولد أم هلال...

 

هذي أهوه !!

[اصــــــاله نصري]

من الأصل اهيه حلوة الصراحة...

[بمناسبة نزول شريط راشد الماجد الجديد/ اختراق للموقع]

بـــــــــــــــــــــــــــــــــــــــــــــــــل !!!

 

ليش هاللون عـــــــــــــــــــــــــــاد !!!!

[حفل فرقه البحرين للموسيقى!!]

صح يعطيكم الف عافية....التغطية فعلا حلوة كانت....

 

بس أنا أحلى شي عجبني الصراحة أنكم ابرزتوا الموهبة الجديدة الفنان و الاستاذ خالد مندي...أنا بصراحة من أشد المعجبين بهالفنان...وأتوقع له مستقبل باهر في مجال التلحين والتنفيذ الموسيقي...بس عليه مايتقيد بالأغاني الوطنية بس...والدليل عندي على تميز هالانسان...أغنية ملكنا غير...اتحدى اي شخص يقول اي شي عنها...خصوصا الناس اللي دايما يشككون في قدرة الموزع البحريني و يفضلون الأجانب....

 

سمعوا الأغنية كموسيقى من غير صوت عادل...سمعوا التوزيع و الاشياء الحلوة اللي قاعدة تنقال !

 

http://www.adelmahmood.com/real_songs/male...lekna_music.ram

[آلة الكمان]

أخوي كام شكلك مدرس موسيقى أو عندك معهد !!

 

عالعموم...يعطيك العافية !

[الأوركسترا السيمفوني]

مشكور يا كام على هل المعلومات القيمة...

 

أنا الصراحة شفت الاوركسترا الملكي العماني في التلفزيون...بغيت أصيح :'(

 

ليش ياخوي مايصير عندنا جذي فرقة في البحرين ؟؟

 

ليش كل الدول سبقونا في اشياء المفروض تكون عندنا من زمان !! ؟؟

[دعوة الى حفل فرقة البحرين للموسيقى]

ياجماعة هاي مجموعة صور لبروفات الفنان عادل محمود توها نازلة fresh في موقعه الخاص. أتمنى تنال إعجابكم. نشكر الفنان عادل الصراحة على ال Update الحلو!!!!

 

 

 

 

و هاي بعد فيديوكليب من نفس البروفة...والله انك خطير ياعادل

 

http://www.adelmahmood.com/real_video/brova.ram

 

خله الناس تعرف شكثر الفنان يتعب عشان ينتج شي حلو يرضي جمهوره !

[فنانين وحرامية؟!!]

أخت نورة مشكورة على هالمساهمة الحلوة....

 

فعلا شي غريب اللي قاعد يصير....الكل قاعد يبوق هالايام...مب على مستوى الفيديوكليب بس...لا ناس تبوق ألحان و افكار و كلمات....

 

و الغريب ان العمل ال Copy أو التقليد...ساعات أو معظم الأحيان ينجح و يكسر أكثر من العمل الأصلي !!!!!

 

خذي مثال بسيط...أغنية "ياغايب" لفضل شاكر...مسروقة بالكامل من أغنية تركية أو ايرانية مب متأكد..و الناس تعرف هالشي ومع ذلك فرحانة و مستانسة فيها !!!

 

حد عنده تفسير ؟؟؟

[فن الأغاني الإماراتية الجديدة]

ياجماعة الخير ... بغيت رايكم في شغلة فنية شوي...

 

أكيد معظمكم سمع مجموعة من الأغاني باللون الاماراتي المنتشرة هالأيام خصوصا على إمارات أف أم...ويؤديها كبار نجوم الخليج بدون إستثناء...

 

شنو رايكم في هالنوع من الأغاني سريعة الظهور والاختفاء (إن صحت التسمية) ؟؟

 

لاحظ انك تسمع مجموعة كبيرة من الأغاني...متشابهة الألحان...تنفيذ موسيقي متواضع من الناحية الفنية...حشد كبير من الكورال الرجالي و النسائي و الأطفال(على فكرة نفس الحشد يتكرر في كل الأغاني) اللي ماتفهم شقاعدين يقولون في معظم الأحيان ...

 

واللي لاحظته بعد انه كتاب هالأغاني وملحنيها هم مجموعة ثابتة تتكرر في جميع الأعمال..وهذا هو سبب التشابه على ما اعتقد...

 

والأهم من هذا كله..اني سمعت...والعهدة على الراوي...ان هذي الأغاني مادية بحتة...خله أشرح لكم شلون:

 

الوضع الطبيعي في الفن ان المطرب ياخذ نص شعري من شاعر مقابل مردود معين...

لكن اللي قاعد يصير في هالأغاني...ان فئة من الشعراء الموسرين(الراهيين يعني) يدفع مبالغ خيالية مقابل ان يغني كلماته النجم الفلاني !!!!! و الله العالم ان كانت فعلا كلماته...عشان جذي صرنا نسمع نجوم كبار...أغانيهم الخاصة من أروع مايمكن...صاروا يغنون هالنوع من الأغاني التجارية في سبيل المادة بس !!

 

على فكرة أنا مب ضد الفن الاماراتي...فيه الكثير من الاغاني الاماراتيه الجميلة لحنا و كلمات و توزيع موسيقي متكامل...انا انتقد نوع معين بس..هو اللي ذكرته لكم !

 

أنتظر مشاركات الجميع في الموضوع...وسوري إذا ثقلت عليكم...وهذا راي الشخصي