السنيارية

ما أصدق !!! ما تحبين واحد ما كلم بنات من قبل !!!!! لا حول ولا قوة إلا بالله العلي العظيم حسبي الله ونعم الوكيل في بنت تتمنى تتزوج واحد كلم بنات وشبع منهم !!! شلون تقدر توثق فيه !! أصلاً هاذي عاصي ربه

لاحظت وايد بنات يسوون هالحركة .. بعضهم بعقل .. تلقى حجم الكليب صغير .. بس مرة في خلف (الله يرحم المتوفي برحمته) دخلت علينا وحدة راسها كان فظاااااااااااااااااااااااعة !!! مخيف .. كانها حاطة لها طابوقة حمرة على راسها !! كان راسها طويل موب مدور !!! حته كان خاطري أقولها رفعي السيلة شوي أبي أجوف شنو تحتها هههههههههههههههههه يعني الطبيعي أن الراس يكون مدور من فوق .. بس مستطيل !!!!!!!!! والله كان شكلها مقرف ومخبف !! وما يناسب أنها تدخل خلف بهالراس !!!

أنا عن نفسي اجوف هالشي عادي يعني هي زوجته على سنة الله ورسوله ما فيها شي لو مسكو يد بعض .. بس بدون حركات وتلصق ماله داعي مو عيب ان الوحدة تمسك يد زوجها .. بس العيب أن تلصق فيه أكثر من اللازم .. كأنها تبي تقهر باقي البنات أنها متزوجة هههههههههههههههه لا بس عادي .. وبالعكس حركة حلوة أنهم يمسكون يد بعض

وجه ندائك لرب العالمين اللي خلقك وخلق المهدي !!! لا حول ولا قوة إلا بالله العلي العظيم تستغيث بغير الله عز وجل !! اللهم لا تؤاخذنا بما فعل السفهاء منا أمس شريت (حليب أطفال) من الصيدلية إلا أنصدمت من السعر !!! قبل كان سعره 1,950 فلس .. والحين صار سعره 2,675 فلس !! يعني تخيلوا جم علبة بنشتري في الشهر !! غير أن أحنه كل شهر نشتري أغراص البيت من الجمعية الي في الحد .. وساعات ما نحتاج نشتري الأغراض كل شهر .. لأنها ما تخلص وتكون عندنا كمية من الشهر الي طاف .. بس بعد تطلع الفاتورة بنفس المبلغ القديم !!!!! وعرفنا عقبها إلا الأسعار قاعدة ترتفع بدون ما نلاحظ .. وقبل الزيادة أعرف ناس صاروا يشترون أغراض البيت من السعودية !!!! تخيلوا يقولون هناك أرخص من البحرين !! وعندهم (أوفرات) حلوة بعد !!! يعني هاذي حالتنا الحين !! نشخطها السعودية ونشري من السوبرماركت الي هناك ونرجع !!!

.. الله يوفقهم .. وبالعكس في وايد عائلات تتمنى تسكن في فندق إسلامي .. أو على الأقل فندق بدون خمور وبدون رقاصات ومسخرة .. خصوصاً لما العائلة يكون فيها أولاد صغار .. أو العائلة تكون متدينة ..

خلنا نرجع أول للسبب الرئيسي للتجنيس !!! ليش الحكومة جنست كل هالأوادم !! السبب الرئيسي للتجنيس هو (المسيرات و التخريبات و السبب الأهم الإنقلاب على الحكومة الخليفية) هذه هي الأسباب الرئيسية للتجنيس العشوائي

200 دينار !!! والله حرام عليهم .. الـ 200 شنو تسوي هالأيام !! ناس رواتبهم 200 دينار .. وناس أقساط سياراتهم 200 دينار !! وناس تسوقهم في المجمعات بـ 200 دينار !! والأعظم ناس شناطهم الماركات بـ 200 دينار ! والله حالة الله يغنيننا عن الحاجة و السؤال

الله يحسن خاتمة أعمالنا لا حول ولا قوة إلا بالله العلي العظيم

أختي نحرها .. انا سمعت أن بعض القرى كانت تهدد المخربين أن لو طلع منهم شيء غلط مثل التكسير و الحرق راح يبلغون عنهم شخصياً حتى قوات الأمن ما تضطر تستخدم مسيل الدموع و يتضرر الكل .. انتوا تتضررون لأنكم ساكتين عنهم .. يخربون ويكسرون و انتوا تتعاقبون معاهم في النهاية .. وقفوا في ويههم .. وشوي شوي راح يعرفون أن وضعهم خطر .. وأكيد بيلقون لهم مكان ثاني يخربون فيه ويحرقون . خلكم صارمين معاهم ..

والله يا الطيب ما حصلتوا غير الدست و التكفخ و التخيس في السجن غير جذي ما حصلتوا شيء .. والدليل حالكم من ردي لي أردى

يعني ماعليه لو رفعوا المبلغ بس عاد موب على البحرينيين .. على الأقل على الأجانب و المقيمين بس .. مثل المراكز الصحية قبل .. رسوم البحريني غير رسوم الأجنبي .. حرام والله حرام .. كل شيء صار غالي .. يعني عقب عشر سنين او 15 سنة أخواننا وعيالنا جم ندفع لهم حتى يتدربون !! 20 دينار حق الساعة !!! رحمونا عاد !! زيدوا رواتبنا وعقبها رفعوا الأسعار .. حسبي الله ونعم الوكيل

والله إذا القانون ما عاقبه .. أهل البنت و الشعب البحريني الغيور على اهل ديرته المفروض انه يطبق القصاص فيه .. المفروض انه ينضرب جدام الناس في الشارع حتى يكون عبرة لغيره .. وحتى يلقى له ديرة ثانية ترضى فيه .. ما نتشرف بأمثال هالنجس في ديرتنا .. الله ياخذ حق البنت منه في الدنيا و في الآخرة .. ناس ما تخاف ربها والعياذ بالله ..

هههههههههههههههههههههههه الجلحة الملحة إي والله .. ألعاب قديمة وحالتها حالة .. حتى الحزام مال اللعبة منتف وأقل شيء ينقص .. وبعد بـ 300 و رايح 200 فلس أحسها حق العاب اليهال والألعاب السخيفة اللي ما لها معنى ..

سلمت يمناج أختي على هالكلام الصراحة كفو عليهم النواب .. والله لو ما تكلموا على المسخرة اللي صارت في الديرة جان الكل قام عليهم . النواب ما قصروا يتكلمون عن حقوق الشعب .. بس موب النائب هو الي يزيد الرواتب أو يقللها .. موب النائب هو اللي يحرك كل شيء في الديرة .. النائب يتكلم عن الشعب و الباقي على الحكومة و على ديرتنا كل شيء لامو النواب عليه

يا أخوي ابن الرفاع بعض شركات ومؤسسات القطاع الخاص رواتبها مرتفعة ما انكر أبوي موظف في بنك .. وما شاء الله راتبه ممتاز غير البونس و الزيادات و المكافآت والتأمين الصحي والعلاج المجاني .. الخ بس بالنسبة للشركات الصغيرة و مكاتب المحاماة و المقاولات وغيرها .. لا زيادات سنوية ولا مكافآت و لا أوفر تايم والراتب ضعيف مثال .. شركتنا ما يعطون زيادة سنوية في الراتب ولو بسيطة .. ولا مكافآت ولا أوفر تايم (مع أن الشغل وايد والتأخير شيء عادي) ولا بدل مواصلات .. الراتب الأساسي وبس .. والله ما تكلمت إلا لأني مجربة .. على العموم .. الله المستعان .. وإن شاء الله ديرتنا تراعينا في المستقبل لأن وايد ناس أعرفهم قرروا يتركون وظائفهم ويتوظفون في قطر لأن الرواتب مرتفعة ..

مشكورة أختي الغالية على الموضوع والصراحة .. ان البرنامج روعة بمعنى الكلمة .. النقاشات فيه حلوة .. تبادل الآراء والأحلى المواضيع الجدية اللي تنطرح والي أغلبها تهم المواطن وتشد انتباهه .. حتى أني في أكثر الأوقات أوصل البيت بس ما انزل من السيارة لأن الموضوع اللي يتكلمون فيه يهمني فكرة تقسيم البرنامج إلى فقرات متنوعة .. وايد حلوة حتى ما ياخذ البرنامج شكل واحد .. الله يعطيكم العافية ومشكورين الصراحة على هالبرنامج الروعة كلمة شكراً ما توفيكم حقكم

الله لكم يا موظفي القطاع الخاص وانا وحدة منهم منسيين والله العظيم منسيين الزيادات و المكافآت و البونس وتعديل الرواتب و الدرجات .. الخ لموظفي الحكومة وأحنه موظفي القطاع الخاص عالة على الديرة .. مو محسوبين من المواطنين مو كأنه عندنا قروض وديون والتزامات .. والله لو نترك أشغالنا أسبوع تتبهدل الديرة بكبرها بس شنقول غير .. الله يعوضنا خير .. حسبي الله ونعم الوكيل حسبي الله ونعم الوكيل

لا حول ولا قوة إلا بالله العلي العظيم بعض أطباء العيادات الخاصة تسببوا في تعريض الكثير من الأطفال و الكبار للخطر .. وحتى للموت كل همهم الفلوس وكثرة الزبائن الله حفظ ولدي من طبيب أطفال يازعم معروف .. كان ولدي ما فيه شيء غير الزكام وسدره شوي من تغيير الجو .. ما تم مرض ما طلعه فيه وآخرتها قال ولدج يحتاج أبرة ( 8 دينار) وبعد ما عطاه التطعيم على طول حرارة ولدي أرتفعت في ربع ساعة بس .. وطلعت من عنده وولدي مو قادر يتنفس من السخونة اللي فيه .. وحتى الحليب من يشربه يرجعه .. ومن البيت على طول للمستشفى وخبروني أن الأبرة ما يستحملها جسم طفل في عمره .. وأن هالدكتور وايد يعطي الأطفال علاج بالغلط .. والدكتور الي في المستشفى مستغرب ليش لحد الحين دكتور العيادة ما سحبوا منه رخصته !!! وبعدها سمعت من أكثر من أم أن هالدكتور وصف لعيالهم أدوية غلط وعطاهم التطعيم نفسه اللي عطاه لولدي حتى واحد من اليهال نقلوه بالإسعاف من العيادة بسبب هالتطعيم والحمدلله ان المستشفى قدروا يلحقون عليه قبل لا يموت حسبي الله ونعم الوكيل ..

يا الله .. الله يعلم شكثر لازم ننتظر لحد ما نحصل لنا بيت إسكان يا ريت قدمنا طلب قرض شراء بيت بدل وحدة سكنية .. على الأقل كنا أول ما نستلم المبلغ ندور لنا بيت صغير نشتريه ونرمم فيه على كيفنا لحد ما يجهز .. بدل ما ننتظر سنين وسنين لحد ما تجهز بيوت الإسكان وبعدها يا يطلع لنا بيت منهم أو ما يطلع .. وإذا ما طلع لنا بيت نموت من القهر مثل اللي مات مقهور في قلالي قبل فترة لأن ما طلع له بيت إسكان وهو فيه السكر و الضغط .. الشكوى لغير الله مذلة .. شكيت لك همي وحزني يا رب العالمين .. اللهم أرزقنا من حيث لا نحتسب .. اللهم بارك لنا فيما رزقتنا .. اللهم أغننا بحلالك عن حرامك اللهم آمين

النجاح! اذا كان معظم اجاباتك (ب) - الرجل الناجح هو الذي تتمنينه زوجا. وحتى اذا كنت متزوجه فأنت تدفعين زوجك الى النجاح بكل ما تملكين من اصرار وتشجيع وحتى تهديد احيانا! ولا يهمك اذا كان النجاح يوصله الى الشهرة او الغنى فالمهم ان تشعري داخل دائرتك بأن زوجك يتميز بمكانه غير عاديه شكراً على الموضوع العجيب .. احب هالنوع من المواضيع اللي فيها اختيار و نتائج نبي مواضيع مثل هالموضوع في المستقبل

أحب الريال المعتدل .. يعني لا أنه يكون متسلط وما يتقبل من زوجته أي رأي لو كان صح وفي صالحهم .. ولا أنه يكون سكان مرته .. تمشيه على هواها .. لأن الزوجة الصراحة بعض الأوقات تفكر بطريقة مأساوية .. وتتخذ قرارات توديها وزوجها في داهية (أنا بنت على فكرة) الزوج الوسط .. شخصيته قوية ورزينة و تفكيره سليم يسمع أفكار زوجته ومقترحاته وبعدها يختار الأصلح لهم ثنينهم .. وتره الزوجة تحب الزوج الي له شخصية قوية معاها ومع غيرها .. وبعد تره الزوجة اللي تمشي زوجها على هواها كأنه ياهل او سكان سيارة (مو شي)

الانتحار !!!!! الي ينتحر ينحرم من رحمة رب العالمين ويدخل النار مخلد فيها يا عالم !!! تنتحرين بس لأن أبوج يتحكم فيج !!!! لا حول ولا قوة إلا بالله العلي العظيم تبين تفتكين من تحكم أبوج وحبسه لج في البيت بالانتحار (معصية الخالق جل جلاله وعظمت قدرته) !!!! يا الله عظيمة هالفكرة .. والله أنها عظيمة والأخت اللي تقول شربت حبوب تبي تنتحر لأن أخوانها يتحكمون فيها ويفتشون موبايلها .. الخ !!!! هاذي كلها أمور دنيوية يا نااااااااااااااااااااااااس .. فكروا بآخرتكم .. فكروا بآخرتتتتتتتتتتتتتتكم .. والله لو يصير أصرخ في الموضوع جان صرخت واحد بينتحر لن الكلب ماله مات .. وانتي تنتحرين لأن أبوج يتحكم فيج وفي طلعاتج ويشك فيج .. وهي تنتحر لأن أخوانها يتحكمون فيها وما يخلونها تطلع ويفتشون موبايلها عيل آنه بانتحر لأن مديري ما يزيد راتبي .. ولأن ما يبقى لي من راتبي شيء .. وهالشي يضايقني يا أختي الناس كلهم عندهم مشاكل وبلاوي .. اعظم من مشكلتج بوايد .. بس عمرهم ما فكروا يعصون رب العالمين خالقهم وخالق و موجد كل شيء .. سؤال : ما تخافون من غضب الرحمن عليكم !! أستغفر الله العظيم من كل ذنب عظيم لا تتوقعين بردي ذي أني أكرهج .. بالعكس والله عصبيتي كلها لأني أحبج وأعتبرج أختي الصغيرة وما اتمنى في يوم من الأيام أني أسمع عنج خبر يعور القلب .. توجهي بدعائج لرب العالمين أن يحنن قلب أبوج عليج .. وصدقيني مع الوقت إن شاء الله بتتحسفين بقوة أنج فكرتي في الانتحار .. يا الله

الحمدلله أن تزوجت ههههههه واندفع المهر وسوينا الحفلة وسافرنا بعد خخخخخ بس والله لو صار هالشيء .. بالعكس بادفع كل الي أقدر عليه .. وباسوي كل اللي في خاطري وخاطر زوجي .. يستاهل بومحمد ما قصر معاي

* تعدد الزوجات: ضد * الزواج المبكر: مع * الوثوق بالناس: ضد المدارس الداخليه : ضد * نوم البنت عند الاقارب : ضد * قيادة المرأه للسيارة: مع * الانترنت: مع * حقوق المرأه : مع * التمسك بالرأي حتى وان كان خاطئا : ضد * الثقه الزائده بالنفس : ضد * ستار اكاديمي : ضد * مقوله : الغايه تبرر الوسيله : ضد * الوجبات السريعه : مع * منح الموبايلات للأطفال : ضد * زواج الأقارب : مع * عيد الحب : ضد * الاختلاط : ضد * البلوتوث : مع * قناة الجزيرة: مع شرط الموضوع كان (جاوب بكلمتين فقط) وإلا كنت علقت على بعض النقاط الموجودة حتى تكون إجاباتي اللي كتبتها تشرح رأيي في الاختيارات

بالعكس أختي إلا نلومه ونلومه .. هذا انتحار مو لعبة علشان كلبه مات ينحرم من رحمة رب العالمين ويخلد في نار جهنم !!! لا والله لو من كان اللي متوفي .. والله أن هالكلب ما راح ينفعه يوم الحشر كثير ناس يموتون لهم أعز أقاربهم بس عمرهم ما فكروا ينتحرون و العياذ بالله ما نقدر ننكر أن 14 سنة فترة طويلة .. والحزن شيء طبيعي في مثل هالحالات .. بس ما توصل لحد الانتحار أو حتى معاقبة النفس و الجسم حزناً على موته .. ثانياً هالشيء مقدر من رب العالمين فمن هو حتى يعترض ويفكر ينتحر !! لا حول ولا قوة إلا بالله العلي العظيم .. هو بهذه الطريقة يعطي الأطفال و المراهقين هالفكرة ..