للامانه الموضوع منقول بس لانه حسيت ها الموضوع يبرهن للجميع بانه خليفه في كل اختبار مبدع في افكاره ويستاهل انه الواحد يوقف معاه بدل ما انعلق عليه على شغلات مالها علاقه بادائه في الاكاديميه واستغرب من موضوع قريته عن ( شعر خليفه ) مسكين الولد ما حصلنا شي عليه نعلق على شعره ..
اولا خليفه اسمر والسمر في خليجنا هذا شعرهم وهذي خلقه رب العالمين مب حلوه نقعد انعلق على خلقه رب العالمين
ثانيا خليفه وايد يحب اهل الخليج وبعد خروج عيسى دايما يذكره بالخير ويغني للبحرين وللكويت امس وقت المسجات وفوق هذا يلقى نقد ...
ما راح اطول بس اتمني من الي يتابعونه لا يوقفون على اشياء بسيطه وينسون روحه الطيبه وعلاقه مع اخوانه الخليجين ..
نرجع لموضوعنا واحط لكم مقاله منقوله
يوم عن يوم يثبت خليفه انه صاحب الابداع والابهار والتجدد في كل فكره ..
اختبار اليوم برهن للجميع بانه ممثل بارع كما قالت لجنه التحكيم سواء كان غابي او المدير فؤاد وجميعهم اصحاب نظره في الاختبار السابق صحيح انه الغناء اليوم ما كان مثل كل مره بس الي غطي على الاغنيه روعه المشهد ...
مجانين في مصحه عقليه ( حتى المجانين يحبون ) اداء خليفه متقن جدا لدرجه انه المشاهد يعتقد في لحظه انه فعلا مجنون ..
لن اشرح المشهد كثيرا بس خليفه له مستقبل كبير في عالم التمثيل وان شاءالله نشوفه السنه الجايه في احد المسلسلات المحليه او يجيه عرض من دول الخليج لانه وبكل بساطه موهوب في التمثيل ...